رواية الهوس القاتل الفصل الخامس بقلم جنة عباس
..................................................................................
وأول ما شفت طولك نسيت الصوت
وروحي بلاسبب بجفوفك افتلت
يا قمرة حياتي البعد ما هلت . .
يا انت . . وكفاني اتوهدنت وياك
تحسبني . . وحسبتي وياك ما فلت
كلمن عرف وشره . . وشال منها الشال
وتعده العمر والوادم اندلت
هسه الراح راح . . وبين ايديك الروح
بس ذمه ابركبتك يوم لو سلت !!
للشاعر عريان السيد خلف
هدى:: كعدت اصفط بالملابس الي اشتريتهه وعيني ؏ موبايل شعجب مادزلي رساله يوووو هدى شجاج يطبه طوب شعليج بي بعد احسن كملت ملابسي ورحت غسلت ونمت
احمد:: اجانه امر لازم التحق بالموصل وجان الوضع كلش موزين ومتازم واني طاك كلبي ؏ هدهدي مــآكو ماكدر اتصل وشبكه مــآكو وجنت كلش محتاج اسمع صوتهه وفكر هسه شكاعد سوي قاطعني صووت ...
مسلم :: العاشق بيمن صافن فديت الشاغل بالك اني
علي:: عوفه عوفه رايح بعالم الحب وحنا هنا منسلك والدينا
احمد:: ولد القنادر لاضلون تمسلتون وحدكم دافكر بالوضع الي احنا بي
مسلم واحمد :: اي وضح صدكناك كلش
احمد:: كومو منا احسلكم
احمد:: بقينه كم يوم ؏ هل حال وماكو اي رده من جهات ومحد اجه وحنا محاصرين بين هل كلاب وذخيره ماعدنه ويوميه يكعون شباب بعمر الورد
احمد:: ناديت بالسلكي الوو حاول تسمعني اجب
جهه الاخره:: نعم اسمعك حول
احمد:: سيدي احنا محاصرين والعتاد عدنه ؏ وشك يخلص نريد مساعدات
جهه الاخرة :: نعم احنا ؏ وشك ندزلكم مساعدات صلو صامدين ابطالنا
احمد:: شباب خليكم صامدين مساعدات نشالله راح تجي
مسلم :: نشالله
احمد صــآر اشتباك كلش قووي بينه وبينهم وشوف حسين هذه يتيم ومعتبره اخووي بس امه عايشه واكف ويرمي ومخايف ؏ روحه
احمد:: ولــڪ حسين اكعد لا تجيك طلقه
حسين:: يخوي هوه الموت واحد هههههه
احمد ولــڪ اكعععد صااار الهجوووم علينه
حسين :: ماعدنه ذخيره
احمد:: ولــڪ اكععدد يمعووود لاتجيك طلقه
احمد ماحس طلقه اجت بنحره وطاح يمي اخووي ودم يطفر مثل نافوره
احمدد :: لك لا كتلك اكععد يخوووي كوم
حسين:: اخووي امي اماانه
احمد :: يوصي بيه وروحه تطلع بحضني ومسلم يحاول ينطقه شهاده ؏ نص نطقه وسلمت روحه
احمد:: :: لااااا كوووم ولــڪ لا تموووت اكعد يخووووي اخخخخ يالله 💔
مسلم:: احمد اهدء شهيد يم ربك
احمد:: ولــڪ امه وصتني عليه
احمد:: بهل اثناء اجت المساعدات وكدرنه ننتصر عليهم الحمدلله بس بعد مارحوو هوايي شباب منه
اطونه امر انتهت مهمتنه ونكدر ننزل وناخذ جثمان شهداء ويانه وشوف بس العلم العراقي فوك توابيت
كُنْ كالشَّهيدِ وَقَدْ جَفاهُ المضْجَعُ هِي لِلشّهادَةِ مُنْذُ كانتْ أرْضُنا وَسَتَبْقى دَوْما للشَّهادَةِ تنْزَعُ هادي و وَجْدي مِشْعَلا بيّارَةٍ وسناءُ نجمٌ قَدْ هوى يتضوّعُ حيُّوا الشّهيدَ و قَبِّلوا أجفانَهُ ودَعوا الورودَ على جِراحهِ تَهْجَعُ لا تَدْفِنوه دَعُوهُ في عَلْيائِهِ عَلَماً بِنورِ إبائِهِ نَتَطَلَّعُ نِعْمَ الشَّهِيدُ وَقَدْ شَهِدْنا عُرْسَهُ لا لِلدموعِ وبِئْسَ عيْناً تَدْمَعُ فَتَهَلَّلي أمَّ الشَّهيدِ وَزَغْرِدي فالْيَومَ أعْراسُ الدُّنا تَتَجَمَّعُ لا تقلِقوهُ بِماءِ أعْيُنكمْ فقَدْ ساءَ الشَّهيدُ بأَنْ يزَفَّ وتَجْزعُوا يا فارساً بَذَلَ الحياةَ رخيصَةً بُورِكْتَ شِبلاً لِلْمَعَاليَ تَنْزعُ دَمُكَ المنارةُ تَهتدي بِشعَاعِها سُفُنُ الفِداءِ المارداتُ الشُّرَعُ فَتَوسَّدِ الجَوزاءَ في عِزٍّ وكُنْ كالشَّمسِ شامِخةً تهِلُّ وتسطَعُ 💔🇮🇶
.........................الرحمه للجميع شهداء العراق .........................
هدى:: كعدت صبح ؏ منبه ب6ونص كمت بدلت ولبست سدريه رصاصي ضيكه وبيهه فتحه من جوه وقميص وشال ابيض وجنطه سوده وتكرمون الحذاء سوده ونزلت صبحت عليهم
هدى:: صباح الخير يااحلا عائله
الكل :: صباح نور هداوي
اكلت زيتونه وجبنه شويه
الام:: ولج يمه كعدي من وكت اكثر حته تاكلين مثل العالم وناس
هدى:: ماما فدوه لعينج خليني براحتي عود اكل بدوام
الام:: بكيفج يمه
هدى:: سمعت صوتت الهورن يلا بيباي اجه سايق
الكل:: الله وياج
هدى:: صعدت ويه سايق وصلت ؏ مدرسه ونزلت هذه اول يوم متحمسه كلش اني دخلت للصف وصحت باعلى صوتي صباحح الخيرررر
البنات :: صباح نور هلا هلا
سرى:: ياهلا بالضلع مالتي
هدى:: شلــونڪ ضلعي
سرى:: كلش زينه
هدى:: دك جرس للاصطفاف ورحنه وكفنه والمديره كل سنه نفس الحجي تعيده واحنا مطنشين
المديره :: بسمالله الرحمن الرحيم نبتدي سنه دراسيه جديده بتوفيق من الله بنات ارجو منكم تلتزمون بالزي المدرسي وتحترمون مدرساتكم وتنتبهون ؏ دروسكم
هدى:: هسه غير تفضنه مدام نفيخه واللّٰـه حفضتهه ؏ كد ماتعيدهه لهل قوانه هاي
سرى:: اي واللّٰـه شمس حسويني زركه منو ياخذني بعد شدعي عليج مدام نفيخه
هدى:: خوب انتي بس تردين تعرسين جفن مفلفه ؏ عرس
سرى :: اي اريد ازوج والبس بدله الله ويركصني واوووو
هدى:: الله وبعدين تكربين وتغسلين ماعين وتخلفين وتمسحين زربان جهالج صدوووك الله
سرى:: ايعع ولي عابتلج كرهتيني بزواج
هدى:: خــلص الاصطفاف ورحنه ؏ صفوف ودرس وره درس استلمونه من اول يوم اووي شكلك ثالث وزاري صــآر وكت رجعه ؏ بيت وسلمت ؏ بنات وسرى وكفت بره انتضر سايق خرب حضج ياهدى هاي من اول يوم تاخر عليه شمس حركتني طلعت موبايل اتصل عليه
هدى:: الوو عموو شسالفه وينك صالي نص ســآ؏ــة واكفه شمس حركتني
السايق:: عمو آسف بس شويه تاخرت تعرفين حله مدارس وزدحام شويه جاي بطريق
هدى:: خرب حضي مو هاي البنات كلهه راحت بقيت بس اني شويه حسيت اجتني رساله من ابو شوارب
ً💬اوكفي عدل مو واكفه مثل بنات الملاهي
هدى:: باوعت وكمت اتلتلف وباوع حسيت كلبي طاح بين رجليه
ً💬 لا تتلفتين وشنو هاي سدريه لابستهه اهلج مشافوج من طلعتي
'💬وانت شعليك ابوي امي انته ووكاعد تحجي وشجابك ؏ سماوه وين انته
'💬 مو دخلج اوكفي عدل ودنكي راسج وع بيت كبل وحسابج بعدين يهدهدي
هدى:: يمه كمت ارجف اجه سايق كبل صعدت واني مختلسه هذه شجابه شلون عرف مدرستي
سايق:: بيج شي عموو
هدى:: لا مابيه شيي
احمد:: بعد مارجعت ؏ حله طلبت نقل ؏ سماوه وبالوسطات نقلت دورت ؏ بيت لكيت بيت زين اشتريته وكعدت بي وشتريت اثاث وكعد ابحث ؏ هدهدي وعرفت كل معلوماتهه طلع ابوهه شيخ وعدهه 4اخوان وبثالث
احمد:: اخ منك يكلبي ملكيت تعشق غير هل طفله هااي
ثاني يوم عرفت داومت وبوقت الحله وكفت بعيد بسياره مضلله وشوفهه طلعت بت المشعول لابسه سدريه كلشي مبين تفاصيل جسمهه خرب عشيرتج وصايره حمرا من شمس دزيتلهه رساله وكامت تتلفت حجيت وياهه وحسيتهه جمدت من خوف اني اعلمج يهدهد كلبي رجعت للبيت واني افكرر بيهه شسويتي بيه وبكلبي واني حالف مادخل بسوالف العشق وضيمه
__________
ـيـه عـيـون مـا تـنـمل لـو اشـبـع سـفـر بـيـهـا عـفـيـه عـيـون تـعـرفـلـي مـا يـحـتـاج أحـاچـيـهـا.
الشاعر عريان السيد خلف
لهنا ويخلص البارت توقعاتكم شنو حيصير بالبارت الجاي ويه هدى وشنو حيسوي احمد لاتنسون تصويت وتعليق حلو مثلكم احبكم هوااي ♥️
__________________________________________
