رواية دخيله الشيخ زين العابدين الفصل التاسع والخمسون بقلم أوتار حزينه
ايهم
صفنت على جسمها كله اثار لبست التراك بسرعه وسدت السحاب مشيت
الها وصحت
هذااا شنو بجسمج ولج
حساسيه رحت للدكتوره وشوف هذا دوايه
اشرت لعلاكه دوه وراحت تسكت انس عكدت حواجبي امي شالت يوسف وطلعت
ظليت اباوع عليها تتجنب تخلي عيونها بعيوني،،،،
مشيت من يمها مضروب براسي الشفته مو حساسيه اني رجال واعرف هذه اثار نومه فراش شگيت بيها ولعب گلبي منها بس ماحجيت شي بلعت السالفه
ولزمت روحي گوة كلت اتاكد من الگاعد اشك بي
وبعدين اتصرف هاجر
حالي تبهذل من وره الصار وصارت شوفة صعب حسره عليه زين هدد بس
يشوفه يذبحه كعد بأربيل وظلينا نتصل واحد باللخ خابرني بليل فتحت كام شافني كال بحسره شلونج يولي مو زينه صعب وراح اموت من الفراگ
ذب حسره ورد اعگب وخلي شيريد يصير يصير لااا
رديت بفزع وكملت بخوف
ابدا لاتجي والله يذبحك زين ومايخليك طيب ولج انا بعد مااتحمل الفراگ جاااي اموت هاجر لا ليلي ليل ولا نهاري نهار وحگ الله گمت مااعرف شوكت اكعد ولا اعرف بروحي شوكت انام
بجيت بشهكه ورددت
صوجك صعب لو حاجي من الاول جان هذا مو حالنا
وووج خفت لايبليج حمد بله بنت العرب وصدگه اخوج وهو يموت بها ما تريديه يصدك بكلامو عليج
زدت بالبجي گال
اسكتي وصبريني يولي تره روحي جاي تطلع من الصار ومن زعل الزين ومن وره فراگج
شأسوي گولي اني هم مو زينه تعبانه واحس روحي راح اگع بأي لحظه حتى الزاد ماجاي اخليه
بحلكي
ذب حسره ورد بغصه
گاعد اشوفج صافيه النص
سكتت اگهد بالبجي گال
كافي يولي تره گلبي ما يتحمل هالدموع
مشتاگه الك صعب
اي احرگيني بعد خاف انا
مو معطب
شااسوي گولي اجيك واهد دار اهلي والله يذبحني معك الزين ومايرفله جفن
انتي حرمتي هاجر اذا اجيتي لي هو ماخصه لجن انا اريد اصلح كلشي واخليه يرضى عليه ويسامحني وما اريدج تسوين هيج حتى لاتصير
السالفه بعد اسوأ
سكتت امسح بدموعي كمل
گوي گلبج وادعي الزين يبرد من يمي وانا هم راح ارجع اتكلم مره اللخ مع عبدالعزيز بلكي يسمع مني ويحاول مع الزين
اي هو يعزو جثير ومايردو
خل اشوفو بلكي هالمره يقبل
خلي يتكلم معه بهالاسبوع لان راح يسري للموصل
ان شاء الله
ظليت انا ويا نتكلم مثل كل ليله والنوم مجافينا من وره الفراگ والقهر
ثاني يوم عبدالعزيز اجه وتكلم مع اخويه بسالفتنا
واكفه بره اسمع كلامهم
امي جالسه ادحك لي
ابو شعلان صعب طالب منك السموحه وگال غلطت وغلطي جبير بحگگ وحگ بنت العرب لجن يحلف ويگول خفت من
جاب سيره هاجر وگلو ابليك معها وسكت عن سالفتو الرديه من وره هالشي
اخويه ما رد
عبدالعزيز كمل
لاتنسى صعب بحسبة اخوك وسبحان الي مايغلط شنو ذنبو هو وهاجر حتى كل واحد يظل بمچان
ابو زين صعب لاتجيبلي سيرتو ابدا مات وي حمد ودفنتو انا بعد مايشرفني اصاحب هيج واحد سكت عن الحگ وهجم بيتي وي ذاك السكن الگبور
دمعتي حدرت وگضبت هدومي بقوه كمل
گلو خل يطلگها انا بعد ماعندي حرمه له ولا يشرفني هيج نسب
فتحت الباب ودشيت
گلت له
وانا مااريد اتطلگ ياخويه اموت ولاا اعوف صعب
زين گام لحيلو ورد بهدوء لجن الغضب تارس ملامحو
لاا راح تطلگين لان انا ما يشرفني اظل مناسب واحد مثلو عار وجبان وغدار
مااخصه صعب سكت لان خاف من حمد من الله لايرحمو لايبليني معه سكت لخاطري ياخويه
يازين الولد جان خايف على سمعه اختك وتصرف هالتصرف
امي تكلمت بتوسل
ردها بغضب
يمممه سكت عن الحگ لو حاجي جان عرفت اتصرف جان ماانهجم بيتي ولا ابويه
انجتل وسكن الگبور
جاان صدكتو ؟
انهديت بغضب گربت عليه يخزر بيه بغضب كملت وانا الوم به
انت مااصدكت هيله الي هي حرمتك وام ولدك تريد تصدك صعب
وجهه انطعن وصار دم
امي گضبتني وگالت
اسكتي يولي
عبد العزيز تكلم بهدوء
هاجر روحي وخليني انا اتفاهم معه
صحت بغضب
اانا شنو ذنبي بالصاررر شنو ذنبي يازين تحرمني من زلمتي فهمني ليش جااي
ادفع ثمن غلطك
ااانت لووو سامع هيله جاان هذا مو حالك
رفع ايده عليه لجن ما ضربني لم قبضه ايدو بقوه يخزر بي بوجه غده دم گال بصوت مكتوم
ووج ولي من جدامي تره راح اگبرج
امي جرتني منو
صحت
والله مااطلگ اذبحني زين طلاگ من صعب مااتطلگ
امي ردت
ووج كافي سدي حلگج واطلعي من جدامو
ماسكتت كملت بجنون
اانت السبب بالصار لو مصدك هيله جان مو هذا حالك ولا هذا حالي
جريت روحي من امي وصعدت لفوك اشهگ
وابجي
🌿🌿🌿🌿🌿🌿
زين العابدين
صفنت على الباب الطلعت منو اختي اسمعها تلوم بيه وماعندي رد اردها به
عبدالعزيز يمي يردد
استغفر الله ياربي هذي السالفه ماراح تفض على خير
يمه لاتزعل على اختك من قهر گلبها گالت لك هالكلام
كعدت مهدود حيلي رديت بصوت گوة طلع من القهر الي بگلبي
اختي ماتكلمت الا بالصدك كل الصار من ايدي انا لو سامعها جان هذا مو حالي
كعدت اگبالي تبجي تردد
شاسويلكم يمه بيتك انهجم وبيتها هم راح ينهجم عجزت اسوي لكم حل منا انت وقهرك ومنا هي ونوحها علي
سكتت
عبد العزيز گال
اسري معي لبره
گمت ويا وطلعت عم مهنا واكف بره هو والكبار جن جاينا ضيوف سريت لهم والتهيت وياهم عگبت بليل مااكلت شي رغم الحاح امي صعدت لفوك وكفت بالصاله من سمعت صوت بجي هاجر
ذبيت حسره سريت لها ووگفت يم الباب سمعتها ادگول
ماقبل صعب ماقبل اعگب الك راح اموت من قهري تعبت يارب منا انت ومنا هو مااگدر اكسر جلمتو وگلت له كلام قهرو جثير
عگبت ليوره ورحت لغرفتي كعدت هناك مقهور على حالي وحال اختي اريد اردها له لجن البيه والسواه هو وذاك ذبحني وخلاني اكره
شوفته
ردت واحد اتكلم معه اشكيلو همي يسمعني
ويفهمني ويگولي سوي هيج ينطيني حل للي انا بي
دحكت لجهازي هيله بين عيوني وماراحت ابد من بالي دگيت بحجه اتكلم
مع ولدي وانا اريد اسمع صوتها بلكي ارتاح ويهدأ البيه
🌿🌿🌿🌿🌿🌿
هيله
سمعت من امي ان زين طلگ مروة گالت لها عمه هنيه من خابرتها تسأل علينا جنت اعرف راح يسوي هيج گلت ماراح يظل معها عگب السواه حمد
الجمعه البنوات رادن يطلعن يشترن ملابس صيفيه لان اجانا الربيع والجو صار حار
جنت مسويه سلفه بالشغل واستلمتها گلت اخذهن اشتريلهن وولدي هم اخذلهم جم قطعه
طلعنا كلنا گايده شعلان ويمان شايلتو هاله الي جان متعلق بها جثير رحنا للسوق العربي اشترن هدوم واخذت لامي هم قطع قماش كشمير ولي هم حتى تخيطهن لنا وبهارات وشغلات للبيت شعلان راد ملاعيب واخذت
اله وليمان عگبنا محملين
وصلنا لشارعنا دنيا ليل گلت لامي والبنات
روحن قبلي راح اجيب فلافل من يم عم رسول
واعگب
اجي وياج هيله
ريمه تكلمت
لااا شيلي الغراض وي امي جثيرات والبنات وحدهن مايكدرن لها
تمام
سريت وياي شعلان يهز بأيدو وفرحان بلعبه بأيدو اشتريت لفات ووياهن
ببسي وعگبت
قبل لااوصل لدارنا شفت مروان واگف وي جم واحد من ربعه من شافوني ظلو
يدحكون لي
طول فتره گعدتنا بهالمنطقه هو جان يذب كلام لي انا وخواتي وجنا نلبسو حاسبي جلب وينبح
گربت منزله راسي گال
شنووو السالفه يابه المنطقه عبالك ترقت وصارت مال شيوخ
عكدت حواجبي وعرفتو يقصد الزين واهلو لان اجوي معگلين ولابسين الزي العربي
اليمه تغزل
فدوه اروح للشامه البايسه الشفه
دحكت له وخزرتو بغضب ضحكو دشيت للدار اغلي من الغضب گلت
عارات شااريد اسوي لكم غيره ماكو بالراس بايعيها بگلاص عرگ
ماما هذا تكلم عليج
شعلان سألني وهو صافن عليه
رديت
لاا ماما مو عليه يشاقون بينهم يله اامشي خل نشوف هدومك الحلوه انت ويمان
گدته واخذتو للهول هوسه والغراض مطشره وخواتي گاعدات يطلعن بيهن گلت
عوفن كلشي وخلي نتعشه لان انهفيت من الجوع
ااي واالله واكيد الفلافل حاره هسه ومو مال نعوفها لمشوار
ريمه ردت وراحت للمطبخ هاله لحگتها يمان اجه يزحف فوگ الغراض امي
شالتو حبتو وگالت
هاج اخذيه بدت الغيره
ههه اي شاف شعلان بحظني
نزل من حظني شال اخوه يگوله
يله يويو اصعد
خليتو بحظني فرحانه
بحنيته عليه
اجه كعد يمه يلعبون بسياره زغيره
تعشينا وراها غسلت لولدي بدلت الهم وگلت لامي
يمه ديربالج عليهم اروح اغسل
اي روحي كلنا يمهم لايظل بالج
طبيت غسلت وطلعت وره مشوار رحت للغرفه وخرت الخاولي ووكفت امشط
شعري صافنه لروحي بالمرايه مثل كل مره اوگف بها جدامها
اتذكر ذاك اليوم الي كشف ستري وبتر كصيبتي شعري طول بهالفتره وصار لنص ظهري
من وره القهر وحرگة الدم طگ الشيب بي وصارت لي خصله من يم الگذله جن
صابغتها گلت بخنكه
شسويت بيه يازين تركت اثر بيه ولجمتني لجمه كسرت ظهري بيها وخليتني اشيب وانا بعدني بالعشرين
مرت عليه ايام مثل الابر ظلت بس تنغز بروحي ووجعها يذكرني بالصار بيه
شكلي شابه لجن من جوه صرت عجوز تعبانه والايام حنت ظهرها وخطت ملامح جوه الروح بخطوط من نار
يمان دش يردد بسرعه
ماما ماما تالي
كادني يجر بيه طلعت ويا للهول شعلان گاعد يم امي ويحجي
اي بابا هيانو يويو شوفو
وي ماما
دار الجهاز عليه ارتبكت لان زين دحك لي وصفن شعلان دار الجهاز ورجع يتكلم معه يمان راح يمه يحجون ويا اثنينهم
وصارت هوسه
رحت لبست ازار الصلاه وكعدت يم امي تكلم معهم
ولكم واحد واحد ماجاي افهم عليكم
اخذت يمان خليتو بحظني مايقبل يصيح
بابه الو
اي هساع بس خل اخوك يتكلم معه بالاول
ابو الشوش هاي منين السياره
من ماما طلعنا اليوم واشترت النا جثير شغلات
ها بالعافيه
يمان راح وگف يم اخوه يدحك لزين يگوله
ااني ااني
اي وانت هم بالعافيه عليك
شعلان تكلم
بابا من جنت وي ماما واحد گال الشامه بايسه الشفه وهي عدها شامه يعني تكلم عليها موو
بهتت من گال هالكلام
امي صاحت
عزه وج هذا شگاعد يتكلم
شعلاااان
صحت بي خاف عضيت شفتي
گال
ماتكلمت شي
هيله منوو هذا
امي اخذت الجهاز من سمعتو تكلم بغضب ردت وهي مرتبكه وادحك لي
ماكو شي
عمه من هذا الي تغزل بهيله
تكلم جن جاز على سنونه من غضبه ماكدرت ترد علي اخذت الجهاز سديت الكامره وجاوبت
ماكو شي
تجذبين يبنت المله
غصه صارت بگلبي وعيوني غوركت مارديت
كمل بعصبيه
منو هذا مشعول الصفحه الي تغزل بيج
محد تغزل بي شعلان سمع غلط
رديت مختصر سكت وانا هم
گال وره لحظه
هويه يمان خلصت باجر جاي لبغداد وجايبها وياي
وهم تسوگت الهم مسواگ مال شهر لان راح اروح للموصل ومااعرف شوكت اعگب
تمام
اروح ام شعلان
ماتكلمت بشي سد الخط
امي سألت
وج منو گايل الج الكلام
الي گالو شعلان
دحكت لولدي لحگو هاله للغرفه رديت
ماتعرفي يمه مروان وربعه العرگجيه
ابدا مايجوز من سوالفو الرديه ولا عبالك جار وصارلنا سنتين وشويه يمهم
يمه هذا مايعرف بالاصول واحد عار وماكو غيره براسو على عرضو تريديه يشيل
على الغريبه
ريمه ردت
انا ساكته وجلمه تجذبين
يبنت المله رجعتني لذيج الايام الحلوه الجانت تجمعنا سوه
اي والله يايمه اسمع امه ترزل بي وتتعارك هي ومرتو من وره ذوله الي يجيبهم تالي الليل
اي اسمع الهواش مالهم وصياح مي خطيه جم مره يكتلها باليوم مدري هاي
عش ماتهج وتروح لاهلها
هم اهلها لو بيهم خير جان ماانطوها لهالعرگجي
اي والله شالو خطيتها المسكينه والنوب هم حامل بالثاني بس لاا يگع من وره جتلو لها
والله يايمه قادر يظل على الجتل الي گاعد تاكلو منو يوميا
اسمع حوار امي وريمه وادحك لابني
يمان عگب شايل هدومه الجديده صفنت علي واجه بالي شلون زين جتلني وانا حامل به وربي لطف به وما راح من ايدي
ذبيت حسره
ساريه اجت وراه لابسه تراك زي هندي سألت
حلو مو
اي كلش حلو وريهام ما لبست مالتها
هساع تجي گاعد تسوي عرض ازياء جدام المرايه
ردت بضوجه ابتسمت ودحكت لأمي الي گالت مبتسمه
الغيره يمه الغيره
ااي
رديت امي كملت
يمه شعلان تره فطن وذكي صلاوات على محمد صفني من گال لابو على سالفه
الردي مروان
هزيت راسي بأي لان ابني ذكي وفطن ولسان من نتكلم يصفن علينا ويلگط الكلام وخص من نجيب طاري ابوه يسأل
تحجون على بابا
وندير السالفه حتى ماينقهر او يضوج من عدنا لان شفتو كلش متعلق بزين
ماردت ولدي يتأثرون بيه انا وياه وگلت لأمي والبنوات بعد لاتحجن عن زين اي
جلمه لان مااريد يسمع
الصار بيه وبيهن ويكرهه
يظل ابوه ومااريد اكسر هذي الصله بينهم لان اولا حرام وثانيا هم بحاجته لان
اني شما اسوي الهم يظلون بحاجه ابوهم ويحتاجون وجوده بحياتهم
ماما
انتبهت شعلان واگف يمي ويفرك بعيونه ويثاوب گال
انام انا ويويو
اي يله امشي
اخذتهم للغرفه فرشت تمدد ويمه يمان نامو
بسرعه من التعب ظليت كاعده اتكلم مع حنان جنت اخر اسم استلم السلفه
وتسأل نعيدها گلت اي
انا اتكلم معها زين راسلني
اريد اتكلم معج وياريت تسمعيني
مارديت كتب
تعبان هيله ومقهور جثير من الصار گولي لي شأسوي لج حتى تنسين السويتو
گولي يبنت العرب وش اسوي بحالي حتى تكدرين تنسين انا وش سويت لج
غمضت عيوني وذبيت حسره ماكتبت شي
دز
اعرف بحالي وش سويت والسويتو جبل ثگيل صار على صدري وياريت وااخ ياريت يرجع بيه الوكت حتى اصدك بيج واجذب ذاك
الردي
كمل وانا اقره
أول مره احس ما بأيدي حيله ولا عندي حد اشتكيله الدنيا ظلمتني جثير ياهيله وخلتني اظلمج اكثر
دمعتي حدرت ما جنت اظن ايدو الحنونه هي نفسها راح تذبحني ولا ظنيت بيوم شعري الي جان يحبو وهايم به يبتره جدام الزلم ويكشف ستري جدامهم
رجع كتب
ااسف عدد حبات المطر
عدد ماكال البشر من كلام
اسف جلمه بثلاث حروف لجن كل حرف بها الف الف اعتذار
ماكدرت ارد علي بجيت بخنگه اشهگ واردد
شييفيد اعتذراك يازين
راح يطيب جرح واحد اثنين جثيرات هنه شأريد اطيب
ياربي وشلون اكدر انسى
شلون يازين وانت ضيعتني من ايدك وخليتني احس انا جنت مااعرفك جن جنت
عايشه مع واحد غريب
جهازي دگ جان هو
ما فتحت الخط دگ مره ثانيه مارديت لان كل كلامه
ورجعته هو لحياتي ألم بألم
للصبح ماكدرت انام ولا رحت للشغل راسي جان يوجعني كلش وحسيت ضغطي صاعد ريمه راحت مع حازم من اجه علينا ظليت يم امي گاعده معها على الريوگ ادحك لي بقلق
ضغطج صاعد وراسج يوجعج موو
لاا مابيه شي
عجل عش مارحتي للشغل
مالي واهس يمه شويه ضايج خلگي
سكتت شعلان گام اجه گضب راسي گال
هنا يوجعج
ابتسمت الو اخذتو لحظني وگلت
لااا مايوجعني
يمان گام هو واللفه مالته اجه وگعد بحظني يتكلم معي
اوه مامه
لا بعد ماما مابيه شي
يمه شوفيهم حنينين ويخافون عليج
امي گالت هالكلام
هزيت راسي حاظنه ولدي لصدري واحب بيهم
العصر اجت ريمه وگالت شيخ معتز اجه وسأل عليج عگدت حواجبي وگلت عش يسأل عليه
كملت
راح يجدد كلشي بالمعمل ومايخلي شي قديم وگال اگعدو شهر بين مااكملو
ورواتبكم ماشيه
اي الحمدلله حتى ترتاحن من التعب ومن الروحه والجيه
امي ردت
ريمه مددت رجلها تفرك بيهن
ااي والله يايمه خل نرتاح لان لا ظل ظهر ولا رجل تعبنا من الوكفه ومن
صوت الاجهزه
الباب اندگ شعلان فز من يم الكارتون وگال
بابا اجه
راح يركض اله يمان وراه امي گامت لبست حجابها وطلعت وراهم غمضت عيوني بتعب گمت لبست
الازار سريت وراهم
🌿🌿🌿🌿🌿🌿
زين العابدين
سرينا وره الظهر لبغداد اشوف ولدي وهيله واكمل جم شغله وي ناس كبار بالخضراء گاعد وصافن للشارع وافكر بكلام شعلان سمعتو وش گال واحد تغزل بهيله
سألت ماقبلت تتكلم ولا وضحت شي تجاهلت اصراري وتجاهلت كلامي معها بالواتس اب
ذبيت حسره ورثت جگاره اخذت نفس طويل وزتيتو ضايج ومخنوگ كلش ما اعرف شأسوي حتى ترضى وتعگب لحظني هي وولدي اعرف بالرضى ماراح تجي
ولا اگدر اغصبها على هذا الشي
جهازي دگ جان فزاع فتحت الخط
هلا فزاع
هلا شيخ شلونك عساك بخير
بخير مادامك بخير
الحمدلله جاايين مو
اي جايين
هلا بيكم توصلون بالسلامه
الله يسلمك
اخذت نفس وسألت
فزاع اسألك
گول ياشيخ
المنطقه الكاعدين بها بيت عم حميد شلونها
ناسها طيبه ياشيخ لجن بيها واحد نجس ومو خوش زلمه
عگدت حواجبي من رد هالرد سألت
شبي هذا وشنو اسمو
اسمو مروان سمعت عنو يشرب وواكف للرايحه
والجايه ويذبلهن كلام
گريب من بيتهم
اي بعد بيتين لجن عش تسأل ياشيخ
عرفت هو هذا الي تغزل بهيله رديت
ماكو شي لجن خل عيونك مفتحه عليه وعلى اهلي هناك
تأمر شيخ
مايأمر عليك ظالم ياخويه اجرت دار شقه بالمچان
اي اجرنا شقه گريبه منهم ورتبنا امورنا
اي عفيه بيك
جهازي دك جماعه من الخضراء گلت له
هساع من اوصل اخابرك
لازم اسد الخط گاعد يتصلون عليه
الله وياك
سد الخط تكلمت وي الجماعه افتهمت راح
يعجلون بمعركه الموصل كملت كلام معهم وسديت الخط
ساري سأل
ها ياشيخ جن حمت الشغله
خلها تحمى الارض مااتتحرر اذا مايحمى الدم والغيره ادگ بالراس
صح كلامك يبو زين
صح بدنك ياخويه
التهيت اتصل هينه وهينه اهير بالولد وارتب امورهم وصلنا العصر وانا مشغول
بالاتصالات
وصلت يم دار هيله نزلت ادحگ للشارع بتركيز وانا عاگد الحواجب ساري والويا نزلو الغراض
رحت دگيت الباب سمعت وره لحظه شعلان يصرخ بفرح
اااجه بابا
ابتسمت الباب انفتح طلعت لي ام هيله وهو جط عليه اخذتو لحظني
يحب بيه
هلا يابه هلا بالغالي ابو الشوش
ااجيت بابا
ااي اجيت
رديت ودحكت لام هيله سلمت
گوه الله عزمج ياعمه
هلا ابو شعلان
نزلت شلت يمان وي شعلان يدحك لي
مبتسم گلت
شلونك شيخ يويو
ضحك وحظن راسي حبني وگال
اواه ماما
سكتت من شفت هيله اجت ماادحك لي انتبهت
وجهها اصفر ومبين عليها التعب گلت
الله يساعدج ام شعلان
هلا
مثل كل مره ردها بارد ومختصر شعلان نزل وجرني من ايدي وگال
بابا دش جوه
لا اروح عندي شغل
دحك لي بزعل وسكت نزلت ليمه بحظني يمان گلت
لاتزعل اسمع باجر اجي اخذك انت ويمان لمدينه الالعاب شدگول
لاااااا
هيله ردت بفزع صفنت عليها كملت بخوف
ماتاخذهم يازين ااا
قاطعتها بهدوء
لاااتخافين ماراح اخطفهم منج انطيناج عهد ووعد وحنا عند كلامنا يبنت العرب
سكتت ادحك لي ولولدنا شعلان يفر براسه علينا گرب مني وگال
اروح مو
اي يابه نروح انا وياك ويمان نتغده هناك وتلعبون براحتكم وبعدين نعگب
لماما
ماما تعالي ويانا
لااا
ردت وكملت
روح وي بابا بس صير عاقل واسمع الكلام
يويو
اي وياك اخوك
ردت وسرت من يمنا بسرعه ظليت ادحك لها
امها سألت
شلون الحجيه صارت
بخير واحسن من الاول
الحمدلله يارب ترجعلكم مثل الاول ويشفيها من هالمرض
امين ياعمه
رديت وطلعت الهويه من جيبي وورق گلت
اريد هيله توقع ذني
ها اي تفضل جوه
دشيت شايل يمان وگايد شعلان گعدت بالديوانيه
امها راحت لجوه وعگبت هي معها گعدت گبالي منزله راسها
گلت
هاي هويه يمان وهذني اوراق وقعي لي عليهن
شنو ذني
سألت صفنت عليها باجيه وعيونها حمر رديت گوة
المزرعه حولتها بأسمج وقعي حتى تصير لج
عگدت حواجبها من سمعت هالكلام ردت بضوجه
وعش تحول المزرعه بأسمي انا مارايده شي منك ولا راح اريد بيوم
اعرف نفسج ماتتقبل اي شي مني لجن انا ساري للموت ياهيله واريد آمن
على ولدي خاف يصير بي شي
امها كسرت برودها معي وگالت بخوف
اسم الله عليك يمه تروح وتجي بالسلامه
الله يسلمج ياعمه لجن هذي دنيا والواحد منا مايعرف شوكت يموت او بأي ارض الله ياخذ الامانه
وانا اريد آمن على ولدي ومااخليهم يحتاجون لأحد
هيله ماردت دايره وجهها مني وغدت نوميه كملت
ام شعلان انا سجلت المزرعه بأسمج وكل الي املكو من عقارات واموال لولدي وصيت عم مهنا وعبدالعزيز بهالشي اذا صار شي عليه هم راح يكفولج ومايقصرون معج بشي الي اريدو هو توقعين حتى
اطمئن واسري مرتاح
صارت لحظه صمت
امها كسرتو وگالت
وقعي يمه
صفنت لها وبعدين عليه شفت عيونها مغورگه جن حابسه الدمعه گوه
امها گربت الاوراق يمها
دحكت لهن ترددت وبعدين وقعت گمت لحيلي وگلت
يالله
وين بابا
اروح يابعد ابوك عندي شغل
تعال باجر تاخذنا انا ويويو للملاعيب
ابشر اجيك وامرك على هالخشم
حبيتو هو ويمان
هيله ادحك لهم نزلت راسها وسرت من يمنا بسرعه
امها ذبت حسره وانا معها طلعت فلوس گربت ليمها گلت بتردد
هاي خليها جوه ايدج خاف ولدي يحتاجون شي
خلهن ابو شعلان والله هيله مو مخليتهم يحتاجون شي
ياعمه اعرف لجن انا اريد اصرف على ولدي حتى ما احس انا مقصر معهم بشي
سكتت اخذتهن مني كملت
اروح وادعيلنا ياعمه بالنصر
گامت تبجي رفعت ايدها ودعت
الله يحفظكم من كل شر وينصركم على كل واحد ظالم
امين يارب
🌿🌿🌿🌿🌿🌿
مالك
بالشركه اشتغل وسيم
يمي سأل
ابو كيان شدگول اليوم ناخذ الاهل ونتعشه بره
اي شكو بيها والله ضوجه خل نطلع شويه ونغير جو
اخابرهم اني لو انت
لا خابر انت خل افض هاي السالفه الي بأيدي
هذا بيت المدرس غير فگر الشغل كم مرة وگف بي
ههه اي خطيه يگول راح ابخره عيون صابتني بالعين
ههه الظاهر هيج
رد وحجه
هلا حب
ابتسمت من تغزل بااختي كمل
ااسمعي شبيج نزلتي عليه ذيج النزله وج والله ماادري من دگيتي ااي وبعدين
انشغلت بشغل يااا تشكين بيه نوار
ضحكت وگلت
ووج ياخايبه صارلو ساعه يحجي وي وحده وانا عبالي انتي
وووسيم
صوت اختي وصل ليمي
خربت ضحك وگلت
العب من صدك اليوم عشاك راح يصير وي
الجلاب
خرب هاي شسويت ولك صدكت
موو عيب عليك تخون اااختي احجي گول ويامن جنت تحجي مع الاسف
عليك وسيم خيبت ظني
احجي وهو يأشر اسكت ويسد بالسماعه راح بعيد ويتحلف بيه
ههههه راح تنسحل اليوم وتنطرد يله بيتي بصفكم تعال بات يمنا
خلفه عليك صدكت
هههه
خربت ضحك جهازي دگ عفتو يحجي وي اختي ويحلف اني ناصب عليه جانت ليان رديت
الوو
هلا حب
ياهلا بهالصوت الناعم هلا بملكةگلبي ام كفشه حمرة
هههه ها مالك بدينا بالتنمر
ههه اي استلمت وسيم وهساع انتي
شسويت لأخويه احجي وكح
هههه حرگت فلمه يم نوار گلت جان يحجي وي وحده غيرج
ياا ليش هيج مالك يمعود هاي تصدك وتغار كلش على وسيم
ههه اي ولج علگت شوفي يفتر رايح جاي ويريدها بس تصدك اني جنت اشاقه وياها
خربت بيت اختك تره
هههه عبالك موو
روح گول الها جنت تشاقه
ههه لااا عوفج منهم خل شويه اضحك عليهم
مالك انت باد بوي
هههههه
خربت ضحك الا رديت ليوره هي ضحكت وكملت
افتهمت موو
عجل يابه مو خوش ولد موو
اي صاير وكح ومو خوش ولد
تره اني وكح من زمان بس والله خوش ولد
ااي واضح من عملتك هااي
اكلج عوفج منهم وخلينا بروحنا راح نطلع اليوم كلنا وي الاهل نتعشه بره شدگولين
ااي والله علواه لان كلش ضايجه واريد اغير جو
ابشري اطلعج اليوم نتعشه وافرج من هاي الفره الي يطيب لها خاطرج
فدوه لگلبك اموت عليك
ههه خلي اتلاحك لاخوج راح ينطرد اليوم ويخرب علينا الطلعه
ههه روح باد بوي صلح الموقف اخويه مسكين وگع بأيد واحد ملعب ووابو
دروب
هاي اني
يس انت سيد مالك
ههه بسيطه يولي اجي واشوفج ابو دروب شراح يسوي بيج
اعقل يول
سكتت مبتسم لان حجت بلهجتي گلت
ماظل عقل من بعد ما حبيتج ليونه
تنهدت وردت
ياكثر حبي الك مالك
مااااالك
فزيت من وسيم صاح رديت
ووجع شبيك ولك تصيح
صلح الموقف ااختك صدگت بكلامك
سمعت ليان خربت ضحك گلت
خرب بيك طيرت ام الشعور والشاعريه
ااي انت نايم بالعسل واني بالبصل ااحجي وياها احلف يمين يكسر الظهر وماجاي
اتصدك
ههه ليونه روحي خلي اتلاحگ الهم علگت
ههه روح وكح
حجيت وي اختي وحلفت يمين كاعد اشاقه وياها وسيم يفتر يمي ويدحك
بضوجه كملت اخذ الجهاز وراح لغير مكتب يحجي
وياها
🌿🌿🌿🌿🌿🌿
هيله
زين اجه ثاني يوم واخذ الولد لمدينه الالعاب شافني متوتره وخايفه لا ياخذهم
وهم كرر الحلف والعهد گلبي كلي هو صادك وما
راح ياخذهم مني للعصر ظليت خايفه وانتظر بس
يجون اجوي وره ساعه ماشفته اله لان انطاهم
لأمي وراح
عرفت بي التحق من خابر امي وگال الها هو بالموصل خاف نحتاج شي تخابر فزاع
وانطاها رقمو
🌿🌿🌿🌿🌿
فزاع
ظليت ببغداد گريب من دار عم حميد اروح واجي بالمنطقه وعيني عليهم
خاف يصير شي انا موجود لمحت ام شعلان تطلع
تسوگ هي وريمه مره ومره مع امها گلبي بكل
مره من يشوف ريمه يگوم يدگ بجنون
لجن ماجان عندي امل هي تحبني مثل ماانا احبها اعرفها تكرهني وتموت مني
والكره اعرفو زاد من
عفناهن وحدهن بهالديره وما سألنا عليهن
زين التهى بمعركه الموصل ووصاني عليهن جثير ظل يخابرني ويسأل واطمنه
عگب وره عشرين يوم خابرني ساعه عشره يسأل عليهم طلعت لبره اتكلم معه وعيوني على شارعهم ناس تروح وتجي رديت
ماكو شي شيخ لايظل بالك
انا جاي بالطريق ووصلت
هلا بيك توصل بالسلامه
من بعيد بابهم انفتح طلعت ريمه تذب الوصخ بالحاويه ظلت تلم من الارض وتزت
بها شفت هذا الردي طلع من داره وويا اثنين دحكو لها هي مو منتبهه
عكدت حواجبي من شفت واحد گرب وكف گريب منها كلش سريت بسرعه زين يتكلم ماارد علي
ريمه
طلعت الوصخ حتى اذبو بالحاويه شفت جم كيس مال جبس ونساتل گمت الم بهن وازت بالحاويه
ما منتبهه لأن جنت افكر بهيله لان من عرف الزين بوضعها وهي مو زينه اعرف
اختي تضم بگلبها وماتحجي البيها لأحد وهذا الكتم راح
يأذيها ويخليها تگع وهي ماتدري بروحها
يااحلوه
فزيت من سمعت صوت واحد ورايه دحكت له رفيج مروان الردي گرب مني كلش وگال
اهلج مااينطوج لي
وولي مناااا
هاا
ووولك
فزيت مره اللخ من سمعت صوت اعرفو دحكت للشارع تفاحأت من شفت فزاع جااي يركض علينا وصل ينهد من غضبه خزر الولد
وصاح بي
عش تتكلم معها وشعندك جااي ليمها
وانت شيخصك عيني ابوها اخوها
تخصننني وااامشي ولي من هينه
مروان اجه مبتسم ابتسامه شر وگال
ولك هذا العربي ابن الشيوخ
العربي تاااج راسك انت ويا يالردي ياعار الزلم
فزااع
تكلمت بخوف انهد بي بخزره تخوف
دشي جوووة
بلحظه الويا مروان عتو من هدمو وضربو بوكس تخبل وهد علي گمت اصرخ لان التمو عليه
هيله طلعت هي وامي شافت الوضع صرخت واجت جرت مروان من فزاع لان جان مجتفو
امي تصرخ وحنا معها شباب اجوي يريدون
يفكوهم لجن سحبو عليهم سجاجين
عيوني على فزاع يجاتل بيهم
مروان هد علي
ضربو برجليه بسجين صرخ ووگع بالارض رحت له اصرخ احميه بروحي
هيله من شافتو تخبلت جرت الحاويه وضربتو بها هد عليها لان اجت بي رخت
هيله
جنت جوه انظف بالمطبخ ريمه طلعت تذب الوصخ وره دقائق سمعت هوسه
وعياطها جريت شال من الميز وطلعت اركض امي ورايه
انهذلت من شفت فزاع ومروان وجم واحد معه متعاركين وواحد يجتل باللخ التمو علي صح هو شجاع لجن الكثره تغلب الشجاعه رحت له اصيح بهم يعوفو ماعافو
شباب التمو يمنا يريدون يفكوه ماكدرو سحبو عليهم سجاجين مروان ضربو برجليه صرخ ووكع بالارض تخبلت جريت الحاويه وهبدت مروان بها
هد عليه من تكوم الوصخ علي بلحظه صار رمي بالجو فزينا دحكت للشارع شفت زين جاي يركض وراه الحرس
وصل ومااشوفه غير يهبد مروان كلة خلتو يگع بالارض راح له داسو برجليه ووگعلو دگ بوكسات يصيح بجنون
گوواد ترس عليمن هاااد على حرمه
ااانا زلمه گوم اذااا بيك خير وجاتلني
الويا هدو علي لجن الحرس جتلوهم بجعب السلاح وجتفوهم وخلوهم بالارض
هو خنگه بالارض يتلوى جوه ايدو صرخ
اانت مروان مو ولك ااحجي تكلم
شاب رد له
اي هو هذا مروان
من عرفو مروان جن وگام يضرب بي ومحد يفكو منه
ااالمن تذب كلااام ولك تتغزل بحرمتي بالقران اليوم ااذبحك وازت لحمك للجلاب
ام مروان وگعت علي توسلت به وهي تبجي يعوفه رحت له گضبتو انا وامي
عوفه راح يموت جوه ايدك
وووخري
صرخ بي وخزرني بغضب
صحت
يازين برحمة عمي عوفو راح يموت جوة ايدك
ساري ووجم واحد ويا جرو منو صاح
ااخذوهم كلهم وزتوهم بالسجن انعل ابوهم لا ابو اليطلع وراهم
الحرس جتفو مروان واخذوهم كلهم من يمنا
ساري اخذ فزاع الكاعد ينزف من صواب رجليه هو واحد وطلعو بي للمستشفى
هوسه صارت يمنا وحالنا صار فد مره ولدي يتصارخون وخواتي يبجن
الزين اندار عليه دحك لي
بنظرات خلتني اهوجس بالشر..
