رواية دخيله الشيخ زين العابدين الفصل الواحد والستون بقلم أوتار حزينه
ليان
كاعده وي مالك بالصاله
سألني
اكلج رسول عبالك ماله
جيه بعد
اي استقر بتركيا يكول
بعد ماارجع للعراق
مخبل هذا عاف وظيفته وبيت اشترو اهلو اله وراح سكن بالغربه وكعد بيت ايجار
خاله ماقبلت وعمو هم بس هو عاند وماقبل يسمع منهم ومرته هم تعرفها ظلت براسه الما خلته يعوف كلشي ويروح لهناك
مرتو كويه يولي عبالك هي الرجال وهو المره
والله هو ماجان هيج عصبي وكلمته وحده مااعرف شجاه تغير بين يوم وليله
ااي عباا
سكت دار راسه للمطبخ گال
شنو هذا العياط
ووين
گام بسرعه طلع واني وراه سمعت امي تعيط گلبي فز من الخوف
طلعت اركض وره مالك ،،، فتح الباب جمدت بمكاني من شفت سياره شرطه وعياط امي تارس المنطقه گلت وسيم صار بي شي
مشيت بسرعه اصيح
شبي اااخويه
هو صار گدامي واگف وصافن ابويه ساند روحه على الحايط
امي ملخه روحها وكاعده يمه تصرخ شافتني صرخت
وولج ليان راحت لاراااا ااختج مااتت
هويت ليوره مالك لزمني كعدني بالگاع اباوع بذهول لامي تضرب بروحها
بابا تحرك لزم گلبه وووگع ليوره
باباااا
صرخت ورحت اله زحف مالك عافني رگض اله صراخنا ترس المنطقه والناس التمت علينا شالو وركضو بي
گمت وراهم وگعت طلعت بره اباوع اخذو بسرعه اصيح
بابا لااتموت وتكسر ظهري وولكم شكو اختي شلون
ماتت
سياره الشرطه تحركت من يمنا افر براسي اريد احد يگولي شصار ولارا شلون
ماتت
ام عامر اخذتني لجوه اسمع صراخ الجهال اخذوهم من يمنا نوار سندت امي هي وجوارينه مشيت وراها مااعرف شاسوي اردد بذهول وابجي
شنو ولكم اختي صدك ماتت شلون ماتت نوار فهميني لارا شلون ماتت
گعدت امي بالصاله فاقده وتصرخ گعدن يمها الجيران اجت عليه اردد مذهوله
نوار شلوون ماتت وج ااحجي
اخذتني للغرفه الجوه ادگ وتلطم على وجهها صحت بهستريا
ووج احجي لارا شلون ماتت
شااحجي ليان فضيحه گشره وولج ايهم شافها وي واحد وكاعده تخونه
وكتلهم اثنيهم
وگعت على رگبتي صافنه والدمعه جمدت بعيوني كعدت اگبالي تصيح بصوت مكتوم
اانفضحنا ولج ااختج فضحتنا
گمت اصرخ من كل گلبي واضرب على وجهي لزمت ايدي انهاريت وهي وياي
ابجي واردد
لاااااااا لاا نوار گولي غير شي ووج شلوون تسوي هيج شنوو يعني شنو فضحتنا مرة اللخ وكسرت ظهرنا
ماردت رجعت اضرب على وجهي لزمتني اصرخ
ووج ليييش لارااا ليش كسرتي ظهرنا مرة اللخ
مالك
كلشي ماافتهمت بس لارا ماتت شلون مااعرف عمي تخربط ووگع علينا اخذته اني ووسيم وجم ولد من المنطقه للمستشفى
هناك فحصو وكالو ضاربته جلطه بگلبه حولو على الانعاش لان حالتو جانت فد مرة
وسيم انهار جدام الردهه گام يبجي وهو گاضب راسو
سألت
ولك شصاير احجي تكلم اختك شلون ماتت
اااخ ولك اخ مالك راحت بعار راح يظل ويانا طول العمر
بهتت وصحت بي
ااحجي كول شصار
ولك شااحجي
گام يضرب على وجهو مثل النسوان گضبتو
ولد المنطقه ظلو يدحكون اله مشو من يمنا وراحو مسافه
ووسيم كاافي تلطم مثل النسوان وفهمني شصاير
كتلها ايهم وواحد وياها وولك شافها تخونه وكتلها هذاااا الصار مااالك
صرخ بجنون وگام يدك على راسه
يااربي اخذني يااارب خلصني من فضيحتها لهاي الگحبه
حظنته يصرخ بجنون اردد
مذهول
كاافي ولك كاافي ااسكت ياربي شنو هالكسرة الظهر
مااعرف شاحجي انصدمت من السمعتو شأسوي وشلون اسكتو مفجوع
بهالخبر وانا معه ومنا ابوه انجلط وصار بين الحياه
والموت رددت بقهر
خررب بيج طلعتي من بيتهم بفضيحه ورحتي للگبر بفضيحه حسبي الله عليج ونعم الوكيل كسرتي ظهرهم لاهلج
بالي راح ليم ليان گلت اكيد عرفت وهساع شحالها عفت وسيم من سكت بس
ظل يروح ويجي بمكانو
مصدوم وصافن للردهه
خابرت نوار ماترد
ووج ردي خل اشوف ليان
اتصلت مرة اللخ والثالثه ردت گالت وهي تبجي
ها مالك شلونه عمي
شلونه يولي انضرب جلطه قويه وهساع هو بين الحياه والموت
يمممه صرخت
گلت
اااش يولي اسكتي مااريد احد يعرف ،، ليان وينها وشلونها
رددت تبجي
شلونها مالك حبست روحها بالغرفه تصرخ وتبجي
ااخ يابه ااخ شسويتي بينا ياساقطه
وسيم شلونه طمني علي
ووج شلونه يبجي ويلطم مثل النسوان
رااح يصير بي شي شاااحصل اني ياربي
شلون مالك بهالفضيحه الگشره
مدري مدري ولج عقلي جمد ماجاي اعرف اتصرف مو مستوعب لحد هساع
الصار
سمعت الجهال يصرخون گلت
روحي سكتيهم ولاتخلين ليان وحدها وج لايصير بيها شي وين اروح ياربي منا
عمي انجلط ومنا هي خاف لايصير شي بيها
عفيه انطيني وسيم
عووفي هساع
صرخت بها وكملت
مايكدر يحجي نوار الولد شبه فاقد
عزه العزاني ماالك راح يروح من ايدي
روحي خل اشوف الدكتور اجه لعمي
سديت الخط رحت للدكتور وسيم گام ووگع ليوره ركضت اله گضبتو گال
بصوت مخنوگ
راسي مادري شبي
الدكتور گال
جيبه لهاي الغرفه
اخذتو الها تمدد يون
ومدري شبي فحص ضغطه گال
هااي شنو ضغطه كلش صاعد بسرعه
مهدي اضربه ابره مدرر وفاليوم وخلي اله مغذي
ضربو الابره وهو بغير عالم حارث ولد جيرانه اجه يمو طلعت وره الدكتور من راح لعمي طب فحصه سألت بخوف
ها دكتور شلون وضعه
مايبين هسه لباجر من يكعد نعرف شنو وضعه
سكتت ادحك له فد مره صار الوجه غده نوميه وجن راح يروح من ايدنا عگبت لوسيم نفس الحاله حرت بينهم وردت واحد يگف وياي الزين اجه بالي خابرتو جاوب
هلا مالك ها عش ماجيت يول
يازين تعال عليه محتاجك اخويه كلش
شبيك مالك شصاير
ولك سالفه ماتنحجي بالجهاز تعال لمستشفى
الكرخ انا يم ردهه الانعاش
ولك شصاير اهلك بهم شي
ولك تعال وافهمك
جاايك هساع
جيب وياك الولد وتعال
جاايك هساع طلقه
سديت الخط ظليت اروح واجي يم عمي
ووسيم گعد ورة مشوار
فد مره يون ومايگدر يحجي شي
الزين اجه هو وعوض وصافي رحت له سأل بقلق
وش بلاك وشصاير تكلم يول وگعت گلبي
امشي وياي
اخذتو مسافه وگلت بخنگه
فضيحه گشره ياخويه ولك ااخت حرمتي زلمتها گضبها وي واحد وجتلها هي ويا
الزين فك عيونو وگال
هي ماغيرها
ااي ولك ااي هي ام البلاوي طلعت بفضيحه من دار اهلها وراحت بفضيحه
لدار الاخرة
خرب ولك هاي شنو هالسالفه
ولك مصيبه ياخويه عمي من سمع انجلط ووسيم صعد ضغطه وتخربط ومااعرف عليمن اصد هم منا وحرمتي مدري شصار بيها هساع
شأحجي ولك مااگول غير الله يعينكم على هالمصيبه
ياخويه الفزعه
ابشر بها عند عيناك انا والولد
ظل هنا يمهم بس اروح للبيت اشوف ام كيان شصار بيها لان الكاع ماعاد تلمني بس اروح اشوفها وارجع
روح انا اسد مجانك
تسلم يابو شعلان
خذ عوض معك
لاا اني اروح وارجع خلي هنا يمك
هز راسو
مشيت لوسيم متمدد ويدحگ بجمود للسگف گلت له
وسيم رايح للبيت اشوف الاهل وارجع.. ولد عمي يمك هساع اروح واجي
بسرعه
مارد دمعته حدرت لميت قبضة ايدي بقوه مشيت من يمو ضربت قبضه باللخ صحت من جريح گلبي
ااخ ولج ااخ شسويتي بينا يااساقطه فضحتي اهلج وكسرتي ظهرهم
مشيت ماشفت حارث ومحمد ولد المنطقه گلت رجعوا مشيت بسرعه ما اشوف دربي صعدت سيارتي ورجعت للبيت
طول الطريق گلبي مثل الهبطه بي كل ساع اگول راح تخابرني نوار وادگولي ليان صار بيها شي
ابوها زلمه واخوها شاب انهارو واحد انضرب جلطه واللخ غده فد مرة هي هساع شحالها وشصار بيها
وصلت للشارع شفت اوادم واكفه وادحك لبيتهم ضربت الستيرن بقوه وصحت بخبال
خررب بيج فضحتينا ولميتي علينا العالم
وصلت صاير فد مره شافوني كل واحد مشى لبيته نزلت باب الشارع
مفتوح طبيت بسرعه اسمع صراخ امها
صحت بالمطبخ
نوااار نوار
اجت تبجي سألت بسرعه
عمي ووسيم شلونهم
عمج مو زين ووسيم ضغطه صعد
كامت تلطم على وجهها حجيت
وين ليان بيها شي
بالغرفه ملخت روحها مالك
مشيت بسرعه للغرفه امها گاعده بالصاله ملخه روحها وحالها حال يمها ام رسول اختها تبجي وصايرات فد مره
اابو وسيم شصار بي
سألتني ام رسول
نوار ردت وهي تبجي
عمي ضربته جلطه ووسيم صاعد ضغطه
يااربي ووولج ليييش هيج سوويتي وولج ليش كسرتي ظهرنا
امها صرخت وكامت تلطم على وجهها
رحت للغرفه البيها ليان فتحت الباب وكفت صفنت عليها كاعده على الجربايه
وضامه وجهها بين رجليها
تبجي وتشهگ
ليان
صحتها رفعتو ودحكت لي كضبت هدومها تجر بها بقوه وصرخت
اااخ مااالك فضحتنننا لاراااا وكسرت ظهرنا بعد اكثر
رحت لها من گامت تضرب بروحها گضبت ايدها تصرخ
شسووويتي بينا ووولج فضحتينا حسبي الله عليج كسرتي ظهرنا ودمرتينا لاراا
ااش كافي راح يصير بيج شي
صااار وانتهيت ماالك شلون بعد اخلي عيوني بعيون الناس شلوون بابا راح يكدر
يمشي بين الناس ووسيم شنو ذنبه حتى هاي الساقطه تسوي بي هيج
تشهگ وتصرخ
شنووو ذنبنا احنا حتى ننفضح مرة اللخ ياااربي شنووو ذنبنا والله مااااظلنا
وجه نمشي بي بين الناس
فقدت وانهارت تصرخ بجنون اريد اسكتها ماكدرت نوار طبت وراها خالتها گالت الها هي بحظني وگاضبها بقوه حتى ماتضرب
روحها
كاافي ليان كافي ماما راح يصير بيج شي ووج گلبج منا ااسكتي لاتجيج الذبحه
خليييي تجيني خااله خل اموت وينه الموت هلا بي خلي يجي ولكم شلون
گضبتني ادحك لي مفجوعه وتردد
شلون مالك سوت هيج وصدك ايهم كتلها يعني
صدك شافها تخونه وي واحد وكتلهم اثنينهم
مارديت صفنت عليه مكسوره ومفجوعه ووجهها مطعون وغدت فد مرة تردد بجنون
كتلهم وحجيت بابا لادلل ماما لارا تره راح تأذي
روحها وتأذينا وياها كتلهم ماالك بس محد سمعني هيج احسن شوف شسوت خانتني وزنت وي ايهم وماا كفاها لاا راحت زنت وي واحد اللخ وكتلها ااي كتلها وانفضحنا
ووج كافي راح يصير بيج دحكي علي ليان صيري قويه ابوج محتاجج واخوج
هم يولي لاتفجعيني بيج
شوفيني شلون صرت من وراج
ماتتت بفضيحه ناار راح تحرگها ااختي اني ماتت مكتوله ووي واحد شلون سوت هيج فهمني مالك ليش هيج سوت ولكم
عقلي راح يووكف وينها خل اروح اسألها هي هيج سوت بروحها وبينا
گامت تريد تطلع صحت وگضبتها
ووين رايحه
عووفوني هي وين خلوني اشوفها خل اسألها احنا بشنو قصرنا ويااها
اخذتها لحظني روحي انمردت لان شفتها تخبلت
تحجي وتصرخ جسمها باد بين ايدي دحكت الها فاقده
والوجه صار اصفر
انذهلت من شفتها صارت هيج كعدت بيها بالكاع اضرب على وجهها گلت
ضربتها ذبحه نوار تصرخ والجهال وياها صحت بجنون
لياان اگعدي ووج فتحي عيونج
امها اجت تصرخ
يممه ليان ووج شتررريدن تروحن مني الاثنين
گعدت يمها تلطم خالتها ذبت مي على وجهها اخذ مي واخلي بحلگها وانفض بيها اريدها بس تگعد
ونت وفتحت حظنتها لصدري كمت بيها اريد اخذها للمستشفى ماكدرت حيلي راح
نوار جيبي شكر بسرعه
اختي طلعت تركض جابت شكر وانطته لخالتها خلتو بحلگها هي بحظني تفتح وتغمض
ليان اگعدي وج شااسوي بروحي اذا صار بيج شي
فتحت وره مشوار صايره فد مره سألت بصوت رايح
گلبج يوجعج
ماردت گضبت هدومي وگامت تبجي بصوت مخنوگ
حظنتها لصدري اردد
شنو هالكسرة يااربي
🌿🌿🌿🌿🌿🌿
ايهم
سلمت روحي للشرطه وانطيت اقوالي وگلت غسل عار الدنيا انگلبت عليه ابويه اجه واخوتي وعمامي وولدهم گاعد بالمركز ابويه يحجي بذهول
ولك شسويت ضيعت روحك وضيعتنا وياك
اياد كمل بعصبيه
ليش انت كتلتها ليش ماادزيتها لأخوها هو يغسل
عااره
رفعت راسي وباوعت اله رديت بغضب
المن ادز هذا عاري اني شفتها بعيوني وي رجال بفراش واحد شتريدون
اغلس الزمها من ايدها
وواوديها الهم واگول اغسلو عاركم وهم متبرين منها ليوم الدين
ابويه گعد يردد بقهر
وولك شااحجي وياك من ساعه السوده من غلطت وياها وجبتها وخليتها
برگبتك بلاء جبتها النا وطيحت حظك وحظنا وياك من وراها
شراح نسوي ياربي انفضحنا من وره هااي الگحبه
وسيرتنا راح تصير على كل لسان
زياد ردد وهو يفتر يمي ويباوع علي التزمت الصمت ماحجيت شي سمعت الملامه منهم واني اردد وي روحي
جرحج صار بگلبي ،،ليان وشفت وحسيت بألي حسيتي بي وهاي كلها حوبتج طلعت بي وبعد وبعد ماراح ارتاح ابدا
لان ظلمتج وظلمت روحي وياج من خليت هاي الساقطه تضحك عليه
زياد اجه ليمي وگال بقهر
شرااح يصير بيك ولك خسرت كلشي مركزك وسمعتك وراح تنسجن ومن وره منو
من وره وحده ساقطه وگحبه
اني من زمان خسرت كلشي من اول يوم خنت بي ليان اني انتهيت زياد وخسرت
روحي وحياتي وياها
سكت يباوع عليه بقهر ابويه گاعد اگبالي يمه عم حمزة الي گال
شااحجي عليك ضيعت روحك من وره وحده گحبه ومااعرف شلون راح تفض وياك
🌿🌿🌿🌿🌿🌿
هيله
كعدنا بالبيت من وره الصيانه الصارت بالمصنع ام مروان اجت علينا بليل تتوسل الزين يتنازل عن ابنها امي گالت الها
مو بأيدنا حجيه والله بأيد ابو شعلان وحلف مايطلعه تريدون تحجون ويا هذا رقمه وانتو خابرو بلكي يتنازل عنه
اخذت رقمه وطلعت من يمنا تبجي امي گعدت بالهول ريمه گالت الها
يمه عش انطيتيها رقم الزين خاف يضوج ويگوم يحجي
شااسوي يايمه ماتشوفيها رايحه جايه علينا وبس تتوسل بيه وهي مرة جبيرة
والله گمت اخجل منها
واگول بلكي تخابرو هي وتتكلم ويجبر خاطرها ويطلعو
مااظن شفنا شسوه به حقد عليه من وره هيله وراح يركب راسو بعد اكثر عگب
ماشافو راد يضربها وذبح
فزاع برجليه
هاله ردت
ادحك لريمه صفنت وراحت
بعالم ثاني ساريه سألت
شحال فزاع ماعرفنا صوابو قوي لو بسيط
مابه شي ان شاء الله
امي ردت
هاله گالت
يمه اظن فزاع ساكن حوالينا لان بلحظه اجه من شاف ذوله اتحارشو بريمه
ذبيت حسره ريمه ردت
عبالك صدك يمه يعني اكيد هو هينه ساكن گريب علينا واجه يتمشى وشاف ذوله من تحارشو بي
امي ردت
اي هو گال الزين خليت حرس عليكم لجن مو مال يوگفون ليل ونهار بالشارع
اكيد ساكنين بالمنطقه
اسمع كلامهم وبالي يمه شلون هد وجتل مروان لان راد يضربني گلت وي روحي
اذا امري يهمك هلكد يازين شلون عفتني سنتين ونص وشلون كدرت تسوي بي الي سويتو
اااخ
گلتها بصوت وانتبهت امي ادحك لي هي وخواتي غيرت الموضوع
باجر مادام كاعدين وماعدنا شغل خل نطلع الفراش ونغسلو
اي ونغسل الدار ويانا ونسوي حمله جبيره نظف حتى الجام
ريمه ردت
هزيت راسي بأي
شعلان اجه تمدد بحظني ابتسمت وگلت
هاا اجتك النعوسه
ااي يويو هم
اي يله كوم خلي نروح نفرش ونام گام وكاد اخوه
امي گالت مبتسمه
يمه فدوه للحنين الي يحب اخوه
سرى للغرفه هو ويا فرشت تمدد يويو يمو كعدت يمهم گلت
يله نامو حتى بعد جم يوم اخذكم للملاعيب
بابا ويانا
سكتت من سألني شعلان گعد يدحك عليه سأل
نروح وي بابا
لا ماما نروح وي جده
هاا هو عندو شغل
اي عندو شغل
صفن عليه بعدين سأل
ماما انتي عش زعلانه وي بابا
جنت خايفه من هذا السؤال كلت راح يجي يوم ويسألني لان گاعد يحس بألي بيني وبين ابوه ويشوف ويسمع الي گاعد يصير بينا
ذبيت حسره ورديت
لا منو گلك انا زعلانه من بابا
سكت يتفرس بملامحي رد
ماما سمعتج تصيحين علي وهو هم
سكت للحظه وسأل
انتي تحبي لبابا موو
حنا ليش مو يمو ليش هو مايجي هينه
غمضت عيوني وفتحت تنهدت وگلت
نام شعلان حتى اخذك للملاعيب
صفن عليه بعدين هز راسه وتمدد يم اخوه ظليت صافنه علي
روحي انمردت من وره سؤاله لان عرفتو گاعد يحس بالجو المتوتر بيني وبين ابوه وبده يسأل ويريد يعرف اني ويا ليش هيج كل واحد بمجان
يسألني احبه،،،،
وانا عمري ماحبيت احد
بكثر حبي له
هو وبس الي سكن گلبي وهو نفسه الي داسو وترك بي جرح صعبه الايام تدواي او تنسي ذاك اليوم الاسود
حاولت التمس اله العذر اگول حقه شاف عمي
مجتول ودمو سايح يمي وشهم انا هزمتو حتى مايشيل ذنبو طول العمر وحمد لعبها صح من خلاني اشك بي بهالمقاطع الدزها
ومن جذب علي وگلو انا جنت متواعده مع شهم
بالبستان
اعرفو دمو حامي كلش وعصبي والخبال من يدگ براسو يعمى عن شوفة الحق لجن جان لازم يعرف انا من وجرح الي بصدرو
اكبر دليل انا مستحيل تطلع مني العيبه
دمعتي حدرت صفنت على ولدي ورددت بونه مجروحه وطالعه من الگلب تجرح وتذبح
ااخ يازين جان سكتت عن جتلك اليه واهانتك وغلطك لجن انت هتكت ستري جدام ربعك وهنت امي وخواتي ودعيت عليه بالفجعه وانفجعت
بجيت على ابويه الي مات من وره قهرو عليه ماتحمل الفضيحه ولا تحمل فقد الغالي اخوه وراح لرب كريم
اريد اغفر لجن گلبي ماطاب ولا راح يطيب ابد
🌿🌿🌿🌿🌿🌿
مالك
گاعد بره الردهه الزين يمي ماعافني بهالايام ظل يروح ويجي عليه وماقصر بشي
عمي الله لطف بي وعدت
الجلطه على خير
ليان رادت تجي اله ماقبلت لان جانت حالتها فد مره ما خليت اي احد منهن يجن
گلت خله يهدأ ومايشوف
احد منهم ويسمع بجيهن ويظل يحرگ بدمو وينقهر وسيم گاعد يمو جوه
الزين گعد يمي بره گلت
شلون مصيبه ياخويه كسرت ظهرنا وماخلت النا وجه نگابل بي الاوادم
شيلو مناك لاتظلون بالمنطقه
دحگت له كمل
ياخويه العار مايروح ويظل طول العمر لابس صحابو
ااي ولك اااي
اسمع مني عمك لاتطلعو من المستشفى الا على غير دار لان اذا عگب لهناك راح يموت من الخجل والقهر
ااي خلي اشوف شلون ارتب وضعي ووضعهم
لاتشيل هم عندنا اكثر من دار هينه اكعدو وين ما تريدون ولاتشيل هم ياخويه
ااي هو هم هيج الما اكمل جم دار عندي ونتحول
بيهن
لاتظل تفكر هن فارغات اكعد بهن الما ترتب امورك
هزيت راسي بأي
وسيم طلع صاير فد مرة
فزيت گلت
خير عمي بي شي
لاااخابروني يريدون اروح استلم جثتها وااني ما اريد اروح مااريد اشوفها مالك
ولااريدها يجيبوها لبيتنا
صفنت علي ردد باعصاب
بس اشوفها احرگها بالقران اذب عليها بانزين واحرگها بالدنيا قبل الاخره
رحت علي گلت
اسكت واهدأ وينها هي بالطب العدلي
ااي
دحكت للزين گال
ااستغفر الله ياربي اگعد يمو انا راح اتكفل بدفنتها بس خابرو احد من نسوانكم خل تسري معنا
خابرت نوار وگلت لخالتها تاخذ امها ويروحن وي الزين ووياهن واحد من ولدها يفضون شغلتها ويخلوها بدار الحق
الزين مشى من يمنا هو وعوض وصافي
وسيم سند روحو على الحايط ونزل لجوة گضب
راسو يون ويردد
شلوون مالك راح اروح للبيت والله مالي
وجه بعد امشي بين الناس ولا ااكدر اخلي عيوني
بعيون احد
گمت اله گضبتو من ايدو گلت
تعال اگعد يمي خل افهمك شراح نسوي
گام يترنح واي حيل مابي گعدت اني ويا وگلت
اسمعني وسيم احنا بعد مالنا گعده بذيج المنطقه
دحك لي كملت
اي مثل ماسمعت لازم نشيل مناك ونگعد بغير مچان
وين نروح مالك احنا ماعدنا غير هالبيت
اعرف ماعدكم بس هو راح نگعد بيت الزين هو عندو جم بيت هينه نگعد بواحد منا الما اكمل البيوت الي كاعد ابني بيها وذيج الساع نگعد بيهن
اااخ مالك بهذلتنا من الله لاينطيها ولك اريد اموت اريد اخلص من هذا العار الي خلته برگبتي شنو عيني منك ومن الناس ماظلي
وجه يااربي
صرخ بصوت مكتوم وضم وجهه مني
ذبيت حسرة وگلت
حقك يول والله شي يكسر الظهر لجن انا اخوك ما اريدك تخجل مني اريدك تشد حيلك وتوگف لعمي مااريدو يروح من ايدينا تره ليان تموت وراه بس يصير بي شي
مارد گام يبجي بخنگه شلون اريد اصبرو مدري
الصواب قوي فضيحه جبيره وكسرت ظهرنا كلنا
وره كم يوم حجيت وي ليان وامها وگتلهم مانظل
بهالمنطقه نشيل ونتحول
لغير وحده مااعترضو اصلا
هم رادو هالشي
اخذنا بس الهدوم وگعدنا بيت الزين عمي طلع وره جم يوم مايحجي وعلى
الكرسي المتحرك لان صار
بي شلل نصفي
اشوف ليان صارت فد مره من وره الصار ومن وره عمي صفت النص وبس
تبجي گاعد يمها بغرفتنا
الفوگ گلت
كافي يولي راح تعمى عيونج
شصار بينا مالك تبهذلنا وگعدنا بيت غيرنا من ورة لارا والسوته بينا
رديت
هذا وضع مؤقت ليان بس اكمل البيوت الي بأيدي نگعد بواحد واهلج بواحد
اني مااكدر اعوف بابا
بهالوضع مالك انت گاعد تشوفه شلون صار
غصت بالبجي ونزلت راسها
ذبيت حسره ورديت
اسمعيني اني گاعد ابني بيتين بنفس المنطقه يعني واحد قريب من اللخ تكدرين تروحين الو شوكت ماتريدين ظلي من الصبح لليل ومن اعگب نرجع لبيتنا
دحكت عليه دموعها تسف على وجهها ردت بصوت مخنوك
انت شنو ذنبك بالصار
صفنت عليها كملت بقهر
شنو ذنبك مالك تشيل ويانا هالفضيحه بهذلتك وياي ياريت مو موافقه عليك ولا گايله ااي
انهارت بالبجي اخذتها لحظني تردد
اذيتك هوايه وبهذلت احوالك
ااش كافي شبيج يابه اني زلمتج ستر وغطه عليج والصار لا هو بأيدج ولا بأيد اهلج قدر ومكتوب علينا كلنا
شلون قدرر هذا مالك والله صعب يااربي وماظل عندي اي طاقه للتحمل
اني عندج ليان دحكي عليه يولي
وخرتها مني امسح بدموعها اردد
اني سندج وعكازج اسندي عليه وذبي همومج عليه يولي لايصير بيج شي وين اولي اني وولدنا ماجاي تشوفيهم بس يدحكون الج والدمعه بعيونهم
سكتت صاافنه عليه ودمعتها تنزل كملت بهدوء
فكري بأبوج تره محتاجج كلش ووسيم هم وأمج صح غلطت بس دفعت ثمنه غالي
هييي السبب
شهگت بالبجي كملت
كله منها مالك دللتها دلال مو صاير احجي اگول ماما مو هيج راح تاذينا وتاذي روحها ماكو تزعل وتسمعني اني ووسيم كلام يقهر
ااي هساع عگب مافات الاوان حست بروحها
شسوت وراح ياكلها الندم طول عمرها
رجعت لحظني تبجي وتشهگ اصبر بيها واكسر عليها خايف لا افقدها من وره الصار
🌿🌿🌿🌿🌿🌿
هيله
مرت عشره ايام زين بس يتصل ويطمن على الولد يخابر امي ويتكلم معهم گلت عگب للديره لان مااجه عليهم
يوم الاحد حازم خابرني الصبح رديت
هلا ابو علي
هلا هيله شلونج وشلون الاهل
الحمد لله بخير انت شلونك عمتي شلونها هي وزينه
بخير ويسلمون عليكم
وعليكم السلام
اكلج حضري روحج حتى اجي اخذج انتي وريمه تستلمون الراتب
استلمه انت عش تجيني وتعب روحك
مايقبل عم توفيق يگول تغير كلشي ولازم كل واحد يستلم وويبصم
هاا تمام هساع احضر روحي انا وريمه
اي جايكم اني بالطريق
تمام اخويه يله اروح مع السلامه
الله وياج
سديت الخط وگلت لريمه تبدل وتحضر روحها تاروح ويا نستلم ونسوگ للبيت ونعگب
اجانا وطلعنا له لراس الشارع انتبهت ريمه بس تتلفت گلت
خير يولي شبيج
ها ماكو شي
عرفت وش كاعده تهوجس به مادرت بال ولا فكرت بالحرس الي كال الزين هو خلاهم علينا طلعنا للمصنع وصلنا الظهر استلمنا
الراتب طلعنا قبل حازم لان وكف يتكلم وي عم توفيق
جانت سيارتو بره واكفه لان ماگدر يدش بها لجوه من وره هوسة الصيانه
وكفنا يمها ريمه گالت
الحر يجتل
اي مو طبيعي ابد
سيارات واكفات وره سياره حازم درت روحي من شفت زلم بها وره لحظه ريمه گالت
هيله شيخ معتز جاي علينا
عگدت حواجبي ومادرت روحي سمعت صوتوو
گوة الله عزمجن
انداريت رديت بدون ماادحك له
وعزمك ياشيخ معتز
عش واكفات بهالحر دشن للساحه
لااا مايحتاج هساع يجي ابن عمتي ونروح
هاا
سكت طول رفعت عيوني الو صافن عليه ومبتسم درت وجهي گال
اي شي تحتاجي انا موجود يبنت العرب
تسلم شيخ مو محتاجه شي
حازم اجه سلم
الله يساعدك شيخ
هلا حازم توفيق موجود
اي جوه واكف على الشغل
تمام
دحك لي وكمل مبتسم
من رخصتج يبنت العرب
الله وياك
رديت مختصر حازم فتح النا السياره صعدنا بيها گال من شغل
هذا الشيخ مشتغل فد شغل كلش توب للمصنع ماكو شي ماغيره
اي شفت حتى صابغه صبغ جديد
ريمه ردت
طلعت جهازي خابرت امي
تاشوف شنو محتاجه مسواگ انا گاعده اتكلم
معها حازم استدار بالاستداره ادحك من
الجامه شفت سياره الزين واكفه بالجهه الثانيه فتنا من يمه جالس جن ينتظرني افوت من يمو عيوني صارت بعيونه عاگد الحواجب وساند ايدوه على الباب درت وجهي منو
بسرعه ومااعرف ليش گلبي
هبط وگام يدك سريع
ادحك لحازم ماانتبه له ولا ريمه ملتهين يتكلمون عن المصنع
دحكت بالجامه حرك وطلع ورانا كلت شافني وي شيخ معتز وراح يسويلي مشكلة
گويت گلبي وگلت
انا مامسويه شي غلط عش خايفه منه
الرجال سلم وراح ظليت ادحك له بعدو ورانا وصلنا لمنطقتنا نزلت انا وريمه حازم طلع گبل حتى ماشافو من وكف وره بمسافه
ريمه گالت
هيله زين اجه
اعرف اسري للدار
سرينا ووصلنا للدار دشت قبلي وكفت يم الباب ودحكت له لابس اسود بأسود ومتحزم بالسلاح جن يريد يروح للموصل عيونو علي زت الجگاره من ايدو بعصبيه
دشيت امي اجت گالت
اجه الزين
اي اطلعي له
راحت للباب سريت للجوه ذبيت الجنطه ورحت غسلت وجهي لان زنبر من الحر ومن وره التفكير ساريه اجت گالت
هيله الزين يريدج
اي
رحت له اسمع شعلان يتكلم معه بلهفه ويويو هم وگفت يم الحايط اخذت نفس وزتيتو دشيت دحك لي عيوني بعيونو ماسلمت رحت گعدت يم امي تكلم بهدوء لجن وجهو ينطق بالغضب
ااسمعيني زين وجدام امج هالكلام انا مااقبل بعد تشتغلين لا هينه ولا هناك
عگدت حواجبي كمل
انتي حرمتي وانا مااقبل يوميا رايحه جايه ومتعبه روحج من ورة جم فلس
مايسوه
لاااا يسوه يازين لان فاتحه دار من وراه وعايشين منو
ااگعدي ويجيج الضعف
ماااگعد ولا اريد منك اي شي
سكت يدحك لي بغضب شعلان يدحك لي واله
گلت
يمه اخذي ولدي لجوه
ها اي
گامت شعلان ماقبل وصاح
مااريد اروح اريد اظل يم ابويه
روح وي جده والعب بالجهاز مالتي
صفن عليه وبعدين على ابوه كلو مبتسم
روح شويه وبعدين تعال
مو تروح
لا مااروح
هز راسه گاد اخوه وراح وي امي كمل
شلون ويااج ياهيله لا تفكرين بيه فكري بولدج شوفيهم شلون يدحكون لنا وهم خايفين
سكتت كمل من دشت امي
يولي عگبي وحگ الله ما افرض روحي عليج بس اجي اشوف ولدي واروح
ماارجع لهناك بعد
هالشي مستحيل يصير افهم انا تطلگت منك ومايجوز لي حتى اجلس معك
بااطل ولج باطل گلتو بحاله غضب
رديت بهدوء
روح اسأل اكثر من شيخ انا وضعت حملي وانت ما عگبتني لعصمتك وتركتني سنتين ونص يعني جاز الطلاگ لي وانت صرت محرم عليه
اعگبج يولي اعقد عليج من جديد مو لخاطري لخاطر ولدج ياهيله
يااازين لاتلوي ايدي بولدي ولا تحاول تضغط عليه بيهم انا مستحيل اعگب لك انساني وروح تزوج غيري
ماااگدر انا اريدج انتي وولدي تعگبون لحظني خلج بعيده روح وجسد لجن بس ردي لعصمتي وخليني ارتاح
سكتت امي دحكت لي كمل بصوت مخنوك
انا بعدني احبج ورايدج عزه الله مانسيت حبي لج وو.....
زين العابدين
سكتت من شفتها ابتسمت باستهزاء وردت
ااي واضح يازين مانسيت حبي بدليل رحت خطبت بنت خالك وعقدت عليها ولادگولي انجبرت انت محد يكدر يجبرك على شي
ماتريدو
سكتت وصفنت عليها سكتت للحظه عيونها غورگت وكملت بصوت
مخنوگ
تعرف حمد الشي الوحيد الي صدك بي هو شنو
مارديت كملت
گال زين راح يأذيج وصدك اذيتني وبجيت عيوني مو دمع لا دم يازين
ياهيله الصار جبير
والسويتو بي مو جبير
لاا عز الله جبير وراح يجتلني الصار
لو ميت بمجان ابويه ولا
سويت السويتو
اسم الله عليك ابو شعلان
امي ردت
وهي اصلا لان گلبها من يمو هي وخواتي
لجن انا بعدني نار بگلبي موجره من السواه كملت
يمه اا
گمت لحيلي وگلت
گام لحيلو يخزر بي خليت عيوني بعيونو گال وهو جاز سنونو
جفي غضبي يولي واگعدي بدارج ولا تخليني اتصرف تصرف مايعجبج
شتريد تسوي سووي انا تطلگت منك وبعد مالك حكم عليه
هيله بس وكافي
امي گضبت ايدي خزرتني وكملت
ااسكتي هساع وجفي الشر
تكلمت بغضب
درت وجهي منها دحكت له صافن عليه بوجه مطعون
ماتكلم شي سرى من يمنا وطلع گعدت مهدود حيلي امي طلعت وراه ريمه اجت شايله يويو گالت بخوف
هم تعاركتو
مارديت التزمت الصمت
🌿🌿🌿🌿🌿🌿
هاجر
جان المفروض الزين يجي من الموصل علينا عگب مايشوف ولدو بغداد لجن التهى هناك بشغل جنت اريد الهنوف تتكلم معه
ادگولو انا حامل لان تاكدت
من نفسي وطلعت بالشهر الثالث
گلت بلكي يحن عليه ويرحم ابني ويعگبني لصعب ااي لحد هساع مااعرف بيه
حامل خفت اكله ويجي
والزين يذبحو
جالسه مع امي وخواتي،،، بالصاله مااشتهي امد ايدي للزاد اسمع رهيفه تتكلم عن مروة وتشكي بهمها
يمه الزين وخالي ظلموها لمروة هي وش خصها بالصار
رحمه لابويه سدي هالسالفه
الهنوف ردت
رهيفه گالت بضوجه
هاي شبيج تره البنت انظلمت جثير
اي وهيله هم انظلمت وظلمها اكبر من ظلم مروة والسبب من حمد اخوها الي انطيتي رقم هيله له
بدون ماتسألي هو وش يريد يسوي به
وااانا شمدريني هو جان ناوي للشر
انهدت بالهنوف الي دحكت لها بخزره وتكلمت بهدوء
حسج لايعلى عليه مره ثانيه لا تعرفين وش اسوي بيج
رهيفه دارت وجهها منها كملت
وهاي بنت خالج بعد لا تجيبين سيرتها جدامنا
وگولي لها الهنوف ادگول خل لج شويه كرامه وبعد لاتتكلمين بالزين ولاتجبين
طاريو جدام احد وانتي وياهم
يالهنوف اشوفج بس معي تتكلمين هيج وهاجر ولا غثيتيها بجلمه مو صعب
هو اساس البله وي حمد
لو نسيتي هالشي
لا مانسيت ولا نسيت حمد وش سوه به حتى مايتكلم بعملتو الرديه مع بنت العرب
سكتت ادحك لها غدت دم امي گالت بضوجه
ماتخلص هالسالفه عااد كلما تجين تتكلمين بيها افهمي اخوج جزت نفسو
منها وحتى بيت اخويه ما عاد يشوفهم مثل الاول
ماخص خالي وولدو بألي عملو حمد
ردت بضوجه
الهنوف ردتها
اي ماخصهم لجن هاي نفس وانتي هم نفسج مو
ماتطيق هيله حلال عليج وحرام علي لأخوج
سكتت امنه ردت
هي وينها بنت العرب اخذت اخونا وخلتو يسكن بغداد هو وولدو
وين ماتريد تگعد خلها تگعد نفسها جزت من الديره واهلها وماالومها ابد لان
الصار بها مايرضى به الكافر مو عاد المسلم
الهنوف ردتها وگامت من السفره
امي انهدت بهن وگالت
ااسمعني اثنينجن ،،، تجن هينه هلا بيجن لجن مااريد بعد احد يجيب طاري هيله الصار بها مو قليل والاذيه اجتها من ابن اخويه انا
وصخم وجهي جدامها هي واهلها واخوجن وياهم وانتن تعرفن شصار وشلون
طلعت حوبتها بالديره يعني خافن الله بيها لا حوبتها تلحگجن انتن هم
رهيفه وامنه سكتن وظلن وحده ادحك للخ
گمت من الزاد ورحت للهنوف بالمطبخ
🌿🌿🌿🌿🌿🌿
زين العابدين
خابرت عمه اسأل عن الولد سألت عن هيله گالت راحت للمصنع تقبض راتبها گلت اروح لهناك اتكلم معها بعيد عن ولدي لان شفتهم يدحكون لنا بخوف من يعلى صوتي انا وياها
وصلت تاريد انزل انتبهت لها طلعت ووكفت يم سياره حازم نزلت اروح الها
عيوني راحت لسيارات وگفت وره سياره حازم نزل منها شيخ معتز وسرى لها
عگدت حواجبي من شفتو
وكف يتكلم معها وهو
مبتسم
هي تتكلم معه وماترفع راسها له ظليت اراقب ونار مشتعله بصدري اعرفو من
زمان رادها وهي رفضتو
گضبت روحي گوة ماردت اروح واصخم الشرايع معه ومعها حازم اجه صعدن بالسياره صعدت ادحك لها فاتو من يمي عيونها اجت بعيوني
حركت وراهم ردت انهد بها اكول عش واكفه معه لجن تراجعت لان عرفت راح ادگول هم شكيت بيه وتگلبها عليه السالفه وهو اصلا اعرف ماعدها شي معه لجن احس به يحوم عليها تكلمت واعتذرت وهم نفس الشي رفضت كل
كلامي معها
لجن من گالت شتريد تسوي سوي طگ عرج بالراس وحلفت اسوي مادام هيج تكلمت
ماعگبت للموصل مديت اجازتي حتى اسوي الي اريدو گلت لفزاع بس تلمح
هيله تطلع خابرني بسرعه
وره يومين خابرني وگلي طلعت هي وريمه وراحن للسوك طلعت من داري بسرعه ورحت للسوگ مال منطقتهم خابرتو گتلو وين هن
يم الاسواق الي براس الشارع
تمام
جنت مضبط اموري مع فزاع وعوض وساري وجابو لي الي ردتو نزلت من سيارتي ادحك لها من بعيد
ملتهيه مع ريمه بالكلام
دگيت عليها طلعت جهازها شافت اتصالي عگبتو دكيت مرة اللخ ولحيت طلعته كلت
شلونج ياهيله
هلا
ردت مختصر
رديت
انا جدامج تعالي خذي فلوس للجهال
مااريد عندي
مو الج لولدي منطي تعالي خذيهم خل اسري للموصل
مو بالبيت انا انطيهن لامي
اعرف اجيت عليكم وشفتج هيانج گبالي تعالي اخذيهن انتي وريم فرت راسها ادور عليه شافتني سدت الخط ومدري شحجت وي ريمه وگفت بمچانها وعبرت ليمي
فزاع ينتظر من شافها صارت يمي اجه بسرعه بسيارتو ووكف صرن بينهن دحكت له وبعدين علي بسرعه رشيت عليها المخدر صاح لااا يازين
