رواية دخيله الشيخ زين العابدين الفصل الثالث والخمسون بقلم أوتار حزينه
هيله
حاظنه عمي الي مات بحظني ودمه الحار نكع
هدومي اهز براسي بلاااا واصرخ بجنون
لاااا ياعم لااااا تموت
شهم يمي يبجي علي
حمد واكف مذهول من الصار حظنتو احب بي واصرخ
ووولكم جتلو الشيخ وولكم وينكم الشيخ اااانذبح
فقدت اصرخ بجنون وخبال وكاضبتو بقوه مو مصدكه به مات بحظني
خواتي اجني يركضن
ريمه شافتنا صرخت ووكعت على رگبها
الصغار عگبن يصرخن
شهم صاح
حمد خااابر زين ولك
خابر الاهل
يااايابه راح ااخوك
صرخت واحس روحي
تريد تطلع
شهم راح لحمد خضه
بقوه وصاح به وهو يبجي
ولك خابر الزين خابر الولد
حمد دحك لي وله،،،،،
كلت له بصراخ
شرااااح ادكله للزين مااات ابوك شراااح ادكله ياحمد
شفت طلع جهازو عمي بحظني اانود به واصرخ مفجوعه وشهم يحور يمي ويبجي علي سمعتو صرخ
ياازين الحك شهم جتل ابوك
فكيت عيوني ودحكت له بذهول
شهم وكف بمجانو ودحك له
كمل بصياح
اااي جتلو وولك مااات الشيخ
شكاااعد ادكول انت
صرخت به
شهم راح له دفعه
امي اجت تنهد
شافت عمي بين ايدي صرخت مفجوعه
يبووو يااايمه يبو زين وولكم من جتلو
شهم ولد اختج جتلو
حمد صرخ
شهم خنگو وصرخ به
وولك عش تبليني اناااا ماجتلت عمي الشيخ
فلت منو وصرخ به
ااانت جتلتو روح فك روحك من زين انت وهيله
صرخت به
ووولك انت شكااعد تتكلم
امي كعدت يمي ملخت روحها وتصرخ
ولك عش جتلتو يااابن الخايبه
ياااخاله ماجتلت احد
هذا كاعد يبليني
صاح وراح يدفع بحمد ويصرخ
ولك عش كاااعد هيج تسوي شمسويلك اانا
حمد دفعه بقوه تلازمو كمت وعفت عمي مسجي على الارض جريتو من حمد
دفعتو وانا اصرخ
روح اانهزم بروحك
ووج انا ماجتلتو عش انهزم
بلااااك حمد وراح يصدكون به ولك رووح الزين راح يصدكو ويجذبني انا وياك
روح ياابن العم
ووج هيله ماجتلتو
ووولك روح رااح يفجعون اهلك بك وحرمتك وتيتم بنتك
هز راسه بلااا صرخت به
ووولك روح راح يجتلك ويشيل ذنبك طووول
العمر رووح ياشهم
تحرك يدحك لي ولحمد
صاح به
حسبي الله عليك ونعم الوكيل حسبي الله عليك ياالنذل
ركض من يمنا عكبت لعمي هويت يمه ادك على وجهي مفجوعه به.. بحمد والسواه
سرى من يمنا امي صرخت
ووج من جتلو من
مووو شهم والله مو ابن عمي جان حدي يمه يمي وعمي انضرب
سمعت صراخ زين اجه يركض وراه فزاع وعوض وصل ليمنا جمد بمچانو مذهول عيونو على عمي
اجه يجر برجلي وكع يم لشته اخذو لحظنو وتكلم بصوت مخنوك
ياابه كوم فتح عيونك ياابه اكعد يبعد الروح ااكعد
حظنو لصدره صاح
ياااالعز يبو زين اكعد يابه لاتسويها بي والله مااكدر بلياك
نحت وصرخت
يااااايابه انجتل اخوك
زين حظنه لصدره وصرخ بجنون
ياااابه يااابه ااكعد لاااا تفجعني بك
دحك لي
وخرو منه يمسح بالدم من وجهو تخبل صرخ
شيخ على بختك كوم فتح عيونك ولاتكسررر ظهري يالعز يالمال كووم من لي
بعدك
اااخ يمه اااخ يااابه
صرخت ،،،،
زين صرخ بخبال وهوحاظن عمي لصدرو
اااخ يااابه كسرت ظهري ولكم اانكسر ظهري
فزاع اجه يكهد بالبجي وويا عوض وواحد ثاني رادو ياخذو من ايدو ماقبل
صرخ بخبال
عووفوه خلوه هساع يكعد ولكم الشيخ مامات طيب عدل ابويه مااايعوفني ماا يكسر ظهري مايهون علي ازعل علي اكعد ياابه اكعد يبو زين لاتفجعني بك
صرخ وهو يحظن بي الولد جروو منه بالگوه سجوه لعمي وغطوه بالبشت گضب ايدو يحب بها ويكهد بالبجي
ابويه اجه يركض معه عم عزام شاف عمي مسجي صرخت
مااات عمي يااابه مات الغالي غدرووو المايخافون الله
ابويه اجه بصعوبه هوى،،، يم عمي وخر البشت من وجهو دحك له ماتكلم شي خل راسو على راسه وكام يكهد بالبجي صرخ وره لحظه ياااخووويه يا شعلان
زين فز من مچانو مثل الواحد المذبوح وصرخ
ووولكم من جتل ابويه من شهم موو
ااي شهم يااازين
حمد رد علي
صرخت به
جذاااب شهم ماجتل عمي ولك خاااف الله ياحمد وكول الصدك
زين راح له جرو من زيجه
وصرخ به انت شفتووو ولك شفتو هو جتل ابويه
اااي يازين جان معه هيله وشافهم سوه تكلم معه وتجاتل ويا ومااشوفو غير يغدرو كااال له احرك گلب زين عليك من ضربو
جذاااب زين لاتصدكو والله ماخصه شهم والله ماجتل عمي مدري منو ولكم جان
يمي واكف وعمي انضرب
زين اندار علي يدحك لي بقسوه
حمد تكلم
يازين هي هزمتو اذا ماجتل عمي عش انهزم
وووج اااخ
تخبل من سمع هالكلام هد عليه وجرني من شعري امي صرخت هي وخواتي اجن علي ابويه كام وكع الضربات مدري منين كامت تجيني فقد وتخبل وخواتي نامن عليه واكثر الضرب اجه بيهن
الولد رادو يجرو من عندنا صرخ ووجه سلاحه عليهم
لاااااحد يكرب اجتلو والله
يازين بنتي ماااخصها
ابويه كام من يم عمي واجه علي يكهد بالبجي من صار گريب علي دفعو بقوه ووكعه صرخت به
لاااا يازين والله شهم بريئ حمد،،،،كاعد يجذب عليك
ماسمع اجه عليه بسرعه ابويه كام وامي معه وكفو بوجهو دفعهم بقوه وكعو خواتي تصارخن فزاع گضبه
ضربه بجعب المسدس براسو ووكع
جرني من شعري وصرخ
المات يسوواااج انتي والخلفج
سحب خنجره
ابويه وكع علي دفعه بقوه
امي زحفت له صرخت
يااازين على بختك ووواكعه عليك دخيل وولك حاامل بولدك عووفها
گضبت ايدو من راد يذبحني الخنجر اجه بها صرخت،،،،،،
جرو مني گصيبتي بأيده بلحظه گصها بالخنجر وكعت ليوره مذهوله من السواه
عوض والحارس گضبو وجتفو جمدت بمجاني مفجوعه بعمي والسواه بيه اذني وشت ادحك له بذهول گصيبيتي بأيدو
ابويه اجه عليه حظني لصدره مصدومه وادحك له يصرخ ويفشر عليه فشار
مو صاير
🌿🌿🌿🌿🌿
هاجر
جنت بالمطبخ اغسل مواعين امي يمي تعزل ورايه سمعنا صياح وصراخ بره
يااساتر يارب وش صاير
امي تكلمت وطلعت لبره انا وراها دحكنا للمجلس هوسه زلم وكلها تتراكض
عزه وج شصاير اخوج بس لا به شي
امي كالت هالكلام وسمعنا صراخ الزلم
وولكم جتلووو الشيخ شعلان
يااااايمه يااابو زين
امي صرخت وانا معها طلعنا نركض
ولد عمامنا تلگونا
امي تصرخ وانا معها
وولكم لاااادكولون ابو زين ماات
يااعمه مااات عمنا مااات الشيخ
يبوووو
امي ملخت خدها انا وكعت على الارض اصرخ واملخ بروحي جده طلعت ورانا صرخت
وولجن شكو شصاير
ياااشيخه جتلو عمنا الشيخ شعلان
جده بلحظه وكعت حتى ماسمعنا لها صوت النسوان التمت علينا اخذونا لجوه
وهي شالوها گبل
للمستشفى
خواتي التمن وصار عدنا عزه وابويه ماهو ولا جابو الهنوف دكت ولطمت وتخبلت تصرخ
ياامال العز من جتلك يااايابه من غدرك يبوو زين ولكم شلوون ابويه ينغدر
وين الزلم وينكم شلون
شيخكم ينجتل وهو بنصكم
صراخنا ترس الدار وره ساعه جابو ابويه بتابوت طلعنا كلنا عبدالعزيز صرخ بينا
الستررر يابنات الشيوخ
عكبونا لجوه وجابو ابويه لنا بالمجلس امي ملخت روحها علي كعدت يمه انوح وابجي ومفجوعه زين كاعد يم راسه يبجي ويكهد
يااابه كسرت ظهرنا فرغ دااارك وانجفت الدله وانطشت الگهوه
الهنوف صرخت وكملت
مات الشيخ ولكم مااات العز مات السند طفت شمعه دارنا
خضره روووحك ياابه عش تروح من وكت
صحت بخبال وانا ادك على صدري صرخت
وولكم اليروح بتااابوت شلون يعكب بعد
كلنا صرخنا زين حظنو ويحب بي طلعو من يمنا نصرخ علي اسمع الزلم البره ناس تصرخ
لااله الا الله محمد
رسول الله
وناس تصرخ بالثار
🌿🌿🌿🌿🌿
زين العابدين
سريت بابويه لدار حگه ابجي علي وانوح وكفت بالمقبره اصلي علي صلاه الميت الشيخ دعى له وذكره بالطيب كعدت يمه خليت راسي يم راسه
ابجي علي واردد
كسرت ظهري ياابه ليش هيج يالغالي ليش سريت من وكت والله بعدني ما شبعت منك
حبيت ترابه اكثر من مره سحبوني منه وكالو لي
اذكر الله ياشيخ
ماظل شيخ عكب ابويه هو الشيخ والمال والعز هوو وبس الشيخ
رديت بغصه
الشيخ كال
الصبر والايمان ابني
منين اجيب الصبر شيخي هذا ابويه عزوتي وسندي بهالدنيا راح غدر وخلاني
يتيم وراه
اذكر الله يازين وتذكر قوله سبحانه وتعالى الي يكول
بسم الله الرحمن الرحيم
( وبشر الصابرين الذين اذا اصابتهم مصيبه قالوا إنا لله وإنا اليه راجعون اولئك عليهم صلوات من ربهم ورحمةً واولئك هم
المهتدون ) صدق الله العظيم
جنت اسمع وبركان مشتعل بصدري لان مالگفت شهم انهزم هو واهلو كلهم عكب ماجتل ابويه وحرك گلبي علي وكلو من هيله هي اساس البله من وراها ابويه
راح وسكن الكبور
سريت بسرعه الولد لحكوني فزاع تكلم
وين رايح
مارديت صعدت سيارتي هو وياي حركت وطلعت للمزرعه
يازين وش تريد تعمل
مااخصك
صرخت به بخبال سكت دست بالسياره وكلام حمد يدور براسي
شافهم سوه وماقبل عليهم تعارك مع شهم وجسر علي وذاك هم جسر على ابويه
الي ضربو وطردو من المزرعه والغدار جتلو وكال
الا احرك گلب زين عليك وهيله عكب السواه هزمتو وهي خايفه علي
لميت ايدي على الستيرن بقوه وردت بس اوصل حتى اسوي الي براسي
🌿🌿🌿🌿🌿🌿
ريمه
كاعدين كلنا بغرفتنا ادحك لهيله تبجي وعيونها جامده على السكف كل ساع تشهك بصوت قوي وحالها حال
زين جتلها ولوما حنا نصير بوجهو جان موتها
من الليل گضبها نزف وما وكف
يمه ابويه وين
ساريه سألت امي وهي تبجي ماردت عليها كلت وانا ابجي
راح لجنازه عم شعلان
يااايمه يبو زين يبوو عليك شهم عش كتلتو ولك لييش يامصخم يبن المصخمه
سويت هيج
امي صرخت هيله زادت بالبجي كالت بصوت رايح من العياط
موو هو
سكتت ولمت روحها وصرخت ااخ يمه ااخ
كمنا عليها بسرعه
شبيج يولي
مدري راح اموت بطني اااخ
صرخت وكالت
يمه ااحمام
كومنها بسرعه للحمام مره عم عزام دشت علينا تنوح وتبجي شافت الوضع اجت بسرعه وكالت
خيرر ام هيله
ووين الخير ياخيه ماكووو خير عكب الصار
امي صرخت بقهر اخذت هيله وياها للحمام ظليت احور يم الباب خايفه على
اختي لا صار بها شي ودمعتي بعيوني
دحكت من فتحت الباب شفتها انتهت بايد امي وعمه هنيه النزف خذاها
وكامت اذب جبد دم
عمه كالت
وكع الجاهل ياخيه
امي ماردت زادت بالبجي غسلن لها عكبت جبت هدوم انطيتها لامي بدلنا لها من گضبنها من ايدها الي انذبحت وي شعرها صرخت لان اجت على الجرح
على كيفج وياها يااخيه البنت غاديه فد مرة
هوت،،،، بايدهن تصارخن دشيت انا وهاله گضبنها وياهن وطلعنها گوه
للغرفه تمددت وهي تون
امي كالت بخوف وهي تبجي
ياخيه وينو غانم خل يجي تانخذها للمستشفى لا يصير بها شي وتروح من ايدي
محد اكو هينه كلها راحت لجنازه الشيخ شعلان
امي كعدت تضرب على رجلها تنوح وتردد
خراااب صار وكلو من ايدك ياشهم
صرخت وضربت خدها گضبتها انا وعمه روحها فرفحت وصرخت
المن اااصدك ياااربي هي ادكول مااجتلو وذاك الكواد بلاااه لابن اختي المن راااح يصدكون هيله لو هوو
يااخيه كاافي بنتج مو زينه وزلمتج غده فد مره
اااخ يمه ولكم اااخ وين جانتلنا هاااي
حنا بهالحال سمعنا الباب اندفر خواتي تصارخن سمعت صوت زين
ووووينها الگحبه الساقطه
امي راحت له هي وعمه هنيه سمعنا صراخهن طلعت وراهن يهد وفزاع وعوض گاضبي بالگوه صحت بدموع
عووف هيله يا زين هي ماخصها بالصار
ااانجبي ولج ساااقطه
فزاع سد حلكه وصاح به
يازين العقل ياخويه مو هيج الكلام
ووخري
انداريت من سمعت صوت هيله اجت گضبت الحايط وتسند علي شافها تخبل وصرخ
ثاررري معج ولج ثااري معج يالغداره ياالمغزر بج الزين
حمد جذاااب يازين
ردت علي بشهگه گضبتها من هوت
صرخ
ااانجبي ساااقطه ابن عمج هد الديره هو واهلو عش ااانهزم اذا ماجتل ابويه
فلت منهم وگضبوه مره اللخ صرخ بجنون
ااحجي تكلمي كوولي عش هزمتي ووج لووو ما عاشكته وبعدج تحبي مااا تسوين هالشي
هيله ماكدرت ترد داخت گضبتها بقوه وكعدت بها بالكاع امي اجت بسرعه عليها
هو صرخ
جيبووو ابني
بين ايدنا هزت راسها بفزع لااا رادت ادكوم ماكدرت
جيبووو ابني لااا احرك عليكم الدار
هد فزاع گضبوه وجتفو هو وعوض
امي صرخت به
يااازين لاتحرم بنتي من ضناها
خرررب بيج وبنتج الولد ولدي انااا والعندج راااح ينساها
كال هالكلام ودحك لها بقسوه وغضب وكمل
انتي طااالگ طاالگ هيله
الله يفجعج مثل ماافجعتني بالغالي االي يحرك گلبج
يولي مثل ماااحركتي گلبي
جرو من يمنا يصرخ ويفشر عليها وهيله بحظن امي بجت وناحت بصوت مخنوك انصدمنا من الصار والصدمه زادت من عوض
دش هو وحارس اخذو من عدنا شعلان بالقوه
هيله تصرخ بصوت رايح
لاااتاخذون اابني يااازين لاتحرمني منو
توسلت بهم مااياخذو وحنا وياها لجن مافاد الكلام اخذو من عدنا وهو يبجي
هيله انتهت بايدي فقدت الوعي صرخت على امي الطلعت وراهم تتوسل بيه مااياخذه
عكبت تصرخ
ووج اانهجم بيتج يبوو عليه
عمه هنيه جابت مي غسلت لها وجهها كعدت تون لجن مو بوعيها
مله حميد
الدنيا مغرب واكف بعيد ادحك لجنازه اخويه. وعضيدي ابو زين واردد ودموعي تسف
ياخويه سريت معك عمر وانت طيب وهساع من متت مااكدرت اسري بجنازتك من وره الصار
كعدت ارض ادحك له وغادي دم ومكسور ظهري علي بجيت وكهدت بالبجي علي انتظرتهم يسرون من يمو تاروح له من فرغت
المقبره سريت له وكعت يم قبره وكلت
كسرت ظهري يبو زين كسرت ظهري ياخويه
يالسند من بعد الله يالعزوه ياارفعه الراس شلون راح اگضي عمري وانت مو وياي
خليت راسي يم راسه ورددت
ياارب اجاك الطيب ولد الطيبين اجاك اخويه وعضيدي اجاك الي ماشفنه منو الا كل خير وطيب
رفعت راسي حبيت التراب وكملت
اااسألك يالله ان ترزقه الفردوس الاعلى بدون حساب وان تجمعه مع نبيك وخير الاصحاب
اختنكت بعبرتي توسدت ترابو احب بي واردد
ماامعترض ياارب لجن الفراك مو هين
ايد گضبت جتفي دحكت له عزام كال
كوم ياخويه لايجي احد ويشوفك
راح الغالي يبوو غانم
الله يعينا ويعين اهلو على فراگو
رد عليه يبجي سندني كمت ويا اسري بتعب وگلبي يوجعني كلش خذاني للمزرعه دشيت هو معي سمعت نوح ام هيله والبنات ام غانم اجت تبجي
كالت
الزين اجه وطلك هيله وخذ شعلان
كعدت مهدود حيلي ماكلت شي صفنت على وعد ربي وماعندي اي اعتراض علي ام هيله اجت تبجي وتردد
الزين طلك هيله وخذ شعلان
مارديت كعدت اكبالي تنوح وتبجي وتردد
يااربي شلون انهجم بيت بنتي وتطلكت خذ الولد والبطنها رااح
غمضت عيوني وكلت
يارب منك الصبر
كلووو من ابن ااخوك كلو من ابن زينب مااجاز من بنتي الا وهو جااتل الشيخ
وهاجم بيتها
سكتت ظلت تنوح
غانم دش وجهه مخطوف ابوه سالو خير ولك وش صار
كمت لحيلي گلبي وجعني وجع قوي كلت بصوت مخنوك
شهم انجتل موو
لاااا ياعم حركو دار اخوك وماخلو شي عامر
هويت على القنفه عزام كال
لاحول ولا قوه الا بالله الزين تخبل ماظل عقل براسو
🌿🌿🌿🌿🌿
ريمه
ماكدرنا نغمض عيونه ثاني ليله تمر علينا ثكيله وكلها قهر ودموع هيله متمدده
ماسكتت بس تبجي وتنوح على شعلان وعلى الصار بيها
ابويه مااجه ليمها تمدد بمچانه تعبان وغادي فد مرة خواتي الصغار نامن بالغرفه الثانيه
الفجر طلع ابويه ماكعد ولا
صلى رحت له للمجلس متمدد على ظهره وايدو على صدرو هوجست وگلبي مدري ليش نغزني ادحك له مايتنفس جمدت بمچاني صحت بصوت مخنوك
ياابه
مارد گربت ليمه صحت بدموع
ياابه اكعد للصلاه
ماكو رد گضبت ايدو بارده ثلج وجن منديه بمي صرخت
يااابه ااكعد
امي اجت صرخت
شبي اابوج
مدري يمه ماايكعد
كعدت يمو گضبت ايدو صاحت
ابو هيله ااكعد يبعد عيني ااكعد يبو البنات فتح عيونك
ماكعد صرخت
لااااا يااابه
خواتي اجني ركض هيله وراهن گاضبه بطنها امي صرخت ونامت على صدره
لاااا يااحميد لاااتروح وتكسر ظهري
يااابه
هيله صرخت اجت علي كعدت بالگاع جرتو لحظنها يجي بالايد دحكت له بصدمه وهي فاكه عيونها
ياابه دحك لي فتح عيونك مووو هيج يابه مااكدر والله لاتكسر ظهري تره بنتك
بحاجتك يااابه ووولك يااابه
صرخت تحظن بي وتحب امي ملخت روحها صراخنا ترس الدار عم عزام دش
هو وغانم اجوي علي صرخت
مااات ابويه موو
يااخويه ياحميد
عم عزام صرخ غانم كعد يكهد بالبجي
ياابه وولك ااابويه مااات ياازين اانفجعت بااابويه ولك ااابويه مااات ولحك اابوك
هيله صرخت وهي حاظنته خواتي وانا حبينا ايدو نصرخ مفجوعين به وما مصدكين
هو مات ولحك عم شعلان
🌿🌿🌿🌿🌿
زين العابدين
ماقبلت اسوي فاتحه لابويه ولا نصبت جادر وماقبلت اخذ تعزيه من حد الا اخذ
ثاره دار شهم حركوها الولد بنفس اليوم الي اندفن به ابويه وماخلو شي عامر بكاعهم وخبرت كل السيطرات علي ردت بس
يكع بايدي حتى اخذ ثار ابويه منو
اهلي عرفو بي طلكت هيله ومحد تكلم بأي شي انكرهت منهم مثل ماانا كرهتها وحقدت عليها السالفه طشت بالديره هي
جانت معه وابويه شافهم وجتله الغدار
ثالث يوم من وفاه ابويه جالس مع مالك الي اجه هو وابوه واخوته تايخذون من خاطرنا عوض دش وجهو مطعون كرب من يمنا سلم على مالك واهلو
سألت بسرعه
خيرك اكو علوم من هالغدار
لاا لجن
لجن وش تكلم
دحك لي وكال بصوت مخنوك
عم حميد انطاك عمره
رديت ليوره وغمضت عيوني بقوه سمعت عم مهنا كال
لاحول ولا قوه الا بالله انحشر من وره الصار ولحك ابوك
نزلت راسي وكهدت بالبجي صرخت
ياابه وولكم راااح السند راح العز ولكم اابويه يمووت غدر بااطل ولكم باطل موو
ابنو ولا من ظهرو اذا مااحني ايدي بدم جتالو
اذكر الله ياخويه
مالك تكلم وكمل
ثارنا ماانعوفو لا والله ناخذو وحنا ولد ذيبه
گضبت راسي ونيت على ابويه وعلى عم حميد لان اعرفو ماله يد بالصار كلت
بگلبي
اااجاك خوك ياابه اجاك عم حميد
🌿🌿🌿🌿🌿🌿
هيله
تابوت ابويه بنص المجلس وحنا نايمين علي
امي تصرخ عمتي الي اجت من بغداد هي وولدها تصرخ وتنوح علي
كاعده يم راسه مجفن احب بي واردد
ياابه رااضين عليك راضين عليك يبو هيله لجن انت مارضيت علينا وسريت بهدوء ياابه سريت وماودعتنا
يببووو
امي صرخت وشكت ثوبها
صرخت بها
لااااتسوين هيج ابويه ماايرضى
ووج راح اابوج ووج مااات
راااح لرب ارحم مني ومنج
رديت بشهكه دحكت له حبيت وجهو الطالع كلت له
يابه روح راضين عليك ولا تشيل همنا انا موجوده من بعد الله روح يابو هيله
وارتاح يم رب كريم
عم عزام غطه وجهه يكهد بالبجي صحت من شالو
بهيده شيلو الغالي بهيده وياااا ياابه كسرت ظهري وفراكك راح يتعب گلبي لجن صاابره وراح اصبر راح ااصبر ياابه
صرخت وراه امي طلعت مثل المخبله گضبتها وسترتها وي عمه هنيه خواتي كعدن باب الدار يصرخن ويدكن كعدت بأمي حاظنتها اكهد وياها بالبجي
عمتي رگضت وراه تصرخ
يااخويه يالحنين كسرت ظهري
ولدها عگبوها هي وخواتي دشينا لجوه حالنا حال يوم وثاني يوم والثالث وحنا فد مره ودمعتنا ابدا مانشفت
اردد
يارب منك القوه والصبر
عمتي سالت امي بعد ما عرفت وش صار بينا
شراح تسوين ياخيه
مدري ياام حازم مدري
زادت بالبجي وكملت
اويلي عليك يابو هيله رحت وخليت حمل ثكيل بظهري
شااحجي عليك ياشهم شسوويت بحالنا ولك ،،،،،
ماات اخويه من القهر ولك ماات الغالي والحنين
وسكن الگبور
عمتي ناحت تردد هالكلام عيوني افترت على خواتي يبجن وحالهن حال امي مثلهن ماتعرف شسوي لا شلون تصرف
دمعتي بعيوني ابجي على الاعزاز الي راحو بلحظه وسكنو الكبور وعلى الظلم الصار عليه وعلى ابني ااي انحرمت منه كلت بدون تردد
يمه حضري روحج نسري من هينه
دحكت لي ودموعها تسف ردت بقهر
وين نروح يولي وحنا كلنا نسوان
ارض الله واسعه وربج معنا وماراح ينسانا
امشي وياي ياخيه بيتي بيتج اكعدو ويانا الما الله يفرجها عنكم
امي سكتت كلت
يمه حنا بعد مالنا كعده هينه
سكتت وكملت بدموع
عگب الصار كرهت هالديره وكل البيها من حسبي الله على واحد ظلمني وطعن بشرفي
امي زادت بالبجي ريمه كملت وهي تشهك
مااريد اظل بعد هينه ابويه وراح عش بعد ظالين بيمن تنغزر بزين الي صدك الردي
ابن خالك وجذب هيله الي هي حرمتو وام ابنو
ووابنج ياهيله شلون تعوفي
هاله ردت بدموع
غمضت عيوني دمعتي تسف كلت وعندي ثقه بربي جبيره
يجي يوم اعگب لهينه مرفوعه الراس وابني يرد لحظني غصبا ما على الكل
شلون يولي وانتي تطلگتي من الزين
يمه الله يمهل ما يهمل وحوبتي راح تطلع بحمد اذا مو اليوم بااجر وراح انتظر
هاليوم وانا صابره وانتظر
ربي يطلع لي حگي من كل واحد تكلم بيه وطعن بشرفي
ماجان عندي دليل عن حمد والسواه من قبل سمعت جده ضربتها جلطه بالدماغ
وحالها حال حتى لو وعت وتكلمت بالصار انا بعد السواه زين انكسرت نفسي منه خيانه واذيه دعى عليه انفجع وانفجعت بابويه كلهن خليتهم جدامي وانا ادحك على جرح ايدي الي جان على طولها وشعري الي گصه وبتره جدام الزلم
كلت وي روحي
عز الله يازين راح يجي يوم وتعرف الظالم من والمظلوم من وذيج الساع بيك خير وشوفني خلقتك
🌿🌿🌿🌿🌿🌿
زين العابدين
شهم فص ملح وذاب تخبلت لان ماجاي الكي وين راح هذاا وشلون اختفى من الارض ومحد
جاي يلگي
افتر بمجلس ابويه مثل الطير المذبوح صحت
ووين يروح ولكم شنو فص ملح وذاب لو شبح شلون عبر السيطرات معقوله محد لكفه
مدري ياشيخ عممنا اسمو بكل مجان محد لكاه ولا فات من يمهم
يعننني شنو دم ابويه راح يروح هدر ولكم دورو لو باطن الارض طلعو وجيبو لي
الولد انتشرو بكل المحافظات يدورون علي
لابد ويوكع بايد واحد منهم
كعدت انهد من غضبي
حمد گبالي كال
مالحكتو علي لان هزمته بسرعه
ااااسكت
صرخت به انلصم
فزاع دش سلم كعد
حدي سالتو
مالگيت له خبر
لااا
ووين ولى هذاااا ولكم شلون ماجاي اكدر اصبر ابويه سكن الگبور وهذا بعدو طيب ويشتم الهوه
فزاع
كل الصار مادش مخي عش عمي الشيخ ياخذ حمد ويروح وحدو معه للمزرعه وهو يعرف صاير هجوم حدنا وقريب عليها اعرف
عمي حذر ويحسب للخطوه الف حساب شلون بذاك
اليوم طلع بدون حرس وبس معه حمد وراح لها سالت
انت شعندك رحت وي الشيخ للمزرعه
رد بسرعه
هو كلي وديني للمزرعه تايحجي وي حرمه الزين
مااااعادت حرمتي طلكتها اافتهمت
زين صرخ به سكت كملت
زين شلون رحت معه بدون حرس وانت تعرف صاير هجوم حدنا
الله يرحمو ماقبل ياخذ الحرس كتلو وهو ماقبل واسالو ابو فهد اجه علي وكله نسري معك لجن هو رفض
انت جنت يمهم من انضرب عمي
اي جنت يمهم وشفتو من تجاتل مع عمي
اذا جنت يمهم عش ماگضبتو عش خليتو يجتل عمنا الشيخ
هاا موو
سكت دحك لزين صاح به
تكلم كول وش شفت
لاتضوج يااخويه لجن حرمتك دفعتني منو لان تلازمت معه وبلحظه مااسمع غير الجيله طگت
ااخ ااخ ياابه
زين گضب راسو وكام يون تفرست بوجه حمد يدحك اله ودار وجهو عيوني صارت بعيونه
الحزن ماشفتو به ولا حسيت بي مقهور علي
كال
اسالها لها هي تعرف وش سوت
بيت عم حميد عافو المزرعه وطلعو منها
زين رفع راسه ودحك لي من سمع هالكلام
كملت
غانم كلي سرو مع عمتهم وعافو كلشي ودزت لك كلام ياشيخ
صفن عليه كملت
كالت فوضت امري وكسري لله وعسى الايام تجيبك لي ظالم وانا المظلوم
مارد دحكت لحمد وكملت
بنت العرب هم دزت لك كلام
وجهه انخطف وهالشي خلاني اعكد الحواجب
واهوجس به سال
وش الكلام
كالت كول لحمد انتظر وراح انتظر حوبتي تطلع به راح انتظر الزمن يفتر علي
والسواه بي يندار علي ويفضحه بين العربان مثل
مافضحني
انا ماتكلمت الا بلي شافتو عيوني
رد علي زين تكلم بصوت مخنوك
سدووو هالسالفه وبعد مااريد احد يتكلم بها مره
ثانيه
🌿🌿🌿🌿🌿
صعب
سمعت من عبدالعزيز عم شعلان انجتل وعكبت بسرعه من تركيا وصلت
لدارهم دشيت للمجلس
زين كاعد بمجان ابوه وحاله
مايسر الخاطر
شافني رحت له كام حظنتو جسمه رجف كلت
البقيه بحياتك ياخويه
راح ابويه ياصعب راح الغالي
وخرت منه كلت بصوت مخنوك
عز الله قهرني جثير جن ابويه مات مره ثانيه
الله يصبرك على الفراك ياشيخ
الزلم تكلمت مارد
كعد واشر لي كعدت حدو ادحك له مو زين الي اعرفو وجههو غادي دم ومطعون من القهر كلت
گوي گلبك ياخويه
هز راسو كملت
انا مااعرف شلون اواسيك لان انا نفسي كلش مقهور على عم شعلان ومو مصدك راح غدر
جتلو الردي وماجاي الكاه
رد علي بغضب مكتوم وكمل
ماهو يااصعب اختفى ولك دورت علي بكل مچان ماكو وين ولى وين راح مدري
انت متاكد هو جتل عمي الشيخ
اي ولك حمد شافو بعيونو
عكدت حواجبي وسالت
حمد جان معه
اي ماكلك ماحجه لك الصار
لااا عبدالعزيز خابرني وگلي بس ماوضح وش صار
سكت شفته متكدر وحاله حال ماحبيت اسأل لجن بالي كلت عش حمد يروح مع الشيخ للمزرعه ردت
اشوفو وافهم منو وش الصار مااعرف ليش هوجست بالشر منو من طلعت من يم الزين خابرته رد
هلا بالدايح
عكدت حواجبي ردو مو مال واحد مفجوع بالشيخ شعلان
هلا حمد انت وين
باربيل
شعندك يول والشيخ شعلان ماصارله جم يوم من مات
شغل
هاا شغل افتهمت
شتريد يول انت مو بتركيا عش كاعد تحاسبني
عكبت بس گلي عبدالعزيز ادري الشيخ يموت ويندفن ويمر علي اسبوع ومحد يگلي ليش يول ماخابرت ماكلت عيب من الزين وش راح يكول عني هساع
نسيتك شنو الواحد مااينسى
تنسى هيج شي ياحمد
اكلك انت رحت اخذت من خاطره للزين
اي
عش بعد تتعتب وزعلان
انت جنت وي الشيخ من انجتل
اي جنت ويا
شهم الي جتلو
اي هوو بعد عندك اسئله ثانيه
يول هالولد شلون سوها ولك هذا الشيخ شعلان تعرف شنو هو يعني مستحيل واحد مثل شهم يتجرأ ويسوي السواه
اي غير گضبه وي بنت العرب هههه
ضحك بصوت عكدت حواجبي صفنت للبعيد كلت
عش تضحك يول وشنو شافه معها
ولك هو جان متواعد معها بالبستان وعمي طب عليهم غفل وصار الصار
ماتسويها بنت العرب
سوتها وحشرت ابوها ومات بالثالث مال عم شعلان
بااطل عم حميد ماات
ماكلك عبدالعزيز
لااا ولك مااگلي بس على عم شعلان
ااي مات واندفن بصف عم شعلان
صفنت بذهول وانقهرت بعد اگثر هو كمل
السوتو بنت العرب خله فضيحتها بكل البيوت وابوها ماتحمل نام ماكعد
لا حول ولا قوه الا بالله
كلت هيج وسالته
انت شعندك رحت وي عم شعلان
سكت للحظه ورد
مدري هو صاحني وكال اسري معي للمزرعه
مااقتنعت برده اعرف عم شعلان مايوده الو ولا انا من وره دربنا الي ماشين بي حتى مالك جان يضوج منو لجن من تعدل حاله
تغير معه
اكلك عندك بعد اسئله لو اروح
ماعندي شي روح
سد الخط سالفه هي متواعده مع شهم مادشت
عقلي اعرف بنت العرب واعرف تربيه عم حميد الله يرحمو مستحيل تطلع العيبه من وحده من عدهن
لجن الصار اكد هالشي عليها وصارت سالفه بكل مچان
زين العابدين
ماخليت مچان مادورت بي على شهم والايام صارت طويله وهو ماكو جن انشكت الارض وبلعتو هو واهلو
جان لازم اكعد بمچان ابويه واستلم الشيخه من بعدو التهيت بهالشي وبجدتي
الي انجلطت عكب ما سمعت بوفاه ابويه
نامت بالفراش ولا حركه ولا بركه بس العيون مفتوحه وتدمع جبت لها وحده تعتني بها وي هاجر وامي لان مايكدرن لها وحدهن خص ابني معهم وهم يرادله
عنايه
كاعد ادحك لابني يسري ويفتر يمنا ويلعب بلعب مطشره بالصاله
امي حدي سالت وهي صافنه لابني ودمعتها بعيونها
راح وماشبع من وليدك
كامت تبجي ذبيت حسره
اي يمه راح وخلاني مشلوع الافاد عكبه
حسبي الله ضربه بافادها هي وابن عمها حسبي الله عليج هيله ماغزر بيج الزين
الي سواينا لج
يمممه رحمه لاهلج مااريد اسمها ينذكر بهالبيت انسوها وخلوني انسى
سكتت تنوح يمي وتنعي على ابويه كمت وسريت من يمها طلعت للسياره
الحرس لحكوني
اشرت
بس اثنين يجون
صعدت حركت وهم ورايه عكب الصار بابويه وشفت الغدر اجاني من اعز الناس
لي كمت ماامن باحد
سريت للمقبره رحت لگبر ابويه كعدت بينو وبين عم حميد كلت بعيون مغوركه
شلون اروح لحظنك يابه وانت صرت جوه التراب
توسدت ترابو دمعتي حدرت حظنت التراب جن حاظنو اله رددت
وين ريحتك الطيبه ياابه وين حظنك الدافي راح كلو وهساع عرفت قدرك من
ظليت وحدي
ااخ ياابه ااخ ماااخذت ثارك ولا بردت گلبي ولا گلبك مدري انهزم هالغدار مدري
يا ارض لفتو نار هينه
كمت وفركت صدري بقوه وكملت بدموع
ناار هينه يابه مشتعله ما جااي تطفى نار ياشيخ من السوتو هيله باعتني برخيص وهزمت جتالك
ونيت بقهر وهالونه ظلت بصدري وخانگتني منا ابويه انجتل ومنا سيره هيله الجانت حرمتي صارت على كل لسان والاوادم تتكلم بها وادكول خانتني مع ابن عمها
🌿🌿🌿🌿🌿
هيله
حطينا رحالنا بيت عمتي كعدنا معهم جان مشتمل زغير غرفه لها هي وعم فاروق والغرفتين الفوك لولدها المزوجين عرفت من عمتي بيت عم عايد
طلعوا سلامات من الديره
لجن ماكالو هم وين كعدو وعرفو ابويه توفى وصار عدهم عزه
شهم راد يتكلم معي رفضت امي انهدت بي وكالت له انساانا كل الصار بينا من وراك خالتي ذبت الصوج
بيه وامي تعاركت وياها ورزلتها ذيج الرزاله
گطعنا الصله وي بيت عمي حتى السيم كارت امي بدلتو وكالت لعمتي لاتنطيه لاي
احد وخليه بس يمج
وي الايام شفنا اروحنا ثكيلين عليهم ولدها ما اخذو راحتهم ونسوانهم هم بدن يسمعنا كلام
انا ماجنت اريد اظل يمهم لان اعرف الوضع والعيشه شلون صعبه كلت لعمتي
تاخذ ذهبي الي لابستو وتروح تبيعو حتى نشوف
دار ايجارها مناسب ناجرها ونكعد بها
امي ماكالت لااا لان كاعده تشوف الوضع والكلام الي بدينا نسمعو من جناين عمتي
باعت الذهب،،،الولد دورو لنا على دار لكو وحده بحي شعبي زغيره وعلى كدنا اشترينا الي نحتاجه وكلو مستعمل تحولنا به استقرينا بي ادعي القوه
والكل متحزم بيه وضامه
قهري وكسرتي عن الكل
لجن من يجيني الليل ابجي بخنگه واحن لابني الي حرمني منو زين رغم السواه رغم ظلمه لي وخيانته
ماكدرت ادعي علي لجن دعيت يجيني مذلول واشوف ذلته بعيوني دعيت ورفعت ايدي للسما ودكيت باب الرحمن يجيني هاليوم ويبرد گلبي بكل واحد
ظلمني
شهر مر على وضعنا هذا انتبهت لنفسي بطني بعدها نفسها انا عكب الصار بيه النزف والجبد الي ذبيتها كلت طرحت وامي وعمه
هنيه اكدن هالشي حرمه حازم كالت لي بطنج مو مال وحده طارحه خاف عندج نزف بالرحم روحي
شوفي نفسج خاف تتسممين ويصر بيج شي مادرت بال بذاك اليوم
من القهر البيه لجن من
كلت لامي على وضعي خافت من كلام زينه دزت على عمتي لان جانت بعدها بالعده واخذتني للدكتوره
دشيت وياها وانا متاكده راح اسمع بيه شي مو زين
الدكتوره فحصتني بالسونار سالت
نزفتي من قبل
اي دكتوره قبل شهر نزفت وذبيت جبد دم
هزت راسها عگبت تفحص وادقق عمه سألتها بقلق
خير دكتوره شبيها هيله
مابيها شي لا هي ولا الطفل
فكيت عيوني سألتها بغصه
شنووو الطفل دكتوره يعني انا ماطرحت ابني
لاا ماما هينه كدامي ومثل الورد
عمه كاعده تسمعين الكلام
دكتوره على بختج اعرف بيها نزفت جثير وذبت جبد
اي هاي من الجاره لان جانت متضرره بس هسه احسن شنو ماتحسين بنبضه اعرف بطنج صغيره
كلش بس النبض ماحسيتي بيه؟
ماحسيت باي شي
رديت
كالت
ارجعي نامي
رجعت تمددت عمه وكفت يمي تبجي فحصتني وكالت
اسمعي نبضه
سمعت دكات گلب ابني بجيت من فرحتي رددت
يعني ابني عايش مو ميت
اي ماما بس انتبهي لدقات قلبه يعني بشهر السادس لازم تحسين بي وبحركته
ولو شويه
ماحسيت باي شي دكتوره
مبين عليج مااتاكلين زين وهذا الشي ياثر على حركه الطفل بله خلي اشوف
ضغطج خاف صاعد
فحصتو لي كالت
اوو ماما هاي شنو صاعد كلش وهو هذا الي مسبب مخلي مايتحرك
شكد ضغطها دكتوره
ضغطها 9/16 هسه اكتبلج دوه لازم تاخذي هالشهر وشهر اللخ تجيني اشوف وضعج وهذا كارت كلما تجين جيبي وياج
تمام دكتوره
عمه ردت طلعنا بفرحه لا على البال ولا الخاطر عگبنا لدارنا
دشينا امي تلكتنا عمتي بسرعه بشرتها وكالت
وج زهيره طلع الجاهل مابي شي
شنوو
امي صاحت يذهول
مثل ماسمعتي الجاهل طيب وبعده بطنها
كعدت تبجي طلعت نهده گلبها بهاليوم خواتي فرحن ودمعت عيونهن كلت لامي
يمه لاتبجين
شلون ماابجي يمه وابنج طلع طيب مامات بذاك من وره القهر والصار بيج وبينا
ساريه سالت بدموع
صدك يمان ماابي شي
اي الحمدلله طلع طيب
رديت بهدوء لجن بداخلي صرخه فرح ماطلعت من وره القهر الي ساكن گلبي جنت شايله همي وهم امي وخواتي جان لازم اشوف شغل حتى اكدر اصرف بي على البيت كلت لحازم كال اشوفلج... دور لي ولكه شغل بمعمل مال كلينس امي ماقبلت اشتغل بي من وره وضعي خافت عليه بس ماقبلت الا اشتغل لان الفلوس البقت وهي شي
قليل ردتها للزمن ريمه خلت روحها وياي واشتغلنا
سوه كلت لعمتي خاف اي احد يسال علينا من الديره لاتتكلمين وادكولين ابني طلع طيب خفت لا هم من اجيبه زين ياخذه مني بالكوه
حتى بيت عمي كتلها لا دكولين الهم وحلفتها يمين تضم هالسر
