رواية الضابط فهد ومريم الفصل الخامس بقلم مجهول
صارت الساعة 4 واجتي نور تصيح
نور: : اجة صخلاان كلهاا صارت تباوع علية عزاا بعينج نويرة فضحتي اختج
اقصد فهيداان فهيداان خطأ فني يجماعة
اباوعلهن طشارهن صار مالة والي كلهن لبسن عبي وكفن واني اجتي ماماا لبستني البركع وكمت ابجي
ام مريم: : لتبجين حبيبتي ربي يسعدج ويخلي ايامج كلهة فرح
مريم :: حضنتهة وبست راسهاا وراحت وكفت ع صفحة
شوي وطب فهد وكف بصفي اخذنة صور وبعدهاا طلعنة ماحس الة صوت الرمي زرف اذاني جماعت فهد حركوو المنطقة حرك صعدني بسيارة وكعد بصفي وكعد عمة وام فهد ليكدام صوت الاغاني ول هورنات الطريق كلة. فهد الطريق كلة محجة وياي ولاا كلمة، ساعة 6 وصلنة البصرة طبيت للبيت كعدت وكعد فهد بصفي شوية وكام طلع اجني بنات عمة وخواتة كامن يركصن ويهوسن.
ورة شوية اجني خواتة طببني للغرفة وطلعن
من طلعن شلت البركع باوعت ع الغرفه ضليت صافنه الغرفه مساحته جبيره وتصميمه وديكوره يجنن والنشرات جبيره وتصميمه وديكوره يجنن والنشرات والاضويه وفرشت النوم البيضه كلش حلوه سمعت الباب انفتحت نزلت البركه بسرعه وضليت كاعده بمكانی عرفته فهد طب نزع الستره مال قاط وشمرهه بلكاع وكعد على طرف الثاني مال جربايه ورث جکاره وكعد يدخن نتضرته وقت طويل حتى يحجي وياي ولو كلمه تالي ماكو اني هنا صدك طلعت روحي وخرت البركع ورحت وكفت کبالة
مريم : انت ليش الي دسوي وياي من يوم الي خطبنه حد هذا اليوم وانت تتصرف وياي بهطريقه ولا معتبرني مرتك ، مثل المجبور ع الزواج
تالي مشفت منه رد هنا ضجت حيل ورفعت صوتي وكتله ممكن تجاوبني
فههد : اني کوه متحمله من يوم الي- خطبنه لليوم و مالي نفس اتقربله لذلك كعدت على صفحه ومالمسته وماحسه اله اجتي عليه وكفت كبالي وضلت تحجي اني مجاوبته كلت هسه من شوفنی مجاوبته تتركني بس ردت رفعت صوتهة عقلي طار اني ماعندي مره ترفع صوته عليه عيوني صارت حمر وكلبي شتعل نار كمت عليه ولزمته حيل من زنودهه وعصرتهة وكتله اي ماحبچ وماريدچ ومجبور ع الزواج منچ اني تزوجتج بنائا على طلب من امي ولعلمج اني احب وحده ثانيه اني وياها علاقه حب صارله سنه وانشالله اتزوجهاا وانتي هنا مجرد خدامه مو اكثر ولا تحسبين نفسج مرتي ابد لانو اني مراح اعتبرج مرتي انتي خدامه وبس فهمتي #ڪــڔٰا̍ڕ
مریم : هیج اسمعه يحجي واني دموعي تجري ومن خلص كلامه دفعت ایده من زنودي وضليت اصيح عليه انت ليش تزوجتني اذا تحب وحده غيري انت ليش دمرت حياتي انت متخاف من الله - لاتتقربلي : ولا تلمسني
فهد : ضلت ترفع صوته عليه ومنكسر خشمه بعد الشي الي كلته مكدرت آمد ايدي عليهاا شيكولون الناس بيوم عرسهاا وضربهاا اكيد شايف شي عليهاا
طلعت من الحمام شفتهاا تبجي ماكدرت اضربج بس كسرت خشمج حتة مرة ثانية مترفعين صوتج
مریم : طفيت الكلوب واخذت مخده وبطانيه ونمت بلكاع خلیت راسي ع المخده وغرکت بدموعي تمنيت امي يمي واخلي راسي بحضنهاا بس غفیت بدموعي وفزيت الصبح على دكت الباب مال غرفه فتحت عيوني ملكيت فهد بفراشه باوعت لساعه 10 صبح کمت فتحت الباب طلعت خالة سعاد
سعاد : صباح الخير اني اسفه یمه ماردت اكعدج بس الناس رایحه جايه علينه يردون يتباركولنه وانتي نايمه يله جهزي ونزلي اني محضره الريوك نتريك اني وياج
مریم : هزيت راسي بعمنی اي وراحت اني سديت الباب ورحت للحمام غسلت طلعت فستان طويل ورداناته طوال بس تور شکله مرتب لونه ذهبي لبسته وخليت مكياج خفيف وخليت شعري مفتوح بس شلته من الجوانب وخليت عطر ونزلت لکیت خاله سعاد بلمطبخ مخليه صينيت الريوك وتنتضرني كعدت يمه وسألته خاله لعد فهد وين
سعاد : ففهد راح لدوامه وميرجع منا لبعد سبوع لان دوامه سبوع بسبوع
مريم : اني هنا کوه بلعت الكمه وعيوني نترست - دموع
سعاد: شبيج يمة منوو وياج
مريم: لا خالة ماكوو شيي
سعاد: احجيلي يمة اني مثلل امج
مريم : من كالت اني مثل امج نزلت دموعي وبجيت بصوت عالي وكتله اريد اسألج سؤال وجاوبيني الصراحه
سعاد : اي يمه سألي
مريم : صدك فهد يحب وحده وصارله وياها سنه بعلاقه حب
سعاد : اي صحيح مريم : وانتي تدرين بعلاقتهم
سعاد : نزلت راسی وکتله ایي
مریم : صرت عصبيه وضليت اصيح اذا تدرين بي يحب وحده ليش لعد مزوجتي الهه ليش دمرتو حياتي انتي تدرين البارحه فهدد شحجه وشسوه وياي شرحتله كل الي صار بيني وبين فهد وشحجة
سعاد : عزه العزاني سوده بوجهك فهد
مریم : جاوبيني الصراحه ليش زوجتيني الفهد انتي ومزوجتي البنيه الي يحبه
سعاد : صراحه هيه البنيه من بغداد اسمه ملاك تدرس : جامعه مرحلی ثانیه . کلیه ومتقبل تزوج اله تخلص جامعه بعد سنتين واني ماكدر مفاصلي تعبانه وكوه امشي على رجليه وثاني شي معجبتني لانو هيه طبعه تطلع بدون حجاب وعبایه یعنی بشعره وتلبس بنطرون وبدي اني هذا شي ماعجبني اني احب البنيه المستوره وثالث شغله شكله مو شكل وحده اني كلت هاي رح تشلع كلبي ومتتأقلم وياي ومن شفتج حيل حبيتج ودخلتي كلبي لذلك خطبتج الفهد صح هو ماجان قابل بهزواج وغصب عنه بس اني کلت بمرور الوقت يحبج ويتقبلج كزوجه اله بس متوقعت فهد راح يسوي هيج
مریم : اباوعله تحجى هیج ودموعي تجري واني شنو مصيري تدرين اذا فعلا اتزوج ملاك رح يهجرني ويتركني . وبعد ميسأل عني حتة
سعال . لاا يمة لتفكرين هیج خلیج صبوره راح يجي يوم من الايام ويتقبلج كزوجه ويحبج ، لا تيأسين واني وياج وماتركج اني بمقام امج لا تحسبيني غريبه يله وهسه مسحي دموعج وتعاي اراويج البيت
مریم : مسحت دموعي وكلت الله كريم اصبر وانشالله يجي هليوم ويتقبلني فهد ويحبني اخذتني خاله تراويني البيت بيتهم كلش جبير 3 غرف ومطبخ وصاله وع الجهه اليمنه حديقه جبیره تخبل تفتح النفس كله اشجار وخضار ورد اشکال وانواع وع الجهه اليسره كراج صغير فهد يخلي بي سيارته وبيتهم کله من هذا البناء الفخم والحديث صار وقت اسوي غده الضهر مخلتني اسوي كلتلي انتي عروس لطبين المطبخ اله وره سبوع كعدت يمه وهيه بدت تسوي غده سوت وخلصت وكعدنه تغدينه هيه غسلت ماعين وبدت الناس تجينه حتى تتباركلنه معارفهم وكرايبهم حد مصارت ساعه 11 بليل يله كفت الناس بس متت من تعب راحت خاله سعاد لغرفته واني رحت لغرفتي سبحت ونشفت شعري بس ماعرف اسوي ضفيرة جانت ماماا تضفرة الي رحت لخالة سعاد
مريم: خالة ممكن تضفريلي شعري
ضفرتلي خالة سعاد شعري وكلتلهة خالة ممكن انام يمج اخاف انام وحدي
سعاد ; اي يمة ليش لاا تعااي
مریم : رحت لغرفتي جبنت مخده وبطانيه وفرشتهن يمه بلكاع لانو هيه عده سرير واحد مال نفر تنام عليه هیه فرشت فراشي وكعدت اباوعله طلعت قفلت البيبان بلمفاتيح قفلت باب الشارع وباب الستقبال وباب المطبخ ، وباب الصاله وطبت وقفلت باب الغرفه
سعاد: فهد موصينة قبل لانام نسرقي البيبان بس هلمره فهد مموجود قفلت بلمفاتيح صح المنطقه العايشين بيه . امان بس امور دنيه كلشي واحنه بس نسوان اني كلشي يصير وهاذة المفتاح راح اخلي يمي خاف تردين اطلعين
مریم : کتله تصبحين على خير ونمت اول مخلیت راسي ع المخده اجتي بالي ليله البارحه وشلون تعامل وياي فهد غمضت عيني بقوه " ونزلت دموعي وبعدها محسيت ع شيي ونمت ، كعدت الصبح الساعة ب 8.باوعت الخاله سعاد نايمه اخذت المفاتيح على كيف وفتحت باب الغرفه وطلعت للمطبخ غسلت وجهي وخليت القوري ع النار. وماحس الة خالة سعاد يمي
مريم : صباح الخير خالة
سعاد: صباح النور يمة اني موكتلج لطبين المطبخ
مريم: عادي خالة مصار شي وبعدين اني ماحب اضلل كاعدة حبابة خليني اشتغلل وياج
سعاد: ماشي يمة اذا هلشي يريحج سوي
مريم : سويت ريوك ونضفت البيت وسويت غده صار وقت الغدة تغدينه وغسلت ماعين وكعدنه بصاله اني وياها ومانحس اله الباب ندکت کامت خاله فتحت الباب طبن نور وهدى وحیدر رجل هدى نور عده ثنين ولد واحد اسمه حسين عمره 3 سنوات واحد اسمه محمد عمره 6 اشهر وهدى عده ثنين بنات طبن وسلمت عليهن وكعدنة نضحك ونسولف طبعاا ندمجت وياهن بسرعة لائن هنة حبابات يموتن علية نفس امهن
هدى: اليوم صرنة 3 خوات
سعاد : واني صار عندي 3 بنات نور وهدى ومريم
اني كللش فرحت بهلكلام محسسني انو اني غريبة عنهن عاملني مثل اختهن هم الحمدالله طلعن حبابات هنه وخاله سعاد ضلينه نسولف حد مصار المغرب كمنه سوينه عشه
المغرب كملنه سوينه سوينه عشه وتعشينه وكعدنه وره العشه ضحك وسوالف حد مصارت ساعه 11 خاله سعاد راحت لغرفته نامت وانی کمت قفلت وطفيت الاضويه واخذت البنات ورحت الغرفتي كعدنه نسولف سوه ومحسينه ع ساعه اله 2 نمنه وكعدنه صبح سوينه ريوك وتريكنه وبقينه على هل حاله 3 ايام وراحن البنات بس كلش تونست وياهن وضجت من راحنوبعد 3 ايام ويرجع فهد مرت ال 3 ايام عادي مثل العاده كعدنه الصبح وتريكنه غسلت ماعين بدیت انضف بلبيت بعدها سويت غده وتغدينه ، اني وخاله بلمطبخ نسولف شوي وحسينه فهد طبب سيارته للكراج طبعا احنه بقينه بلمطبخ وهو طب كبل للغرفه
فهد : خلص دوامي وتمنيته ماخلص لانو ماريد اشوفه رحت للبيت طببت سيارتي وطبيت هنه بلمطبخ اني كبل رحت الغرفتي سبحت ونمت لان تعبان واحس امي تكعد بيه جايبتلي صينيت العشه خلته ع الجربايه يمي وهيه اجتي وكفت كبالي
سعاد : ياحسافه تربايتي بيك متوقعت تسوي هيج اني موهيج ربيتك اني ربيتك ع الاحترام وطيبه الكلب انت منين اجتك هل قساوه انت منشوکت صرت بلا رحمه وبلا كلب لك شنو ذنبه البنيه تخرب عليه ليله عرسه لك ليش هيج مسوي وياها بليله العرس مو حرام عليك شوف فهد اذا ضلیت تتعامل ویاها هیج ومجر وياها عدل اخذهه بلیله ضلمه واشرد بيه وما اخلیلنه اثر وعلى شغلت ملاك ترة ملاك متصير مرتك الة تطلع جنازتي من هلبيت غير هلحجي ماكوو واني حذرتك يبن بطني وهذاا عشاك وخلقتك ماريد اشوفهة ع الاكلل
فهد : امي حجت هيج واني صرت نار من كلامه حتى ماتعشيت نفسي نسدت تركت الاكل واخذت السويج وطلعت -شغلت سيارتي ورحت يم عماد طبعا عماد صديقي اني ويا روح وحده تعرفت عليه من دخلت کلیه ضباط ودرسنه وتخرجنه سوه بس اني اعله منه رتبه هو مثلل اخوي من احجي وياا ارتاح
مريم: صار وكت العشة وخالة مقبلت فهد ياكلل ويانة اخذتلة صينية ورة شوية اجتي كعدت نتعشة وطلع فهد وراهاا شغل سيارتة وراح احنة كملنة غسلت المواعين وسويت جااي كعدت يم خالة حجينة شوي ورحت سبحت لانو كلت فهد ميجي هسة واني اسبح سمعت فهد اجة طبب سيارتة وطب للغرفة اني مدرت بال كلت اكمل سبح واروح يم خالة
فهد: طبيت للغرفة سمعت صوت مي عرفت هية ماهتميت كعدت ع الجرباية وخابرت ملاك ورة شوي طلعت وراحت وكفت يم المراية من شفت شعرهة كلت اكيد هاي عباية كلت بكلبي قلل اعوذ برب الفلق
اسمع ملاك تحجي وياي واني صافن بلاخير صحيت من صفنتي وكلتلهاا ايي حبيبتي وياج شفتهاا بسرعة باوعت علية وعيونهاا غوركت بلدموع مادري ليش نقهرت عليهة
مريم: سمعت هيج عقلي طار متحملت اضلل ساكتة رحت وكفت كبالة وكتلة
ويلاا طلعوو برة شكوو مامليتوو دللتكم هوااي اليوم
