رواية ليتك قدري الأول الفصل التاسع والاربعون بقلم رفل الكناني
اوووويلي مو وجع إعصار كعدت لحيلي وتلمست الفرشه
لو ايدي غركت دم كمت اصيح
بارررق بارررق
هااا عيني شبيج
بارق شغل الضوه بسرعه كوم اني دانزف
لابربج
كمز بسرعه عل ضوء شغله الفرشه سمائي مكلوبه احمر هوه شافهه لو تخبل كام يكمز
هبه شنووو هاي لج شنوووو هذا الدم
مادري بارق بطني تعااال كومني
جان شبهه مصدوم كومني وللحمام والدم ينقط عقل مضل برأسه دخلني كتله
جيبلي ملابس
شجيب ماعرف والله
اي شي
بس كليلي شنو وشنو وين الكاهن
فهمته ودليته وراح واني لازمه لمغسله شويه واجه جايب الملابس عل سريع فتحت الدوش وهوه وياي لازمه ايده
بكل ماعندي من قوه والوجع دياكل بيه كملت وطلعني وبطني دتدكطع كمت ابجي
هبه لاتخبلبني بس كليلي شسوي راح اخابر احلام
هزيت راسي اي دك عليه مشالته حقهه ساعه 3وربع كام يسب وينعل رجع دك جاوبته
ها ااا احلام الحكيلي هبه دتنزف شلون بيه
مادري شكلتله وجاوبهه
احلام نزيف موطبيعي فدوه اروحلج لحكيني لمستشفى........راح أخذه لاتتاخرين
سده ولتفتلي كال كومي سحب ايدي ودليته عل جبه لبسنياهه وطلع لغرفت الجهال وعمتي كلها ووطلعنا الدرج نزلتا بمعجزه صعدنه السياره جان يسوق بكل سرعه وكل شويه يباوعلي
هبه بيج شي هبه لاتخوفيني ربي كلشي ولاهذا الطفل
والله روحي بي هبه تحملي راح نوصل
وصلنا المستشفى اهلي قريب علينه نزلني وبسرعه للطوارى النسائيه ويم الباب دادخل واجتي احلام ورجلها شكو شبيكم شصار كله بارق بس دخليها عوفي الحجي هسه لزمتني من ايدي ودخلتني للدكتوره من شافتني كالت بسرعه صعدي للسونار سوتلي سونر ولتفتت عل أحلام كلتلها
زوجهه موجود
اي دكتوره بره موجود
الطفل نازل بعنق الرحم ومختنك وهذا سبب النزيف لازم اسويله ربط فورن واكيد بموافقة زوجههه فخل يتفضل يمي وياريت تفهمي شنو الربط حتى اخاف بعدين يكوله مادري وشلون هيج انتي شتصيرين منه
اني اخته
تمام يعني عادي تشرحيله تفضلي فهمي وخل يتفضل يمي
اني من سمعت الطفل محتنك اني حتنكت وانوب الألم زاد وفوكاهه الربط طلعلي صفح كمت مافكر عقلي تبنج شويه ودخلو بارق وأحلام وجهه مخطوف جان لابس بنطرون اسود وتشيرت اسود والفون والسويج بيده الدكتوره تباوع عليه من فوك ليجوه جان دكوله
انت زوجهه
اي دكتوره كولي
اعتقد الأخت فهمتك
اي يابه فتهمت بس اهم شي ماكو خطوره عل حياتهم
والله هاي عمليه وبنج عام ونسبت نجاحهه قليل لان الطفل مختنك ويجوز نسوي العمليه ويموت وبعده نرجع نفتح العمليه ونطلعه وبهل حاله نعتبر مسوين عمليتين وبعد انت بكيفك
تقرب يمي لزم ايدي
شدكولين هبه
مادري بارق اني داموت والله عفيه لحكولي
دكتوره سوي لتشوفي مناسب
تمام روح سوي دخوليه وادفع أجور العمليه واحنا راح ندخلها لان متتحمل لحد متكمل
ان شالله بس ديري بالج عليها دكتوره الله يخليج
ان شالله تفضل
يله اختي اخذيه لغرفت العمليات
كومتني احلام جنت بس روح تصعد وتنزل الجسد ميت من الألم وكل مكان بي ديون عليه لاكدر اصيح ولااكدر اشيل الألم بس دموعي تعبر عن مابداخلي طلعنا بارق وأبو رقيه واكفين بارق انطاه جنسيته وصفطه فلوس كله ابو رقيه كمل الاجرات اني راح اوصلها للعمليات سندني هوه واحلام ومشوني واني ارجف
هبه قوي نفسج حبيبتي شنو السالفه هسه طلعين برمشت عين ابويه انتي لتسوين هيج ويضل بالي يمج
مسح دموعي وباس راسي واستلمتني الممرضه دخلت العمليه وآخر صوره بالي بارق وهوه قلقان وشلون خايف دعيت الله بأن ميصير للطفل شئ لان ساعته ماعرف شيصير ببارق بنجوني ونمت وكعدت أتلمس بطني واصيح ابني وصوت بارق بذني
احلام لو تسكتين لو اكلبهه كربلاء
انت شبيك تخبلت جاسم حاجي تره نفضحنه
بارق اخويه صدك تحجي هاي عود انت متعلم ودارس وإذا ابو التخدير رجال تره عادي
ابو رقيه تعرف شنو هاي العمليه احلام مو شرحتيلي عليها شنو بعد رجال بنص الصاله استغفر الله اني كلب ابن كلب شلون فاتتني هاي السالفه
يبووووو والله ابويه طاح حضه من وره لسانك ولك انت شنو ندري مرتك بس موهيج كلنه جبنه وأبو التخدير وحتى الدكتور يفوت لصاله الولاده بس انت متقبل هذا المي ورد الرشيته عل دكتورات لو مااني ارقع جان اخذوك امن المستشفى عل سويته
انعل ابو المستشفى لابو الامن اني اعلمهم
بارررق بارررق
انعل حظ بارق لوميت ولا هيج هيج صاير هبه انتي تدرين اكو رجال بصالة العمليات
بارررق اني بيا حال عفيه
لاتكفريني ريحي كلبي موجود الرجال من دخلتي
انت شبيك احلام وخري مني
فدوه لعينج شوخره فرج العالم علينه قسم بهل فجريه لحد الله مكله بس اني وجاسم ومكادريله اووووي الله يساعدج عليه
هااااااا كمتي تلوصين يعني ترديني اشوف رجال كشف عل مرتي واسكت
لعد ليش جبتهه لهاي المستشفى
بنت ااااااالقنده غير مستشفى اهلي شمدريني هيج
اشششش اشششش عزه بعيني جاسم امشي رجعني للبيت اني وبارق منتوالم
يا جماعه والله كبرتوهه بارق عيني والله متوقعتك هيج تره المره طلعت بالسلامه وسالفه صارت وانتهت صلوو عل نبي وفضوهه احلام اسكتي تعرفين اخوج ليش دجادلين خويه بارق روح يم مرتك وانتي احلام تعاي وياي نجيب شي نشربه
من كل هاي السالفه فتهمت بارق من مطلعيني شايف ابو التخدير بالصاله ومتخبل ومعاركهم واني مالي خلك والبنج خانكني يادوب جنت بس اسمع شويه شويه بديت اصحى فتحت وبارق كبالي كاعد وايده عل راسه
بارق
هااا عيني
ابني
كام وكف يم
زين الحمدالله مابي شي
لعد شنو هذا الألم
عادي طبيعي غير عمليه
شبيك ضايج
هبه بس جاوبيني ابو التخدير وياج طول العمليه
ردته بس يسكت لان ادري ميعوف هاي السالفه كتله
لا والله بس خدرني وطلع
هبه تره اني مو زوج انتي قبل مطلعين بدقائق شفته طلع
بارق حتى اذا موجود اكو حاجز مخلين لوسط جسمي يعني حتى اذا موجود مكانه يم راسي
بس موجود
بارق شدتفكر
اشششششش لاتذكريني متدرين شدافكر راح اتخبل واهجم الدنيه
لزمت ايده
بارررق حبيبي عوفك من كلشي موزين ابنه لحكنه عليه بآخر لحضه
الحمدالله جان صدك تخبلت
دخلت أحلام شافته لازم ايدي كلتله
هاااا طارن
ضحك
يمممممه ضحك خل اوزع جكليت ابقى بس كمكش بعد ماكو كلشي من اليوم انكطع عليك المي والكهرباء بح ايدك والكاع وانت شلونك انوب كطعو عليك المدادات شدو روسكم يكرعان
ضحك وباوع عليه كال
اي والله انوب بيدي وقعت وين انطي وجهي بعد
شويه برد وسكتنه لصبح اجتي امي خطيه نقهرت كالت ليش مكتولي عاد اجتي الدكتوره كتبتلي خروج ونطتني تعليمات ماكو تعب ولا حركه ال قليل ولا درج وحتى دجه عاليه ماكو وبارق منعته نهائي ومن كملت كالت الله يعينج عليه تره البارحه راد يسوي كارثه هذا شلون جارعته حجتهه وطلعت واحنا طلعنا للبيت
ولن اني ممنوعه من الدرج مكدرت اروح لبيتي رحت لبيت اهلي وصلتني احلام وراحت بعد ماتشكرت منهه خطيه تعبت وياي نوموني بلاستقبال لن بينهم عباره عن غرفه وحده لحذام وحولي وستقبال يعني سوده عليه حتى غرفه خاصه باامي ماكو بارق كلي راح اجيب الجهال واجي واني غفيت شويه وكعدت عل صوت جهالي من اجوي جابهم بارق واخذ هديل يم عمتي كلي راح اروح تعبان وفعلا هوه حيل تعب راح واني كل شويه اغفى واكعد والجهال رايحين جاين بيومهه لليل كولش ال خابر
الووو
هلو حبيبي شلونك هاي وينك
الحمدالله عمري انتي شلونج بشريني
زينه الحمدالله
تدرين هسه ال كعدت
نوم العوافي
الله يعافيج شلونج خوما اكو شي النونو زين
لا ماكو شي الحمدالله
يستاهل الحمد هبه غير اني اصكطت البارحه حتى دربي
كمت ماندله
اي والله حبيبي شفتك
هبه ضايج وروحي طاكه
ليش عمري
مادري اشو الشيطان ديكمز برأسي من سالفت ابو التخدير كل ماتخيله جان وياج بنفس الغرفه اتخبل
ليش تفكر هيج حبيبي اني شكتلك
مادري ابشرج الجامه مال الكنتور فلشتهه
عززززه ليش
والله من رجعت من يمج ضايج انوب الجهال هم ماكو وهاي السالفه برأسي المنفاضه كدامي ضربته بجامه صارت طشار
لابارق مو لهل درجه ليش دسوي هيج
اني ادري انعل حظي اني اعصابي فد مره
متدري شكد خايفه عليك منهه بارق اذا صدك تحبني تحاول تضبط نفسك
مداكدر اصلن اني بدون تفكير ضربت الجامه حتى هسه من صارت كبالي كلت اني موصاحي
لأ حبيبي انت العقل كله بس جوز شويه تنرفزت
هههههه قنعي نفسج بهذا الحجي حبيبج مخبل
واني اموت عل خبالك هذا
حبيبتي
مممم
مشتاقلج
تره ملحكت البارحه عفتك
واني ماكد بدونج
ولا اني
راح اجي بس اخاف عيب من امج وحذام
لا عادي
لا خيلهه عل باجر الوقت متأخر ماريد احرجكم
بس اني ماكدر انام بدونك
شوفي خلي الخط مفتوح ونام
يله
تصبحين عل خير
وانت من اهله
احبج
واني هم
انتي شنو
احبك
لج لاتحجين همس تره دافور
هههه
روحي روحي حتى الخط راح اسده
ليش
تعرفين ليش اني وين اتحمل هيج تتنعوصين لو يمي ال اطيح حضج
ياالله هسه هذا غزل لو شنو
اي هذا غزل بغدادي
يمممه منك ابد ابد ماعرفك كل شويه شكل يله حبيبي راح انام
سديته واني أضحك عل سوالفه ومشتاقه لحضنه يوم واحد عبالك سنه ياربي البارحه وين واليوم وين تلمست بطني يممه وليدي همزين مصار بي شي بس الخوفه لبوجه بارق البارحه تخليني اليوم أشكر الله الف مره من طلعنا سالمين الحمداله والشكر عل كل حال ومن يومهه اني يم اهلي تكسرت من النوم بارق يوميه يجي يشوفونه ويكعد شويه ويروح يستحي ميكدر يبقى بيت اهلي صغير والجهال موتونه ياخذهم يمه يبجون عليه ويمي يبجون عليه كام خميس وجمعه يباتون يمه اني وياه بلبعد تولعنه بعض اكثر يوميه للصبح نضل نحجي ومرات ينام عل صوتي صار شهر عل هل حال واني ماكوم غير بس للحمام وامي حايره بالجهال هديل من الصبح تروح يم عمتي وحذام بده يضوج ويوميه اسمع عركهم بليل واكثره علمود الأطفال يمكن وجودي خله حذام يفتح عل هواي شغلات اولهه شكد الأطفال ونسه بلبيت يشوف شلون جهالي متولين امي بيبي وبيبي ومن يجي يركضون عليه ومن يروح بارق يبجون وراه واني كمت اتحسس اخاف اني سبب مشاكلهم لحد مااجه وكعد وياي
هبه اريدج تحجين وياه هديل
عل شنو
هبه اني اريد أطفال هذه مومن حقي
لامن حقك بس اني شاكدر اسوي انت رجال وتعرف تتصرف
عجزت والله حجيت رزلت هجرتهه وحتى كتل كتلتها
وميفيد
حذام صدك تحجي يعني شنو متكدرلهه
اكدر كلشي اسويلها بس احبه وماكد عل زعلها
والله بعد شريد اكو لك اذا تحبه تحملهه تريد الصدك اني ماكدر ادخل والله حتى استحي شكولها
انوب طالعتلي بسالفه جديده كول حجايه والثانيه وكالت بيتي
هوه هذا الجنت خايفه منه ومحد وكع بيهه غير امي المسكينه الصفت لابيت ولا عانه لاعبالك امي متسمع عركاتكم تسمع وتكتم الله يعينهه ويعينك شريد اكو لك
هز راسه وكام وشكد حقدت عل هديل حبيش بدون تضحيه جانت تعيره بفقره وهسه تعيره بلبيت وحارمته من الأطفال ولازمته من ايده التوجعه وهوه خابصنه أحبها واحبها مادخلت احسن اني البيه كافيني وبارق نقذني من كلي طلعت المؤجر من البيت وراح ننتقل لان اني بديت اختنك هنا وجهالي تبهذلوو وبده بارق ينقل بلغراض وام رقيه معافته وقتيبه يركض وياه وحذام عل فراغه يساعدهم أقل الاسبوع وكملوو وخابرني حضري نفسج اليوم اجي اخذكم باوعت عل نفسي بلمرايه يالله شصاير بيه محافه وهاي اول مره ابقى هلكد جانت اكو صالونه جارتهم هديل تشتري منه وهيه تروح وتجي عليهم كتله دز عليه بلبدايه حفتلي ومن شفته بنيه حبابه وسبورتيه طلبت منه تسويلي جسمي وباجرهه وافقت وبلشت بيه ايده خفيفه وسريعه وماذتني بس اني جسمي حساس بسرعه كملت ونطيتهه حقهه وراحت واني كمت سبحت وامي لمت غراضي للمغرب واجه بارق اخذنه خطيه حتى سياقته عل كيف علمودي بطريق نزل جاب عشه ووصلنا للبيت
صليت عل نبي ودخلت برجلي اليمن كلت ان شالله عتبته خير علينه وشكد تصميمه من بره يصفن من جوه بعد اكثر 3غرف وصاله كبيره وحولي مفتوح عل مطبخ وحديقه وكراج كلش مرتبات الطابق الفوك مشفته لان مااكد اصعد بس كلي بي هم 3غرف وملحقات أكثر شي عجبني السيراميك جان ابيض وأسود اشبهه بلعبت الشطرنج غرفتي اكيد جوه جايبه وناصبهه وغرفت الجهال هم وغرفه صارت العمتي اني افتر بلبيت وهوه يحجي عليه نامي مددي الفره موزين عليج خبلني ومارتاح ال مددت بالغرفه هديل جانت موجوده تعشينه سوه وراحت بارق سولتا بجهال وكلهم بيده ومن كملو غسللهم واخذهم بغرفتهم نيمهم واجه للغرفه دخل مبتسم تقرب بصفي
نورتي بيتج ام يوسف
حبيبي ابو يوسف هذا بيتك ومنور بوجودك
متدرين شكد مرتاح واليوم ال تنفست
ان شالله دوم مرتاح
مشتاقلج ومتبهذل بلياج
واني اكثر
تقرب حيل خلاني عل ايده وجسمه من يم صدره عتلاني بوسني بكل لهفه وبادلته لن اني هم مشتاقتله نزل عل صدري شاف الأثر مال الشيره نهوس
هاي شمسويه الخاطر الله وين أولي بهذا اليل
بارق عل كيفك بطني
شلون بيج شسويتي بيه
بارق ركبتي الله عليك موهيج
باوع بعيوني وعيونه ذبلانه شبهه فاقد كال
هبه بعد ماتحمل صار كومه عايفج
بارق شبيدي والله ميصير
بتعد متنرفز دخن جكاره وكمل أخذني لحضنه ورجع يبوس ويعصر بجسمي وريح نفسه بس اني جنت متخشبه اخاف يتهور ويتقربلي بس مسواهه من بتعد كال
اوووويلي ابنج هذا ذلني والله
لعد شعبالك هاي بعده مجاي وهيج ركضنه شلون من يجي
بس خل يجي واني اخذ حيفي منه
ارتجه عل عكس ايده وخله الايد الثنيه عل بطني تلمسهه
بعد شكد ويجي تره روحي طلعت
هههه مضل شي شهرين واول يوم بتاسع ان شالله تسويلي العمليه
الله يكملهن عل خير ويصبرني
امين
شنو رايج بلبيت عجبج
كلش
وراح يصير احلى من تكونين بسلامه وتخلين لمساتج بي
ان شالله
هبه مامنج امانه ماريد اجي والكاج بره الغرفه لاتزعليني منج الاكل اني أجيبه من بره والتنضيف اني كل أسبوع اكو مره محتاجة بلمحكمه دائمه تنضف المكتب راح اجيبهه كل سبوع مره تنضف حبيبتي بس هل شهرين خل يخلصن عل خير
صار ادلل
كام سبح واني نمت براحه مجرد وجودنه بنفس المكان يريحني ويخليني مطمئنا غفيت وحسيت بي من خلاني عل ايده وغطاني صديت عليه حضني وجهي صار يم حنكه وعطره وحده كفيل بان يأخذني بسابع نومه
