رواية الطاغية والمغرور الفصل الخامس بقلم يارا الياسري
ماذا بعد ايها الغادرون
الانانيون ماذا بعد ايها البشر
المسمون ماذا تريدون انتهگت عذريتي
ودفنت وانا حية
اتركوا لي طريقاً لاعيش كفى ظلم
كفى استغلال كفى وحشية
اندرايت شفته ابهر بي شبه كبير من المطرب
التركي اوزان جوكهان بس عيونه عاديات.
نفس الطول والضعف بس خافي جزء من وجه
او اني اشوفه خافي أيدي عليهن أثار طين
وگف گلبي عبالي واحد من حرسهم دنگت وعبرته اردف قبل خرووجي
انتبهي الضاهر غالب والجوهر مزيف .
انداريت علية ببرود المعنى من كلامك ؟!!
رد بجفاء مستميت كلام عابر .
خليت ورجعت يم زينة وثرريا ماكو
زينة وهي متمددة وتاكل نبر وان
اگولج شوگعج هنا ؟!!!
باوعتلها زماني الاغبر
غنت بصوت عالي زماني زماني مارحم بي ولا هم زماني كسر ظهري على حالي ولا هم
اريد امشي واغليهم ولافكر بعد بيهم
على الي صار من عدهم هم والله اخليهم
اريد انسه الي جرحوني ونزلو دمعة عيوني هذوله الي غدرو بيه اشك بروحي خلوني
هي تغني فعلا ً اجت الكلمات علية ااخ يازماني
وغدر اقرب ناسي همهت بحزن ورحت يمها
زينة افصلي گافي .
زينة وهي طاربة خليني خليني اطلع مهارتي ااخ
لو بية انطلق بسفرة غنائية .
ضحكت على عقلها وين أنام؟!!
افرشلك بقلبي ونام وخليلي الاحلام
ههههه لج زينة اني اني
زينة رجعت وياية ها انتي
نامي ارض الله واسعة
ادري وين اريد فررراش .
هاي الفراش يم ثرريا ضامته ورجعت شفتيها لثريا
أومات برفض لا .
زينة عززا لعد وين راحت عمتي بس لاادك حبجيات
ويا داود تسوويها بعد گلبها يرف للعشك وسوالف غزل
واذ شتردين منها خلي تتزوج وتگمل دينها .
باوعتلي بتك عين واني اضل ناقصة دين
الله عليج مو اني المفروض اتزوج لو عمتي لعمرها
تعدا الثلاثينات .
رفعت اكتافي مو احنه ونحدد هالشي الاقدار بيد الله
زينة صدووك شفت جنطتج جنها مال مجديات
تعاية انطيج مني .
رفضت لا لا عزت كرامتي علية .
ضحكت هي والج مو مني مالات نيسان عبالج اني وجهةمارگة وغراض حلوة اشتري بس الله يحفظها
من امووال الشعب تشتري وتشمر تلبسها قليل وتذبهم واني اخمطهم .
رحيق ببرود :بالعافية عليها وعليج .
زينة بحماس :هسه عووفين من حديثج الممل وتعاية احجيلج
مغامراتي الله الحياة لو بيها اكشن قتل مغامرات
عشك واحد مثل اصف
عقدت حاجبي بوجهه .
ضحكت لا والج قصدي يعني حلوة الدنيا مم تكون
مكشنة.
رحيق شنووو؟؟!!
زينة مكشنة مكشنة وتفر بشعرها بوجهي
رحيق لو سمحتي فراش انام ترى تعبانه تعباااااااانة
زينة وهي تمضغ وحلكها مايتوقف اكل قصتج مو خالية وطكت اصبعها احجيلي احجيلي ودگت على
صدرها بخبال سرررج ببير عد زينة لبطنه امه يدري بي .
راحت جابت فراش واجت نمت بالارض خليت راسي
وصفنت شووية بمصيري المجهول احس جسمي
مگسر منتهي خدر اول مديت بالارض لو رجلية
يونون وجع علية .والدمعة نزلت من عيني بقهر
اووف امي ضحى أكيد ناصبات مناحة امي
تخربطت. شصار بيها ماحافظة رقم غسان بس رقم مصعب وضحى وماادري اذ ضحى موبايلها مبقين
الها زين غسان معقولة مايدري بية شردت شدن خبرته يالهي شلون أكدر اوصل اله لازم اوصل لغسان
هو الوحيد ليعرف عايشة وهو وعدني ياخذني للعتبات يشغلني وأمن على نفسي .
يارب دلني على طريقة اوصل اله بيها تنهدت بصووت عالي .
وبلشت اخطط بعقلي أول شي اتصل بضحى من تلفون زينة واخليها تحاجيها اذ ردت اني ابلغها
اني عايشة واخذ رقم غسان منها افضل حل .
بين فگرة وحيرة وامنية حبيسة غفيت .
وطاف علية جززء من الخووفةوالرعب لي عشته
گان واگف مثل ذئب فرح بفريسته عيوونه تلمع
شر ونصر باين بعيونه سلطااان وررراج مراح
تخلصين مني. ركضت مع ركضتي المتسارعة
اتعثر وانحطت ايده على كتفي معلنة سقوطي بين
انيابه صررخت لا ااااااا
وفزيت واني أصرررخ وووووخر عني لااااا عوفني
فززيت واني اتلمس جسمي وايدي وگلي عرك غركانه
رجعت اقرأ ايات نمت وماگعدت الا وايد ثرريا تگعدني من التعب نمت نومة اهل الكهف .
گعدتني ثرريا باوعتلها گالت صح النوم
نيسان اليوم گاعدة من وكت تريدج
نيسان شتريد مني ؟!!!
ثريا حرگة بكتفها ماادري گومي يله
تتأففات الله يستر منها مو خالية هالبنية گلت اروحلها واطلب منها توديني للامام احسن حل .
او اطلع اروح لكربلاء اني غبية لو باقية ورايحة
لذني بالعتبة ماگان حالي هذا.
گمت ولفيت شالي غسلت وجهي
گالت ثرريا تعالي اكلي شي اذ صعدتي بعد تنسين
روحج .
همات صدوك رغم مزاجي مو مال أكل بس لازم اقوي
نفسي لكيت زينة تأكل وتشتغل وتلف .
گعدت يمها على طاولة يم شباك المطبخ
أكلت وشربت حليب على السريع وأجت نيسان هااا
كاعدة
أومأت اي
نيسان بحماس لعد خلصي وصعديلي في سبرايز
الك .
ابتسمتلها مجاملة غصب عني
صعدت وراها انتبهت الساعة ب١١ الضهر زين
شمگعدها هاي دخلت لغرفتها .
لكيتها مطلة بنطلون جينز وبدي بهاري بلون الخردلي. وضحكت گالت شال ماعدي يلة اخذي من
ثرريا .
مالهم لزوم نيسان
نيسان شلوون حياتي باعي هالايام استراحه لج
على مااقنع ماما وعمتي يخلونج هنا تتعلمين
نظام الشغل حتى من اخذج وياية توب انتي مو
بس خادمة حتكونين لا حتكونين مشارگتني
بهواي اشياء وغمزت. بقلبي اردفت يوم اخلص
من شرج يلة اصبر واشوف اخرتها اخذتهن
بدلت بالحمام لبغرفتها. ورجعت على شالي
الاسود انطتني حذاء رياضي ابيض لبست وربطت
قيطانه ابتسمت وگالت .
رحيق بتعلثم وهي ماخذه راحتها بكعدتها على الجرباية وسانده راسها بكفها الايسر .
رحيق العصر اطلعين وياية مع صديقة الي .
صراحة اريدج تاخذيني للامام.
همهمت بملل مليت ترى من البارحه هالسيرة
اوك اخذج شووية ونطلع مناك .
فررحت اي تمام انتي اخذيني انعل ابو ليبقى وياج.
دك جهازها گالت روحي لجووة نزلت على الدرج
واتذكرت عفت الملابس لنزعتهم بالحمام اجيبهم
ارجعهم لثريا صعدت بعدني ماداگه الباب واسمعها تحجي بصووت .
نيسان لج اسمعيني اني اريد العصر اجهزها بدون
ماتحس لليل انتي كوولي امشن لبيتي وين
ناخذها لشقة الي متفقين اني وسامان نعيش بيها واتصل بي اگول منتظرتك
مشتاقتلك قبل لايجي أطلع اووف لعد اذ عدج
غير فكرة ساعديني اي هووو لازم اجهزها العصر
لازم اليوم افهمي سامان بكرة يسافرر مااريد
تطير هالفرصة مني لو تشووفيها حلووة مثل كمر
ضاوي وغير كل هذا برئية يعني عزز الطلب
راح توكعه بيها بطريقة او باخرى مراح يقاوم
اني مااريد شي غييرر نلزمه وهي ويا بالغرفة
وگتها اصرخ واسوي نفسي متعرضة لانهيار .
اختل توزاني وأني اسمع انانيتها صفنت مصفصفه مشدوهه شنو نوع االبشر بهاليومين
أكتشفت ان بهالدنيا گلمن يصيح ياروحي والانسانية والرحمة معدومة .
ان البشر صاروا عقارب مسمومة
وان الفقير ولمالوا سند ضحية مصيرها
ان تقتل بجريمة مگتومة .
بحرگة غبية مني صدرت صوت واني ارتگز على الميز الموجود
صاحت منو زينة تعالي لهنا .
نزلت بسرعة وركض لجوووة اخذت جنطتي
وطلعت أرگض وانتبهت لنيسان نزلت
اتلاقت عيونن
عيونها شرسة وواثقه وعيوني المرتعبة حجت
نيسان لوين رايحة رحيق ؟!!مو اتفقن نروح للمول ؟!!
خززرتها انتي فعلاً قذرة وانسانه مختلة عفتها بعصبية وطلعت اركض بگل سرررعتي اسمع صووتها وراية وهي تصيح رررحيق رحيقق
طلعت أركض وبطلعتي أنضربت بشخص ماانتبهتله
وگملت طررريقي بركض
بعدني ستووي طلعت من مهجومهم التعيس انتبه للحراس وراي
جررريت نفس وركضت بسرررعه الضبع واني اصيححح احددددد يساعدددددني
ياااناس يااااعالم اركض بقوووة واتلفت اشوفهم اذ وصلوني واصيح حسيت قلبي يريد يطلع
حرروفي تطلع مع فحط شديد الهث وارگض بين الفرروع انتبهت لبيت دتطلع سيارة منه ركضت
لعند بس مالحكت بي بقربهم اختبيت بين
أشچار بحديقة بالباب حصررت نفسي
اسمع اصوتهم المتلاطمه
واني گاتمه ومخلية ايدي على فمي وانفي بس دقات گلبي وصدري ينزل ويصعد ورجلية يررررجفن
وين راحت بعصبية وصووت عالي
الثاني ماادري اختفت الله ياخذها مو بنية بزونه شارع. ركضت مثل عداء سباق
الاول لو مبلغين قبل لاتطلع ماراحت من ايدين
امشي نرررجع نگلهم مالكينها .
حسيت بخطوواتهم القووية المتراجعه شهكت وتنهدت بقوووة يالله ساعدني يالله ارحم بحالي
قضمت شفتي بعصبية وحيررة وأني استرخي بگعدتي وجسمي كل يهتز رعب وضياع تنفست بسررعه تنفسي سريع نبضاتي مجنونه.
اتعكزت بالحايط لخلفي وگمت لفيت ااشال بين شعري وجهي والضاهر بس عيوني وجنطتي صفح
ضبيت قيطان الحذاء لازم اگون كد هالشوراع والذياب لبيها غمضت وشحبت نفس عميق وهوة نقي من سمة بغداد وززززفرته بقووة
گملت طرريقي. شفت محل مفتح فتت علي ماركت كبير اشتريت مي شربته شفت مرة تشتري طلعت
طلعت وراها اركض وبطل المي بيدي
خالة خالة.
اندارت المرة علية. كان شكلها رحماني وشال على راسها لبسها تنورة وجاكيت .
خالة محتاجه موبايلج الله يخليج بس دقيقة يمج
بقت تباوعلي بأستفسار واني اغدقها بنظرات توسل طالبة الرحمة والعق وامط بشفتي بتوترر وايدي مسبلتهم .
المرة لا عيني مااكدر لاتسببيلي مشاگل وعافتني وطلعت .
تنهدت بقهررر ورفعت عيوني المشدوهة للسمة
ورجعت للمحل خوووية الله يخليك بس استخدم تلفونك الله يخليك .
رفع تك حاجب وباوع للحجي لويا اشرله بالقبول انطاني. اخذته اتصلت بالرقم مالت ضحى
بتوتر واضرب رجلي اليمنى بالارض بتوتر واقضم اضافري باسناني يله ضحى
ردي الله يخليج رررردي بعازتج اختج .
الله يلعن حظي رجعت ٣ مررات ماكووو. اوووف
رجعت التلفون شكراً مشيت خطوتين ورجعت اكلك خووية اگو فنادق قريبة منه شسم هالمنطقة؟؟!!
ضحك باستهزاء انتي موو منه ؟!!
ماردت انطي لزمة اني جاية خطار هنا وضيعت
حسيت بگلامي الي مامتناسق ابداً بس احس عقلي
وكف وماعندي قدرةاثق بعد بشخص ويطلع نذل
الولد انتي بمنطقة سبع أبگار غمز بحركة سريعة شگلج مو مال خطار هنا اذ شاردة من شي ومحتاجه ترحين لغير مكان ؟!!
باوعت يمين يسار خووية بتوسل اگدر اطلب منك
طلب ؟!
باوع بخوف كولي خيتي ملاحقة من احد اوصلج
للشرطة مركز .
تهت وهزيت راسي بررفض لا لا لا رجعت اباوعله
وعيوني تعبانات .
اردف خووية انتي بجمالج هذا وبالشارع لوحدج
مثل سفرة رمضان گدام صايم .
اذ محتاجه شي اني مار علية هوواي ماعرف شنووو
وضعج بس ضياعج هذا وحيرتج مال وحده مالها
احد .
بلعت ريگي مأكدر اثق بي .
رد لاتخافين خووية اني عندي خووات وام وشرف
طلعت من يم ورحت اتمشى لگيت بالفرع لبضهر الماركت صبة گدام بيت وعليها مضلة گعدت بيها حايرة أفكرررر وين الاصح أروح وين ؟!!!
يارب وين اروح!؟؟؟ وبيمن اثق ؟!!!،
"يا الله
وجَّهتُ قلبي إليكَ
أنتَ الذي لا يُضام من كنتَ نصيره
ولا ينكسرُ من كنت عونه
ولا يبهُت أبدًا نور قلبٍ
ينتظرُ فرجكَ وحمايتكَ وحُبك
وجَّهتُ قلبي إليكَ أملاً
وطمعًا، وحُبًا، ورغبةً
بخيرِ ما عندك"
رجعت. واسندت راسي على الحايط لخلفي وانفاسي تنسمع بهددو وعتمة حززن بداخلي
الحياة كمحيط كبيرررر يحتوي على گل انواع اسماك القرش الخطير الثعبان المائية على كل شي مرعب
بگل خطوة نخطيها كخطواننا بگهف مائية نختمي بداخله .باعماق المحيط
الاحتمال وارد ان يكون قررش حاد اسنانه خلفه
يشم رائحة فريسته وينتظر خرروجها .
حسيت بنفسي الناس بدت تطلع رجعت لصاحب المحل. اشتريت منه كرواسن ولبن حتى يتعادل
الضغط عندي وكفت افتر بعيوني الولد رجع سالني
ماقررتي تطلعين الجوهر لبحلگج .
ثبتت ايدي على الميز اريد تاكسي يوصلني لبو الجوادين مو أكثر بس ثقة بس اريد. احد ثقة يوصلني لهناك .
ضحك سهلة دقايق بس أتصل ورجع شووية ويجيج
ولد صديقي مودب وثقة يوصلج .
رجعت خووية رد
ثقة والله لاتخافين مو قليل أصل الله يستر عليج
ها اچه امشي وراية .
مشيت ورا
الولد ابو المحل ها ضلع وين ماوين
والله بالتاگسي ادور عبرية هههه باوعلي ورفع
حواجبه بانبهار ويأشر بيده عود منين هاي .
ابو المحل من جماعتنه اريدك توصلها للامام الكاظم
تدلل ضلع صعدي خووية .
زفرت تنهيدة وتوگلت على. الله ماعندي غيرر حل .
گعدت بتوتر واصابعي افرگهم
السايق لاتوترين خووية اوصلج بخير للامام ترى
عندي غيرة صح باخر اوانه انتشرت يخطفون
البنات من التكاسي بس أكو يأجرن ومايعرفن المقابل شنووو .
بقيت متوترة وكلامه ماريحني شووية وصلنه سيطرة وتفتيش .
زفر السايق اهووو شصاير بعد كل فترة وتفتيش وتعال ازدحام وتاگل تبن .
وهم حتى ليلزمون فترة ويطلعوا كلاوات بگلاوات
اني بقيت أكل باضافري واتنهد وأتأفف اجانه السرة
اخذوا الجنسية مالت السايق وشافوها.
المنتسب وين ؟!!
السايق للامام دخيله .
المنتسب خلي العبرة لوياك تنطي جنسيتها .
انطيتها اله شووية اخذها وراح. السايق اندار
خووية مطلوبة انتي
لا خووية بخووف لزمتي الغصة سترك ربي
بس لانيسان اشتگت علية بس علىى شنو تشتگي ؟!!
بقت افكار تاكةمخي وگلبي رجع المنتسب .
الاخت نزلي ويانه .
باوعتله بدهشة وعيوني يردن يطلعن وايدي يرجفن
شنووووو ؟!!!
