رواية الإرهابي وذات النقاب الفصل السادس والخمسون بقلم ام غايب
وبحزن يعتصر قلبي ، جسدي يتداعى من شدته شيء يحيرني يقلقني ، أشعر بفراغ كبير في قلبي ، مكان سيهجر لأيام وربما لشهور وربما إلى يوم القيامة ، وإن لم يحن وقته بعد لكنه إحساس بدأ يتسرب إلى أعماق ذلك القلب العليل ، إحساس بالخوف والحزن ، حزناً لفراق حبيب ، وخوفاً من أن لا يكتب لنا اللقاء مجدداً.
ميمونه-باوعت بصدمه وخوف .... جنت توني عايفه خضر وراجعه للغرفه بقيت اترقب شفايف راشد شتنطق
راشد-للاسف وضع خضر كلش مو زين ....مااعرف ليش هيج صار بي هو ميعاني من شي
ميمونه-بسببي
علي-خبلت البنيه بمشاعرك المفرطه لا بويه لا بسببج ولا شي الله كاتب هذا الشي ....هاي راشد ابو دميعه كام يبجي على خضر لان سمع بي جلطه بالدماغ
ميمونه-اخذت نفس بعد ما اختنكت ....اللحظه عبالي راشد راح ينطقهه ويكول توفه خضر يودت الدنيا بعيني كانما العالم توقف بهاللحظه .....غدير خلت ايدهه على ظهري تمسح بي وتهون عليه ....تمنيت لو اني فاقده الوعي
غدير -بربك هاي عمله عملتك ... اني راد يوكف كلبي شحال ميمونه الي مصارلهه هواي من طالعه من العمليه
علي-اكول انتِ....شكو هنا وعايفه اهلج
غدير -مضايقتك بشي ومجايه عليك اني جايه الصديقتي
علي-لاخليتي وجبه مشاركتينه بيهه لا حجايه هجمان بيت يسمو .....
ميمونه- تقرب عليه وحاول يضحكني ويطمني
جنت مختنكه مالي خلك اسمع اي صوت .....تعبت وصبري نفذ بقو يسولفون غدير وعلي ....جانت غدير من ذني البنات المتحررات تقريباً
عادي تسولف وتضحك وتصنف ويه الولد
-حسيت نفسي اختنكت اكثر .....وروحي تريد تطلع .....احس نفسي تايهه بدونه ....تعودت هو محاوطني مثل الطفله ....بغض النظر عن الي صار باخر فتره وجان بسببي ......حسيت اللحظه محتاجه اشوفه واطمن نفسي علي لان مااتحمل بعد بكل لحظه احس يتوقفن نبضه شيصير بيه ....شلون اعيش
ليش سويت عمليه ....لو ميته احسن الي
رحت ميخلوني ادخل بقيت من الباب شويه مفتوح اباوع علي اخذتني الذكريات الايام مو بعيده بجمعتنا الاخيره سوه جنت اباوع علي بس بعيوني ترسم صورتنا بذاك اليوم قبل العمليه الاولى
ميمونه-وخر كافي
خضر-حتى الحضن والبوس ممنوع تره حرام عليج
نفسي بيج والله
ميمونه-تتمرض حبيبي
خضر-اني اعدي انتي متعدين وبعدين راح اخذ جرعة لقاح للاحتياط بعد مالج حجه
ميمونه-لا اخاف عليك
خضر-لقاح حبيبتي وقايه يعني
ميمونه-حتى اذا اخاف عليك لان اموت بدونك ....انت تشرب جكاير متتحمله للمرض
خضر-اي شي منج اتحمله...
ميمونه-حضنته قوي ....باسني وسحبني اكثر علي ....
الرجال معروفين اكثريتهم ميسيطرون على شهواتهم ....بس خضر حاربهه بالحرام وبالحلال علمودي .....جان يحارب روحه زادت قبضة روحي والخوف كلت عسى روحي تطلع قبل روحك يا نور عيوني
يا نفسي ويا نبض كلبي والله كلبي يوجعني ياريت لو ميته ولا انت هنا بسببي
مرتاحيت اله منً شفته هو راحتي وملجئي .....بس وجعني كلبي بشوفته ...نايم بالفراش وميتحرك ميلوكله هالشي ابو المشاكل تعودت على مشاكله
...............
فلك~~~~~~~~~|
بعد التعب والبكاء ووجع القلب ....هلكت وسقطت ارضاً .......لكن الافكار تعلو وتتوسع والعقل يزداد سوءاً.....افكاراً كثيره ومتزاحمه والخوف يقودها . وطريقي مظلم والضياع عنواني ......أتعثّر في مسافاتي. ولم اعيش طفولتي ولا عشريني
..احزاناً قديمه ميته مطويه تسترجعها ذاكرتي والاهات تنمو في عروقي و عواصف تسكن داخلي . ....
والاهات تتردد في داخل اعماقي
والحزن بقلبي وديان تترقرق فيها دمعاتي
إلّا لهذا الحزن من نهاية.. إلا لدمعي أن يتوقف وينال بسمة حلوة تملىء كياني الحزين.
فلك / مكدرت عيني تغمض جنت متمدده بالكاع افكر بحياتي الصعبه الي جبتهه من الصغر لليوم امتحانات ، صعبه ،فجأة انفتح الباب كمت مخروعه وغطيت وجهي بس عيوني طلعتهن ....
خالد / ماكو داعي تلبسي لان مراح يغطي بعد وصاختج مكلتيلي شنو رأيج بسجنه حلو مو ؟
فلك / سكتت مجاوبت ولا كلمه اكتفيت بالنظر اله لان ما اعرف نيته يستفز حتى احجي او وياهم ..... و وين ينهيهه كل الي اعرفه اني من ايد بسعه الايد ابشع ....لان انولدت بدون سند ووطن
خالد / عذرينه هنا متلكين الي تريدي ... عدنه جنس ادم غير جنسج ولو افففف شلون فاتتني هاي حسين غير حنسج وهم متفاعله وفواز ثاريج مو هينه عل اثنين
فلك / ااااااااااني مو هيج .......كلتهه بحركه گلب
خالد / اششش ....اش لتعلين صوتج ..... احجي بسرعه الي صار بالضبط ،مالي خلك اسمع سوالف تافهه وكلهه جذب فاختصري عليه وعليج الوقت
فلك / كتلك الي صار ليش مصر تورطني وتخليني اعترف على شي كلت مسويته
خالد / ااااااااحجي كتلج الي صار تعرفي بالضبط شنو ، بطلي هالدرب ...... احجي الحقيقة كتلج لتلفين وتدورين
فلك / انت مصر اله الي ببالك الحقيقه شلون اكلك عليهه واني ما اعرف شنو القصد الي تقصده
تقرب عليه اكثر شكد جنت طويله بس بيه كصر من يمه ، بقيت واكفه تقرب اكثر خليت ايدي حاجز بيني وبينه وثبتتهه بطنه حتى ميتقرب عليه باوع بحديه اكثر وخزرني
خالد-ايدددددج لا اكسرهه
فلك /بقيت ايدي مثبته ......لتسويهه .....وبحزن كتله تذكر عندك بنيه .... والدنيا تدور ....وتموت وهيج يصير بيهه
ضحكك بضحكه نبرتهه عاليه
خالد / بس لا عبالج راح اتقربلج ... من كل عقلج اني اتقرب الوحده قذره مثليه الجنس ... قحط نسوان خوما قحط حتى ارخص نفسي ويه وحدة رخيصه مثلج
فلك / باوعت علي وفتحت عينه بكل وسعهن حتى الحجاب ايدي لاارادياً تركته .....انهاريت ... نسيت ضابط نسيت اني وين بس كلامه جان صعب كلش ما اكدر اعتبره منحجه او انساه بيوم من الايام ... صعب الاتهام الي توجه الي كتله بحديه وصوت نبرته بيهه على
احترم نفسك الله لا ينطيك عساهه ببنتك تصير ، راد يدفعني لزمتهه الايده ... الله يطلعها ببنتك والله وحوبتي متتعداك لا انت ولا هذا السافل فواز الحقير
خالد .. اللصمي لج تره هسه بلحظه امحيج والله ... لتسوين ذني الدروب كتلج وحده *** مثلج ما اصدكهه
فلك .. الله ... الله ياللله وباوعت الفوك هووووووو الاهم ويعرف بيه مظلومه وهذا يكفيني الله ... الله يعرف احجي ودموعي تنزل الله الي يعرف شنو من ظلم شفته كلكم متخافون الله شتريدون مني شتريدون حتى حسين الحبيته جان مثلكم علمود نفسه يريدني ....
باوعت وقلت نبرة صوتي بس احجي بحركه اني ... رغم كل هذا وجنت حاسه شنو بعينه .....بس عادي جنت اعرف بس اكول احسن من الماكو .وشحط صوتي من الحركه .. وهو ابتسم باستهزاء واخذ بعقله غير شي كملت كلامي بسرعه
فلك .. عل اقل سند وظهر واعتبر عرضه ويحميني ما ادري جنت بس الشهوته وفوكاهه ينتقم الوحده ساقطه والله رحتلهه حالهه حال اي وحده انطف جسمهه وسوتلي كمين
خالد/شي ميستوعبه العقل
فلك-والله وروح ابويه وداعة ابني وخضر بوقتهه عرفوفلش كلشي تفاجئت الا اذا خضر لو انتو والله ماادري تعبت .....انهاريت اكثر كمت ادك على وجهي ماادري ....والله ماادري ....تعبت ياللله تعبت اسمعني يارب دنكت كعدت واني ابجي وهو ميحجي ابد
فلك-من اني وصغيره بابا كال اهم شي الشرف تعرف انت بيوم الي ساوموني بابني بابا جانت روحه وياي تمنعني .......من جنت صغيره جان دوم يكعدنه اني وميمونه ..... ويسولفلنه ....ذاك اليوم نفس القصه جانت الماشطه مال فرعون جنت احجي وابجي وازيد بالبجي وارجع اهدأ وساعات ترجعني الذكريات وابتسم
بس بابتسامتي وجع
كتله ثاري حجاهه ينبهني تعرف لو هسه هم انت وغيرك وتخيرت بين ابني و بين شرفي ......اختار شرفي ....مو مهم الناس شتكول عني الله يعرف شنو اني
خالد-فواز مو من هذا النوع
فلك-انهاريت اكثر....لتصددددك بس شيطان هو ....تعرف اني رحت ليش لان هم ساومني على شرفي يعني شرفي مقابل شرفي ... مااكدر مااكدر كلت اكتله ولا انطي روحي ... ومستعده اكتل اي واحد يوصل الشرفي
متهمني روحي اني ميته اصلاً ... مات كلشي بيه والاهم شرفي الي صار بين ايد ناس متخاف الله ....بس الدنيا تدور والله
خالد-هواي حجيتي
فلك-مهتميت جنت مثل العطشان ومعول يلكالهه نهر ....بقيت احجي .....مع العلم دار وجهه يريد يروح كتله
من صغري واني احمي شرفي من جنت اخدم بالناس واني احارب علمود شرفي .... جنت حسره عليه اللكمه الزينه ولازم اوفر علاج ال امي .....احنه عشنه عمر مو ودور مو النه ......احنه صرنا زلم لليتعده علينه ولتكول ميمونه ....ميمونه ابن عمك دمرهه
مو هيج هيه .....هيه القوه الي .....والسند ...هادئه والي يشوفهه بارده بس بعقل تتصرف لو مو هيه جان متهوره من زمان بس هيه مثلي محرومه من حضن اب وهو وحسين استغلو هالنقطه بينه
تعرف كم مره رادو ياخذو الشرفي مو لان اريد اكلك حلوه و لان اكو شي يميزني همه مشايفيني بس جوه النقاب ...وحتى اذا جنت ابشع من البشاعه اكو وحوش طماعه بلحم ميهمهه شنو اهم شي لحم يرويهه
بقه يباوع عليه ....ومال بهدوء وعيونه تحيير ...بيهه حزن وبنفس الوقت قسوه وحديه ببرود كال
خالد-ليش كاعد تحجيلي
فلك-... لان انت كلش سهله عندك تجي تحجي بشرفي ....شرف بنيه بقت تخدم وسخ النسوان من جسمهن وبيوتهن كلش سهل عندك تتهمني بشرفي الي هو اهم شي عندي صح ماانكر ابد هذا المقطع
خالد-لتحجين وتحاولين تخليني اتأثر لان مراح اتأثر
فلك-ماكو داعي أأثر على احد بس جنت مخنوكه اريد احجي الي بكلبي
خالد-يعني سالفتج طويله وتأخريني سألني ا
فلك/صار حديث بيني وبينه طويل .... حجيتله معاناتي من صغيري محجيتهه علمو د يعطف عليه
بس لان تعبت من الضغط جنت محتاجه اطلع البركان الي بداخلي
محتاجه اتنفس وهو ضغط عليه بالاسئله شفت ملامح القسوهساعه تتبدل الحنين وحزن وبنفس الوقت كبرياء يمنع الظهور
اخر شي كال مااصدكج بس كلت خل اسمع تاليتهه ....باوعت علي
فلك-مجبرتك تسمعني ردت احجي لبداخلي حتى اذا طلعت جان استمريت بالكلام بس جذب
اني جنت محتاجه احد يسمعني بقينه واكفين الحد ما تعبت وهو واكف ومجتف ايده وكل شويه جكاره .....
ابتسم باستهزاء وطلع قفل عليه الباب مجنت اعرف هو هذا السجن لو شنو بالضبط حسيت خف حمل عليه صح مغير شي بس خف الصراع الي بداخلي
وراهه فكرت بأسئلته بالبدايه سمع مني وبعدين اسئله طويله ومتفرعه واني اعترفت على نفسي مااعرف يغير او ميغير شي اعترافي هذا ....عافني ابات بالسجن او هيه غرفه شبه مخزن تقريبا ومااعرف المصير الي راح اواجهه شنو بعد كلامي
...............................
ميمونه~~~~~
ميمونه —...من كلولي على حاله خضر أيست بعد لان اعرف معناها مات......وانتهى خضر ....مثل بابا ....راح انحرم مره ثانيه شلون راح اعيش....حيلي باد كلش واكل مااكدر اكل ...
بس فهمت مسأله رب العالمين ميعوف احد والكلشي يخلي بي حكمه ....ابسط مثال غدير ....لو مو هي جان شصار بيه
جنت مغمضه وطول الوقت اسمع حديث علي وغدير
ذكروني باحداث من الماضي بسيطه ...بس بيهه معاني بداخلي جبيره
مكدرت انساهن ....
اني ذكرياتي ويا جانت مو من تلتقي عيونه لا جانت صوت انفاسه ويه انفاسي تنمزج .....وبيهن نغمة مشاعر ....واضحه ....وانفاس دافيه ابتسمت واشتاقيت للخوف ويتبعه الحنين والاطمأنان من اسمع صوت نفسه تذكرت من صعدت فوك السطح ومااحس اله احد من وره حاوطني وسحبني علي وسد حلكي ...دك كلبي بس مو خوف لان جنت اعرفه ميسوي شي جنت ومازلت مجنونه
اعتبره جنون مني حبيته ....مع العلم شخصيتي واطبعىاعي مو جنونيه الاول مره اخطي خطوة جنون وصعبه النتيجه فجأه اختنكت حيل ....اريد اتنفس مااكدر كمت بسرعه اخترعت غدير وعلي اجه عليه
غدير-شبيج ميمونه حبي شتحسين
علي-راح اصيح الدكتور احسن شي
ميمونه-لا ...مو يم الدكتور ....اختنكت على وضع خضر
وعلى فلك الي مااعرفلهه خبر
علي...كولي يالله ميمونه وكومي على حيلج
ميمونه ...شلون اكوم واشد حيلي وخضر هيج وضعه شلون فهمني
غدير...سوده عليه حبيبتي الله يشافي يارب و
ميمونه...ميتشافه كلنه هيج على بابا
غدير ليش متشائمه
ميمونه-كبل نزلت دمعتي ....لان حبيته ....ومااكدر بدونه اعيش كل الاحبهم يروحون عني
علي...لتخافين وضع خضر مختلف جذريا عن وضع ابوج
ميمونه...لا جلطه بالدماغ......يعني ميتحملهه خضر
غدير-يالله والله بعده صغير
ميمونه-تعرفون انتو شكاعد يعيش بحرب بداخله اعرف من كل الجهات جان وضعه تعبان حتى ميسمحون الاحد يدخله مل شوي اتصالات من كل مكان خوب خالد كل شويه اتصل اقصى حد نص ساعه يطول كعد خضر صحه خضر جان علي اكثر الاتصالات يمي اسمع صوت خالدبدون ميفتح سبيكر عصبي نار
بالصدفه شفت راشد فتح موبايل خضر تفاجئت وسألته انت تعرف الرمز
فرحت بوقتهه بالي على فلك
راشد-خاف تنسي وينقفل اسمه ميمونتي
بقيت اكلب دخلت مسودات مدري ليش عيني صارت عليهن اول شي فتحتهه لكيت هواي كتابات بيهه
اول صفحه تأملت اول سطور منهه ابتسمت
سأكتب في مذكراتي وابرهن للناس ولابنائي اني عاشقاً لذات النقابِ والعينين المميزه ذات الالوان المختلفه
ميمونتي حتى شاعر حولت من وراج ...خايف تعوفيني
وتروحين متفهمين انتِ ماعندي غيرج بالدنيا
باقيه بكلبي سالفة حذيفه وغثيتج بسببهه بس والله مهملتج ليش مكلتيلي موجوعه و محذوف يمكن ماسح ويمكن ممكمل اصلا كتابه بس اني شنو حتى كمت اناشغ من كد ما بجيت
مشيت بمسوداته قريتهن وحده وحده هو مو شاعر وكشعر مخربط بس يبجيني لان احسه من كلبه طالع وبتواريخ بعض التواريخ ذكرتني شجنت اسوي بهذا التاريخ واواجه
وصلت التاريخ اول مااجت عيني بعين التاريخ والوقت كاتبه كلبي وجعني
من أشتاقلج اواسي نفسي الموجوعه بأستاهل ومن اريد انساج واكعد ويه جماعتي تهرب مني أفكاري إلج.. ونار تشتعل بگلبي اشتياق الج الدرجة اصير طفل ضايع وتايه
ادور عليج علمود اضم روحي بحضنج محتاجج
ميمونتني وينج مو تعبت وهلكت فص ملح وذاب اختفيتي .....هذا عقابي لان فرطت بيج استاهل بس كافي تعالي تدرين شأفكر هسه خوب بوسط هوسة اليوم وشاهين والشباب واجني بنات وشاهين كاعد ينطي حكم الهم انتي كبال عيني
ياذات النقاب ميمونتي صغيرتي سنفورتي تعرفين هالاغنيتين ميفاركن مسمعي ابد واول مااسمعهن اتذكرج يلامسن مشاعري واحساسي الحقيقي تجاهج
وين انت وينك.... تسأل عليه.... ماعندي غيرك ...مو تدري بيه .....اخذوني منك....بعدوني عنك لا انت بأديك ولا اني بأديه
وين انت وينك وينك وينك مشتاكه عيني عيني العينك
لاتنسه العهد البيني وبينك كلبي الك وكلبك اليه
بجيت بحرگة اقوى الدرجة مااكدر اتنفس بعد
وكلبي كام يوجعني
سهرت على موبايله للصبح بجيت ..ابتسمت واختلطت المشاعر بين الحزن والفرح والحنين الوجوده ..جنت اعرف يحبني بس انصدمت على كمية الحب الي بداخل خضر تجاهي كمت اباوع عليهن الحد ما طلع الصبح واعيد بيهن الصور الي مركبات على الاغاني وين انت وين واخر شي فتحت عشگ اخضر احسهه لامست گلبي اكثر
أجيتك من بعد غربه
أجيت بليله كمريه
هذاك أنه نبع صافي
يخايب دغش مابي
أجيت أنفض عتب بالعين
عتب عاشق بحنيه
واكلك هجرك اشسوه
لون ادري فلا اهوى
لو ادري فلا اهوى
..........
فلك~~~~~
تمسكي بخيوط الشمس حتى لو كانت بعيده حاولي ياحبيبه قلبي ان تكوني كما رئيتك قويه وحاولي ان تجعلي من الانكسار بداية حلم جديد ولا تقفي على الاطلال والخفافيش سكنتها ابحثي عن صوت عصفور يتسلل وراء الافق مع صوت صباح جديد
ثق بنفسك فالطير على الشجرة لايخاف لانه يثق بالغصن
فلك-بعد ماغفيت بعد التفكير والارهاق مجنت اعرف اني غافيه لو بس مغمضه عيني لان جان صوت بأذني
يهمس هالصوت جان حنين اعرفه بس مكاعد اعرف اميزه كل الي اعرفه الصوت من اسمعه اشعر بالاطمأنان
جان يوصيني اكون قويه
فزيت واني كلي عزيمه وامل اكو قوه بداخلي
بس الخوف موجود ومحاوطني مصيري مجهول بعد اعترافي .... تذكرت من شفت خالد واني نايمه فزيت على صوت دخلة احد عليه للغرفه طلع خالد و كال شغله محتاجهه منا اخذ شي وطلع
- [ ] الخوف سيطر عليه من اتذكر جفصتي اخ منك يلساني بسبب كلامي الي حجيته البارحه جنت محتاجه احجي بس تسرعت حجيت وفضفضت للشخص الغلط
انفتح الباب فجأه كبل غطيت وجهي بملامح غضب وقسوه تقرب واني استهزء بداخلي
خالد-خالد_اخويه بسببج راح ينسجن وانتي طينتج ممعروفه خيره مو زينه مااعرفج بعدالوصاخه الشفتهه ولسانج الطويل .... والي گاله فواز الي عقلي ميستوعب الي تحجي علي ابد دخت والاول مره ابقه حاير
هواي اشياء بتفكيري... بس مع ذلك ماأحب أظلم لذلك انتي تگعدين يمنه إلى أن ترجع اختج تاخذين اختج وتطلعون من حياتنا والا اني ماارحم بعد
اخواني واحد بالسجن و واحد بين الحياة والموت و واحد ينتظر متحمل مسؤلية مريض وهو ممتعود على المسؤليه وخايف على خضر لان مو اني ولا واحد من الي كدهه يمه ..... واني هنا مجتف
طول عمري ابتعد عن القضايه الي بيها أذيه على عائلتي لان اول ناس يهددوني بيهم اهلي وهسة بنات مثلجن بكلبن حياة عائلتي احنا داخلين بمعركة اكشن من وراج و وره اختج
فلك_اختي... يعني مو ابن عمك الي طفر علينه يعني هسة احنه الغلطانين وانتو الملاك الله يسلمكم
خالد_السانج اخر مره أنبه... انتي منوا حتى تجاوبين هيج... تريدين الظاهر ارجعج للسجن
فلك_راح تبقى تهدد بيه بالسجن وتذلني اسجني مكتلته واخوك وگاعد يعترف گوه تريد تلزگ التهمه بيه
خالد_لج ...لج انتي وخزرني كبل وخرت عيني من عينه مردت تبين ملامح الخوف بيه كلي بعصبيه لبارحه بلسانج اعترفي لتخلينني استغفر الله
فلك_باوعت عليه شگد مبين صلب ميهتز شامخ
وقاسي بتعابير وجهه الحاده وكلامه القاسي بس صدمني لاأرادياً لفتتني هيبته لان مااگدر انكرهه ولا تنكر
بالنسبه لهاي العائله ثاني وسيم بيها اشوف الباقين عاديين وأقل العاديين بس واحد حلوا ومينكر جمالة طول وجسم متروس بس أزعج واحد بيهم ومكروه حمصه بس اسمه موخر هيبته
والثاني خالد هم طويل ماشاء الله
خالد_فلك ام علي اي شي ديربالج مني بعدج متعرفيني
اشوفج شي مشايفته بحياتج
فلك_المشكلة اي واحد اشوفه يگولي هاي الكلمه سلمان حمصه وهسة انت ماشاء الله عليكم نفس الشي حتى بالطول جنكم لقلق
فلك .. باوع عليه بحديه ... وطلع موبايله ورفعه الاذنه واني واكفه بصفه بعصبيه وحديه وبدون ميسلم
خالد.. شاهين وينك خمس دقايق اذا متوصل ارجع هاي الانسانه بالسجن لو ارتكب بيهه جريمه واني ادخل السجن
فلك-اني سكتت اخذت وضع الصامت شكله جدي بكلامه ..... سده وكال استغفر الله
شويه واجوي لمحتهم من بعيد
خالد.. اني شكلت مو كلت مالك جيه هنا ومتدخل بعد
حمصه .. واني هم كلت خضر وصاني عليهه
فلك .. دنكت عيني مباوعت عليهم ما احس اله خطف مني يمي خالد وسحب حمصه .... رأساً سحب ايده من خالد بعصبيه ...... ... مجنت اعرف الحديث الي يدور بينهم بس جانو كأنما يتسابقون بالحديه والعصبيه وشاهين بينهم من كد مابالي اريد اركز مكدرت اركز
واسمع
بعد الحديه الصارت .....طلع حمصه قبلنه كلهه اعصاب صارت
وشاهين كلي يلله ام علي مشيت وياهم لكيت حمصه كاعد يدخن بالسياره جان لابس كليته ولحيته عاليه ...
شاهين .. مليون مره كايلك عوف الكائنات
حمصه.. اني اخوتي ميتحكون بيه .... على اي اساس هو شعلي ويا منوا احجي او امشي
شاهين .. لان اخوتك عارات
حمصه .. لا تغلط عليهم
شاهين ... لا اغلط ونص بابا كافي واسكت وانجب منو بيهم من اخوتك من الجهتين اوادم
حمصه .. سد الموضوع كافي
شاهين .. انت تجبرنه نفتحه من تكول اخوتي دتشوف كل واحد بيهم مصخم بعينه ناس هنا وناس هنا
حمصه .. كتلك هذا الموضع سده لا تفتحه بابا نزلني من الخرا .... تعرف كلش زين اني زولاك ممعترف بيهم وانت كل مره تذكرهم
شاهين .. الاثنين نفس الشي ليش تجذب على روحك لك بابا
حمصه .. شاهين شلطشت بالسالفه اعرف اعرف شتريد الشنو توصل
شاهين ..الي اريد اوصله انت اخونه انت حالك حال خضر ووالولد
حمصه .. اي صح وخالد جان ... خليهه سكته لتحجي بعد
شاهين .. لان ساقط قصدك غير يمنع خضر منك لان واحد ساقط وبلا عقل ويتهور تتعرف اصلاً كلكم خالد يتكهرب من تلتمون واني هم جنت اتكهرب واكتشفت انت تجرون الواحد للمصايب
حمصه .. لطش خوب بالسالفه لو يجي الحمزه ميسكت بعد اسكت ... اسكت رحمه الدينك شو دنزلني اطبك اطبك خل انزل
شاهين .. مخبل
حمصه .. نزلني اكلك
شاهين .. شو انزل ... متنزل طبك مرض
فلك ... ما ادري اضحك بهالوضع او لا لكيت شاهين مستفز وساعه اشوف حمصه مستفز من يلتمون وخالد وحمصه كهرباء لعد شكد ابو مصايب بحيث ويه ميلتقي باحد لازم مشكله فتح السياره ونزل بعده جان ينزل شاهين كله
شاهين .. خالد كال باجر اذا ما التحق غياب وسجن ٣ يوم
حمصه.. شيريد يسوي خل يسوي
وطبك الباب حيل مااحس اله فتح الباب الخلفي انفتح الي بصفي كبل شاهين دار وجهه وكال
شاهين .. سالمين
حمصه .. اتصل بيه ابن خالتهم جاي وكتله اول متطلع من السجن اجيبهه
فلك-انصدمت بتصرفه لحمصه حسيته عنده نوع من انواع الخبال ...... نزل شاهين وبحديه جاوبه وهجوم
شاهين-شنووووووووو قصتك بابا انت تخبلت
شنو قصتك انت فهمني مكاعد افهمك
حمصه-بتوتر بين على عيونه ...شعندي ماعندي شي كلشي تسووون بي انه ...
شاهين-احجي شعندك مو طبيعي اني هم بده الشيطان يلعب بعقلي منك مو بس خالد
حمصه-بتوتر ....اني .......
