رواية دخيله الشيخ زين العابدين الفصل الواحد والخمسون بقلم أوتار حزينه
زين العابدين
طلعت للمزرعه مااعرف شراح اتكلم ولا شلون راح اصلح الي انكسر كلت احلف بكلام الله جدامها
انا انضحك عليه وادعي من الله تصدك انا انلعب عليه والصار كلو هجمان بيوت
وصلت ساريه بره شافتني گربت علي وهي زعلانه سلمت
شلونج ياساريه
بخير
هيله جوه
لاا راحت للبستان وي ريمه مخنوكه وزعلانه منك يازين عش زعلتها وخليتها بس تبجي مو تعرفها حامل ما خفت يصير بها شي لو بيمان
سكتت من تكلمت هالكلام دحكت للبستان سريت له هي معي وصلت نصو وكفت عكدت حواجبي لميت قبضه ايدي بقوه من شفت شهم يتكلم معها سرت ولحكها وكف جدامها
نار شبت بصدري من شفتو هيج سوه سريت بسرعه سمعتو كال
انااا جنت احبج وهاااويج مووو
صرخت به
من تحب ولك
وصلت يمهم اغلي من الغضب دحكت له بخزره وصحت به
عش،،،، توكف بدربها وشلون تتكلم معها
هالكلام وهي مزوجه
شيخ زين،،،،،شهم مو قااصد تره مايذكر شي
شهم
الماضي سحبني بقوه ليوره وكمت اشوف نفسي انا واكف وي هالزلمه الي هد عليه شفت روحي مجاتل معه وساحب سلاحو عليه
دحكت لهيله وكلت بصوت مخنوك
انتي وكفتي بصدر هالزلمه من راد يجتلني مووو
ردت بصوت مخنوك
روح ،،، عگب لهلك
هيله
من شفت زين اجه ووجههو مايتفسر عرفت راح تعلك بينو وبين شهم لان سمعو وش كال
سريت اريد اتجفى الشر شهم لحكني وزين گضبو وصاح
وووين مووولي وولك لاااتخليني افجع اهلك بك مره ثانيه
بسرعه وكفت بينهم وصحت بزين
عووفو لاتمد اايدك علي
خزرني بقسوه كلت بدون ماادحك ليوره
يبن العم ااسري وجفي الشر
غانم تكلم بتوسل
ريمه گضبتني وكالت
بخوف
هيله خل نعكب لدارنا
زين دحك لشهم بخزره وقسوه واشر له بايدو
ووولك بالقران اذا شفتك هينه بعد اجتلك واسكنك الگبور من صدك هالمره
شهم
صارت هوسه بعقلي وكمت اتذكر انا وهو مو صلح والواكف جدامي هو زين العابدين ولد الشيخ شعلان الي راد هيله وساومني عليها يعني هو خذها وصارت حرمتو كلت بغصه
خذاج يولي وصرتي له مثل ماكال
روح يبن العم وجفي الشر
تكلمت معي بتوسل
غانم جرني منهم ادحك
لها وله سحبت روحي منو گربت هو اجه وصار جدامي
ويخزر بيه
هيله اجت صارت جدامو تكلمت معي بدموع
روح ياشهم
هي كالت اسمي لو تخبل جرها بقوه وصاح بها بجنون
لاااادكولين اسمو
صحت به
عوووفها ولك ولاتصرخ بها
اانجب ولك وولي من هينه لاااجي اذبحك
عم حميد اجه يركض من بعيد وويا عم عزام گربو صارو بينا تكلم معي
شهم اسري من هينه
غانم جرني هو وابوه ادحك لها سرت بسرعه من يمنا وهي تبجي هو ظل يدحك
لي بقسوه وحقد سريت اغلي من الغضب
تذكرت كلشي هي لي وجنت احبها واريدها جنت عاشك بنت عمي من الصغر وحبيتها حب جبير وهذا ساومني عليها وراد يذبحني
من وراها
هديت روحي من غانم وابوه وصحت بجنون
هدووني ااانا اسري
فلتت منهم دحكت له سرى مع عم حميد
غانم معي تكلم بتوسل
يا شهم اترك هيله البنت تزوجت وصار عدها ولد والثاني جاي بالطريق وانت هم تزوجت وصارت عندك
بنت اتركها ياخويه انت مو كد الشيخ زين العابدين
مارديت سريت بسرعه وبكل خطوة اتذكر شي
عركاتي معه كلامو عن هيله وكفت وصحت بجنون
شلون ااخذتو وهي جانت تكرهو ولكم شلون صااار هالشي
عم عزام گضبني من زندي تكلم بهدوء
اسري معنا وحنا نفهمك بدار اهلك وش صار
هيله
دشيت دار اهلي ابجي سمعت صوت زين صاح بغضب
ااوكفي ولج
گضبني من زندي سحبتو منو بقوه
ياازين عوف هيله
ابويه صرخ به واجه وكف بيني وبينو كلت له
شتريد عش جاااي
عش ووواكفه مع شهم ولج وشعندج معه وشجابو لهينه
ام هيله اخذي هيله وبناتج لجوه
ابويه تكلم بهدوء سريت بسرعه اجه وكف جدامي راد يگضبني عكبت ليوره بفزه صرخت
لاااتگضبني بعد وروح من هينه ماجاي ااتحمل شوفتك ولا اكدر بعد اسمع صوتك
ووج ااسمعيني افهمي انا انلعب عليه والله ماخنتج وحك كلام الله ماخنتج وانا
صاحي
البنات دشن للغرفه امي وكفت يمي گضبتني من شافتني ارجف هزيت راسي بلااا رديت بدموع
انا بعد ماشفتك معها حتى لو جان غصب يازين ماراح اكدر اتقبلك مثل الاول راح اتخيلك معها بكل لحظه
تجمعنا سوه
عش انا عجل تقبلتج وحبيتج واانتي جنتي رايده ابن عمج وتنوحين علي وانتي يمي وبغرفتي
سكتت كمل بغضب من كرب عليه ابويه خله ايدو حاجز
تكلمي ردي يبنت العرب حكج حك وحكي لاااا كلت وحلفت بالقران انا انلعب عليه تخدرت وتصخمت هالصخام حتى بس يهجمون
بيتي
ليييش يهجمون بيتنا كلي يازين عش سووو هيج
سكت كملت بشهكه
بله اكول وحده تخدرت والثانيه والثالثه وغيرها يازين جثيرات هنه وشفتهن بعيونك وانا هم شفت والشفتو خله ظهري ينكسر
قديمات ولج والله بس اخر واحد جديد وهو الي انلعب بي عليه
رد علي بتوسل كمل بغصه
هيله لاتهجمين بيتنا فكري بشعلان والي بطنج وج عوفيني انا والله بعد ما افرض نفسي عليج وحك هو الله اهد الدار واسكن
بغير مجان بس انتي عكبي
له انتي وابني
هزيت راسي وكلت
لاااا يازين تحلم بعد اعكب لهناك
سريت من يمو كام يصيح عليه وكفر
ابويه صرخ به
لاااتكفر ولك كل الكاعد يصير بك هذا غضب من الله
دشيت للغرفه اشهك بالبجي منا هو ومنا ابن عمي الي تذكر الماضي هوجست بالشر منو وكلت بس لايسوي سالفه وي زين لان شفتهم شلون علكت
بينهم اول ماواحد شاف اللخ
شهم
عم عزام وغانم اخذوني لدار اهلي نزلت اعصاب وهذا بين عيوني هو وهيله ابويه طلع شاف وضعي سأل
خير يابه شبيك
هذاااا شلون اخذ هيله
صرخت بجنون ابويه صفن عليه دحك لغانم كال له
شافها وتذكر كلشي
امي طلعت صفنت عليها وكلامها بالماضي كلو تذكرتو سريت لها عاكد الحواجب وكلت بغصه
جنتي مو راضيه اخذها موو
من يمه
هيله بنت عمي وخالتي
وجهها انخطف افتريت يمهم گاضب راسي وكفت دحكت لابويه وسألتو
وانت يابه ظليت تأجل بزواجي منها حتى تاخذ راتبي لهاي الگاع
ضربتها برجلي بقوه
هم سكت كربت ليم ابويه عيوني بعيونو رددت بقهر
هونت انا جثير من سمعت كلامك وراحت له لجن شلووون وهي تكرهو شلوون صار هالشي وانا اعرف دم سنونها هو
صارت لعمك حميد سالفه طويله ياشهم وهي اضطرت تاخذ زين العابدين حتى تلم
اهلها وتحمي ابوها من الشيخ صگبان
عكدت حواجبي من سمعت رد غانم سألتو بغصه
يعني شنو خذها غصب
لاا مو غصب هي تحبه وهو يحبها
امي ردت علي بسرعه هزيت راسي بلااا وصحت بغضب
كاااعد يكول اضطرت يعني مغصوبه علي احجو شصاار ولكم تكلموا تره راح اتخبل
من شفتها معه وماخذها
تعال جوه وانا افهمك
وش صار
ابويه تكلم معي بتوسل
دشيت جوه كعدت غادي نار حجه لي الصار بعمي حميد
وشلون الشيخ صگبان راد ينهب هيله وهي راحت للشيخ شعلان دخيله وبعدين زين اخذها
ساكت ومصدوم من الصاير ورايه
يعني راحت له مجبوره استغل الصار بيها وخذها غصب من وره وضعها هي وبيت عمي
لا يمه والله تحبه ويحبها والديره كلها تتكلم بعشكهم
هيله ماااحبت غيري جان عهد بينا بس انتي وابويه ماخليتوني اوفي به يمه
صرخت بها فزت وصاحت بيه بغضب
لووو تحبك من صدك جان مااخذتو للزين جان اجت عليك من سمعت بك طيب
مو كعدت جن ابد مو سامعه بك رديت من الموت
بعدج يمه ماااتحبيها موو
سكتت كمت مهدود حيلي ابويه كام گضبني وكال
يابه الزواج قسمه ونصيب وهي مو مقسومه الك انت تزوجت وهي هم انساها
يبعد ابوك وجفينا شر زين العابدين حنا مو كده تره ماتعرفو انت بهالسنتين شلون صار ووصل بالدوله
جن سامع نفس الكلام منك يابه
سكت سريت مخنوك وعيوني مغوركه
غانم لحكني سرى معي
للزرع هايم واحس گلبي يوجعني كلت بغصه
كلها نسيتها الا انتي يولي ظل خيالج بين عيوني ومانسيتج
زين العابدين
شوفه هيله مع شهم ووكفتها معه وكلامها معي خلاني اتخبل بعد اكثر هو بين عيوني شلون يدحك لها تذكرها بس شافها وتذكر الماضي
جنت اعرفو ماجاي يتذكر احد بس من شافها الها تذكر العاشو معها وهذا
الشي خلاني اشتعل بناري
جالس يم حمد الي كال
مافضت مع ام شعلان
لااااا
تكلمت معها
اي
وشصار
زاد البله مانقص
اكلك شي
كول اسمع بلكي الكي يمك الحل
اخذ ابنك منها وهي تعكب لك
صفنت علي كمل
شبيك يول اخذ شعلان منها اي ام ماتكدر بلا ظناها بس تاخذو منها راح تنكسر
وتعكب لك
ابتسمت باستهزاء وفريت ايدي كلت
شلون تريدني احرم ابني من امو هي شافت شي انا مغصوب علي وكرهتني عاد
اسوي هالشي وانا صاحي حتى ادكوم تموت مني بعد ازيد
سكت كملت
اسكت لخاطر الله وعوفني بحالي
اريد صالحك يول
اعرف بس مو انا الي احرم ولدي من امو
سكتت للحظه رفعت راسي لفوك وكملت وانا جاز على سنوني
اااخ ولج لو تگضبج ايدي الا
اذبحج وازت لحمج للجلاب
من دلع
ليش اكو غير هالبربوك الي هجمت بيتي
عجيب والله وين راحت هاي اليكول فص ملح وذاب بنهر حتى سمر من سالتها عليها ماعرفت وين
ولت
كالتها لي انا اعلمك اردها لك يازين وردتها وكسرت ظهري
ااي الله يجفيك شر النسوان من تكره
كمت من يمه من كال هالكلام سريت ليم الشباج ورثت جگاره
رهيفه دشت شايله صينيه الجاي وكالت تعال اشرب جاي
مالي خلك اشرب اي شي
يمعوده عوفها عش كاعد تكبر براسها ورايح وجاي عليها
اخوج غلط ولازم يصلح غلطو
حمد رد عليها ابتسمت باستهزاء ورديتو
اكلك عبالك انت هم مصدك انا رحت برضاتي لهاي الساقطه
لاا مو هيج الكلام يعني قصدي هي ام شعلان تشوفك هيج
اخويه بطل من هالسوالف وانت تعرف هذا كلش زين ياحمد وجان المفروض هيله تصدك بي وماتسوي الكاعد تسوي
تكلمت هالكلام وجابت لي جاي كملت
عشتو والله هي جانت تحلم زين ياخذها بس شااسوي له هو كبر راسها وويا ابويه
واهلي
سدي السالفه مالي خلك اتكلم بها
سريت اخذت سويجي والجهاز لحكتني وكالت
وين رايح ظل هينه
عوفيني ياخيه خلي اطلع
مخنوك واريد اتنفس الهوه
طلعت من بيت اختي حمد لحكني ركبت سيارتي وهو راح لسيارتو صعدت مهموم
ومخنوك واهوجس الصار ماراح يتصلح كلت بخنگه
يالله بحظٍ يكسر ردي هال الأيام
حمد
دحكت لزين حرك وراح ابتسمت وكلت
جيب بعد اليقنع بنت العرب الشافتو منك صار غصب عنك وانت جنت مو بوعيك
حركت وطلعت لدار بالمدينه وصلت ونزلت فتحت بمفتاح عندي دشيت رحت للمطبخ الباب جان مقفول دكيتو انفتح سندت روحي على الحايط وابتسمت شافت ابتسامتي ضحكت
ههههه ها لازم زين اخباره كلها تعيسه
محترگ ومعطب للاخر
حيل بي وبعد اكثر اريد
ضحكت ورثت جكاره دشيت لجوه كعدت بالصاله مبتسم وفرحان بخراب
بيتو هو وهيله كعدت حدي
وكالت راح يطلگها موو
مايقبل يطلگ راكب راسو
ياا يعني كلشي ماسوينا
لااا انتي ماتعرفين بنت العرب هاي صاحبه دين بنت مله واعرفي بعد شلون
متشبعه بالدين وتكره كلشي يغضب الله
يعني شنو
يعني يادلع مستحيل تظل عندو عگب الشافتو
ههه وهذا المطلوب
اي هذا المطلوب
سكتت مالت علي وكالت
حمد راح اظل هنا هوايه
اي لان الافندي كاعد يبحث وراج وحالف بس يلگفج يذبحج ويزت لحمج للجلاب
شلون يعني اظل محبوسه هنا والله ضجت
گرصتها من خدها ورديت
روحج ياحلوه مو غاليه عليج
اي غاليه شلون لعد
عجل ظلي جم يوم هينه الما ارتب وضعج واطلعج لو لتركيا لو للاردن
اريد تركيا
ههه ابشري اوديج وهم حتى اسير لج واگضي جم وكت وياج
ههه وسمر اشوفك نسيتها
من سمر يم دلع انتي الحلاه كلو
يعني تشوفني احلى من ذيج ام الدين
سكتت وخيالها اجه بين عيوني ذبيت حسره درت وجهي منها كالت بضوجه
هاي ماادري شمسويه الك انت وذاك
لاتخربين المزاج يادلع وسوينا كعده حلوه تشبهج واذا بج خير نسيني الكااعد
افكر به
ههه ادلل هسه اسويلك شلون كعده تنسيك حتى اسمك
هههه بس كمت اخاف منج عكب السويتي بزين
زين غدرني ويستاهل الصار بي ولاتنسى انت الي خليت اله الدوه والمخدر
ابتسمت ورديت
وصار الي ردتو وضاع الولد وضيع هيله منو
زين العابدين
امي والهنوف راحن لهيله وعكبن منها مقهورات لان شافنها ماتسمع منهن ومصممه على الطلاك كمت ورديت بغضب
مااطلك لو تطلع براسها نخله ااذبحها ومااطلكها تحلم لساني ينطق هالجلمه اموت ومااااگولها
اسم الله عليك يمه لاتتكلم هيج وعوفها يم اهلها صوابها حار من الشافتو خلها تهدا وانا هم اروح لها
الهنوف دحكت لي وكالت
مدري شاحجي لساني تربط يمهم انا الي اعرف شلون ادير الكلام يمهم سكتت وماعرفت شلون ابرر لك
كعدت صافن لها كملت
اتكلم واكول انضحك عليك ترد المقاطع جثيره مو واحد ارد قديمات ماتصدك والشافتو كاسر ظهرها ومن شفتها مو هي هيله الي
اعرفها غدت النص والوجه اصفر كركم
بس لايصير بها شي هي والي بطنها
امي رددت بخوف عيوني راحت لجده ساكته وادحك لي بتركيز كلت
ياجده كولي وش اسوي تكلمي شوري عليه البوب كلها انسدت بوجهي
انت كلتها انسدت كلها بوجهك ماظلك غير باب الكريم دكو وهو يفرج عنك البيك
يارب فرجك والله انت تعرف انا انظلمت وحك الكعبه الشريفه مااسريت للحرام من قبل مااخذها تركت كلشي لخاطر تصير
من نصيبي ومن صارت وفرحت بها فرگونا الي ما يخافون الله
هساع حنا كلشي مانكدر نسوي لان شفتها فد مره صايره وخاف نلح عليها ويصير بها شي
الهنوف تكلمت جده ايدتها بالكلام
شهم
ظليت جم يوم الوب من السمعتو نار وشبت بصدري عكب ماعرفت هيله
وسمعت وش صايره بها وشلون خذها الزين واشتعلت بعد اكثر من سمعت بها عشكتو وعشكها
ريتاج تسأل بي شبيه وعش متغير من يمها كلت مابيه شي من لحت عليه صحت بها
كااافي لاتلحين شبيج ااانتي داكلج ماابي شي
صفنت علي كمت من يمها طلعت للبرة سريت
لسيارتي الي اشتريتها بالفلوس الي جنت ضامها صعدت وحركت
طلعت لكاع الشيخ شعلان ردت اشوفها ردت اسال وين الوعد والعهد الجان
بينا وشلون نستو
شلون تزوجت ومن اخذت واحد جانت تكرهو وتعرفو شسوه بيه من وراها ومن
وره حبي لها
وصلت وره مشوار نزلت يم دارهم رحت لباب المطبخ دكيتو طلعت لي خالتي
شافتني تفاجأت
شلونج خاله
هلا يمه
وين هيله اريد اتكلم معها
طلعت وسدت الباب وراها وردت بخوف
يمه شهم عوف هيله هي ازوجت وانت هم تزوجت جانت قسمه وماصارت والله عوضك بنت خلقه واخلاق وصار عندك منها
بنت
صحت بجنون
ياااخاله وين هيله اريد اتكلم معها واسالها وين العهد
هيله
طلعت من الحمام عكب ماذبيت من راسي بردانه وحالي مو تمام وكفت عكدت حواجبي من سمعت صوت شهم يصرخ سريت
للمطبخ
خواتي واكفات وراه هاله تكلمت بخوف
اجه يريد يشوفج
ووخرن
خواتي وخرن فتحت الباب شافني صفن عليه وجهو انطعن كلت له
عش جاي يبن العم
رد عليه بصوت مخنوك
اجيت اسالج وين العهد يبنت العم وين الجان بينا شلون نسيتي ورحتي خذيتي الي جنت تكرهي وتعرفين وش سوه بيه من وراج
وانت هم تزوجت ونسيت العهد مو بس انا ياشهم
اااانا ماجنت بوووعي فاقد الذاكره ياااهيله
صرخ بيه
امي انهدت به
ولك لاااتصيح وعكب لداركم لاتبلي روحك
وتبلينا وياك زلمتها مخبل بس يشوفك هينه يعلكها عليك ويزيد البله بعد اكثر
مادار بال لامي كمل بغضب
يولي ليش هيج والله نسيت الكل وج نسيت امي وابويه ومانسيتج ظل خيالج بين عيوني وكلما اشوفج گلبي يرف عليج
عيب هالكلام ادكولو لي انت هساع مزوج وانا هم حرمه زلمه ثاني ماارضاها
لك تتكلم هالكلام ولا ارضه
اسمعو منك
حبيتي ياهيله عشكتي ونسيتي الجان بينا
مااسويت لها شي ياشهم خليتها مثل البيت الواكف كتلك يمه اخطبها ولو بحلقه وانت هونت جثير وخليت اليسوه والما يسوه يتكلم بها
وجهو انطعن بعد اكثر رد
واليسوه منو ياخاله شيخ زين العابدين مووو
بس متت وشفتوني سكنت الكبور رحتو انطيتوها له وانتتي
صرخ بيه وكمل بغضب
قبلتي به ونسيتي حبنا والعهد
ماجان حب
رديت صفن علي وغده دم گرب مد ايدو الي وسال بصوت مخنوك
وش كلتي
مثل مااسمعت ماجان حب تعلق بنت عم بابن عمها من الصغر غير هالشي ماكو
ابويه اجه كرب عاكد الحواجب دحك لي افتهمت نظراتو دشيت سمعت
شهم كال
وج لو ميت من صدك ولا سامع السمعتو
دشيت دمعتي بعيوني لان كلت له هالكلام ماردت اجرحو وبنفس الوقت جان لازم اكول له هالكلام حتى يگطع نفس مني
كعدت على الجربايه دمعتي نزلت مثل كل وگت كلت بغصه
ماجان حب يبن العم لان انا ماحبيت ولا عشكت غير زين وياريت جان كد هالحب
ابويه دش وره مشوار وجهو متغير تكلم معي بغضب
عش واكفه مع شهم ما تخافين يجي زين مناك ويشوفكم شتريدين يابه
تعلگ بينهم مثل ذاك اليوم
ابو هيله على كيفك معها البنت ماتكدرر وهي تره تكلمت معه وگطعت نفسو
منها
ااستغفر الله يارب شكاعد يصير ياربي منا ذاك الي مااعرف شلون رد لذاك الدرب عكب بعد مابطل منو وكلنا انعدل حالو ومنا ابن اخويه الي اجه مزوج ويدور وره بنتي وهي
مزوجه
ماراح اظل مزوجه يابه راح اطلك من زين لان مو انا الي اظل تحت عصمه واحد
شفتو بعيوني وي و
سكتت وبلعت الجلمه والغصه شهكت بصوت قوي
مدري شاحجي دخت بيج يابه ودخت بهالولد الي اذا ماجاز منج مااعرف شراح
يصير من زين اذا لكفه يحور عليج
سكتت امي كالت
راح اخابر اختي هي تتكلم معه تراه بيت بنتي انهجم مو عايزه هي هم ينهجم بيت ابنها
عوفي لاتخابرين اي احد انا راح اروح لهم واضع حد له
ابويه رد عليها وطلع من يمي امي اجت كعدت يمي تكلمت بتوسل
يمه خابرتج عاقله وتفهمين الزين كاعد يكول انضحك علي وشفتي عمتج اجت هي والهنوف وكالن حلف بالقران هو ماخانج
ابتسمت بألم وصورته بين عيوني باكثر من حظن ونومته وي هاي الساقطه
وصوتو يدكن براسي وگلبي
رديت بغصه
يمه افهمي انتي وغيرج انا بعد مااكدر اشوف زين مثل الاول صار حاجز بينه الشفتو خلاني احسو هو انسان ثاني مااعرفو يمه والله احس بروحي انا كمت احسو واحد غريب عني
هيله لاتهجمين بيتج يايمه فكري بولدج وج مالهم غير ابوهم واهلهم
سكتت كملت
يولي فكري زين هذا طلاك مو لعب جهال واذا صار من صدك زين ماراح يخلي ولدو عندج ياخذهم ويبجي عيونج بعد اكثر
دموعي زادت كلت
يمه عوفيني لخاطر الله تره انا جاي اموت والله نار شابه بضلوعي من وراه واذا سوه هيج مااكول غير حسبي الله ونعم الوكيل بي
لاصار الحب لعبه عَز الله راح القلب فيها
مالك
سمعت من امي حرمه الزين رايحه زعلانه لاهلها لجن وش هو الموضوع ماعرفت لان خالتي ما وضحت طلعت من يمهم
اني وليان وتوته كالت
خطيه شجاهم مالك وشنو السبب
مدري خلي نوصل واخابرو
اي افتهم منه شصاير بينهم
هساع شحالو هذا عكب الفراك
احسه يحبها كلش
اوو شنو يحبها وج سامعه مامن محبه الا بعد عدواه جبيره
اي سامعه ليش شنو جانو اعداء
اي ليونه مذابح صارت بينهم ومن الصغر ناس تكره ناس واحد جان ما يطيق اللخ وكلما تگابلو يتعاركون
ابتسمت دحكت لي بنظرات خلتني اسال
ها خيرج يولي اشوفج ادحكين عليه بنظرات هولمزيه
هههه تذكرت اني وياك شكد تعاركنا
ابتسمت ورديت
اي والله حنا هم جنا مثل الديج والدجاجه بس واحد ينكر باللخ
هههه وتزوجت الدجاجه والديج وصار عدهم كتاكيت صغار مووو توته
كامت تبوس ييها وذيج خربانه ضحك
ظلينا نحجي بسالفه زين وصلنا طبينا لبيتنا راحت تبدل لتوته وتنيمها كعدت بالاستقبال دكيت على زين رد وره لحظه
الله يساعدك يول
هلا مالك شلونك
بخير انت شلونك وشنو هالاخبار الي سمعتها
سمعتو ذب حسره بصوت بقوي كلت
اوف ولك عبالك الشغله جايده
عجل جايده واخوك طاح حظو وانهجم بيتو
عكدت حواجبي رديت
يول احجي تكلم وش صاير
حجه لي الصار بي فكيت عيوني وكلت
صدك تحجي انت
اي والله يامالك هذا الصار وهذا الجرى
يول شلون ضحكت عليك وهذاك الاثول حمد شلون عافك وحدك ليش ماعكب
هو شمدري راح يصير بيه هيج شاف الجو مالتو ونساني وهي استغلت هالشي وسوت الي تريدو
سكت سمعت طكه الجكاره ورثت ويا وحده كمل
تصدك مالك شكيت بحمد كلت خاف الو يد بهالشي لجن تذكرت انا الي كتلو راح اجيك هو ماكال لي وضجت لان شكيت بي كلت هذا اخويه وعضيدي
مستحيل يغدرني
اي يول شلون تشك بي حمد اگرب واحد لك من الصغر انت ويا سوه
اي اي ولك ااخ عقلي ضرب مالك كمت اشك بالكل بيتي انهجم وام شعلان تريد الطلاك ومصممه علي
استغفر الله ياربي وهساع انت شراح تسوي
شااسوي تربطت يااخويه الشافتو خبلها وحكها ولك والله حگها ماالومها لجن انا انلعب عليه احلف بالقران وبيت الله ومحد جاي يصدكني ولك ابويه هو نفسو ماجاي يصدك انا
انلعب عليه
هذا الصيت الخره الي اجانا من ذاك الدرب الخزي لحد هساع انا اعرف ناس
يكولون عليه جان يشرب
ويدور نسوان
اخذت نفس وزتيتو بضوجه رد عليه
اي هو الصيت الاكشر عم عليه وخله اقرب الناس اليه مايصدكون بيه رغم كاعد
احلف جدامهم بكلام الله
تهون ياخويه اعرف بنت العرب عاقله وفاهمه وراح تفكر بولدها وماتهجم بيتها
لا يامالك مااظن هيج هيله انكسرت وكسرها ماله جبر اعرفها ماراح ترجع لي
اعرفها يول گلبها شال عليه
وحقدت
مدري شااكلك ياخويه دخت بسالفتك وهي الساقطه ولك مالكيت اثر الها لو تگضبها والله بكفختين تكت الي سوتو والي عملتو بيك
فص ملح وذاب ماكو اختفت رحت لسمر هددتها هي وجم وحده من التعرفهن يكولن اختفت بنفس الليله ومايعرفن وين ولت حتى رقمها يطلع مغلق
وين ولت اكيد لابده بمچان ومصيرها تطلع
لااا اكيد سافرت ماظلت هينه
يجوز تسويها كلشي يطلع من عدهن هذني الجنا مخليهن يضحكن علينا ونصرف عليهن بدون وجع
ااخ ولك ااخ طاح حظي من مشيت بذاك الدرب
سكتت كمل
اروح ياخويه والله مالي خلك
هونها وتهون يازين
ماهي بهينه يامالك بيتي انهجم شلون تهون مدري
سكتت شاريد اكله كمل
مع السلامه
الله وياك
سديت الخط صفنت على جهازي مو مستوعب الصار بي ليونه طبت تثاوب اجت
ليمي كعدت وسالت
ها خابرت زين
اي خابرتو ومااعرف شلون راح تفض ويا ووي مرتو
خير شصاير
حجيت الها الصار تفاجات وفكت عيونها بذهول سالت
صدك تحجي يعني شنو راح يطلكها
لا وين يطلك هذا روحو معلكه بروح هيله مستحيل يسوي الي تريدو
خطيه زين هاي الادبسسز ماعرف وين ولت خلي يلزمها ويخليها تعترف
يعني انتي مصدكه بي هو ماخان هيله
صفنت بعيوني من سالت هالسؤال وردت
ليش مااصدك مو انت تبت مالك وحالك تغير
ابتسمت من ردت هالرد وسالتها
يعني انتي عندج ثقه بيه اني بعد ماارجع لذاك الدرب
اني عندي ثقه بيك انت مستحيل ترجع لذاك الدرب بس ماعندي ثقه بالغير
ماافتهمت
يعني شفت زين شصار بي راح لهذا ابن خالك حمد وهو مثل ماتعرف بعده بذاك الدرب وهي استغلت هالشي وكدرت تسوي السوته
هزيت راسي باي وكلت
قهرني جثير الزين وج يحجي مخنوك ومبين علي مقهور كلش
اي حقه بيته انهجم بلحظه وهي هسه شحالها اوف مالك هسه انكسرت كسر جبير واكيد تأذت من الشافته
عجل شلون ليونه حرمه تشوف رجلها يخونها وي وحده شتريدين يصير بيها
والله مالك تصدك كاعده اتخيلها هسه تبجي وتشهك وحالها حال وهي منا حامل
خطيه خاف يصير بيها شي
الله يستر من الجاي
امين ويارب تبرد نارهم ويرجعون سوه والله يقهرون شفتهم ياربي شلون حلوين وواحد يحب اللخ يعني مثلنا حبهم وتفاهمهم
هزيت راسي باي مالت علي تثاوب كمت وكومتها وياي كلت
كومي يابه نامي وارتاحي يمكن راح اروح اله لان ظل بالي علي كلش
اي روح بس لاتتاخر هناك
لا يوم وثاني يوم اعكب
تمام
ايهم
حياتي وي لارا جانت تحصيل حاصل للصار بينا يعني هي ماجنت اريدها زوجه اليه انفرضت عليه من وره السوته والي اني
سويته وياها جنت اريد ازوج
واستقر وي وحده مااعندي
ماضي اسود وياها
حجيت وي امي كالت
شلون يمه ولارا وولدك
يمه لارا مو حاسبها زوجه اليه وانتي تعرفين هذا كلش زين وولدي اني ماراح اقصر وياهم بشي بالعكس لازم ازوج حتى اجيب الهم اخوه يشيلوهم بكبرتهم
ماادري يمه هذا قرار لازم تاخذ راي ابوك واخوتك بي
ماراح يعترضون اخوتي اول الناس كالو تزوج لاتظل هيج ضايع ومضيع روحك من وره وحده مثل لارا
وابوك ايهم
ابويه زياد يحجي ويا وانتي هم يمه تره تعبت والله اني مو عايش كاعد تشوفين
شكاعد يصير بيه من وره هاي الجايفه
اي كاعد اشوف ومليت واني احجي واعلم بس يمه منو هي الي تريدها يعني
خال عينك على وحده
اي يمه اريد بنت عمي حمزة
ها منو فاتن لو فاديه
فاتن يمه جبيره وتفتهم الحياه واصغر مني بكم سنه
والله هي ورده مال الله وردتها الك بس قسمتك صارت
سكتت وهزت راسها بقهر
قسمه بعد
وهذا الصار خطبت فاتن وعمي انطاها اليه بس شرط عليه اكعدها بيت وحدها اجرت مشتمل مسافه عن اهلي زياد اشتره بيتي لان ماعندي نفس اكعد بي وكلت بس يرهم بيت مشتمل للبيع
بنفس المنطقه اشتريه
كل هذا السويته لارا مادرت بي كتمنا على الموضوع وتزوجت بنت عمي بسرعه
ماردت اتاخر لان جهزت كلشي وكلت التاخير مو بصالحي لان شفت شسوه بي وي الايام شفتها ورده مال الله وتحبني كلش
ريمه
طلعت الضحى للزرع احوش خضره للبيت حشت
الي اريدو وخليتو بسله سريت مسافه وانا افكر بهيله والصار بها لهيت
بافكاري وماحسيت الا واصله الشاخه وكفت يمها ودحكت للمچان الي گضبني به فزاع وحبني غصب
درت وجهي ضايجه وكلت
استغفر الله يارب
غانم حدر شايل الكرك سريت سلم من گرب مني
شلونج ياريمه
بخير
رديت مختصر تحرگت اريد اعگب لدار هلي تكلم
احاجيج يولي
وكفت من صار جدامي كمل
ياريمه انا رايدج وهاويج وو
ياغانم جوابي كالو لك ابويه وسمعتو منو غير هالكلام ماعندي معك
سريت گطع علي الطريق خزرتو تكلم بتوسل
يولي والله شتريدين اسوي لج حتى لو تريدين نكعد بغداد اخذج لها انا لكيت
شغل هناك وراح اكعد بها واريدج معي
عيوني راحت للشارع سياره حشد مال ولدنا اجت بسرعه والترابه كابه وراها عكدت حواجبي وكلت
خير شكو وش صاير
هو انتبه لي دار وجهو عليه گربت علينا صفنت من شفت فزاع بها وكف گريب من عدنا نزل يخزر بغانم گلبي هبط كلت وش به هذا دحك لي وتكلم بغضب
فزاع
تعلمت انا بالبرج ادحك بالمنظار لكاع عم شعلان گلبي تعلك بريمه وظليت اتابعها مناك تطلع مرات للزرع معها خواتها اظل صافن لها واتذكر السويتو
بها ندمت ندامه لان سويت هالشي لان عرفت بروحي انا خسرت فرصتي معها عملتي هاي والقبلها خلتها تكرهني وتنفر مني
شفتها طلعت وظليت اراقبها سرت للشاخه وكفت حدها غانم اجاها واكثر من مره گطع عليها الطريق عرفت من زين هو خطبها وهي رفضتو
تحركت بسرعه ورحت لهم نزلت يمهم تكلمت بغضب
ااسري منا
رفعت حواجبها من تكلمت هالكلام معها صحت باعصاب
طرررشه انتي مااتسمعين كاعد ااكلج ااسري
شبيك فزاع وش نوحك معها
ماايخصك انت
نعم عجل يخصك انت
غانم رد علي بغضب تكلمت
عش ماتخليها تعكب لأهلها
من كلك هو مايخليني اعكب
شفتكم من البرج
ردت علي بنتره
غانم ما منعني اعكب لهلي روح افحص عيونك وشوف وش بلاهن
صفنت عليها من ردت هالرد نادوني بالجهاز درت روحي تكلمت باعصاب
هساع اجي ااافتهمت
خليت الجهاز يم صدري عم عزام طلع من يم بيت الماطور صاح غانم
ظل يدحك لي ولها سرى من يمنا مسافه هي وراه سرت كلت
احاجيج يولي
وكفت اندارت عليه گربت دارت راسها على غانم يسري وعيونو علينا
شترريد
نترت بي
اسف
صفنت عليه من تأسفت كملت
السموحه منج يبنت المله
ريمه
مارديت درت وجهي منو كمل
انا مااعرف شلون سويت السويتو كولي حزه شيطان وجنت مو بوعي
ههه
فزاع
ضحكت باستهزاء صفنت عليها سالت
عش تضحكين يولي
هاي انتو تسوون العمله وادكولن ماجنا بوعينا والشيطان جان اقوه من عدنا
عرفت وش تقصد زين والصار به هو واختها
عكدت حواجبي ورديت بهدوء
يبنت المله ادعي من الله ماتغلطين بيوم حتى مايجيج يوم وتكفين هالوكفه
ابتسمت وردت باستهزاء
انا اعرف حدود ربي ابويه علمني الصح من الغلط واعرف انا مستحيل اغلط بحك احد بيوم
سبحان الي مايغلط ياريمه ابن ادم خطاء والله يحب العبد الي يخطأ ويتوب له
توب عجل لان انت سويت شي غضب ربك
سكتت كملت بغضب
جاي تطلب السماح يافزاع اكلك مو مبري الذمه لان شيلتني اثم معك
سرت من يمي ادحك لها بقهر صحت
ووج انتي مو بنت مله عش گلبج هيج اسود
ماردت لبستني وراحت
ظليت صافن لها سريت من نادوني مرة اللخ صعدت سيارتي حالي انجس من
الاول
شهم
حالي تبدل عن الاول والهدوء الجنت عايش بي تبدل وصار اعصار بداخلي كلشي تغير بعد ماشفت هيله وعرفت بروحي انا جنت احبها ورايدها خيالها الظل وياي ومافاركني ابدا ودگه گلبي السريعه من شافتها عيوني اكدت انا حبيتها حبا جبير
شهم شبيك وشصاير كلي ليش صارلك كم يوم ماتاكل وبس تصفن
ريتاج سألتني بقلق دحكت لها ساكت سألت بتوسل
بروح احمد اخويه شبيك احد غاثك
اااخ ولج غاثتني روحي وگلبي هذا
فركت بقوه گضبت ايدي وردت بخوف
اسم الله على گلبك كلي شصاير احد غاثك من اهلك من بره
هزيت راسي بلااا
اني غاثتك
دحكت لها وصفنت عليها هزيت راسي بلااا وكلت
مو انتي ريتاج
لعد شبيك كلي فهمني داحس بيك شي وقاهرك كلش
مابي شي ولاتسأليني بعد
كمت گضبت ايدي سحبتها منها طلعت لبره دنيا ليل الجو بده يدفى امها وامي كاعدات بره
سألت
ها يمه وين العزم
مارديت على امي سريت للزرع ورثت جگاره همت على وجهي ومااعرف شكد سريت جهازي دك جان غانم رديت
هلا غانم
هلا شهم انت وين
ليش تسأل
اجيت عليك لداركم مالكيتك
انا يم گاع ابو ديار
هااا جايك عجل
تعال
كعدت يم الشاخه ادحك لها وادخن وافكر بهيله وحالي الي تكدر من سمعت منها هي جانت ماتحبني
وره مشوار
ضوه لاح من بعيد كمت لحيلي گرب وكف يمي صعدت يم غانم وكال
هاي شعندك ساري هالكد
مدري اصلا ماحسيت انا ساري هلكد الا من سالتني انت وين
ذب حسره دحكت له سالت
خير يول وش نوحك صاير شي
يااخويه مدري شاتكلم
كول غانم اسمعك تكلم وش بلاك
ااخ ياشهم انا ردت بنت عمك ريمه لجن رفضتني بدل المره مرتين
ريمه
اي ياخويه واظن
سكت ماكمل عكدت حواجبي وسالت
تكلم وش تظن
مدري اظن يعني فزاع هاويها
صفنت على الجامه اريد اتذكره كال
فزاع ابوه يصير هادي ولد عم شيخ شعلان
ها اي عرفتو وهذا وين لكاها حتى يهواها
سالفه طويله ياخويه بدت من نزحو بيت عمك وهو ظل يودي ويجيب بهم وهم كعد بنقطه شوفها ذاك ضوها
گريب على كاع الشيخ شعلان
اي گريب
رد عليه وكمل
هيله ماشافت خير من زين وهذا اذا صارت له ريمه هم راح يتعبها
ليش شبيها هيله
انت ماشفتها بدار اهلها
اي شفت غير جاي خطار لهم
لا يول سمعت من امي صايره سالفه جايده بينها وبين زين يكولون خاينها وي
وحده
فكيت عيوني من سمعت هالكلام
كمل
وواصله للطلاك بينهم هي ماتقبل بعد تعكب له وصايره هوسه اهلو اجوي عليها جم مرة يردوها بس تعكب له وماتقبل
ودني لها ياغانم
وين يمعود اكعد راحه لا تخليني اندم تكلمت معك هالكلام
نزلت سريت بالدرب لحكني نزل ووكف جدامي صاح بيه
ووين رايح شهم جفي الشر واكعد
يول ووووخر بس اروح اشوفها
صحت بي بغضب
ياخويه بطل من هالسالفه انت تزوجت وهي هم
ووووراح تطلك انت ماكلت هالشي ماكلت هو خانها
شهم لاتبلي روحك وتبليني وياك شنو تورطت تكلمت معك
ووخر يول ولا تخليني امد ايدي عليك
سريت لحكني وكال
ااصعد انا اوديك بس لاتسوي شي بداعه بنتك حور
عكبت معه للسياره صعدت غادي نار خذها وماصانها خانها وكسرها النذل ابو
النسوان والعرك
زين العابدين
الهنوف قنعت ابويه يروح لهيله وقبل كلت اجي معكم ولحيت كالو لاتتكلم شي اكعد ساكت وخلنا نصلح الخراب
قبلت اسكت بس اروح واملي عيوني بشوفتها هي وابني وصلنا بعد ماابويه انطه خبر لعمي دشينا للمجلس كعدنا وي اهلها ابويه تكلم
انا جاايك اليوم واريد اعكب بنتي يبو هيله
عمي سكت دحك لي ما تكلمت شي
ابو هيله زين حلف كلام الله هو انلعب عليه والصار جان خارج عن ارادتو يعني اكو ناس ماعدها مخافه الله هي السوت هيج حتى ينهجم بيت ابني وحرمتو
عش يسون هيج ياخويه شنو مصلحتهم بهالشي وهو شلون قبل ادش علي هيج شكول حتى يصير الصار
عمي رد على ابويه وكمل
اذا جانت لعبه هي شوصلها له فهموني انتو انا هم ما جاي اصدك زين رجع لذاك الدرب لجن اريد احد يفهمني هي شلون وصلت
له وخلت له هالمخدر
ابويه سكت دحك لي بضوجه عمتي كملت
والله ياشيخ حنا ماانريد الخراب بينهم عز الله احب زين وحاسبتو ولدي لجن الصار جبير وهيله تعبت من وراه كلش
سكتت كامت تبجي سمعنا الباب اندك عم حميد طلع عكدت حواجبي من سمعت شهم يصيح
يااعم عش انطيتها له وانت تعرف هو وش
كمت لحيلي بفزه ابويه صاح بيه
عكب يول
ماعكبت طلعت لبره شافني وصاح بيه
ووولك اااخ الشريف يموت والعار يظل
ااانجب ولك طاايح الحظ
محد طاايح الحظ غيرك انت يالزاني ياشراب العرك
هديت علي ابويه گضبني واختي ذاك هم هد عليه غانم گضبو وعم حميد دفعو صرخ به
عش اااجيت ماكتلك بعد لاتجي
اااجي البنت بنت عمي وهذا عااال عليها
صرخ وصحت به بغضب
يووول ولي منا لاااذبحك
هيله
عرفت عمي جاي هو والهنوف وتفاجأت من كالن البنات زين معهم كاعده بالغرفه رافضه اشوفو او اعكب معهم سمعت وره لحظه صياح وغلط
طلعنا نركض من باب المطبخ جمدت بمچاني من شفت شهم وزين واحد
يهد على اللخ والاوادم گاضبتهم
شهم فلت من ايد غانم هد على زين وجسر بدون وعي رحت وكفت بوجهو صحت به بخوف عگب ياشهم ووولج طبي جوه زين صرخ بجنون دحكت له فقد غانم جر شهم
اابويه دفعو ماايروح واكف
ويجسر علي ويهدد
جتاالك انا يول زين فلت من عدهم سحب سلاحه من الحزام عمي صرخ لاااااا يول الصراخ ترس الليل تحركت بسرعه وصرت جدام شهم وابويه خليت ايدي اريد احمي وصرخت لاااااا يازين
