رواية دخيله الشيخ زين العابدين الفصل الثالث والستون بقلم أوتار حزينه
ايهم عيوني على القاضي اسمعه يقره البيان واشوفها هي وي هذا الي جانت تخوني وياه اباوع لابويه واخوتي واكفين مكسورين من ورايه
والقهر مبين بملامحهم
صوت القاضي رن براسي وگال الحكم ثلاث سنوات قابله للتخفيف
جسمي كله گام يرجف وحسيت روحي تريد تطلع واني واگف جدام قاضي الي بشر بالاخره
شلون راح اوكف جدام رب العالمين وشلون راح اوجهه وابرر اله افعالي
عيوني راحت لأبويه انهار هو واخوتي يباوعون عليه ويبجون الحرس اخذوني من يمهم مشيت وياهم وكل خطوه ادعي بيها على لارا بجهنم وبئس المصير
زين العابدين عگبت لدارنا دنيا ليل رحت للمجلس جان بي عم مهنا ونواف وعبدالعزيز گامو
بوجهي سلمت
الله يساعدكم
هلا شيخ الحمدلله على السلامه
الله يسلمكم
حبيتهم واحد واحد وجلست بمچان ابويه
الگهوه دارت شربت فنجان واللخ اريد اصحح شويه لان راسي جان يوجعني
وينك يابه عسى خير اشوفك بطيت بغداد
شغل عم وي الربع بالمنطقه الخضراء فضيتو
واجيت وراح اعگب للموصل عگبه
واحد دحك للخ عم مهنا گال
يابه عش ماتكعد وتستر علينا تره اهلك ماعدهم
غيرك وانت الشيخ من بعد ماراح ابوك وولدنا مو مقصرين هناك هم يسدون بمچانك
لا ياعم مايصير بديت بشي ولازم اكملو اريد افرح بالنصر وياهم ووي ولدنا من الحشد الشعبي
يالله نصر من عنده وفتح قريب ربي ينصركم انتو وولدنا بالحشد عليهم وترفعون رايه العراق بالموصل
امين
انتبهت عبدالعزيز ساكت دحك لي وگال
مادام بس حنا بالمجلس اريد اتكلم معك بسالفه جدام الكبار
هوجست سالفه تخص صعب
كمل
يابو شعلان هلهل بصعب خطأ وعرف غلطو سامحو لخاطري
عگدت حواجبي ودرت وجهي منو گلت
ياخويه،،، صعب مااكدر اسامحه اذاني جثير من سكت عن حمد وافعالو الرديه
اعرف والله اعرف وحگك لجن ياخويه اختك تبهذلت من عگبه وانت تعرف هم عرسان وماتهنو بزواجهم
ماراح تظل مرتو راح يطلگها لان انا مايشرفني هالنسب
وانااا مااطلك ياازين
فزيت وگمت من دش صعب علينا عبدالعزيز صاح بي
عش اجيت يولي ااطلع وروح
گرب خزرتو ردد
طلااك مااطلك يازين تريد تجتلني اجتلني خذ ثارك مني وثار حمد وبرد گلبك
ااطلع وولك تره راح اااسويها واجتلك
ماتحرك هديت عليه
عبدالعزيز گضبني وعم مهنا وكف بوجهي هو وعم نواف گضب لحيته وگال
لخاطر هالشيبه سامحه ياولدي امسحها بينه وكول هذا ولدنا وخطأ
ادحك له وجهه مطعون وصافي النص گرب وكال بتوسل
خطيت ياخويه وحگك على راسي السموحه منك گول جبان خاف گول اي شي
ماازعل اعرف بروحي وش سويت وشعملت بيك انت وبنت العرب
وولك اااخ ان جان الصحبه مااغزرت بيك جان تذكرت وش سوت هي وشلون
خلصتك من الذيب ولك لو ما هي تجتلو جان انت من زمان فاطس وصاير تحت التراب
سكتت عيونه مغوركه كملت بقهر
صحبة الشر ولكم طلعتو غداره ومالكم اامان ولك
طعنتوني بظهري وهجمتو بيتي ليييش ياصعب ليش شسويت انا لكم مااذيتك ولا اذيت ذاك السكن الگبور حبيتكم وحسبتكم اخوه لي كلت الله ماانطاني اخوه لجن عوضني بكم
صعب
اسمعو يتكلم بصوت مخنوك ووجهه انطعن وصار فد مره رديت
والله ماشفت منك غير كل الخير وعز الله حاسبك اخ لي وروح ابويه احبك جثير واگول انت سندي وظهر لي
بهالدنيا لان ماعندي غيرك بيها
وكسرته ياصعب كسرتو انت وذاك من الله لايغفر له
يازين انا واگف جدامك روحي ترخص لك اجتلني وبرد نار گلبك بيه ولا دگول
طلك هاجر اموت وما اسويها
اااطلع يول وتطلگ ااختي وغصب ماعليك اطلگها
ماايجووز ياخويه
عبدالعزيز تكلم دحكت له كمل بهداوه
ااستغفر الله ياربي،،،،،،هدي وانا اخوك اختك حامل
شنووو
صعب صاح بذهول عگدت حواجبي ودرت وجهي من عبدالعزيز كمل
لاتشيل خطيتها هي والي بطنها هاجر مالها ذنب بالصار لا هي ولا ابنها
مااااكدر اغفر له السواه
بيه شي جبير
صحت من جريح گلبي
صعب رد بصوت مخنوك
يازين شلون تريد بنت العرب تغفر لك وانت
نفسك ماجاي تگدر تغفر
لي انا سويت السويتو لخاطر حمد مايطعن بشرفها لاختك خفت عليها من الاذيه يشهد عليه ربي هذا هو الي خلاني مااتكلم
واسكت عن حمد والسواه بيكم
صفنت علي ارجف من غضبي رديت بغضب
ولووو كايل متكلم جان هذا مو حالي ولا حالك
جان صدكت بيه يازين
سأل مارديت كمل
انا اغلى لو بنت العرب
درت وجهي منو كمل
انت ماصدكت حرمتك وهي اغلى شي عندك تريد تصدكني انا يازين
لميت قبضه ايدي بقوه
عم نواف گال
يابه انسى الصار وهلهل بصعب وبأختك لخاطر الجاي بالطريق سامحه تراك ضگت مر الفراگ وجربت نارو وشفتو وش عمل بك من فارگت حرمتك وولدك معها
ابويه صار بين عيوني جان دائما يوصيني بخواتي وخص هاجر لان الزغيره اعرفها تعبت من وره الصار وجنت اكول وش ذنبها بخطأ صعب عش هي تدفع ثمن غلطو
اخذت نفس وذبيتو كلت
ياصعب انا غفرت لك لجن گلبي ماطاب من الي عملتو خذ اختي وغيب وجهك عني مااريد اشوفك ابد منا الما اطيب من الي عملتو بي
رد بصوت مخنوك
يازين راح انتظر هاليوم وانا ادعي من الله يصير عن گريب
مارديت گرب لي درت روحي منو وجلست
بمجلسي عبدالعزيز اخذو وسرو من يمي
🌿🌿🌿🌿🌿🌿
هيله
حالنا تغير بين يوم وليله والزين جبرني وجبر اهلي معي على شي حنا رافضيه
لجن ماجان بأيدي شي
اسويه
كاعدين وصينيه عشه جدامنا جابتها لنا عمه هنيه الي فرحت برجعتنا للمزرعه وكامت تبجي من فرحتها خواتي يسألن بيه وش راح نعمل رديت
ماعندي حل ولا اعرف وش راح اعمل گال لاتفكرين تطلعين منا خليت عليج
حرس بكل مچان وعينهم عليكم وعلى خطواتكم
ريمه گالت
اي شفتهم يفترون حوالين المزرعه من طلعت اجيب الجنط
سكتت ادحك لولدي يمان ملتهي ياكل ركي وشعلان كاضب الشلف ويدحك لنا ابتسمت له گرب مني وگال بزعل
ماما شبي بابا وياج ضربج
لاا ماضربني عش تسأل هيج
مو اشوفج تبجين وسمعت صوتج تصرخين علي
صفنت علي وذبيت حسره گلت
لا ماما ابوك مايضربني انا جنت زعلانه منو وشويه صوتي طلع
سكت يدحك لي نزل راسه بعدين گال
انا اريد ابويه يگعد ويانا هينه اريد اشوفو يوميا ما اريدو يروح من يمنا
شوف القهر والله روحي گاعد تنمرد من وراهم
لولدج
امي ردت وكامت تبجي مسحت دموعها بشليتها شعلان دحك لها وگال
انتو ماتحبون بابا مو
الكل سكت فر راسو علينا وبعدين دحك لي
امي ردت
لاااا يبعد جدتك نحبو لابوك لاتتكلم هالكلام بعد تره نزعل عليك
اكل ماما حتى خاله هاله تغسل لك انت ويمان وتجون تنامون يمي
اي ماما
رد عليه وكام ياكل بشلف الركي
صافنه عليهم ومااعرف شلون راح ادبر حالي مع شعلان الي فطن للمشاكل الي بيني وبين ابوه
ولا اعرف شلون راح اگضي ايامي هينه وين مااافر راسي اشوف ابويه جدامي
جن يسري من جدام عيوني
غمضت وذبيت حسره بداخلي ازمات جثيره وما اعرف شلون اطلع منها ولا اعرف شلون احلها الزين خنكني وقيد حركتي وخلاني امام الامر الواقع
سواها وخطفني وغصبني اكعد بالمزرعه يريدني انسى لخاطر ولدي وهو مايعرف من جابني لهنا زيد عليه
الهموم وهيج كل المواجع الي ماكدرت انساها
بهالسنتين ونص
مشوار وهاله غسلت لولدي
اخذتهم للغرفه الجوة تمددو واحد حد اللخ غفو بسرعه من التعب
الدار هدأت وره ساعه كمت سريت للصاله دحكت للغرفه الثانيه خواتي نايمات وامي يمهن
رجليه اخذتني للمجلس وكفت بالباب صفنت على القنفه جن اشوف ابويه نايم عليها لجن نومه موت رحت لها بخطوات بطيئه كعدت يمها بالكاع
وخليت راسي بمچان راسه
دمعتي حدرت وكلت
تعبت يابه جليت يبو هيله ماظل بي حيل الدنيا هدتني من اخذتك منا وكسرت
ظهري بغيابك
حظنت مچانو ورددت بصوت مخنوك
يابه يريدني انسى اسامحه شلون اسامح وهو دعى عليه بالفجعه وانفجعت بك شلون يابه انسى السواه بيه وهو فرعني جدام ربعو وكص شعري جدامهم
اختنگت گضبت فراش القنفه بگوه وكملت بغصه
اخ يابه ااخ يبو هيله الشعر شيب وانا بعدني بالعشرين شاب الشعر من الي شفتو من اعز الناس
هيله
سمعت صوت امي مارفعت راسي اجت گضبتني من جتفي رحت لها وختلت بحظنها اردد
وينو الغالي يمه وينو ابو هيله سرى وخلانا وراه لا سند ولا ظهر
الله موجود هو السند يمه ربج الخلقج ماينساج
اخ يمه ااخ فراك ابويه كسر ظهري
انهاريت بحظن امي ابجي وهي معي
🌿🌿🌿🌿🌿🌿
ليان
كلشي تغير بحياتنا من وره لارا والسوته بروحها وبينا عفت بيتي واهلي عافو بيتهم كعدنا بيت زين ابن
خالة مالك منا الما يكمل البيوت الكاعد يبنيهن اباوع لبابا كاعد بالكرسي المتحرك وصافن للاخبار
امي يمه تشلف برتقال وتخلي بحلكه صفو النص لا ظلت صحه الهم ولا عافيه
سمعت صوت وسيم يصيح كمت بابا باوع اليه وماما هم كامت وياي گالت
شبي وسيم يصيح
صعدت بسرع لفوگ اسمعه يگول
دااكلج مااريد ااروح انتي شبيج ماتفتهمين الكلام
طبيت عليهم تيم يبجي وخايف ولازك بنوار كلت
شبيك وسيم اتصيح
مارد امي طبت سألتهم
هاي شبيكم شصاير
نوار ردت وهي تبجي
عمه ليان احجو ويا صارله كم يوم راسه فد مرة يوجعه اكله روح طبيب خلي يشوف شبيك خاف صار بيك ضغط خلي نعالجه
لايروح يصعد فد مره وتضربه جلطه لاسامح الله
خلي تصيير هي وينها علواه تجي وتضربني واروح للگبور حتى اخلص من هالقهر
والعار الي صار براسي من وره ذيج السااقطه
ااش كاافي منا بابا سمعك وظل يباوع لفوك
صحت بي وكملت
وبعدين انت شكو كاعد تصيح عليها لنوار البنيه خايفه عليك وشايله همك
لااحد يشيل همي وعوفوني وحدي
لاا مااعوفك مو بكيفك وسيم انت روحك مو بس الك لا اليه اني وابنك
يعني شلوون اهج واعوف البيت
رد على نوار كعدت تبجي وتيم وياها
هو هم كعد وانطاها ظهره كلت لأمي
ماما روحي يم بابا خاف يظل باله واذا سألج
كولي اله متعارك بالشغل
اي
ردت عليه تباوع عليهم بقهر مشت من يمنا وطلعت ذبيت حسره وگلت
اسمعني،،،،، وسيم الصار بينا جبير لا اني ولا انت ولا اي واحد من عدنا راح يكدر يتجاوز هالفضيحه بس لازم نوگف على رجلينا اني وياك وندوس على جرحنا لخاطر ولدنا ولخاطر نوار ومالك
وبابا وماما
ليان تعبان ووج والله گمت اخجل امشي بالشارع احس الكل يأشر عليه ويكولون هو هذا الي رجل اخته قتلها من شافها تخونه
وي واحد ثاني
غمضت وفتحت رديت
هنا محد يعرفك وسيم بعدنا كلش عن منطقتنا
محد يعرفك ولا راح تسمع شي يخص لارا
حسبي الله عليها ونعم الوكيل ماخلت النا سمعه ولا وجه نمشي بي بين الناس
ردد هالكلام
نوار كامت واجت ليمه
كعدت بصفه تيم لحكها شلته ووكفت يمهم
كالت اله بتوسل وهي تبجي
وسيم اذا صار بيك شي اني شيصير بيه والله اموت مااظل عايشه
سكتت من غصت بالبجي باوع عليها كملت من لزمت ايده
فدوه اروحلك انسى لخاطري اني وتيم والله
ماعندي استعداد اخسرك شفت عمي شصار بي وخايفه لايصير بيك شي
انهارت وغطت وجهها بايدها وسيم حظن جتفها وجابها ليمه كال بغصه
كافي نوار لاتبجين
شلون ماابجي اني شعندي غيرك انت ماتعرف شنو انت بالنسبه الي انت كل عالمي من اشوفك هيج انمرد اموت وسيم
دمعتي نزلت مسحتها طلعت من راحت لحظنه
وسديت الباب ورايه اخذت تيم ونزلت لجوة تمالكت روحي بصعوبه بابا كاعد يباوع عليه والقلق بوجهه
كلت مبتسمه
مخبل متعارك من ورة خطأ بالحسابات
صفن عليه مثل الواحد مو مصدك كملت من رحت يمه وحجيت بضحك
بابا علمه الشغل شلون لايروح يخسر مالك ويطلعها بنتك
هز راسه بأي
نزلت تيم يم رجلي وكلت
يله حباب اكعد هنا وفرك ايد جدو وين توته خلي تجي وياك تفرك رجلي
هياني ماما جبتله مي
عفيه بالشطورة يله تعالي خلي نفرك لجدو
ااي
كعدت يم رجلي افرك اله وهي ايده وتيم وياها كيان هم اجه وكعد يمي يفرك اله
وسيم نزل وره مشوار هو ونوار مبين عليهم تراضوا اجه ليم بابا باسه من راسه وكله
نطلع سوه نفتر ونجيب عشه
اشر لااا
بابا روح وياه وغير جوه وجيبلي شعر بنات اني واحفادك
باوع عليه كملت
شدكول نروح وياكم كلنا
اي تعالو خلي نطلع ونغير جو
الجهال كامو يكمزون لان صارلهم هوايه مو طالعين وهذا الصار اخذتهم ويا بابا
ووسيم وطلعنا ماما ظلت بالبيت لان خاله خابرتها
🌿🌿🌿🌿🌿🌿
هيله
صار الفجر وانا مو نايمه دمعتي بعيوني من وره الذكريات الي هاجت
بهالمچان وذكرتني بابويه وعم شعلان
سمعت اذان الفجر گلبي مدري شصار بي جن اسمع ابويه يأذن
كمت من الفراش طلعت للبره وكفت بالحديقه اسمعو يردد حي على الصلاه سريت ورحت للزرع وكفت ودحكت لارض
الشيخ صكبان الجامع وراها
سمعت حركه ورايه درت وجهي عم عزام جاي عليه سلم
صبحج الله بالخير ياهيله
صفنت علي شفت ابويه حدو واكف معه رديت بصوت مخنوك
هلا ياعم
رديت وسألت
من الكاعد يأذن بالجامع
هذا مله محمد تذكري جان يجي ويسمع ابوج من يقره قرآن
تذكرتو شاب من اهل الله روحو معلگه بالجامع وما يرفع عيونو لحرمه گال
صار بدال ابوج الله يرحمو وهو غسلو وصلى علي من مات
جزاه الله خير
سمعت صوت صهيل درت راسي بسرعه وسألت بلهفه
هذه مهره ياعم
لاا يابه هذه سلطانه ومعها ادهم فرس جديده وفحلها جابهم شيخ زين قبل فتره
وخلاهم هينه
سكتت وبعدين سألت
مالكه مهره وهايل
لااا عجز وهو يدور عليهم جن اخذوهم وباعوهم بغير ديره
سريت للمحصر هو معي دشيت وشفتها تشبه مهره جن هي شكره والشعر محدر على عنگها ويمها حصان اسود مثل الليل جن مو مروض لان عصبي وبس يفتر بمجانه
سريت لها عم عزام كال
على هونج يابه تره ادهم عسيف وخاف يأذيج
اعرف ياعم شفتو وعرفتو شرس
رحت لسلطانه هادئه مو مثلو گضبت رگبتها مسحت عليها وكلت بحزن
تشبهين فرسا جانت لي هم هيج حلوه مثلج وجانت مزيونه وتحبني جثير
صهلت ادهم رفع روحو لفوك ماخفت منو
عم عزام خاف وبعد عنه
تكلمت معه
على هونك ياعسيف ماراح اذي وليفتك
حدري يابه وتعالي يمي هذا بس الزين يكدر له
سرحت بخيالي من جنت اسري بمهره وهو بهايل
ندور حول الوادي ونعگب ذبيت حسره وطلعت من يمهم
عگبت للدار شفت امي كاعده ومتوضيه سألت
وين جنتي يمه
بره اسمع الاذان
يله خلي نصلي الفجر
اي هساع خل اتوضه واجي كعدن خواتي
اي كعدن وتوضن
رحت توضيت ووكفت بيهن اصلي كملنا هن عگبن ينامن كعدت اقره قران وامي معي وره مشوار حسيت بروحي نعست
صدقت وكمت
رحت للغرفه ولدي نايمين واحد حاظن اللخ تمددت يمهم وجبتهم ليمي حظنتهم بس غمضت عيوني غفيت بسرعه
🌿🌿🌿🌿🌿🌿
زين العابدين
عگبت لاهلي وكلت لامي وش انه سويت فكت عيونها وكالت بسرعه
يعني هيله وولدك هساع بالمزرعه
اي يمه
جدتي تكلمت
زين ماسويت يبن ابوك
عيوني راحت لهاجر نزلت ادحك لي بخوف كالت
يازين اذا انت ماترضى اعگب لصعب مااروح ولا اسويه
لااا عگبي معه لجن خله بعيد عني لايشوفني وجهو
كامت تبجي واجت ليمي وكعت يم رجلي وكالت بتوسل
لخاطري يازين ارجع معه مثل الاول
رفعت راسي لفوك وذبيت حسره رديت
ارجع ياخيه اذا رجع ابويه وعم حميد طيبين وهيله نفس الاول تحبني وتودني
خلت راسها يم رجلي تبجي الهنوف اجت وكومتها وكالت لها
لاتلحين ياهاجر خل يطيب من الي به والايام تطيب جروحه وهو يرد معه مثل الاول
مااكدر اسري له وهو زعلان علي
مو زعلان عليج ياخيه انتي ماخصج بالصار
سكتت ادحك لامي كالت لها من كامت
اسري يولي وروحي له يجي يوم وهم يتراضون
هاجر رادت تحب ايدي ماخليتها حبيت راسها كالت لي بدموع
راضي علي يازين
ابتسمت وكلت
راضي يبعد اخوج والله يسعدج ويكومج بالسلامه
امين يمه
امي ردت
الهنوف اخذتها من يمنا عگبت وره مشوار كالت
يازين اريد اروح لهيله اشوفها هي وولدك واهلها
وانا معج گلبي مفرفح عليها هي وشعلان ويمان
انا هم
دحكت لجدتي من كالت هالكلام ابتسمت رديت
ابشري ياجده باجر اخذج لها تغدو هناك وغيرو جو والعصر عگبو
ااي هو هم هيج
امي ردت
كمت وكلت
اروح اريح عگب باجر لازم اسري للموصل
امي كامت وردت بخوف
ماتهون يمه من هالسالفه ولدك بحاجتك واا.....
يمه يرحم ابويه بترابو لا تتكلمين بنفس السالفه
انا مشيت بدرب ولازم اكملو شتريدين يكولون العالم شيخ زين هون وجلس بالديره وعاف ولدنا
وحدهم
ولك يمه انا ماعندي غيرك انفجعت بابوك مااريد انفجع بك انت هم
يمه خلي بالج شي لو يريد الموت يجيني يجي وياخذني وانا بحظنج اعرف هالشي
عاد ولاتظلين تنوحين بوجهي كلما ردت اسري للقتال
كلت هالكلام وسريت من يمهن
كالت للهنوف
تكلمي معه انتي بلكي يسمع منج
مايسمع يمه انتي تعرفي بهالشي مايقبل حد يتكلم معه
صعدت لفوك رحت للغرفه دشيت تعبان وجسمي كلو متشنج
غسلت طلعت كعدت على الجربايه اخذت جهازي من الميز وخابرت الولد اهيرهم لباجر جاوبت جثير رسايل كملت عيوني راحت لايقونه هيله ولدي بها فتحت الرسايل اقره بكلامها جن هي تتكلم معي واسمع صوتها
ذبيت حسره شمرتو من ايدي درت وجهي للميز سحبت جراره طلعت جهازها القديم عافتو من شافت المقاطع وانهجم بيتي من وراهن شغلتو طلعت صورتها وجلمه
اهجري كل الاماكن واسكنيني
صفنت عليها وكلت
اشتگت لگ،،، ياراحه القــــلب والروح
واشتگت اسولف لك
عن الحب وينك
الشوق لاجلك داخل
العين مفضوح
ليتك تشوف شوق
عيني بعينك
سكتت ونيت
ااخ ياحمد وش سويت بحالي حرمت العين
من نظرها
روحي اختنگت ادحك لها كملت بصوت مخنوك
يالله دخيلك من فراق المحبين
جنت عبالي راح انام من التعب لجن ماجاني ولا غفت عيوني ظليت اگلب بصورها وهي معي واقره كلامها الكلو شوگ واتمنى ذيج الايام تعود ونرجع سوه
ورثت جگاره وسندت راسي ليوره جهازها بحظني صافن وادعي بگلبي تنسى الصار وتسامحني حتى اخذها
لحظني هي وولدي ونعيش بدار وحده
ظليت كاعد للفجر وهواجيسي تلوب بي اذن
كمت توضيت وصليت الفجر
تمددت وغفيت وره مشوار كعدت ساعه بالعشره نزلت امي متهيره هي والهنوف
وجدتي تايروحن لهيله اخذتهن ورحنا للمزرعه
🌿🌿🌿🌿🌿
هيله
انا جوه بغرفتي تاابدل للولد هاله اجت وكالت
هيله اجتي ام الزين والهنوف وجده
كمت لحيلي سألت بذهول
جده اجت
ااي خطيه كاعده بالكرسي المتحرك من شفتها انمردت روحي عليها
تنهدت بقهر كلت
هساع اجي بس اكمل الولد
خلي اساعدج بيمان
كملت شلت يمان وكدت شعلان طلعت اسمع صوتهن بالمجلس وكفت وسألت هاله
الزين معهن
لاا مادش كعد بالحديقه
اروح لبابا
لااا سلم بالاول على جده الجبيره وجده فضه وعمتك يله تروح لابوك
اي
دشيت وياهم عيوني راحت لجده غوركت بلحظه وجهها فرح من شافتني رفعت ايدها لي
رحت بسرعه لها حظنتها وحبيتها من راسها گضبتني من وجهي بأيد ترجف وحبتني من عيوني بجيت مسحت دموعي وكالت
وجهك ابيض يبنت العرب وثوبج يشرف كل واحد تكلم عنج
الهنوف اجت حظتني وحبتني وراها عمه تبجي وتردد
هلا يمه كل الهلا نورتي الديره واهلها
مارديت امي كالت
بنورج شيخه
كعدت يم جده هاله جابت ولدي الها حبتهم وهي فرحانه بيهم شعلان كاد اخوه وراح لجدته حظنتهم وكالت
هلا بنور عيوني هلا بالغوالي ولد الغالي
شعلان يعرفهم هي والهنوف وجده لجن يمان
ظل يبجي من اخذته لحظنها ويريد يجي لي عافتو واجه شلتو وخليتو
بحظني جده ادحك له كالت
الزين بصغرو
امي ردت
اي يمه يشبه
شعلان اجه كاد اخوه وكال
اروح لبابا
هزيت راسي باي طلعو من يمي وهاله وراهم
الكل ساكت وره لحظات امي سألت جده
يرضيج السواه بينا الزين ياشيخه يرضيكم يخطفها ويجبرنا نجي لهينه وحنا مو
راضين
اجذب عليج واكلج لا مو راضيه ياام هيله
الهنوف ردت دحكت لها كملت
والله السواه فرح گلبنا كلنا وجده كالت زين ماسويت هاي يمج واسأليها
امي دحكت لها هزت راسها بأي الهنوف كملت
ياام هيله عفى الله عما سلف الزين عرف غلطو وحنا بعد معه لان صدكن
حمد وجذبنا هيله
امي سكتت انا هم ماردت اتكلم نفس الكلام واعيدو اعرفهم الندم جاتلهم والخجل مبين بوجوهم جده دحكت لي اشرت لروحها وكالت
لخاطري انا يمه اعفي عنه
صفنت عليها بعيون مغوركه رديت بخنگه
انا عفيت من زمان ياجده لان مايهون عليه يوكف
جدام الله ويتحاسب لجن گلبي بعدو ماطاب من السواه بيه
هزت راسها وكالت
حكج يمه تزعلين علي راعي بيتج والاذيه التجي من الغالي ماهي مثل ما تجي من الغريب
نزلت راسي من حدرت دمعتي مسحتها عمه كملت بتوسل
يمه هيله لاتزعلين منه ما جان بوعيه فگد ابوه وشافو سايح بدمو
وانا بعد فگدت ابويه عگب مادعى عليه بالفجعه
وانفجعت ياعمه به بثالث عمي
امي كامت تبجي وعمه هم الهنوف كالت بصوت مخنوك
اجله ياهيله لو كل واحد يدعي على احد بالموت
جان ماظل احد يالدنيا
سكتت كملت
انا مااريد اعيد بالماضي لان يوجعنا ويوجعكم انت هم حنا جينا نشوفكم ونفرح بجيتكم للديره
جيتكم على العين والراس يالهنوف لجن انا مااكدر اظل هينه تكلمي معه لاخوج وخلينا نعكب لبغداد
رديت عمه دحكت لي بخوف كالت
ماراح يقبل انتي تعرفين الزين من يقفل على شي مستحيل يتراجع عنه
سكتت امه كملت
يمه لخاطري انا وجدتج الي اجت وهي ماتكدر حتى بس تشوفج انتي واهلج وولدج
مارديت تكلمت مع امي
ياام هيله ترضين انحرم من ولد ابني مو كافي عليه فراك ابوهم الي راح يسري للموت برجليه
تكلمت بهالكلام وكامت تبجي نزلت راسي وگلبي الي حبه عمره ما كرهه ولا راد له الاذيه
لا والله ماارضى ياشيخه هذوله هم احفادج ويعودون لج انتي وابوهم واهلهم
رحمه الله والديج تكلمتي بالحگ
الهنوف كملت وره امها
ياهيله المزرعه بأسمج انتي وولدج يعني لا الزين ولا حنا متفضلين بأي شي عليج الخير خيرها ويعود لج كلو عيشي به وخليج گريبه مننا انتي وولدج حتى نكدر نحدر عليكم شوكت ماطاب لنا
سكتت امي دحكت لي وردت
الامر لله ولاخوج لان اعرف مستحيل راح يخلينا نعكب بعد لبغداد
الهنوف غيرت الموضوع وكالت مبتسمه
تره راح نظل يمكم على الغده يعني اريد منجن اكل طيب ومن نفسج ياام هيله
ادللي وهلا بيكم بداركم
دارج انتي وبناتج ياام هيله
شعلان دش كايد يمان واكع بالطين ويبجي كمت له شلتو وكلت
هاي شنو وين وكعت
بالساجيه ماما ركض وره الدجاجه ووكع
تعال يبعد جده عش تبجي هساع امك تبدل لك
عمه اجت تريد تاخذو من حظني ماقبل لزك بي كلت
هساع ابدل له واجيبو لج
اخذتو ورحت للمغسله ريمه اجت ضايجه ومتوتره من جيتهن حتى مااجت
سلمت سألت
شنو راح يظلن يمنا على الغده
اي
عش يظلن خل يروحن
عيب ياريمه ذوله دايسين دارنا شتريدين اطرد جده وعمتي وعمة ولدي
غسلت ليمان واخذتو للغرفه اجت ورايه سألت بغضب
اشوفج نسيتي وش عملو بنا هم والزين
مانسيت ياريمه كتلج ذوله دايسين عتبة دارنا ومايجوز لي اتكلم بالشين معهم
دارنا ياهيله ادكولين عليها هيج وحنا كارهين لها وكارهين وجودنا بها
ياريمه بسج عااد شتريدين اروح اطرد جده وعمه والهنوف عيب يولي مو
طبعنا ولا اخلاقنا ولا ابويه ربانا هيج
ظلمونا ياهيله
ردت عليه وراحت كعدت وكامت تبجي
تنهدت عفت يمان من بدلت له وراح للصاله كعدت يمها وكلت
ياخيه تكدرين انتي ترحين وتطرديهم
دحكت لي وسكتت كملت
شفتي انتي ماتكدرين تسويها شلون ترديني انا اطردهم لاتنسين هم جانو زينين
معي وماشفت منهم الا
كل خير وهم ولدي ولدهم شتريدين احرمهم منهم واتحاسب يم الله
لاا
ردت علي سكتت للحظه
كملت
اعرف انتن تعبانات من الصار والزين فرض علينا شي حنا مو راضين بي اسالج
كولي لي وش اسوي اظل اعاركه جدام ولدي وجدام الاودام ويطلع حسي معه
جاب نتيجه هالشي ياريمه نفع معه
هزت راسها بلاا كملت بقهر
ماعندي سلاح اوكف بي جدام جبروتو وقوته غير الزعل والجفى هذا سلاحي الوحيد الي اعرف بي راح يأذي اكثر من كلامي معه
يعني راح نظل هينه
اي نظل لان هذه مزرعه ولدي بأسمي وبأسمهم
اعرف راح تمر علينا ايام صعبه وثگيله لجن مو اثگل من هدينا الديره وحنا متهومين بشي مامسويه
امي دشت وكالت
يمه تعالي اجلسي وي اهل الزين تاروح اطبخ
لا يمه انتي روحي يمهن وانا اطبخ
عجل يله هيرن وسون غده مرتب
اي يمه
🌿🌿🌿🌿🌿
زين العابدين
ظليت يم ولدي ساعه زمان وعكبت لدارنا كعدت بالمجلس عم مهنا كال
صگبان دز خبر يريد يكعد معك
عكدت حواجبي ورديت
خير وش بلاه شيخ الرعيان وشيريد مني
عبدالعزيز گال
ماكو غير سالفه الفيلق كاعد يتكلم هينه وهين ويريد بس يگضبو معك حتى يصير له الصيت الزين
ااي اظن هيج يابو زين
رديت على عبد العزيز وكملت
خل اعگب من الموصل بأجازه اللخ وانا اجلس
معه يم القاضي
اي انا هم كلت للطارش الي دزو ماعنده مجال راح يسري للموصل من يعگب يجلس معك
زين ماسويت ياعم مهنا خل اروح واعگب وانا لي كلام معه
تغديت مع عبدالعزيز وعم مهنا وظلينا بالمجلس للعصر.. الزين ولد الهنوف عگب امي وجدتي واختي من المزرعه دشيت وره
المغرب للمطبخ اشوف امي فرحانه هي واختي وجدتي سلمت وكعدت
يمها كلت
شفتي يمان ياجده
اي شفتو يمه جن انت بصغرك
يازين ولدك يايمه فرحت من شفتهم حدنا وگريبين منا
اي صح السواه غلط لجن والله فرحت من شفت هيله وولدو حدنا ونكدر نسري لهم شوكت ماشاك لنا
الهنوف كالت هالكلام جدتي گضبت ايدي دحكت لها كالت
بهيده مع بنت العرب لاتظل تجاتلها وتفرض نفسك عليها خلها تطيب من الي بها وجرحها يبري ياولدي
هزيت راسي وورديت
ادعي لي ياجده تطيب من الي بها اليوم قبل باجر
كاعد ادعي لك صبح ومسيه ويجي يوم وترضى
بزرك راح يحنن گلبها عليك وگول جدتي گالت وصدگت
الله يسمع من حلكج ياجده
الزين اجه من بره وكال
خال مله محمد بره ويريدك
اي جااي
كمت وطلعت له سلمت واخذتو للحديقه جلسنا
بها كال
سمعت بيك تريدني ياشيخ
اي والله والسموحه منك ماكدرت اجي لك بالجامع
لاا تعتذر ياشيخ اعرف وضعك واعرف ماعندك وقت كول امر وش تريد مني
مايامر عليك ظالم ياخويه ردت اسألك سؤال
تفضل اسمع
انا مثل ماتعرف طلكت ام شعلان وهي حامل وهجرتها سنتين ونص واريد اعرف طلاكي منها باطل لو بعدها حرمتي
وعلى ذمتي
لااا ياشيخ الطلاگ وقع لان انت ماعكبتها لعصمتك من وضعت حملها
غمضت عيوني وذبيت حسره كلت
انا كلتها بساعه غضب
حتى لو بساعه غضب كلتها انت ماعگبتها وظلت سنتين بدون ماتردها لعصمتك وهذا الشي خله الطلاك يثبت
ااخ وش سويت بروحي
اذكر الله ياشيخ
يالله منك الفرج
كلت هالكلام وكملت معه
يعني هساع هي محرمه عليه
اي محرمه ومايجوز لك تشوفها او تتكلم معها
ياخويه هونها عليه
ماتهون ياشيخ هذا شرعنا وهذا الي امر به الله سبحانه وتعالى
مله انت تعرف انا عندي منها ولد يعني لازم اتكلم معها بشي يخصهم
اي عند الحاجه فقط يجوز لك
سكتت كال
هي تعرف هالشي ماكالت لك
صفنت علي كمل
بنت عم حميد تعرف بالدين جنت اشوفها تعلم البنات بالجامع الحلال والحرام
يعني لازم تعرف هالشي
كالت لي هي ماتجوز لي
هز راسو ورد بثقه
اي كلت مو معقوله ماتعرف هالشي وهي صاحبه دين وعلم بالقران
مله محمد انا احبو وارتاح له اعرف سري معه بامان لان صاحب دين ويخاف الله
يامله هي صاحبه دين بكلشي الا المغفره ماجاي
تسامح ولا جاي تقبل نرجع مثل الاول
لاتزعل مني ياشيخ بس حگها الصار بها جبير وانت غلطت معها واذيتهابسترها
غمضت عيوني مااريد اتذكر ذاك اليوم ووش سويت بها كلت
خل ملح على الجرح يامله وزيدو
اي يوجع وانت الظلمت شلون بها وهي المظلومه
سكتت كمل
خلها للوكت اعرف بنت عم حميد الله يرحمو تخاف الله جثير وراح يجي يوم
ويبري جرحها وتعكب لك
يامله كلت لجدتي قبل شويه ادعي لي وانت هم من اهل الله ادعي لي يبري جرحها وترد لي هي وولدي
هز راسه ورد
ردد اللهم انا مسنا الضر وانت ارحم الراحمين والله يجبر خاطرك برجعة حرمتك لك هي وولدك
امين يامله امين
كام وره لحظه وكال
اترخص ياشيخ اروح للجامع اقره قران واذن العشه
الله معك ماقصرت ياخويه
🌿🌿🌿🌿🌿
هيله
ثاني يوم الصبح طلعت للمحصر اشوف سلطانه لان گلبي تعلك بها وحبيتها
وياي شعلان ويمان شاليتو
شوفو شلون هالمهره حلوه ومزيونه
ماما هذا خبل
شعلان اشر لادهم ابتسمت ورديت
هذا عسيف يعني شرس ووكح
هاا
هساع من تكبر وتصير شاب اعلمك على ركوب الخيل
ااني ااني
اي وانت هم يويو
ابتسم كدت شعلان وطلعت من المحصر سريت بهم للزرع صاح
اجه بابا
درت روحي شفتو دش بسيارتو ووراه جم سياره من الحرس
وكف شعلان فلت من ايدي وراح له نزل لابس زي الحشد ومسلح يمان هم راد ينزل ويروح له
نزلته راح له يمشي ويكع اجه بسرعه علي شالو حبه هو وشعلان دحك لي بعدين دار وجهو كال بصوت مخنوك
راح اسري للموصل ديري بالج على روحج وولدي
گلبي نغزني وروحي انمردت من شفت شعلان كام يبجي وگضبه بقوه كله بتوسل
بابا ظل لاتروح
نزل ليمه يمان بحظنه برطم يدحك له ولاخوه
اش بابا صير زلمه انا راح اروح وانت دير بالك على امك وجدتك وخالاتك
شعلان سكت يدحك له مقهور كال
تعكب موو
عيونه صارت بعيوني درت وجهي كال
اي يابه اعكب
كام لحيله نزل يمان بالارض كال
فزاع يمج اي شي تحتاجي كولي له ماراح يقصر معج بشي مارديت عيوني على ولدي گاضبي بقوه ويدحكون له ووالدموع على الخد
ياهيله رفعت عيوني له صافن عليه كال بغصه
ابريني الذمه يبنت العرب...
