رواية بديلة اختي الفصل الخامس 5 بقلم خاتون الكعبي

تذكير 

الجد بصرامة : وهسة دام انتي الي اختاريتي وعارضتي قراري علة مودة فتتحملين نتيجت اختيارج ومن باجر تردين البيت رجلج ما عوزي فضيحة ثانية بسببج

هدى بعصبية : شنوو لا والله مستحيل ارجع الواحد سكير مثلة اوكي اني صح اختاريتة بس خو ما عالمة الغيب اني جنت بفترت طيش وختاريتة وتندمت وربي فددوة جدو لترجعني الة وربي مستحيل اتحملة لا هوة ولا اهلة واريد اطلك منة اليوم قبل باجر

الجد : هذة الحجي ايفيدج ميفدني اليوم حجيت وية الزلم وتفقت وياهم علة رجعتج ومستحيل اكسر كلمتي كدامهم 

مرسلين : اباوع علة هدى كامت تبجي وطلعت من الستقبال ردت اكوم وراهة بس اخوي محسن لزم ايدي وكال 

محسن : عوفيهة براحتهة بس تهدة هية تجي وصدك كلتلي امي احتركتي خو ما اتأذيتي 

مرسلين بيتسامة : لا عادي مو كولش ومحمد ضمدلي ياهة 

محسن : بلة اشوف 

مرسلين : مديلتة ايدي فتح الضماد وغمضت اعيوني من منظرهة جان الجلد نصة رايح ومطككة شافهة اخوي وكال 

محسن : لجج هاي اصاير بيهة شو ملتهبة بس لا حاطة فوكاهة مي 

مرسلين : هزيت راسي بندم عض شفتة الجوة اعرفة ايسوي هذي الحركة حتة يسيطر علة اعصابة وبابة اشرلي اجي يمة كمت كعدت بصفة هوة وجدو وشاف ايدي ورزلني لأن حطيت عليهة مي وكال 

ابو مرسلين : متكليلي اشون احتركتي شو الجلد نصة مسلوخ ومطكك

مرسلين : باوعت علة سارة الي مبين عليهة الرتباك وابتسمت بوجهة ودرت علة بابة وكلت

مرسلين : جنت شايلة كاست المرك وتبدت علية لأن جنت مستعجلة

ابو شاهين : غير تنتبهين يا ابنيتي 

الجد: بوية باجر واحد منكم يوديهة للمستشفة لا تلتهم ويضل اثرهة 

محمد : ان شألله جدي اني باجر اخذهة 

محسن : لا خوية ماكو داعي اني اخذهة 

مرسلين : باوعت علة اخوية محسن بضوجة لأن اكره ما عندي هية المستشفيات وريحتهن خررب حظي ورجعت لفيت الضماد وضلو جدي وعمامي ايسولفون وشاهين اترخص وطلع وجدي كال تباتون هم اليوم يمي وباجر توكلو لبيوتكم اباوع علة عمامي محد كدر يفك حلكة او يعارضة كلهم كلولة حاضر واني اترخصت منهم واخذت نونة ورحت وية بيبي الغرفتهة ذبيت شالي ونومت نور وضليت كاعدة بحضن بيبي وهية اسولف علة ايام كبل واني استمعلهة بستمتاع اموت علة سوالفهة ورة فترة نامت بيبي واني ضليت اكلب بفراشي مأجاني نوم الحد مشفت الساعة صارت بالوحدة ونص واني منعسانة تأففت واخذت شالي لبستة ورحت للمطبخ علة كيف اكلتلي تفاحة وطلعت من بابة المطبخ الثاني علة الطرمة جان بيهة حديقة جبيرة اجنن اذكر جنة دائماً احنة وجهال عمامي نلعب بيهة ابتسمت وكعدت علة دجت الحديقة وضليت صافنة عليهة وابتسم وهواهة البارد يهب ابوجهي اتنفست براحة ورة فترة حسيت اباب البيت انفتح درت وجهي و...........

______________

شاهين

كاعدة بشقة اشرف واحس براسي كام يدور من كثر الشرب اول مرة اشرب بهل كمية ممكن حتة انسة الصار وشون جدي رجعهة الة بكل بساطة كل ما اغمض عيوني يجي طيفهة علة بالي مستحيل انساهة اعرف نفسي حتة لو صارت علة ذمت رجال غيري بس ما انساهة واعرف انو هية مستحيل اتكون الي مرة ثانية بس مع ذاك منسيتهة ولا مرة ماكو يوم مر علية بلة ما اذكرهة او يجي طيفهة علة بالي صارتلي مثل المرض بس مشكلتي اني حبيت هذة المرض بل عشكتة ومحصلت منة شي غير الخيبة والكسران ابتسمت علة نفسي بسخرية وين جنت وين وصلت بية الدنية من وراهة واول مشلت الكاس جرة مني اشرف وكال 

اشرف بعصبية : شاهين اشبيك اليوم متكلي مو حتة طردت النسوان علة مودك شجاك اول مرة اشوفك هيج 

شاهين برود : جيبة 

اشرف : ماكو كافي شرب وكلي اشبيك اليوم اشبلاك اول مرة تكثر شرب كل مرة احنة نتوسل بيك حتة تشرب شجاك هل مرة 

شاهين : ماكو شي جيبة 

اشرف بشك : شفتهة مو

شاهين : لا رد 

اشرف : يعني فعلاً شفتهة زين مو كتلي نسيتهة ما احبهة  لعد شجاك بس من شوفتهة خربطت احوالك 

شاهين : ماكدر تعرف شنو يعني ما اكدر انساهة حجيهة سهل بس فعلهة صعب تعرف شنو يعني تنسة شخص جان بنسبة الك كل حياتك ما بعمرك رفضتلة طلب حبيتة حب مبي اي غش او لعب لك اني فتحت عيوني ومراهقتي عليهة حتة لمن جنت ادرس بالكلية العسكرية جنت ادرس واشتهد علة مودهة علة مود ما اخليهة بعازت شي ردت اكون نفسي من كلشي بيت وسيارة واي شي البنية تتمنة بزوجهة تلكي بية لللك ما بعمري باوعت عليهة بنظرات حرام جنت دايماً اكول بس تكبر راح اخذهة الي راح اصير مرتي وام جهالي حلالي ولمن عقدت عليهة حسيت روحي امتلكت الدنية وما بيهة اخر شي ا.. 

اشرف : شنو ما تكمل دائماً توصل الهاي النقطة وتوكف خانتك مو 

شاهين برود : لا يلة اترخص 

اشرف : لك وين صحصح اول شي شايف نفسك اصاير بيك 

شاهين :هزيت راسي بتعب ورحت غسلت وجهي بمي بارد حتة اصحصح واخذت سويجي وتليفوني من علة الطبلة وركتب سيارتي ورجعت البيت جدي لأن الكل باقي بي وصلت وصفت السيارة بالباب ونزلت فتحت الباب ودخلت جنت اشوية دايخ بعدة مفعول المشروب ايدك براسي احس راسي صاير طبل من ورة اباوع علة حديقة مثل الخيال صار بيهة صحت بصوت عالي 

شاهين : منوو هناا 

مرسلين : شفت شاهين دخل بس وضعة مو طبيعي يمشي ويتعفر مثل الشارب شي عبالي محيشوفني لأن الحديقة جانت شبه ظلمة بس وترني لمن صاح منو هنا ومرديت علي اول مرة بس رجع صاح بصوت اعلة خفت وجاوبتة بصوت كوات كدرت اطلعة من الخوف وكلت 

مرسلين بخوف : ان.. انيي 

شاهين وهوة رافع حاجبة : لعد خرسة ما تحجين 

مرسلين : هاا مسمعتك اباوعلة اجة كعد بصفي وكال 

شاهين برود: سويلي كهوة راسي يوجعني 

مرسلين : كمت بسرعة من يمة بس شميت ريحة ابد مطيبة بي مبين علي جان شارب كلتلي مرت اخوية زهراء قبل فترة انو بدة يشرب بس مصدكتهة لأن اعرفة انسان مؤمن ومصلي بس طلع فعلاً بدة يشرب وكتلة حاضر ورحت للمطبخ سويتلة كهوة علة السريع وصبيتلة ياهة بكوب جبير حتة يصحصح لأن اعرفة اذا جدي شافة حصير مشكلة حتة لو يحبة ويفضلة علينة بس ميرضة بهل سوالف وديتلة الكوب ومديتلة يا وكلت 

مرسلين : تفضل 

شاهين : اخذتهة منهة ورادت تروح صحت عليهة وكلت ابقي اشوية 

مرسلين : باوعتلة بتردد وهزيت راسي وكعدت بمكان اشوية بعيد عنة باوعلي وابتسم تك خد وكال 

شاهين : شنو هل كد اخوف 

مرسلين : لا بس المسافات واجب انحطهة حتة نذكر دائماً بيناتنة حدود اني وياك وملازم واحد يعبرهة حتة لا يندم 

اباوعلة رفع حاجبة مثل الستغرب علة كلامي وسكت وبدة يشرب بكهوتة وهوة صافن علة الحديقة معرف ليش اجة او خطر هل سؤال علة بالي ومدري منين اجتني اجرئة وسئلتة هذة يا وكلت 

مرسلين : بعدك تحبهة 

شاهين : منو 

مرسلين بتوتر : الأختي هدى بعدك تحبهة 

شاهين : لا 

مرسلين : حسيت اجتاحتني موجت ضحك من جوابة حتة مكدريت اكتمهة وفعلاً ضحكت من كل كلبي كدامة حست اعيوني كامت ادمع من الضحك وكلت 

مرسلين : ههههههههه اخخخ هههه اي مبين 

شاهين : كلت نكتة لازم حتة هيج ضحكتي

مرسلين : ههههه لا وربي الكلتة اضحك اكثر من النكتة وهسة عدة الشقة كول تحبهة لو لا ولا تكلي لا لأن الكل يعرف انك تحبهة ومستحيل تنساهة 

شاهين : وما دامج اتعرفين بهذة الشي ليش اسئلين 

مرسلين : مدري بس حبيت اعرف منك 

شاهين برود : بس يمكن جوابي ايضايقج 

مرسلين بستفهام : مفهمت ليش ايضايقني 

شاهين بسخرية : هه لأنج صرتي مثل مرتي واتوقع انج راح تتضايقين اذا كتلج اني بعدني احب اختج 

مرسلين ببتسامة : شوف حكلك شي وخلي ابالك اني وانتة نعرف شنو الي يربطنة واني مستحيل اصير مرتك بيوم وصدكني معزت الأخو الجبير الجنت اعزك ياهة مستحيل تتغير ممكن صح صارت حزازية بيناتنة لأن سويت هيج واعرفك انك ردت تنتقم من اختي لا اكثر ولا اقل بية وممكن جزء زغيررر بداخلي حقد عليك بس معزتك مستحيل تقل ومستحيل اكره واحد بحسبت اخوي الجبير شاهين اصحة علة نفسك ترة اني مرسلين الجنت اشيلهة علة جتفك وتكلهة بنيتي وتحسبهة بمعزت خواتك تتصور ممكن اكو اخ ايسوي هيج ابختة اباوعلة ضل صافن علية ويرمش بعيونة فرك وجهة بقوة وكال

شاهين : بس اني ما ردتج ولا ردت انتقم من اختج بيج مثل ما كلتي واول ما هداج ابوج الي رفضتج كدام كل الزلم بس جدي جبرني عليج 

مرسلين : ههه صحيح رفضتني بس لمن طلعت من الستقبال نظراتك كولهة تغيرت شفت نظرات الكره والحقد بعيونك وعرفت بيك ردت تنتقم من اختي بلحضتهة لأن اني وياك نعرف انو انتة مستحيل تنجبر علة شي متريدة لو اكبر راس يجبرك مستحيل ترضة بشي مرايدة الشاهين مينجبر مو هاي مقولتك اباوعلة سكتت وصفن بوجهي عفتة وكمت وقبل لا ادخل للمطبخ كال 

شاهين : ما احبهة 

مرسلين : شنو 

شاهين : مو سئلتيني اذا احبهة ما احبهة بس بنفس الوكت ما اكرهة وما اكدر انساهة

مرسلين : زين وذا رجعتلك 

شاهين برود: يلة تصبحين علة خير 

مرسلين : عرفتة يريد ايسد الموضوع مردت اضغط علي فكلت اجمعين ودخلت جوة ورجعت الغرفت بيبيتي حظنتهة ونمت للصبح يلة حسيت طكطكة بالغرفة فزيت وشفت بيبي اصلي وجدي جاي يعدل بعكالة وشاهين مجتف ايدي ومتجي علة باب الغرفة باوعلي ورفع حاجبة خزرتة وجريت شالي بسرعة لبستة وكمت من الجرباية وكلت 

مرسلين : صباح الخير جدو 

الجد : صباح النور بنيتي

مرسلين : كال هيج وتقرب علية وباس راسي ابتسمت معرف بس احب هاي الحركة منة وبست ايدة وشلت نونة الفزت وياي وطلعت بسرعة من الغرفة رحت للصالة وشفت الكل كاعد يتريك صبحت عليهم ورحت غسلت وجهي وكعدت اوكل بنونة واكل كملت ريوكي بسرعة وبابة كال المحسن رجع البنات وامك للبيت والحكنة للمحل كلة ماشي واشرنة حتة نكوم نتحضر كنالة حاضر ورحت لفيت الشال عدل ولبست عباتي وشلت نونة وطلعت وية البنات شافنة محسن وهز راسة وطلع واحنة ورا وصلنة للبيت وراح الشغلة واول مدخلت للبيت صعدت بوجهي الغرفتي اخذت ملابس ودخلت اسبح صارلي يومين علة نفس الملابس احس جسمي دبك كملت سبحي وطلعت نشفت شعري ومشطتة ورحت فتحت تليفوني جانن الرسايل والمكالمات تتراكع من تقى خطية يمكن سمعت بصار وضلت بقلق دكيت عليهة وكل عادة اول مفتحت خط وجاوبتني بدت بالغلط والفشار الحد ما سكتتهة وفهمتهة الصار يلة اقتنعت وضليت احجي وياهة اشوية الحد مترخصت منهة وسديت التليفون وشمرت روحي علة الجرباية احس جسمي كلة مكسر من ورة الشغل دقايق قليلة وغفيت ورة فترة كعدتني مرت اخوي علة الغدة كتلهة ما اشتهي وللعصر يلة صعدت امي وكعدتني وكالت 

ام مرسلين : ولجج فلك اصابج بعدج مغمودة يلة كعدي اجة محمد يريد ياخذج للدكتور 

مرسلين : فزيت من نومتي وكلت شنو محمد ليش ياخذني مو محسن كال اني اخذج 

ام مرسلين : محسن خابرني وكال عندي شغل بالمحل  اني وحسين وما اكدر اجي واخذهة راح ادز محمد عليهة لا تلتهب ايدهة مو زين 

مرسلين : زين وبابة وينة معقول الحد الأن مأجة 

ام مرسلين : ابوج اجة هوة وجدج لمن اجو اهل حيدر وخذو هدى وراحو وجدج ضل كاعدة اشوية هوة وابوج انوبة طلعو 

مرسلين بصدمة : شنوو هدى رجعت 

ام مرسلين : اي وهسة تحضري بسرعة عيب من الولد منتظرج 

مرسلين : زين انتي تروحين وياي مو 

ام مرسلين : لا عندي واجب ابيت ام مصطفى لازم اروحهلة عيب ابنهة عرس وما رحتلهة

مرسلين : صدوك تحجين يعني تخليني اروح ويا وحدي 

ام مرسلين : اي غير ابن عمج قابل غريب 

مرسلين : اباوعلهة عافتني وطلعت وربي مرات احسهة متبنيتني واني مو بيتهة ههه خررب حظي كمت من الجرباية ورحت غسلت ولبست فستان طويل لون وردي فاتح وشال بيجي وحذاء رياضية باتة بيضة واخذت جنطة ازغيرة وياي واخر شي حطيت حمرة وردية خفيفة ومسكارة ونزلت جوة شفت محمد كاعدة وية امي بالصالة سلمت علي وهوة كام اترخص من امي وطلع واني اخذت افلوس من امي وطلعت ورا شفتة راكب بسيارتة ركبت ويا ليكدام وبدة يسوق وكضة اطريق وهوة يسولف ويضحك جان احن واحد بولد عمي وهم اكثر واحد محبوب ودمة خفيف بيهم وصلنة للمستشفة علة ما اتعقد اهلي ورحنة القسم الحروق شاف ايدي الدكتور وكال الحمد لله مو كولش 

ملتهبة وفركلي ياهة بخلطة معرف مرهم خاص بس حسيت روحي طلعت من الوجع وكلي اسبوع الجاي هم لازم تجيني محمد كلة حاضر وكتبلي راجيتة ادوية ومراهم وردت ادفع الحساب بس حصلتلي خزرة معدلة من محمد وهوة دفعة واشرلي امشي مشيت وهوة وراي وركبني السيارة وكلي حروح اجيب الأدوية من الصيدلية هزيتلة راسي وضليت منتظرتة باليسارة ورة خمس دقايق يلة رجع وحط العلاكة مال ادوية بحضني اشكرت منة وهوة ابتسم بوجهي وبدة يسوق ورة فترة وكف السيارة كدام محل مرطبات باوعتلة بستغراب وكلت 

مرسلين : ليش وكفت اهنا 

محمد : معقول اطلعج وياي بلة ما اعزمج علة شي مو عيب 

مرسلين : هههه لا تسلم ما اريد 

محمد : بس اني اريد يلة تعالي 

مرسلين : اباوعلة نزل واشرلي انزل ورة هزيتلة راسي وحطيت علاكت الأدوية ورة ونزلت من السيارة دخلنة المحل المرطبات واشتريت موطة وهوة عصير وكعدنة علة الكراسي البرة اني اكل بالموطة ومحمد يحشش علة البنات  وربي موتني ضحك ما مرت ابنية اذا معيب عليهة دقايق وحسيت بخيال واحد ضخم صار فوكاي رفعت راسي وشفت شاهين واكف بملابسة العسكرية وبيريتة باوعتلة بستغراب هذة اجابة اهنا ضليت صافنة علي وارمش بعيوني  وهوة شافني وعقد حاجبة وكال

شاهين بجمود : السلام عليكم  

محمد : وعليك اسلام ابن العم اجابك اهنا 

شاهين :..............

الفصل السادس من هنا