رواية كبرياء انثى الفصل الخامس
بسم الله ولا إله إلا الله وحده لا شريك له له الملك وله الحمد يحيي ويميت وهو علي كل شئ قدير
مصطفي .. خبط ايده علي السفره ويقوم و عنيه بطق شرار انت بتقول ايه
رافت .. اتخض انت ازاي بتكلم عمك كده
مصطفي .. وكلمه تاني وهنسا انك عمي
زينب .. اهدا يا رافت مصطفي زي ابنك ولازم تحتويه وعلي راي المثل ان كبر ابنك خاويه
سمر .. بتمسك ايد مصطفي اهدا يا حبيبي وقعد
مصطفي .. بيقعد وبيحاول يسيطر علي غضبه
رافت .. يا مصطفي معزتك عندي من معزة سالي بنتي وانا بعمل كده ليه عشان نقرب اكتر من بعض وانا مش هطمن علي بنت عمك غير معاك
مصطفي .. يا عمي الجواز قسمه ونصيب
زينب .. معاك حق احنا ناجل الكلام في الموضوع ده دلوقت احنا اهل وعمرنا ما هنخسر بعض مهما حصل
سمر .. كلامك صح بلاش كلام في الموضوع ده
زينب .. عامله ايه في الجامعه
سمر .. الحمد لله يا طنط كل حاجه تمام
مصطفي .. بعد اذنكم هطلع اشم هواء بره شويه
رافت .. واحنا هنقوم نمشي
سمر .. لسا بدري يا عمي
زينب .. بدري من عمرك يا حبيبتي يلا سلام عليكم
سمر .. وعليكم السلام ورحمة الله وبركاته
مصطفي .. طلع بره
سمر .. طلعت وراه ومسكت ايده ايه ده يا مصطفي
مصطفي .. جرح بسيط ما تقلقيش
سمر .. انا فعلآ اختك الصغيره بس زي ما انا اعتبرتك مكان بابا الله يرحمه انا
مصطفي .. ما تكمليش انت فعلآ بنسبالي مش اختي بس لا انتي مكان ماما الله يرحمها بس انا هتجنن نفسي افوق من كل العك اللي انا فيه ومش عارف انا حاسس ان ربنا غضبان عليا عشان كده بيبعدني عنه حاسس ان قلبي بقي حجر من كتر الذنوب هتجنن يا سمر
سمر .. بتحضنه
مصطفي .. اول ما سمر بتحضنه بينهار وبيبكي
سمر .. وهي حضناه يا مصطفي ربنا عز وجل احن علينا من امنا وابونا انت بس حاول وبلاش الحزن اللي جواك يسيطر عليك بلاش تسيب نفسك للشيطان وتغرق في الذنوب والمعاصي وتفكر ان خلاص ما لكش توبه وتنسا قول رب العزه سبحانه وتعالي اعوذ بالله من الشيطان الرجيم بسم الله الرحمن الرحيم (قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ):صدق الله العظيم وفي الحديث القدسي يقول الله جل جلاله .يا ابن آدم إنك لو أتيتني بقراب الأرض خطايا ثم لقيتني لا تشرك بي شيئًا لأتيتك بقرابها مغفرة" انت من جواك كويس بس استسلمت لنفسك وشهواتك وان متاكده انك هترجع زي الاول واحسن
مصطفي .. ياريت يا سمر نفسي ارجع زي زمان
سالي .. ليه يا ماما ما ضغطيش علي مصطفي عشان يتجوزنى ويكتب لى ٢٠% من اسهم الشركه
زينب .. لو ضغطنا كان هيطردنا وكل حاجه تنتهي ما تقلقيش لازم نرتب كل حاجه صح وانت يا رافت كلم احمد اخوك واطلب منه انك تدير حصته في الشركه وبكده هتبقا راسك براس مصطفي وينفذ كل الي احنا عايزينه
رافت .. بس انتى عارفه احمد من بعد بنته ريهام ما اتخطفت وقلب عليها الدنيا وما عرفش يوصل لي اي حاجه تخصها وهو ساب كل حاجه لمحمد وسافر امريكا ومن بعد محمد وبعد وفاته مصطفي مسك كل حاجه
زينب .. لازم تقنعه باي تمن ده مستقبل بنتنا
رافت .. حاضر هحاول معاه وربنا يقدرني وقدر اقنعه
سمر .. بتطلع من بدري وبتروح علي المنطقه الي ريهام ساكنه فيها وبتفضل في العربيه لحد ما ريهام تنزل
ريهام .. بتنزل ورايحه علي الجامعه
سمر .. ريهام
ريهام .. بتبص سمر انتي من امتي هنا
سمر .. من شويه قولت نروح سوا الجامعه
ريهام .. بس كده هتعبك
سمر .. انا اصلآ في نفس الجامعه بس انا هندسه
ريهام .. بجد امال ليه ما قولتليش امبارح
سمر .. قولت افاجئك الصبح
ريهام .. احلا مفاجئه
سمر .. طاب يلا عشان ما نتاخرش
ريهام .. يلا يا سمر و تركب و بيتحركه علي الجامعه
سمر .. حمدالله بالسلامه يا قمر
ريهام .. الله يسلمك
سمر .. هخلص محاضرات وستناكي في الكافتريا
ريهام .. اوكيه سلام
سمر .. بتركن العربيه وبتطلع علي محاضراتها
ميساء .. بترن علي مصطفي
مصطفي .. بيصحه علي رنتها الو خير في حد يرن علي حد بدري قوي كده
ميساء .. انت نسيت مش هتيجي تاخدني وتوريني البت الي قولتلي عليها
مصطفي .. اه افتكرت ماشي اجهزي وانا هعدي عليكي
ميساء .. انا جاهزه ومستنياك
مصطفي .. مسافة السكه وكون عندك وبيقوم وهو من جوه مش عايز غير يشوف ريهام وهي مكسوره قدامه وبيلبس وبينزل
ميساء .. اخير وصلت
مصطفي .. اركبي يلا و يتحرك علي الجامعه
ميساء .. زي ما اتفقنا يا درش
مصطفي .. انتي بس نفذي الي قولتلك عليه وانا هغرقك فلوس المهم تجبيها الشقه
ميساء .. انت هتعمل فيها ايه
مصطفي .. مالكيش فيه انتي تعملي الي طلبته منك وبس
ميساء .. حاضر انت بتذؤق ليه كده
مصطفي .. بيدخل الجامعه وقف علي جنب
ريهام .. بتطلع من المدرج
مصطفي .. اهي يا ميساء
ميساء .. تمام الباقي عندي اختفي انت
مصطفي .. بيركب عربيته وبيمشي
ميساء .. بتمشي ناحيت ريهام وتخبط فيها
ريهام .. بتوقع منها الشنطه وكل اللى فيها على الارض
ميساء .. اسف ما خدتش بالي وتنزل معاها علي الارض و بتلم الشنطه معاها
ريهام .. حصل خير ولا يهمك
ميساء .. معلش انا كنت جايه لوحده صاحبتي هنا ومالقتهاش وعامله زي التايها هنا
ريهام .. اقدر اخدمك بحاجه
ميساء .. والله دماغي هتنفجر عشان مشربتش قهوتي الصبح هي الكافتريا فين
ريهام .. اتفضلي معايا انا كده كده رايحه الكافتريا
ميساء .. بجد ده انا ربنا كرمني بيكي اسفه نسيت اعرفك بنفسي انا ميساء
ريهام .. وانا ريهام
ميساء .. ريهام علي اسم اختي الله يرحمها وبدات تعيط
ريهام .. الله يرحمها ما تزعليش
ميساء .. بتمسح دموعها انا قلبي اتفتحلك من اول ما شوفتك
ريهام .. تسلمي يارب اتفضلي ارتاحي
ميساء .. تسلمي
ريهام .. قهوتك ايه
ميساء .. مظبوط
ريهام .. لو سمحت قهوه مظبوط والعصير بتاعي
المتر .. حاضر ثواني ويكون عندك
ريهام .. شكرآ
ميساء .. وانتي في كلية ايه
ريهام .. تجاره
ميساء .. انا خريجة كلية اداب
ريهام .. بتشتغلي
ميساء .. واشتغل ليه بابي مش مخليني محتاجه حاجه
ريهام .. ربنا يخلهولك
ميساء .. هو باباكي بيشتغل ايه
ريهام .. بابا عامل بسيط في شركه
ميساء .. انا ارتحتلك اووي مع اني صعب جدآ اني ارتاح لحد
ريهام .. وانا كمان اتفضلي القهوه
ميساء .. اخيرآ ده انا دماغي هتنفجر
ريهام .. الف سلامه علي دماغك
ميساء .. ضحكت الله يسلمك
رافت .. بيرن علي احمد
احمد ..السلام عليكم
رافت .. وعليكم السلام ورحمة الله وبركاته
احمد .. اخبارك ايه يا رافت وزينب وسالي عاملين ايه
رافت .. كلنا بخير انت وام محمد ومحمد عاملين ايه
احمد .. الحمد لله كلنا بخير ام محمد جنبي بتسلم عليك ومحمد في الجامعه
رافت .. ربنا يوفقه
احمد .. تسلم يا رافت خير فيه حاجه
رافت .. بطمن عليك
احمد .. ادخل في الموضوع علي طول وبلاش لف ودوران
رافت .. ضحك انت علي طول فاهمني
احمد .. قولي بقا فيه ايه
رافت .. مصطفي ابن اخوك مابقاش له كبير وهيضيع الشركه كلها يا احمد ولازم نوقفه عند حده
احمد .. ومين اللي عمل الشركه مش ابوه محمد الله يرحمه
رافت .. ايوه انا ما قولتش حاجه بس احنا كنا معاه
احمد .. لو جيت للحق الاسهم الي خدنها هو الي ادهالنا وانت بعت ٣٠ % من اسهمك وفضلك ١٠% اما انا كده كده هسيب الاسهم بتاعتي لمصطفي وسمر ده حقهم ابوهم اللي تعب وبناء الشركه دي كلها علي كتافه
رافت .. كلامك صح بس انا بقول كده مش عشان عايز اسهمك لا انا بحاول أحافظ لهم علي الشركه مصطفي غرقان في الشرب والنسوان وسايب الشركه تتنهب وتخسر ومصطفي وسمر هما الي باقين من ريحة محمد الله يرحمه ولازم نحافظ عليهم
احمد .. انت بتتكلم جد
رافت .. وهو الكلام ده فيه هزار انا عايزك تعملي توكيل بالاداره عشان امسك الامور قبل ما تخرج عن السيطره
احمد .. سكت شويه يعني عايز توكيل مني
رافت .. اه واوعدك ارجع كل حاجه زي ايام محمد الله يرحمه ولما مصطفي يفوق هرجعله كل حاجه وحتي ١٠ % بتوعي هتنزله عنهم ما هو كده كده هيتجوز سالي بنتي
احمد .. الف مبروك ما قولتليش يعني
رافت .. هو طلبها وانا رفضت عشان اشده شويه ويفوق لنفسه
احمد .. اذا كان كده ماشي اخلص الاجراءات و كلمك
ميساء .. اخيرا الدماغ اتظبطت وبتبص لقيت سمر جايه وبتقول في نفسها دي اخت مصطفي ايه الي جابها هنا احنا اتقبلنا مره في الشركه لما كنت عند مصطفي في المكتب ولو شافتني ممكن تعرفني
ريهام .. مالك سرحتي في ايه
ميساء .. لا ولا حاجه بس افتكرت مشوار مهم
ريهام .. استني هعرفك بصاحبتي واختي
سمر .. السلام عليكم
الكل .. وعليكم السلام ورحمة الله وبركاته
ريهام .. اعرفك يا سمر ميساء
سمر .. بصت عليها اهلا يا ميساء وبصت في وشها احنا اتقبلنا قبل كده
ميساء .. ارتبكت لا دي اول مره اجي الجامعه فيها
سمر .. انا حاسه اني قابلتك قبل كده
ميساء .. مظنيش
سمر .. بتبصلها جامد وبتفكر
