رواية دخيله الشيخ زين العابدين الفصل التاسع والستون بقلم أوتار حزينه
ريمه
سمعت كلامه وسالته بخوف
فزاع شتريد
مااريد شي شبيج خايفه مني بس كلام وداعتج الفعل بعدين من صيرين بغرفتي
گلبي هبط من سمعت كلامه وتذكرت يم الشباج شكال
اروح
انداريت اريد افتح الباب ومااحس غير جارني من خصري لصدره ردت اتكلم ومااحس غير دايرني
علي بسرعه وكاتم صوتي
بوسه قويه
دفعته من صدره ماهدني لمني بحظنه بقوه ردت اوخر منه ماخلاني مشاعر هجمت عليه وخلتني احس بدوخه مااعرف شصار بي رفضي اله بالبدايه راح وتبخر وهدأت وخر مني يتنفس بقوه صافن لشفتي
رجع حبني لجن بهدوء همس يمها
احلى مما جنت اتصور
صفنت بعيونه الخجل كاتلني حبني من خدي وكمل
شسويتي بيه يولي وريتني ور ومااعرف شلون راح اطلع من يمج واعوفج
وخرت منه ماخلاني جرني لحظنه خليت ايدي على صدره وكلت بتوسل
فزاع هدني
تدرين انتي ربيتيلي عله بگلبي وخليتيني ادحك لج من بعيد واتحسر
مارديت له منزله راسي اسمع دكات گلبي دگ بجنون وويا دكات گلبه
الجانت جوه ايدي واحس بها كمل بصوت متغير
جنت اسال روحي هم راح يجي يوم واشوف هاي اللحظه واضوك هالشفه
فزااع كافي وخليني اروح
يولي فرحان بيج ومو مصدك انتي صرتي لي
رفعت عيوني له ابتسم وكمل
احبج ريمه احبج يبعدهم كلهم
كال هالكلام ورجع حبني تنهدت بحظنه لمني بشوگ لصدره وخر وكال بهمس
كولي احبك كوليها ريمه وخليني افرح بعد اكثر
احبك فزاع
صفن علي والفرح ترس ملامحه الباب اندك فزيت ووخرت منه اعدل بشعري وهدومي امي دشت كالت
الزين اجه وسوينا عشه تعال تعشه معه كعد بالحديقه وينتظرك
اي عمه هساع
طلعت من يمه سريت للباب صاحني
يالريم
انداريت علي من كال هالاسم كمل مبتسم
شكبر حبج بگلبي وياكبر احساسي بهاللحظه
مااعرف شصار بيه رجلي ماتحركت واخذتني عيونه واسرت عيوني
ريمه
سمعت صوت ساريه وحسيت على روحي طلعت من يمه احس بمشاعر اول مره اعرفها
زين العابدين
اجيت للمزرعه تاشوف هيله وولدي عرفت فزاع بعده يمهم ابتسمت وكعدت بالحديقه
تذكرت روحي من خطبت هيله شلون جنت فرحان بها والدنيا مو لامتني شعلان يمي هو ويمان يلعبون بسياراتهم ويحورون يمي
الله يساعدك شيخ
درت وجهي فزاع جاي عليه ومبتسم رديت
يساعدك الله يبعد اخوك
ضحك وكعد حدي كلت
مبروك وشايف كل الخير
الله يبارك بيك ويوما الك وتردلك ام شعلان
ذبيت حسره رديت
امين ياخويه
سكتت من طلعت عمه شايله صينيه ومعها ساريه شايله جك لبن
انا وفزاع كمنا بوجهها كلت
اكعد انت جرحك منا
اخذت الصينيه وخليتها على الميز كالت
تعشو يمه والف عافيه مقدما
تسلمين عمه كلفناج اليوم
افا اشو هيج الحجي انتو ولدنا ومننا وبينا والخير واجد
عسى دايم هالخير
فزاع رد
سرت من يمنا كال
خلي اضرب افادي خارط من الجوع
شعلان يابه يمان تعالو اكلو
السلام عليكم
سمعت صوت هيله وكلت
هلااا....
سكتت وبلعت الكلام من شفتها لابسه ثوب لونه ماروني وشال نفس اللون مقسم عليها شالت يمان ودحكت لي العيون مكحله ومجروره بكحل عذب حالي اكثر ماهو متعذب
ابقى يم بابا
لا تعشه وبعدين تعال يمه
كالت لشعلان وكادته وراحت لجوه عيوني ظلت عليها الما دشت ذبيت حسره
درت وجهي فزاع صافن
عليه ومبتسم
كلت بضوجه
ولا جلمه
ماتكلمت بشي
كتلك ولا جلمه اتزقنب وكوم ولي لهلك
هههه تره صار عندي حرمه هينه
يول لاتظل تلح تره گبن
راح اسكت
يكون افضل
رديت علي بغضب
كال وره لحظه
تعشه وشوف هالتبسي طعمه فد شي
اااي حتى اورث بعد اكثر خلي الك راح اكل دجاج
تعشيت اسمعه يحجي بس بالي يم هيله راح التحق وهي بعدها ماردت لي ولا كالت اي على الردته منها
شوكت راح تلتحق
بأذن الله هالاسبوع اريدك تشد حيلك وتجي هينه تخلي عينك على الاهل
ادلل انا طبت من باجر راح اجي واكف وي الحرس
اي انا راح اسري مع ساري وصافي
عوض يم دار اهلي اي شي يصير هو گريب منك بس خابره يجي عليك بسرعه
كلي من اجه بارك لي
صفنت علي وحمد اجه بالي درت وجهي واختنگت ورثت جگاره ولدي طلعو
يركضون واجوي ليمي
شعلان سال
بابا تريد جاي
اي يابه
عكب يركض يمان اجه ليمي شايل لفه وياكل بها كعدته يمي وشربته لبن من
اشر له
اشرب جاي واعكب لدارنا ورايه جثير شغل
بهل الاسبوع
من تريد تاخذ انطيني خبر تانزل ازفك يول
عجل شلون ماازوج الا وانت موجود شيخ
ساريه جابت صينيه وكالت
هذا ترمز جاي وكهوه وسويت حلاه كعب الغزال شوفها طيبه
ابتسمت لها وكلت
كلشي من ايدج يطلع طيب ياساريه
فرحت وردت
بالعافيه
سرت من يمنا فزاع طك الجاي بسرعه واكل منها كال
طيبه كلش
اي
اروح شيخ ارخصلي
مرخوص ياخويه
سرى من يمي وراح كعدت وي ولدي لوحدي
اخذت جهازي وخابرت هيله ردت
هلا زين
هلا هيله
تعالي يمي عندي كلام معج
سكتت وردت
جاايه
سديت الخط كعدت انتظرها وكلام جده يدك براسي عرفت منها هي خابرتها وتكلمت معها بألي يخصنا انا وياها وعرفت منها هي ماردت بلااا ولا كالت اي نفس ماصار معي
سمعت خطواتها دحكت لها اجت مبدله ولابسه كلابيه لونها بنفسجي فاتح كعدت گبالي
اخذت نفس وزتيتو بحسره
انا راح اسري للموصل هالاسبوع
كلت هالكلام وجهها انطعن ودارته عني ماردت كملت
ياهيله انا اريد اروح وانتي حرمتي وعلى ذمتي هذي دنيا مااعرف شراح يصير هناك يجوز اموت و....
رفعت راسها وصفنت عليه بعيون مغوركه هزت راسها بلاا وردت بصوت مخنوك
لاااتتكلم هالكلام
ابتسمت من شفت خوفها عليه نزلت راسها من شافت نظراتي له كملت
عگبي يولي عز الله مااراح اگرب منج ولا تجمعنا
غرفه الا من يطيب گلبج من يمي وتبرد ناره
سكتت وطولت ذبيت حسره كمت ولدي اجوي
ليمي شعلان كال بتوسل
وين رايح بابا ظل يمنا
يمان جلب بهدومي شلتوو وحبيتو من خده كلت
تاخر الوكت ولازم اروح ارتاح
كامت ادحك لها الوجه غده دم والعيون مغوركه كلت
اروح ادعيلي هيله وادعي لولدنا بالنصر
انا كلت هالكلام ومااشوفها غير تنهار كعدت تبجي وتشهگ
يمان راح لها شعلان سالها
ماما شبيج عش تبجين
ماردت غطت وجهها بأيدها تشهگ يمان كام يبجي وياها شعلان اجه ليمي كال بعيون تبجي
بابا تبجي عليك لان تريد تعوفنا وتروح موو
هيله
خطوبه هاله وريمه هيجن بگلبي مشاعر عشتها مع الزين صح جان بها نفور من يمي تجاهه لجن اللحظات الجانت تجمعنا سوه وكلامه معي والصار بعدين وشلون عرفت انا احبه واعشگه عشگا جبير خلوني
احن اله واتمنى اعگب له گلبي جان يريد هالشي وعقلي معه لجن لساني ماجاي ينطق بالقبول
اجه وتكلم معي وبس عرفت به راح يلتحق مدري شصار بيه گلبي هبط وروحي انمردت
كاعد اسمع وش كاعد يصير هناك المعارك صارت اشرس من الاول وجثير
شباب راحت بها
انهاريت وكمت ابجي اسمع ولدي يبجون معي سمعت صوته تكلم
اذا هيج فراگي يعز عليج عش خالتني معلل يولي
سكت حسيت بي كعد گريب مني وخرت ايدي
كاعد يم رجلي وصافن عليه شعلان يمه يدحك لي
والعيون مغوركه ويمان بين ايده يبجي كمل بصوت مخنوك
كولي اي يولي وفرحي گلبي عاد
هزيت راسي بأي الوجه تغير بسرعه والملامح انترست فرح كام لحيله وسال
بلهفه
ااي موو
اي اي زين
يالله
صاح من فرحته وگرب عليه يريد يحظني كمت بسرعه وكف وحس على روحه
ووج شسويتي بيه تعالي شوفي گلبي شلون كام يدك بسرعه
گضبه بايده ويدحك لي مبتسم صافنه علي ودمعتي تنزل ولدي يمي وگاضبين
هدومي يدحكون لي وله كال
هساع اعقد عليج ماعندي صبر اتاني لباجر
صوتي طلع گوة وجاوبتو بذهول
شنوو هساع تريد تعقد
ااي ياهيله بهالساعه اريد اعقد عليج
كال هالكلام وطلع جهازه خابر مله محمد تعال لدار الاهل اي رايدك بشغله
تجي وتعرفها
سد الخط وخابر مره اللخ
فزاع عگب ولك ماصار شي لاتهبط تعال وانت تعرف
سد الخط دحك لي يضحك وانا صافنه له بذهول رد اتصل صاح بفرح
خيه باركي لي هيله راح تعگب لي
سمعت صرخه الهنوف
صدددك ياخويه
اي وينو عبدالعزيز يمج اي خل يجيبج ويجي راح اعقد هساع لاااا ماانتظر ماظل صبر عندي جيبي امي وخواتي بهالساعه لازم اعقد
سريت من يمه فرحانه وبنفس الوگت مخنوكه
ومقهوره لان راح يلتحق عگب باجر
يمان معي وشعلان ظل يمه
دشيت للمطبخ امي به
وخواتي كاعدات ينظفن الهوسه مال مهر ريمه امي شافت وجهي سالت بخوف
هاي شبيج عش باجيه
الكل وكف يمي يدحكون لي بقلق رديت بصوت مخنوك
يمه راح اعگب للزين
فگت عيونها وخواتي ضحكن ساريه صاحت بفرح ووياها ريهام
ااااي
كعدت ابجي اجت ليمي حظنتني وكالت
عش هالبجي يمه
الولد عرف غلطه واعتذر لج بدل المره الف مره
ماجااي ابجي من وره هالشي يمه گلبي برد من يمه وسامحته لان انا احبه وعمري ماكرهته لجن ابجي لان راح يروح للموصل عگب باجر
سكتت خواتي كعدن حواليه يدحكن لي كملت بدموع
يمه انا خايفه علي شفتي وش صار بيه من سعود توهم وكال هو اسم الله علي جابو شهيد ماشفتوني شلون غديت وشصار بيه
اي شفناج ياهيله لجن شبيدج علي انتي تعرفي هو من يكول جلمه يقفل عليها
سكتت من سمعت صوته صاح
عمه وينج
ها يمه تعال تفضل
دش علينا كال بفرح
راح يجيكم ضيوف اهلي ومله محمد وفزاع
هاا هلا بيهم
ردت علي ادحك لي وله كمل وهو صافن لي ومبتسم
راح نعقد انا وهيله هساع
امي ردت علي بغصه وفرح
ساعه المباركه يمه والله لايفركم ابدا
امين ياعمه امين
خواتي ركضن يرتبن شغلات العقد وامي معهن
اجه ليمي وكف وكال
يولي البسي هالثوب الماروني الجنتي لابسته بمهر ريمه اختج
رفعت عيوني اله كمل بنظرات خلت گلبي يدك بجنون
وريتيني من شفتج لابسته وظليت بس ادحك لج واتحسر لجن الله جبر الخاطر وطيب كسرتي من خلاج تحنين عليه وتقبلين
تعگبين لي بنفس اللحظه
خدودي حسيتهن اشتعلن نار نزلت راسي ضحك وكمل
ووج عش هالخجل تره انا وياج مزوجين قبل
يعني شاا.....
دحكت له فاكه عيوني خرب ضحك وسكت
غمز لي وكال
راح اسكت هساع بس من اعقد عليج شحدج تسكتين بعد گول وفعل راح اسوي
واطفي نار شوگي بيج
ريمه دشت هي وهاله وكالت
هيله تعالي تحضري للعقد
الزين اشر براسه روحي وطلع من يمنا
زين العابدين
جده من سمعت بالعقد مالتي اجت وي امي وخواتي وصارت هوسه يمنا لان
عبدالعزيز جاب الكباريه ودز على عم هيله ادحك
الساعه 12 مبتسم لان فزعت الكل بهالساعه حتى
اعقد على هيله
حنا جالسين وبدينا بالعقد عمها كال
ام شعلان تريد المقدم كتاب الله والمؤخر حج بيت الله
الكل دحك لي هزيت راسي وكلت
انا اريد اخلي المقدم خمسين والمؤخر ميه كولو لها الزين يريد هيج
ماتقبل شيخ كالت اريد هالشي يله اوافق على العقد
سكتت من رد عمها
مله محمد تكلم
ياشيخ الرسول عليه افضل الصلاه والسلام وعلى آله الاطهار
عليه افضل الصلاه والسلام
كلنا واره
كمل
يكول اعظم النساء بركه ايسرهن مؤنه وقال خير الصداق ايسره
صدق رسول الله
يعني المغالاه بالمهور مو من الاسلام ولا وصى بها الرسول والجاي يصير
بهالوكت من مغالاه البعض بمهور بناتهم واخواتهم
شي غير صحيح لان الشاب اصبح عاجز عن توفير الي يريدو منه واكثرهم وكعو بالحرام من وره هالشي الزواج الله وضعه بالارض حتى الرجل والمراه يعفون نفسهم عن الحرام
صدگت يامله لجن جيب اليعرف هالكلام ويطبقه
عبدالعزيز رد
هزيت راسي وكلت
الي تريده ام شعلان انا
قابل به
هيله
جالسه بالهول حدي امي وخواتي خجلانه كلش من اهل الزين الي يدحكون لي وفرحانين برجعتي له جده يمي جالسه بكرسيها
مبتسمه وفرحانه جثير
احس روحي راح اعرس اول مره ولا جن معرسه قبل ولا مخلفه ولد اثنين منه
