رواية هل للقدر رأي اخر الفصل الخامس بقلم دارين أسامة
قعدنا وانا والمحاميه كاميليا نتكلم،سألتني عن كل التفاصيل المهمه واللي هتحتاجها ،خلصت معاها وخرجت بره،كان يونس قاعد ساند راسه للحيطه ومربع ايده ومغمض عينه ،كان شكله جميل ووسيم اوي ،بس لا ابدا مستحيل اكلمه بعد اللي عمله جواو
=احمم
فتح عينه وبصلي
_خلصتي؟
=اه
_طيب يلا
=فضلنا طول الطريق ساكتين
لحد ما قطع الصمت ده وقال
_مريم انا اسف علي اللي عملته جوا
=اكتفيت اني اهز راسي بس
_لسه زعلانه؟
=لا
_طب عيني في عينك كده؟
=انا قولت مش زعلانه
_طيب تحبي نروح ناكل احنا بنلف من الصبح
=لا شكرا
_متأكده؟
=اه
اصل كله الا كرامتي يعني
_طيب واوردر الشاورما السوري والبطاطس ده الغيه ؟
=بصيتله بفرحه
=......بجد يا يونس انا جعانه اوي و
اوبس نسيت انا المفروض مضايقه الاكل يعمل اكتر من كده
_ضحكت ،طيب قولي من الاول بقي
=اقول ايه
_انك جعانه اهو ناكل سوا
=لا انا مش جعانه وعايزه اروح
_اومال مين من ثواني كانت بتقول "بجد يا يونس انا جعانه اوي"وبدأ يقلدني ابن فاتن
=انا مبكلمش كده علي فكره
_يا ستي ماشي ،ها قولتي ايه؟
=لا
_ده انا قايل للراجل زود توميه
=بصيتله وانا خلاص تكه وهتخيله هو ساندويتش شاورما
_يبقي يلا بينا ؟
=ماشي بس يكون في علمك انا هاجي معاك بس عشان خلاص انت طلبت وحرام الاكل يترمي
_هو انا اتكلمت دلوقتي ؟
=بصيت قدامي ومردتش
_نص ساعه وكنا قاعدين علي العربيه قدام محل شاورما
=كنت ماسكه الشاورما باكل فيها وفي بوقي بطاطس والايد التانيه بشرب حاجه ساقعه
_اللي يشوفك كده ميشوفكيش وانتي بتقولي هاكل عشان حرام الاكل يترمي
=قصدك ايه يعني قولتها وانا بشرب وببلع الاكل
_لا مقصديش كُلي كُلي اطلبلك تاني ؟
=انا مش مفجوعه علي فكره
_اه منا عارف
=قصدك ايه يعني قولتها وانا بقطم حته من الساندوتش
_لا مقصدش
=اصل انا بقالي كتير اوي اوي مكلتهاش يا يونس قولتها والساعده ماليه وشي ،اصل كله الا الشاورما ،واللي منه لله مكنش بيجيلي شاورما
_كان مبتسم وباصصي بحُب
=اتوترت من نظراته بس كنت مبسوطه
_كُلي براحتك انا بهزر علي فكره ،وعارف انك طول عمرك بتموتي فيها من واحنا عيال فاكره ؟
=ضحكت الا فاكره ده انا كنت بجيبها كل يوم تقريبا بعد الدروس
_الدروس بس؟ ،انتِ كنتي كل ما تشوفي محل شاورما تجيبي منه ده انتي خلصتي محلات الشاورما بتاعت مصر كلها
= اعمل ايه بحبها؟
_وانا بحبك انتِ
=شرقت جامد وقعدت اكُح
_انتي كويسه ...طب براحه طيب في ايه كنت بهزر معاكي
=خدت نفسي ،هزارك تقيل علي فكره
_طب كُلي كُلي
=لا اكل ايه سديت نفسي
_بص للأكياس والطبق البلاستيك الفاضي اللي قدامي ورفع حاحبه
_سديت نفس مين انتِ ناقص تيجي تاكليني ،ده انا اخاف علي العربيه منك
=والله ؟بقي كده طب روحني
_لا
قالها وهو بياكل
=علي فكره انا ممكن اروح لوحدي
_اتفضلي
=بصيت حواليا ب استغراب وانا معرفش احنا فين اصلا ،واضح اني غيبت كتير عن القاهره
_ايه مقومتيش يعني
=لا اصل الدنيا حر اوي وعربيتك فيها تكيف
_ضحكت عليها
=بتضحك علي ايه
_علي التكيف ،وفضل يضحك
=بتتريق عليا يا ابن فاتن
_اوب اوب لا بقولك ايه انا ممكن اتخانق معاكي عادي
=وايه اللي مانعك
_احنا في الشارع
=ولا خايف
_اخاف منين ده طولك مايجيش حاجه جمب طول دراعي
=ليه وهو دراعك طوله 155؟ ليه سلندر مان
_ياخفه ،وبعدين انتي طولك 155 كوره كفر انتِ؟
= مين بيتكلم؟عمود النور؟
_طب اسكتي يا زرعه
=بلاش انت يا نخله
=فضلنا نضحك ونهزر زي زمان ،بقالي كتير متبسطش كده
_كان واقف واحد من بعيد بيتكلم في التليفون وباصص علينا جامد بس محدش فينا اخد باله وكان بيتكلم في التليفون
_اه
_....
_تمام
_...
_حاضر
=طب يلا بقي نروح
_انا ورايا شغل قد كده هوصلك وامشي
=يعني مش هتطلع معايا
_لاسف مش هينفع
=ربنا يعينك يلا نتحرك طيب
=اتحركنا ووصلنا البيت ويونس قال هيطلع معايا يجيب حاجه من البيت وينزل
_اهلا يا حبايبي ادخلوا
=ازيك يا فوفا عامله ايه
_بخير يا حبيبتي ...قوليلي بقي الواد ده اكلك حاجه ولا سابك علي لحم بطنك
=لا سابني علي لحم بطني وسابني جعانه من الصبح يرضيكي يا فوفا؟
قولتها بتمثيل الحزن
_يا نهاااااار ابيض
قالتها فوفا وهي بتشهق
=اه يا طنط شوفتي
_ايه يا واد قله الذُوق دي انا ربيتك علي كده ؟
_بس بس في ايه هو انا كلت مال اليتيم ..دي واكله اكل سبع أفراد لوحدها
_بصتلي ...الكلام ده بجد
=يووه كنت جعانه
_طب اسكتي بقي خليتي شكلنا وحش
_احمم ولو فداها...تعالي يا قلبي ده انا عامله صنيه مكرونه بالبشاميل تستاهل بوقك
=الله يا بقي يا فوفا
_قلب فوفا
_طب ايه كوبايه انا هنا ولا ايه
=اه وطلعت لساني
_يلا يا حبيبتي من هنا مش ناقصه
=شايفه ابنك يا فوفا ؟
_انا داخله المطبخ ورايا حاجات مش ناقصكوا
=اديك طفشت الوليه
_طب اسكتي يا زرعه
=بلاش انت يا نخله
_ادخلي جوا احسنلك
=قربت منه وقولتله :كده كده داخله يا يويو
ودخلت الاوضه
_فضلت واقف سرحان فيها ومبلم
_خد يا يونس قطع الخضار ده
_هاا
_يونس بكلمك
_في ايه يا سعاد...وبعدين خضار ايه
_انت مش شايف نفسك مبلم كده ازاي
_يبنتي بقي المُزه جوا
_اسكتوا انتوا الاتنين انا ماشي
_مش كنت هتجيب حاجه من جوا ؟
_اه ...ها ..لا انا نازل..سلام
_مكشوف اوي
_اوي
~~~~~~~~~~~~~~~~~~~~~~~~~~~
"الحمد لله"
في مكان تاني بليل
_كان قاعد ادهم وماسك صور في ايده
_بقي قاعده بتحب وبتاكل وبتخرج والله لاوريكي يا مريم انا هعرف اربيكي كويس
~~~~~~~~~~~~~~~~~~~~~~~~~~
صحيت تاني يوم الصبح سلمت علي فوفا كنت بساعد سعاد في تحضير الفطار وندي مستعجله كالعاده
°الجرس رن
_هروح افتح انا
=فتحت الباب ملقتش حد كنت لسه هقفل الباب لقيت بوكس علي الارض
=فتحته وصوت مره
_جريوا عليا
_في ايه يا مريم؟
_في ايه يبنتي ما تنطقي
_ندي خدت الصور مني واتخضت هي كمان ....احنا لازم
نكلم يونس
=بلعت ريقي بخوف
=كانت صور ليا مع ناس غريبه وصور مش كويسه ليا بلبس مش كويس ،
=قلبت في الصور واتخضيت اكتر لما لقيت صور ليا انا يونس ،وكمان صور لأخواتي وهما في الجامعه كان مراقب كل صغيره وكبيره
=كان في رساله فتحتها وانا هموت من الرعب
_[دي حاجه بسيطه،لو مرجعتيش لعقلك هتندمي علي اليوم اللي قررتي تمشي فيه]
