رواية بديلة اختي الفصل الرابع بقلم خاتون الكعبي
مساااااء الووورد خاتوناتي
_____قراءة ممتعة______
مرسلين
واكفة بغرفة المديرة وعيوني ترمش من الصدمة هذة اجابة اهنا باوعت علة بابة ومسحت دموعي وهوة دخل سلم وبدة يستفسر هوة وبابة علة المشكلة واجة ابو حيدر وبدة المصايح واول ما سئلو علة سبب المشكلة نطت اخت حيدر نرجس من مكانهة وكالت
نرجس بجي : والله بابة كولشي ممسويتلهة جنة بساحة اني ودق انسولف وفجئة هجمت علينة هية وصديقتهة حتة اسئل البنات صديقاتنة جانن كاعدات ويانة
مرسلين : اباوع علة بابة باوعلي بحدة خررب شهل حظ بس طبهة مرض تستاهل نوب المديرة حجت وكالت ليش ضربتيهة باوعت علة تقى واشرتلهة بصبعي بمعنة لا تحجين ودرت علة المديرة وكلت
مرسلين برود : هية البدت وكالت كلام مموزون بحقي واني ادبتهة لا اكثر ولا اقل وصديقتي مدخلهة اني البديت وضربتهن وصديقتي حاولت ادافع عني يعني هية مدخلهة بلي صار وذا ردتي تعاقبيني عاقبيني اني عادي بس لا ادخليهة بالموضوع
ابو حيدر بعصبية : ما شألله ونعم التربية فوك ما هية الغلطانة تحجي بكل صلافة عمي ونعم
مرسلين بستفزاز : ونعم بيك عموو بس اتوقع بدل مدكول هل كلام الأفضل تربي بناتك لأن ناقصهن تربية اباوع علي عيونة نطن من العصبية وحصلتلي خزرة معدلة من ابوي رجعت ليورة لأن فعلاً خفت من نظرات ابوي ورجعت تحجي المديرة وترزل الحد ما انتهة الموضوع بفصلي من المدرسة لمدة اسبوعين وتنقيص درجت السلوك عندي باوعت علة ابوي اشوية ويهجم علية وتقى خطية هم انفصلت وياي بس اسبوع وضل ابوية يحجي وية المديرة واني رحت جبت جنطتي لأن اصلاً حيدك الجرس للبيت اخذت الجنطة من الصف ورجعت للدارة جان ابوية واكف وية المديرة ويحجي وياهة شافني وسلم علة المديرة وكلي اعتذر منهة اعتذرت منهة وطلعت ورا من المدرسة واشرلي بابة اصعد بسيارة شاهين ضليت صافنة علي بنص الشارع لا اخذ ولا انطيني الحد مدفعني علة الباب وفتحالي يا صعدت وبدة شاهين يسوق والطريق كولة وبابة ايرزل بية وشاهين ماخذ السكتة تنرفزت وبنفس الوكت صارت ابلعومي مثل الغصة ودرت علة الجامة واول ما وصلنة البيتنة نزلت من السيارة وركعت الباب وراي ودكيت الباب بقوة واني اسمع بابة يتعذر منة فتحتلي امي الباب وشافتني وبدت ترزل عفتهة وصعدت الغرفتي دخلت بيهة وشمرت جنطتي بعصبية بالكاع يعني فوك ما هنة البدن وغلطن علية وعلة اختي اني الي اترزل واتعاقب وربي ظلم يمكن مضوجاني شي بكل هاي المشكلة بكد مضجواني جيت شاهين اموت وعرف اجابة المدرستي لا والتعس من هيج بابة استلمني دك رزايل كدامة وربي حصرتني البجية رحت بدلت ملابسي ونزلت جوة كعدت وياهم علة السفرة واول محطيت خاشوك الأكل بحلكي امي رجعت برزالتهة مرة ثانية شكلة اليوم مراح يعدي علة خير اني اكل وهية ترزل مسكتت الحد مكمت من السفرة ورحت غسلت وسويت جاي وصعدت رئستن فوك مبية حيل اسمع محاضرات ثانية دخلت الغرفتي وطكطكت اصابعي بدية اااه اسبوعين معندي شي ههههه وربي احلة فصل اسبوعين راحة لا دراسة ولا هم ودوخة وربي لو اعرف هيج جان سويتلي عركة من البداية واخذت تليفوني دكيت علة تقى مرة مرتين مجاوبت استغربت اول مرة ادك عليهة ومجاوب يلة يجوز دتغدة حطيت تليفوني علة الميز وشمرت روحي علة الجرباية ضليت نص ساعة اتكلب بفراشي وراهة يلة اكدريت انام للعصر كعدت علة صوت دكت مبايلي فزيت من نومتي وشفت الساعة بنعاس جانت بالربعة اخذت تليفوني وشفت تقى داكة علية دكيت عليهة لحضات وجاني صوتهة يبجي فزيت من مكاني وكلت
مرسلين : خيرر يول شبيج تقى ليش دتبجين
تقى بجي وعصبية : للجج هذة الكواد السافل الحقير الكلب الزمال الحمار ال** ابن عمي ضربني كدام الكل وغلط علية
مرسلين بصدمة : عززة صدوك تحجين من كسر بيدة ليش
تقى زادت بجيهة وكالت : النعل مسوي روحة زلمة براسي وابوي الك*** يكلة انتة ربيهة اني تعبت منهة من انعل ابو يابو الجابة هل صكط ابن النغولة وهوة العار ما قصر استلمني رزايل وتكفخ كدام عمامي لمن سمع بية انفصلت ولا واحد منهم العارات فك حلكة
مرسلين : قصدج علة مسلم مو كلتيلي مسافر بشغل
تقى : اي هوة الكواد واليوم علة حظي ال** رجع وعسى لا رجع الصكد منعول الوالدين
مرسلين : اوكي بس اهدي وكافي بجي واني حكل الأمي اجيج اتفقنة
تقى : اوكي منتظرتج فدوة نعل مو تتأخرين لا احرك شيب الخلفج
مرسلين : دولي مو صوجج صوج التحجي وياج
تقى : اباوعلهة سدت التليفون بوجهي صدوك صكط وعار وجلبة وسافلة شمرت التليفون علة الجرباية واول ماجيت اطلع شفت ابن عمي الجبير مسلم واكف بالباب ورافعلي تك حاجبة ومبين علي كوة لازم اعصابة بلعت ريكي بخوف واول مردت اعبر منة لزم ايدي ولواهة عطت بوجع وكلت
تقى : اخخخ عوف ايدي ابن ال.. قاطعني وهوة يضربني ضربة قوية علة حلكي من قوتهة حسيت بشفتي الجوة كامت تنزف دم ردت ادفعة بس ماكو ميندفع واكف مثل الحايط كدامي وبنيت جسمة اكبر بهواي من بنيت جسمي باوعتلة بعيون امدمعة وهمست بصوت مبحوح من كثر البجي
تقى بهمس: وخر
مسلم بصوت حاد : قسماً بذات لله اذا اسمعج تغلطين مرة ثانية هل السان الحلوو ينكص مفهووم
تقى : هزيت راسي بدموع وهوة نتر ايدي وطلع من الغرفة الكلب العار اشون وجعني اباوع علة ايدي انطبعت اثر اصابعة بيهة حركتهة بوجع واشوية ودك الجرس كلت اكيد هاي مرسلين ال** مسحت دموعي النعل واخذت الشال ونزلت بسرعة واول مردت افتح باب البيت عاط علية الزمال مسلم واشرلي ادخل هزيت جتفي بعلامة لا اباوعلة كور ايدة بعصبية وخزرني خزرة معدلة هل صكط صرت ورة الباب وهوة فتحة واول مدخلت مرسلين
جريتهة وصعدت فوك دخلت الغرفتي اني واختي وقفلت الباب باوعتلهة ورجعن ادموعي ينزلاً حظنتهة بقوة وضلت مرسلين تهدي بية الحد مهديت وكعدت اسولفلهة علة الصار وهية تسمعلي الحد ما كالت
مرسلين : طيب شوفي من الواضح ابن عمج عصبي حيل وميتفاهم فلاحسن تجنبينة لمن يجي ولا تحجين ويا ابأي كلمة لا اجفصين وتغلطين علي ورجع وكولج لازم تعجالين هاي الحالة بسرعة لأن فعلاً حسببلج اهواي مشاكل سواء بالمستقبل او هسة
تقى : وهوة هيج بس مكلتيلي امج ال** شعجب خلتج تجيني
مرسلين : انجبي نعل وكوات توسلت بيهة يلة خلتني اجي وهسة يلة اترخص وعدتهة ما اطول اكثر من ساعة وما اوصيج خليج بعيدة اشكد ما تكدرين عن هذة ابن عمج اوكي
تقى بملل: اوكي خلاص فهمت وربي ويلة نعل بلة مطرود بررة وانعل ابوج يابو الخلفج يابو التخابرج بعد
مرسلين : خرررب حظي اي والله مو صوجج صوج النعل الصارت صديقتج يلة باي
تقى : بايات
مرسلين : طلعت من بيت تقى من بعد ما سلمت عليهة وعلة امهة وبديت امشي بخطوات سريعة البيتنة لأن حيصير المغرب واكيد هسة امي منتظرتني بالباب واول ما مريت من راس الفرع مال بيت عمي ابو شاهين وكفت ابمكاني فجئة ضليت لا اخذ ولا انطي واني اشوف حيدر ولد عمة واكفين اكبال بيت عمو ويهدد بسلاحة ويغلط ويفشر الحد مطلعولة عمي ولولد وشاهين وياهم وكامو يتصايحون ويا وبدة حيدر يسب ويغلط علة اختي هدى وشاهين كدام كل المنطقة فعلاً بذيج الحضة اتمنيت الكاع تنشك وتبلعني علة هل موقف ورجعت ركض البيتنة واول مردت ادك الباب سمعت صوت طلق قريب اكيد منهم لزمت كلبي بيدي من الخوف وركعت الباب بقوة طلعلي ابوية شفتة ودموعي نزلاً وحظنتة بقوة وكلت
مرسلين بخوف : با..بابة حي.. حيدر و.. ولد عمة.. واكفين اكبال بيت.. عمي... وديتعاركون... وياهم.. وش.. وشفت حيدر.. لازم ... اس.. اسلاح بدية اول مكلت هيج بابة انتفض بخوف ودخلني جوة كعدني علة الكرويتة وصاح اخواني وطلعو كلهم من البيت وامي ضلت تسئل بي من الخوف مكدريت اجاوبهة ابي كلمة وهية ملت مني وراحت خابرت نسوان عمامي باوعت الأختي هدى واكفة بالباب وامبين عليهة الخوف والتوتر عقدت حاجبي بشك وكلت
مرسلين : تعرفين موو
هدى : شعرف
مرسلين : بحيدر ولد عمة رايحين البيت عمو ابو شاهين ويتعاركون ويا بسلاح اباوعلهة اول مكلت هيج طكت بالبجي سحبتهة بسرعة فوك قبل لا اشوفهة امي وكعدتهة علة جربايتي وشربتهة مي وكلت
مرسلين : اهدي وفهميني اشصاير
هدى بجي : حيدر خابرني اول مرحتي وهددني اذا مرجعلة وشيل فكرة الطلاك من راسي حيروح البيت شاهين ويتعارك ويا ويفضحني بالمنطقة علة انو عندي علاقة ويا بس وربي معبالي حيسويهة فعلاً لهيج سديت التليفون بوجهة وحضرتة
مرسلين : اباوعلهة نطت بجي حظنتهة وكمت امسد علة ظهرهة اشو هاي فجئة دفعيني وكومي من الجرباية باوعتلهة بصدمة وهية رفعت اصبعهة بوجهي بعلامة تهديد وكالت
هدى بحقد: كول الي صار والحيصير بسببج لو متتعاركة وية خواتة مجان حصير هل مشاكل انتي الي ثبتي كلامهم علية لمن رحتي وضربتيهن وهسة حيرجعوني الة بسببج من الله لا يوفقج ولا يهنيج علة كول الي سويتي بية وحسبية الله ونعمة الوكيل بيج وبتقى
مرسلين : ضليت صافنة عليهة وعلة كلامهة معقولة اكو اخت هيج تكول الأختهة وتحقد عليهة بهل طريقة صدوك ما تستاهل حتة اني ادافع علة مودهة واول مأجيت ارد عليهة عافتني وطلعت ولليل واخواني وابوي ماكو والبيت كلة بحالة توتر وخوف لأن نعرف جدي وشاهين مستحيل يسكتولهم علة هل دكة الحد ميصير كاتل ومكتول بينهم ورة فترة من النتظار دخل اخوي محسن
وكال بسرعة لبسن عبيجن سئلتة امي شكو مرضة يحجي شي وعاط بينة حتة نستعجل صعدت ابسرعة ولفيت شالي ولبست عباتي فوك التراك ونزلت جوة شلت نونة وطلعنة ورة اخوي البيت جدي وصلنة وشفت كل ولد عمي وعمامي واكفين بالباب وجاي ايذبحون ذبايح معرف شنو دخلنة البيت جدي بسرعة وشفت كل نسوان عمامي وبناتهم من جمعات سئلت بت عمي اشصاير كلتلي باجر حيسون كعدة عشائرية لأن بعتبار اهل حيدر دكونة وجدي اعصابة فايرة وشاهين حبس حيدر ومساعة اجو عمامة واخذو عطوة من جدي وقررو يسون الكعدة باجر هزيتلهة راسي وكلت بكلبي الله يتسرنة من الجاي ورحت ذبيت عباتي فوك والحمد لله جان تراكي مستور وطويل يعني محاجة اغيرة بس لفيت الشال عدل ونزلت جوة شفت عماتي وامي ديقطعن بالحم ولد عمي يدخلون بكواني التمن للمطبخ لأن اكيد حيجونة باجر اهواي زلم ولازم انسوليهم غدة يليق بيهم اشتغلت وية بنات عمي وفرشنة البيت افراش جديد وبخرنا وللوحدة يلة دخلو جدي وعمامي ولدهم للبيت وكعدو بالستقبال وبدو يتناقشون معرف يتعاركون من اصواتهم العالية الحد مصاحت بيبيتي عدلو افراشات ازلم بالستقبال تعبو نزلت الفراشات اني والبنات واخوية وابن عمي محمد ياخذوهن منة ويدخلوهن للستقبال الحد مكملنة تكسرت رجلية من صعدت الدرج وخذت نونة ورحت الغرفة بيبيتي اصير بنهاية البيت من هدؤهة بدك بس اتنام بيهة وشافتني بيبي وابتسمت واشرتلي اجي بصفهة ابتسمت ونزعت شالي ورحت نمت ابحظن بيبي ونومت نونة بصفي اااه اشكد مشتاقة الحظنهة اذكر واني ازغيرة مجنت اعرف انام اذا مو بحظنهة ورة فترة دخل جدي شافنة وابتسم وكال
الجد : ها بوية ماخذة مكاني اليوم
مرسلين : هههه لا انتة الجنت ماخذ مكاني وهسة رجعتلة مو بيبي اباوع علة بيبي كامت تضحك هية وجدو وراح جدو نام وية عمامي بالتسقبال واني دفنت راسي اكثر بحظن بيبي واستنشقت عطرهة المستحيل الاكي احلة واطيب منة لحضات قليلة ورحت بغير عالم للفجر يلة فزيت من نومتي واني احس ريكي ناشف من كثر العطش شغلت التيبلام ودورت علة بطل مي ماكو سحبت شالي وحطيتة علة راسي خاف واحد كاعدة من الولد ورحت للمطبخ واني اتمشة علة اطراف اصابعي خاف واحد يكعد واول مدخلت للمطبخ شفت
اختي هدى واكفة يم الكاونتر تبجي ولازمة ايد شاهين الي جان طاغي البرود علة ملامحة ابتسمت بسخرية ورحت اخذت بطل مي من الثلاجة وطلعت من المطبخ من غير حتة ما التفتلهم ودخلت للغرفة وشربت مي ورجعت حظنت بيبيتي ونمت مردت افكر ابي شي بخصوص الي شفتة حاولت اشكد مكدر اطرد صورتهم من بالي وللصبح يلة كعدت باوعت علة الفراش لا بيبيتي ولا نونة موجودات فركت اعيوني بنعاس ولميت شعري وباوعت علة الساعة جانت بثمانية الة ربع اتففت وكمت غسلت وجهي وصليت ولبست شالي ورحت للصالة صبحت علة بيبي ونسوان عمامي وتريكت وبدينة بالطبخ والتنظيف منة لثنعش يلة كملنة فعلاً تكسر ظهري من التعب هذة غير كلام عماتي وبناتهن الي مثل السم وربي لو موجودة تقى جان شبعتهن مسبة وغلط
واجو ولد عمي وكال ابدو صبو لأن اجو ولد عم جدي والشيوخ حمينة الجدورة وبدينة انصب واول مجاي انطي كاست المرك اجتي بت عمتي سارة وردمت بية من قوت الردمة وكعت المركة كولهة علة ايدي شاطت روحي من الوجع وايدي نصهة انسلخت من حلات روحي ركضت رئستن علة السنك وحطيتهة جوة البوري اشوية احس ارتاحيت بس بعدهي تحركني دقايق وجراني محمد من السنك وكال
محمد بعصبية : خرررب لجج لا ليش تحطيهة جوة المي هسة راح تلتهب اكثر وحدة منجن تروح اجيب العصارة مال حروق بسررعة
مرسلين : اباوع علة البنات انتفضن كولهن من الخوف وكعدني محمد علة الطاولة مال طعام واختة جابت العصارة مال حروق اخذهة منهة وبدة يدهن مبيدي وهوة يهفي علة مكان الحرك ومعرف ليش راحت عيني علة باب المطبخ شفت شاهين واكف بالباب وايبتسم بسخرية مدري استهزاء حسيت ابتسامتة غريبة وبنفس الوقت مهتميتلهة ورجعت دنكت راسي علة محمد الي بدة ايلف ايدي بضماد وكال ارجع للصالة هزيت راسي وكمت رجعت للصالة كعدت يم بيبيتي الي بدت تسئلني علة ايدي كتلهة زينة وصبو للنسوان غدة بلكوات اكدريت اكل اشكم لكمة من الوجع وكملو الزلم غدة وصبولهم الجاي ولتلاثة يلة اجو اهل حيدر وعمامة وصبينالهم جاي والكل كعد بالصالة ومبين علة وجهم التوتر والخوف لأن بدة صوت العياط يلعة اكثر واكثر من الستقبال ورة ساعة يلة سكتوو الكل استغرب علة سكوتهم المفاجئ ورة ربع ساعة دخل ابوي وعيونة حمر من كثر العصبية وصاح علة اختي هدى وكال
ابو مرسلين بعصبية: من باجر تحضرين نفسج وترجعين البيت اعيالج وما اريد اي نقاش مفهوووم
مرسلين : اباوع علة اختي هدى فتحت عيونهة بصدمة يمكن لأن جانت متوقعة انو حيطلكوهة حتة امي انصدمت واول مأجت تحجي وية ابوي عافهة ورجع للستقبال واختي هدى كامت تبجي وراحت الغرفت بيبيتي وامي وراهة باوعت من الشباك مال صالة الجان طال علة الطرمة وشفت شاهين طلع من الستقبال وعروك ايدة وكصتة ناطات من العصبية هه يمكن جان رايدهة تطلك حتة يزوجهة فعلاً الموضوع ايضحك صار ابنفسي اشوف شكل جدي بهل لحضة شنو وللمغرب يلة اترخصو الزلم وعمام حيدر واهلة وطلعو وكامو جدي وعامي يصلون لأن اذن اذان المغرب وبدينة انسوي عشة كملنة وصبينة للزلم وحد وانسوان وحد وكملنة عشة وغسلنة المواعين ورحنة كعدنة بالصالة الي الكل اجتمع بيهة وكعدت بصف اخوي وشفت شاهين كاعد بصف جدي وقابض علة ايدة بعصبية وبدة جدي يحجي علة الكعدة واشون تراضو الحد منهة كلامة وهوة يكول الأختي هدى
الجد بصرامة : وهسة دام انتي الي اختاريتي وعارضتي قراري علة مودة فتتحملين نتيجت اختيارج ومن باجر تردين البيت رجلج ما عوزي فضيحة ثانية بسببج
هدى بعصبية :................
يبتع
________________
وهسة نبدي بفقرة التوضيح 🧐
شاهين / اول شي اليحب ما يكره وشاهين نفس الشي هوة حب هدى من الزغر وجانت اول حب بحياتة فما اتوقع شخص حب بكول صدق انو يكره حتة لو الشخص الحبة سوة وياي العمايل
تقى / ههه اااه يا تقى اول شي اني لأن قريت عن هاي الحالة وسمعت بيهة قررت اكتبهة ثاني شي خل نحجي اشوية ابواقعية اتخيلي انتي الي دتقرين عندج هل مرض وكاعدة وية اهلج وكلتي الجدج كو*** 😂 فشنو حتكون ردت فعلة ترة انتن صحيح اضحكن علة كلامهة لاكن بالفعل هذي الحالة خطرة ومؤذية
وبس والله
بااي
واحببببببببببببجن ♥️
