رواية دخيله الشيخ زين العابدين الفصل التاسع والاربعون بقلم أوتار حزينه
زين العابدين
عكبت من بغداد وكت مغرب ماشفت ابويه
بالمجلس ولا جان اكو احد سألت علي الكهوجي كال راح يصلي هو والربع بالجامع
سريت لدار اهلي دشيت سلمت على امي وهاجر سألت عن هيله ماعگبت من يم الدكتورة كالن جايه بالطريق رحت توضيت
وصليت
كملت رحت للمطبخ ردت جاي راسي يوجعني من الطريق كلت لهاجر سوي
لي وعكبت للمجلس كعدت اگلب بجهازي وره شويه ابويه دش سلم
الله يساعدك يازين
كمت بوجهه رديت
هلا ياشيخ
ذب البشت مالتو وكعد
انتبهت له عاكد الحواجب وجن به شي كعدت حدو وسألت
خير يابه صاير شي
دحك لي وكال
شهم ولد اخو عمك حميد طلع عايش
فكيت عيوني وانذهلت
من السمعتو كلت
وش ادكول يابه
مثل ماسمعت شهم ولد عايد طلع طيب وعكب لاهلو البارحه
سمعت صوت شهكه وشي وكع دحكت للباب هيله واكفه ومصدومه وادحك
لنا بذهول
امي اجت هي وهاجر والهنوف شافن الصينيه بالارض سألن
خير شكو شصاير
عيوني ظلت عليها
هيله گربت ببطئ وسألت بغصه
صددك ياعم السمعتو شهم طيب ولد عمي حي وعگب صدك هالكلام
جزيت على سنوني من شفت حالها شلون تخربط من سمعت به عايش
ابويه رد
اي يابه ابن عمج طلع طيب ومابه شي لجن فاقد الذاكره ومايتذكر هو من وابن من
الفرح ترس وجهها وكامت تبجي كمت لحيلي لميت ايدي بقوه ابويه گضبها
هي رددت بغصه
الحمد لله يارب الحمد لله هسااع شحال عمي وخالتي من شافو طيب ومابه شي
هيله
مااعرف شصار بيه من سمعت شهم طيب وعكب حي لعمي،،،،
وخالتي فرحت له والهم
كلش ماصدكت السمعتو سألت عمي واكد هالشي
بجيت من فرحتي وحمدت الله بس فزيت من زين انهد بيه وصاح
وووانتي شحالج من
سمعتي بي طيب
ولو انا كاعد اشوفج فرحتي والدموع هلت على الخد
تگرب عليه الغضب تارس وجهو عمي گضبو وتكلم معه
يول عش،،، انهديت بها شبيك انت ماتريدها تفرح لان ابن عمها طلع طيب ورد
لاهلو
شبيك يازين هذا ابن عمي وابن خالتي شتريد ماافرح به طلع حي ماميت ومابه
شي
وجاااان يريدج وعاااشكج نسيتي هالشي
سكتت من صاح بيه بخبال عمي صاح به
اااسكت ولك ولا تظل تجفص بالكلام
صفنت علي بقهر اشوفو يرجف من غضبو صااح بيه
وولي من وجهي من لااااجه ولا شفنا خلقتو
اانا حرمتك والي كلتو عيب بحگك قبل حگي وهالشي جان ماضي وهساع انا صرت الك ام ولدك وحامل بالثاني عيب تذكر شي انت تعرف هو راح وانتهى من صرت لك وعرفتني احبك انت مو غيرك
ووج فرحتي ودمعتج هلت من عرفتي به طيب
شلووون ماافرح هذا ابن عمي من لحمي ودمي ماتفرح لو نجم عكب طيب
ووولي لاااجي اكبرج
عمه سحبتني من جدامو وعمي وكف بوجهو من هد عليه سريت ابجي ورحت
للغرفه الجوه
دشيت مقهوره كلش من الحجاه كعدت اشهك هاجر يمي اسمع كلام جده
معه وامه
وهو يصيح بغضب عمي انهد بيه
بسسك عااد الولد جاي متزوج وعندو بنت
يااربي شوفي الغيره وش تعمل تخبل فقد العقل بس عرف به رد وشاف فرحتج به
هاجر تكلمت وهي شايله شعلان رديت بخنكه
ماافرح به ياهاجر هذا ولد عمي رجع من الموت
شلون يعني اسكت وماابين فرحتي به
والله مدري ياخيه حكج لجن اخويه فگد العقل من شاف فرحتج به
الهنوف دشت عاكده الحواجب كالت
اسكتي لاتبجين توج اجيتي من الدكتوره
ماسكتت زدت بالبجي عمه اجت من يمهم كالت وهي تلوم بيه
يولي مو تعرفي يضوج من سيرتو لابن عمج عش بينتي له انت فرحانه برجعته
وخليتي يجفص بالكلام معج
يممه رحمه لاهلج تره السواه زين ماله داعي هي هساع حرمتو عيب يتكلم معها هالكلام ولد شاب عگب من الموت شيريد
مااتفرح له وهو ابن عمها
من لحمها ودمها
ووج مو جان يريدها يعرفو عاشكها وشافها شلون فرحت وطك عرج براسو وتكلم هالكلام
اي وسمعتي ابويه كال اجه مزوج ومخلف بنت بعد شكو هالغيره عش هيج غثها وغثنا ويا
ساكته واسمع كلامهم واشهك بالبجي جده اجت عاكده الحواجب تردد
مخبل وعگل ماكو براسو البنت صارت مرتو وجابت له ولد وحامل باللخ ويذكر
الماضي
يغار ياعمه ولدي يغار وتكلم هالكلام
امه ردت عليها
الهنوف كالت
طير فرحتنا بالولد وغثنا وغث روحو بلا داعي
اام زين
عمي صاح طلعت له اجتي وهو وراها كمت من دش مسحت دموعي كرب وكال
لاتزعلين يابه هذا من غيرتو تكلم هالكلام هساع يبرد ويرجع لعقلو ويعرف غلطو ويجي يعتذر منج
مارديت السواه جان جبير ذكر شي جان ماضي ويعرف كلش زين انا حبيتو الو وتعلقت بي وتصرفي جدامو جان عفوي لان شهم عگب من الموت وهاي فرحه جبيره شلون ماافرح بها وهو ابن عمي من لحمي ودمي
زين العابدين
طلعت من بيت اهلي غادي دم شفت هيله شلون فرحت برجعة شهم شفت
فرحتها ودموع عيونها به
وهذا الشي خبلني وخلاني اظن بها ظن السوء
حمد تلاكني يم مجلس ابويه شاف وضعي گرب وسأل
خير يول وش بلاك
ماابي شي
صحت به ورحت لسيارتي گضبني من زندي وكال
اوكف شبيك كاعد اتكلم معك
يول عوفني مالي خلك اتكلم مع حد
سريت بسرعه هو وياي تكلم
سمعت بشهم عگب مو؟
وكفت ودحكت له كمل
سمعت من الولد عوض وعمو شايفي بالسليمانيه
وجابو لاهلو البارحه
من لا عگب ولا شفناه
سريت لحگني صعدت سيارتي وهو وياي صحت بي
شترررريد ياحمد
حرك يول تره اعرف وش بك
حركت وطلعت بشحطه من الكراج طلعنا للشارع اسوق وانا صاير اعصاب وهي بين
عيوني شلون فرحت بي
وكامت تبجي
ضايج من رجعة شهم موو
ااسكت ياحمد تره غادي نار
كاعد اشوفك واريدك تتكلم واطلع الي بگلبك
وولك اااخ ااخ عش عگب هذا مو مات وخلصنا منو
شصاير حتى تتكلم هالكلام
سكتت رد سأل
تكلم صار شي بينك وبينو يعني عرف انت اخذت هيله
خزرتو من ذكر اسمها سكت رديت
اسمها ام شعلان ياحمد لاتذكر اسمها على لسانك لا انت ولا غيرك
ام شعلان بس لاتزعل يازين انا شايل همك وكاعد اشوفك متكدر وحالك حال
ااسكت يول تره گلبي محروك اسكت وخليني بقهري
ماحبيت اتكلم معه بشي يخصني انا وهيله ضميتو بگلبي لجن هو جن عرف البيه سكت ماتكلم بشي وره لحظه كال
اطلع للمزرعه مالتنا
سرينا له كعدت هناك وبتت ماردت اعگب من وره الشفتو منها سوه كعده وشرب ماگربت منو وهو هم ماشرب عافني براحتي
وما لح عليه
🌿🌿🌿🌿🌿🌿
شهم
سريت وي الزلمه ووياي عم وليد وصلنا ربيعه جانت الديره البيها اهلي مسافه عنها اسمع الي اسمو عوض
يتكلم
هساع بس تشوف ارضنا وديرتنا اكيد راح تتذكر كلشي
اي وهم بس يشوف اهلو ذاكرتو راح تعكب له
ويذكرهم
هزيت راسي بأي صافن على الزرع جن اشوف نفسي به عكدت حواجبي من شف مرشات
جن مر بالي شايفهن ووحده واكفه يمهن خيال
السمره لفه بين عيوني عم وليد سأل
ماتذكرت شي
لااا ياعم
هساع نوصل لاهلك بس ها ظل لاتنزل الما نمهد لهم السالفه خاف يصير بهم
شي من الصدمه
عوض تكلم هزيت راسي بأي
ووره نص ساعه وصلنا كاع مزروعه ودار مسافه عنها وكف مسافه عنها نزل هو وعمه وراح مشي لها
ادحك لهم وكفو بره واحد اجه من بعيد وكرب عليهم
يمكن هذا ابوك
عم وليد تكلم
دار حديث بينهم دحك لي
شفتو گضب عوض وراد يهوى بالارض كعده على قنفه بره طلعت حرمه جبيره بالعمر وشاب نزلت ادحك لهم
عم وليد گضبني وكال
اوكف ثائر
سحبت روحي منه من شفتهم اجوي يركضون عليه الشاب گرب عليه يصرخ
يااخويه ياشهم
هو اول واحد وصلني دحك لي يبجي ويضحك بنفس الوكت صاح من حظني
ووولك يااابه هووو شهم اخويه طيب مامااات
صرخ بجنون وهو يحب بيه ويحظن الزلمه الجبير وصل ينهد دحك لي گلبي
رف علي جن اعرفو گرب عليه وكع بالارض رحت له تلكيتو گضبني
الحرمه اجت مفرفحه شافتني صرخت
يمممه وليدي ولكم هذااا شهم وليدي طيب هيانو
اجت حظنتني هي والزلمه الجبير كعدت يمهم بالارض يحبون بيه ويبجون
ولد اصغر من الشاب هم وياهم يبجي وينوح
يابه انت طيب ولك دحك عليه خلي املي عيوني بشوفتك ولكم والله شهم هذا هوو وليدي ولكم طلع مو ميت يارب لك الحمد
سجد ع الارض وحب الگاع الحرمه نامت على صدري تكهد بالبجي مااعرف شصار بيه بجيت وياهم گلبي كلي وعلمني ذوله اهلي لجن ماجاي اتذكرهم بصوره صحيحه
گرة عينك بي يابو شهم والله ماتعرف شكثر فرحنا من شفناه وعرفنا بي طيب
الزلمه عم عوض تكلم
ابويه راح له حبو من جتفو وكال له
يااخويه ياوجه الخير انت ماتعرف شسويت رديت روحي من جبتو لي طيب
كام يبجي واجه ليمي حظني گضبتو جسمو يرجف وخر مسح على وجهي وكال
كسرت ظهري يابه بذاك اليوم من كالو استشهدت وجابوك بتابوت
شهم انت تذكرنا موو انا اخوك شكر وهذا شوفو غيث
جر اخوه الصغير دحكت له هزيت راسي وكلت
انا مااعرف يعني اذكر شي بسيط مو جثير
مايخالف ولدي راضين ما تذكرنا بس انت طلعت طيب وتشم الهوه هذا كافي لنا
امي ردت تحب بجتفي وووجهي
يابه خلي نروح لجوه حتى يرتاح من الطريق وتفهمون منو هو ووين جان وشصار بي
ااي ااي امشي يمه ارتاح وانت ياشكر خبر الكل وليدي عكب طيب ومابه شي
كعدت بدار اهلي ادحك لها جن شايفها من قبل
عوض وابو حسن عمه ويانا وعم وليد
ابويه سألني فرحان والدمعه بعيونو
يابه وين جنت كل هالفتره احجي تكلم كلي وش صار بيك وشلون عشت يبعد ابوك
حجيت لهم الصار بيه وشلون تزوجت اخت احمد
امي فرحت وسألت
تزوجت يبعد امك
اي وصار عندي بنت
هااا
وجهها تغير صفنت عليها ابويه كال
نعمه يابه وشنو اسمها
حور
مرتك وينها يمه
بالسليمانيه عفتها هي وامها كلت الما اتاكد انتو اهلي يله اكول لها واتكلم
عم عاايد جااي كتلو وما صدك لا هو ولا خاله زينب
وهذا ابو هيله عرف شراح يعمل ويسوي من فرحتو بشهم
ابو حسن تكلم
بسرعه صارت ومضه بعقلي غمضت بقوه وجلمه
هيله اجت على لساني فتحت انتبهت امي وابويه يدحكون لي بس ماتكلمو بشي
خيال السمره لفه وصار اوضح بنت تسري بمهره بنص الزرع تضحك لي
سألت بصوت مخنوك
من هيله
بنت عمك حميد الجبيره
ابو حسن رد كمت لحيلي امي سألت
وين رايح يمه
سريت لبره وكفت ودحكت للبعيد
يابه شهم وش بك تذكرت شي
حنا هاي ارضنا
سألت افر براسي ردت امي
اي هاي ارضنا
غمضت جن روحي بارض وبصفها ارض بها مرشات
سألت
جنا هينه من زمان
ها لا يابه هاي الكاع اشتريناها قبل الاحداث ما تذكر انت خليت بها من فلوسك
مارديت امي گضبتني وكالت
يمه الجو بارد عكب يم الدفو
دحكت لها جن متوتره وابويه هم عكبت كعدت عم حسن يتكلم شلون شافني وعرفني هو وعوض وعم وليد يحمد بيه وبأخلاقي انا جالس سمعت صوت خله گلبي يحن له
وينو ولكم صدك طيب
زلمه دش وجهو كلو نور شافني وكف وصفن عليه كمت علي اجه بخطوات بطيئه يدحك لي من فوك ليجوه فتح ايدو وحظني بقوه لمني بحظنو وكال
وولكم والله شهم
حبني من وجهي ومن عيوني حرمه دشت وراه شافتني شهكت بفرح هم اجت عليه حبتني وهي تحظن بي تردد
ياايمه ياشهم وش عملت بينا
كامت تبجي ابويه كال
هذا عمك حميد وخالتك ام هيله
الاسم لعب بحالي لعب سمعتو مرتين وگلبي كام يدك بقوه جن صاحبتو تاركه اثر بي
عمي كعد يمي ومرتو راحت لجوه اسمعها تهلهل وتهني بأمي صافن علي
يدحك لي فرحان واثر الدمع بوجهو بارك لابوي وسجد لله
كعد حدو
ماكدرت انزل عيوني منو ظليت كل ساع ادحك له الكاه يبتسم وفرحان بيه
عرف بالصار بيه وتحمد لي اكثر من مره وهم عرف متزوج وعندي بنت وبارك لي جنت اسمعهم يتكلمون معه ويصيحو مله وابو هيله
والاسم خربط حالي وخلاني بس اتصفن ردت اسال هي وينها اريد اشوفها لجن ما كدرت اسال عنها من وره الكاعدين
تغدينا وعم وليد كال
لازم نرجع تاخر الوكت
كمت ويا واهلي فزو وابويه سألني ها يابه وين رايح
اروح ارتب وضعي واخبر حرمتي انا من واهلي من واعكب لكم
اجي وياك ياشهم
شكر تكلم ابويه رد
اي خذ الكيه مالتنا وروح وي اخوك عكبو هو وحرمتو وبنتو
ردت اكول يابه لجن ما اعرف ليش ماكدرت اكولها تكلمت
انا اعكب بس ارتب وضعي هناك لان مااكدر اعوف عم وليد وحده بالاسواق
على بختك ياولدي والله ماشبعت منك لا انا ولا امك خلك يمنا يومين بعد ووياك
الزلمه الطيب
تسلم حجي بس والله عندي اشغال هوايه وما اكدر اظل وصدگ لان احب ابنك واعزه مثل ولدي اجيت وياه حتى اطمئن علي
واتعرف عليكم
عم وليد تكلم وابويه رد
ياهلا بيك وماقصرت يابه هاي جيتك ويا جبيره عندي اردها لك بالافراح
ماتقصر ابو شهم
عم وليد رد
شكر تكلم
يابه اروح ويا يكمل شغلو ويصفي امورو هناك ونعكب شدكول ياشهم
هزيت راسي بأي
كلشي كاعد يصير بسرعه
وكمت مااعرف افكر
بالي كلو محصور بالبنت
ردت اشوفها اريد اعرف هي نفسها الي ظل خيالها يروح ويجي بالي
اخذ اخوك ولا تعكب الا وهو وياك
اي يابه
طلعت من يم اهلي وياي عم وليد واخويه شكر كاعد بصفو يتكلم معي فرحان ويحجيلي عن الصار بيهم وشلون نزحو لكركوك
جنت هناك بس ماالتقينا
اي شفت شلون ارض جمعتنا سوه لجن ماشفتنا ولا شفناك
رد علي صفنت للشارع عم وليد نام وغفى سألت
انا يعني مااعرف ليش من تصوبت ظليت اذكر بنت سمره هيج تجي بخيالي
كل فتره جن اعرفها وتكرب لي
سكت ودحك لي كررت
هي ظلت بالي ماراحت لجن مااميز ملامحها بس اتذكر سمره وعدها مهره تسري بزرع
بس هذا تذكره ياخويه
صفنت بعيونه دار وجهو مني ركز على الطريق كلت
هيله سمره
اي ياشهم
ماتكلم شي اخر ليش گلبي گلي هي نفسها خيال السمره ماتكلمت بشي سكتت وهو هم
وصلنا دارنا بالسليمانيه وخبرت ريتاج وامها بالصار تفاجأو وفرحو لي لان لگيت اهلي وعرفت انا من وشنو اسمي
🌿🌿🌿🌿🌿🌿
هيله
زين ماعكب وعرفت من عمي هو بات يم حمد بالمزرعه تصرفه هذا قهرني بعد اكثر كعدت بغرفتي الفوك انا وشعلان وحتى عشه ماقبلت اتعشه
دمعتي بعيوني كل ساع تنزل وامسحها جهازي دك جانت امي فتحت الخط رديت
هلا يمه
هلا هيله شلونج وشلون شعلان
بخير يمه انتو شلونكم
الحمد لله بخير
سكتت وسألت
يمه صدك شهم طلع طيب وعگب لبيت عمي
اي ياهيله رحنا له وشفتو بعيوني هو شهم ماغيرو لجن خطيه مايتذكر من هو
ولا يتذكر عمج وخالتج
ذبيت حسره وكلت
مايخالف يمه بس عكب طيب مابه شي هي ترجعلو ذاكرتو وي الوكت
اي ابوج هم كال هالشي
حجت لي شصاير بي وشلون تزوج اخت الي خلاه عندو وحماه من الدواعش وصار عندو بنت اسمها حور
خالتي اجت بالي من عيرت امي بخلفه البنات تنهدت وكلت
الحمد لله من عگب طيب وكره عين خالتي وعمي بي
الف مره يمه الحمد لله والشكر مامصدكه هيله هو طيب وج لحد هساع انا مو مصدكه شفتو بعيوني واكول خاف جاي احلم
يمه الرد يوسف ليعقوب قادر يرد شهم لعمي وخالتي
اي والله يايمه معجزه هاي وفرحه جبيره
اي
سكتت وكملت وره لحظه
يمه ماتجين وي خواتج تباركين لخالتج وعمج
بسلامتو لشهم
لا يمه مو هساع مااكدر
خير يولي بيج شي صدك انتي اليوم رحتي للدكتوره والله نسيت اسأل من وره
ذهلتي بشهم
عندي تقلصات وقويه ما اكدر اطلع منا لهينه انتي باركي لخالتي وعمي وعود انا من اصير زينه اروح ابارك
لهم
براحتج يمه بس ديربالج على روحج واشربي دواج
اي سلامي لابويه وخواتي
يوصل يمه الله وياج
سديت الخط وذبيت جهازي على الجربايه غمضت وكلت
غفرانك ربي والله جذبت من وره العندي هو سمع بي عكب وتخبل وسمعني
كلام يقهر النوب اكلو اريد اروح له غير يتخبل ويحرك الدنيا عليه
كمت افتر بالغرفه واشوف خيال زين يتكلم معي بغضب والغيره عاميتو كلت وي روحي بقهر
انت اثبتت بكلامك هذا انت مو واثق من حبي لك وعندك شك بيه انا احب ولد عمي وانا كل العشتو معه هو تعلق لا غير
هبابه يازين وضباب كل العشتو مع شهم وانت بس الي سكنت الگلب وتولع بك الحال لجن بكلامك هذا لجمت گلبي لجمه جبيره وقهرتني كلش
ظليت الليل كلو كاعده ما غفيت ودمعتي بعيوني صليت الفجر وقريت قرآن لجأت لكلام الله حتى ارتاح ويهدأ بالي
شعلان كعد ساعه سبعه ونص بدلت له ورضعتو هجست تقلصات تروح وتجي عندي مادرت بال
نيمت ابني وكمت حتى اغسل هدومنا
شغلت الغساله ورتبت الغرفه شلتو ونزلت به لجوه لان عمه ماتقبل اخلي وحدو بغرفتي
خليتو بغرفه الجوة سريت للمطبخ
جده صاحتني رحت لها دشيت وصبحت
صباح الخير ياجده
هلا يمه صباح النور ماعكب الزين
سألت عاكده الحواجب
ذييت حسره وهزيت راسي بلاا اشرت لي اجلسي جلست حدها كالت
اسمعيني زين يابنت العرب زين العابدين غلط بحگج من صيح عليج وسمعج هالكلام اليغث لجن البي انتي تعرفي وخابره هو وش هوجس من شاف فرحتج
بأبن عمج
ماكو شي من الي بالو ياجده انا احبو الو واموت علي عش يفكر بشي صار من الماضي وهو يعرف انا ما حبيت غيرو ولا راح احب احد بكثر ماحبيتو الو
اي اعرف يمه اعرف وانتي تعرفين ابن عمج جان هاويج وخاطبج وهو يعرف هالشي يعني الي اريد اكولو نار الغيره شعت بگلبو من شافج فرحتي برجعتو
ياجده انا فرحت له مو الفرحه الي بالو هذا ابن عمي وابن خالتي ومن لحمي ودمي عكب من الموت طيب مابه شي شلون مايريدني افرح به وهو الغريب قبل الگريب فرح له ولبيت عمي
انتي وضعج خاص يايمه وانتي تعرفين عن وش اتكلم يعني الي اريد اكوله
لج داري فرحتج عن زين
تراج تعرفيه مخبل وغيرتو عليج جبيره اخذي بالهدواه
يايمه وشيحجي ابلعي الما تمر هالايام عليج بسلامه
سكتت وهزيت راسي بأي كمت وكلت
اروح اسوي ريوك لج
سوي وتريكي يمه وفگي ريكج ولاتظلين تقهرين بروحج وانتي حامل
اي
رديت ورحت للمطبخ عمه به هي وهاجر واكفات يحظرن بالريوك صبحت عليهن
صباح الخير
هلا هيله صباح النور
رحت احضر صينيه جده خليت ريوكها انا واكفه وياهن زين دش دحك عليه گالب الخلقه ماسلم على احد سرى وراح لجوه
شلون راح تفض ويااك مدري
عمه تكلمت بضوجه وكالت لي
روحي تكلمي معه هدي ياهيله انت تعرفين شلون تجيبي يالسياسه وتخلي
يهدأ
يمه هو عال عليها هي ماغلطت
هاجر ردت بضوجه انهدت بها
طفي النار يولي خابره اخوج نار وشرار والشافو منها زعلو وكدر حالو خل تتكلم معه وتفهمو بطريقتها
صفنت عليهن وذبيت حسره سريت بالصينيه
لغرفه جده خليت الريوك كالت
الله يرضى عليج يايمه
شغلي التلفزيون وخلي على القران
شغلتو لها وطلعت من يمها رحت للغرفه الجوه اشوف ابني دشيت وكفت من شفت زين كاعد على
الجربايه
دحك لي عاكد الحواجب وضايج تنهدت سديت الباب ورايه وكلت
انت عش هيج كاعد تسوي
ااطلعي
مااطلع يازين والسويتو عيب بحگي وحگ نفسك فهمني انت ليش حسستني انت مو واثق من حبي لك
كام لحيله يخزر بيه گرب ورد بصوت مخنوك
ووج شفت حالج شلون صار من عرفتي به طيب وكعت الصينيه من ايدج
وكمتي تبجين من فرحتج
به
عش ماافرح هذا ابن عمي يازين وابن خالتي من لحمي ودمي رجع من الموت بعد
مادفناه وهلينا علي التراب
وووهم تعيديها بوووجهي
صرخ باعصاب سكتت دار روحو مني صفنت على جتفو جن مشنج ويتنفس بقوه كلت صار اعصاب والغضب ترس صدرو
يازين
روحي تره كابات عندي
گضبت جتفو سحب روحو مني وراح كعد على الجربايه سريت كعدت حدو كلت
افهم انت تغار عليه من ش
دحك لي بخزره بلعت اسمو وكملت بهدوء
مالها داعي يبو شعلان تغار انت وبس بالگلب انت عيوني وگلبي وروحي انت الاول والاخر وماكو قبلك احد ولا بعدك احد
ملامح وجهو تغيرت لجن دارو عني كضبت ايدو وكملت
يازين انا احبك الك واموت عليك انت.. روحي وگلبي والهوه الي اشمو وان جان شفت فرحتي به هاي عفويه وعز الله شي عفوي طلع مني لان عكب من الموت لعمي وخالتي
دحك لي صفن بعيوني ابتسمت كال
ضجت وانقهرت من شفت هالفرحه
وانا هم ضجت وزعلت عليك وانقهرت لان تكلمت كلام جبير جدام اهلك
وخليتني اكول انت ماعندك ثقه بحبي لك
ياهيله اا
قاطعتو وكملت
زين انا صرت حرمتك سلمتك روحي وانا احبك واموت عليك محد جبرني اسوي هيج غير گلبي الهواك وتعلق بك
ذب حسره كملت
وصار عدنا ولد واللخ بالطريق
فك عيونو دحك لبطني سأل بغصه
ولد بيج ولد
اي بس انت طيرتها هالفرحه من وره خبلاتك
رديت علي بزعل مد ايدو واخذني لحظنو ردد بصوت مخنوك
ااغار ولج ااغاار واموت من الغيره عليج
ابتسمت بحظنو مارديت لمني بقوه وحبني من رگبتي كلت يضحك
بلا عنف يازين
اووف وج طك عرج بالراس من شفتج تضحكين وفرحانه به
فرحتي لعمي ولخالتي وله لان شاب وعكب من الموت
رديت بهدوء وخرت منو دحكت له صافن علي گضبت خدو وكملت
انت بجف والدنيا بجف يازين خلك متاكد من شي واحد انا گلبي حبك لك انت
وبس يدك لك دگة عشگ ولهفه
حبيتو من خدو وكملت بهمس
انت الغلا كلو وشيخ گلبي وروحي
اخذني لحظنو حبني من رگبتي وشمني كلت بضحك
رضيني يابرق الخير
ارضيج كولي امري شتريدين عيوني لج
هههه اتريك معي لان مااكلت من البارحه ولا نمت
تنهد ودحك لي كمت مديت ايدي الو گضبها
سحبتو كام وكال
بهيده يولي لاتاذين روحج
مابي شي من شفتك طابت روحي وجروحي
ابتسم سحبني علي حظن خصري دحك لبطني وكال
الحمد لله من الله رزقنا بالثاني
الحمد لله شراح نسمي
صفن بعيوني كلت
يمان حلو موو
ابتسم وهز راسو وكال
اي حلو هالاسم
ههه بس امانه لاطلع له لقب مثل شعلان
زين العابدين
ضحكت والضوجه راحت بس تكلمت معي ورضينا رديت
هذا شيخ يو يو
زين بطل لخاطر الله ولدك شيوخ شنو يو يو وشوشو شعندي يمه بزر نستله
انا اريد اربيهم على الكوه والشده اريدهم مثلك سباع ومايهابون شي
لميتها لصدري وسألت
يعني انا گوي وسبع ياهيله
عقجت الخشم وردت
اي وخبل وطگه ونص ونار وشرار والله بلاني بعشگ زوبع ابن الشيخ شعلان
هههه زين انا مو زوبع
انت جن الزوبعه من تهد يمه بعد ماتنگضب تتخبل وتسحك الجدامك بلسانك
وايدك
وتحبيني هيج موو
ابتسمت رفعت روحها حبتني من الشفه طولت وخلتني ادوخ وخرت مني
العيون ذبلانه والخدود حمر ردت
هذا ردي يالغلا
🌿🌿🌿🌿🌿🌿
شهم
صفيت اموري كلها وودعت عم وليد الي انقهر لان راح اعوفو وكال لي اذا احتاجيت لشي انا عندك تشكرت منو كلت له ما اكطع بك راح اجيك كل فتره
عگبت لديره هلي مع اخويه ووياي ريتاج وبنتي حور وام احمد وصلنا العصر اهلي
تلكونا خوش ملكه
كعدت بدار مسافه عن اهلي صغيره وكفتنا جانت معوزه اثاث كلت لشكر نطلع للمدينه نجيب جم شغله لها
استقريت هناك والبريه والزرع خلوني ارتاح للكعده هناك عم حميد ظل يروح ويجي علينا جاب معه خالتي وبناتو ادحك لهن وماجاي اتذكر اي شي يخصهن
جانن اربعه ريمه وهاله وريهام وساريه ترددت بالسؤال بعدين سألت
عجل هيله وين
العيون كلها صارت عليه امي دحكت لي سألت بملامح متغيره
تذكرها يمه
لا بس كلتو عند عمي خمسه وهذني اربعه
عمي رد
هيله تزوجت ياشهم
هااا من اخذها گرايب
لاا اخذها ابن الشيخ شعلان
خالتي ردت بتردد وهي ادحك لعمي ولاهلي امي غيرت السالفه وكالت
خطيه امل مدري وصلت لاا
خابرتها ياخيه وصلت والحمدلله
خالتي ردت عمي كال
والله خيتي تعبانه كلش من وره زلمتها
اي خطيه السكر مأذي كلش وولدو من اجه بس يتكلم بي وشايل همو
جانت عمتي امل الي اجت وي حازم ولدها الجبير فرحانه بيه وتبجي من
فرحتها
ماكدرت تظل من وره عم عبدالرزاق مريض بالسكر وحاله حال عگبو ثاني يوم
بعد ماشافوني
صافن لريمه كاعده بصف حرمتي وتلعب وي بنتي حور عيوني راحت لهاله سمره
والعيون وساع جن شفت بيها هيله
غمضت عيوني وكلت وي روحي
عش افكر بها هالبنت وش بيني وبينها حتى تظل بخيالي وتروح وتجي به
فتحت عيوني صارت بعيون عمي نهض وكال
يالله
ها وين العزم يبو هيله
ابويه سألو رد
اعكب ياخويه تعرف ورانا شغل جثير وهم عزام مو هلكد يعرف بامور المزرعه
ماعگب غانم من بغداد
سألو رد علي
جااي بالطريق ومتخبل يريد بس يشوف شهم
اي رفيجو وخويه بعد
امي ردت وكامت وي خالتي وبناتها سريت معهم لبره عمي ركب كيه حديثه وويا اهلو سلمو وراحو
هاي مالتو السياره
لا يابه هاي مالت الشيخ شعلان هو يشتغل بكاعو ومسؤول عنها
شيخ شعلان الي ولدو ماخذ هيله
رديت صافن عليهم شكر رد
اي ياشهم
شأسم ابنو
محد رد درت روحي عليهم واحد يدحك للخ عكدت حواجبي ابويه رد بتردد
زين اسمو
هااا
تذكرت شي يمه
امي سألت بقلق
لا ماجاي اتذكر شي
رديت عليها وسريت للزرع شكر لحگني وابويه صاحو عگب درت روحي شفتو يتكلم معه
مادرت بال رحت للزرع روحي تفك من اسري به وكفت يم شاخه يمر بها المي ويجري صفنت عليها اجه بخيالي ولد وبنات يسبحون ويضحكون انا واكف ادحك لهم الولد اخوتي والبنات بنات عمي حميد
شكر وكف بصفي سألت وانا اشر لها
جنتو تسبحون هينه انتو وبنات عمي موو
اي تذكرت هالشي
اي بس خيال مو واضح
صوابك الي بالراس عبالك اذاك كلش وخلاك تنسى كلشي ياخويه
اي وماجاي اتذكر لجن
سكتت من لاح خيال السمره بين عيوني سأل
خير ياشهم وش تريد ادكول
دحكت له رديت
ماتذكرت غير بنت سمره تضحك لي وعدها مهره كتلك بهالشي ياشكر واظن
هي هيله موو
صفن عليه هز راسو بأي كملت
انا يعني عندي شي معها تعرف
رد عليه بسرعه
لااا ياخويه ماعندك شي معها اظن ظلت براسك لان جنتو تلعبون سوه من انتو صغار هذا السبب ماغيير
هااا اظن هيج
تعال خلي افرك يم الوادي واشوفك كاعنا
يله اسري
🌿🌿🌿🌿🌿
هيله
زين هدأ عگب كلامي معه تريك وصعد ينام بغرفتنا عمه فرحت لان شافتنا تراضينا وسكت عن الي بيه هاجر تكلمت وكالت بضحك
والله امي طلعت تعرف محد دوه زين غيرج ياهيله انتي بس الي تكدرين تهدي وتخلي يفك عن الي بيه
اي هي بس تكدر تهدي وتخلي يعقل
ههه ها يمه يعني تعترفين اخويه خبل
انجبي ولج عش ادكولين هيج اخوج مو خبل لجن دمو حامي وبراسو غيره
منو يشهد لابنو غيرج ياعمه
ااسكتي انتي ام الفواين شاگه حلكج جدامو وتبينين الفرح وهو ماصدك هد وتخبل عليج وعلينا
ابتسمت من انهدت بيه هاجر اشرت لي وغمزت كملت
يمه انا اريد ازوج اخويه شدكولين
زوجي روحج يالخايبه بالاول تراج نايمه على گلبي مثل الحجر
انا عانس برضاتي ومااريد ازوج خليني هينه يمج على گلبج انتي وهيله مدلله بجال ابويه
خربت ضحك من ردت بضوجه وكلت
هههه لو ساكته احسنلج
عمه كملت
تزوج اخوها الخايبه هو وحده ومخبلها ومخبلنا وياها النوب اثنين غير اهج من البيت وماظل بي
يمه شجاج وعش هيج كمتي ادافعين عن هيله
لميت شفتي من تكلمت هاجر وهي خربانه ضحك انهدت بها
يولي اشو كاعده تجفصين بالكلام انا شعندي وي البنت تراني احبها وحاسبتها مثلجن
هههه هسه لو مو بنت مله جان كلت سوت سحر لج
عوذه الله لايكربنا منووو من امن وعمل به قد كفر بدين محمد الف الصلاه والسلام عليه
رديت بحزم كالن
الف الصلاه والسلام عليك يارسول الله
شعلان بجه هاجر كالت
ابو الشوش كعد
دحكت لها كلت بضوجه
ااخ منج ومن اخوج
ههه روحي لشيخ شوشو
اعلمج يولي هذا شوشو واللخ ميمي
سريت لحكتني وسالت
شراح تسمي بله
يمان
اوي يخبل هالاسم يمان زين العابدين شعلان
دشيت للغرفه وهي معي راحت شالتو بس خلتو بحظنها نام
ياا شوفي نام مره اللخ
اي عوفي خلي اروح اطلع الهدوم من غساله الفوك واشرهن
اي روحي انا يمو
رحت للدرج صعدت طلعت الهدوم من الغساله وشريتهن عكبت للغرفه دشيت بهدوء زين نايم بس بالشورت والفانيله ماخذ الجربايه كلها ابتسمت
وكلت وي روحي
اكبر محتل انت دائما هيج والكي روحي بعد شويه راح اكع
شلت هدومه خليتهن بالسله اندار حظن مخدتي كلت خلي اطلع تذكرت اريد اغسل طلعت لي هدوم من
الكنتور من سديتو طلع صوت عضيت شفتي كتلو
ااش
راح يجاوبج يعني
زين رد ضحكت وكلت
اسفه كعدتك
بيش الساعه
راح يأذن الظهر
كعد تربع على الجربايه يثاوب كملت
اروح اغسل جوه
عش تغسلين جوه مو هذا حمام
ها هم صدك هاي شبيه
مخبله ومطفيه التحجي وي كنتور شااترجه منها بعد
ههه من عاشر القوم اربعين يوما صار مثلهم
ابتسم رحت للحمام وكفني وكال
وين جهازي
ذاك على الشحن
جيبي بله
رحت جبتو له انطيته سحبني من ايدي وكعدني يمو ضحكت وكلت
اكعد راحه
الراحه يمج وبحظنج لا تبخلين بيها عليه
صفنت بعيونه ابتسم دنك وحبني من شفتي طول دخت وحظنتو نسينا روحنا وعشت ويا لحظات حلوه
حمد روحي اختنكت من الديره واهلها وضاج خلگي من الكاعد اشوفو بزين يضحك وي روحو وبس يصفن والفرحه تارسه وجهو
اعرف وش يفكر كل بالو يم هيله فرح من عرف راح يجي ولد اللخ وهاي الفرحه خنكتني خلتني اكرهو بعد اكثر واحسد عيشتو معها
هجيت ورحت لاربيل كاعد وحدي بليل افكر بهيله وشلون تكلمت معي ودعت
عليه بالموت گلبي شال عليها جثير وردت انتقم منها جريت جهازي من الطبله دكيت على دلع ردت
وره لحظه
هلا ياحمد
شلونج يولي
مو بخير وتعرف ليش
شربت كاس كملت
تعرف البيه ليش تسال وشتريد مني وداك عليه
اريد الي تريدي
سكتت كملت
مااريدو يفرح ولا يتهنى بالثاني
ردت بسرعه
راح يجي اللخ
جاوبت بغصه
اي يولي ااي والفرح تارس وجهو فرحان بيها وبي
كامت تبجي ردت
فرحان واني القهر راح يكتلني لان عافني وذبني ذبة الجلبه ودمعتي ابدا ما نشفت من عيوني من وره السواه بيه
شراح نسوي يادلع اريد خراب يبجي عيونو وعيونها هيه بالذات اريدو يطلكها
ويكرهها وهي هم تكرهو
سكتت للحظه بعدين ردت
تكدر تجيبه لهنا
اي اكدر
اسمعني زين من تجيبه خلي اله دوه ادز صورته
الك خلي اله حبه بعصير بشي يشربه وعوف الباقي
عليه
شوكت هذا الشي يصير
باقرب فرصه اذا تريد باجر
شوفي راح ارتب فد شي وانطيج خبر بس يجي وانتي تعالي وسوي الي عليج
اريد رقم هيله حتى اعرف شلون اهجم بيتها هي وذاك الي اكلني لحم وذبني عظم
يجيج بس العبيها صح ما اريد اصير انا بالصوره
جهازي دك باتصال ثاني دحكت له كلت بسرعه
روحي هذا هو ديتصل
سديته منها وفتحت الخط علي سلم
شلونك يول وويامن مشغول
هلا يازين جنت اتكلم مع ولد رفيجي اسألو عن دوه لان مالي خلك
شبيك شجاك
مريض كلش
انت وين باربيل
اي
طاح حظك ماتجوز عاد من هالسوالف مو راح يفين حظك
ماجاي اسوي شي شبيك شويه بردت وتأذيت
ذاك تك اللخ يمك
من صعب لاا مو يمي
وحدك يعني
اي ومالي خلك ارجع للديره خاف يصير شي بي بالطريق
انا اجيك باجر من الصبح يمك لان هم عندي شغله هناك واريد اگضيها
ها تمام يله تعال حتى اعگب وياك
يله عجل امرلك باجر
اي
مع السلامه
الله وياك
سديت الخط خابرت دلع كتلها راح يجي باجر دزت صوره الدوه نزلت اخذته وخليته جوه ايدي الليل كله مانمت افكر بال راح اسوي وابدا مااجت فكرة التراجع براسي هيله زين راد يروح لاربيل وكال عندو شغل هناك كلت له من رتبت له الياخه
صاير ماتكعد بالديره يوميا لو رايح لبغداد لو اربيل
شغل هيله تعرفين مناطقنه جاي تتحرر وتريد الي يعمرها ولازم نركض هينه وهينه حتى تتعمر
ذبيت حسره حظنتو حبني من راسي وكال
ادعيلي يا بنت المله
ابتسمت وكلت
امنتك بايد الله واستودعتك عندو
الله يخليج اليه انتي والشبر ونص
ههه ماصار شبر ونص شوفو كبر وصار رجال
اي ناقصو بس شوارب
رد علي بضحك وراح حب شعلان واخذ جهازو من الشحن رش عطر سرى يم الباب سألت
تبات هناك
مدري يمكن اخابرج
اي خابرني حتى لايظل بالي
تمام رايح
الله وياك
طلع وراح الله ويا التهيت مثل كل يوم بالشغل وشعلان
خابرني زين كلي وصلت تكلمت معه شويه وراح بليل كاعده انا وهاجر نتعلل وندحك لمسلسل تركي
شعلان نام من وكت كلت
شوفي شلون نام ادري بي راح يسويلي عرس بعد جم ساعه
ههه اي هاي سوالفو
دحكي خطيه شلون تبجي لان ابوها مات
اي اسكتي قهرتني جثير ماعدها حظ خطيه
اي
ظليت انا وياها كاعدين بعدين راحت لغرفتها
ظليت وحدي وي ابني كلت خلي ادك على زين لان من العشه هو مااتصل
دكيت مارد رجعت اتصلت هم مارد كلت خاف مشغول لان مرات هو هيج
بعدين يتصل كمت غسلت ورجعت للجربايه اثاوب
تمددت وهي نومه ماكعدت للفجر الا سمعت صوت ابني كام يبجي
كمت سويتله ممه وجبته خليته بحظني بسته وكلت
شنو هالنومه الحلوه ما كعدت ولا كعدتني شعجب ولك وانا اعرفك وكح ومن تجوع ادخلني انذار
حبيتو مبتسمه كمل الممه بدلت له وخليتو بالجربايه مالتو اسمعو يناغي ويضحك اليه
رحت توضيت وصليت كملت جبتو يمي وتمددت بصفو اخذت جهازي زين مامتصل كلت شعجب هو من يشوفني متصله علي
يتصل
ماكدرت اتصل كلت خاف نايم واكعدو من النوم دزيت له رساله
شلونك غلا عش نسيتني ومااتصلت زعلت عليك وماراح ارضى بسهوله
دزيتها له جان عندو نت كلت من يكعد يشوفها عفت جهازي غفيت وي ابني وكعدت ساعه 8 كمت ابني بعدو نايم اخذتو ونزلت لجوه خليتو بالغرفه التهيت بالريوك وي عمه وهاجر جان جايين ضيوف لعمي من صلاح الدين والتهينا بيهم
نسيت اتصل على زين من وره الشغل للظهر فگدتو هو ماعكب رحت اريد اسبح
واصلي وهم اتصل علي
واشوفو وينو هو
جهازي جان فوك دشيت غرفتي رحت له مامتصل عكدت حواجبي وهوجست
هو به شي لان موو عوايدو
مايتصل عليه
دكيت علي مره ومرتين ماهو گلبي كام يدك بسرعه وخفت ردت اخابر عمي واكله يخابر الحرس الويا بس بنفس اللحظه اجتني اشعارات جثيره على الواتس اب من رقم غريب
