رواية الطاغية والمغرور الفصل الرابع بقلم يارا الياسري
بيسان مطت شفتها طلبي هوو أن وتنهدت تغريني
خطيبي
شنووووو شنووووو !!!!؟؟؟ انتي منتبه لنفسج شتحجين كمت منتفضه وفاتحه عيوني
شايفتني بت ليل يعني سويتلج حسنة علمود تركبين
براسي سيئة أگبر من عمررج
الله أكبر عليكم والگم ماكو رحمة ماگو بشر عنده انسانية والله ماارتاحيتلج گلت هاي وراها ملعوبة
وبقن ينزلن دموعي. من حرگة گلبي وين بعظ اروح وين اطم روحي الله أگبر عليكم الله أكبر على قساوة قلوبگم .
عفتها وخمطت جنطتي الي عفتها يمها فتحت الباب بسرعة طلعت ابجي وعيوني حمرر نزلت أركض
من الدرج وركضت من الحديقة بقهررر مرهقة روح
وجسد وتفگير ومفزوعة على نذالة هالبشر .
واني امشي سريع متوجهه للبوابة رن بمسمعي
صووت رجوولي وهو يصيح .
خطارنا مايصير يطلع مستعجل انداريت اشوف هذا المغرور نفسه الي اول مادخلنا .
بشراسة باوعتله واجيت ارزله وابرد گلبي المشتعل
نار لگن مجيء نيسان قلب الاوراق .
نيسان اجت وهي تصيح رحيق رحيق مو قصدي
والله .
اندار عليها المغرور بأستفسار عاقد حواجبه وخافي بگفه جزء من وجه ماوقف گدامي ووجه بوجهي انما
نص وجه بينلي ..
نيسوو شكو شبيها صديقتج ؟؟!!
نيسان بخبث ومگر. مابيها حبيبي أبهر لاتشغل
باللك احنه نتفاهم.
أوما بعد اعجاب بالوضع واردف ترى أصف اجه
نيسان صدوووك مو عساس سافر شنو عطلت الطيارة ؟؟!!
ضحك بوجهه .وراح للغرفة معزولة .
بقيت وأقفه متعصبة وكلي اهز باعصاب اجت نيسان
اقتربت مني. .
رحيق مو قصدي ترى بس فهميني وبعدين قرري
بعدت عنها بنتر. شفهم والج باعي ورفعت ايدي بوجهه
لاعبالج لگيتني افرفر بالشارع گلتي سهل استغلها
لاانتي ولا الف غيرج يگدر يستغلني ويشغلني بكيفه
اذ مو بشر يوكفلي الله موجود يسخرلي ليساعدني
عفتها وانداريت اطلع ..
نيسان صاحت هوو مجرررم هددني يمووتني
انداريت عليها انتي شتكولين ؟!!!
حماية ابوج وصيته وهالحشم گله واحدد يهددج .
تنفست بقووة وزفرت انفاسها وصدرها يعلى وينزل
من أثر النزول السريع من الدرج فوتي اسمعيني وبعدها طلعي أصلا أني مااجبرج والله .
رفعت راسي ونضري للسمة ناجيت ربي بنظراتي واهاتي الي زحتهم من قلبي وفتت وياها .
دخلن للغرفة گعدت گعدت بغضب وعدم راحة
بطرف الجرباية واهز رجلية رجيتهم رج .
بيسان گعدت على مرجوحتها المعلقة. وبدت تحجي
اسمعي مو طبعي لغريبة أتكلم اذ للحضتي لگيتني
باحد أفرع من المناطق المخيفة بوقت الليل .
گنت بأحد البيوت باحثة عن داعرة تگدر تفعل
لبالي .
باوعتلها باستحقار انتي ملاحظه تفكيرج عزيزتي
شنو هالقرف .
همهمت بتعب أسمعي واحكمي. انا مخطوبة لشخص
ابن برلماني لگن عمره هااشاب مافات قلبي خطبة
مني ماگانت الا تحدي سخيف من مغرور .
باوعتلها بخزر وابوكِ ؟!!
بيسان بابا گان بامس الحاجة لوقفة الگل مما في
الحزب ويا ومن ضمنهم هالعضو لحتى يصعد .
لاتكولين ضحى بيج احنه بالجنوب يضحون بينه
فصليات نهوات قتل انتي ابوج ضحى بيج زوجج
لواحد. برلماني
بيسان بغضب تستهئزين ؟!!!
رحيق بسخرية لا اتفلسف وتنهدت بضيق انا لشفته
گان جنون وخارج عن المتوقع وهاي گاعدة تحجي
عن حبني وحبيته وخطبني وماردته .
بيسان المهم القصة مو هنا ان أني گنت بحب عمو
شهكت هنا شهگة عزيز شنووو؟!!
بيسان برطمت بملل وجزع يسس هذا لصار وهو
مصورني واني اتباوس ويا ااا لذلك جبرني أقبل
بخطوبتي منه بس حتى يگسر غروري .
ضحكت عهر دعارة جنون ابن اخو يحط عينه على
ليحبها عمه وليش انصدم ليش لخله عينه علية
مو محرم الي فقدني اغلى ماامكن مو محرم تنهدت
قشعريرة ذاك اليوم رغم السنين لمرت بس مجرد
يلمحها بالي ترجع قشعريرة مع رجفة وتشتت وجرس وجع يرن براسي تغيرت وضعيتي من ثبات لحالة
من الهلع والفزع لزمت راسي باثنين ايدي وغمضت
عيوني وصرت ارددد سورة الم نشرح الك صدرك
وبعدها اية الكرسي وامسح على قلبي واكرر
فوضت أمري إليك وجهت وجهي إليك لا ملجأ إلّا
إليك اللّهم إنك تعلم ما بحياتي كله الظاهر والباطن ما إعلمه وما أنت اعلم به مني إستغفرك وأتوب إليك
.اللهم صلي وبارك على محمد واله بيته بقيت
استذكر كل ماحافظته من القران منةسنين طوويلة
اصبح القران واياته ملاذي للراحة والتسكين .
وگفت يمي بيسان وتباوع بأستغراب كان لگدامها
شخص متلبس بي جن .
تنفست بسرعة وعمق واني اركز براسي بس
حرروف القران حتى انسى هالذكرى الشنيعة .
بقت بيسان تباوع واخيراً حست وانطتني مي
شربته.
بقيت هالحاله عندي ساعة محاولة طرد الماضي
من مخيلتي مو سهل ان شخص محرم عليك
يعتدي ويغتصبك الاغتصاب بصورة عامه هو
سرطان يبقى ياكل الروح فكيف اذ كان من محارم
احساسه بالقرف بالكره للجسم لتحمله لللاماكن الي
لمسها تتمنى لو ماتملك هالجسم .
مشاعرك تتضارب تيأس تنظر كان بهالكون ماكو بس وحشية ورغبة حيونية .
هديت وبدون شعور ارتميت بجسمي على السرير
ورفعت رجلية تكوورت بيهن مثل وضع الجنين بخووف .
بيسان بنظرات أستغراب أني ترى ماقصدت اذيج
ولا اطلب شي مو زين منج والله
ردت بس أساعديني بجمالج توكعين سامان .
گمت گعدت ماردت ضعفي يسيطر علية وقررت دانفجر بيها اذ تكلي سوي شي ويا .
نيسان بحماس أكمل
باوعتلها ببرود وجفاف گملي شگد تافهه معتبرة
نفسها محوور الكون .
بيسان شوفي اني حيل هوواي احب عمه لسامان
باوعتلها اسمه سامان ؟!!
بيسان لوت فمها وعوجته اي عشتووو امه تركمانية
وعنده أخوان اثنين واخته .
بس المهم احب عمه وهو يحبني .
زين وعمه ماعرف يرفض خطوبته ابن اخو يعني
شنو هالخربطة؟!!
بيسان موو بفترة زعلي من عمه وعضت شفتها
وهو خطب وهدد وخبرت عمه وهو مسافر
گال هذا ملعوب منج حتى اصالحج گلتله راح ادزلك صور الخطوبة ووافقت وصارت وعمه من عرف
بعد ماراسلني ولاخابر وهذا المستفز حيل سايكو
وتصرفاته مجنونه .
تنهدت بتعب وايدي فرگت جبيني بيها
نيسان المطلوب مني شنووو ؟!!!
نيسان بصوت مضخم تغررري لسامان هو حيل ينجذب للجمال وانتي حلوة وبرئية رحت ادور
بس كلهن لي شفتهن لو حلوة ومو راحة مبينه
لو حلوة وتشتغل بملهى يعني احتمال يعرفهن
انتي مثل جوووهرة لازورد ثمينه وزراق عيونك بيلمع.
غززالة بترغبك الاسووود .
رفعت تك حاجب وخزرتها وعضيت على طرف شفتي بغضب محتدم .
مستحيل لا تحاولين الخراب والدمار لبية هشم
كلشي بداخلي ماكدر اتورط ويا هيج شخصية
انتي في من يحميج واني الوحيدة اليىابقى بمهب
الريح تدفع ثمن.
باوعت للفوك وابتسمت مو مشگلة رحيق مو صعبة
اصلا صديقتي ادور بس من شفتج گلت تحت
ايدي ابتدي بالخطة ابتسمت وگانها ماهامها وعادي
لكن اجاني شعوور انها تطبخ طبخة وان اكو شي
براسها بقررارة نفسي قررت من بگرة اترك هالبيت
الي مو حمل صعوبة والمناصب لبي .
شوية واجت ثرريا
نيسان وهي على ميز تمسح مگياجها ثرريا خذي
رحيق تنام بالغرفة جووة يم زينة .
واكرموها ضيافة لحين ماافاتح بابا بموضوع شغلها
قررت تشتغل عندي ويكون كولشي يخصني
مسؤؤليتها وخاص ان زواجي قررب احتاج من تخدمني بمنزل زوجي
باوعت بدهشة هاي يمته قررت بگيفها غمضت عيوني مسيطرة على غضبي لعقت شفتي الفوقية
ورحت مع ثريا الي دخلتني ولكيت زينه
متربعة ومخلية الهتفون باذنها وگاعدة تصبغ
ومخلية يمها صحن كيك وكرزات باوعتلي ونزعت
الهتفون .
وهي ترفع شعرها القصير عن وجهه حيل شكلها
ينطي روعة للممثلة روعة السعدي السورية
بس ماعدها غمازة وشعرها قصير ومسويتله برم
خفيف وجه حنطاوي وشعرها اسود مخليت
ثرريا بغضب زينة نامي باجر على الغدة معزومين
اخو ست سمر .
زينة بمللل اهووووو هذا لازك هنا يومية معزوم .
احنه هيج حايفنه الله مانلحگ طلبات أصف بجهه
وطلبات نيسان المدلعة بجهه .
بس ابهر حباب وكيوت وانوب حتى الاسلوب
عسل دم لووعسل امك متنسية بنحلة .
وتغمز بحواجبها مااحس غير ثريا صفنت عليها
واكو نعال يمها ابو كركوشة شيلي وركعي
بيها
زينة بغضب يااااا عمة الكركوشة وكعت هسه لا
من ضربتج عدلة حتى اردها الج
وفوكاها الكركوشة وكعت
ثريا دنعل امج لبو كركوشتج بيت لخلفج هوو
وتتملين احمدي ربج اجيتي من ديالى حافية
ملتفة .
زينة بضيق بعد عيريني خاف ماشبعتي هالسنين
يعني اجيت بكيفي غير اخوج ومرته عافني
وهوووب اختفوا ولا حس ولاصوت .
يعني وين اولي ان**** اجيت يمج لو ادري
شغلج يطيح حظي ماجيت رحت بملهى اشتغلت
أني واكفه ماخذه وضع التفرج .
وثريا شيلي النعال الثاني وركعي بسرهالمرة
فيت جابته بگصتها اني مااتحملت طكيتها ضحكة
.وهاي زينة تخبلي نزلي من الكاع وروحي
مشعي عمتج ليششش ليششش فوك مااساعدج
وتكربين علية ليل نهار بالنعال كلنالج ضربيني مو
بالهدف خلي .
ولاگانها عمتها وهاي ثرريا رجعي دمغيها من يمي
راسي وجعني وزينة مجلبة بيها من شعرها
وهي تدمغ بيها وخرت عنها
زينة بسيطة وتسويلها حركات براسها منوزو يساعدج وعزيمتهم باجر دضلي اكلي اصابعج ندم .
صارت بالنعل وكليهم باجر مرگة نعل وغسلي ملابسهم بالنعل
اجانه صووت قوي
وانفتح الباب المراة لشفتها اول مااجت بس بگامل
اناقتها وجمالها وترتيبها لابسة طقم سترة وبنطلون
بلون ازرق ملكي ومكياج خفيف مع حمرة حمرة
مخلية الشال بثبات على راسها وشامرة اجزاء
على اكتافها جنطتها بيضة صغيرة مربعة
عطررها من قووته وجماله يسحرج ويخليج تستنشقين ببلهفة ..
شافت وضع ثريا منكوشة وذيج مدموغه دمغ واني ماخذة وضع القصاص
خزرت ثرريا هااي شنوو؟!!!!
زينة نلعب غميضان ؟!!! وصحن حلال
سمر باستهزاء وغرور شنوووو ؟!!!
كامت زينة لا ماكو شي غرفتنا مسويلها تعزيل .
سمر بسخرية وتباوع لزينة وثريا واللة شكولتجن
يردلها تعزيل
المهم اني طالعة احتمال ابقى يم اختي نيسان
اخاف تحتاج شي ابهر مااوصيكم عنهم .
زينة لگفت لعد وأصف ؟!!
خزرتها سمر وانتي شلج دخل بي أصف طالع
رجع طلع قبل شووية
وانطت اومرها بهسهسه لثريا شكلي رتبي كانج
طالعه من عركة بحمام السوك .
راحت ثرريا وبعد مارجعت بقيت وأكفة
زينة شنوو قصاص عدج اوكفي يم الزبالة ههه
اشاقة تعاية گعدي يمي والك الضيافة صح
النعال طفر بنص صحن الكرزات بس تبقى
نعمة اكلي .
اني تجاهلت كلامها واني ادقق بتفاصيل الغرفة
خشبية سرير كنتور منه هذني القديمات .
على مااضن ثريا وزينة بيها وشفت الشباك مفتوح على الحديقة لمحت أبهر بالغرفة الي معزولة
مفتوح شباكها وگاعد يشتغل بفد شي بايدي
مامبين شنو بس واضح مرگز بشي .
اجت زينة وسدت الشباك شبيك لبيك النوم صار بين ايديج هاج انطتني الصحون بيدي اكو مطبخ
بعد غرفتين عن هالغرفة خليهن بي .
باوعتلها بدهشة !!!
زينة اهووو انتي شكلج راح يشغلوج ويانه يعني
كوني اقدم منج هنا الي حق أمر عليج .
باوعتلها بعصبية لا مالج حق واني ماجاية اشتغل هنا .
زينة سوت حركة غضبانه. انوب مترجية حبابة
ترى هلكانه اني من الصبح لليهسه فرررة فررة
ست سمر لعبت بينه شطرنج نضفن وعدلن لان
ابو أصف هالاسبوع هنا .
عود شوفني اني احسن من مرتك لكاضيتها سفر
اترملت وتفتر تريد تاخذه بس هو بعد بيتي
مسؤل وهيج وكاضيها سفر زرك وحمر وخضر حتى عفاريت وشياطين شايف يروح يباوع لسمر
حتى الدورة تريد تككطعها وتيبس .
ضحكت على سوالفها. كلتلها اسكتي لحضات اخذتي
كيلوات غيبة انطيني اخذهن .
فتت خليت الصحووون وشفت مي عطشانه وماحاسة بروحي لزمته شربته .
ومااحس الا صووت مرعب بي خشونه مخيفة اجاني
اني ماادري خفت وفجاة ذكريات اغتصابي صارت
گدامي فلتتت الكلاص من ايدي بجفلة .
