رواية الإرهابي وذات النقاب الفصل التاسع والخمسون بقلم ام غايب
-
وعاتبينه وعاتبينه
وتعبت الچلمات من اشفافنه بگد مابچينه..
وآخر حچايات گلناها وعلى الدچه انتچينه..
هم تفك ارياجها العين بوجهكُم؟
هم ترد الأيام وتردون لينه؟
وكَرفصينه إمن البَرد
يم عتبه الباب وغفينه.
فلك .... بيدج والله فنج مو أخو الحقير ويه حسين
ميمونه .... منو
فلك .... فوزي تعرفي اخو حذيفه وموجود جان جاي
من السفر ويمكن بعده ممسافر فدوه روحيله بلكت يعرف
حمصه كال يشتغل وياهم حذيفه
ميمونه .... صفنت عليهه حذيفه شجابه بالموظوع ...
وشعرفه بحسين دخت
حيل .... كتلهه فلك شكاعد تحجين
فلك .... ميمونه حذيفه اخوه فوزي صديق حسين شبيج
مو كلج حسين قبل لتشوفي
ميمونه .... صفنت وتذكرت الحديث الدار بيني وبين حسين كتلهه هسه تذكرت
بس اني شو مفهمت ...
فلك .... ماادري روحيله بلكت يدليج علئ ابني بلكت يعترف عليهم
ميمونه .... شلون اروحله فلك وخضر .....
فلك كايلتلج تزوجي كتلج بس روحيله بلكت يدليج باابني
ميمونه .... لزمت أيدي باوعت علئ ايدها ترجف
فلك .... ميمونه والله راح اموت ساعديني ماعندي غيرج وماكو أحد غيرج يكدر يساعدني ميمونه ابني هاذا ...
علي راح مني انتي مو تكولين انتي سبب كلشي
تعيشي واجيتج تساعديني
ميمونه .... فلك لو روحتي بيهه فائده والله أروح ومااتردد
وحذيفه مستحيل يشتغل ويه حسين وفوزي ابد مااصدك اهم شي عنده اسمه
وخضر شلون اخونه واروح وهوه سيرته يتخبل منهه
... كبل عافت أيدي بنتره
فلك .... هوه انت دوم انانيه اكلج ابني تعرفين يعني شنو ابني متحسين بيه ولا راح تحسين حياتج وين وحياتي وين اني دومي واكعه
بحافه الهاويه وانتي والوصلتيني الهم
ميمونه .... فلك مااكدر والله اروحله خضر .....
فلك .. خضر .... خضر .... خضر شو وصلني للي اني بي غيره اخذ مني حياتي كله
ميمونه .. لتنسي بيوم خضر عرض روحه للخطر
فلك .. روحه للخطر يا خطر هذا المجرم الي سوا بينه مفروض اعدام ياخذ عيشته رعب اخذ منه سمعتنا بعدج انانيه ولو شيصير متتغرين
ميمونه .. منكرت ابد واعترف بسبي بس ما اكدر اروح واخون خضر
عافت ايدي ومسحت دمعتهه
فلك .. اساسا استغرب اذا مو انانيه انتِ طول عمرج هيج
ميمونه .. فلك والله
فلك.. اهم شي خضر عندج تفكرين شلون تخوني لعد مفكرتي من خنتي ابوج وخنتيني من رحتي بدلتي وهو موجه سلاحه عليه من لزمتي بايده وعفتي ايدي
ميمونه ما افهم روحتي اله شتغير
فلك .. بعرف عنوانه وانتِ هم عرفي عنوان ابني راح اموت ميمونه والله
ميمونه .. تعبت تجيت راسهه على الجربايه بقيت اباوع عليهه و دايخه ما احس اكو فائده من روحتي غير بس اخسر خضر حتى اذا كلام عادي بس يفرق وراح يعرف متاكدة واخسره بقيت اباوع عليهه واحاول ما ابجي مغمضه عينهه ودموعهه تنزل واني هم نفس وضعهه عيوني ميسكتن السكوت هو المسيطر بالوضع اختفت الكلمات وتأنيب الضمير والخوف ياكلن بيه كسرت حاجر الصمت الي بيناتنه فلك
فلك .. كافي لتحجين ميمونه
ميمونه .. والله ميفيدنه بشي حذيفه
فلك .. لتحجين ويايه ميمونه ابد
ميمونه .. بقيت اباوع عليهه بتأنيب ضمير كامت وكفت على حيلهه وسحبت كلنسه ومسحت عينهه
ميمونه.. وين رايحه
فلك.. لجهنم ياريت اتمنى و اخلص تعبت ولعبت روحي من الاختبارات
فلك.. لو اني مو زينه جان هسه مرتاحه
ميمونه .. كمت وكفت كبالهه فلك
فلك .. فلك .. فلك .. خره بفلك الي تغمض عينهه وهي حتى متعرف ابنهه وين عايش لو ميت تعبت جزعت لا الله المريحني ولا الماخذ عمري محد يحس بنار كَلبي ابد
ميمونه ..والله حاسه
فلك .. اي احساس وينه اساسج شستفادين منه
ميمونه .. لو روحتي
فلك .. كافي لتحجين بيهه بيهه كل الفائده حذيفه الحقير يجوز من يشوفج يغير رأيه
ميمونه .. حذيفه مو هيج ولا وياهم متوهمه انتي حذيفه مثقف وواعي
فلك .. وحسين هم هيج جان
ميمونه .. لا يختلف حذيفه انسان راقي وواضح كلش
فلك .. انعل ابو وضوحه واضح مو واضح لتحجين بعد فهمت متروحين سدي الموضوع
ميمونه .. لا ما اسد الموضوع لان انتي بعقلج .. رجعت قاطعتني )
فلك ..بعقلي علساس اهمج خلي نفسج لو ابنج تروحين
ميمونه.. فلك علي قطعه من روحي
فلك .. جذابه دوم هيج جذب اني مو علمود روحتج بس لان مجنت اعرفج قبل
ميمونه .. ردت احجي منطتني مجال ابد طلعت من الغرفه بقيت واكفه محتاره حسيت بنفسي انانيه كلامهه صح بسببي ومو بس هيج حتى هسه انانيه
مقبلت تحجي وياي بعد قاطعتني كل ما ادخللهه للغرفه تبجي سلمت على نسوان عمومت خضر وتعرفت عليهن اكثر حبابات
للظهر اجه شاهين شافني بالمطبخ جنت اساعدهم صح موجوعه بس القلق والتفكير اذاني وتأنيب الضمير ياكل بيه والحيره هيه المسيطرة عليه الدرجه حسيت دماغي راح يصير بيه انفجار هناك خضر وفلك وحزني على علي وحسين هم وحال فلك
شاهين .. هلو خويه الحمدلله على سلامتج
ميمونه .. الله يسلمك همزين اجيت هم اتصلت عليهم حجيت وياه بس حسيته مو طبيعي وياي
شاهين .. منتظرين الطبيب وباجر الصبح يطلعون مناك
ميمونه .. ليش ممنعتوا اعرف حاقد عليه اصلاً اني سبب بكل المعاناة الاي احد بيهم خضر وفلك
شاهين .. ليش تكولين هيج خويه ولو اني بمكانه هم نفس الحاله واصلاً سألت قبل ليدخل العمليات اول مكلي وعادي كالو سهله
ميمونه .. نزلت دموعي شوكت ينشفن ما ادري تعبت من ذاك اليوم الي اخذني بي وصعدت ويه خضر بالتكسي الهذا اليوم
دخلت يم فلك حتى اكل متقبل تاكل حتى ام عزوز كالت هيه وام شاهين متقبل تاكل تقربت عليهه
ميمونه .. فلك اذا اروح ترتاحين
فلك .. ماكو اي راحه راحتي هيه ابني وابني ماكو ميرجعلي بعد جنت طول الوكت من هو بطني خايفه ابو يحرمني منه ياريت لو يم حسين اعرف
ميمونه تشكين بحسين عايش
فلك .. لا ... لو عايش جان مكلي فواز الساقط ادبسج بجريمة قتل حسين
ميمونه.. هو مو بالدوله
فلك .. كلشي ما اعرف اني طلعت حتى انتي مااعرفج
ميمونه .. اني ... متعرفيني ليش فلك
لان گتلج مااروح والله لو اعرف حذيفه... قاطعني
فلك : لو... لو... لو...والله متسوين شي انتي اهم شي خضر بحياتج_____ لج... باربي وگامت تجر بزيجهه اختنگت اختنگت ياناس اموت روحي حتى روحي الايبه علي ترتاح
ميمونه : راح اروح واحجي ويا لتتوقعين ممحترك گلبي
فلك : روحي ميمونه فدوه اروحلج انتي گلتي علي ميستغل شرف لو اعرف لو اعرف وگايلتلي غير هالكلام قبل والله مااخليج بس هذا أملي الوحيد ابني ضاع من ايدي
ميمونه : راح احاول اروحله اليوم...
صح حچيتها بس گلبي مينطيني صح احنا بوضع صعب بس مااصدگ حذيفه هيج
ولا يهلي اغدر واخون ثقه خضر ولا أگدر أهمل سالفه علي
فلك گومي اكلي على الاقل ميصير هيج
فلك : شتگولين اذا يعرف يدليج
ميمونه : مااصدگ هو هيج
فلك : صدگي والله كلهم هيج بالوجه بشر بس داخلهم شيطان
ميمونه : خضر شيطان من الخارج بس داخله نضيف
فلك : هالانسان اكرهه لتجيبن سيرته دمرني ودمر حياتي وشرفي وانتي
ميمونه : مجنت أگدر احجي وادافع لان فلك تلفانه اعصابهه مو مال احجي عليها وادافع لخضر بس مشكلتي شلون أگدر اطلع وبيا عذر بعد مادخلت لبيت يخص خضر
طلعت سألت على شاهين گتلهم مو توه اجه گالو راح عنده شغل بس اخذ شغله وراح
بالحالتين صعب اطلع شگول لنسوان عمام خضر
ميمونه : گلتلي ماروح بس احسها ضاجت اعرف هيا بوضع ميسمحلها تفكر بعقل
عفتها وگعدت بالطرمه حتى غده مگدرت اكل
شلون استغل غيبة خضر غلطت مره ويا ابويه ولليوم ندمانه شلون ارجع اعيد الغلط ويا خضر
بالصدفه انفتح الباب جان شويه شعري طالع عدلت الشال ولملمت الدشداشه وگعدة عدل
ميمونه : مخابره على واحد من الولد... رد بأبتسامه
شاهين : ذكرتيني بحبوبه هيج جانت تحب جدي بس جدي ميستاهل وخضر يستاهل شتگولين؟
ميمونه : عيوني غرگت وأبتسمت
شاهين : خضر هواي يفكر
ميمونه : هواي متأذي
شاهين : من هو صغير لليوم على نفس التفكير
ميمونه : منو كتل اهله
شاهين : لو جنت اعرفه مااتردد لحظه وحدا واگله
ميمونه : وتخلي يرتكب جريمه
شاهين : متعتبر جريمه ثار هذا وحقه
ميمونه : يضيع
شاهين : بالعكس يندل دربه
ميمونه : اي درب شاهين ينحكم إعدام
شاهين : لتتوقعين خضر يعوف سالفة الثأر ابد لحد الان هو محتار بمرضج يدور ويوصي ناس
ميمونه بحزن : صدگ يعني خضر هم ميعوف هاي السالفه
شاهين : ميمونه خيتي هاي مو وكتها على العموم باجر خضر يوصل الدكتور مقبل يتحول للعراق بس خالد ماقبل
وگف على حيلة راد يدخل صحتله بأسمه شاهين دار عليه
شاهين : ها خيتي
ميمونه : راح أگلك شغلة بس
باوع عليه بنضرة تعجب

ممميمونه : فلك تريدني اروح لحذيفه وانت اكيد مسولفلك خضر
شاهين : اختج هاي بدون عقل لهاي الدرجه شلون تطلب منج هيج وشگتيلهه
ميمونه : اول شي... وسكتت
شاهين : متحجين خويه
ميمونه : مستحيل اسويهه لذلك گتلك لتگللهه اول مره اطلب منك هل طلب اني اعتبرك اخ والله ماعندي غيرك ومااگدر اغلط بحق خضر اريد تدور على ابن فلك
شاهين : ميمونه خويه بدون متوصيني لعد اني رگضي يوميه وعايف المحل علمود شنو غير علمود الطفل اختج بعيونه الله شاهد وسترنا مدام ابيتنا وبديرتنا
ميمونه بأبتسامه : رحم الله والديك والله مااعرف شگلك انت انسان متنوصف بس اريد استأذنك اروح لحذيفه
شاهين : تتشاقين اكيد ميمونه... باوع عليه بتعجب شلون تطلبين هيج طلب مني
ميمونه : فلك گالت... واني احجي صارت عيني على بنطرونه لان دنگت شفت دم مثل النقاط
ارتبكت گمت مثل الامتمت رفعت عيني بعينه
شاهين : شگالت فلك
ميمونه : اني كلشي مگاعد افتهم
شاهين : شلون... اني الي مگاعد افهم عليج
ميمونه : بقيت اباوع عليه مركزه بملامحه هو اگصر من خضر صاحب لحيه خفيفه وعيونه وسط بشرته مايله للسمار عيونه بيها شبه من عيون خضر بس أوسع
اگلك شغله بس لتزعل مني
شاهين : گولي ليش ازعل إذا حق
ميمونه : اول ماعرفت على خضر إرهابي ضربني طلقتين بكل بساطه
بعدني ممكمله كلامي اجه اتصال الشاهين انقطع حديثي
جاوب وراسا تحولت ملامحهه للانزعاج والملل
شاهين .... اي الصبح تقريبا وبعدين ماكو فرق كلهه بيوتهه واكيد اجتي علمود اختهه هنا
خالد .... مليون مره اكلك ودار وجهه عني وهذه
باتجاه باب الشارع حتئ حركه ايده من الخلف توحي
هوه عصبي وكاعد يتعارك بقيت واكفه بمكاني اباوع
علئ الباب شويه مفتوح
وماريد ادخل لان أريد احجي الي بكلبي ضامته من تذكرت
كلام فلك وقارنته بين رسائل حمصه وخضر بعدما
فتحت الرمز
مكدرت أجيبه لان خضر موبايله ويايه شويه ودخل
عاقد حواجبه ومبين عصبي خفت احجي بس
عيني ... صارت علئ الدم الي برجله تقرب عليه
شاهين .... خيتي جهزي روحج خالد جاي يأخذك
ميمونه .... وين وفلك شلون كله اني مااتحرك منا إلا أختي وياي واصلا
اني أروح لبيتنه
شاهين .... يابيت
ميمونه .... بيتي اني وخضر علي كال حمصه ويبات بيه
ويدفع ايجار بين ميجي خضر
ماكو صدك لحضات وندكت الباب البره حتئ بعدنه مداخلين
للبيت وراسأ فتحهه للباب باوعت عليه مدري ليش تصير
بيه رهبه
من أشوفه جان لابس بدله عسكريه وشوارب عنده اول
مره يمكن يربي .. شوارب كل مره اشوفه بدون لا لحيه ولاشوارب بس هم حلو صاحب ملامح حاده كلش
جان .. لابس مناظر من تقرب مني نزعهن
خالد .... الحمدلله علئ سلامتج مثل الي يستهزء
ميمونه .... الله يسلمك أبو محمد
خالد .. ان شاءالله مرتاحة هسه
ميمونه .. باوعت علي اعرف قصده شنو ديكلي بسببج خضر هيج وحقه بس النفس عزيزه خاصة اسلوبه بالكلام جان مزعج
خالد .. متحجي طبعاً متحجي وشتحجين مثلاً حسيت خايف علي من النار وعقله القافل طلعتيلي حقج انتي واختج واحد بالسجن والثاني مصاحي
ميمونه.. اعرف خضر بسببي بس لتنسه انت هم سبب
خالد.. بحديه شنو شكلتي سببي اني عاملت خضر اخ الي مو انتي تقيمن ميمونه كافي الهنا وبس
ميمونه .. ما اعوف خضر اذا دتلمح والهذا الشي لان مااكدر ابد حتى مجرد تفكير مااتقبله
خالد .. انتي مقتنعه بكلامج بابا ، الهنا وبس هسه راح تروحين وياي للسجن
ميمونه .. فتحت عيني بكل وسعهن مجنت خاله ببالي السجن ابد
خالد .. شكلج نسيتي السجن ميمونه وابتسم .. لتتوقعين بيوم اخلي اخويه ياخذ وحده تنحكم
شاهين .. لحظه لحظه خالد صدك كاعد تحجي سجن
ميمونه.. باوعت على خالد عينه تصير اكثر حديه وتزيد حديته بنظرات حقد يوجهه عليه بها اللحظة طلعت ام عزوز بالصدفه هم
خالد .. خليته يتنازل عمج بس حق الدوله
شاهين .. يادولة هاي خالد صدك تحجي يعني لو تتشاقه لا .. لا اكيد تتشاقه والله
خالد .. ماادري اظاهر الاختين متعودات على الكتل
ميمونه .. اي .. خاصة اذا الشرف بالنص الاول مره احجي بجرئه شويه
شاهين .. ليش زربان مو مات
ميمونه .. عمي مات
شاهين .. اي مات العار بس عكبيش بس موته جانت تشفي الكلب
باوعت عليه واني اتذكر استعراضه الي گدام الاغنياء بلكي واحد بيهم يشتريني كم يوم دموعي تنزل من اسمع شاهين يحجي
شاهين : بعد يستاهل الأكثر هم دخل ومرته هي وعشيقها مراهق كتلوا
ميمونه : الشماته حرام بس مااكدر ماافرح دمرنه ويستاهل هاي الموته جنت استمتع من اسمع الي صار بي وابجي باوعت صارة عيني بعين خالد شگد ماجان حدي بملامحه شگد ما غلبته عاطفته وبينت على عينه مثل التعاطف صح التعاطف مو حلو بس كشخصيه دوم اشوفه شخصيه غامضه القوي والتحدي ومن اسمعه ويا رسل من تزعل علي
دخلت لگيت فلك گاعده ومگابله الموبايل وتباوع على صور علي وتبجي وأم شاهين نايمه على بطنها وعاقجه المخده الظاهر جانت تباوع وتسكت بفلك
ميمونه : فلك تلگي والله يرجع لحضنج
فلك : شوكت... شوكت مو راح اموت مااتحمل اگلج
ميمونه : شبيدي عليج ياريت الحرگه الي بگلبج تندار الي وكل هم بگلبج يصيبني
وگعدت گبالها باوعت عليه ودموعها تصب
فلك : ميمونه اني خايفه يذبحوا مثل مذبحوا اخونا
ميمونه : اش... اش اسم الله عليه لتحجين هيج والله يرجعلج بس ادعي وتوجهي لربج
فلك : لأول مره اخاف
ميمونه : لا لتخافين انتي قويه انتي فلك القويه الي تواجه
فلك : ميمونه علي بچيته بأذني راح اموت والله... والله راح اموت
ميمونه : گولي يالله حبيبتي الله يختبرج والله امتحان الج
فلك : يالله... اسمعني يارب راح اموت راح اموت
ميمونه : گامت تصيح وتبجي لأول مره اشوف فلك بهذا الضعف
لزمة ايدها شمرة نفسها بحظني وتبجي گعدة ام شاهين
ام شاهين/اسم الله استهدي بالرحمن وكامت كعدت تقربت عليهه كولي يالله حبيبتي ان شاء الله يرجع ليش تفاولي
ميمونه/مهدئت ابد كل ما___تزيد بالبجي لحد مندك الباب وكامت ام شاهين فتحته بقه واكف بالباب شاهين بس يعلي صوته من يحجي
شاهين/ام علي تسمعيني اهدئي بس واسمعي
ميمونه/فلك حبيبتي سكتي شاهين شوفي سمعي شيكلج جانت تبجي مثل الصرخه على نفس الحسره وامسح على راسها وابجي
شاهين/ستريها يمه بس اريد احجي وياها
ميمونه/جان يمي جرجف ذبيته على راسها وامه كالتله ادخل تقرب ووكف قريب علينه
شاهين/ام علي والله مبقه شي ويصير بحضنج
ميمونه/تسمعين فلك شكلج... شويه بدت تهدأ وتسكت بس تسمع بس مثل المخبله مصدعه بقه يطمنهه ويوعد بيها وهي ساكته ام شاهين انطتهه فاليوم
كالت حتى تهدأ شويه لحد ما تمددت طلعت وعفتها رحت لخالد كاعد بالاستقبال
ميمونه/ابو محمد ماعندي مانع اروح والله بس اليوم فدوه اريده منك
خالد/بس ادونين الاقوال وخلص اني احلهه ما اخليج
شاهين/مو كلت سجن
خالد/انت مخبل هيج حجيتهه شلون ادخلهه سجن ومع ذالك باجر الصبح خلي عزوز
يجيبهه خل تبقى يم اختها اليوم
ام شاهين/اي خطيه اليوم فاض بيهه بعد متتحمل من البارحه واشوفهه بس تلوب
ميمونه/بقوا يسولفون بوضعهه لحد ما شفت خالد صار اعصاب عينه على بنطرون شاهين
لحد ما كاله لشاهين كوم وياي اريد اروح بشغله... بس بجديه كالهه شاهين هم كام راد يحچي عاط خالد بسرعه نرجع لتعترض... ضروريه
طلعوا بقينه اني وام شاهين نسولف لحد ما كلت خل اشوفهه نامت لا.... عفتهه بين الغافيه والكاعده لكيت الباب الغرفه مردود شويه فتحته ماكو مموجوده كلبي كبل نغزني طلعت.
طلعت بسرعه مخروعه ادور عليه رحت للحمام ماكو احد لاكتني ام شاهين طالعه من الاستقبال
ميمونه .. خاله مشفتي فلك ماكو بالغرفه
ام شاهين... شجاج خاله اكيد بالحمام
ميمونه... ماكو خاف بره طلعت بالطرمه تشم هوا حجيتهه وطلعت بسرعه ماكو رجعت صعدت بدون مااعرف تفاصيل بيتهم ماكو حتى أم شاهين تدور عليه ماكو ايدي كامت ترجف صادفت ام عزوز تدخل جايه جانت رايحه الصيدليه سألت بهبطه بينت عليهه شصارررر شكووو
ميمونه-مجاوبت طلعت بسرعه ام شاهين جاوبتهه وسألتهه مشافت فلك اني كمت حتى
اركض مثل المخبله ادور الف فكر اجاني ببالي شراح تسوي بس لا تنتحر بس لا ااااااخ يا كلبي
حتى عمليتي وجعتني بقيت افرفر وامشي بالشوارع وام شاهين وياي
,,,,,,,,,,,,,,,,,,,,,,,,,,,
فلك--.
فلك-وصلت مرحله مااتحمل بعد طلعت بدون مااخلي أحد يحس و-موبايلي بيدي وامشي وابجي على ضياع قطعه من روحي عقلي ميستوعب اكمل حياتي واني مااعرف شي عن ابني
طلعت من صورة علي واتصلت على فواز حافظه رقمه بجهازي مجاولتي هو كبل واحد كلي بالمستشفى وانطاني العنوان مال مستشفى بالبدايه مقبل كلي اعذريني اله اكله ,,,,بعدين اظاهر انطا علم
دخلت المستشفى,,,,,, برجليه رحت ،،،وهذا قراري كل الي اعرفه
لكل بدايه نهايه ونهايتي عزفت على قلبي ونقشت بداية الموت
جانو هواي جنود واكفين بس وصلت ردت ادخل منعوني بعدين بعد مطلعو الضيوف الي جايين علي صارت عيني بعينه لأن وكفت بباب الغرفه ايدي ترجف باوع عليه وابتسم -باوعت علي و ---------------يتبع
بعد مرور سنه ونصف
فلك -فتحت عيني ظلمه حركت ايدي وجسمي وعيوني مسدوده حسيت أحد تقرب عليه خفت حيل
منو ---شمسويه اني
-- باستهزاء شمسويه لا ابد بس غدرتيني وخذلتيني واني علمودج
فلك-رفعت راسي شويه صوته مو غريب عليه سحب الي مخليهه بعيني الوصله حتى شعري عته شمنزعني ......ماادري احس عقلي راد يوكف صدمه على خوف على احس كل حواسي كامن ميشتغلن
من جرهه حسيت كم خصله انشلعت بيده عطت
وانخلست بنفس الوكت
,,,,,,,,,,,,,,,,,
ميمونه -صرخاتي تهد جبال الوجع مينحمل حتى مااعرف اميزه بس روحي احسهه تطلع وبعدين ترجع
افتح عيني بكل وسعهن احس الدنيا توكف واتمنى توكف
خاصه من تخلي مرت قاسم المعقم عل حرك وخاله لازمتني اخر شي من خلتهه علىى ركبتي لأن هم لايحهه بس خلت المعقم احس تيزاب صار علي نطت عيني وصرخت------ خاله زادت ضغط عليه حتى مااتحرك بس جانت تلجمني وتزيد الوجع وأصيح
ااااااااااخ يمه ولج يممممممممممممممممه رحميني توني هدئت خلت للجهه الثانيه صرخت وانسحنت روحي
متحملت وخاله تبجي وتصيح
-حسبي الله ونعم الوكيل كون حوبتج متتعداهن لا هنه ولا ،،
