رواية بيت الطاعة الفصل الرابع 4 بقلم مجهول

تعجبني اسوالفه اذا نحجي سوه ماالزم روحي بسرعه اضحك.. 

فد مره اني نايم بالليل ..واسمع صريخ من غرفه غسق 

عموو جاسر الحكني..

كعدت وهي كعده وهي طفره.. دفرت عليها الباب لكيتها واكفه ع الجربايه ومن شافتني ركضت شمرت روحهه عليه ..

جاسر شنو اشبيج احجي.. 

غسق اكو شي وره المرايه جاي يخربش ..

جاسر غسق لازمه بيه.. كتلها عوفيني اشويه بس خل اشوف كالت لا مااعوفك… 

جاسر صعدتهه ع الجربايه بالكوه واني رحت وره المرايه مديت راسي واباوع والكاهه فاره

غسق شنو احجي شنو لگيت

جاسر ..لكيت حيه ام راسين

غسق لطمت عزا العزاني اشجاب الحيه بغرفتي

جاسر اخذت النعال وظربته ومن اول ظربه ماتت

بعدين جبت مكناسه وكنستهه لان ادري بيهه ماادبرهه

غسق بقت خايفه وماقبلت اطلع من الغرفه.. 

غسق فدوه عمو بات الليله اهنا 

جاسر ابات بس بشرط

غسق شنو

جاسر لا ادكولين عمووو

غسق ان شالله عموو

جاسر ضحك هَـ (⊙﹏⊙) ــاآ شنو گلنا..

غسق نسيت اصبرلي اشويه علما اتعلم.. 

جاسر… كولي جاسر

غسق جاسر 

جاسر بعد رددي 

غسق جاسر ..

جاسر هَـ (⊙﹏⊙) ــاآ سهل لو صعب الاسم 

غسق لا بده يسهل

جاسر نعمه ..

نام جاسر ع الارض.. وغسق ع السرير ..

مرت الايام.. والعلاقه بين جاسر وغسق بدت اتصير للاحسن ..وزيارات جاسر الريم مانقطعت ونوبات اتخليه يسكر ويرجع للبيت متأخر وبسرعه يدخل غرفته وينام ..ريم بدت اتلح ع جاسر بموضوع املاك غسق.. 

ريم ..شخبار الحماره مالتك

جاسر… سكت فتره بعدين جاوب ..تقصدين غسق

ريم ليش اكو عندك حماره غيرهه

جاسر البنيه فقيره وحبابه ليش تحجين عليها 

ريم هَـ (⊙﹏⊙) ــاآ اشو صارت فقيره وحبابه

جاسر يعني لحد هسه ماشفت منها شي

ريم صاير حنين عليها مو جنت اتسبهه واتسب ابوهه كدامي.. 

جاسر ريم شنو تردين تحجين دخلي بالموضوع بسرعه.. 

ريم ..احنا مو اتفقنا نسحب املاكهه منهه وتسجلهه بأسمك .

جاسر ..بعد وقت ع هذا سدي الموضوع.. 

ريم ادري راح اتقبط شهر.. وانت وياها ماكدرت تاخذ محبس

جاسر بعد وقت ع هذا الحجي خلي انكمل شهر شهرين.. يالله ابدي اسحب ‏​‏​منـِْهـ♡̨̐ـِْا 

ريم… خل انشوف بالله اشراح اتسوي.. بعد الشهر

جاسر ..عوفج من هاي السوالف ويالله تعالي بحظني.. 

ريم لا عيني مالي خلك ..اليوم ..خليهه بعد الشهر ..

جاسر ريم شنو جاي اتساوميني

ريم لا.. بس احس بيك متغير

جاسر بيش متغير البنيه بعدهه بت ابيوت مالازم منها شعره ونومتي وكعدتي كلها يمج..وكدي ومصرفي كله الج 

ريم اي حاسدتني العالم ماخذ ابن المليونير حجي حسن

جاسر وشمقصر منج ابن حجي حسن

ريم من اتزوجت لحد هسه صاير بخيل.. والفلس بالكوه يطلع منك.. صايره افلوسك كلها الغسق خانم.. 

جاسر بينه وبين نفسه صفن.. واتذكر غسق من اتزوجهه لحد الان مماخذه مصروف منه ولا طلبت او رادت اي شي ..

ريم وين صفنت.. 

جاسر خل اروح عندي شغل ..

ريم اي خل نحجي وين رايح ..

جاسر كولي شنو عندج

ريم جيب الذهب مالتهه

جاسر اشلون اجيبه اسرقه يعني

ريم لا  گللها دخلت بمشروع وخسرت بيه واخاف احجي يم الحجي ..ومحتاج افلوس.. 

جاسر ..بعدين نسولف بهذا الموضوع 

ريم اليوم تحجي وي غسق بموضوع الذهب.. 

جاسر مادري اشوف 

ريم كتلك اليوم لازم تحجي بالموضوع وباجر من تجي جيب الذهب وياك..

رجع جاسر للبيت بس كلش ضايج من تصرفات ريم ..

صار عنده الم براسه ..دخل للبيت اتلكته غسق

الله يساعدك جاسر 

جاسر هلاو بيج غسق الله يساعدج.. 

غسق اصبلك غده.. 

 جاسر لا متغدي ..خليهه ع العشا نتعڜى سوه

غسق اشو مو ع بعض بيك شي

جاسر تعبان اهواي تعبان

غسق من شنو ياستار كول

جاسر ..اني دخلت بمشروع وخسرت بيه

غسق اي وين المشكله.. قابل نهايه العالم

جاسر المشكله خسرت افلوس اهواي

غسق فداك الفلوس ابن عمي هاي الحياه مره كسب ومره خساره 

جاسر.. كمل كلامه ..المبلغ اللي خسرته جبير واخاف اطلب من الحجي ..

غسق ماكو اكبر من الله.. وكلشي اله حل ..هاك هذا الذهب غسق نزعت اسوارتهه وكلادتهه ..وراحت جابت صندوق بيه باقي الذهب..

جاسر هاي اشجاي اتسوين مستحيل اخذ ذهبج

غسق واني حرام عليه اذا البسهه وانت محتاج اخذه فك بيه ظيقتك وان شالله تعوضني احسن منه.. 

جاسر ..بقى متعجب من شخصيه غسق.. ليش ريم مو  مثلها باستمرار اريد اريد ..

جاسر اخذ،صندوق الذهب عنده ..

ومرت الايام علاقه جاسر وغسق بدت تقوى اكثر  واكثر غسق كدرت تدخل گلب جاسر بطيبه گلبها

ورقتهه وطفوليتهه.. مره جاسر دخل للبيت وشاف زوجته غسق دتنظف المروحه ..وبالغلط وكعت وهو حظنهه ..هي خجلت لان جاسر حظنهه قوي وظل صافن بوجهه وهو حس بمشاعر واحاسيس جديده ناحيتهه ..

جاسر اي غير تنتبهين اني لو ما موجود وبهاي وكعتج انتي متكسره لا محاله.. 

غسق اتحاول اتفلت روحهه من جسم جاسر.. ربي ستر همزين انت موجود.. 

جاسر اشبيج اترجفين

غسق لا ماجاي ارجف ..بس انت لازمني قوي ودتأذيني 

جاسر انتبه ع نفسه وكالها اني اسف ..وترك غسق ودخل غرفته.. 

جاسر بدل ملابسه وكل تفكيره بغسق..ومحتار بينها وبين ريم وبصراحه هو مل من ريم وتصرفاتهه ومتتطلباتهه اللي ماتنتهي.. اصلن اخذ،قرار يقلل من روحاته الها ريم صارت ماديه ازيد من اللازم ..

بوقت العشا.. غسق سوت العشا وراحت الغرفه جاسر طرقت ع الباب بس ماكو طرقت مره ثانيه وايضا ماكو رد 

..سمعت صوت انين قررت تدخل ..دخلت غسق وشافت زوجهه متمدد ويرجف ومحموم الحراره صاعده عنده.. 

غسق صرخت من شافته واتقربت منه حطت ايدهه ع جبينه ..

غسق..حراره جاسر جانت كولش،قويه قررت اسويله كمادات ..ورحت الثلاجه ولكيت علاج كبسول ومسكنات ..رحت انطيته ورجعت سويتله عصير ليمون وهمين انطيته ودهنت صدره بفكس وظلت اتكمده طول فتره الليل ونامت الفجر وهي كاعده ولازمه بيدهه الكماده..

جاسر انتبه من النوم ..وباوع بالغرفه ولكه غسق نايمه وهي كاعده بالامس حس بوجودهه بجانبه بس  عباله حلم ..ظل صافن عليهه ..وع جمالها شنو هالانسانه  نوبات احس بيهه طفله ..ونوبات احس بيهه زوجه وامرأه ناضجه.. حبيت طيبتهه وبرائتهه وخوفهه عليه وع بيتي ..اهلي كلهم يحبوهه الزغير قبل الجبير يحبهه..  مسويه جو حلو بالبيت ..ركض ولعب بنات خالي وبنات خالتي يجوون حتى يكعدون وياهه ويسولفون ومااسمع بس اصوات ضحكاتهن.. 

غسق جنت ناوي اطلقهه باول شهرين حسب اتفاقي وي ريم وهسه راح تكمل شهرين.. 

مستحيل اطلقهه هاي الفكره كلش بعيده صارت ..لان اني احبهه الغسق ..لا مو بس احبهه اني عاشقهه واتمناهه اتصير زوجتي من صدك اتمنى ادخل عليهه والمسهه بيدي وتنام بحظني ..بس اني مااكدر اتقرب منها اذا ماانهي علاقتي وي ريم ..

غسق صارت الي مثل الشمس اللي نورت طريقي وخلتني اشوف اهواي شغلات جنت اعمى بيهه خلتني اكتشف ريم وطمع ريم.. 

غسق فتحت عينها وشافت جاسر صافن بوجهه 

غسق ..الحمدلله ع سلامتك

جاسر الله يسلمج

غسق البارحه جنت كولش مصخن

جاسر الجو بارد سبحت وطلعت بره والظاهر اخذت برد

غسق جوعان.. 

جاسر اي والله جوعان عشا من امس وغده اليوم ..

غسق يأمر ويدلل ابن عمي ..

جاسر لزمهه من ايدهه. ..بس ابن عمج ..

غسق نزلت راسهه والخدود صارن حمر ..وركضت ع المطبخ.. 

وبهالاثناء رن الموبايل ريم ع الخط

الو

جاسر الو

ريم هلاو جاسر اشلونك

جاسر الحمدلله تمام 

ريم هالايام لا حس ولا خبر ولا سوال ولا كلام شالقصه عيني شنو صرنا عووووع 

جاسر سكت اشويه بعدين جاوب.. لا بس جنت مريض

ريم مريض. ..وشنو المرض عيني

جاسر افلاونزا

ريم ههههههههههههههه عبالي بيك سرطان ..ومخليك مختفي

جاسر هسه مااكدر احجي بعدين اجي ونحجي عندي موضوع وياج.. 

ريم هَـ (⊙﹏⊙) ــاآ نسيت الحماره يمك يالله حبيبي اني انتظرك باي

جاسر باي ..وقفل الخط..

غسق ..صاحت الزوجهه يالله جاسر الغدا جاهز.. 

جاسر ..الله عاشت ايدج الاكل طيب

غسق هههههههه حتى بعدك ماظقت الاكل وكلت طيب

جاسر لزمهه من ايدهه الحلو ينتج حلووو

غسق سحبت ايدهه وغيرت الموظوع ...راح تتطلع 

جاسر اي والله عندي موعد عمل

غسق اها ع راحتك بس حبيت انزل جوه اختك سعاد راح تجي من السفر اليوم.. 

جاسر صدووك 

غسق اممممممم واهواي مشتاقتلها. 

جاسر واني ممشتاقتلي

غسق فدوه خليني آكــل ..بهاي تصرفاتك تحرجني وتحرمني الغدا واني من امس جوعانه.. 

جاسر اوكي اتغدي واخذي راحتج تردين تنزلين الجوه لا تاخذين اذني بيت اهلج مثلما همه بيت اهلي.. 

كملت غدا وطلعت الريم ..

استقبلتني ريم بلبسسهه الخليع واغرائاتهه المعتاده بس اني وياها استقبالي بارد كولش.. 

ريم اشبيك ظايج

جاسر اخذت الذهب مالت غسق

ريم عفيه عليك. وينه ليش ماجبته وياك

جاسر اللعبه صارت صدك 

ريم يعني اشلون

جاسر يعني اني صدك محتاج فلوس وذهب غسق ميكفي

ريم بيع سيارتك

جاسر السياره مو باسمي اتعرفين باسم الحجي

ريم جاسر اشتقصد

جاسر اريد الذهب مالتج

ريم شنوو انت سكران.. بالله لاتبيعهن عليه انجوم السما اقربلك اني ريم العب وماينلعب عليه عبالك اصدك شغلة الخساره.. 

جاسر تتخلين عني ..

ريم والله جاسر ذهبي خط احمر 

جاسر بس جنت متوقع اللي بينا اكبر من الذهب

ريم جاسر ذهبي وافلوسي خط احمر.. ودبر حالك هذا اللي عِنـ.̷̷̸̷̐ـديّ 

جاسر لعد سمعي الكلام اللي عِنـ.̷̷̸̷̐ـديّ 

اني ماعندي ازمه ماليه بس حبيت اجرب الذهب من الشبه.. 

والحمدلله بنت عمي طلعت ذهب صافي ٢٤قيراط مابيه دغش