رواية الطاغية والمغرور الفصل الثامن والاربعون بقلم يارا الياسري
كانت احداثها غريبة لكونها من ارض العراق لاتحتوي على نسبة الخيال لتصحيح المسار
كتبت كما نقلت عن اصحابها ببشاعة الجشع والنذالة وقوة الحق وضهوره لازهاق الباطل
ابتدت حكاية تلك الطاغية القوية الصبورة المؤمنة لنادرة الوجود واوشكت لختامها
تاركة لكم العبرة منها .
من انا
أنا من كانت شفافة تضحك لنسمات الهواء
انا التي بظلام اليل زحت عن حياتي ستار الامان
ومشيت بفرح في ظلمات التوقعات
فوقعت في هاوية الافعال
هربت لتحقيق مافاتني من ايام
فاستقبلني الدهر بألم واهات .
تينة انخطف كلبي وسط كلمة لكن كمل شنو ؟
لكن كلياتها متاذية شوية وخايف لا يصير شي ويجبره ان يشيلها
هنا شهكت مصدومة اوووف حظ جيس تبن الله يشافيها اني راح اجيكم بهر واصف يمه
طول هالايام أصف رغم بورد ابهر ماتركه وصايرله سند وعطف بعيونه لابن عمه
سلمت و سالت نكدر نشوفها ؟؟
أبهر : اي
دخلت بس نايمة فزت على صوتي ولمساتي الها باتسمت الحمد الله عسلامتج خطيتها يالعنيدة
ابتمست متوجعة
لارا بصوت تعبانة ووجه شاحب مختفية الحياة ممنه مامصدكة عايشة واشوف هالخلقة
تينة اي عيني خلقتي ترد الروح
لاار عابت خالتي ؟ظ
زينة بخير تسال عنج يالخبلة بجيتي العالم عليج
لارا حاولت تتنفس بس سمعت اهاتها من حقي الوعهم خلي سحون شكد غيابي موجع
تينة من حورج .
شوية وطلعت حسيتها تعبانة أبهر شنو وضعها ؟
تنهد معتصر كلبه ماعرف تينة الدكتور خوفنا هي بعدها صغيرة وهالطلقتين مو هينات
بنص هالكلام واجه أصف بهمس لكفته الي صوبها
هنا خطف كلبي ابهر فتح عيونه ولزم عكس اصف تشاقى
اصف لا والله وكلت جماعة ابوية ولكفوا
خلوا بمخزن المواد الققديم
أبهر عافني بحيرتي وطلع ورااه اصف اني ركضت ورهام ماردوا لبسنوني
عزززا اريد افتهم شنو اووف ياربي ابن شيراز النغل شيكعده .
بالطريق
أبهر اذ الزمه الا اخلي يزوع حليب امه
اصف وياك ابن العم امشي بزودك اني بضهرك
باوعله أبهر بنظرة جانبية شامخة وركز بالطريق
دخلوا للمخزن وهنا بدون سابق انذار استلموا دك ضرب
وبوكسيات بعد عدت جولات لزمه أبهر من راسه مزنجر بوجه منوووو أنت ياعار دازكم ؟؟؟\
ضحك فاروق رغم الجم الي بوجهه الك عار اجينه نغسل عارنا ونكتل بت العاهرة
الي نزلت راس اهلها قضية شرف روح سلمنا ناكل ثلاث سنين ياحرام ماكدرت تتهنى بمرتك
بس شنسوياك خذت ك*
رجع ضربه أبهر ولشوية موته طلع جنسيته وهنا كشف فاروق ابن عمها للارا
رجع مزنجر ماتبت عمك وابن عم ابوك نكتلوا على ايد عمي وتهددوا والكم عارات انتم كدنا
وتتورطون لو نذبحك هناااا نطلع نلوح بايدينا محد يكول منووو مات حالك حال جلب مات بالشارع
فاروق بتحدي اذ انت زلمة سويها
ابهر رجع نام فوك دك بوكسيات وراجديات ماحس الا أصف الي سحبه وهو يعيط
أصف تخبلت يولي هالعار تكتله وتلوث ايديك عوفها لخالك نورط بقضية ونشمره سجن صبية
أبهر انكلبت ملامحه دم ومحتقن الدم بعروكه لتريد تنفجر بعد لحضات من خروجه من المخزن اجه شيراز الي كان
معصب من تصرفهم المتهور
شيراز بزجر شهالتصرفات كلتلكم سلموا بيدي اني اتصرف ويااا
أبهر بعصبية وصلها للموت ياخالي اذ هالمرة تتصرف بنفس ا لطريقة وتخلي حر
راح اني تعامل بغير طرق
شيراز بعصبية مط شفتة يصير خير روح أرجعلها للمستشفى واني اتصرف .
لارا جنت غافية بالستشفى يبقى أبهر يمي ومرات تينة بس هاليوم تينة اباوع ماكو
من فزيت شووية ودخل أبهر أبتسمت وين جنت؟؟
أبتسم هنااا شلون صرتي ؟
لارا يتوجع : زينة
صفن بوجهي وكال
يبنية ليريد يرتاح كون يكابل عيونج
ضحكت خجل بعدهن حلوات المرض ذبل كل جمال بوجهي
أبهر بعذوبة قرب وكعد على السرير حلوة وتخبلين عيونج مثل بغداد حتى بخرابها تاخذ الروح
لارا بهدوة اول هزيمة لكلبي عيونك وحبك لسكن كلبي
تنهد وبنظراته عشك يذوب الصخر همس لج لخاطر عيونج امشي على الجمر واني الممنون
لزمت كفه وخليته على كلبي تعرف هنا يدك باسمك وبس صرت هلي وسندي صرت عيوني الاثنين
حليت هالدنيا بعيني ورسمت حبك والفرح بسنيني
مانحس الا تينة دخلت فزاعة احم احم
خربت اللحضات اين أبات ويااها انت شكو رجعت ؟
اندار الها وبمزح قاطع اللحضات الجميلة مجلبة للتعاس
تينة هزتله كتف اووي غير يستقر مجنون ليلى مستشفى والبنية مريضة تروح تنفتح عمليتها
باوعتله
كالت بصوت عالي شنو المحركات لو صعدت حرارتها تفجر المسشتفى بينا يلة وليدي توكل لحضن خالك
والا اكلك ابن عمك براااا ينتظرك مثل لجلب
خزرها وبوسني بحنية وراح
سدت الباب واجتني خجلانة عشتووو اكول بسم الله سلمتي الاكو والماكو وين الثكل ؟؟
لارا ياثكل لوحده الزمن ثكل علينا فرحتنا وخربها بعد ثكليج كافي عذذاب وشوك .
تينة يمة تخوفين نار كبرة يلة عيني نامي حتى تصيرين زينة مو زين وغمزت مو زين عليج التفكير الرومانسي
يسبب حساسية بالمناطق الحساسة وتضحك شهرتنا بضحكتها .
وشمرت نفسها على الجرباية ليمي لانجناح خاص خلونا همست بتعب تينة خالتي شلونها ؟
ريان ؟
تينة تنهدتت زينة بس هواي تسأل عنج بصراحة ماخبرتها خفت من شيراز .
لارا زفرت أنفاسي افضل لارا زين سويتي .
الله يسعدها بلكت لو بعدت عنها تنسعد .
تينة كعدت واجتي يمي انجبي مخبلة أنتي بعدين حظ خالتج من كاعه اسود انت شكو ؟
وبس تعرف رجعتج لابهر راح تطير فرح صراحة أبهر ثقة وانسان محترم متصراح وويانفسه صح
هند عصبية بس بسيطة وانتي ويا متراهمين .
لارا هزيت راسي بصمت متوجعه وجع ينخر بروحي رغم مهدات والوجع خفيف بس يبقى وجع
حركتي متقيدة موجوعه احس سوط غير مرئي يجلدني مو بس اماكن االرصاص حتى قلبي
غمضت طالبة النوم يزورني .
_________________________________________
رحيق طول هالفترة عشق يمي مبينة مخطوفة لونها وحتى خود
اتفاجات بشيراز ماجه خذاها وخود متونسة
تلاعب بريان ضحكت حبيتها ؟؟
رفعت راسها هوواي يمتة تكبر وتلعب وياية
بعد ماما هواي يلة مشاعري ماتغيرت اتجاه خود بالفعل احسها قطعة مني
وماخذة كليبي مادري شفقة عليها بس ماحسيت بتغير مشاعر اتجاهه
عافت ريان واجت يمي حضنتي بقوة وراسها بصدري مسدت على شعرها
رفعت راسها الي وسالت
خود بدلع :ماما ماراح تحبين ريان اكثر مني ؟؟
ابتسمت لا يروحي اثنينجن نفس المحبة انتي بكلبي وهي بكلبي
خود ضحكت وبابا وين لعد ؟؟
أبتسمت بوجهه بمعدتي
ضلينا نضحك نومتها بحضني وخليتها على فراشي بس قلقانة على لارا
مو عوايدها هالخفية .
اجت عشق جايبتلي عصير باوعتلها عشق لارا بيهاشي؟؟
حسيت بارتبكاها وتعلثمها تمتمت
لا مابيها شي طاك فيوز براسها
رحيق بعد تصديق : بس حتى لو طاك تجي هي ماجت
ولا اتصلت تطمن هاي مو تصرفات لارا
حولت عشق عيونها يمين يسار وتنهدت مادري والله .
عشق
نزلت منها واني ببالي بكلشي صار خابرت ماما
وبقت ترزل لان واجهت عمتي
من خوفها يسوالي شي
كعدت على درج حايرة اتصلت بعمي مايرد
ورجعت اتصلت مرة الخ
رد بعصبية ها عشق عمو بعدين بعدين عندي شغل .
غلقت منه عمي شيراز علاقته واياية يعني زينة قبل حيل دلبني
معوضني عنب ابا بس بعد موت جلبهار
خاف وقلل تعلقه بين كلنا خاف من الفقد حقه
واني بيبتي وياية ماعافتني ولايوم مخليتني بعينها وكلبها
وابهر سندي من بعد الله اخ لماجابت امي
بقيت جوة افتر بين الورود واباوع للسمة ترد الروح .
وشوية واشوف جدتي تاشر من الشباك دخلت ركض
عبالي بيها شي ها جدة .
رحيق كمت نزلت للجوة لودي الكاس
وشفت عشق دخلت ركض خفت صاير شي
رحت وراها للصالة المغلقة وأسمع الحجية وعشق بالصالة تسالها
الحجية شلون صارت لارا خما ياثر عليها مستقبلا ؟؟
عشق بتنهيدة ماادري جدة هي طلقتين مو هينة هالبنية ولاارتاحت منه
عمتي وخطفتها
ومن كشف كلشي تصوبت
هنااا اني صرخت بلا وعي ووكعت الكلاص عزززا
لارا شبيها منو صوبها لطمت
واجت عشق رحيق زينة مابيها شي
عصبت بوجه ليش ماكلتي ليشش اخر الناس ادري لج
اسالج تكلولي مابهيا شي احجي واجر بيها
عشق : دخلت كعدتها جووة يم جدتي وجدتي معصبة
واول ماكعدت كالتي بتهديد بعدين تسولفلي شسالفة عمتج
هنا عرفت لوصت وجبت طاري القران بنص ملحدين
لو ساكتة ولا مخربطة
رحيق ايدها على كلبها كوليلي شبيها منوصوبها كحت مختنكة
وايدها على عمليتها وملامحها
انكلبت وعيونهادمعن
واهاتها المحشورة تنسمع من تنهيداتها .
عشق صارلها شكم يوم وطلعت من العمليات
على الاغلب لو بكرة لو بعدها يطلعوها
رحيق لزمت راسي وبخيبة كلت الفرح لحضات والحزن ليالي هو الفرح ممنوع لو سعره غالي ,
يالله الصبر يالله الصبر واليقين بحكمك يالله الصبر يالله طالبة الصبر دكي عليها
عشق عظت شفتها السفلية دنيا ليل اكيد نايمة الصبح وعد اخليج تروحين .
الحجية بتنهيدة بنيتي الله ستر
وكامت على حيلها لا تعبين روحج هو المؤمن مبتلي وماهذا
الا اختبار للصبر وانتي مؤمنة صابرة
رحيق مرخصتكم حسيت الهم محتاجة بغرفتي ابجي
واشكي لربي محتاجة اضهر ضعفي لروحي
صرت ابجي بشهكات ونشغات منه هرمونات الولادة
ومنه قهري على هالمسكينة اشافت بعمرها حتى
تتتلوع بلوعة الموت الله ياربي حكمك هذا
بس انطين الصبر بعد ماارتاحيت وبلش صداع الراس كانوا يعاقبني
على كمية البكاء رحت لشلباك اشتم هووه يفتح ريتي
رفعت راسي للسمة والنجوم لامعة
تنهدت من كل كلبي ورفعت كفوفي مرتجية رب العباد
ليس اعتراضآ ولكننا تعبنا ، فهون علينا قضاك يا الله .!
واكتب للسعادة طريقا الينا فتهاوت ارواحا بين الاحزان وليس لنا سوى
رياضك للرجاء
. كعدت ريان ورضعتها ولوليتها رجعت نامت اووف
ربي يكتبلج قدر حلو بعيد عن قدري ويبعد الحزن عن حياتج.
مانمت طلعت بالجهاز ادعية وقران اسمع
غفيت وجه الصبح وكعدت على صوت ونغمات ريان ..
مخليتها ارضع بيها وماحس الا عيوني انغلقن بيدين ناعمة صغيرة
وبوسة ترفة على خدي خوداية
خود يسسس عرفتيني نزلت ريان للكاروك
وشبكتها لخود ابوس بيها وادغدغها ضحكاتها امل وراحة نفسية
رب العالمين حزني هواي بس ربما سعادتي ويا هلاطفال بكلشي حكمة
خود بدلع طفولي ينكرط ماما حبيبتي شفتج كعدتي ومااكلتي رضعتي ريونه
لازم تاكلين وتشربين حليب
ماسمعتي جدة شكالت تضرين روحج فيلة ياحلوة كومي نتريك ية ماما وتجررر برحيق
رحيق مالي نفس اكل ماماتي نزلي اكلي ويا عشق
برطمت وكعدت مطنكرة حلو من هسة عفتيني
رحت الها جريتها لحضني منو عافج ضلينا نضحك وكمنا نتريك باوعت وريان
خود ناخذها ويانه نفرهاب البيت
رحيق يا ماما مايصير خليها هنا .
نزلنت لكيت عمتي صباح الخير .
الحجية ياصباح العافية تعالي خوداية
راحت خود لحضنها هالحجية حاويه الكل بحبها وحنانها
شبكت خود وضمتها لصدرها
تعاملها ويا الكل بحنية ومحبة وبالاخص عشق وخود ةوابهر كل حضن وبوس واسلوب ترف وياهم
وحتى وياية ماعددا شيراز دايما ماترضى على تصرفاته ملاحضتها .
تنهدت وكالت بصوت متشحرج شوية مبحوح بنيتي اكلي واني حضرتلج السايق ياخذج وخود وروينه يمي
باوعتله مامصدكة كمت حضنتها بقوة وابوس بيها
الحجية لااعديكم انفلونز على الابواب .
رحيق مشكورة ماعرف شلون اشكرج
الحجية رفعت كفها اششش عليمن الشكر واجبي اكلت لكمتين وشربت حليب وكمت بدلت لبست
فستان عريض طويل وجورايب وشال ونزلت لكيت السايق ينتظرني اول ماوصلت هو نزل ويايه
وواصر ان زيارة مريضة وهيج ماخلاني لحدماصعدني لغرفة لارا وكال بهدوء
اخيتي منتظرج هنا حسب كلام الحجية مايصير اتركج.
هزيت راسي متشكرة منه وفتحت الباب هدوء بس لارا باوعتلها اااخ ياروحي ضعفانه مصفر وجه
دمعت ماحس وراية الا همس تينة
بوستني ببجي ودموع شلون صارت ؟؟
تينة امشي برااا خلي نايمة .
طلعنا تينة : زينة انتي شدراج بيها
رحيق عصبت بعدين احاسبج اتصل تكليلي متنرفزة شكال الطبيبب
تينة .اليوم نطلعها يمي اخذها.
لارا فزيت على اوجاع بمنطقة البطن اووف تينة تينة
تينة دخلت ها عيني كعدتي صباح الورد
وراها دخلت الشهله ام عيون زرق حضنتني بلا سابق انذار بقووة ودمعت
شكد خالتي دموعها غالية بس نزلن مثل شلال تبوس وتسال وتينة تجاوب
بقينا ومنه للتسعة اجه أبهر واصف والدكتور قرر يخرجني وهنا ابتدت
رحمة االله خالتي تكول يمي وابهر يكلهمب شقتي عيني علهيا وتينة تكلهم خلوها يمي عنصر محايد
اخر شي خالتي كالت دقيقة نسالها لارا وين تردين تبقين يهتمون بيج ؟
باوعت خالتي حايرة بريان وعمليتها وشيراز اذ شافني يسم بدني
باوعت ابهر ماتحمل اشوف ومانسوي وكاحة ادري بروحي حرورية باوعت لتينة
هاي هيه يم تينة ابقى
تينة كمزت يسسس وفضلوني على جميع الجواري واصبحت سلطانة الخوالي
حتى مثلهازفت رحيق كرصتها وكعدت يم راسي ليش حبيبتي اني خالتج .
لاار بتنهيدة تعبانة خالة مابية احجي بس هيج افضل .
أبهر افضل مني
باوعتله ابهر محتاجة لتلبسني وتساعدني بهواي اشياء انت لاتنسى طلاقنا
خالتي باوعت وكالت انتم تراضيتوا ؟؟؟
تينة هوووو اهووووو نايمة ورجليها تركع شمس
أبهر هز راسه احنه ماافترقنا ولازعلنا لبينه اختبار للحب من هاليوم بعد مانفترق
نتكافش ونرجع نتحاضن .
رحيق بوجه مبتسم يارب يهدي سركم .
طلعوني واصف تحمد للسلامة ومبية على الندم بس اني مالي خلك اباوع بجهرته مانسى لسوووا بية
وصلنا لبيت تينة لكيت مرتب اثاري متصلة بمرة تنظف منفظته معقمته وبالاخص غرفتي بحيث ديتول
يخنك دخلتني للغرفة وهي تجر وخالتي تغطي وابهر انتظر بالصالة بعدها اسمعه يحاجي بتينة
ويتداهر هو يكلها شتحتاج خابر يوهي تكله الله لايعوزن لفلوسكم .واضحك عليهم خالتي بقت يمي
لارا : بتنهيدة خالة وريان ؟
رحيق يمها عشق . احجيلي شصار ؟؟؟
لارا بحسرة ماادري تصوبت غفل هي بقت على هاي خالة بعدج عند الحجية مارجعتي لشيراز وشراح تسوين ؟؟
تنهدت زايحة حسرة نايمة على كلبها وكالت ظلم اشوف تسلطه وتغافل عن صفات حلوة بي وحبه الي
وحبي اله للاسف الحياة مو رواية ولا مسلسل بكيف مخرج يسوي المشاهد واقع والواقع مر شكد ماقوية
اكو امور اكبر واني عرفتها بعدين عندي طفلة راح ارجعب شروط معينة شروط بيها حفظ لكرامتي .
لارا شروط وعاقدة حواجبها متسائلة ؟؟
رحيق برخاء اي شروط اولها اكمل كلية واحصل على شهادة تفيد للمستقبل ثاني شي بشنوي ضرني
ابقى ويا واعيش واذ تصرفاته زادت عن حدها بدل مااتركه اعزل روحي بجناح بقصر لكبر راسه
ولا اطلع واتشرد اني وبنتي هاي اذ بقائها يمي اذ تفكير العقل
والصح بعدين اتحمل واحاول اغيره اني مو ضعيفة حتى شخصية
تاثر بية وتجرحني بالعكس شخصيته ماتاثر بشخصيتي لاني قوية ومومنة فافضل مااخلي بتي تعيش توتر .
لارا بتنهيدة عين العقل الله يسعدكم . اريد انام تعبت شوية غطتني وطلعت لتينة .
_______________________________
لليل رحيق مارجعت للبيت وهنا شيراز اجه اول مادخل سال عنها الخادمة ماجاوبت
نزلت عشق وشافها متنرفز معصب وعيونه متوجرة زجر بيها بغضب عشق نزلي ارد احاجيج .
نزلت عشق ترجف خافت ماتدري ليش هالكد معصب عليها دخلت للصاله ورا غلق الباب واشرلها بعيونه وحواجبه
تكعد كعدت بقى واكف متكتف سالها بتمعن خابرت امج وحجت هواي كلام من ضمنه سالفة قزح وعمتج
ماصدكتها وتوقعت فاهمة غلط عشق انتي الوحيدة لماتصورت تتهمين عمتج هيج اتهام مايوم
عشق كمت بوجه مصدومة لا لا والله مامتهمتها حقيقة سمعت والله وروح لبابا صدكني روح اسلهن
عصب وفرك وجه وكعدني وكال بامر احجيلي بالتفصيل كعدت احجي وكل مرة احس عروكه
راح تنفجر كور قلضته بعنف تاركني بحيرة وطلع مثل الاسد المجروح .
بقيت ارجف ياربي شسوي شراحي صير؟؟ اخخ يوم طلبت تساعدني مو تبلغين عمي .
أبهر اي ابهر لازم اخابره رد ابهر الحك عمو راح للبيت لامك وقزح
أبهر بتعجب شكو تنفس الصعداء محاولة يفهم شي من رجفتها لكن مستحيل يفهم سبق خالة للبيت
لكون اقرب اله .
ومنتظره شووية ودخ شيراز مثل بركان مكتوم لكن يشع نيران وحرارة حارقة
باوعب عيون أبهر لاتددخل بالراح يصير أبهر ورااااا صعد شيراز لغرفة قزززح
دقرها ودخل لكاها كاعدة على اشلبا بيدها تلفونها قفل الباب بغضب وقفل الشباك ولزمها من شعرها بكل قوته
وسط تعجبها وتسارلاتها جاب شعرها خلا جووة رجليها وهي تصرخ وخنكها بين كفوفه
وكان شيطان ارتمى بشره علي سرررال واريد جووووابه جلبهار وموتها شنو علاقتج بي؟؟؟
تغرات ملامحها وطفح بؤبؤ عينها ماعرف ماكو شي عشق فهمت الحجي غلط هو كان قصدها لان تزوجتك
بعد موتها بسرعة وعبالها خططت حتى اطلك من زوجي وازوجك
تنهد ساحب انفاس قوة ورجع كفخها قززح لكدامج مو ولادة امسى
من عين البشر افهم كلامه كوووولي شنو صار بهذيج الليلة المشؤؤمة ز
بقت تكح ماصار شي
هز راسه ببرود قاتل ماصر شي تمام تمام شالها وشمرها للسرير ربطها وسط مقاومتها لكن ضرباته لوجه
خدرتها كام عنها وطلع ماخذ المفتاح وجاب حبل قوي ورجعلها وهي شتهك وبتجي وأبهر يضرب بالبا ب
وسمر تتوسل بابهر يسمعها
دخل شيراز ماشياف كدامه احد وربط الحبل وسااا مشنقة الها اخترعت ساحبه نفسها وململتها شيارز والله ماعيلة
لصار غلطة اني شكوو هي انتحرت
باوعلهاب نص عين حاقدة تمام وانتي تنتحرين وهيج تموتين ومايبقى كلبي يشك بموتها
ربطها وكمل وحرفيا جبرها وصعدها للمشنقة وهي ترجف مامتوقعهة يسويها لكن من دفر الكرسي صرررخت
نزلها وجرها من شعرها وهسه ؟؟؟
بلعت ريقها ساحبه انفاسها الضائعة ترجف اوعدني ماتقلتني ورا الي اكوله طلكني اشمرن يبدار عجزة لتريده بس لا تموتني
ضربها وكعد ركبه ونص احجي اااااااحجي
قزح من بقيت يمكم كرهت حبك الها رومانسيتكم جنت اشوف سعادتها فرحها واني لاشي الكل يحبها حتى امك
مسويها مي بالصينية وطايرين بيها ردت اعيش وبالفعل حبيت شخص منه هو ايراني هناابس غفير بس حبني والله حبني
وهنا بدا عقلي يشتغل وخليت كامرة بغرفتكم صورت وضع جلبهار مصلخة بملابس نوم اشكال وصرت اهدددد بيها
واستمر هالشي طبعا اين حاجية ويا فواز ويعرف خطتي ورفض وكال ماعرفج ولاتعرفيني حرام تدمرين حياتها
بوقتها جلبهار مرت بفترة اكتئاب بسب موت ابنها ونفسيتها تعبانة انت بعدت والتيهت سفر يومية لايران
واني هدددت بيها ومن ماانطت فلوس ولا اموال دزيتلك هذنيج الصور مع صور مفبركات ببرامج امريكية
سويتهن عن طريق برمجي مضبوط مونتاج قوي ودفعت عليهن فلوس .
بذيج الليلة من اجيت وحاولت تهددها ابلسلاح وكلتلها احجي ارد اعرف منو لعب بشرفي وهي تحلف وماشافت
بعيونك الا خوووف منك دخلت عليها للغرفة وهي ترجف وتوسلت بية بدموع
شسوي فهميني مايصدك راح اموت والله
باوعلتها اي سويها وانتحري حاولي تموتين لو راح اشلرف شيبقى يروح ينشرج هالك
ويبووو بنتج تتتسمى بنت وحدة بقيت اثر بيها
جبت السلاح والعب بي بيدي وهي تعبانة جابت تلفونها ودكت على الرقم الي
يهددها باوعتلها شراح تسوين ؟؟
راح اكتل هالنذل ليهددني .
.
بس بهاللحضة اجتها رسالة من فواز وهو يدزلها كلشي عن خطتي هناااا عرفت انكشفت
هجمت جلبهار علية تغلط وجرتني من شعري وهي تكول والله افصحج ليششش لج شسويتلج
من عمامي ضلموج خذيتج يمي وكلت يارب يعسدها ادعيلج واخاف عليج مثل اختي ليش
واني انهاريت احجي وحقدي طلع شفت سلاحك الي موجود ولزمته اهددها خليت على راسها بتهديد
والله ياجلبها اكتلج عوفي هالسالفة واين اوعدج بعد كل تسجيل وكل شي عندي امسحه بس سوي
ب سهي ماقبلت وحاولت تدفعني واني ادفعها بالغلط طلعت طلقة واجت الطلقة بيها واني من خوفي ورعبي
مسحت السلاح بيدي وخليته بيديها وخذيت تلفونها بصدري وسويت روحي مصدومة هو اين مصدومة من لصار
بقيت الطم واملخ روحي والحراس صعدواا وراها اتصلو .
هنا شيراز متخبل يسمع موت مرته وضلمه الها نظراتها ب عيونها الزرقة جووة ايده برئية والله ماارعف منوووو ؟
كلي فد يوم طلعت من دونك شلون اصورهن المن ادزهن.
كام بس عروكه انفجر بركانهن عيونه انقلب ميهن للدم لزم راسه الي استعرت حرارته ولزمها للقزح
ضرب باجرام ودففرات وراها طلع مثل الموج الهايج لكن موج مضطرب مصدوم مندهش
أبهر ورااااااا خالي شكووووو؟ فهمني
شيرازبغضب : لحدي لحكني افتهمتووووا نزل ابهر ورااااااا لكن رفض بشكل قطعي مهددد بيهم
طلعت منها بعد ماسمعت سهام غادرة سقت بلا وعي بللي للمكبرة دخلت اتمشى لكبرها
شفته نزلت للسرادبها جثيت وراسي على كبرها دموعي نزلت اااخ ياجلبهاري اااخ ياوردة فارس
تنهدت بحسرة وجججج ياجليد يبرد ناري عليج اااخي امظلومة باردة عليج اااخ ياماي عيوني وواول عشك
بعروكي .
حقج ينوخذ من روحها للساقطة قزح وبكبرج ترتاحين هسه فهمت ليش كل طيوفج حزينة
عذريني يا جوريتي عذريني سنين بجضنها بنيتج وهي ايدها ملطخة بدمج .
بعد دموع غفت عيوني بسردابها اااخ ياعطر سرادبج ريحة محبة غقيت وبطيف حلم
شفتها هاي جلبهاري ابيض ببابيض وعيونها الزرك خرز ويضحك لاحتني بقبلة وابتعدت عني
همست بهسهس خود امانتك شيراز خود امانتك ابتعدت ملاكي فزيت اعيط عركان
مخنوك صوت المقبرة طلعت اطوطح بمشيتي واصل وواصل ازور علي ابن ابي طالب هلبت ترتاح روحي
لفيت شفية جنت مخليها على كبر جلبهار على وجهي خافي هويتي وتقدمت خطواتي مرتمي باحزاني بضريح
الامير
.
رحيق : فتحت عيوني بكبرهن جلبهار انتي
اششش اني من اهل الاخرة بنتي امانة عندج خليها تزورني خليها من تكبر تتذكرني
اني تركتلج كلشي الي ورحت بروح مرتاحة .
فزيت ايدي على كلبي مخنوكة اااخ ربي الله يرحمج ويغفرلج
بوست خود لنايمة على يميني بوستها اووف امج بكبرها مامرتاحة يمكن الله دزني حتى اكون سند الج
سبب الاسباب حتى ترتاح بكبرها ابتسمت لعدش كد نظيفة هالجلبهار حتى بالطيف مبروكة ونور يشع منها
وعطرها عطر ورد الله يرحمج ومستحيل اخلي اثرج ينتسي كمت على كيف للشباك اشوف خيوط الفجر تتراقص على سحاب
السواد لفحات الفجرية بيها راحة وطاقة اغمضت عيوني وتغلل النسيم بروحي وتطاير خصلات الحرير لبشعري
سمعت صوت سيارة تفاجات غلقت اشلباك وعيوني تتفرج انصدمت واني اشوف شيراز اجه يطوطح ومو طبيعي بس البقميص
والبنطلون نزلت خايفة لا لارا بيها شي.
بعدني باول بايات الدرج دخل من الصالة شافني ابتسم ماسح ارنبة انفه وحمار وجه صعد خطواته
عبر مني لزمته كفه شكووو ؟؟
مو عوايدك تجي سكتة وتعبرني ولاكاني موجودة
باوعلي بنظرة مخنوووك رحيق مخنووووك وهالدنيا بهواها مامريحتني
صرت بموازته وحطيت عيوني بعيونه شكووو؟؟ ماشفتك مكسور ولامرة كل مرة انت
القوي المجنون
ضحك مداعب حنجي فيروزتي ام عيون زرك ماتجي القوة الا لمن يموت الكلب بصدمات الحياة
روحي نامي واتشمتي بية
حضنته دفنت راسي بصدره ماتشمت بيك انت ابو بنتي اني بس اتضايق من تصرفاتك
مااتمنى اكسرك ولايوم اشوف ضعفك .
رفع وجهي والتهم ثغري بلذة وجنون حاولت ابعجه خوفا من يجي احد
لكن فصل كان طلع ضغط لعلي بشفايفي
طبقني على الحايط وايدي متلاصقة بكفوفي ومستمر بنهم ثغري
وانفاسه عالية قابلته بنفس نيران الاشتياق سحبني للغرفة
اشش شيراز خود واني بعدني
باوعلي ماراح نشتغل يكفيني انام على صدرج واسمع دكات كلبج .
اتمددد وخود بسابع نومة ضمني على صدره بدون عتاب ولا كلام استسلمنا لمشاعرنا
ونسينا كل مواقفنا اتجاه بعض .
همس باذني
شيراز ياانعم من ريشة ياماخذة كليبي .
اووف شيراز ياحبك ويامشاعرك لكلها اختلاف
هسهس وايده تغوص بكل طرف بية وراسي على صدره
همس برومانسية
فريدة انتي
لاتشبهين احدا
تشبهين كل الجمال الذي يلون الارض
تشبهين اشياء لايمكن ان ترى
تشبهين الطيوف والاحلام .
بلعت ريك متفشعر من بحة احساسه
والحرارة بينا تزيد ماتقل
همست قرب اذنه رافعه راسي وطخة لحيته بانفي
اغالب فيك الشوق والشوق أغلب
وأعجب من ذا الهجر والوصل أعجب
همس وهو يضغط على اصابعي ويلتهم اطرفهن بشهوة
لبية يابحة الشوك يامشتاقة لي
شيراز : ببحة اجمل مافي حبنا يمشي على الماء ولايغرق
عيناها بحر والشعر سوسنة والنهد رمانةوالخد تفاحة
فربك قل لي كيف لا اقع بهذه الفاتنة ؟؟
قدس لمت اليك قلبي وروحي نفسي وهواي واتنفسك يانفس ريتي
ويابحر أغرقت بها بقبول وترجي .
احضانه الملتهبة كانت تنمى على حب أكبرمن خلافات عادية وذيج الطاغية
اكتشفت قلبها الي عانى الحزن وتاب عن العشك عشك شيراز المستلط المغرور
فاصبح هو مغرور وانا طاغيته وكان خلقنا للنجتمع ببعض .
_______________________________
نرجع لقبل ساعات
ابهر بعد مالحكت خالي وماكال شي اتصلت بعشق وهي ماحجت تعبت اووف
كلمن بهمه لحكتني امي وهي تتوسل باوعتلها بخيبة على شنو تتوسلين ماشفتي عذابي كسرتي تعبي
هايه لردتي شفتي شتردين مني بعد؟؟
سمر بتوسل ابني والله ندمانة اني شمعرفني ضجت منها من تصرفاتها
يوووم انتي ماضرتيها ضرتيني اني جنت تكدرين تطلبين ابعدها وتكدرين تسوين سوالف العمة والجنة
بس ماتكسريني بهالطريقة بعدين شماخذة منج حتى لهدرجة كارهتها انتي خسرتيني مو علمودها للارا
علمود كرامتي ونفسيتي بعد ماتتقبل مستحيل بيوم اتخيل انج تخذليني تسسبلي هالوجع دومج كنت سند الي
وكنت اعتبرج ام واب وكلشي بس انتي خذيتي كلشي مني مع السلامة
بقت سمر منهارة تبجي وابهر أفتر لكن خذته روحه لمكان بعدي عن الضجة لشقته
وهناك لكى أصف اول مانزل رفع راسه ربي اليوم تمطرهم بية خير ابن عمي شتريد؟؟
أصف يابه مالان كلبك اريد اسافر وماخرها لخاطرك
ضحك باستهزاء أبهر روح ليش منتظر وخر من خلكتي لا افلشها الك
أصف فلشها اذ ترتاح بداعتي أبهر ندمت وحجيت كلشي وهياتك راح ترجع ويا لارا
أبهر مشكلتكم ماتفكرون بمشاعر لتركتوها بجاخلي غدركم خداعكم وخر مني من صدك هسه راح افلش سنونك
أصف فلش وجهي مو سنوني بعدني شباب
ضربة ابهر بوكسين والثالث وخر عنه وكال لخاطر الله عتقوني عتقوني وصعد لشقته
مهموم منقهر حزين الغدر شعور يكسر من الداخل مشاعر تحسسك بانعدام الانسانية اذ من غريب يوجع
فشلون اذ من دمك ولحمك كمت توضيت وصليت صلاة الليل قريت قران ونمت اصلا هاي عادتي من زمان
مالجا الا لربي وصلاتي كمت نمت ساعتين ارتاح بيهم .
لارا نايمة ويمي على الارضية تينة ايدها على راسها ورجليها رافعتهن على السرير
أبتسمت ااخ حسيت بوجع اااخ صغيرة على الوجع منين اجتني هاي
يلةب قت على الطلقات اكلت كلشي بهالدنيا رفعت كفوفي متضرعة بخشوع الهي اكتب
الفرح ر والراحة نصيبي الهي اغفرلي مافاتني من ذنوب وارحمني برحمتك ياعطوف
يارحمن يارحيم ياغفور .
سلمتك امري فانت حسبي ووكيلي . تمددت طالبة النوم يزورني ويخف وجعي .
__________________________________________________
رحيق كعدت الصبح على صوت ريان ونغوصاتها وخود بسابع نومة خود تحب اتنام للضهر
كمت غسلت لريان وغسلت رجلية ولبست تراك باللون الارجواني ماخليت مكياج بس كحل ومرطب
ومشطت شعري لبست ريان وعطرتها وخليتهاب كاروكها فززز شيراز يفرك عيونه
مصدوم رحيق فتح عيونه شسويني مي؟؟؟
يمته اجيتي
برطمت وفتحت عيوني شنووو بررود كلتها ؟
هنوس خله ايده على راسه وعدل كعدته ومن شاف حركات ريان بيديها راح الها يبوس بيها
وهي تبجي من شعر لحيته ويبوسها
ابتسمت انزل الحجية كاعدة خنتريك وياها
باوع بمكر يعني تكولين مانبقى اثنين هناااا
درت وجهي وكلتها بلا قصد لاتخاف راح اكابل خلقتك العمر كله لاحكين على العرايك .
فز من مكانه مصجوم واجه يمي لزمني من زنودي تحجين صدك؟؟؟
اي صدك لعد جذب افضل حل للاطفال بس ها ياحلو بشروط والا ابقى عند الحجية .
تنهد يمعود نقبلهن بقت على شروطج شروط الحزب نفذنهن كمن تريكن وعمتي مبتسمة
بس عشق خطية ضايجة ونزلت خايفة صبحت تباوع لعمها وجدتها ماردت عليها
شيراز باسها وجرها علي مشتاقلج والج
اول مرة صدفتعفوية شيراز كدامي ويا عشق يمكن لان داءما متواجهه ويا ماكدر اشوف باقي شخصيته
حفرت شي بمخي عنه .
افضل شي انطى فرصة لحياتنا
عشق بيبي
خزرتها
حجى شيراز خير ست الكل خازرة العالم شكوو؟
باوعلته انت غاسلة ايدي منك تضم وكلشي بالدس تسون بس هاي وتاشر لعشق عشتووو بت ابني ربيتها
بحضني اخر مني علم تخليني وهاااي سمرر اااخ لو مو بتي جااان لكفتها وجعصتها جوه عكازتي
بس اعرف دواها وصلوها كلامي من ليوم موتي مارد اشوف خلقتها خلي تتربى .
رحيق شنو شصاير عمة ؟
الحجية ليش لارا ماحجتلج ؟
عشق جدة البنية تعبانة بيها حيل تحجي
الحجية سكتي انتي انيت هم تعبانة
عشق كامت مقهورة كام شيراز يدلعهاورجعها يووم فدوة اروحلج لبية مكفيني سوالف هوواي اذ تنحجي
تاخذ من الحيل لحد ماتهده اكل لكمتين وراااح
واني لزمت عشق وحجتلي كلشي هنااااا فرحت ماانصدمت متوقعه ه
م ورا كلشي وفرحانة بعد كلشي رب العالمين استجاب
لدعواتي .
يوم مر عادي وهالايام كثرت جيات شيراز وحبجيات ويايه ومرررر شهر على هالحال .
لارا مر شهر نتخابر اني وأبهر ورومانسيته بس هسه زعلت منه لان يكلي خلي ادزه احد على اهلج وعمامج
وناخذ قبولهم ولا تبقين ملاحقة واني رفضت لان خايفة علي خايفة منهم وتزاعلنا كاعدة بالليل ب 8 والجهاز بيدي
افتر بي
تينة اهوووو خاب اتصلي وفكيني انتي غلطانة وخلي يدزون عالم مو احسن مثل البايكة بوكة ترى وراها حياة واطفال
تصرف ابهر صح .
ساكته اني بقيت افتر انوب رحت للغرفة وايدي بجيوبي كعدت على اسلسرير اتصلت بابهر داسده ولكفني
واجاني فحيح صوته الرجولي
كم رفّ قلبي حين كنتَ المتصل يا مَن بصوتكَ كلّ همٍّ يرتحل
والسّعدُ في روحي أقامَ خيامه فرحًا
وقلبي قد تراقصَ في خجل
بالحبّ تسألُ كيف صارت حالتي ؟
وأراكَ بين القلبِ أغلى من سأل حتّى إذا نمّقت شكل إجابتي
تتلعثمُ الكلماتُ منّي والجُمل
اشتاقيتلج هوواي يانسمة هواي
جريت نفس مو كثري يابعد عيوني مشتاقتلك أبهر ولصارلي خلاني
احس ايامي ققليلة واريدها يم الناس الي احبها
اششش شنو قليلة ايامج طويلة من عمري لعمرج شوية وجع ويروح وترجعين لارا المصروعة
ام لسان ام البلاوي
لارا ابهر احس
قاطعني لاتحسين رحمة لاعزازاج اني دزيت ناس ع اذ لة عمامج خالي ساعدني ودزة ناس وسيد معمم
وبعد الخبر .
شهكت عززا شكلولهم
ضحك شيكلولهم وصلت بالاول رسالة لاهلج اني راح اطلبج رسمي وهم حرين يردون ينفظون صورتهم
اما اذ استمروا يومية واحد يهدد ويجي يسوي اكشن اشمرهم بقضية بس الله منها
لاار بانزعاج يعني هدددتهم
ضحك مو اني خالي عموما لارا منتظر ردهم
لارا استمر الوضع فترة ومرتين دزه ناس وبعدها اجه الرد موافقين او بالاحرى جدي قابل وجابرهم يقبلون
ببس بابا معاند رافض لكن اخذنه الموافقة وعرفت امي صارلهم فترة زعلانة وكاشفة المسوي بابا بخالتي
وطالبة الطلاق بس خوالي كايلها ماتتطلككين تبقين يمنا معززة مكرمة وهو غصب علي يبقى مثل الجلب .
وهنا صادف يوم اربعاء تفاجات واين كاعدة يم الحجية لان خالتي رجعت لبيت شيراز دخلت علية
لصدمة جعلت عيوني تنفح وشفاهي تنفرج ركضت مهرولة لاحضانها عبالك حلم
مامصدكة حصنتها وابوس بايدها ونبجي نمت بحصنها كد ماخارت قواي وبعدها خالتي لصارت تبوس بيها وتحضنها
بسة مامصدكين وقوف امي كدام عيني دخلت جدتي علينا يسندها أبهر حصنها بجي اما جدتي
قربت لرحيق الي حرفيا خارت قواها وبين صعفها ودموعها جرت بقت تتلمس بيها وتحضن بيها لحضات
الدموع غصب تنزل بيهن
بعد كملية هالمشاعر كعدنه وخالتي تسال وامي تجاوةب
رحيق شلون تقبلوا لموقف واني عايشة
ضحى بتنهيدة تقبلوا انتيماغلطتي انسي الموضوعع اني همات من اتصل
شيراز وبلغ اخوج وكفت بوجه وعاندت واجيت كافي تحكم بينه وقيودهم تحبسن وهم نفسهم
لو رادوا يكسرونه خليني ساكتة وفرحانة بشوفتجن
اني باقية بحضن امي عبالك حتطير شيراز طلع كان عنده موتمرات والوضع مو هالكد
ثابت بحكومة ابو العدس قصدي رئيس الوزراء السابق
بعدها امي وابهر يسولفون
ضحى بمزح شوكعك بحب هالعنيدة
ابهر عنادها ياخالة
ضحكت امي لعد شد راسك وكلبك بلفافه اتعبك وتشل حالك
لارا ياااا والله حبابة ابهر محضرهن من هسة وحتى حلكها
تخصرتله لا بلة هج صارت
يباوع ويضحك علية نطت خود
خود والله اني مو هالكد احبها لارا خبلة هواي
كلهم ضحكوا وخالتي نبت
عززا بعينج حتى هالطفلة نابهه على خبالج
حجيت بصوت عالي وياها وين شايفة خبالي بت بتل
خود هزت ايدها تضحك هااا من كلمة تخبلتي لعد سون باجر هالله هالله
وكلها تضحك مر يوم حلو ومفرح ابهر كال ماصبر خلاص خلي نعقد
وبعد يومين رتب كلشي عزم اقاربهم القريبين اصدقاء المقربين
وتينة ماخلتني رحت اجرت بدلة
هشكل بالضبط بس لونها وردي فاتح وردي كيوت
مكيجتني تينة مكياج هاده بس قبلها بيوم سحلتني دك سحل سوت جسمي شمع وراها حمام مغربي وتفرك بجسمي
وتكلي ام الوسخ ننضف ونرد لورااا نمت بحضن امي وثاني يوم انصدمت من امي رتبت ميز الخطبة خلت قران وقفل
ومراية وترتيبات وصينية سبع بياضات ومالت البخت وكالت البخور تضمي وحتى الملح من تشوفين اكو مشاكل تبخرين
بيها بيتج والشكر والهيل تاكلين منهن ضليت اضحك يوم سويتهن انتي
ضربتني بمزح وكالت مالحكت اسويهن خذوني مكبعة عمامي التموا اقاربهم وكلها تصلي على محمد
وياهي تشوف عيوني تنصدم هنا خضر وتينة كبرتهن حيل بالمكياج من بعد الصبر اجت فرحة العمر
واخذوني بصالة الجوة الثانية نعقد كعدت وكعد ابهر شكد تمنيت ابوي عمامي يبقون سند
الي كدام العالم واصف هنا بمزح كال الشيخ والد البنية لان شيراز صار من جانب ابهر ضحك
اصف وكال اني شيخ
خزره ابهر لكن ابن اقاربهم تدخل اسيف اسيف ليشوف شكله ينطي اكبر من عمره
وهيبة حرفيا كال اني انوب عنه مثل بنتي
حبيت تصرفه رغم برودة وشكله المهيب مبين من شورابه يا ضابط يا صاحب رتبة كبيرة بالجيش
ثبات وشخصية بدت سوالف العقد واين بالكوة صابرة ابهر يعرف بية ماعندي صبر
سالني الشيخ ووافقت ثلت مرات وصرت حلاله شرعا باركلنا الشيخ وبدت المباركة للمرة الثانية
بس احلى بعد لان عرفنا قيمة بعض وذقنا طعم الفراك الموجع.
كانت عيونه تشرح الفرح طايرة طيور ونرسل عبرهن عشك ونب للغرفة تبث طاقة غرام
مفضوح حبنا بعد ماطلع الكل واني غيرت ملابسي لليل نزلت للحديقة وهنا ماحاسة
الا ابهر جرني شهكت شسوي ؟؟
اطرب روحي بشوفتج
حجيت بدلع لاحك تشبع مني وتمل وتالي نصير شي عادي
سكتني بقبلة لشفافي حاضني بقوووة رغم خجلي
بس بادرت ويااا متفاعلة فتحت عيوني بخجل سوالي حركة بعيونه
خلتني اذوب اكثر خجل وهمس اوووف ياطعم شفافج دواء للعلة كلبي
مبتسمة احبك ابهر لاتفارقني بعد ولاتبتعد عني حضنته بقووة بادلني الاحضان بساني
غصت بين ضلوعه شووية وكال روحي يانسمة روحي ارتاحي عرسنا قريبا
رجعت للغرفة لكيت عشق تخابر غمزتلها بمعنى شكو ؟؟؟؟
خلصت مكالمتها وتكلمت عمووو طلق قزح ومسفرها لاهلها بس حيل منهارة
رايد يقتلها بس اختار يرجعها لاهلها بالنسبة الها الموت راحة هناك يربوها
ويخلوها كل عمرها تتعذب وحاجليهم كولشي .
صفنت وحجيت لبقلبي شوف سبحان االله بلمح البصر انتهى دفترها لقزح ونكشفت اعمالها
ماادري ليش هالحقد يتوسط قلوب البشر يعميهم عن كلشي يعميهم عن حقيقة وجودية
ان لكل انسان حظ ونصيب مايحتاج ناخذ شي من احد الي مكتوب النا ناخذه
يعني شستفادت من موتت بنية بعز شبابها يتمت طفلة وبقت عايشة بهالذنب
عشق والله صح بس يبقى البشر اكثر مخلوق معقد باحاسيس وتفكيره ومشاكله النفسية
جلبهار كانت وردة على اسمها تبث عطرها للكل ماتقصر ويا بشر واني متاكدة لمثلها
مكانها الجنة حتى صلاتها ماكانت تتركها اغاني ماكانت تسمع انسانة صافية الله يرحمها
لارا الله يسكنها بجناته هذا طريق كل البشر
تنهدت عشق وكالت بخجل عمتي سمر
حجيت بنفسية شبيها ؟
خابرت جدتي متوسلة بيها تحضر عرس ابهر وتطلب السماح منه
لارا ضحكت مستهزءة يعني مو مني خلي تجي هو يتصر فوياها
اني ماراح احرمه منها بالنهاية امه بس نفس القوت مااسامحها بحقي
وكسرة شرفي اكو رب ياخذ حقي منها .
يلة تصبحين على خير
كمت عنها لحضن امي ورااا يوم اندك الباب واحنه دنتعشه سمر طاردها شيراز
لان عارف بيها تدري وماكالت وباقي يرزل وحيل جارحها من اجت انصدمن
بس الحجية كالت بهدوء قابل اخلهيا بالشارع تبقى هنا
ابهر خله وكام لزمته سمر من ايده بباب الصالة الي نتعشه بيها الك اني امك
شلوني نطيك كلبك هالكد تجافيني ؟؟
باوعلها مستهز واني ابنج شلون انطاج كلبج تكسريني ؟؟!!
نزلن دموعها واضح منهارة الك كلبي كل يوم يتكطع ربيتك وكعدت عليك
في سبيل مااخسرك تبقالي سند انت جنت كلشي بعالمي
تنهد وهمس بهدوء وطلع رحت ورااااا لكيت كاعد واول مرة اشوفه يدخن
استغربت ابهر من يمته تدخن هاي؟؟؟
رفع راسه من كثرت همومي انسي فترة واتركها
قربت منه جريتها من انامله وشمرتها لزمت كفه بست ببباطن ايده
ابهر سامحها اذ علية
وقفني بكفه متنهدب قهر مو بس عليج الفكرة ان هي كدرت تكسرن ي
عادي عدها شتوف قهري في سبيل يصير لتريده بعدين هاي امي
شكد اريد افسي ابقى احن الها بس اريد ناري تطفى مااريد انفجر بيها
شايفة من يحمل كلبج على انسان بموقف يحتاجلج وقت ماريد اجرحها
لذلك مبتعد مسح وجه وفرك انامله بجبينه وهمس باذني روحي ارتاحي اني طالع شوية
عندت وياك ماعوفك
ضحك ترى ماسوي شي بس اريد افتر
عادي وياك
باوعلي وضحك بتراكج ؟؟
اي بتراكي اخذني ياخي قافلة ضحك على خبالي وهمس
اخخ ياراحتي امشي طلعن نفتر شغلت اغنية
ممكتوبتلك تبقه اليه ومقسومتلك تبقى
نصي الثاني وتوأم مريضك و طبيبي
لاخر بهاي الدنيه احتاجك اشبع منك
مفصل اليه حبيبي، طعم الدنيا لقيته بحضنك
صرنا نغني سوووا
قافل على حبك صدق قافل
اعشقنك عشق جاهل واريدك بس
تبقى بالقلب وحدك روحي وماحب بكدك،
واريدك بس لي
وحشه الك وحشة، افكر للغبشة
شلون امل وانساك، شايف جفن مل رمشة
بالدم تبقى
البيني وبينك شكبره، اكبر ها
نعمة من انت، واشكر ربي على هالنعمة
الك حصرية، وحدك تستاهل هالكلمة
بس تضل يتبدل، وأريدك بس لي
باسمك سجلت باسمك، انت الهوا الاشتمه، واريدك بس لي
يضل يضل حبي، الك يل بقلبي
يا نور من اضيع وما اندل دربي
بقينا نفتر بغزل واغاني متونسين
رحيق بعد العشة تركت المكان وصعدت نومت ريونة وبقت
خود يمي نومتها اجيت انام ووصلت مسج من شيراز ابتسمت
على الغزل
ياامراة قلبت تاريخي انا مذبوح قيك من الشريان لشريان
رديت
المسج
يا رجل استحل لب القلب والعقل
مشتاقلج رحيقي ياوريدي وماي عيوني
بعتث واني مشتاقتلك ومشتاقة نتكافش
دز سمايل يضحك خبلة يلة بعد زواج ابهر تعالي يمي مليت من الفراك
كافي هالكلب عن جرحج تاب
الله كريم بعد ماتوافق على طلباتي يصير خير
العب صار بيها مطالب الشعب
ضحكت لا بالله مو حقي اتشرط اخطبني من نفسي واتشرط عليك
وبعد الشروط انت حر لو تبقى لو تفلت
ضحك قبول كل شروطك قبول ياروح الكلب
بعدهابيوم اجه اخذني تعشين برااا بس شنو حاجز المطعم بكبره ضجت من هالحركة
كعدنة نسولف
شيراز اي شنو شروط عروستي
ابتسمت بسيطة اول شي تخليني ادر س اكمل كلية
تنهد ليش محتاجة شي
رحيق باصرار اي محتاجة شهادة علم محتاجة احس روحي عايشة والي كياني
شيراز بوضع المستمع بعد
رحيق تتساير وياية وتقلل تسلط وماتهين ابنك وكلساعه تقلل مقدار
شيراز حلو بعد
رحيق حاليا بس ذني
شيراز اذ سمعي قضية تسلطي شي تعلف بشخصتي
اما دراستج ماو اشكال ادخلج اهلية
رحيق مغيريك اليوم
ضحك لا مو كلتلج راح احاول اجي على مايج
رحيق تمام اجيبك للدرب والله اجيبك بس احتاج وقت
ضحك ونظرلي نظرة هيام وهمس برومانسية نادرة انتي كالجمل الغريبة في الكتب
نضع تحتها خط
رحيق لكني صعبة الرضاء ولااقبل بذلة
كملنا سهرتنا واصريت ارجع لريونه زعل وضاج خلي يتادب
رجعت تعبانة اول مافتت فزت ريان رضعتها وكمت بدلت
رجعتلها شوية هزيتها نامت نمت نومة عميقة
ثاني يوم راحن البنات ياجرون بدلة لارا خابصتنه خبص وتشتري اغراض
هاي الفترة ولاارتاحيت وشيراز يلح يريد يرجعني يمه واني مصرة على ماتتزوج لارا
لحد مااجه يوم زواج خبلتنا
_______________________________________________________
لارا
واجه هذاك اليوم ياحبيبي وانتهى زمن الانتظار ها انا اتوق لانتهاء هذه الساعات لكون بين احضانك
والتوي بداخل قلبك ونندمج كروحين وليس قلبين نصبح واحد ليس بالجسد وبالفراش بل بكل احساس
وكل النبضات ها انا انهي تعاستي بفرحة اعتبرتها عوض لي عن سابق احزاني ها هو يوم بتاريخي
لن انساه يوم اصبحت لحبيبي واصبح لي
يوم 1\8\2019
كعدت الصبح بأمل عيوني تلمع بومضات سعادة فرح شعور يغمر كل كياني وانساني كل توتري
فالسعادة بعد التعب تكون قيمتها لاتتعوض وبوقتها نعرف معناها وننسى كل مشاعرنا الثانية لان نكون
وصلنا لمبتغانا كمت واساريري تنادي بحب اجتني امي تصبح
صباح ياعروسة يلة تسبحي حتى تبلشي مكياج وتسريحة
ودخلت خلفها تينة الي كالت هالمرة اني بيدي اشتغلج مااخليج بيد غيري
وماتطلعين هالباب الا بيد أبهر وليزفج شيراز
خفت لا مااريد منهم احد يحضرون اي بس غير ابهر مااثق ببشر
امي اخذتني بقبلات ودمعت بحزن اااخ يااميرتي خفت هوواي مايجي يوم واشوفج
بس ربج بكل شي اله حكمة سامحيني لاتكمملي بوست ايديها اششش انتي كلشي الي
انتي امي وسندي يووم اذ ربج رحمني فهو بسب دعواتج والله حشى يظلم عبد الا وحكمة كبيرة خلفه
تينة اااخ دمعت كافي بداعتي دك مناحة .
لارا تحمتت وامي تسبحني وكملتني نشفت نفسي وبعدها لبست روب بلون البنفس الغامق لامع لون مخملي
وبلشت تينة تضع لمساتها تينة مو تسوين تسريحةب س رفعه لشعري والباقي نازل حتى مايتعبني
ومكياج يطلعني كيوت مو جنية بعشر الوان
تينة بغضب تعالي علميني اشش اني شغلتي من سنين والله تطلع لراسي اسويج شي اخرب شكلج
باوعتلها خالتي اختفت ؟؟
تينة اشش في سر بس مااكول
وخرت منها وصاحت
ومرض خربتي لبيدي شبيج عروس مصروعة . على ماخصلت روحي طلعت من الكعدة اخر شي
خلصت دخلت امي وخالتي بمكياجهن ويسمن بايات من قران
بعد مااجتمع الغفير اجت الزفة وسط رقصات اشلباب واغانيهم وخلفييىكل من خالتي وامي والبنات
من ضمنهم الحجية وعرفت سمر رايحة للقاعة يستقبلون الناس وياهم عشق وبيسان .
حبينا تكون بسيطة مانريد الا اقارب الهم وعوائل قريبة واصدقاء
ويوم حنة ماسويت خفت لايصير شي بالعرس لبست فستان جديد اجرت يصير كلوش سندلار ومن فوك
ينزل من الرقبة ياخة بيها شراشيب جوهرية ومكياج ناعم اعتمدت النيود بعيوني مع حمرة حمراة مات
صااار وقت يجي ابهر ياخذذني الخوف والحماس يقرا الف وياية امي لازمه كفوفي وخالتي مابينت
تينة تركض بحماس اجه العريس ياحلوة
طلعنا وسط اغاني ورقس تينة انزفيت للقاعة بشكل رهيب مع عزف رهيب واغاني تطرب الها الروح
وصلنا ونزل ابهر وقجملي ايده سلمت قلبي وايدي وعيونه تبث حب كبير مايتسع هالارض والكون
وسط نغمات عززف وطبلات تدق لسعادتنا
فتح الباب وسط زفة دخولية على زفة بصوت امير الرومانسية ماجد المهندس ترتجف ايدي والفرح
يهلهل بعيوني الابتسامة لحالها تتفجر بوجهي نابهه الكل عن مشاعري العاشقة والفرحة بلشت مراسيمهم
وشوية وراح ابهر شوية بعد رقص البنات اجت تينة ياحضي كوومي ردحي
لارا عيب خاف اذب لحم ويكولون مامصدكة
تينة هزي شوية وكعدي راح اشغل ساجدة وهزي ركبه روح للكاع
لارا لا عيب والله مااتحمل اذب فلك حتى البدلة تتبرى مني
تينة طكتها ضحكة وصارت علهيا الكامر ة صورة
تينة بمزح : مو بيدي اريد اوريهم شكلج الثاني
كرصتها بهدء تينة عفية لاتسويها ساجدة نقطة ضعفي انسى امي وعرسي .
رحيق كحت من سمعت حديثهن ضامة ضحكتها المنورة وجهه
شبيجن مكافش عليمن ؟؟
لارا بتوسل تكز على اسنانها خالي تريد ساجدة تشغلها اني غير اروح لحم وانوب افتشل
رحيق ركصي شوراج كومي يلة نزلتني خالتي وتينة واني بالكوة مسيطرة اركص نازكة عود لو علية
اهززز للكاع واشمر الطرحة .
رجعتن يخالتي شاورتها مو عساسه ابهر يجي نركص سلو شو مابين ؟؟؟ بس لا هالمرة فلت لو خطفوا
رحيق بضحكة منو يخطفة شيراز مخلي حماية وحراس اكثر من الوزراة .
ضحكت لعد اتاخر خابورا اريد اركص سلو بنزاكة
تينة بضحك بس مو توكعين على وجهج وتفشلين مابية المج وطكتلها ضحكة بقوة .
بعد دقائق فات أبهر
وكعد شوية همس ترجفين خايفة لو تخجلين
لارا بهبل علمين الخجل قابل غريب انته
ضحك بهسهه الحمد الله ماتخافين حتى مانطول
لارا لا حست بغباهءا خرب قصدي اخجل واستحي طبعا وخايفة بس اووف يا فرحانة
ليش تذكرني ؟؟؟
أبهر لان بعد ساعات ونشتغل .
لارا بهبل شنشنتغل .
أبهر بخبث سلو نركص نشتغل ويا الاغنية لازم وغمز بمكر وين راح بالج؟؟
لارا خجلت يم السلو .
اشتغلت اغنية لارا فابيان احبك هالاغنية ترجمتها كل حرف فيها كانها مكتوب النه
ابهر هو اختارها وكال بهمس كد مافاهم احساسج عرفت شختار كمنا بهدوء وتماسكنا وكان نذوب بعض
سكر ومي نسنيا الموجودين ونظراتنا غرامية انتهت االاغنية واحنه مندمجين قبلني على وجنتي وصار صووت
اوووى يااااا البنات رجعنا ورا شوية شغلوا اغنية غصن الخوخ تركي هاي سوالف تينة وجبرتنا نركص وبيسان عشق
بالاحرى بنات القريبات منه وصارت رقصة تجننننن وخود بنصنا الها جور تهز وتركص وتتدلع
انتهت ليلتنا بعشق وصار وقت ننجمع على وسادة عشق ونقفل ابواب المملكة ونعيش بداخلها كل اجواء
الهيام غطوني ورااا شوية دخلوا الشباب وصار رقصهم مع ابهر وكانر قصهمب القاعة ماشبعهم وشغلوا
جوبي ودك ركص ويهزون وتقدم ابهر واصف للنص وصاروا يرقصوا الجوبي بتناغم وروجولتهم تبث
جاذبية العيون اكلتهم ودي اضم ابهر وامنعه عن عيونهن خلصت مراسمهم ونزفيت بهدوء بالسيارة شغل ابهر
اغنية رومانسية وسط هدوئي انفاسي ترتجف بس هجوء لساني طاغي شغل اغنية شيرين انا كلي ملكك
أنا ...
أنا كلي ملكك
أنا كل حاجة حبيبي فيا بتناديك
أنا ...
أنا مش بحبك
الحب كلمة قليلة بالنسبة ليك
أنا ...
أنا كلي ملكك
أنا كل حاجة حبيبي فيا بتناديك
أنا ...
أنا مش بحبك
الحب كلمة قليلة بالنسبة ليكأنت فرحة جت لعندي
بعد عمر من التعب
في السعادة اللي باعيشها
يا حبيبي أنت السبب
ضحكتك عقلك جنونك
والحنان اللي في عيونك
هاوصف إيه و أحكيلك إيه
أنا ...
أنا كلي ملكك شال كفي قبله وسط سوالف اشلباب من هورنات ومفقرعات قوية
ابهر يبتسم بضحك
حجيت بخجل هاي شمسوي باعراسهم لهدرجة يحبوك ؟؟
ابهر هههههه ردوها ماسامعة كما تدين تدان وصلنا للعمارة وهنا نزلت خالتي وامي ويتنة نزلوني
واشلباب قوااا جوا بعدها بدقايق نسمع جبجاتهم وركصهم العمارة الى ان زفوا علية بس اني كلهن بية خوف
خجل فرح حماس مادري كد ما المشاعر متجمعة تشتتت هسه افرح ابجي انقهر خرب بمزاجية الانثوية .
شووية ودخل علية تكتف بهدوء لحد ما هدا الجوووو تقرب الي رفع عن وجهي ولامست كفوفه زنودي رافع
وجهي بطرف ابهامه هاتف بغزل يصهر القلب
عيناك بالحسن اية
تتلى على قوم ضلوا فهتدووا
قبلني قبلة رعشت كل ذراتي وهمس نتوضا نصلي كمت ويا نضفت وجهي وعدت وضوئي
دبعدها مكيجت شي خفيف يرتب الوجه والبدلة بقت هي والطرحة مانزعتهم حبيت كلشي هو يسوي
من شافني طلعت هشكل ابتسم
كملنا مراسيم الصلاة وسط صمت وهدوء بعدها كام ونزع سترته واني ارتجف اقترب ورجع
همس برغبة مستعدة لو نططول
ماادري
رجع تمددد على اسلري وساحبني لصدره خجلت ومسد على شعري بحنان وايدي
تفتر على ايدي يهمس بروماسنية براحتج لارتي مايصير الا لتردي
حسيت افناسه تعلى وانفاسي همات ماكدر اكون هالكد قريبة وماابوسه
رفعت وجهي بوجه وسالت ابهر همس بعيون تباوعلي بحب و
ياعيونه ياجمرته
ابتمست وقبلته بخده ضحك ملعونة
همس بغزل ياجمرةً إشتَعلتْ في داخلي شغفًايزدادُ إن أبصرت عيني عيناكِ
فقد رُزِقتِ جمالًا لستُ أدرُكه أظن ربي من الأزهارِ سوّاكِ
وبعدها ابتدت اروحنا تنجمع شلون استسلمنا باحب تجردنا من كل ما يترك حاجز بينا
وسط اجواء غزتها الروماسنية ماحسينا الا متلفييفن باحضان بعض ساكنين بعد جولات
من تنفيس عن كل كبت بمشاعرنا .
_________________________________________
رحيق رجعنا للبيت اني وضحى وشيراز والاطفال والحجية والبنات اول مادخلت للغرفة هلكانة نزعت
اكعب وكاعدة على المراية دامسح مكياجي بتااففف هلاك نزعت ذهبي اووف وراي شعري ياربي
دخل شيراز بضحك اردف شبيها محيطي الهادي معصب وهيجان
باوعته مسيطرة على اعصابي تعبانة وشوف هاي اشرتله ببرطم ودلع غير مقصود
ضحك وكام وراية صار يفتح شعري بهدوء بيها وبغزل يصبرني على جرات لشعري
طاغية هي بروح طفلة مازالت تبكي لو علق شعرها بمشطها جميلة هي
ببرائة انثى مغرية عنيدة انها ليست انثى انها ننوووية معقدة وخلص ششعري
بوكاحة طبع قبلات ولمسات مثيرة على رقبتي متقدم بلمسته على مقدمة صدري
واستسلسمنا بقبلات عنيفة مستلذين بيها .
____________________________________________
صباح العرس
لارا كعدت على وقت غسلت وعدلت نفسي وعطري شوية وحاسة ان الباب يندق
وتلفوني يهتز نسيت بالصالة فتحت هذي تينة
تينة صباحوا ياعروس
صباح الخير شكو مصبحة علية
تينة اشوفج شبعت تمطك لا اشاقة بس امج ياختي وخالتج والحجية جايج
كلت اكعدج .
متتت انتي شدراج بيهن
تينة : لا ياختي انا اخبار العراق عندي بقت على هاي يلة باي .
غلقت منها مبتسمة على خبالها ودفو لف علية وسواعد التفت حولي قبلات برقبتي
دنكت بخجل ودارني اله بقبلة صباح العسل ياعسل صباح الورد ياورد مشتاقلج حتى بنومي
رفعت عيوني مخطوطت بكحلهن ياصباح الورد لفيت ايدي بحركة اكثر جراءة راح تشتاقلي كل لحظة ودقيقة
مثل شوقي الك ال يماينتهي .
قبلني واندق الجرس ضحكت هاي اكيد ماما وخالتي ضحك وكال رايح للحمام قتحي الهم
رفعت عين الباب شفتهم فتحت الهم بحماس اول نفر خود دخلت مستعدة وراها امي حضنتني بقوووة
وهي تبارك وتبوس بية وراها خالتي وعشق وكعدن بين سؤال وجواب وخجلي بعدها طلع ابهر وسلم عليهن
ماطولن بس جابن ريوك وراحن تريكن وكملنا وضحك كال سفرتنا لتركيا بالليل
رحت حضنت اني محضرة جنطة اسلفر بس كان موعد الطيارة شوية بي اشكال وسافرت بسعادة عشت
اجمل ايام عمري هناك برومانسية وحب تاركة خلفي كل حزن .
رحيق بعد سفر لارا امها رجعت وسط توسلاتي بان تبقى يمي لكن رفضت وحجتها امي وهو الصح ترجع
لان امي لوحدها ودعتها وشيراز بعثها بسايق خاص هي وامي.
تاركين خلفهم اشتياق جارف بكلبي ودموع بمقلتي
بعد رجوع لارا وهنا كانت يمنا الحجية عزمتن كلنا ملتهين بين ضحكة وسالفة ومنتظرين تجهيز سفرة الغدة
فجاة دخلت بغرور مكسور سمر وهي حزينة والملامح واضح علهيا الندم
كام ابهر محاولة يهدى غضضبة والحجية كالت الزعل موحلو بتي غلطت وغلطها جبير بس كافي زعل
الدنيا خلصانة وسمر اعتذرت مني وصار سلام بارد بين الكل
وكعدت علاقتها مارجعت قوية بابهر مثل قبل يحترمها يسال عنها ويخاف عليها بس بقلبه جرح
تاركة للزمن يضمده اله خوداية رجعت تدوام مدرسة خاصة بيسان رجعت هي واصف لاربيل
واحنة بقين نعايش حياة من الروتين المعتاد لككن تكسره بعض الامور والاحداث البسيطة .
اما حياتي ويا ابهر بين خبال ورضى حيل كاسرين الروتين بخبالي حسيته هو العوض
عن كل مافتني مرات نغلط ونسير بطريق كل مشاكل حتى نضن ان كل الابواب مغلقة
لكن ننصدم خلف هالحزن والعسر اكو باب بي افراحنا وسعادتنا واني فتحت هالباب والتقيت باعز انسان
ابهري ...
النهاية
_____________________________________________________________--
قصة احداثها حقيقية مع ابطال من الواقع مانكدر نكول انتهت لكن نكدر نكول اكبر جزء من حياتهم انتهى
وسنين مضت وحصلنا تجربة عبرة منها .
رحيق حياتي مع شيراز بين مد وجزر وحب ومشاعر شغف لكن مازلت الطاغية الي مستحيل اسمحله
يدوس علةي لكن بطرق غير عن الطلاق وترك البيت درست وحاليا مرحلة ثانية فسم تحليلات اهلي
وولدت ولد اخو لقسور وخود وريان احب اوصله من قصتي بسم الله الرحمن الرحيم
قال تعالى
قُل لَّن يُصِيبَنَآ إِلَّا مَا كَتَبَ ٱللَّهُ لَنَا هُوَ مَوْلَىٰنَا ۚ وَعَلَى ٱللَّهِ فَلْيَتَوَكَّلِ ٱلْمُؤْمِنُونَ
{يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ ۚ إِنَّ اللَّهَ مَعَ الصَّابِرِينَ}،[٦]
قال الله تعالى في سورة الأنفال: {وَلَا تَنَازَعُوا فَتَفْشَلُوا وَتَذْهَبَ رِيحُكُمْ وَاصْبِرُوا إِنَّ اللَّهَ مَعَ الصَّابِرِينَ}.[٧]
صدق الله العظيم
هاي الايتين توضح جزء من صبري وعبرتي الكم وهمات احب ابشركم اني حفظت سورة البقرة كاملة
ومستمرة بحفظ سور قرانية لازم نبهج ارواحنا بالقران وذكر الله
لارا
حياتي بعد الزواج حلوة تببدددت فكرة ان الزواج ظلم الي مجتمعنا لعنف المراة صورها الي
وعرفت اكو من الممكن رجال بشر بداخلهم شي من رحمة وانسانية مثل ابهر وعلاقتنا تخبل بين زعل ونكد
بس قاعدتنا اني ويا شما كان الزعل مانبقى ليالي زعلانين مرات صح بس ابدا مانترك فراشنا حتى مايدخل النفور والجفا بينا
وصار عندي طفل بسنة 2021 مستمرة اشتغل بس مو ويا ابهر لكوني عندي شهادة ثالث عيني شيراز بروضة اطفال خبيث
المهم روضة .
حياتنا ماتنتهي وقصتنا لسة فيها ابطال قصصهم ماانتهت اصف عشق بيسان لكن نتعرف عليهم بجزء اخر
تحت عنوان بنت المسؤل وممكن نغير الاسم بصراحة احداثها نار وشرار يحتاجلي طاقة كد طاقة لارا وابلش اكتبها
ختام مع التحيات والتقدير لكل متابعة علقت تفاعلت صوتت دعمكم لي بعد سنين غياب
شي اكبر من الشكر القادم أفضل والالتزام اتمنى يكون اكبر لسوء الحظ واجهت مصاعب
ببداية الرواية نويت الغيها بس ام ريان ماقبلت ورفضت وكالت كمليها
ورجعت نويت اسلمها لكاتبة صديقتي لكن نفسها ام ريان ماقبلت وكالت لو انتي تكتبيها لو محد
يعرف اسرار عائلتي ومنو احنه غيرج .
ثقتها بية واصرارها جعلني استمر بالكتابة
مع ذلك ضرف صحي مع ضروف امنية بالعائلة مع هواي امور وبلاغات لكن استمريت
اني فخورة بنفسي فخورة اني بعد ماتركت موهبتي وابتعدت عنها وعشت بواقع وضروف
من المستحيل تترك واهس لكاتب ان يكتب لكن رجعت وكتبت حتى لو ماكان بلشي الي يرضيني
لكن شي افتخر بي اني قاومت واستمريت باأرادة قوية حتى أختم هالرواية رغم كل ماحصل .
وان شاء الله القادم أروع وأفضل ولك الروايات راح تكمل من ضمنهم الاسود مابين الغرام وانين الا نتقام وشجون العاشقين
وسادومازوخية راح ينختمن بس لكل ابطال ضروفهم الخاصة عن قريب حيتم تنزيل رواية انشاء الله مستمرة بكتابتها
اختمها هالفترة حتى بكون التزام بالنشراني شخصيا ماحب عدم التزام لكن ضروفي اقوى وبالاحرى صحتي
هي لمتدهورة بالفترات الي فاتتت مع ضروف وطقوس خارجية بوساتي الكم وحب كبير وتقدير لكل انسان
قدرت وضعي وكان كلامها وتعليقاتها راقية صدكوني دعمكم الي مو لغرض رفع الرواية وبس لرفع معنوياتي لاكثر من مرة حاولت احذفها وخاص بعد حذفها من البلاغات بس من ادخل واشوف بصفحتي تعليقاتكم تعلقكم حماسكم اتشجع ارجعها واستمر
لذلك كل تعليق منكم كان عقار أمل وقوة الي احبكم ويارب وصلت عبرة منها
الهروب مو حل بس ممكن يكون اسوء
قضايا التحرش الاغتصاب المحارم وهاي القضية اشكال وصلتنا لاتسكتونا بنات احجوا دافعي عن نفسج
منو ماجان كدامج
الصبر والقوة هم الحل لازم نصبر ونطلب الفرج من رب العباد حتى وان طال يجي بيوم ويدق الباب
اترككم بحفظ الرحمن
لقلوبكم سعادة أبدية
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
