رواية دخيله الشيخ زين العابدين الفصل الخامس والستون بقلم أوتار حزينه
زين العابدين
هدوء صار بالمجلس عگب ماكلت انا عرفت من جتل ابويه ركزت بعيوني على
صگبان صحت
فزااع
سم شيخ
جيب الخاين وخل الكل يسمع من جتل ابويه غدر
طلع من يمنا عگب وره مشوار يعت برشيد خالين
جيس براسو كعدو بنص المجلس كمت لحيلي
رحت له كلت وانا ادحك لصگبان
تعرف من هذا ياشيخ
صفن عليه وبعدين على رشيد ملامح وجهو تغيرت
رفعت الجيس من راسه جان مكمم مايكدر يتكلم
بشي
هذااا ولد عمتنا شجابو عندك
واحد من ربع الشيخ صگبان صاح وكام لحيلو هو وجم واحد
عرفتو موو
رديت بروده وعيوني على العار
القاضي سأل
ياشيخ زين وش جاب ولد متعب عندك
مادحكت له عيوني على صگبان تخربط وضعو كلو يدحك له ولي كلت
وش بلاكم جن ماجنتو تعرفون ولد عمتكم مع الدواعش هو وخلف
صنطه صارت صگبان صاح
تجذب يول ماهم معهم ولدنا مو خونه
ابتسمت والشر بين عيوني دفرت رشيد برجلي
يااازين لااتضرب ولد خالنا
واحد صاح بي وگرب
صحت به
شييخ ولك شيخ زين العابدين ولد الشيخ
شعلان الي ولد عمكم جتل ابويه غدر
من گلك هالكلام عندك دليل علي
ابشر هذا الدليل
جريت الخركه من حلگ رشيد وصحت به
تكلم ولك گول شكلت لي من گضبتك بالموصل
دار وجهو للشيخ صگبان ساكت خزره وانتبه لروحو لمحتو جزيت على سنوني
صحت
تكلم ياالهامل تكلم ووگول وش گلت لي
انطيني الامان واتكلم
الك الامان تكلم
ياقاضي خلف هو من جتل شيخ شعلان انا سمعتو باذني يتفاخر بهالشي گال ثارنا واخذنا منو
صگبان كام لحيله وصرخ
تجذذب ولك موو هو ولك يالهامل تريد تبلي ولد عمي حتى تخلص روحك من الموت
هوو وحگ الله هو الي جتلو وشيخ صگبان يعرف
هو وين لبد اسألو وين راح وبأي مچان لفه
صارت هووسه بالمجلس صگبان وربعه يصيحون علي ولدنا فزو من عرفو من جتل ابويه
الكباريه صاحو
ووينو هذا وينو جتال شيخنا طلعووو ولكم
حرس القاضي صارو بينا
صاح
شييخ صگبان سمعت وش گال رشيد ولد متعب
القاتل طلع من عدكم وهساع اسالك وين خلف تعرف وينو وبأي ارض هو
ما رد يدحك لرشيد والغضب تارس ملامحه
سألتك ياشيخ واذا مارديت معناه انت شريك معه
هالكلام جبير يالقاضي وعيب ينگال بحگي
رد علي بغضب
انا واگف بين عم مهنا وعم نواف گاضبين زندي گلت له وانا جاز على سنوني
عجل گوول وين خلف وبري روحك من هالتهمه
تردد يدحك لي وللقاضي رد
انا بريئ من دم الشيخ شعلان ومااعرف ان جان خلف هو من جتلو او لا هو اجه قبل اسبوع وگال راح اروح لوادي الذيب وبعد ماشفنا ولا لفه عدنا
گربت له اخزر بي عبدالعزيز گضبني هو وعم مهنا صحت
ااسمعوني زين يالربع عز الله اذا عرفت من
خلف ان شيخ صگبان الو يد بجتلة ابويه الا اذبحو بنص اهلو واسحلو من دارو ليم گبر ابويه
سمعتو ياقاضي گاعد يهدد شيخنا
ان طلع شيخكم له يد بجتلة الشيخ شعلان حنا اول واحد سلاحنا مع سلاح ولدو وناخذ الثار معه
القاضي رد بحزم كملت وراه وانا اشر بايدي عليه وعلى ربعه
اسمعني انت وربعك انا ساري لولد عمك اذا مالكيتو هناك معناها انت لو واحد من ذوله الواكفين انطاه خبر وفلت من مجانو وحگ الله اذا صار هالشي اعگب لهينه واشعلها نار عليكم ماتطفى ابدا
محد رد من عدهم كملت وي صگبان بغضب
ااانت هساع متهم عندي بجتلة ابويه وادعي من الله اذا اگضب خلف مايودي عليك ولا يكول انت لك يد
بجتلتو
انا بريئ من دم ابوك ما خصني بالصار ولا الي علم بأي شي
درت وجهي منو وكلت للقاضي
انت شاهد ياجبيرنا
شاهد والكل تشهد
الدم بالدم والبادي اظلم واليوم احني ايدي بدم جتال ابويه
كلت هالكلام وسريت وورايه اهلي وربعي طلعنا
لدارنا عم مهنا يردد
حسبي الله عليك يالردي
ضمها بگلبو لان ابوك ديرو من الديره وجتلو غدر
عم نواف كمل وراه
مايجينا من صگبان وربعو
غير بس الغدر والاذيه من حسبي الله عليهم ونعم الوكيل
طلعت جهازي خابرت عوض
هلا اخويه
هير الولد بسرعه وتسلحو سلاح ثگيل اي مثل ما سمعت ياعوض راح نطلع لوادي الذيب اي هساع بهاي اللحظه
انا معك يازين
عبدالعزيز تكلم
كلت
لاا اخويه انت اكعد بالمجلس عينك على اهلي
وعوض راح ادزو للمزرعه يدير باله على ام شعلان واهلها
يازين هلهل بروحك لا تفجعنا بك الحذر يولدي هذوله غداره ديربالك منهم خاف واحد من ربع الردي صگبان يحذره هو والويا
وينصبون لك كمين
عم نواف تكلم رديت
ياعم انا اريد هالشي يصير اذا مالكيتو بمجانو او نصب لي كمين اعرف احد خبرو منهم وهذا الشي راح يثبت عليهم هم الهم يد بجتلة ابويه
سكت عم مهنا كمل
عز الله صگبان الردي الو يد بجتله شيخنا
وصلنا لدارنا الولد كلهم جاهزين بالسلاح واكفين
بره بالشارع نزلت بسرعه الكل صار حواليه صحت بصوت عالي
الثاار الثاار يولد ذيبه
ااابشر ياشيخ ثارك ثارنا عز الله بعدو حار ومابرد
ردو عليه بصياح
جاوبتهم
فزعتكم معي ياولد العم خلي اليوم احني يدي بدم الغدر ابويه
عد عينااك ياشيخ حنا معك للموت
كفوو من ولد ذيبه
سريت للسياره عوض لحكني كلت
عكب يااخويه وروح للمزرعه عينك على حرمتي
واهلها
خل اسري معك ياشيخ
لاا اريدك يم الاهل اسري ياخويه ذوله بامانتك منا الما ارد
سكت صعدت يم فزاع صحت
دوس ياخويه خل اليوم احني ايدي وتراب ابويه بدم الجتلو
🌿🌿🌿🌿🌿🌿
هيله
ماكدرت انام عگب الكلام الي گالو لي زين صار بيه قلق وخوف اعرف الزين هساع صاير نار وكتلة من الغضب والاعصاب من وره الي عرفو
الفجر اذن وانا مو نايمه گمت صليت الفرض والسنة ودعيت تمر هالسالفه على خير ومايصير به شي
لجأت للقران اريد اهدأ كعدت اقره ونسيت روحي ويا كلام الله
يمه هيله
رفعت راسي من القران امي واكفه يمي ولا حسيت بها كالت
كعدي ولدج وتعالو تريكو
دحكت للساعه با 8 صايره كلت
اي يمه
صفنت عليه سألت
بيج شي يمه احسج مو على بعضج
ماكو شي يمه هساع اكعدهم ونجي يمكم
هزت راسها وسرت من يمنا كعدت ولدي غسلت
الهم واخذتهم للصاله الصينيه بالگاع شعلان راح ليم هاله گال
اريد حليب
اي هساع اصبلك
يمان كعد بحظني اشر لها وكال
انا وي شوشو
ادلل انت ويا
ردت لهم مبتسمه سألتني
اخلي له بالممه
لا خلي يتعلم يشرب من الكوب
صبت له بكوب صغير گضبتو وشربتو شويه شويه الكل بده يتريك وياكل وانا
صافنه وخايفه من الراح يصير
هيله اكلي
انتبهت لريمه من تكلمت هزيت راسي اكلت شويه
كملنا خواتي استلمن شغل الدار ايدي ماجانت تاخذ شغل من وره الخوف والقلق
لهيت روحي غسلت لولدي وبدلت لهم وراها غسلت انا هم اريد اصحح شويه وابرد نار راسي من التفكير طلعت من الحمام سمعت صوت عمه هنيه تتكلم بالمطبخ سمعتها كالت
ااي ياخيه طلع خلف ولد عم الشيخ صگبان هو الي جتل شيخ شعلان الله يرحمو
شنوو وش كاعد ادكولين انتي
امي صاحت
سريت للمطبخ دشيت سلمت عليها كملت
تعالي يمه واسمعي شصاير طلع خلف هو الي جتل عمج الشيخ والزين عرف من رشيد ولد متعب من گضبو بالموصل مع الدواعش وهساع اخذ ربعه وسرى لوادي الذيب يكولون خلف لابد هناك وخاتل بي
گلبي هبط والخوف تلبس بيه رحت كعدت لان حيلي راح امي سألتها بذهول
وهي مصدومه
من كلج هالكلام ياخيه
عوض هساع اجه وسعود سمعو يتكلم مع الحرس بهالكلام
وفزاع وينو عش عوض اجه
راح مع شيخ زين العابدين
عيوني راحت لأختي ريمه وجهها انخطف لونه نزلت راسها وسرت من يمنا
يارب سترك يارب احفظ الزين والويا يارب لاتفجعنا به
امي كعدت وجهها صار اصفر رددت بقهر
شأدعي عليك حمد گلت شهم جتلو للشيخ شعلان وطلع خلف ولد عم صگبان
هو الجاتلو
ياخيه راح تعلگ الزين عرف من جتل ابوه وماراح يسكت الله يستر بس لا
راح تعلگ بينهم وبين ربع
الشيخ صگبان
ااي هساع شحالو تلبس بثوب الغضب وانتي تعرفي من يفقد مايشوف من جدامو
اني رديت غمضت عيوني كلشي يون بيه شفته من فقد وش سوه بيه وشعمل
يارب طفي نارك بنورك يارب فتنه راح تعلگ بين العشاير من وره واحد ردي وغدار
ام هيله الي انجتل موشويه الشيخ شعلان زعيم قبيله جبيره الها وزن بين العربان وبهل جم سنه الزين هم صار مو شويه بالدوله الكل تعرفو وتحسب له الف حساب
كمت من يمهن وطلعت لبره رحت للحديقه شفت حرس يفترون بكل مچان عوض شافني اجه من بعيد سلم
الله يساعدج شيخه
هلا اخويه
محتاجه شي كولي انا بالخدمه
خادم ربك ياخويه تسلم مامحتاجه شي
انا هينه يمكم اي شي تحتاجي دزي علي
سكت وصفن ،،، درت وجهي ريمه رايحه للگن الدجاج دحكت له داير وجهه گال
اروح خيه واوصيج لااحد يطلع من عدكم ويبعد عن الدار
تمام
سرى من يمي عرفنا من عمه هنيه هو تزوج بنت عمه وخلف ولد وبنت وهم تزوج حرمة اخوه وكعد يربي ولده
زين العابدين
الولد نهبو الارض نهب وصلنا وادي الذيب قبل اذان العصر بشويه جان كلو وديان غميجه وبي جثير زواغير
انقسمنا ثلاث مجموعات كل واحد يدور بجهه نزلنا لوادي متفرع كلو صخور حاده نفتر به وماخذين حذرنا من اي لحظه غدر فزاع حدي كال وره ساعه
مااظن اجه لهينه
نادونا بالجهاز
شيخ تسمعني
اسمعك صافي تكلم
تعال للجهه الغربيه من الوادي لمحنا اثر سيارات جديد
جااي
طلعنا بسرعه من جوه الوادي صعدنا بسيارتنا وطلعنا للجهه الغربيه من بعيد لاحو لي الولد واكفين وصلنا لهم نزلت رحت
لصافي كاعد يم اثر مال سياره وگال وهو ياشر علي
شوفه جديد جن قبل شويه سرو منا ورايحين يم وادي الجن
دحكت له هزيت راسي وكلت
خلي نروح له
طلعنا كلنا للتل وصلنا ووكفنا مسافه عنه ماشفنا شي بس اثر سيارات اثنين
داشات له
شيخ خلي نسري رجاله حتى مايسمعون صوت السيارات وياخذون حذرهم
فزاع تكلم هزيت راسي بأي
سحبنا اقسام ودشينا للوادي جان اصغر من وداي الذيب سرينا وي الاثر قبل لانوصل لها كلت
هذا لابد بمغاره ام سهود
اي الاثر يودي لها
فزاع رد كملت
انتشروا حوالين الوادي فزاع معي هو وساري
وصافي حنا راح نصعد لفوگ ونشوفهم بالمنظار
تم ياشيخ
ردو علي وانتشروا بهدوء حوالين الوادي طلعنا من الدرب وصعدنا لفوك وصلنا وصارت جوانا طلعت منظاري دحكت به شفنا سيارات اربعه واكفات يم المغاره وثلاث بره يفترون شايلين سلاح ماكو بينهم خلف فزاع تكلم بغضب
الكواد مسويها مضياف للدواعش
وراح تصير لهم مقبره وادفنهم بها
رديت جاز على سنوني وكملت بجهازي وي ولد قناص من ربعنا
نمر تسمعني
اي اسمعك شيخ
يول ثلاث جوه المغاره كاعد تشوفهم موو
اي هساع صرت فوك وكعدت شفتهم يفترون
اجتلهم وانعل والديهم
ابشر شيخ
عكبت ادحك لهم قنص الجان يم السياره وكع صاحبه ركض له قنصه وجتلو بمچانو اللخ مافطن لهم لان جان كاتم انجتل هو واكف يم باب المغااره
كفو والله
كلت هالكلام وكملت
اهجمو يولد
نزلنا نركض واحد طلع من جوه شاف الميت ولمحنا رميتو بسرعه وكع وفطس
على صوت الرمي طلعو البقيه صاروا بوجهنا صحت بهم وكلنا نرمي جوه رجليهم
سلموو ارواحكم وولكم اارمي السلاح
وكع بالارض يصيحون
الااامان الامان راح نسلم روحنا بس لاتجتلونا
الولد التفو عليهم من كل الجوانب عيوني على الي بنص خلف ولد عم الشيخ
صگبان جسمي كله كام يرجف من الغضب
رحت بسرعه علي وضربتو بجعب السلاح براسو وكع ليوره دست على صدره برجلي وخليت فوهه الرشاش بگصته وصحت بجنون
ووكعت يالغدار وراح احني ايدي بدمك اليوم واخذ ثار ابويه منك
دحك لي بخزر ورد بصياح
لحگت روحك قبل لاا اجتلك ياازين
تخبلت من سمعتو مبيت يجتلني وكعتلو دك بالسلاح فقدت الولد جروني منه انهد من الغضب كعدو يتفل دم صحت بي
من دزك على ابويه تكلم ولك ،،، شيخكم
شيخ صگبان له يد بالصار
مارد رحت له عتيتو من هدمو وصحت به وانا جاز على سنوني
تكلم ولك تراه راح اجتلك
مارد ضربتو كله براسو وكع بالگاع فزاع گضبني دفعتو بقوه وصحت بالولد
اجتلو كسرو عظامه
ساري وصافي وكعلو دك بالسلاح ادحك له يصرخ ويتلوى جوه ايدهم صحت
وره مشوار
عووفو
فزاع كعده وصاح بي
ولك تكلم هذا شيخكم اله يد بجتله عمي الشيخ
ماخصه ثاري انا واخذتو من شيخكم
رد يترنح بأيد فزاع صحت بي
شيلووو بسرعه
اخذنا خلف والاثنين الي وياه وعگبنا للديره كال
ماخص شيخ الردي بجتله ابويه لجن انا ماصدكت كلت اسوي شي اخر
واشوف ردة فعله لصگبان
طلعت جهازي محتركه الدنيا عليه امي وخواتي وعبدالعزيز متصلين وام هيله هم خابرت زلمه اختي رد بسرعه
هاا بشر يبو شعلان
جاايك وجايبين الثار ويانا
كفوو بيض الله وجهك
حضر رشيد والكباريه وانت معهم راح اجي ليمكم ونطلع لدار صگبان
هو الو يد مو
اوصل واعرف هالشي تحضرو بالسلاح اذا خلف قر واعترف علي من يشوفو راح احرگ ديارهم عليهم
والله مانخلي بهم واحد صاحي واحنه ولد ذيبه
كفو منك يبو زين ساعه زمان واصل وخابر شيخ نصيف وولدو خل يجون معكم
اي هساع اخابرهم
مع السلامه
الله وياك
سديت الخط مااتصلت على احد بعد وصلنا وره ساعه لدارنا صايره هوسه وسيارات جثيره واكف شفت ولد شيخ نصيف الاربعه يمنا متحزمين
بالسلاح ووياهم ربعهم
نزلت سلمت على ابوهم كال
الوعد يابه
تاخذو من هالشوارب شيخ وجدام اهلهم راح تجتل ذباح ولدك
كفو منك ومن الجابك
اسري معي
اجه وصعد وي عم مهنا يمي طلعنا لدار الشيخ
صگبان وصلنا سيارات شرطه واكفه يمه وربعه متحزمين بالسلاح مادرت بال نزلنا اگبال داره مقدم بالشرطه اجه عليه تكلمت قبله
الثار ماخص الدوله به
وكف بمچانو ورد
شيخ حلوها بينكم بدون قتل
الدم بالدم واتمنى ماتخلي روحك بهالسالفه
ما رد يعرف انا من ووش اكدر اسوي عگب لهم تكلم واحد من اخوة خلف
الولد نزلو اخوهم ورشيد دحك له وصاح
شنوو يعني راح يجتل اخونا جدامنا
ما رد عليه عيوني راحت لصگبان طلع من جوه وكف ودحك لخلف ورشيد كال
يازين
شييخ زين العابدين لاتنسها هالجلمه
صحت به سكت كمل وره لحظه
كول وش تريد فديه لابوك انطيها لك بس هد ولدنا
ابتسمت باستهزاء درت روحي لفزاع كلت
صوب علي واجتلو
فزاع وجه سلاحه علي صاح
وش كاعد تسوي انت
مثل ماكلت مو تريد تنطيني فديه انت بمچان ابويه
صفن عليه مذهول من ردي كملت بغضب
ماكلت هالكلام الا وانت لك يد بجتله ابويه
ماخصني انا هيانو خلف حدك اسالو اذا جان لي يد بهالشي اجتلني واخذ ثارك باللحظه
ماخصه لشيخ صگبان انا جتلت ابوك وردت اجتلك لو ما هالردي يودي عليه جان انا ذابحك ومبرد گلبي بيك
سمعته باذنك
صگبان تكلم رحت كعدت يم خلف تكلمت بهدوء لجن نار شابه بيه وغضب تارس
صدري
يول رشيد كال انت جتلت ابويه لجن الي دلانا عليك هو شيخك
صفن عليه مصدوم وبعدين علي درت وجهي لشيخه يدحك علي بوجه غده نوميه
تكلم بصوت مخنوك
وديت عليه ياصگبان ليش مو انا سويت السويتو حتى اخذ ثارنا كلنا من ابوه
محد كلك اجتل شيخ شعلان انت سويت شي بليتنا به وبليت اهلك معك
صگبان رد علي دحكت له يرجف من خوفه اخو خلف الجبير تكلم بصوت رايح
يول يعني انت صدك جتلت الشيخ شعلان
اااي جتلتو شفتو شسو بي ديرني من الديره وبهذل احوالي ولاتنسون نفسكم
مافرحتو به من مات كلكم وانت اولهم ياشيخ صگبان
فرحت وكلت هم وانزاح من على گلبي
كمت لحيلي ورديت بروده وانا ادحك لصگبان
لاااا عز الله ماانزاح الهم لان الخلف مامات انااا
دكيت على صدري بقوه وصحت بي وبربعه
اانا زين العابدين ولد الشيخ شعلان كلت جلمه راااح اخذ ثار ابويه ولو بعد حين
والحين اجه والدم بالدم
فزاع شمر لي الرشاش ووجهتو لخلف ورميتو
اصيح
هذااا ثارك يابه ناام رغد يبو زين العابدين
شفتو غرك بدمو درت روحي من وصحت بأخو عذاب
خذ ثارك من جتال اخوك ياجاسم
رشيد صاح
انطيتني الامان ياشيخ
ااي انطيتو لك لجن شيخ نصيف ماانطاه
جاسم رمى وجتلو بمچانو الشرطه صارت بينا وبينهم مادرت بال الهم گربت اخزر بصگبان وربعه يدحكون لولدهم مفجوعين بهم
كلت
كلكم جدامي هساع دواعش وشوفو شراح
اسوي بيكم يابه هذا الشارب مو عليه اذا ما اديركم كلكم من المنطقه
واخلص الاوادم من شركم
اااسمعني ياشيخ صگبان
شيخ نصيف صاح بي بغضب وكمل
ناري مابردت من جتلت رشيد لااا ولدي بعشره
زلم من عدكم ،،، ديرو من هينه تراني گاضب روحي گوه وجتلكم بين عيوني
وانا معك ياشيخ
رديت وراه محد رد من عدهم درت روحي سريت معي شيخ نصيف عگبنا لدارنا الولد يرمون على طول الطريق ويصيحون
الغدر مايغسله غير الدفن وثارنا خذينا وحنا ولد ذيبه
اسمعهم يهوسون ودمعتي جامده بعيوني جن ابويه اليوم مات وشفتو بين ايدي
سابح بدمو ظل هو بين
عيوني شريط حياتي معه
شفتو مر عليه مثل الفلم
فتنا من يم المزرعه دحكت لها وكلت
ااي يبنت العرب اخذت ثاري من الي جتل ابويه وظل ثار ابوج بركبتي
سندت راسي ليوره وغمضت عيوني وي روحي كلت
خذيت ثار عمج يولي لجن گلبي مابرد لان ظلمتج بشي ماسويتي لا انتي ولا ابن عمج
عز الله ماردت هو يموت ردت شهم يروح وتنفجعين به وطلع لا هو ولا انتي الكم يد بموتته ابويه
وصلنا الدنيا محتركه يمنا والرمي اشتغل من دشينا الما وكفنا يم المجلس عم مهنا رفع عگاله وخلاه فوك راسي وكال
عاشت يمين الطش راسو ولا هاب
الثار جابو ربعي مسيه
ماضاع حگ وره الحگ طلاب
الذيب يوما عادا ما خاب
عكب وخله وراه المنيه
كفووو منك يالنشمي يالعزوه خذيت الثار وبيضت وجهنا جدام الكل
خذني لحظنه حبني من راسي هو وعم نواف وكل الكباريه شيخ نصيف حبني
معهم وكال
وفيت وكفيت ياطيب يا ولد الطيب
اصلك الطيب ياشيخ
رديت علي عيوني راحت لدارنا جدتي كاعده بره بالكرسي امي حدها هي
والهنوف ترخصت ورحت الهن
امي صاحت
هلا برفعه الراس هلا من اخذ ثار ابوه وبرد الگلوب
رحت لجدتي حظنتها بجت وكالت
عز الله الخلف مامات وخذيت ثار ابوك وبردت نار گلبنا كلنا
وخرت منها امي حبتني هي والهنوف الي كالت وهي تبجي وفاقده
نااام يابه مرتاح الزين اخذ ثارك وحنه ايدو بدم جتالك اانصبو الجادر ولكم اليوم ناخذ عزه الشيخ شعلان
حظنتها فاقده وتصرخ
يااابه ماراح ثارك بين العربان مابرد يبو زين خذيناه اليوم وجتالك راح يسكن الگبور
عبدالعزيز اخذها من ايدي دش بها لجوه دشيت خواتي يبجن هاجر كامت
واجت لي كالت
ثار ابويه مايروح وعندو الزين ولدو
اجت لحظني هي ورهيفه وامنه
🌿🌿🌿🌿🌿🌿
هيله
ظليت النهار كلو الوب من وره الزين وهبطه صارت بگلبي والخوف تلبس بينا كلنا انا وامي وخواتي
امي خابرت علي مارد
كعدت وجهها مخطوف وتدعي له شعلان حس بالجو سأل
ماما صاير شي بابا
لا ماكو شي
عجل شبيكم سمعت جده تدعي له شنو
عگب مدري شسمها
لا ماراح للموصل بعدو هينه بالديره
ماما خاف صاير به شي وانتي ماتحجين
لا شعلان مابي شي شبيك ماما راح بشغله وكاعدين ندعي له
هاا ادعي معكم
اي گول يارب احفظ لي ابويه
ردد وياي يمان يتكلم بلغته دعيت وي ولدي يعگب مابه شي
وره المغرب سمعنا رمي قوي گلبي هبط طلعت بره
انا وامي وخواتي رحنا للدرب اليودي على الشارع العام وكفنا من شفنا عوض
اجه بسرعه علينا وجهه فرحان صاح
خذينا الثار ياشيخه
مدري شصار بي حيلي راح نزلت يمان بالگاع خفت لا يگع من ايدي
امي راحت له سالتو بخوف
الزين وش اخبارو
مابه شي عگب ماخذ ثاره ورفع راسه وراسنا معه
امي كامت تبجي دمعتي حدرت كعدت على بلوكه من رجلي ما شالتني اشوف
عمي بين ايدي مسجي
والدم يفلت من صدرو
بجيت بصوت امي اجت ليمي هي وخواتي
عوض گرب وكال
لاتبجين ياخيه وارفعي راسج بزلمتج اخذ ثاره وبنص دار صگبان الردي
جتلو لشيخ صگبان
لاا ماجتلو لجن جتل خلف بداره هو ورشيد وحلف هو وشيخ نصيف مايظلون
بالديره والا يديرون منها
يكون احسن خل يطلع منها ماشفنا منو غير بس الاذيه
امي ردت شعلان راح له يبجي كلو
عم اريد ابويه اريد اشوفو
لا هساع اكعد وباجر اخذك اله
لاا ياعم اريد اروح له وديني اريد اشوفو ماشفتو صارلي يومين
مسحت دموعي كمت رحت علي گضبت ايده وكلت بهدوء
باجر ياخذك عمو هساع ابوك مشغول مايكدر حتى يشوفك او يكعد معك
ماما صدك باجر عم عوض ياخذني له
اي انا ادزك له بس اسكت ولاتبجي
هز راسه بأي
عوض ترخص وراح
واحنه عگبنا لدارنا دنيا ليل والرمي من بعيد نسمعه
ريمه كالت بصوت مخنوك
نار الزين راح تبرد هساع من جتل جتال ابوه
اي وهذا حكم الدنيا وبقى حكم الله شيراح يكله عن النفوس الي جتلها وشال خطيه اهلهم شراح يبرر له عن قتله للنفس والرسول الف الصلاه والسلام عليه قال (( لزوال الدنيا اهون على الله من قتل
رجل مسلم )) صدق
رسول الله
هاله كالت هالكلام وصدقنا وياها دشينا لجوه ساكته وصافنه لأمي كاعدت تبجي تذكر عمي الشيخ وابويه كالت لي
اريد اروح لابوج اريد اشوف گبره
الزين ماجان يقبل نروح له من وره الوضع جان خايف علينا من لحظه غدر تصيبنا مثل ماصابت عمي
هزيت راسي بأي وكلت
الروحه له طلبت حگها يمه
الصار بهاليوم هيج علينا المواجع جن عم شعلان مات اليوم وابويه معه محد تعشه دمعتنا بعيونه ونذكر ابويه
ساعه عشره الزين اتصل على امي وردت
هلا يمه هلا بالرفع راس اهله بين العربان
هلا عمه
رد بصوت مخنوك سمعته لان امي فاتحه السبيكر سأل
وين الولد
نامو قبل شويه شعلان راد يجي عليك وكلنا له باجر تروح نعرف بيك مشغول
بالصار
سكت وبعدين سأل
وين هيله يمج
اي هيانها
انطتني الجهاز كلت بصوت مخنوك
اعزيك هساع يازين لو اعزي روحي
بجيت رد علي بخنكه
عزيني يولي لجن مابرد گلبي لان اذيتج وتهمتج بشي انتي وابن عمج مامسويه
ماكدرت ارد شهگت وگمت من يم امي وخواتي طلعت لبره گال
كافي والله كل دمعه احسها ملك وكاعد يحاسبني
مارديت ظليت احاول اسكت روحي هو كمل
باجر حضري روحج رايدج بشغله
وش تريد يازين
تعرفين باجر
سكتت كمل
خل عمه تتحضر معج هي وخواتج ادزلج فزاع ويجيبكم لدارنا
يازين انا مااكدر اجي لداركم انت ماتحل لي اا....
اعرف هالشي ولاتعيديه وتذبحيني به انا رايدج بشغله ولزوم اسويها ياهيله
سكتت كمل
اترخص ورايه الاوادم
الله معك
سديت الخط كعدت بمچاني صافنه للسما ومااعرف وش يريد مني الزين بهالروحه لدارهم
زين العابدين
سلمت الي گضبنهم مع خلف للاستخبارات مال الحشد وبلغنا عن مچانهم الي لگينا معهم ودزيت
طارش للقاضي تااكعد معه انا وشيخ نصيف وباقي
الشيوخ حتى اندير صگبان من الديره هو وربعه
طلبت من الكباريه يجون الصبح هم وكل واحد جبير بالديره ووياهم كل ناسها واهلها يجمعوه يمنا بالدار والمجلس
الصبح كعدت خابرت فزاع وكتلو يجيب هيله واهلها ليمنا بدلت الزي العربي
ولبست بشت ابويه نزلت لجوه جدتي كاعده رحت حبيتها من راسها جلست معها كالت
ها يمه وش العزم
العزم اجيب هيله واهلها واعتذر منها جدام الكل من اهلنا وناسنا وكبار للديره
هزت راسها وردت
جنت ماانا بخير فاقده يمه ومدري وش صار من بعد ما انجتل ابوك ووصلني
خبره لو بوعي بذاك الوكت جان تكلمت وكلت لك من الظالم ومن المظلوم
ياجده انتي جنتي مجلوطه وفاقده الادراك لجن اكو غيرج عدهم وعي وماتكلمو
لو صعب كايل ومتكلم جان هذا كلو ماصار
يمه لو تفتح باب للشيطان هذا كلو امر ربك هو يريد هيج يصير حتى البشر
يعرف هو مسير مو مخير والامر امره والحكم حكمه
سكتت كملت معي
بنت العرب تحبك جثير لجن گلبها بعدو مجروح منك خلها يمي انا اتكلم
معها
ماراح تقبل انا ذبحتها ياجده ماجرحتها جرح صغير
خلت ايدها على ايدي وردت مبتسمه
كتلك من زمان تذكر من جنت تريدها وهي رافضتك كتلك انا اتكلم معها واخليها تقبل بك
هزيت راسي بأي كملت
عوفها على الله وعليه وگول يالله
يالله نذر عليه ياجده بس تعگب لي الا اخذج انتي وياها وامي ونحج بيت الله
ااي يمه جنت اريد اروح مع ابوك حجه ثانيه لجن راح وانت راح تصير بداله
ادعيلي جده ادعيلي تعگب لي هي وولدي
گاعد ادعي لك يبعد امك
وعسى الله مايخيب ظنوني
امي اجت من المطبخ صبحت عليه وكالت
تعال اتريك يمه
بس جاي
سريت واخذت جدتي للمطبخ الهنوف بي هي ورهيفه صبحت وسألت
وين امنه وهاجر
امنه عگبت تجيب هدوم لها هي وولدها وهاجر هم مثلها
كعدت حدي امي كلت
بس جاي اريد مااشتهي شي
يازين اكل صارلك جم يوم ماتاكل مو زين عليك خاف تكع علينا
مااشتهي الزاد ياخيه
رديت على الهنوف دحكت لامي رهيفه كملت
اكل شويه وي الجاي هيج لكمه صغيره
لفت لي جبن عرب اخذتو من ايدها ماردت افشلها اكلتها وي الجاي افكر بألي راح يصير هيله راح تقبل اعتذاري جدام الاوادم لو
تفشلني جدامهم
كلت وره مشوار
جده راح انصب جادر العزه من اليوم
اي انصبه يمه وانشر خذينا الثار ونصبنا عزانا بشيخ شعلان وولد الشيخ نصيف
ردت بخنكه وكملت
يرحمك الله ياولدي راضي مرضي وراضيه عليك الى يوم الدين بريت بي ووفيت
حگ تربيتي الك وماقصرت معي ولا مع اهل ديرتك بشي
هيله
كلت لامي وخواتي الزين يريدنا بدارهم الصبح سألتني
وش يريد مننا ماسألتيه
سألتو يمه ماقبل يگولي كال تعالي وانتي تعرفين وش اريدج منج
ريمة كالت
خاف يريدج تعگبين له
صفنت على ريمه ورديت
لا مااظن هالشي يعرف ردي ومايكدر يجبرني اعگب له
ظلينا نفكر بهالسالفه ونسأل اروحنا وش يريد من عدنا ساعه عشره الصبح اجانا فزاع صعدنا وياه ولدي يم امي وشعلان فرحان لان راح يروح لابوه
امي سألتو
هير يافزاع ماتعرف وش يريد الزين مننا
لااا خاله مااعرف
جذااب
ريمه تكلمت بصوت ناصي لجن سمعها ودحك لها بالمرايه خزرتها خنست ونزلت راسها
من بعيد شفت سيارات جثيره وناس واكفه بره رفعنا اللثام لوجوهنا
كلت جايين لعزه عمي
فزااع دش باالسياره لجوه وگفها يم المجلس عگدت حواجبي من ما راح للدار شفت الزين واگف بره هو والكباريه گلبي كام يدك بسرعه هوجست راح يسوي شي جبير
انزلي شيخه انتي واهلج
فزاع تكلم
امي سألته وهي تفر براسها
وين ننزل يافزاع بنص الزلم
زين اجه علينا عيوني علي دحك لي وكال
انزلي هيله
صوتي گوه طلع كلت
وين انزل
نزل ولدي وكال لخواتي وامي
انزلن وانت تعرفن وش اريد منجن وعش دزيت عليجن
امي صفنت علي وبعدين عليه نزلت خواتي وراها
نزلت منزله راسي كال
ارفعي يبنت العرب ولا تنزلي ابد
دحكت له اشر لي سريت معه بخطوات ثگيله معي امي وخواتي
وكفنا يم المجلس دحك لي
بوجه مطعون وغادي دم وبعدين للواكفين والتمو يمنا كال
ااشهدو علي يالربع انا خطيت بحگ بنت العرب وكسرتها كسرا جبير
جسمي كلو كام يرجف عيوني غوركت كمل
خطيت بحگها هي وامها وخواتها وتكلمت كلام
جبير ماينگال لهن
امي كامت تبجي راح لها باس راسها جدام الكل وكال
السموحه منج ياعمه انتي والبنوات
سامحتك من زمان يازين
سامحني يبنات الغالي
خواتي سامحنه وهن يبجن گرب لي وخر البشت من جتفو وخلاه عليه كمل
جدام الكل اكول شيخ واخطأت وسبحان الي مايغلط وانا هساع دخيل
يمج وطالب السماح بالدنيا
قبل الاخره
كال الكلام بغصه وعيون مغوركه
محد تكلم
حسيت العيون كلها عليه وعلي
كلت وره لحظه
سامحتك ياابو شعلان وبريتك الذمه
بيض الله وجهج يبنت العرب ورحم الله ذاك الاب الطيب
بارك الله بيج ياام شعلان ثوبج ابيض وراح يظل هيج طول العمر
حي الله اصلج والنعم من رباج رحم الله مله حميد ربى ونعم التربيه
ظليت اسمع كلام الزلم تحمد بيه انا وخواتي ما كدرت اظل واكفه سريت
للسياره اريد اعگب اطلع نهده گلبي بدارنا
امي لحگتني هي وخواتي فزاع معنا والزين اجه ورانا
انهاريت بس صعدت وغطيت وجهي بأيدي
سمعته كله بصوت مخنوك
خذهم للمزرعه مشوار واجيكم
تم شيخ
حرك وطلع من عدنا انا ابجي وحالي حال وامي هم وخواتي
ريمه
السواه زين فاجأنا كلنا ما كدرنا نسكت عگب ما اعتذر مننا جدام الكل سمعت
فزاع كال
استغفر الله ياربي
تجنبت ادحك له نزلت راسي امسح بدموعي وصلنا وره مشوار نزلنا هيله راحت قبلنا دشت للدار انتبهت شعلان ماكو هو ويمان صحت بخوف وانا كاظبه گلبي
فزاع شعلان ماهوو ولا يمان
لاتخافين ظلو يم ابوهم
امي دشت هي وخواتي تحركت صاح
يبنت المله
وگفت ودرت وجهي علي انتبهت له وجهه مطعون وغادي دم گرب وخله مسافه بينا كال
السموحه منج خطينا بحگم جثير
سكتت كمل بغصه
انا ماعندي غير هالجلمه اگولها لج واتمنى منج تسامحيني على تقصيرنا معكم
دمعتي حدرت مسحتها صفن عليه وگال بخنكه
اعرف وش سوينا واعرف جرحناكم جثير واعرف انا يجوز خسرتج للابد لجن
راح اگولها عسى ظني
يخيب واسمع شي يبرد نار گلبي
گلبي كام يدك بجنون من سمعت هالكلام درت وجهي منه كمل بتوسل
انا احبج ياريمه وهويتج
من زمان
درت وجهي علي ورديت بغضب
لو تحبني مثل ماادكول جان دورت ورايه يافزاع
مادورت لان انتي ماانطيتيني امل
سكتت كمل
تذكرين وش سويتي بي
لحد هاللحظه انتي مو طايقتني ياريمه كلتي قبل
شويه عني جذاب انتي ما خليتيني اتكلم وابوح لج بألي بگلبي
مارديت علي هو هم سكت گال وره لحظه
اذا لاا گوليها ياريمه اعرف انا مو بالج ولا راح اصير به لجن اگولج بروح ابوج الغالي سامحيني وابريني الذمه
