رواية الإرهابي وذات النقاب الفصل الثالث والخمسون بقلم ام غايب
الشوارع كلها مو مني
ولا تصوير يشبهني
وحتى هناك المرايات
بيها آنه وجه ثاني
غريب اني
وغريبة طيور عمري اباب بستاني.
فلك .. يعني انت وياهم ... وهو ... شتريدون مني ... شتريدون.. ها ... شيوينه الكم
خالد .. وياي كاعد تحجين
فلك.. وياكم كلكم ... كلكم شتريدون ماعدكم خوات ... انتو شنو من بشر
شاهين .. ام علي
خالد.. ام علي ... لتتجاوزين ... اني كاعد اسوي الواجب وياج
فلك.. الواجب... الواجب ... ياواجب هذا كمت اتقرب علي وعيوني بعديه الواجب شرفي
خالد.. سلمان اني احاسبه
فلك.. وانت منو يحاسبك وفواز وحمصه رأساً شاهين سحب حمصه من ايده
شاهين .. شمسوي حمصه
فلك.. ليش هو بس حمصه ... بس حمصه يعني وخالد
خالد .. بااااااعي كلمه وحده اكلب الدنيا تصعدين بالسياره بسرعه
فلك .. باوعت علي بجديه
شاهين .. ام علي صعدي بالسياره
فلك.. ماا روح وياهم
خالد.. ام علي صعدي بالسياره وصلت حدهه
فلك .. شعليكم بيه شعليكم
شاهين .. خالد مو وكتهه راح اوديهه البيته واروح اني ابو محمد لتسويهه سالفه
خالد.. ام علي بس اريد افهمج سالفه انتي بخطر انتِ مو ولد واكول براحتج اقسم بالله لو اعرف عندج احد ما ادخل نفسي واخذج البيتي بس لان اعرف ماعندج احد واني هم عندي بنيه وكاعد اخليهه بمكانج... براحتج روحي بس اني علمودي
فلك .. ان شاءالله بيصير ببنتك الي كاعد يصير بيه ولو ليش ان شاءالله هو رب العالمين كايل كما تدين تدان
خالد .. شو دروحي ... انتي بلا اخلاق لو ادري بيج هيج حتى ما ادخل روحي بس عبالي مثل ميمونه .... بس ما تستاهلين
شاهين .. تفضلي ام علي بالسياره صعدي
باوعت بحديه همه بس عيني يشوفوهه بس جنت اقله من يحجي ويتهزء صعدت بالسياره ... ما اعرف شاهين الشخص الوحيد الي يمكن شويه احساس بالاطمئنان من ناحيته ما اعرف خطه الله لا يرضه عليهم طبكة الباب فززتني ... كبل شهكت ودرت علي باوعت حمصه رجعت درت وجهي على حمصه مطلع ايده من الجامه ويورث سكاره وكل شويه يستغفر رب العالمين فجأه كال
حمصه .. تفاجئت انتِ اخت ميمونه ... واكو مسأله ما اسمح ..... وسكت وكال استغفرالله ....
فلك .. متسمح شنو ... شنو الي متسمح ...
حمصه .. ما اسمح تكولين حمصه ... وهووب منشوفين نفسج على اي اساس تشكين بينه
فلك .. غير اسمك حمصه شكول وبعدين اشك بيك انت
حمصه .. هو انتِ اكو احد مشاكه بي ... بابا انتِ ام ... لازم تحسبي حساب الكلشي تسوي
فلك .. انت شدتحجي شففتني عبالك مااعرف كلكم خطفتو ابني ابني راح مني .... ابني كلولي انذبحج لو ناخذ شرفج لو ابنج تريدون شرفي اموت وما انطي الكم حسبي الله عليكم كلكم
دار وجهه ...عليه .. خوما سلمتيهم ..... بها للحظه فتح الباب مال سياره شاهين وكام يباوع على حمصه ويخزره ....وهم وكع الباب حيل .... وكام يستغفر .... شويه ودك موبايله ... لمحته لان ظلمه لدنيا وموبايله الشاشه بيهه هوه خضر احس ثبت نار بكلبي .... حاول يحجي ويا بس ميبين هو خضر اخر شي كله بعدين نتخابر
فلك .. انطيني خليني احجي ويا ... جنت مشتعله نار بركان هائج اعرف خضر انطي الي ... اريد احجي ....
دار شاهين وأشرلي عود مو هو
خضر-شفت اسمه اريد احجي ويا
حمصه-خليهه تحجي ويا
انطاني الموبايل ....بعد مكله هاي ام علي تريد تحجي وياك ....انطاني الموبايل
خضر-شلونج ام علي
فلك-شلووووني هو من يوم الدخلت حياتنا شفنه لون بيهه غير الاسود مرتاح .....مرتاح هسه دمرتنه اني واختي مبقت شغله مصارت النه
انت مريض ....الله لا يوفقك يارب ....الله يحرمك عزيز على كلبك مثل منمحرمت من ابني
وراحة بال هم تنحرم منهه ....الله لا يوفقك ان شاء الله
خضر-ام علي
فلك-لتكول اسمي ....ولتحجي وياي ....لك انت دمرتنه لك ابني وكلشي عزيز عليه خسرته وراح اخسره بسببك
لك انت ....انت —قاطعني شاهين وكلي انطيني كافي ام علي
اني هم اختنكت اكثر ماكو شي بالدنيا يريحني اني بطبعي عصبيه بس مو هيج مو الهاي الدرجه احس نفسي متوتره كلش مبقيت احد متهمته .....والمشكله اني شنو وضعي ما اعرف ولا راح اعرف كل الناس بعيوني صارو متهمين حتى حسين متهم .... الاول مره احس حسين محبني ابد
واكو شي مضموم يخص السالفه معقوله حسين هو الي
.....اخ شكد دخت
هو يعرف شنو معنى ... حسين كاعد ينتقم مني اخذت الموبايل من شاهين من فكرت حسين انكسرت وصوتي اختنك حتى الكلمات اختفت عدلت نفسي وتجيت راسي وغمضت عيني ....اتخايله ل علي ....شديسوي هسه ...
................
خضر-ألمني كلامه وحتى مااعرف شحجي وياهه اخذه شاهين منهه وكلي بعدين نتخابر
شويه واتصل خالد وحجه على فلك واتهم حمصه بكلام من ردات فعل شافهه خالد شافهه
خضر-شلقضيه حمصه مو هيج انت شكاعدتحجي
خالد- والله كمت مااعرف بس الوضع مو طبيعي هو هذا زواجك شجايب النه غير بس طيحان الحظ ماكو شي منطقي ابد هو غريب ويحجي جنه زوجهه لو اخوهه
خضر -لا حمصه هيج ولا فلك
خالد-يعني اجذب اني....طاح حظك واني كلب لان اهتم شعليه عساكم تحتركون ويده بوجهي اتصلت بشاهين رفضني
كلهه التمن عليه من جهه اذا صار بميمونه شي اتخبل وانوب هيه زعلانه احسهه مني كتبتلهه ومجاوبت
ومن كدعت اليوم لكيته نايمه والورقه ماكو .... مااعرف ردههه سامحتني او لا ....حتى رسالتي مالهه اثر ...... من طلعت اليوم جبتلهه كلاده وجنت اريد اقدمهه الهه بس اتصال فلك وترني وقهرني
... فتحت الباب ابتسمت بوجهي بقيت اباوع عليهه وواكف ... اول مره بحياتي كلهه اخجل اباوع بعين احد وخاصه ميمونه بس مو بيدي ... اني السبب بفشل عمليتهه
اتقربت عليهه كعدت يمهه على الجربايه وهي متمدده .... كبل لزمت ايدهه
خضر .. ميمونتي ... مااعرف حتى الاعتذار صعب اعتذر لان ميفيد
ميمونه .. سامحني لان منطيتك اي شي من الي انت محتاجه
خضر.. اني احتياجي انتِ تتنفسين
ميمونه .. رأساً نزلت دمعتي .... هو قرب اكثر ودنك جسمه ووجهه عليه وبقة يباوع عليه .... عيني بعينه نظراتنا هي اللسانه اليتكلم
ميمونه.. جنت اباوع علي واكله محتاجه اشعر بيك مثل قبل احسك بعيد عني احسك تعبت مني ومن مرضي واخسرت فلوسك
خضر .. شكد كاعدا شصعب اباوع لعيونج .... لان اختفه رونقهن واني الذبلتهن .... مو مره وحده اكثر من مره ياريت محبيتج ميمونتي ياريت
ميمونه-بقه يباوع عليه احسه مثل الغريب مااعرف لان اخجل من نظرته ....كتله ليش تباوع عليه
خضر-لان بعيونج اشوف الدنيا
ميمونه-ابتسمت ...ودنكت راسي
خضر-اهوووووووو خرب
ميمونه-شنو
خضر-وصاني الدكتور على علاج وبي نقص كلي عل ليل ابو الصيدليه والدكتور كال اهم شي تشرب قبل لتنام
طلعت بسرعه جبته للعلاج ورجعت -بقه كلام خالد بعقلي ومتردد اتصل او لا كلت خل اسأل علي واشوف الوضع اخر شي كلت لا مستحيل حمصه يسويهه
رجعت واني استذكر كلامه من اتصل البارحه
من اول الاتصال وبوقتهه جان عصبي وكتله شبيك يمعود
خضر....مااحجي منو بس انحجت حجايه بحق وحده يتيمه بسببك انت
خضر... منو حجه على ميمونه ال... وحق الله بس ارجع
حمصه ....ورجعت وهسه دتكول لبنيه تعرف مراح يستقبلوهه اهلك
خضر....اهلي منو خالد هوه بكيفه هوه يادوب ابن عمي منو منو حجه
حمصه.....هسه انت شجلبت انت كلش زين تعرف
يحجون لتسوي هلسوالف المهم اني رايح هسه خابرني شاهين لازم اخذ فلك للمكافحه
خضر ....شنو صار
حمصه....خالد دره من علي كايله ماخذين الولد اخت ميمونه
خضر....هاذ شبي النحل تخمل صوجكم انتو شكو تكولوله
حمصه....هوه عنيد جان يراقب البيت
خضر-قطعت استذكاري وكلت خل احجي ويا بالمباشر وانبهه اذا بعفويه لان مااصدك حمصه اني اخون وهو لا
اتصلت سألته شصار
حمصه_ابن عمك گال فواز وهو هم حل سالفه ميمونه ويا عمها
اخ اخ ياعمهن شگد شفت عارات مثله مشفت بس تدري خضر تريد الصدگ السانها طويل لتزعل مني تختلف عن ميمونه
خضر_انجب لك لتجيب سيرتهه... هاي صح ظاهرهه مرا ومو اي مره بس بميت رجال
حمصه_ اي والله عجبتني
خضر_شنوووو
حمصه_لك اقصد شخصيتها قويه ومتخاف مبينه... گبل رحت انچب خضر من كل عقلك
خضر_حمصه اموتك بيدي اذا عينك باوعت الها وين هيا هسة
حمصه_بيت ابن عمك شاهين مقبلت تروح وياهم ياهو الي تشوفه تتهمه والله كلش ويه اريد ألزمها اسحبها من شعرها لك تقفل ومصدگه الي يجي بعقلها وكله من وراك راح ادخل اربعه ارهاب كل متشوفني تگلي انت... انت... انت بس وجعت گلبي والله من سمعت صوتها تبجي جانت بچيتها بحرگه
خضر_اگلك گاعد احجي سمعته حجه وصوت عزوز
عزوز_شوا هنا واگف لا انت الداخل ولا انت الرايح
خضر_الو... الو يمعود وين رحت
حمصه_اوگف شبيك
خضر_شنوا انت وين
عزوز_منو هذا خضر
حمصه_عزوز اي... بيت عمك مو گتلك واكف بالباب
خضر_حمصه
حمصه_مو ولك... شبيك خضر
خضر_شاهبن... منشوكت توكف ابابهم لوتگعد يمهم لك حمصه فلك عرضي خاف
حمصه_لا ياحيوان ياسافل والله لو يمي ألا بالمگص*****
خضر_لك سويتها سالفه
حمصه_لك عار والله عار وطاح حظي اني عار لان امشي ويا أمثالك ياعار ياسافل
خضر_اهوووو شوف اني طافره روحي گاعده اگلك لان اعرف فلك حلوا
حمصه_خضر ******* اني الكلب لك اني تحجي وياي هيج وسجه بوجهي
خضر_مخبل اني اعلمك حمصه تسب ابويه.... خليت موبايلي بجيبي وطلعت بحديقه المستشفى شگد كرهت هاي المستشفى ماوعلت اطلع منها رجعتهه بيدي طلعت الموبايل من جيبي وجنت اكتب رساله اله...تسب ابويه عار
والله بعد جان توصلني رساله منه.. للأسف عليك لك انت نذل والله تتهمني لك عرضك عرضي ومو بس لان عرضك يعني بنيه وحدهه وماكو رجال وياهه تريدني اعوفها اني ردت اگلك سفالتك وياهن دمرتهن لاغرفه مكسرت خاطري بيها بالسياره كلامها وجعني
خضر_خبلني النوب اكثر شنوا غرفه شنوا كلامها وعصبني دزيتله رساله انعل ابوك ياكلب يابن الكلب غرفتيش لك بابا اعرف احجي
حمصه_ انت واحد ماعندك غيره عبالها الناس كلها مثلك
خضر_الفلوس دزهن
حمصه_يعني واحد ساقط انت تغلط وتتهم وتريد ادزلك فلوس حولتهن او مگتلي لان اني
عار
اتصلت عليه جاوبني
حمصه_مطايق صوتك شتريد
خضر_منيلك رأساً حولت
حمصه_اول متصلت خابرت ادم لان قبل فتره بدور على گاع هنا بالمنطقه وگلي يريدها اكثر من مره المهم گتله مقدمه المقدمه دزيتهه الك والباقي من اجيك بلكت الحگ عليك قبل العملية
خضر_شلون تبيع گاعك گتلك اني اسحب انت مخبل حمصه
حمصه_ انجب عار انتهت ويك حتى من اجي مااريد
احجي وياك ولا ....شي
استغفر الله لا كلش ضجت والله كلش لك اني اعتبرك اخويه انت وراشد وشاهين وعزوز وعلي
خضر .. خوكول كلكم وخلصهه
حمصه .. لا لان مو كلكم ... لا سلمان ولا خالد حتمال انت هم تنضم الهم
خضر .. لك حيوان اعرفك شنو بس انت جبت الشبهه النفسك اكثر من واحد كلي موقفك مو طبيعي
حمصه .. وحق الله بعد ولا الي علاقه واله اشيل ايدي من السالفه كلهه واطلع كلب ابن كلب اذا حجيت وياك ياخضر لو اعتبرتك اخ انت او اي واحد من الشله اني غبي والله .... وعار وبلا كرامه وسده
خضر .. سديته منه ... ودكيت على شاهين جاوبني ها خضر احجي اني الغبي لان خابرني خالد وحجه علي ومردت اكله خالد ردت انبهه
شاهين .. اكلك خضر اني توني سلهمت واريد اغمض عيوني وانت ما اعرف شكاعد تلغي
خضر .. اكلك خالد حجه على حمصه واني ردت انبهه بدون ما اكله خالد
شاهين .. شحجه خالد شكو كلش مسوي بي قصه اني هم خلاني اسب للستار كال حمصه مو خالي ويجوز يعرفهه وكله من وراك انت واحد ساقط ميهمك احد كلام فلك الك صحيح دمرت حياتهن كلشي سيء شافو بعد ما انت طلعت بحياتهم والدنيا مليوصه البنيه ياهوه الي تشوفه كاعد تتهمه انت خطفت ابني حقهه والله حقهه
اذا هو عمهن ونهش من لحمهن باوع هو خالد هم مقهور عليهن بس مخلي كوره من كور حمصه وانت تجفص ويا
خضر .. لك هو مشايفه انت شلونه ... بقينه نسولف
سديته دخلت لكيتهه نايمه باجر عمليتهه وتقصدت ما اكلهه بالتحديد اشوكت مااعرف شلون بس اتصلت ب راشد يجيني هو وعلي لو هو وعزوز ويجيبون تكملة الفلوس
حازه بكلبي ومحتار اصرف فلوس هذا النذل شكد حاولت بس مكدرو يدبرون بالاساس راشد هم تداين نص الي حيجيبه راح اضطر اصرفهن بس ياكل ويشرب وياي هذا الموضوع
............
فلك-بعد ماوصلت سلمت على ام شاهين وكعدت مره وسطانيه .....حنطيه بشرتهه .....جانت اكو صوره واحد معلكه
باوعت عليهه ......يتبع
اسفه عل تأخير حبايب وضعي الصحي مو تمام جان انتظروني بالبارت الجديد♥️ اني وال ٢ قبل بعد مااعرف 😄🌚😑
حدث من المستقبل 😑😑✂️✂️✂️✂️✂️
غش
كافي لعبتي روحي يمعوده بس تاكلين دضعفي روحج شويا
باوعت عليها انكسر خاطرها كلش... ابتسمت بس ابتسامت عينها بيها بچيه وحزن
_ اني راح اگوم احمي الجاي
من اجيت لحد هسة اني اباوع عليك بس تصنف على البنيه صدگ تحجي
گاعد احجي بالشقه
لا مو شقه
متشوفيها بس تاكل
محد گلك تتزوجها انت اختاريتهه اذا فشلت هيا شنوا ذنبها
