رواية دخيله الشيخ زين العابدين الفصل الثامن والخمسون بقلم أوتار حزينه
ليان
فزيت وجمدت بمكاني من شفت لارا بأيد وسيم وشايل السجينه يريد يذبحها وامي ونوار لازمينه ويصيحن رحت عليه
بسرعه لزمته اصيح
عووفها ووسيم
سااقطه گحبه ااجيتي للموت برجليج والله مااعوفج الا واني غاسل عااري
يصيح بجنون وهو يجر بيها من شعرها ويريد بس يذبحها واحنا كلنا لازميه ونصيح والجهال ويانا
ووسيم
مالك صااح واجه بسرعه عليه جتفه وجره بقوه منها وصله من شعرها اجت
بأيده
امي راحت بسرعه گومتها تبجي هي وياها
ااطلعي ولج ااطلعي
ساقطه گحبه
وولك كافي لاتفضح روحك
مالك انهد بي مجتفه ولازمه بقوه واخويه ينفض بروحه يريد بس يلزمها رحت الها صحت بيها واگفه يم امي ومحتميه بيها
شجاابج ولج بأي عين جاايه
بيت ابويه هذااا مو بيتج حتى اطرديني انتي ووسيم
بسرعه ضربتها راجدي خليت گل قوتي بيه امي صاحت
لاا ليان
ااااش
صرخت بامي كملت باعصاب
كله منج ااانتي السبب بالصار بينا اانتي الي انطيتيها عين من رجعتي تحجين
وياها وخليتيها تتجرأ وتجي
للبيت
ااطلعي لج ووولي منا
وسيم هد بخبال
مالك لزمه بقوه صاح
بيها
ااطلعي شتريدين تبلينا وتبلين اخوج
باوعت لأمي صحت بيها
وولي مناااا واريد بعد من الله تجين وتشوفينا خلقتج
احنا واگفين بابا طب وگف يم باب المطبخ الداخلي وجهه مطعون وصاير دم
لارا گالت ببجي
بابا اسفه وو.......
ااش بدون هوسه ولا صوت تطلعين منا وتولين للي اخذتيه من اختج وخليتي
راسي يصير بالطين
ابوو......
ااانتي بالذات مااريد اسمع صوتج
صرخ بامي واشر الها
تريدين بنتج اخذيها واطلعي وياها وبعد لا تشوفيني وجهج ابدا ااانتي اساس البله كله انتي السبب بالصار من وره دلالج الها ضيعتيها
وضيعتي سمعتنا وياها
اني ماطلع من بيتي
امي ردت تبجي
لارا باوعت الها وگالت
بشهگه
يعني شنو اارجع اله ولأذيته
حيييل بيج وابو زايد جدر ولك غطاه خلي يموتج هو احنا مانوصخ ايدنا بيج
ياااساقطه
بابا صرخ بيها
وسيم يريد بس يخلص
نفسه من مالك ماخلاه
لارا طلعت من يمنه تشهگ
امي ظلت واگفه مالحگتها تحركت وره لحظه وراحت للغرفه
مالك هدأ
وسيم طلع بسرعه وراها لحگه بابا صاح
ووسيم اارجع
طلعنا وراه كلنا مالك ،،،لازمه يم الباب
وبابا لزمه وگاله
اارجع خلي تولي
اخويه جز على سنونه وگال
ولكم ليش ماخليتوني اذبحها ولكم موو جانت بين ايدي ليش لزمتوني ليييش
صاح نوار لزمته خايفه لان يريد يطلع ويلحگها
مالك وگف بوجهه وگاله
كافي يول راح تفضح روحك بالمنطقه
وسيم لخاطري عوفها والله ماعندي استعداد اخسرك
نوار حجت وهي تبجي
جرته وخر منها وراح لجوه
بابا راح گعد ولزم راسه
مالك گال
روحي جوه الجهال يبجون
مشيت وعفته يم الباب
🌿🌿🌿🌿🌿
مالك
جنت راجع من وكت للبيت لان جان مالي خلگ
وسيم طلع بشغل وگال اكمله واعگب للبيت
وصلت للبيت نزلت سمعت عياط بيت عمي طبيت اركض الهم تفاجأت وسيم
گاضب اختو لارا ويريد يذبحها گضبتو بسرعه ووخرتو منها
عمي اجه وطردها طلعت لبره لحگها وهم راد يفضح روحو ماخليتو ولا عمي
خلاه عگب يرعد من الغضب
طلعت لبره لگيتها واگفه مسافه تمسح بدموعها وادحك لبيتهم وناس واگفه وادحك الها
رحت الها وگلت
امشي اصعدي تاوصلج لبيتج
مااريد
مشت مسافه ووگفت باوعت عليه ولبيتهم گالت
وصلني للشارع ومناك اخذ تكسي
امشي
رديت مختصر
اخذتها لسيارتي اشوف عيون العالم اكلتها اكل
صعدت يمي حركت وطلعت ساكت والغضب
تارس گلبي من وراها لان اجت وسوت لاهلها فضيحه
بالمنطقه گلت
يبنت الناس اگعدي بدارج وبعد لاتجين لاهلج
وانت منو حتى تحجي وياي هيج
اني زلمة ليان
صفنت علي وتفرست بملامحي وگالت
انت المقاول موو الي اشتريت بيت عمو
كاظم
مارديت ظلت صافنه كملت
ليان من زمان حظها حلو
ماتوگع الا على وين واحد طاگ ومتروس فلوس
درت وجهي عليها ادحك عليه بعيون صلفه ولا عدها اي خجل ولا عبالك قبل شويه مكتوله من اخوها ورايد يذبحها گلت
ليش تحسديها تره الي عجبج وجان الها اخذتي
برتبته وفلوسه ومركزه وانتي بعد تعرفين شسويتي
حتى يصير الج
نززلني هنا
صاحت بيه
وگفت دحكت لي بخزره وگالت
انت ماتعرف ليان گدامك تسوي روحها ملاك بس هي من جوه شيطان
والله الشيطان گاعد اشوفو جدامي بس هو ماگاعد يشوف روحو
نزلت ووگفت يم الباب گالت بحقد وسم
انت كلشي مااتعرف عنها روح اسألها شجانت تسوي وي ايهم قبل كم يوم
رگعت الباب ذيج الركعه وولت صفنت عليها الزين اجه براسي من گال حمد هجم بيتي بجذبه وحلفانه مدري ليش حسيتها جذبت وگلبي گلي هاي گاعد تسوي خراب
عگبت مخنوك منها ومن شكلها ذبت سم وولت جن حيه وتمشي وتلدغ باالاودام
وصلت نزلت دكيت الجرس مال بيت عمي وطبيت طلع هو وگال
هلا مالك تفضل
ادحك اله صاير فد مره والوجه غادي دم
ماحجيت شي رحت وراه للديوانيه وسيم گاعد يهز برجلي ومتوتر كلش
نوار يمه ليونه هم واكفه وشايله كيان وتوته يمها مبين عليهم البجي والخوف
وين الحجيه
سألت
ليان دحكت لي گالت
جوه
صيحيها
ليش مالك
صيحيها وانتي تعرفين
صفنت عليه عمي گال
صيحي امج
راحت صاحتها اجت تبجي ووحالها حال گلت
اگعدي عمه واسمعي الكلام الي گالتو بنتج
صفنت عليه كملت
بنتج الي ماجزتي ولا گطعتي نفس منها والي سوت لكم فضيحه گشره بالمنطقه وخلت سيرتكم الطيبه على كل لسان من طلعت وشفتها بره والاوادم
ادحك الها گلت خل اوصلها
سكتت دحكت ليان كملت
الخاتون من عرفتي زلمه بنتج گالت
ليان حظها حلو ماتوگع الا على وين ماكو واحد طاگ ومتروس فلوس
الكل سكت كملت
وگالت
انت كلشي مااتعرف عنها روح اسألها شجانت تسوي وي ايهم قبل كم يوم
شنووو
ليان صرخت وفكت عيونها بذهول
ااايا ساقطه ايا دايحه ولكم ااخ ماخليتوني اذبحها ولكم هااي حرامات تعيش وتشتم الهوه
وسيم صاح بغضب وگام يفتر يمنا مثل الطير المذبوح
ليان گعدت صافنه عليه بذهول گالت
هي هيج گالت عليه
اي وشكو متعجبه منها اختج سوت الانگس عش متفاجأه بهالكلام
سكتت دمعتها حدرت ذبيت حسره وكملت مع عمي
ياعم من رخصتك بهالكلام وي عمتي
گول ابني انت من عدنا
وبينا صرت
دحگت لعمتي وگلت
عمه كلشي ولا ليان هي بالنسبه اليه خط احمر الي يبجيها احرگو احسب الله
ماخلقو وبنتج هاي حجت وگالت كلام جبير عليها وهي حرمه ماگدر اردها واوگفها عند حدها لجن عدها زلمه اعرف اوصلو واخليه يگضبها ومايخليها بعد توصل لهنا وتغث ليان او تفضحكم بالمنطقه
الي تريده سوي مالك
عمي رد
وسيم گال
خلي توصل بعد بالقرآن مااخليها تطلع طيبه
هي هيج حجت
ام ليان سألت
رديت
تعرفيني اجذب ياعمه
سكتت عمي رد
حشاك من الجذب ابو كيان ويطلع منها شفناها شسوت بينا بس جيب الي يفهم
رد هالرد ودحگ لحرمته گالت بصوت مخنوك
بعد مااتصل بيها وحتى السيم كارت راح ابدله هجمت بيت ليان مره وجاي هسه هم تريد تهجمه
بجت ووجهها انطعن فد مرة كملت
هاهي ابو وسيم وروح ابويه بعد مااحجي وياها وراح احسبها ماتت وماعندي
غير ليان ووسيم
هذا جان المفروض يصير من زمان بس ااخ منج ظليتي وياها تحجين الما اجت وهم فضحتنا بالمنطقه
ماظل النه وجه گدام الناس من حسبي الله عليها
عمي گال هالكلام ومشى يردد
يارب اخذها وخلصني من عارها يارب
ظليت ادحك اله الما طلع من يمنا درت راسي ليان صافنه عليه والدمعه بعينها گمت وگلت
يالله
گامت وياي گلت
يله امشي للبيت وانت اهدأ واگضب روحك ابوك مثل ماگاعد تشوفو صار فد مره
لا يروح يصير بي شي
شتحصل عود من ست لارا اذا راح من ايدك
سكت گاعد وصافن بجمود اشرت لاختي طلعت وياي گلت الها
اي شي يصير خابريني
ردت عليه بخوف
عفيه مالك خايفه لايروح عليها ويسوي شي مو زين
هو عجل ليش گاعد اگولج اذا صار شي خابريني
اي بس خلي جهازك يمك
اي
طلعت ليونه ورايه تمشي گوه اخذت منها كيان وتوته طلعت جدامنا للبيت گضبتها من هوت يم الباب وگلت
الله يابه ديري بالج
اخ مالك
گامت تبجي گلت
اش وامشي للبيت
طبينا نزلت كيان گلت لتوته
اخذي اخوج جوه
گادته واخذته للمطبخ
ليان بالكراج انهارت اجت لحظني تگهد وتبجي
غمضت عيوني وذبيت حسره گلت
والله ماتسوه تنزلين دمعه من عيونج
ماردت تشهگ بصوت لميتها بهداوه واني ناوي نيه مو زينه لهاي الساقطه
🌿🌿🌿🌿🌿
زين العابدين
طول هالسنتين ونص انا ماجنت عايش
ميت واشتم الهوه افكر بالصار بيه
مره اگول هيله مستحيل تسوي هالشي
ومره اگول لااا حمد حلف اكثر من مره وانا شفتها بعيوني وش سوت من عرفت به طيب وعايش
الف مره ردت اروح لها اسألها عش سوت هيج وشلون باعت حبي لها شلون نست انا وش سويت لها حتى بس تحبني وترضى بي
لجن جنت اهون مااروح ولا ادور وراها لان اعرف روحي راح افقد ويجوز اخذ ثار ابويه منها لان عجزت وانا ادور وره شهم
وهذا هو طلع مو جاتل ابويه وانا هم ظلمتو واذيت اهلو جثير من حرگت ارضهم وماخليت شي عامر بها
واگف ادحگ لها عمال يشتغلون بدارهم وگاعدين يعمرون لهم الارض بعد ماخربتها
عوض حدي گال
شيخ اذا شهم ماجتل عمي من جتلو عجل من الي غدرو بالبستان
ماجتلو غير داعش ياعوض ومن الديره الي جتل ابويه
صفن عليه ذبيت الجكاره من ايدي اشرت وگلت
اسري معي
سرينا للوادي ورايه الحرس گلت
الغدر اجانا من هينه من ارضنا ومن ناس انا شاك بيهم
من اعرفهم
اي ياخويه هو ماغيرو الشيخ الردي عار الزلم
صگبان
اي اظن وانا متاكد هو الي غدر ابويه او واحد من ربعو
سكت صافن لي كملت
انا ماظنيت بي ولا شكيت
من عگب وجاب الشر معه وظل يدحس روحو بنص الي وگفو ضد داعش ويريد يصير هو ابو الفضل على الوادم ويتكلم هينه وهينه عن ابويه الله يرحمو وعليه
كلت هاي سوالفو الرديه ونعرفها كلنا لجن من عرفت شهم مو الي جتل ابويه شكيت به وگلت هو الو يد بألي صار
تصدگ عگب هالكلام انا هم گمت اشك به هو وره جتلت عمي
ااي وهساع انا راح ادور وراه لجن بهدوء وانت اريدك معي ادور لازم يگع
واحد من ربعه ويطلع جلمه نگدر نگضبو بها
هز راسه كملت
هذا الكلام مااريد احد يعرف به بينا انا وياك
وفزاع افتهمت
بير يا شيخ لاتوصي حريص
عفيه بيك
عگبت من يمهم صافن وافكر بحالي مريت بالمزرعه مالتنا دحكت لگاع صگبان الردي يشتغلون بها وتعمرت عگب الاحداث لمحت بنت صغيره تلعب يم الشاخه غمضت عيوني هيله بين عيوني وشلون جنت انا وياها معارك وواحد مايطيق اللخ
فتحت وذبيت حسره وگلت
وهم رجعت العدواه يبنت العرب لجن بس من يمج وكرهتيني وحگج بهذا
علت عليج جثير واذيتج وااااخ واووووف من
السويتو بيج وبروحي
درت وجهي للمزرعه عم عزام واگف على الشغل هو وغانم سرينا للشارع وطلعنا لدارنا
وصلت نزلت وگت مغرب وكلها بالصلاه
رحت للمطبخ دشيت امي گاعده تتكلم بالجهاز وفاتحه كامره شافتني تكلمت
بفرح وعيون مغورگه
تعال زين هذا شعلان ويمان
رحت گعدت يمها شعلان صاح من شافني
بابا هيااانو
ابتسمت اله وگلبي مدري شصار بي من شفتو هو واخوه واحد بصف اللخ ويدحگ له وعليه
شلونك شيخي الصغير
تعال بابا اريد اشوفك
اي اجي قبل لااروح للموصل وراح اجيب الك جثير ملاعيب وليمان هم
دحگ لي مدري شحجه وي اخوه گلو
بابا هذا بابا
بابه
ابتسمت امي گامت تبجي من شافتهم يدحگون لي شعلان باسني ويمان
سوه مثله
روحي انمردت واختنگت كلش اخذت نفس وزتيتو بحسره گلت
شلون امكم
بخير ابو شعلان
عمه ردت بس ماشفتها كملت وياها
راح اجي بعد جم يوم اجيب جم شغله للولد والكم
حنا مو محتاجين شي الحمدلله والشكر مستورين والخير جثير
ام هيله تره ولدنا يمكم وهذا كلو الهم حنا مانريد ينقصهم شي
مو ناقصهم شي شيخه
هيله تحير شجيب الهم
وانا ابوهم ياعمه يعني حالي حال هيله
سكتت ماردت شعلان تكلم
بابا اريد سياره
ادلل من عيوني اجيبها لك
يويو هم
ابتسمت من اشر لاخوه وصاحه بهالاسم اشرت لعيوني وگتلو
ادلل من عيوني هاي اجيبهن لك تامر امر
شيخ شوشو
هههه ماما ادگلي شيخ شوشو وابو الشوش
سكتت امي دحگت لي وگالت بقهر
يويل گلبك يمه وجهك انطعن وغديت دم
مرتاح يول اشوفك مادوروني لا انا ولاجدتك
سكت يدحك لأخوه ورد
العب وي اخويه شوفو هو يحبني وينام يمي انا وماما
حظن اخوه وجابو لصدرو امي گالت
شوفو يمه جن انت بصغرك
ااي
رديت بخنگه سمعتو صرخ
ااجت ماما
راح يركض وره يمان سمعت صوتها تضحك
هلا ماما هلا بشيخ شوشو ويويو
يارب رحمتك
گمت من يم امي وسريت لجوه جدتي گاعده بالصاله وگفت دحگت لها صافنه
عليه هزت راسها غمضت
عيوني فتحت سريت لها گعدت يم رجلها وخليت راسي عليهن گلت بخنگه
ياجده تعبان ومخنوگ
خلت ايدها على راسي ردددت
اقري لي التعب جاس الروح والجسد وماعاد لي قوه على الفراگ
وين ابويه وين العز وين
المال والحكمه لو طيب جان هذا مو حالي
امي طلعت من المطبخ شافت حالي گالت بصوت
مخنوگ
يمه تره مقهوره جثير لاتقهرني انت هم والله واگفه گوه على رجلي واصبر بروحي واگول يجي يوم وترضى وتعگب هي وولدنا
مااظن يمه دست بها جثير وعلت عيله گشره وانتي تعرفيها زين هي مو مثل
اي مره تختلف عن الكل بالطبع والاخلاق عدها عزه نفسها وكرامتها فوگ كل شي
سكتت كعدت يم جدتي الي شويه تحسنت وگامت تحرك ايدها وتتكلم جم جلمه گالت
الله يردها لك
اامين ياعمه امين من حلگج لباب السما
امي دعت وياها
باليل خواتي اجني جنت
بالمجلس گاعد مع الكبار نتكلم عن معركه الموصل
فض المجلس وكل واحد راح لأهلو سريت للدار دشيت للمجلس ذبيت البشت
الهنوف اجت حبت جتفي وحبيت راسها گالت
شلونك ياخويه
الحمدلله بخير انتي شلونج
بخير
رهيفه اجت وراها وامنه سلمن گعدت وهن يمي امي جابت جده جن اكو
كلام رهيفه گالت
يازين خالي دز كلام وياي يگول بعد مايرهم تاخذ مروة عگب الصار
زين ماسوه لان هو هذا الي راح اسوي حتى لو مطلع منهم هالكلام
شلون ياخويه يعني تظلمها وهي ماخصها بالصار يعني ماراح ترفض كلام خالي
ردت عليه وگلت
لاا عش ارفض ردتها من الله واجت ليمي وبعدين هي مو اخت حمد شلون تريديني اخذها عگب السواه بي وبحرمتي وشلون اخذها عگب ماعرفت هي بريئه ومو مزوجه وعندي ولد اللخ منها
سكتت كملت
خبري خالي مروة راح اطلگها بحضور الكبار باجر والغايب والحاضر راح
يصلها لدارها
يمه احجيلج جلمه
اامي ماخصها
صحت من تكلمت مره اللخ وكملت
مااخصها بحياتي سمعت كلامها مره من ظلت تلح عليه اخذها وانا موو هاويها ولا رايدها حرمه لي
هي تحبك يازين وتعرف هالشي من زمان من قبل لاتزوج الراح والله حالها حال وبس تبجي لان خالي كال لازم تفصخون كلشي
رديت بهدوء
وانا ماحبيت غير هيله وللموت راح اظل احبها
امي گالت
اسم الله عليك يمه لاتحجي هيج گلبي ماعاد يتحمل قهر
الهنوف ردت
رهيفه يعني انتي من كل عقلج تتكلمين هالكلام مع الزين عگب السواه حمد به وبهيله
هي مالها ذنب بالصار عش تاخذوها بذنب حمد الله يرحمو
صفنت على اختي من تكلمت هالكلام كملت
ياخويه خذ الي مشتريك وعوف الي بايعك
هيله ماباعت لاا من وره سالفه حماج الرديه
سكتت كملت بروده
من انطه الرقم له
صفنت عليه عدت كلامي
رقم هيله منين جابو حمد
هاا هو يعني اجه وگال اريدو بشغله
ااي وانتي انطيت له بدون شوري ولا اجيتي وگلتي لي هو اخذو حتى اروح اسألو وش هالشغله الي راد بها رقم حرمتي
ردت بخوف
والله ماجنت اعرف راح يسوي هالشي وروح ابويه يازين ماجنت اقصد اذيتها
دحگت لامي والهنوف وكملت
انا شمدريني هو رايدو تايهجم بيت اخويه والله ماجنت اعرف
اي وهجمو وبنت العرب باعت من وراه وانتي جاي تتكلمين خذ الي مشتريك
وعوف الي باعك اليگول
هيله باعت برضتها مو من وره السويتو بها هي وامها وخواتها
سكتت كملت بقهر
ياخيه انا اعرفج انتي ما توديها لحرمتي وشفتج من تبرت من التهمه وعرفتي عندي ولد اللخ منها لا خابرتي ولا كلفتي روحج تسألين عنها هي وولدي
ماراح تسمع مني انتو ما سمعت منكم ولا تقبلت جيتكم عليها شتريد انزل راسي لها وانا شيخه بنت شيوخ
عزه الله ماانتي بشيخه عگب هالكلام الي گلتي
الهنوف ردتها وانهدت بها
ووج هيله شيخه النسوان حرة واصيله صح هي فقيره حال لجن عدها كرامه وعز نفس ماموجوه عند مروة الصارلج ساعه
تحجين بها
هاي بنت خالج يالهنوف شلون تتكلمين عنها
هالكلام
بنت خالي لو عدها عزه نفس جان هي انسحبت
وطلبت الطلاگ جان گالت شلون اگابل زين وبأي عين اگف جدامو عگب السواه
حمد
ماردت عليها الهنوف
كملت بغضب
جان مادزتج على امي والزين حتى تقنعيهم ماا يطلگها
هي ماادزتني
ااحلفي
انهدت بها سكتت
ذبيت حسره گلت
سدو هالسالفه ومروة باجر تتطلگ غير هالكلام ماعندي
وهذا الصار طلگت بنت خالي ودزيت لها حگها
بليل جلست وحدي بغرفتي الفوگ جهازي بأيدي ورقم
هيله وصلني من ناس كلفتهم يجيبو لي لأن جان بس رقم امها عندي انا وامي وماردت اطلبو منها
لان عرفت راح ترفض تنطي لي طلع عندي الواتس اب
مالتها خاله صوره شعلان ويمان واحد حاضن اللخ كتبت
هيله
شعلان اول مااجه تنحس فد مره وظل بس يبجي ويريد هاجر وجدته وابوه
وي الايام تعلم عليه وعلى اخوه ولمة خواتي بس ظل كل مشوار يذكر زين
ويسأل
وين بابا ليش مايجي
بليل نايمه وهمه يمي ادحك الهم واحد
حاضن اللخ حمدت ربي الف مره هو رد لي ولحظني فرحانه بيهم جثير واحس الفراغ الي جنت احس بي
انترس برجعته اليه
جهازي دگ برساله جان رقم
غريب فتحت الواتس قريت
شلونج ام شعلان
گلبي گلي هذا زين
كتبت
منو وياي
انا ابو شعلان
عكدت حواجبي والهوجست بيه طلع صح ماكتبت شي اشوفو يكتب ويمسح دز
شلون الولد
منين جبت رقمي
قراها رد
جبتو بطريقتي
صفنت على كلامه كتب
شلون ولدي
ردت احضره لجن كلت لاااا هو من حگه يسأل عليهم كتبت
بخير
وانتي
تريد تسأل عن ولدك اسأل ماخصك بيه بشي
ماكتب شي تأخر وبعدين كتب
اسف هيله هالجلمه ماراح ادگول الي احس به ولا راح تخليني احس انا وفيت
حگها تجاهج
كلت بگلبي شيفيد اسفك الشي من ينكسر عمره مايرجع مثل الاول وحتى
لو يرجع مو هو نفسه
مشوه ويختلف عن صورته الاصليه
يبنت العرب اعرف بروحي وش سويت واعرف انا دست بيج جثير واذيتج
وعلت عليج عيله گشره
گلت هم راح نعيد بالماضي وهو مابه فايده كتبت
يازين هذا الكلام كلو ماعاد به فايده اذا تريد تراسل تسأل عن ولدك هلا بيك لجن مااريد تفتح لي
مواضيع انا نهيتها من يمي وتعرف شنو جان ردي عليها
ماكتب اي شي وتأخر تمددت وخليتو جوه راسي سمعت وره لحظه رساله
اخذتو وفتحت الرساله منه قريت
جاي بعد جم يوم حضري لي المستمسكات مالتج والبيان مال يمان حتى اسوي له هويه
تمام
رديت مختصر ماكتب شي بعد رجعت تمددت ادحك لولدي وعيوني مغورگه اعتب على ابوهم للمره الالف والوم بيه لأن صدك حمد وجذبني وخسر حبي له
عمري ماحبيت ولا راح احب غير الزين گلبي وروحي وجسدي سلمتهن الو وانا عاشگته عشگاً جبير
والسواه بيه ترك اثر دمرني وحطمني جثير
روحي انسحگت من جوة هي وگلبي
داسني جثير وخلاني ازعل علي زعل جبير
ماكرهتو لان عمر اليحب مايكره لجن انا بعد مااكدر اتقبلو زلمه لي ولا اكدر
اسامحه على السواه بي
اعرف هو ضحيه لحمد حاله حالي واعرف هو انضحك علي مثلي لجن جان المفروض يسمعني يصدكني اليه انا حرمتو مو ينتقم مني ويهتك ستري جدام ربعه
اختنگت وگعدت سندت روحي على الحايط صافنه لولدي ودمعتي تحدر بهدوء
عكس نار گلبي المشتعله
جن اسمع صوت زين بأذني موو كلام ومكتوب برساله
رددت بغصه
انت السبب بالصار بينا انت يازين والله ماهمني احد بكثر ماا انت ردتك تصدك بي وتعرف انا مستحيل
اخونك
طول هل السنتين ونص عتبت علي جثير هو وشهم ابن عمي لان هو هم ماجاز مني وسببلي الاذيه واله هم وويا بيت عمي
صح انگطعت الصله بينا بس جنت اسمع اخبارو من امي توصلها من عمتي
عرفت بي صار عنده بنت اللخ وشكر تزوج وحده كرديه ومرتو حامل عرفو بالصار وهو تبره من جتله
عمي
گالو راح نعگب لديرتنا ولگاعنا لجن مااعرف
بعد عگبو لو لااا
الصبح جانت جمعه طلعت الصبح من وكت تاجيب ريوگ شعلان معي لان گعد وياي وراد يجي وياي گايدته ويهز بأيدي وايده اشتريت صمون وريوگ واله حلويات هو ويمان وخواتي عگبنا شايل علاگتو
وصلنا لدارنا ادحگ له مبتسمه لان يغني وي روحو صاح فجأه
بابا
درت وجهي شفت زين واگف يم سيارتو ويدحگ لنا فلت من ايدي وراح يركض اله
وصل وشالو لفوگ مبتسم ويحب بي ظليت واكفه بمچاني گرب شايله درت وجهي منو گال
الله يساعدج ام شعلان
هلااا
رديت مختصر
بابا جبت السياره
اي جبتلك انت ويمان ووياها اشكال والوان
ابني نزل بسرعه من حظنه وراح يركض للسياره العلاكه مال الحلويات بالگاع لان زتها من شاف ابوه مديت ايدي تاخذها
زين شالها ومد ايدو بها
اخذتها منو وسريت لولدي حارس نزل له سياره جبيره يكمز فرحان جابني من ايدي يصيح
شووفي ماما شوفي
هزيت راسي مبتسمه لفرحته الحارس نزل وحده اصغر گال
هاي ليمان
مارديت له شعلان دگ الباب بقوه يصيح بفرح
يويو تعال شوف شجاب
بابا النا
الباب انفتح ساريه طلعت شافت الزين عگدت الحواجب ودحگت له بضوجه
عيوني صارت علي وجهها انطعن وگال
شلونج ياساريه
بخير
ردت بنتره وعگبت لجوه امي طلعت شايله يمان شافتو ماتكلمت شي
گال
شلونج عمه
هلا شيخ
ردت برسميه وهالشي هم ترك اثر بوجهو گال بصوت مخنوگ
اريد يمان
انطتو الو يفرك بعيونو لان جان گاعد من النوم ادحك له دار روحو من عدنا وراح به مسافه شعلان لحگو
واكفه ادحك لهم گعد على عتبه بيت ابو حسين يمان بحظنو وشعلان هم صعد
وگعد يم اخوه
روحي اختنگت من منظرهم وعيوني غورگت
امي گالت بغصه
المن الوم ياربي اله لان ماصدك بنتي وجذبها
لو الوم ذاك السكن الگبور وجان سبب هالفراگ
ورة مشوار
زين گام واجه علينا يمان بحظنه وشعلان گايده گرب وگال بدون مايدحك لي
اريد الي كتلج علي تاسوي هويه يمان
اي
دشيت ذييت المسواگ
ورحت جبتهن اله عگبت انطيتها اله اخذهن من ايدي ايدو محروكه واثرها
غميج
گال
بعد جم يوم اجيبها لج
تمام
محتاجه شي للولد
لااا
نزل ليم شعلان ويمان گال
راح اروح بس قبل لا التحق واروح للموصل راح اجيكم واشوفكم
امي دحگت لي بخوف من سمعت كلامو
شعلان گال وهو يبجي
بابا لاتروح ابقى يمنا انا ويويو
سكت ابني گضب ايدي وجرني ليمو وگال
ماما گولي له خلي يظل يمنا
مارديت راح حضن زين يبجي ويشهگ يمان برطم واجه عليه شلتو گام يبجي
امي ماتحملت بجت وياهم وگامت تتحسب
گال
ااستغفر الله ياربي
دحگ لي يبعد ابوك
وخر شعلان منو يمسح بدمعو كمل
انا اريدك تصير زلمه شوف هاي ماما
اشر لي عيوني بعيونه صارت سكت وصفن عليه نزل راسه ذب حسره
سمعتها كمل
اريدك ادير بالك عليها هي واخوك الزغير شوفو گام يبجي اريدك تسكتو خطيه انت مو ماتقبل يبجي اخوك
هز راسو بأي كمل ويا بهداوه
يله عجل روح علي اخذه وروحو العبو بالسيارات
بابا تجي موو
اي والله اجيكم بعد خمس ايام
اشر بأيده مبتسم لشعلان حظنو من رگبتو
زين لمه لحظنه وجهو مطعون وغادي دم
وخر وگلو
يله سبع روح اخذ اخوك والعبو
اي
رد علي عگب ليمي يدحك له گام لحيله وگال وهو يدحك لغير جهه
اذا احتاجيتي شي الهم دزي برساله
مارديت تحرك وسرى من يمنا شعلان وگف بالباب يدحك له يمان مد راسو هم
يدحك علي يأشر علي ويگول بابا
شعلان ماقبل يدش الا زين حرك وراح دحك لي وگال وهو يبجي
راح بابا
يمان هم رجع يبجي وي اخوه حظنتهم اثنينهم
دموعي نزلت من وره قهرهم امي گالت
جهالج راح يكسرون ظهرج يولي
خلي ينكسر خليني اشبع قهر خليني اموت يمه بس مااعگب اله
گومي يمه وكافي بجي هساع المن اسكت انتي لو هم
شلت شعلان وامي يمان دشينا للهول خواتي يمنا مقهورات عليه وعلى ولدي
گعدت شعلان بحظني يبجي
ويريد ابوه يمان نزل من حظن امي اجه عليه يبجي ويدحك اليه ولأخوه
🌿🌿🌿🌿🌿🌿
مالك
جان لازم اضع حد لهاي الادبسسز واعرفها اني منو وشأكدر اسوي رحت للمركز الي يدوام بي الشفيه زلمتها سألت علي
دلوني على مكتبه شرطي علي طلع گلي
تفضل
طبيت واگف ماسلمت عيوني بعيونه گال بنتره
ايهم
تفاجأت من گلي منتسب اكو واحد يريدك بره واسمه مالك احمد عرفته رجل ليان گتله خلي يجي اجه عاگد الحواجب ويباوع عليه
بضوجه گلت
تفضل رايد شي
اي والله ورايد منك شي جبير بلكي تگدر تسوي وتخلصنا من شره
عگدت حواجبي وصفنت علي
مالك
كملت بنغزه
العندك اگضبها شويه ولا تخليها تجي بعد لبيت عمي لان مرة اللخ اذا اجت وتكلمت على تاج راسها حرمتي راح اني اتصرف وياها واشوفها الزلم الحگ شتكدر تسوي
منوو قصدك لارا
اي ليش اكو غيرها
هاا صدك انت تزوجت
حرمه اللخ بس لا مو هي ذيج الاولى ام البلاوي
والفضايح
شجاابها الكم
هاا يعني شنو ماتدري بيها جايه عليهم ووسيم راد يذبحها ولوما اگضبو جان انت هساع ناصب الها جادر عزة
رديت باستهزاء صفن عليه ووجهه صار دم كملت
اسمعني زين حرمتك اذا وصلت بعد لبيتهم وشفت خيالها اكسر رجليها اعدمها العافيه اسويها وخل يگولون مالك مد ايدو على حرمه غيرو
انت شنو يابه جاي تهدد مرتي وتهددني هنا بالمركز وبنص الشرطه
ااااي
صحت بي خزرني وخزرته كملت بغضب
شتريد ادگول گووول انا موو خايف لا منك ولا من اي احد واني مالك احمد
وهينه جدامك وجدام
الشرطه الي متحزم بيهم اگلك صير رجال واگضب حرمتك
ووولك اني رجال غصب ماعليك
صرخ بي منتسبين اثنين طبو دحگو اله گال
خير سيدي صاير شي
ااطلعو لااا حد يجي
دحگو لي وبعدين اله گال
روحو ماكو شي
طلعو من يمنا گلت
خلص الكلام وياك الي ردت اگولو لك گلتو وياريت تسويها عاد وتكسر رجلها
من يم اهلها لان وصلت
لهينه من وراكم
اشرت لخشمي لم قبضه ايدو ويخزر بيه
طلعت صاير نار من وراه عار مايعرف حرمتو وين تروح ووين تجي
عايفها ولا عبالك هي تعود اله وبأسمه
رجعت لبيتنا وصلت وطبيت لجوه وكت غده ليان بالمطبخ ويمها توته
وكيان يلعب
هلو حب
گلت الها اجت ليمي بستها من خدها ردت بخنكه
هلا مالك
صفنت عليها مشت من يمي وراحت خلت الزلاطه على الميز اندارت شافتني
صافن عليها فركت رگبتي
وابتسمت رحت الها گلت
🌿🌿🌿🌿🌿
ليان
شبعت قهر من جية لارا ومن كلامها عليه گدام
مالك اعرفه ماصدكها واعرفه مستحيل يشك بيه بس هيج شي يصير كدامه صعب كلش وخلاني اخجل
منه كلش
ظليت كم يوم مقهوره ودمعتي بعيوني احاول ماابجي بس دموعي تنزل غصب عني هجمت بيتي مره واگول الحمدلله لان الله عوضني بمالك الي ماكو اي مقارنه بينه وبين ايهم
واجت هسه وهم تريد تهجمه وتهمتني حتى تخلي مالك يشك بيه وتصير مشكله بينا
واكفه قريبه منه ويحجي كلام حلو يحاول بي يهون عليه الصار والسمعته منها
گال من قرب مني
ضايج
ليش احد مضوجك
اي روحي
تنهدت بصوت كمل
روحي شلون وياها ضايجه ومضوجتني وياها
اسفه بس ماجاي انسى كلامها عليه
واذا كتلج انسي لخاطري تنسين
سكتت عيوني بعيونه لزم خدي وكمل
تنسين موو لخاطري اعرفج تحبيني ومايهون عليج روحي تضوج
اي مايهون عليه تضوج
انتبهت توته كادت كيان وطلعت مبتسمه من يمنا مالك انتبه وگال مبتسم
بنت الخوش رجال صايره تعرف ابوها من يحتاج شويه خصوصيه وتحس على روحها وتنسحب من
تشوف الرومنسيه فول
ابتسمت وخرت منه لزمني وجرني لحظنه وگال
وين يابه مو فرغ الجو النا خلي شوي احلي قبل الغده
مالك اكعد
ماكو تفاهم باسني بلهفه وخر وره لحظه گال بضحك
ليونه الحلوه زعلانه ولازم اراضيها
رغم البيه ابتسمت اله هو بس الي يعرف شلون يطلعني من حال الحزن الي تصير بيه من ورة لارا وسوالفها
🌿🌿🌿🌿🌿
ايهم
رجعت لبيت اهلي صاير نار شلون هاي الدايحه طالعه من البيت بدون ماادگلي وخلت هذا يجي للمركز ويسمعني كلام مثل السم وفوگاها يهدد واني مااكدر ارده لان اعرف يحجي بزود اهله واعرف منو وراه
طبيت صحت
ووينج لج
امي اجت من الصاله گالت بخوف
شبيك يمه جاي عصبي وتصيح
ووين لاراا
مو هنا طلعت
وين ولت وشلون هااي تطلع بدون ماتاخذ اذني
يمه گتلها گولي لأيهم
وگالت خابرته واخذت الاذن منك
جذاابه لا خابرت ولا گالت هي تريد تطلع
ياا شلون لعد گالت اخذت منه الاذن
الي تساعدها بالولد هي وامي طلعت باوعت علينا وبعدين رجعت
گعدت اهز برجلي فركت وجهي بقوه سألت
شوكت ولت شوكت طلعت
ها من زمان هي هسه على جيه
يمه هااي صارلها شگد تطلع بدون اذني
سكتت كمت لحيلي صحت بخبال
ااحجي يمه صارلها شگد هي تطلع بكيفها ولا ادگول اخذ اذن رجال گواد عدها
والله يمه صارلها فتره هيج بس اسألها ادگول ماخذه اذنك واني هم مااعرف حسيتها تجذب وگلت ماأسألك خاف تصير
مشكله بينكم
لييش ماحجيتي يمه ليش ماگلتي اليه هاي كاعد تمشي على حل شعرها
يمه اهدأ هي وين تروح لو وي صديقاتها لو للسوگ
ووحدها يمه وحدها تروح وتجي شنو اني گواد عندي گرون مرتي تطلع واطب
بكيفها واني غافل
سكتت ماردت ابويه طب باوع اليه وگال
خير صوتك طالع واصل باب الشارع
امي ردت
من وره ست لارا اگول الها يمه سألتي ايهم على طلعاتج ادگولي اي وطلعت لا دگوله ولا ماخذه اذن
منه
ابويه باوع للساعه وگال
دنيا صارت ليل وين راحت هاي
بالگبور السود الي تاخذها وتاخذني وياها
رحت گعدت انتظرها تشرف وتجي... وره نص ساعه اجت
من شافتني ارتبكت وخافت گمت لحيلي گلت
وين جنتي خاتون
ها بالسوگ
وشعندج بالسوگ وحدج وشلون تطلعين بدون ماتاخذين الاذن مني
سكتت تقدمت عليها ابويه گام لحيله وگال
وين جنتي وشلون تطلعين بدون اذن ايهم
هو وينه حتى اخذ اذنه كله ملتهي ببيته ذاك وست
