رواية دخيله الشيخ زين العابدين الفصل السادس والخمسون بقلم أوتار حزينه
هيله
جمدت بمچاني من صار زين جدامي ساريه وريهام صاحن اسمو بخوف وعگبن لجوه بسرعه
عيوني بعيونه وجهو دم وصافن بخزرة عليه من دحگ ليمان لاأراديا خليت ايدي على وجه ابني وحضنتو لصدري
امي طلعت مذهوله والخوف بملامحها وريمه وراها رغم الصدمه ورجفه جسمي انطيتها ابني وگلت
يمه ااخذي ي
ردت اكول اسمو بلعتو وكملت
اخذي لأبني لجوه
ريمه اخذتو وطبت جوه
امي طلعت يمي وگالت بغضب
وش تريد يازين
امشي يول امشي خلي
نروح منا
مالك تكلم گضبو من ايدو سحبها بقوه وگرب عليه يخزر بقسوه وحقد
ما تحركت خليت عيوني بعيونه امي اجت وخلت ايدها بيني وبينو
گال
تزوجتي يولي ذبيتي ثوب الحزن ولبستي ثوب الفرح نسيتي ابوج وابويه الي بسببج سكنو الگبور
وانت هم تزوجت ونسيت حزنك على عمي وعمك الي دعيت علي وسكن الگبور
وجهو انطعن بعد اكثر ورد
ماجنت اريد عم حميد يروح ردت تنفجعين بذاك الردي ردت گلبج يحترك على
حبيب الگلب الي بعتيني غالي واشتريتي برخص
ابتسمت باستهزاء وگلت
حرامات انت ابن الشيخ شعلان لان مااخذت منو غير بس اسم الشيخ
ااانجبي ولج
صرخ بيه ورفع ايدوه عليه
امي وگفت بوجهو
وصرخت به
حدك هينننه يازين
مالك وكف بصدرو وگلو
اامشي ياازين خل نطلع
من هينه
ابتسمت وكملت
روح يبن الشيخ وشوف الموس الي خاله بصفحتك جم جرح جرحك وانت غافل
صرخ بيه
وووج صووجي انا الي غليتج يولي وسويتج شيخه النسوان
انا جنت شيخه بدار ابويه يازين ماجنت احتاج الك حتى اصير شيخه
رديت علي بهدوء
وهو يغلي من الغضب مالك يجر بي وهو يفلت منو گضبو من گرب صاح بيه ودعى
عساج ماشفتي الراحه ياهيله ولا نامت عيونج
صفنت عليه مالك يدفع بي
عيوني راح تنام يازين عگب ماتعرف الحگ وذيج الساعه من تعرف خل عيونك تنام
دشي يمه وخل يروح
امي تكلمت بتوسل
سحبتني ادحك له
سرى بسرعه ومالك
وراه راح واختفى عن النظر
القوه الجنت بيها انهارت بلحظه هويت على ركبتي راسي ثگيل واذني توش خشمي طگ دم امي صاحت بخوف من شافتني
ريمه وولج ريمه تعالي عليه
اختي اجت كومتني هي وامي سريت اجر برجلي بسرعه اخذني للمغسله غسلو لي وجهي
جسمي كلو يرجف كعدني
وجابن لي مي
هاج ااشربي وج راح تروحين من ايدي
امي تكلمت معي بخوف وهي تبجي
دحكت لها بذهول وكلت
يمان وينو
هيانه هيله
هاله ردت شايلته ويدحك لي
مديت ايدي الو اخذتو منها حظنتو لصدري بقوه دمعتي حدرت شهگت بصوت گام يبجي بحظني
ريمه اخذتو مني وگالت بخوف
والله عرف واجانا
يمه هيله خاف ضغطج صعد خل اوديج للدكتور
هزيت راسي بلااا
ادحگ لابني واتخيل يعرف بيه اني مو مزوجه ويجي ياخذو ويحرگ گلبي عليه مثل ماحرك گلبي على شعلان
يمه خل نشيل مانظل هينه هذا عرف بينا ساكنين هينه وراح يظل رايح جاي علينا
ماايجي بعد الا عگب مايسمع الخبر
كلت بصوت مخنوك وكملت
راح يجي من يعرف الحقيقه
🌿🌿🌿🌿🌿
زين العابدين
عكبت مع مالك يسوق ويتكلم معي
عش سويت هيج شبيك يول بطل هالتسرع والغضب انت مو هم راح تتزوج بعد شكو جاي هداد وتريد تجاتلها لا وترفع
ايدك عليها
مارديت هو ردد
استغفر الله ياربي اعقل يازين وعوفها اذا اذتك من صدك هو الله ياخذ حگگ منها
صحت بجنون
عز الله انا مااريد ازوج
كرهتو من وراها لجن امي ظلت تزن عليه هي ورهيفه اخذ مروة حتى تلمك انت
وولدك وانا بعد بس الله يگدر يلم الي انكسر بيه
لاحول ولا قوه الله بالله راح تظلم البنت معك يول وهم ماراح ترتاح
منين ارتاح انا حتى لو ازوج ماراح ارتاح ولك حتى لو جتلت شهم ماراح ارتاح
لان هي خلت جرح بگلبي
جبير كل يوم يكبر وينزف بعد اكثر
كلت هيج ونيت وسندت راسي ليوره هي بين بعيوني شلون تتكلم بثقه ولا جن مسويه شي
اااخ ولج ااخ بعدج گويه وماانكسرت عيونج
هونها على روحك ياخويه وبعد لاتروح لها لاتجيب لروحك سالفه وهي متزوجه وانت شفت ابنها بحظنها
صفنت الولد اجه بالي ما شفت وجهو جان لابس كبوس مغطي وجهو غمضت عيوني مقهور وغادي دم رديت
منو يروح بعد اصلا غلطت من رحت لها شوفتها هيجت جروح ماهي طيبانه ابد وزاد الهم والبله بعد اكثر بگلبي من سمعتها
شلون تتكلم وجن ولا مسويه شي
امشي ارتاح بداري وريح شويه
لااااا اعگب
وين رايح يول ابقى يمي الدنيا ليل شلون تعگب وانت وحدك
فزاع والولد ينتظروني بدارنا هساع ااخابرهم
ويجون عليه
اكيد زين
اي مالك
رديت عليه بتعب وصلنا لدارو اخذت سيارتي وطلعت من يمو خابرت فزاع ولحكوني تانعگب لديرتنا
🌿🌿🌿🌿🌿🌿
صعب
جالس مع هاجر مسويه تعلوله حلوه ندحك لفلم اكشن جنت مو منتبه له افكر بحمد وسالفتو الرديه
صعب
انتبهت لها من صاحتني كلت
ها
حبي وين بالك
يمج
دحكت لي بزعل وردت
لا والله مو يمي ولا يم الفلم مدري بيش تفكر
صفنت عليها مخنوك وضايگ صدري نزلت راسي گربت عليه سألت بقلق
شبيك صعب صاير شي
لاا
عجل شبيك من تزوجنا وانا اشوفك مهموم جن جبل شايلو على ظهرك
ااخ ولج
ونيت فزت بخوف گضبت ايدي وگالت بسرعه
ااسم الله عليك شبيك تكلم تره وگعت گلبي
مخنوگ هااجر وراح اموت من قهري
يمه ااسم الله عليك عش هيج تتكلم تره راح اموت من خوفي عليك گول تكلم طلع لي الي بگلبك
صفنت عليها ادحك علي وهي خايفه عليه گلت بصوت مخنوك
بنت العرب بريئه ياهاجر
فكت عيونها ودحكت لي بذهول سألت بتردد
وش ادگول
حرمه الزين بريئه وحمد بلاها
صعب انت شجاي تتكلم
مثل ماسمعتي هيله بريئه برائه الذيب من دم ابن يعقوب
شنوو بريئه وشنو حمد بلاها وليش بلاها ياصعب تكلم بشي معقول
ووج حمد عاشگها لبنت العرب ومن زمان قبل لا اخوج يريدها ومن اخذها الزين حقد عليه وراح باح لها بحبو وهي ماقبلت به ومسحت بيه الارض
هاجر
شهگت وخليت ايدي على حلگي صعب گضبني من عگبت ليوره وردت اگع
صحت
اانت شگاعد تتكلم
مثل مااسمعتي وحمد اساس البله كلو هو الي دز لها المقاطع بعد مااتفق مع وحده خدروه وصوره معها
عزززه العزاااني
صرخت وگمت الطم على وجهي صحت بي
وانت شمدررريك
سكت كضبتو من هدمو صحت بخبال
يااصعب لااادگول انت معه
لاااااا عز الله مو معه وغلاتج انتي مو معه
شلوون هذا حمد ابن خالي عضيد اخويه ماجاي ااصدك يغدر بالزين
ياصعب حلفتك بالله تصدگ معي هوو وره الصار اماانه احجي تكلم هو الهجم بيت اخويه
عز الله هوو وبيت الله هووو وره هالخراب الصار باخوج وحرمتو
عزه عزه
گمت الطم على وجهي گضبني بجيت ادحگ له غده دم گلتلو
وانت شمدريك تكلم الله يخليك گولي شلون عرفت
هو گال لي انه عاشگها وتخبلت وتعاركت معه
ورزلتو لجن مافاد بي صارت سالفه المقاطع هوجست هو وراهن رحت له واجهتو
گال لي وهددني اذا تكلمت
ابليك مع هاجر
فكيت عيوني گلت بصوت مخنوك
يبليك معي
ااي يولي هددني بيج وسكتت ومن صارت سالفه غدر عمي الشيخ هم تكلمت معه وطلع شهم مو هو الي جاتل عمي
يبووو عليه
صرخت وكمت انوح وابجي
صعب
هاجر انهارت جدامي عگب السمعتو گضبتني بقوه وصرخت
يعننني هيله بريئه وشهم ماجتل ابويه
لاااا موو هو
ياااربي مااجاي استوعب الي گااعد اسمعو شلوون ياصعب سكتت عن هالشي شلووون وبيت اخويه انهجم وهيله انطعن بشرفها
ووج هددني بيج لو يسمع الزين راح يذبحني ويأذيج
اااخ يمه ااخ يااابه شلون سوه هيج شلوون ياصعب واذا اتكلم هساااع شراح يصير
مدري مدري يااهاجر هذا حالي من عرفت ولحد هالساعه مخنوك واريد اتكلم وابري ذمتي جدام ربي و الزين لجن خايف يذبحني
لو ياخذج مني
ااخ يااصعب عش مااتكلمت من الاول عش ماگلت له من اول ماعرفت بي هو عاشگ هيله
سكتت لان عبالي راح يجوز منها لجن الردي جان مبيت شي انجس واكبر
بجت بشهگه وهي تردد
هيله طلعت بريئه ولك ماخانت الزين واخويه جااي يموت من هالسالفه شوفه عيونك مايلفي بالديره من وره الصار وساكن الجول ويدور الموت حتى يرتاح من
الي بيه
شااسوي شوري عليه عجزت وانا اريد اتكلم وافضحو للردي گولي لي انتي وش اسوي ياهاجر
دحگت لي وهي تشهگ ردت بغصه
مااعرف مااعرف ياصعب انضربت براسي شلون راح نتصرف مدري
سكتت اسمع صوت نوحها وانا افتر يمها ترددد
ااخ يازين شراح يصير بك بس تعرف انت ظلمت هيله ظلم اسود وحنا معك
يااربي غفرانك ظلمنها لبنت عم حميد وشكينا بها
🌿🌿🌿🌿🌿
مالك
كاعد وي ليونه بغرفتنا مقهور على زين والصار بي گالت
يعني انت متاكد هي تزوجت وجابت ولد
ااي يولي شفتو بعيوني بحظنها والشيخ معتز گال له تزوجت وخلفت ولد
هاي شلون مفاجأه
اي صدمه له وخلتو يفقد عگلو شگد صارلو مطلگها ولا دور وراها ولا سأل بس
من عرفها تزوجت طگ عرج بالراس واجه عليها
هذا بعده يحبها
صفنت عليها گامت وخلت كيان بكاروكه اجت ليمي گعدت وكملت
تصرفه هذا يدل على الغيره
انا هم اگول هيج
اوف والله قهر
عجل مو قهر شفتو شصار بي لجن هي مثل ماهيه گويه ليونه وحجت ويا بثقه وهو يرعد ويزرعد وهي بكل هدوء تردو
اعرفها عاقله وصاحبه دين يعني الصراحه مالك ماجاي اصدك هي خانته
ولا اني وحتى هو اصلا ماجاي يتقبل هي تكدر تسوي هيج لجن حمد شافها وي ابن عمها وعمي انجتل وهو يمو وهي معه
وانهزم وكالت بلسانها هزمتو هالشي اثبت عليها
التهمه
ماادري احس اكو انه بالموضوع
انا هم لجن اشك بكلام حمد لاااا هذا اقرب واحد للزين كبرو سوه وبحسبه اخ له
لاتخليه بعد يروح الها لا يروح يسوي شي بعدين يندم علي
لا تكلمت معه وگال غطلت من رحت لها
اي عفيه عقله مالك انت تعرف شلون تحجي وياه وتهديه
اي ليونه
گامت سألت
وين رايحه
اشوف توته
راحت لها للغرفه وعگبت گالت
نايمه بسابع نومه
نومه العافيه
امين يارب گعدت يمي ساكته سألت
صاير شي
نفس الموال مال امي لارا اكو غيرها
شبيها
تبجي عليها وتقنع ابويه ووسيم يسامحوها
وهم مايقبلون وحلفو ما يسامحوها ليوم الدين وسمعت.....
سكتت گعدت وتربعت گلت
كملي اسمعج
يعني تعرف ذاك تزوج وهي ماتقبلت هذا الشي ويوميا صايره مشكله بينهم وهو حسب كلام ماما گاعد ياذيها ويوميا كاتلها من وره لسانها
تستاهل اختج خلي تدفع ثمن السوته بيج
مو اختي مالك
ردت عليه بضوجه بعدين كملت بهدوء وهي صافنه بعيوني
مو اختي تبريت منها لان مايشرفني تظل اخت اليه ولا راح اسامحها بيوم على السوته بيه بس ...
سكتت سألت
بس شنو ليان
تعرف مالك اني مرات بيش افكر
بشنو تفكرين
اكول السوته لارا جان لصالحي لان صرت الك
اكو فرق بينا موو
ابتسمت من سألت هالسؤال ردت
ماكو مقارنه بينكم انت شي مختلف وماكو منك
راح اصير مغرور من هالكلام الحلو
رديت گضبت ايدي بين ايدها وكملت بصوت متغير
انت مااعرف شلون اوصفك
احسك حظن جبير اخذني لحظنه دافي ووحنين وطيب كل جروحي
هذا اني
اي مالك انت ماتعرف شنو صرت بالنسبه شوفتك وجودك بحياتي صوتك كعدتك هاي وريحتك الطيبه تخليني احس اني الله حبني من عوضني هالعوض الحلو
بست خشمها وگلت بضحك
سمعتج بس اذبحج ليونه اذا ذكرتي بعد جدامي
ههه تكدر مالك تأذيني
هزيت راسي بلاا
بستها من خدها وگلت
يمج انا ااي اتاذه
بله شلون
صفنت بوجهها هايم بيها گلت
من اشوفج گلبي يگوم يدك بسرعه ومن تصيرين بحظني اضيع وحالي كلو يتخربط
وهذي اذيه محبين
هههه بس اذيه حلوة موو
اي حلوه انتي مايجي منج غير كلشي حلو
امم على سالفه الحلو اگوم اجيب النا تعلوله حلوه حتى اگعد وياك واتعلل
اي جيبي
🌿🌿🌿🌿🌿🌿
زين العابدين
عگبت من بغداد مقهور وغادي دم هي بين عيوني شلون تتكلم بثقه ولا خايفه
مني ولا جن مسويه شي رددت وي روحي
منين جبتي هالقوه يولي وعش ماانكسرتي ووج انا زلمه وانكسرت وماعدت
مثل الاول وانتي نفسج
نفس الگوة والعين الگويه
صوت صار براسي يردد بقوه
هيله مظلومه بريئه
غمضت بقوه فتحت صفنت على الدرب بجمود هي بين عيوني واكفه تتكلم بثقه وبهدوء وانا ازرعد من الغضب
دحكت لجهازي اخذتو فتحت ورحت لرقم حمد دگيت علي رد وره لحظه
هلاا بالشيخ
هلا حمد شلونك
الحمدلله انت شلونك شخبارك
سكتت كال
الو
وياك
بيك شي
اسألك
سكت وره لحظه رد
اسأل
انا گلبي يكلي بنت العرب بريئه والي صار غير الي گلتو لي
انت سألتني اكثر من مره يازين وحلفت لك انا شفتهم سوه وعمي معي شاف ومارضى بألي شافو وانجتل لان تهاوش مع شهم وبنت العرب هزمتو وانت شفت
بعيونك وسمعتها وش گالت
ياحمد عليك كتاب الله اصدكني ياخويه تره القهر راح يجتلني ولك خاف مو هيج الصار
عز الله هيج صار وكتاب الله صار الي گلتلك علي
غمضت عيوني بقوه وسكتت ون گلبي ونين جرح كل عروگي كمل
يازين انا خويك وابن خالك يعني عش اجذب عليك
بهالشي تره مااعندي مصلحه اتهم بنت العرب ولا ابن عمها ولا انا رايد اهجم بيتك
هاهيه حمد سد السالفه
ياخويه لاتقهر روحك وانساها
روح حمد وخلني بقهري
سديت الخط روحي ممروده بعد اكثر
🌿🌿🌿🌿🌿
حمد
دلع خابرتني وگالت تعال لبغداد عندي سالفه معك ردتها تتكلم ادگول وش بها
ماقبلت گالت تعال وانت تعرف
طلعت لها هي بعد السوتو دزيتها لتركيا كعدت هناك سنه ظليت اروح واجي عليها اگضي جم يوم معها واعگب ضاجت من هناك لان ظلت وحدها ورادت تسكن بغداد اجرت لها شقه وكعدتها بها وهم
ظليت اروح واجي عليها
وصلت صعدت للشقه دكيت الجرس فتحت الباب مدلعه والشعر منثور جن عروس ابتسمت دشيت وگلت
هااي شطالعه جن عروس
ابتسمت واجت لحظني حبتني من رگبتي وگالت
اشتاقيت الك
وانا هم
اخذتها لحظني ونسيت روحي معها كعدت هي يمي نتعلل مشروب واكل
گالت
شخبار ذاك ابن عمتك
ههه طامس بالقهر سمع بنت العرب تزوجت وتخبل
وانت
دحگت لها من سألت
عگبت ليوره كاسي بأيدي رديت
مامقهور لان الما صار اليه هم ماصار الو ولا ظل
اوف منك شگد حاقد علي
ههه مو بكثر حقدج علي
يستاهل الصار بي
ااي وبعد اريد اكثر
شربت دحگت لها ماتشرب سألت
خيرج ولج اشو ماتشربين معي
هاا مو
عگدت حواجبي دحگت لها سألت
احجي تكلمي بيج شي
يعني مو اني حامل
فكيت عيوني دحگت لبطنها گلت
منين حامل يمه
صفنت عليه وردت بوجه مطعون
شنو هالسؤال حمد غير منك حامل
لا بله زوج اني حتى اصدگج شوفي المن جايبه ورايه وجاي تلبسيه براسي
فزت وصاحت بيه
اانت تعرف بطلت هالدرب بعد شكو تشك بيه
اي گلتيها للزين وجنتي تخوني وي جم واحد
حمد هذااا ابنك
مو ابني گوه هي وحتى لو ابني اگولج لا انا ابوه ولا اعرفه
شنو يعني راح تتبره منه يعني ماراح تزوجني مثل ماوعدت
هههه المن ازوج يابه انتي ليش مخبل حتى اخذ وحده بنت ليل الف واحد لاعب عليها
ااانجب حقير
فزيت من مجاني وجريتها من شعرها صحت بخبال
عليمن ولج تجسرين
عووفني طاايح الحظ
دتعالي من انعل ابوج لا بووو الجابج يااگحبه يااساقطه
تخبلت گضبتها وجتلتها جتله موت تعمدت ادفر بطنها حتى اوگع الي تريد تلبسني بي
فقدت بين ايدي وشفتها تنزف تفلت عليها وگلت
من عساج بالموت ياگحبه تريدين تكسرين رگبتي بنغل مااعرف منين جبتيه
وتريدين تلبسيه براسي
گعدت انهد جريت جهازي خابرت نرجس بس ردت صحت بيها
ااسمعيني ولج تجين تلمين زبالتج من شقتي وتاخذيها يمج اااي هساع لا تشوفين شي ماايسرج
سديت الخط گمت شلت كلاص المشروب ذبيته على وجهه دلع گعدت تون
وكاضبه بطنها دحكت لي فزت گعدت تبجي وتلوب
نزلت گعدت حدها خزرتها وگلت
انتي جنيتي على روحج من سويتي هالسالفه شعبالج ولج انا زين وتكدرين تضحكين عليه بهالنغل المدري منين جبتي
اابنك هذاا
كفختها راجدي قوي طلع الدم من حلگها صحت بها
عيديهااااا بوجهي مره الللخ
سكتت تلوب
ااخ يمه
ووووحمه التاخذج وتخلصني منج
گامت من يمي تنزف وراحت للحمام اخذت
سويجي وجهازي رحت لها اسمعها تبجي وتنوح تتكلم
بالجهاز
الحكي عليه ماما نرجس النزف اخذني ومااعرف شگمت اذب
عگبت للميز شربت كلاص مشروب وطلعت صعدت بسيارتي خابرت نرجس
ردت
اسمعي ولج تاخذين الكحبه مالتج الي ردتي انتي وياها تلبسون نغل براسي ومااريد بعد اشوف خلقتكم لا انتي ولا هي
اسوي الي تريده والي بطنها ينزل بس كلشي بثمن
هههه الله شكد رخيصه انتي وياها بس تره وگع النغل مالتجن روحي شوفي
بعيونج مو خابرتج ادگولج مدري شوگع مني
سكتت كملت
سدي السالفه من يمج ويجيج الي تريدي بس ياويلج اذا لعبتي انتي وياها
من ورايه اذبحج ولج وهي معج
مااسوي شي بس دز الفلوس حتى اعرف اتصرف
تجيج بااجر
سديت الخط حركت اردد
عليمن ولج جاي تلعبين عليه انا وانا اعرفج من انتي وشنو الي ترسمين علي
🌿🌿🌿🌿🌿
هيله
ظليت يومين مصخنه وراسي فد مرة يوجعني شوفة زين هيجت جروح ماطابت رغم البيه رحت اشتغل وبالي يم الكلام الي گالو لي
هيله
انتبهت لريمه گلت
هاا
استراحه تعالي تغدي
صفنت على المجان فارغ بس انا به تنهدت گالت
غسلي وتعالي جوه الشجرة
اي
رحت للصحيات غسلت وعگبت لاختي كعدت وياها طلعت لي لفه ظلت بايدي
مارفعتها لحلگي گالت
اكلي
هزيت راسي بأي خليتها بحلگي اكلت شويه سألت
راسج بعدو يوجعج
لاا
گاعد اشوفج صفره ومالج خلك
مابي شي لايظل بالج
تفكرين بالزين موو
سدي السالفه وتغدي
سكتت ماگالت شي بعد ماظلينا للعصر عگبنا من وكت لدارنا امي گالت
على الغده
شلون صار راسج
يوجعها يمه
ريمه ردت
گلت
مابي شي لايظل بالج
خلي اوديج للدكتور تايشوف ضغطج
يمه مابيه شي عش،،،اروح للدكتور
سكتت ادحك لي بخوف وقلق ابتسمت بوجهها وگلت
حجيه شدكولين نروح للامام ابو حنيفه نصلي هناك ونتعشه ونعگب
اااي هيله خل نروح
خواتي صاحن بفرح كملت
يله عجل بدلن خلي اخذجن هساع
ااي يمه يله تغدي بسرعه خلي نروح لهناك
امي هزت راسها بأي تغدينا بسرعه وگمنا بدلنا اخذنا تكسي وودانا للامام
امي صلت العصر وحنا معها اسمعها تدعي
ياارب بجاه نبيك وال بيته الاطهار فرج علينا وطلع حوبه بنتي وحوبتنا معها
عجل يبو خيمه الزركه وبرد گلوبنا المقهوره
گلت
يارب اريد منك حوبتي تطلع بحمد وتفضحه بين العربان برد گلبي يارب بكل واحد تكلم وطعن بشرفي
ظلينا للعشه هناك بعدين عگبنا لدرانا دشيت يمان نايم بحظني رحت خليتو بفراشو وغطيتو
🌿🌿🌿🌿🌿
هاجر
ايام مرت وانا وضعي مو زين من وره السمعتو من صعب اريد اتكلم وافضح حمد الردي لجن خفت من زين گلت والله يذبح صعب ويفجعني به
بدار اهلي كاعده جمعه وملتمين يمهم شعلان يمي كلما اجي يلزك بيه ادحك لمروة جايه مع رهيفه
انتبهت جده ادحگ لها بضوجه زين دش گامت بوجهو فرحانه سلم علينا وحده وحده
گال الها بدون واهس
شلونج مروة
هلا زين
سرى لجدتي حبها من راسها گعد حدها وسأل
شلونج اليوم يالغاليه
هزت راسها رفعت عيونها للسما
يستاهل الحمد طيبي ياجده تاخذج انا وياج لعمرة برمضان
رفعت عيونها للسما
ونعم بالله لا راح طيبين باذن الله وترجعين لنا مثل الاول
امين يارب
دحگ الي صفن عليه وسأال
ها يولي شلونج اشو صفره بيج شي
هاا لا
رديت علي
كمل
صعب وينو يجي على العشه
لاااا عندو شغل
هاا صاير مااشوفو لزلمتج خذيتي مني يولي
تكلم مبتسم ابتسمت بوجهو گوة گام وگال يالله
وين رايح يمه
اسبح وابدل غير هالهدوم لان ورايه طلعه لگعده مع شيخ عبدالملك
ادحگ لمروة اكلتو بعيونها وهو لا داير بال لها نزلت راسي وذبيت حسره
الهنوف گامت گالت
اروح اصلي بغرفه جده
راحت لها لحگتها بحجه اصلي معها دشيت وراها
سديت الباب وقفلتو دحكت لي من وكفت تلبس الازار
گالت
خير يولي اشوفج قفلتي الباب
گربت منها افرك بايدي بتوتر گلت
مصيبه يالهنوف ووج ياخيه مصيبه وعقلي ماجاي يتحمل السمعه
ااسم الله وج شصااير
ياخيه هيله طلعت بريئه وحمد اساس البله
اختي فكت عيونها گربت عليه گالت
وش گاعد تتكلمين انتي
تكلمت بألي سمعتو من صعب للهنوف سمعت
انهارت وكعدت بسرعه على الجربايه ادحگ لي بذهول سألت
حمد وج حمد هو اساس البله وجان عاشگها لهيله وسوه السواه كلو حتى يفرگها عن الزين ؟
ااي ياخيه ااي
وشهم ماهو الي جتل ابويه
اي مو هو بلاه هو وياها وهي اشرف من الشرف
ااخ ولج ااخ والله گلبي جان يگولي هيله ماخانتو للزين لجن ااخ منو حلف وج حلف كلام الله هي خانتو مع شهم وهزمتو عگب ما جتل ابويه ووج ظلمناها من جذبناها وصدكنا هذا الغدار
تخبلت وگامت تضرب على رجلها بجيت وهي معي انهدت بغضب
وصعب عش ووولج عش مااحجه شلون يسكت عن هيج سالفه جبيره
تكلمت معها الي عرفتو منو صفنت عليه مذهوله ومفجوعه
يهددو بيج يعني الناقص الغيره هدد يفضحج ويبليج بيه
اي يالهنوف حمد هدده وخلاه يسكت
غلط ووولج غلط شلون يسكت عن هالشي ووج هذا ظلم جبير وتهمه باطله وهو شارك بيها وبأثمها
زدت بالبجي كامت تفتر يمي تردد
حسبي الله عليك يالردي ضيعت اخويه ودم ابويه وبليت بنت العرب بشي
ماسوتو
شلون ياخيه فهميني شراح نسوي انا دخت من السمعتو وصعب حالو حال
يريد يتكلم بألي يعرفو لجن خايف من الزين لا ياخذني منو او يذبحو
وولج زلمتج عاار وجبان والساكت عن الحگ شيطان ااخرس ووج هو لو تكلم بألي يعرفو جان هذا كلو ماصار
بجيت ونحت كملت بغضب
ودموع
هي هااي صحبه الشر مالفاه منهم غير الغدر
والاذيه
گمت ورحت ليمها توسلت
صعب ماخصه والله يحب زين ومقهور علي جثير لجن سكت لخاطر ياخذني
وخذاااج يامصخمه وراح تعگبين بس يعرف الزين هذا اذا مااذبحو
انهاريت بالبجي وكلت
لادگولين له ياخيه لا تفجعيني بزلمتي
شنووو ولج تريديني اسكت انا الهنوف بنت الشيخ شعلان الميزان العدل اسكت عن الحگ بعد ما عرفتوا وعرفت من الظالم
ومن المظلوم
تكلمت بتوسل وانا اشهگ
ياخيه راح يجتل صعب
ااسمعيني ولج الظلم ظلمات وزلمتج ظلم من سكت اافهمي هو هم شريك وي حمد بالسواه
ماخصه يالهنوف مااخصه خاف
سرت للباب لحكتها گضبتها گلت بخوف
وين رايحه ياخيه
وووخري لج الزين لازم يعرف بالصار
ووج اخوج بس يسمع يذبحهم اثنينهم حمد يستاهل لجن صعب والله اموت وراه اذا صار به شي
وكفت ادحگ لي بغضب توسلت بها
گولي لزلمتج عبدالعزيز حكيم وفاهم ويعرف شلون يصرف گولي له ياخيه ولاتفجعيني بزلمتي
ااخ ووج ااخ خنجر متحزمين بي وطلع يذبح بينا وحنا غافلين
گالت هالكلام وكملت
انا اعلمك ياحمد اذا مافضحتك بين العربان انا مو بنت الشيخ شعلان ولا طالعه من ظهرو
🌿🌿🌿🌿🌿
زين العابدين
طلعت وره العشه تاروح للگعده طلبني لها الشيخ عبدالملك معي عم مهنا وعمام ابويه جهازي دگ دحكت له جان حمد فتحت الخط گلت
هلا بأبن الخال
هلا بيك يازين شلونك
بخير انت وينك عش گاعد مااشوفك لا انت ولا ذاك صعب
ههه ملتهي
اي اعرف بطل يول وجوز توب عاد لله وعوف هالمنكر الي طامس بي
اتوب من يطخ عندي
سكتت سألت
انت وين
رايح للمزرعه وگربت لها خابرتك اريد
لاااا وووولك
صرخ بفزع صحت
شبيك يوول
مارد يصرخ وشي تكسر
فزاع دحگ لي سأل
وش به
ستررك يارب ولك ياحمد تكلم معي
ماكو بس شي يتكسر وبعدين سكت صرخت
حمد رررد عليه ياخويه
ووش صاار ياشيخ
ولك مدري جان يتكلم معي وسكت فجاه بس لاااا صار به شي
رديت على فزاع صحت
يا حمد رد ولك شصاار رد ياخويه
سمعتو صرخ
االحگني ياازين
گلبي هبط يصرخ صراخ يخوف صحت بفزاع
ااطلع له على طريق المزرعه مالتو
فزاع بسرعه داس للسياره جانت بدربنا اتكلم معه مااسمع بس صراخه
وولك بسرعه مدري شصار بي
صرخت بجنون دگو عمامنا لان شافونا رحنا بغير طريق گال لهم
مدري شصاار بحمد
من بعيد لاحت لي سيارتو مشتعله
ياارب سترك
فزاع صاح بخوف بس وگف نزلت اركض له صحت بذهول من شفتو نص لشتو بره ونص اللخ جوه السياره والنار تاكل بي وهو
يصرخ ويريد بس يطلع ما يكدر
ماهمني النار ولا خفت على روحي رحت له وسحبتو من جوة السياره فزاع يصرخ
ياشيخ النار راح تلوحك
مادرت بال لاحتني بايدي وبوجهي ماادحك لروحي ادحگ له يصرخ ويلوب
فزاع اجه من ورايه سحبني وهو اجه بأيدي طفيت النار المشتعله بجسمو بأيدي فزاع جاب غطه السياره ولفو بها
الحرس اجوي يتراكضون شالوه وعم مهنا يصرخ
وولكم تلاااحكو له
ماكو صوت مني طلعت اركض وراهم وفزاع معي حرك ولحگنا وصلنا المستشفى اخذوه بسرعه للعمليات واگف بره ادعي له يطلع سالم من الصار بي
فزاع اخذني هو وعوض وضمدو لي ايدي ووجهي لان جانن محروگات من لاحتني النار
اهلو وعمامنا كلهم اجوي ووكفو بره يريدون بس يطلع واحد ويطمنا علي
الدكتور طلع وره ساعه دحگ لنا رحت له انا وخالي وواخوتو سألنا
بشر يادكتور
ملامح وجهو مابشرت بخير گلبي هبط دحگت لفزاغ اجه وگف حدي گال
الولد متاذي كلش يعني مااعرف شأگول والله
رااح يعيش ابني مو دكتور
خالي تكلم بتوسل وگضبو
كمل بدموع
شتريدون اسوي الكم بس ابني يسلم من هالشده ويطلع منها طيب
حجي مو بأيدي الامر بأيد الله
لاادگولها
تميم صرخ وكمل
ناخذوو منا خل نطلعو يابه وناخذو لاربيل
ماايكدر
الدكتور رد وكمل
روحو اله يريدكم انتو والشيخ زين وويا حجي مهنا وعمامكم
صفنت بوجهه الدكتور من كال هالكلام كمل
يريدكم بسرعه طبو اله
ابوه دش بسرعه واخوتو معه سريت له اجر برجلي گلت راح انفجع باخويه
وصاحبي من كلام الدكتور
شفتو نايم ومضمد من جوه لحد بطنو النار لايحه ايدو ووجهو جان گاعد لجن ينازع
ابوه راح له يبجي وينوح
يااولدي بيه ولا بيك
مارد له گال
زين
رحت له بسرعه وكفت يمه دموعي حدرت دحگ لي تكلم يبلع بريگه
هيله
سكت صفنت عليه من ذكرها كمل
بريئه
جمدت بمچاني من سمعت هالچلمه كمل گوة
هيله بنت العرب بريئه وشهم ماجتل ابوك
وولك انت شكااعد تتكلم
صرخت به
عم مهنا گرب دحگ له وگلو
ياحمد وش گاعد ادگول
انا ودلع الي سوينا بيك الصار ودزينا لها المقاطع
انهاريت فزاع گضبني فاك عيوني وادحك له عم مهنا وعم نواف واحد دحگ
للخ سألتو بصووت طلع
گوة
يعني جذبت عليه يول وحلفت بااطل
سكت صرخت
وولك عش سووويت هيج فهمني عش هجمت داري
دحگت لي دموعو حدرت كملت بصراخ
ولك اانت اااخويه ابن خالي عضيدي وسندي شلون تطعني بظهري شلووون ياحمد وعش هج سويت
ردتها
رد يغمض بعيونو ويفتح
جمدت بمچاني من گال هالچلمه كمل
حبيتها وبحت لها لجن مارضت لي وهانتني
اااستغفر الله يااربي ولك شسويت وشعملت بحالك وبحال الزين
عم مهنا صرخ به
ابوه گضبو يتوسل به
ولك يابه انت بوعيك وگاعد تتكلم هالكلام
عمي الشيخ عرف واخذني لها وسويت السويتو حتى
ابليها بعد اكثر واخليك تأذيها واطلگها
رد يدحگ لي ويبجي هزيت راسي بلاا مفجوع بألي سمعتو كمل
ابريني الذمه يازين گول لها
تبريني وتغفر لي
هديت علي اصرخ
ووولك شسووويت بيه يالردي هجمت بيتي من الله لاينطيك
فزاع وعوض والحرس گضبوني بقوه وطلعوني اصيح واجسر علي
ولك گووواد ترس بيش ااذيتك اانا ولك انا موو اخوك ولك ذبحتني ياحمد
وولك ليييش بس فهمني لييش سويت هيج
🌿🌿🌿🌿🌿
فزاع
انفجعنا من سمعنا الگالو حمد طلع هو اساس الخراب الي صار بالزين واهلو گاضبو بقوه يرعد
ويصرخ مفجوع بألي سمعو منو
مووو مبري الذمه ولك ياحمد مو مبري الذمه الى يوم الدين حسبي الله عليك ونعم الوكيل هجمت بيتي من الله لاينطيك
اخذناه گوه لبره الدنيا انگلبت يمنا
الكباريه طلعو من يم حمد مذهولين من السمعو
زين يهد علي ونگضبو بصعوبه
عم مهنا اجه ليمنا گضبو
من جتفو وگال له
كاافي يابه كافي والله كلنا ماجاي نصدك السمعنا
شلووون راح اواجهها وولكم شلون راح اخلي عيوني بعيونها
هد گضبناه صرخ
وولك ياحمد حلفتك اكثر من مره وگلت لك ااصدكني يول وحلفت وطلع حلفانك جذب بجذب وولك ذبحتني ولك لو ميت ولا ساامع
الي ساامعو
عبدالعزيز گضبو معنا وگال له
يازين ااسكت وخل نسري منا
عسااك بالفجعه ياحمد عساك ماطبت ولك كسرتني وخنت الاخوه حسبي الله
عليك
خذينا الزين بالقوه يرعد ويجسر على حمد
عبدالعزيز جلس يمه ليوره وعم مهنا مفجوعين من الي عرفو
ادحگ لرفيجي ساند ظهرو
ليوره ورافع راسو فاتح عيونو ووجهو مطعون وغادي دم
وصلنا دارهم نزل وگع
عبدالعزيز گضبه وخره وسرى للدار لحگه عم مهنا وگف حدي وگال
يارب شگاعد يصير بهالدنيا
مارديت ادحگ له يسري بصعوبه
حمد ماطول للصبح وسلمها رغم راح شاب
وبعده مامزوج محد انقهر عليه لان سالفتو الرديه انتشرت بالديره لان الكباريه گالو تكلمو بالحگ وبرو سمعة هيله بنت العرب
صدگ من گال الحوبه تبطي بس ماتخطي
🌿🌿🌿🌿🌿
هيله
انا بالمعمل امي خابرتني فتحت الخط سمعتها تبجي فزيت وصحت
خير يمه بيكم شي
ووج هيله طلعت حوبتج يمه والكل عرف حمد تهمج باطل
الجهاز رجف بأيدي دحكت لريمه الي گربت تسأل
خير هيله شبيها امي
سمعت
ررربي لك الحمد اااگعد ياحميد بنتك تبرت وثوبها وثوبك ظل ابيض
وگعت على رگبي اختي صاحت
ووج شكو
اخذت الجهاز من ايدي تكلمت مع امي فكت عيونها صرخت
صدك يممه
دحكت لي وهي تبجي وتردد
ووج طلعت حووبتج وتبريتي ياااخيتي حمد تكلم بالحگ
نزلت على الارض وسجدت لله بجيت وانا ساجده اختي جلست يمي تريد ترفعني
من الارض مارفعت راسي اردد بدموع وشهگه
الحمدلله والشكر لك يارب جبرت كسري يارب وبريتني من هالتهمه الباطله
گمت اختي حظنتني تبجي وانا معها
العمال والبنات التمو علينا يسألون شكو شصاير ماردينا ريمه گامت وگومتني
وياها حازم اجه سأل بخوف
خير هيله صاير شي
اريد اروح للدار
ليش صاير شي
ريمه ردت
لااا بس نريد نطلع من وكت اليوم
تعالن
مشى وحنا وراه طلعنا للساحه ريمه بسرعه تكلمت وگالت له السمعنا فرح دحگ لي وگال
يالله واخيرا حوبتج طلعت ياهيله
لله الحمد
رديت بغصه
گال
خلي اخذ زمنيه واخذجن لبيتكم ااي
عگبنا معه جالسه ليوره دمعتي تنزل وامسحها فرحانه وكسره گلبي جبره ربي وگلت عرف
