رواية حبيبتي وضل الاسود الفصل السادس 6 بقلم مرج البحر

ﺑﺎﻭﻋﺖ ﻉ ﺍﻟﻤﺮﺁﻳﻪ ﺟﺎﻥ ﺍﺷﻮﻑ ﻛﺎﺋﻦ ﺍﺳﻮﺩ ﻳﺸﺒﻪ ﺍﻟﻜﻠﺐ ‏( ﺍﺟﻠﻜﻢ ﺍﻟﻠﻪ ‏) ... ﻻ ﻳﺎﻟﻠﻪ ﻫﺬﺍ ﺷﻨﻮ ﺍﻧﻮﺏ ﺟﺴﻤﻲ ﺍﺗﺴﻤﺮ ﺑﻤﻜﺎﻧﻪ ﻣﻜﺪﺭﺕ ﺍﺗﺤﺮﻙ ﺑﻘﺖ ﻋﻴﻨﻲ ﺑﻌﻴﻦ ﻫﻞ ﻛﺎﺋﻦ ﺟﺎﻥ ﻣﺨﻴﻒ ﻭﻣﺮﻋﺐ ....

ﺍﺭﻳﺪ ﺍﺭﻛﺾ ﻣﻜﺪﺭﺕ ﺍﺭﻳﺪ ﺍﺻﻴﺢ ﺣﺴﻴﺖ ﻟﺴﺎﻧﻲ ﺍﻧﺸﻞ ..... ﺍﻟﻀﻮﻩ ﻳﻨﻄﻔﻲ ﻭﻳﻌﺘﻠﻚ ﺳﺎﻋﺔ ﻳﺨﺘﻔﻲ ﺳﺎﻋﺔ ﻳﻀﻬﺮ ﻭﺑﻘﻪ ﻉ ﻫﻞ ﺣﺎﻟﺔ ﻟﺤﺪ ﻣﺎﻧﻄﻔﻪ ﺍﻟﻀﻮﻩ ﻭﺍﻋﺘﻠﻚ ﻟﻜﻴﺖ ﻫﻞ ﻛﺎﺋﻦ ﺑﻮﺟﻬﻲ 😭 ﺟﺎﻥ ﺷﻌﺮﻩ ﺍﺳﻮﺩ ﻛﺜﻴﻒ ﺷﻜﻠﻪ ﻣﺜﻞ ﺍﻟﻤﺴﺦ ﻭﻳﻄﻠﻊ ﻣﻨﻪ ﺻﻮﺕ ﻣﺮﻋﺐ ﺑﺸﻜﻞ ....

ﺟﺎﻥ ﻳﻜﻮﻟﻲ ﻋﺒﺎﻟﺞ ﺗﺨﻠﺼﻴﻦ ﻣﻦ ﻋﻨﺪﻱ ﺗﺤﻠﻤﻴﻦ ... ﺍﻧﺘﻲ ﺍﻟﻲ ﻭﺑﺲ ﻭﻛﻮﻟﻲ ﻟﺤﺒﻴﺒﺞ ﻟﻴﺘﺤﺪﺍﻧﻲ ﺗﺮﻩ ﺍﺣﺮﻛﻪ ﺧﻠﻲ ﻳﺒﺘﻌﺪ ﻋﻨﺞ ﻻ ﺍﺧﻠﻲ ﻳﻠﺤﻚ ﺗﻴﻢ ﻭﻋﺎﻣﺮ .....

ﺟﺴﻤﻲ ﻛﺎﻡ ﻳﺮﺟﻒ ﻣﺜﻞ ﺍﻟﺴﻌﻔﻪ ﻣﺎﻋﺮﻑ ﺷﺴﻮﻱ ... ﺍﻧﺼﻌﻘﺖ ﺟﻨﺖ ﺧﺎﻳﻔﻪ ﻉ ﺳﻠﻄﺎﻥ ﺍﻛﺜﺮ ﻣﺎﺟﻨﺖ ﺧﺎﻳﻔﻪ ﻉ ﻧﻔﺴﻲ ﺭﺩﺕ ﺍﺗﺨﻠﺺ ﻣﻦ ﻗﺒﻀﺔ ﻫﻞ ﺷﻴﻄﺎﻥ

ﺗﺎﻟﻲ ﺍﺗﺬﻛﺮﺕ ﺍﻻﻳﺎﺕ ﺍﻟﻘﺮﺍﻧﻴﺔ ﺍﻟﻲ ﻗﺮﺍﻫﻦ ﺍﻟﻲ ﺍﻟﺴﻴﺪ ﻗﺮﻳﺘﻬﻦ ﺑﻘﻴﺖ ﺍﻗﺮﺍ ﺍﻗﺮﺍ ﺍﻗﺮﺍ .... ﻟﺤﺪ ﻣﺎ ﺍﻧﺼﺮﻋﺖ ﺑﺎﻟﮕﺎﻉ ﻭﺟﺎﻥ ﺗﺠﻲ ﻋﺒﻴﺮ ﺗﺮﻛﺾ ﺳﻤﻌﺘﻨﻲ ﻭﻛﻌﺖ ﻛﻠﺘﻠﻲ ﺍﺳﻢ ﺍﻟﻠﻪ ﻧﻮﺭ ﺷﺒﻴﺞ ﺣﺒﻴﺒﺘﻲ ﺳﺘﺮﻙ ﻳﺎﺭﺑﻲ ...

ﺳﻨﺪﺗﻨﻲ ﻭﻛﻤﺖ ﻉ ﺣﻴﻠﻲ ﺑﺎﻭﻋﺖ ﻣﻨﺎ ﻭﻣﻨﺎ ﻣﺎﻛﻮ ﺷﻲ ﺑﺎﻭﻋﺖ ﻉ ﺍﻟﻤﺮﺁﻳﻪ ﻣﺎﺷﻔﺖ ﺷﻲ ﺍﻟﻮﺿﻊ ﻃﺒﻴﻌﻲ ﺟﺎﻥ .....

ﺷﺒﻜﺘﻬﺎ ﻭﻛﻤﺖ ﺍﺑﺠﻲ ﻋﺒﺎﻟﻲ ﺧﻠﺼﺖ ﻣﻦ ﻫﻞ ﻣﺄﺳﺎﺕ ﺗﺎﻟﻲ ﻳﻤﻜﻦ ﻫﻞ ﻣﺄﺳﺎﺕ ﺍﺑﺪﻳﺔ ﺍﻟﻲ ﻣﺎ ﺍﻛﺪﺭ ﺍﺧﻠﺺ ﻣﻨﻬﺎ 😭😭 ..

ﻋﺒﻴﺮ ... ﻻ ﺣﺒﻴﺒﺘﻲ ﻟﺘﻜﻮﻟﻴﻦ ﻫﻴﺞ ﺧﻠﻲ ﺍﻳﻤﺎﻧﺞ ﺑﺮﺑﺞ ﻗﻮﻱ ﺍﻥ ﺷﺎﺀﺍﻟﻠﻪ ﺗﺨﻠﺼﻴﻦ ﻣﻦ ﻫﻞ ﻛﺎﺑﻮﺱ ﺍﻟﻲ ﻣﻈﻠﻢ ﺣﻴﺎﺗﺞ ....

ﺍﻧﺘﻲ ﺑﻌﺪ ﺗﻨﺎﻣﻴﻦ ﻳﻤﻲ ﻣﺎﺧﻠﻴﺞ ﻭﺣﺪﺝ ﺗﻨﺎﻣﻴﻦ ﻣﺎﺷﻲ ..

ﻧﻮﺭﻫﺎﻥ .. ﻛﻴﻔﺖ ﻣﻦ ﻛﻠﺘﻠﻲ ﻫﻴﺞ ﺷﺒﻜﺘﻬﺎ ﻭﺑﺴﺘﻬﺎ ﻛﺘﻠﻬﺎ ﻭﺍﻟﻠﻪ ﻟﻮ ﻋﻨﺪﻱ ﺍﺧﺖ ﻣﺠﺎﻥ ﺣﺒﻴﺘﻬﺎ ﺑﻜﺪ ﻣﺎﺣﺒﺞ ﻫﺴﻪ ﺍﻧﻲ ... ﺍﻧﺘﻲ ﺣﻨﻴﻨﺔ ﻭﻃﻴﺒﺔ ﻓﺪﻭﻭﺓ ﻟﻘﻠﺒﺞ ..

ﻋﺒﻴﺮ ... ﻳﺎﻋﻤﺮﻱ ﺍﻧﻲ ﻣﺎﻋﻨﺪﻱ ﺍﺧﺖ ﻭﺍﻟﻠﻪ ﻳﺸﻬﺪ ﻋﻠﻴﻪ ﺣﺒﻴﺘﺞ ﻭﺻﺮﺗﻲ ﺍﺧﺖ ﺍﻟﻲ ﻫﺴﻪ ..

ﺧﻠﻴﺘﻬﺎ ﺑﻐﺮﻓﺘﻲ ﻭﻧﺎﻣﺖ ﻉ ﺟﺮﺑﺎﻳﺘﻲ ﻭﺍﻧﻲ ﻛﻌﺪﺕ ﻳﻤﻬﺎ ﺍﺣﻈﺮ ﺩﺭﻭﺳﻲ ....

ﺳﻠﻄﺎﻥ ... ﺭﺣﻨﻪ ﻟﺒﻴﺖ ﺟﺪﻱ ﺍﻧﻲ ﻭﺍﺑﻮﻳﺔ ﻭﺻﻠﻨﻪ ﻃﺒﻴﻨﻪ ﻟﻠﺒﻴﺖ ﺟﺎﻧﻮﺍ ﻛﺎﻋﺪﻳﻦ ﺧﻮﺍﻟﻲ ﻭﺟﺪﻱ ﻭﻟﺪ ﺧﺎﻟﻲ ... ﻭﻃﺒﻌﺎ ﻭﻟﺪ ﺧﺎﻟﻲ ﻛﻠﻬﻢ ﻣﺰﻭﺟﻴﻦ ﻣﺎﻋﺪﻫﻢ ﺑﺲ ﻋﺎﻣﺮ ﺟﺎﻥ ﻣﻤﺰﻭﺝ ﻭﻋﻠﻰ ﺍﺳﺎﺱ ﻳﺎﺧﺬ ﻧﻮﺭﻫﺎﻥ ﺑﺲ ﻣﺎﺕ ﺍﻟﻠﻪ ﻳﺮﺣﻤﻪ ....

ﺳﻠﻤﻨﻪ ﻉ ﺍﻟﻜﻞ ﻭﻛﻌﺪﻧﻪ ...

ﺍﺑﻮ ﺳﻠﻄﺎﻥ ... ﻋﻤﻲ ﺍﺑﻮ ﻳﺎﺳﻴﻦ ﺍﺳﻤﺤﻠﻨﻪ ﻧﺤﺠﻲ ﻭﻳﺎﻙ ﺑﻤﻮﺿﻮﻉ ﻣﻬﻢ .... ﻭﻳﺎﺭﻳﺖ ﺑﻴﻨﺎﺗﻨﻪ

ﺍﺑﻮ ﻳﺎﺳﻴﻦ .. ﺗﺪﻟﻞ ﺍﺑﻮ ﺳﻠﻄﺎﻥ ﺗﻌﺎﻟﻮﺍ ﺟﻮﻩ ﻟﻐﺮﻓﺘﻲ ﻧﺤﺠﻲ ﻫﻨﺎﻙ ...

ﺍﺑﻮ ﺳﻠﻄﺎﻥ .. ﺍﺗﺮﺧﺼﺖ ﻣﻦ ﺍﻟﺠﻤﺎﻋﺔ ﻭﺭﺣﻨﻪ ﻭﺭﻩ ﻋﻤﻲ ﺍﺑﻮ ﻳﺎﺳﻴﻦ

ﻃﺒﻴﻨﻪ ﻟﻠﻐﺮﻓﺔ ﻭﺳﺪ ﺍﻟﺒﺎﺏ ﻭﻛﻌﺪﻧﻪ ﻉ ﺍﻟﺠﺮﺑﺎﻳﺔ ﻣﺎﻟﺘﻪ ﻭﺳﻠﻄﺎﻥ ﻛﻌﺪ ﻉ ﺍﻟﻜﺮﺳﻲ ﻣﻘﺎﺑﻴﻠﻨﻪ ﺻﺎﺭ ....

ﺍﺑﻮ ﻳﺎﺳﻴﻦ ... ﺍﺗﻔﻀﻞ ﺍﺑﻮ ﺳﻠﻄﺎﻥ ﺍﺣﺠﻲ ﺷﺮﺩﺕ

ﺍﺑﻮ ﺳﻠﻄﺎﻥ .. ﺯﺍﺩ ﻓﻀﻠﻚ ﻋﻤﻲ ... ﻃﺒﻌﺎ ﺍﻟﻤﻮﺿﻮﻉ ﺍﻟﻲ ﺭﺍﺡ ﺍﺣﺠﻲ ﺑﻲ ﺷﻮﻳﺔ ﻏﺮﻳﺐ ﻧﻮﻋﺎ ﻣﺎ ....

ﺑﺲ ﺑﺎﻟﺒﺪﺍﻳﺔ ﺍﺭﻳﺪﻙ ﺗﻌﺮﻑ ﺍﻧﻮ ﺍﺣﻨﻪ ﻋﺮﻓﻨﻪ ﺑﺰﻭﺍﺝ ﻃﻪ ﺍﺑﻨﻚ ﻭﻋﺮﻓﻨﻪ ﻋﻨﺪﻩ ﺑﻨﻴﺔ ..

ﺍﺑﻮ ﻳﺎﺳﻴﻦ ﺑﺼﺪﻣﺔ ... ﺷﻨﻮﻭﻭ ﻭﻣﻨﻮ ﻛﺎﻟﻠﻜﻢ ﻭﺷﻠﻮﻥ ﻋﺮﻓﺘﻮﺍ

ﺍﺑﻮ ﺳﻠﻄﺎﻥ .. ﻣﺮﺍﺡ ﺍﺗﺼﺪﻙ ﻟﻮ ﻛﻠﻨﺎﻟﻚ ... ﻫﺴﻪ ﺳﻠﻄﺎﻥ ﻳﻘﺼﻠﻚ ﻛﻞ ﺍﻟﻘﺼﺔ ...

ﺳﻠﻄﺎﻥ ... ﺟﺪﻱ ﺑﺎﻟﺒﺪﺍﻳﺔ ﺍﺭﻳﺪﻙ ﺍﺗﺴﻮﻟﻔﻠﻲ ﺧﺎﻟﻲ ﻃﻪ ﺷﻠﻮﻥ ﻣﺎﺕ ﻭﻋﺎﻣﺮ ﺍﺑﻦ ﺧﺎﻟﻲ ﺭﺍﺷﺪ ﺷﻠﻮﻥ ﻣﺎﺕ ....

ﻻﻥ ﺍﻛﻮ ﺭﺑﻂ ﺑﺎﻟﻤﻮﺿﻮﻉ ﺍﻟﻲ ﺭﺍﺡ ﺍﺣﺠﻲ ﺑﻲ

ﺍﺑﻮ ﻳﺎﺳﻴﻦ ... ﻭﺍﻟﻠﻪ ﻳﺎﺟﺪﻭ ﻃﻪ ﺍﺧﺮ ﺭﻭﺣﻪ ﺍﻟﻪ ﻟﺘﺮﻛﻴﺎ ﻣﻦ ﺭﺟﻊ ﺟﺎﻥ ﻣﺮﻳﺾ ﻛﻮﻭﻟﺶ ﺷﻜﺪ ﺭﺍﺡ ﻻﻃﺒﺎﺀ ﻣﺎﻟﻪ ﻋﻼﺝ ﺟﺎﻥ ﻳﺴﺘﻔﺮﻍ ﻣﻦ ﻣﻌﺪﺗﻪ ﺷﻲ ﺍﺳﻮﺩ ﻋﺒﺎﻟﻚ ﺩﺑﺲ ﻭﺟﺎﻥ ﻳﺸﻮﻑ ﺷﻐﻼﺕ ﻏﺮﻳﺒﺔ ﺗﺼﻴﺮﻟﻪ ....

ﺍﺣﻨﻪ ﻣﺼﺪﻛﻨﻪ ﺑﻲ ﻻﻥ ﻣﺠﻨﻪ ﺍﻧﺸﻮﻑ ﺍﻟﻲ ﻳﺸﻮﻓﻪ .... ﻟﺤﺪ ﻣﺎﺑﻴﻮﻡ ﺷﻔﻨﺎ ﻭﺍﻛﻊ ﺑﺎﻟﻜﺎﻉ ﻭﻓﺎﺗﺢ ﺣﻠﻜﺔ ﻭﻣﺒﺤﻠﻖ ﻋﻴﻨﻪ ﻭﺻﺎﻳﺮ ﺍﺯﺭﻙ ...

ﺳﻠﻄﺎﻥ ... ﺍﻟﻠﻪ ﺍﻛﺒﺮ .. ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ ... ﺍﻟﻠﻪ ﻳﺮﺣﻤﻪ ... ﺯﻳﻦ ﻭﻋﺎﻣﺮ ....

ﺍﺑﻮ ﻳﺎﺳﻴﻦ ... ﻋﺎﻣﺮ ﻭﺭﻩ ﻣﺎ ﺍﺧﺘﻔﺖ ﺑﻨﺖ ﻋﻤﻪ ﻧﻮﺭﻫﺎﻥ ﻭﺍﻧﻬﺰﻣﺖ ﻣﻦ ﺍﻟﺒﻴﺖ ﺍﺗﺴﻮﺩﻥ ﺟﺎﻥ ﻳﺸﻮﻑ ﺍﻟﻲ ﺟﺎﻥ ﻳﺸﻮﻓﻪ ﺧﺎﻟﻚ ﻃﻪ ﺍﺗﺨﺒﻠﻨﻪ ﺣﺮﻧﻪ ﺷﻨﺴﻮﻱ ..... ﺧﻔﻨﻪ ﻻﻳﺼﻴﺮ ﺑﻲ ﻧﻔﺲ ﻃﻪ ﻭﻳﺮﻭﺡ ﻣﻦ ﺍﻳﺪﻧﻪ ﻭﺩﻳﻨﺎ ﻟﺸﻴﻮﺥ ﻭﻟﺴﺎﺩﺓ ﻣﻔﺎﺩ ﻟﺤﺪ ﻣﺎ ﻫﻮﻩ ﻫﻢ ﻣﺎﺕ ﻧﻔﺲ ﻣﻮﺗﺖ ﺧﺎﻟﻚ ﻃﻪ ......

ﺳﻠﻄﺎﻥ ... ﺭﺑﻲ ﺳﺘﺮﻙ ﻭﺍﻟﻠﻪ ﺣﺘﺨﺒﻞ ﺷﻨﻮ ﺍﻟﻲ ﺩﻳﺼﻴﺮ ﺑﻴﻨﻪ ﻟﻴﺶ ﻫﻴﺞ ... ﻗﺎﺑﻞ ﻟﻌﻨﺔ ﻫﺎﻱ ﻟﻮ ﺷﻨﻮ ...

ﺍﺑﻮ ﻳﺎﺳﻴﻦ ... ﻣﻔﻬﻤﺖ ﺷﺘﻘﺼﺪ

ﺳﻠﻄﺎﻥ ... ﻫﺴﻪ ﺍﻛﺪﺭ ﺍﺣﺠﻴﻠﻚ ﺍﻟﻲ ﺻﺎﺭ ﻭﺍﻓﻬﻤﻚ ﻛﻮﻭﻟﺸﻲ .... )) ﻭﺳﻮﻟﻔﺘﻠﻪ ﻉ ﻛﻮﻭﻟﺸﻲ ﺻﺎﺭ ﺣﺘﻰ ﻉ ﺍﻟﺴﺤﺮ ﻣﺎﻝ ﻧﻮﺭﻫﺎﻥ ((

ﺍﺑﻮ ﻳﺎﺳﻴﻦ ... ﺻﺪﻙ ﺗﺤﺠﻲ ﻳﻌﻨﻲ ﻧﻮﺭﻫﺎﻥ ﻳﻤﻜﻢ ﻫﺴﻪ ﺍﻭﻭﻭﻳﻠﻲ ﺍﻟﻠﻪ ﺑﺲ ﺍﺷﻮﻓﻬﺎ ﺍﻟﻪ ﺍﺫﺑﺤﻬﺎ ﻫﻞ ﺣﻘﻴﺮﺓ ﺷﺴﻮﺕ ﺑﻴﻨﻪ ﺑﻔﻌﻠﺘﻬﺎ ﺍﻟﺸﻴﻨﻪ ﻫﺎﻱ ...

ﺍﺑﻮ ﺳﻠﻄﺎﻥ ... ﻋﻤﻲ ﺍﺣﻨﻪ ﺟﺎﻳﻴﻦ ﺣﺘﻰ ﺍﻧﻬﺪﻱ ﺍﻟﻨﻔﻮﺱ ﻭﺍﻟﺒﻨﻴﺔ ﻣﺎﻏﻠﻄﺖ ﺑﺸﻲ ﻻﺳﺎﻣﺢ ﺍﻟﻠﻪ .... ﻫﻴﻪ ﻳﻤﻨﻪ ﺍﺑﻴﺖ ﻋﻤﺘﻬﺎ ﻣﻮ ﻏﺮﻳﺐ ﻭﺍﻧﻲ ﺭﺟﻞ ﻋﻤﺘﻬﺎ ﻭﺳﻠﻄﺎﻥ ﺍﺑﻦ ﻋﻤﺘﻬﺎ .....

ﺍﻧﺮﻳﺪ ﻛﻠﻤﺔ ﻣﻨﻚ ﺣﺘﻰ ﺍﻧﺠﻴﺒﻬﺎ ﺍﻟﻜﻢ ﻭﻣﺎﺗﺴﻮﻭﻟﻬﺎ ﺷﻲ ﻳﺄﺫﻳﻬﺎ ﻻﻥ ﺍﻟﺒﻨﻴﺔ ﻣﺮﻳﻀﻪ ﻣﺜﻞ ﻣﺎﺳﻮﻟﻔﻠﻚ ﺳﻠﻄﺎﻥ ... ﻭﺩﻳﺮﻭﺍ ﺑﺎﻟﻜﻢ ﻻﺗﺮﻭﺡ ﻣﻦ ﺍﻳﺪﻛﻢ ﻫﻞ ﺑﻨﻴﺔ ﻫﻢ ﻣﺜﻞ ﻣﺎﺧﺴﺮﺗﻮﺍ ﻃﻪ ﻭﻋﺎﻣﺮ .... ﺳﺎﻣﺤﻮﻫﺎ ﻻﻥ ﺍﻟﻠﻪ ﻳﺴﺎﻣﺢ ﻭﻳﻐﻔﺮ ﻟﻼﻧﺴﺎﻥ ....

ﻭﻫﻴﻪ ﻣﺎﻏﻠﻄﺖ ﻭﻻ ﺳﻮﺕ ﺷﻲ ﺣﺮﺍﻡ ... ﻫﻞ ﻓﺘﺮﺓ ﻛﻠﻬﺎ ﺟﺎﻧﺖ ﻳﻤﻨﻪ ﻣﻌﺰﺯﺓ ﻣﻜﺮﻣﺔ ﻟﺘﺨﺎﻑ ..

ﺍﺑﻮ ﻳﺎﺳﻴﻦ ... ﻭﺍﻟﻠﻪ ﺷﻜﻮﻟﻚ ﺍﺑﻨﻲ ﺍﻟﻠﻪ ﻛﺮﻳﻢ ... ﻫﺴﻪ ﺟﻴﺒﻮﻫﺎ ﻭﻳﺼﻴﺮ ﺧﻴﺮ ﺍﻥ ﺷﺎﺀﺍﻟﻠﻪ

ﺍﺑﻮ ﺳﻠﻄﺎﻥ ... ﻋﻤﻲ ﻣﺎﻃﻠﻊ ﻣﻦ ﺑﻴﺘﻜﻢ ﺍﻻ ﺍﺧﺬ ﻛﻠﻤﺔ ﻣﻨﻚ ﻣﺤﺪ ﻳﺘﻘﺮﺑﻠﻬﺎ ﻭﺗﺒﻘﻪ ﺑﺤﻤﺎﻳﺘﻚ ....

ﺍﺑﻮ ﻳﺎﺳﻴﻦ ... ﻣﺎﺷﻲ ﺍﺧﺬﻫﺎ ﻛﻠﻤﺔ ﻣﻨﻲ ﻣﺎﺧﻠﻲ ﺍﺣﺪ ﻳﺘﻘﺮﺏ ﺻﻮﺑﻬﺎ ﻭﻻ ﻳﺄﺫﻳﻬﺎ ....

ﺳﻠﻄﺎﻥ ... ﺟﺪﻱ ﺍﻧﻲ ﺍﺭﻳﺪ ﻣﻨﻚ ﺧﺪﻣﺔ ﺍﻟﻤﺼﻠﺤﺔ ﺣﻔﻴﺪﺗﻚ ﻧﻮﺭﻫﺎﻥ ﻭﺍﺗﺮﺟﺎﻙ ﻣﺘﺮﻓﻀﻠﻲ ﻫﻞ ﻃﻠﺐ ﺍﺣﻠﻔﻚ ﺑﺮﻭﺡ ﺑﻨﺘﻚ ﺍﻟﻐﺎﻟﻴﺔ ﺍﻣﻲ ﻧﺎﺩﻳﺔ ....

ﺍﺑﻮ ﻳﺎﺳﻴﻦ ... ﺍﻟﻠﻪ ﻳﺮﺣﻤﻬﺎ ... ﻛﻮﻝ ﻭﻟﻴﺪﻱ ﺗﺪﻟﻞ

ﺳﻠﻄﺎﻥ ... ﺍﻧﻲ ﻛﺪﺭﺕ ﺍﻟﻜﻪ ﻋﻼﺝ ﻟﻨﻮﺭﻫﺎﻥ ﺑﺲ ﻻﺯﻡ ﺍﺧﺬﻫﺎ ﻭﺍﺳﺎﻓﺮ ﻟﺘﺮﻛﻴﺎ ﻭﻣﺤﺘﺎﺝ ﺍﻟﺠﻮﺍﺯ ﻣﺎﻟﻬﺎ ﻭﺍﻟﻤﺴﺘﻤﺴﻜﺎﺕ ﺿﺮﻭﺭﻱ ﻗﺒﻞ ﻟﻴﻔﻮﺕ ﺍﻻﻭﺍﻥ ﻭﺗﺮﻭﺡ ﻣﻦ ﺍﻳﺪﻳﻨﻪ ﺍﻟﻤﺴﻜﻴﻨﺔ ....

ﺍﺑﻮ ﻳﺎﺳﻴﻦ ... ﻟﻴﺶ ﺑﺘﺮﻛﻴﺎ ﻋﻮﺩ ..

ﺳﻠﻄﺎﻥ .. ﺟﺪﻱ ﺍﻟﻌﻤﻞ ﻣﺎﻟﻬﺎ ﻣﺪﻓﻮﻥ ﻫﻨﺎﻙ ﺑﺎﻟﺒﻴﺖ ﺍﻟﻲ ﺍﺷﺘﺮﻯ ﺧﺎﻟﻲ ﻟﻤﺮﺗﻪ ﺍﻟﻲ ﺑﺘﺮﻛﻴﺎ ...

ﺍﺑﻮ ﻳﺎﺳﻴﻦ ... ﺷﻠﻮﻥ ﺍﻟﺒﻴﺖ ﺍﻧﻲ ﺑﻌﺘﻪ !!

ﺳﻠﻄﺎﻥ ..... ﻣﻮ ﻣﻬﻢ ﺟﺪﻱ ﺍﻧﺮﻭﺡ ﺣﺘﻰ ﻟﻮ ﺑﺎﻟﻠﻴﻞ ﺍﻋﺒﺮ ﻋﻠﻴﻬﻢ ﻭﺍﻃﻠﻊ ﺍﻟﻌﻤﻞ ﻣﻴﻬﻤﻨﻲ ﺷﻲ ﺍﻟﻤﻬﻢ ﺍﺭﻭﺡ ﺍﺟﻴﺒﻪ ﻭﺍﺟﻲ ...

ﺍﺑﻮ ﻳﺎﺳﻴﻦ ... ﺳﻠﻄﺎﻥ ﻓﻬﻤﻨﻲ ﺍﻧﺖ ﺍﺗﺤﺒﻬﺎ ﻟﺒﻨﺖ ﺧﺎﻟﻚ ﺗﺮﺍﻧﻲ ﺍﻓﻬﻤﻬﺎ ﻭﻫﻴﻪ ﻃﺎﻳﺮﺓ ﻟﺘﻨﻜﺮ ..

ﺳﻠﻄﺎﻥ .. ﻣﻦ ﺣﺠﻪ ﻫﻴﺞ ﺟﺪﻱ ﻓﺸﻠﺖ ﻭﺩﻧﻜﺖ ﺭﺍﺳﻲ ﻣﻌﺮﻓﺖ ﺍﺟﺎﻭﺑﻪ ﻭﺍﺟﻤﺎﻟﻪ ﺍﺑﻮﻳﺔ ﻫﻢ ﻛﺎﻋﺪ ﺑﻘﻴﺖ ﺑﻨﺺ ﻫﺪﻭﻣﻲ ...

ﻳﻤﻜﻦ ﺍﻧﻔﻌﻠﺖ ﺯﺍﻳﺪ ﻭﻫﻞ ﺷﻲ ﻓﻀﺤﻨﻲ ﻭﺑﻴﻦ ﻋﻠﻴﻪ .....

ﻳﻠﻪ ﻣﻮ ﻣﻬﻢ ﺍﻧﻲ ﻻ ﺑﺎﻳﻚ ﻭﻻ ﻣﺴﻮﻱ ﺷﻲ ﺣﺮﺍﻡ ﺍﻧﻲ ﺭﺍﻳﺪﻫﺎ ﻉ ﺳﻨﺔ ﺍﻟﻠﻪ ﻭﺭﺳﻮﻟﺔ ﺧﻠﻲ ﺍﻋﺘﺮﻓﻠﻬﻢ ....

ﻛﺘﻠﻪ ﺟﺪﻱ ﺍﻧﻲ ﺷﺎﺭﻳﻬﺎ ﻟﺒﻨﺖ ﺧﺎﻟﻲ ﺑﺮﻭﺣﻲ ﻭﺍﻟﻠﻪ ﻭﻣﺴﺘﻌﺪ ﺍﺗﺤﻤﻞ ﻛﻮﻭﻟﺸﻲ ﺍﻟﺨﺎﻃﺮﻫﺎ ﻭﺍﻥ ﺷﺎﺀﺍﻟﻠﻪ ﺑﺲ ﺗﺘﻌﺎﻟﺞ ﺍﺟﻴﻜﻢ ﻭﺍﺗﻘﺪﻣﻠﻬﺎ ﺭﺳﻤﻲ ﻭﺍﻃﻠﺒﻬﺎ ﻣﻨﻚ

ﻭﺍﺧﺬﻫﺎ ﻉ ﺳﻨﺔ ﺍﻟﻠﻪ ﻭﺭﺳﻮﻟﺔ ..

ﺍﺑﻮ ﻳﺎﺳﻴﻦ ... ﻭﺍﻟﻠﻪ ﻳﺎﻭﻟﻴﺪﻱ ﺍﻧﺖ ﺍﺑﻦ ﺍﻟﻐﺎﻟﻴﺔ ﺍﻛﻴﺪ ﻣﺎﻟﻜﻲ ﺍﺣﺴﻦ ﻣﻨﻚ ﻟﻨﻮﺭﻫﺎﻥ ... ﺑﺲ ﻛﻮﻟﺸﻲ ﺑﻮﻛﺘﻪ ﺍﻟﻠﻪ ﻛﺮﻳﻢ ... ﺭﻭﺡ ﺍﺑﻨﻲ ﺍﻥ ﺷﺎﺀﺍﻟﻠﻪ ﺭﺑﻲ ﻳﻮﻓﻘﻚ ﻭﺗﻜﺪﺭ ﺍﺗﺠﻴﺐ ﺍﻟﻲ ﺭﺍﻳﺢ ﻋﻠﻤﻮﺩﺓ ﻭﺗﺨﻠﺺ ﺑﻨﺖ ﺧﺎﻟﻚ ﻣﻦ ﻫﻞ ﺍﻟﺸﻴﻄﺎﻥ ﺍﻟﻲ ﻛﺎﺑﺲ ﻉ ﺣﻴﺎﺗﻬﺎ .... ﻭﺍﻟﻠﻪ ﻳﻨﺘﻘﻢ ﻣﻦ ﻛﻞ ﻭﺍﺣﺪ ﻳﺴﻮﻱ ﻫﻞ ﺍﻋﻤﺎﻝ ﻭﻳﺄﺫﻱ ﺍﻟﺒﺸﺮ ....

ﺳﻠﻄﺎﻥ ... ﺍﻣﻴﻴﻦ ﻳﺎﺭﺏ ... ﺗﺴﻠﻤﻠﻲ ﺟﺪﻱ ﺍﻟﻐﺎﻟﻲ ﻣﺎﺗﻘﺼﺮ ﺑﻌﺪ ﺭﻭﺣﻲ ...

ﺟﺎﻥ ﻳﻜﻮﻡ ﻭﺭﺍﺡ ﻓﺘﺢ ﺍﻟﻜﻨﺘﻮﺭ ﻃﻠﻊ ﺟﻨﻄﻪ ﻓﺘﺤﻬﺎ ﻭﻃﻠﻊ ﺟﻴﺲ ﺑﻲ ﺟﻮﺍﺯﺍﺕ ﻭﻣﺴﺘﻤﺴﻜﺎﺕ ﻭﻧﻄﺎﻧﻲ ﻣﻼﺕ ﻧﻮﺭﻫﺎﻥ ﻛﻤﺖ ﻭﺑﺴﺖ ﺭﺍﺳﻪ ﻭﺍﺗﺸﻜﺮﺗﻪ ......

ﺍﺧﺬﺕ ﺍﻻﻭﺭﺍﻕ ﻭﻃﻠﻌﻨﻪ ﺍﻧﻲ ﻭﺍﺑﻮﻳﺔ ﺟﻨﺖ ﻓﺮﺣﺎﻥ ﺑﺸﻜﻞ ﻣﻮ ﻃﺒﻴﻌﻲ ... ﺩﻋﻴﺖ ﺍﻟﻠﻪ ﻳﺴﺎﻋﺪﻧﻲ ﻭﻳﻘﺪﺭﻧﻲ ﻉ ﺍﺗﻤﺎﻡ ﻫﻞ ﻣﻬﻤﻪ ﻭﺍﺭﺟﻊ ﻣﺠﺒﻮﺭ ﺍﻟﺨﺎﻃﺮ ﻳﺎﺍﺍﺭﺏ ......

ﺍﺑﻮ ﺳﻠﻄﺎﻥ ... ﻟﻴﺶ ﻫﻴﺞ ﻭﻟﻴﺪﻱ ﺍﺗﻀﻢ ﻉ ﺍﺑﻮﻙ ﻣﺎ ﻣﺮﺟﻴﻪ ﻣﻨﻚ ﻭﺍﻟﻠﻪ ﻳﻌﻨﻲ ﺗﺤﺐ ﺑﻨﺖ ﺧﺎﻟﻚ ﻭﺗﺮﻳﺪ ﺗﺰﻭﺟﻬﺎ ﻭﺍﻧﻲ ﺍﺧﺮ ﻣﻦ ﻳﻌﻠﻢ ....

ﺳﻠﻄﺎﻥ ... ﻛﻼﻡ ﺍﺑﻮﻳﺔ ﺧﺠﻠﻨﻲ ... ﻛﺘﻠﻪ ﻭﺍﻟﻠﻪ ﻳﺎﺑﻮﻳﺔ ﺟﺎﻥ ﻫﻤﻲ ﺍﻟﻮﺣﻴﺪ ﺍﻧﻘﺬﻫﺎ ﻣﻦ ﺍﻟﻲ ﻫﻴﻪ ﺑﻲ ﻣﺠﺎﻥ ﺑﻨﻴﺘﻲ ﻏﻴﺮ ﺷﻲ ... ﻭﻛﻠﺖ ﺍﺫﺍ ﺗﻌﺎﻟﺠﺖ ﻋﻮﺩ ﺍﻓﺘﺢ ﺍﻟﻤﻮﺿﻮﻉ ﻭﻳﺎﻛﻢ ﻭﻧﺮﻭﺡ ﻧﻄﻠﺒﻬﺎ ﻣﻦ ﺍﻫﻠﻬﺎ ......

ﺍﺑﻮ ﺳﻠﻄﺎﻥ ... ﻳﻠﻪ ﻭﻟﻴﺪﻱ ﺍﻟﻤﻬﻢ ﺗﺸﻮﻓﻮﻥ ﻛﻞ ﺍﻟﺨﻴﺮ ﺍﻥ ﺷﺎﺀﺍﻟﻠﻪ .....

ﻭﺻﻠﻨﻪ ﻟﻠﺒﻴﺖ ﻃﺒﻴﻨﻪ ﺷﻔﺘﻬﻢ ﻛﺎﻋﺪﻳﻦ ﺑﺎﻟﺤﺪﻳﻘﻪ ﻛﻠﻬﻢ ﻛﻤﺰﻭﺍ ﻭﺳﺄﻟﻮﻧﻲ ﻛﺘﻠﻬﻢ ﺍﻟﺤﻤﺪﻟﻠﻪ ﻓﻀﺖ ﻉ ﺧﻴﻴﺮ ﺍﻃﻤﺄﻧﻮﺍ ...

ﻧﻮﺭﻫﺎﻥ ... ﺍﺷﻜﺮﻙ ﺳﻠﻄﺎﻥ ﻭﺍﻟﻠﻪ ﻣﺎﻧﺴﺎﻟﻚ ﻫﻞ ﻓﻀﻞ ﻃﻮﻝ ﻋﻤﺮﻱ ...

ﺳﻠﻄﺎﻥ ... ﻭﻟﺞ ﺍﻧﺘﻲ ﺑﻨﺖ ﺧﺎﻟﻲ ﺍﻟﻐﺎﻟﻴﺔ ﻟﺘﺤﺠﻴﻦ ﻫﻴﺞ ﻟﻮ ﺍﻛﺪﺭ ﺍﺳﻮﻱ ﺍﻟﻤﺴﺘﺤﻴﻞ ﺍﻟﺞ ﻣﺎﺗﺄﺧﺮ ﻭﺍﻟﻠﻪ ...

ﻧﻮﺭﻫﺎﻥ ... ﺧﺠﻠﺘﻨﻲ ﻭﺍﻟﻠﻪ

ﺳﻠﻄﺎﻥ .. ﻫﻬﻬﻬﻪ ﻓﺪﻳﺖ ﺍﻟﻴﺨﺠﻠﻮﻥ ﻋﻴﻨﻲ ... ﻳﻠﻪ ﺣﻈﺮﻱ ﻧﻔﺴﺞ ﺑﺲ ﺍﻃﻠﻊ ﺍﻟﻔﻴﺰﺍ ﻣﺎﻟﺘﻲ ﻭﻣﻦ ﺗﻄﻠﻊ ﺍﻧﻄﻴﺮ ﻟﺘﺮﻛﻴﺎ ...

ﻧﻮﺭﻫﺎﻥ ... ﺍﻥ ﺷﺎﺀﺍﻟﻠﻪ ﺍﺑﻦ ﻋﻤﺘﻲ ..

ﺳﻠﻄﺎﻥ .. ﺛﺎﻧﻲ ﻳﻮﻡ ﺭﺣﺖ ﻟﻠﺴﻔﺎﺭﺓ ﻭﻗﺪﻣﺖ ﻃﻠﺐ ﻓﻴﺰﺍ .. ﺣﺪﺩﻭﻟﻲ ﺛﺎﻧﻲ ﻳﻮﻡ ﺍﺟﻲ ﻟﻠﻤﻘﺎﺑﻠﺔ ..... ﻭﺭﺣﺖ ﻗﺎﺑﻠﺘﻬﻢ ﺍﻧﻄﻮﻧﻲ ﻣﻮﻋﺪ ﺍﺳﺒﻮﻉ ﻟﺼﺪﻭﺭ ﺍﻟﻔﻴﺰﺍ .. ﻭﺭﻩ ﺍﺳﺒﻮﻉ ﻃﺒﻌﺖ ﺍﻟﻔﻴﺰﺍ ﻭﺍﺳﺘﻠﻤﺘﻬﺎ ﻭﺟﺎﻥ ﺟﻮﺍﺯ ﻧﻮﺭﻫﺎﻥ ﺗﺮﻛﻲ ﻣﻴﺤﺘﺎﺝ ﻓﻴﺰﺍ ﻫﻞ ﺷﻲ ﻓﺎﺩﻧﻲ ﺣﺘﻰ ﺍﻛﺪﺭ ﺍﺧﺬﻫﺎ ﺑﺪﻭﻥ ﻣﺤﺮﻡ ﻻﻥ ﺗﻌﺘﺒﺮ ﺍﺟﻨﺒﻴﺔ ......

ﻭﺭﺍﻫﺎ ﺭﺣﺖ ﻟﺸﺮﻛﺔ ﺍﻟﻄﻴﺮﺍﻥ ﻭﻛﻠﻮﻟﻲ ﺍﻛﻮ ﺭﺣﻠﺔ ﺑﻌﺪ ﻳﻮﻣﻴﻦ ... ﻛﺘﻠﻬﻢ ﻣﺎﺷﻲ ﺛﺒﺘﻮﻧﻲ ﻋﻠﻴﻬﺎ ... ﻭﺣﺠﺰﺕ ﻣﻘﻌﺪﻳﻦ ..

ﺭﺟﻌﺖ ﻟﻠﺒﻴﺖ ﺟﺎﻧﻮﺍ ﻣﺨﺒﻮﺻﻴﻦ ﺧﺒﺺ ... ﺷﻜﻮ ﺷﺼﺎﻳﺮ ..

ﻋﺒﻴﺮ ﺑﺰﻋﻞ ... ﻋﻴﻨﻲ ﺑﺎﺟﺮ ﻋﻴﺪﻣﻴﻼﺩﻱ ﺍﻛﻴﺪ ﻧﺎﺳﻲ ﻣﻮ

ﺳﻠﻄﺎﻥ ... ﻫﻬﻬﻬﻬﻪ ﻭﺍﻟﻠﻪ ﺍﺳﻒ ﺣﺒﻴﺒﺘﻲ ﻣﻠﺘﻬﻲ ﺟﻨﺖ ﺑﺲ ﻟﺘﺰﻋﻠﻴﻦ ﺗﺪﻟﻠﻴﻦ ﺍﻟﻜﻴﻚ ﻭﺍﻟﺒﻴﺒﺴﻲ ﻋﻠﻴﻪ ﺍﻧﻲ ﺍﺟﻴﺒﻪ ﺍﻟﺞ ﺑﻌﺪ ﺷﺘﺮﻳﺪﻳﻦ ...

ﻋﺒﻴﺮ .. ﻭﺍﻟﻬﺪﻳﺔ 😒

ﺳﻠﻄﺎﻥ ... ﻋﻤﻲ ﺍﻟﻬﺪﻳﺔ ﻫﻢ ﺍﺟﻴﺒﻬﺎ ﺍﻟﺞ ﻣﻦ ﺗﺮﻛﻴﺎ ﻣﻦ ﺍﻏﻠﻰ ﺍﻟﻤﺎﺭﻛﺎﺕ ﺍﺗﺪﻟﻠﻲ

ﻋﺒﻴﺮ .. ﻳﻤﻤﻪ ﻓﺪﻭﻭﺓ ﺍﺭﻭﺡ ﻻﺧﻮﻳﺔ ﺍﻟﺤﻨﻴﻦ ﺣﻴﺎﺗﻲ

ﺳﺠﺎﺩ .. ﻭﺍﻧﻲ ﺷﺮﺍﺡ ﺍﺗﺠﻴﺒﻠﻲ ﻣﻦ ﺗﺮﻛﻴﺎ 😒

ﺳﻠﻄﺎﻥ .. ﻳﺒﻮﻭﻭ ﻫﻬﻬﻬﻬﻪ ﻋﻤﻲ ﻣﺮﺍﻳﺢ ﺍﺗﻮﻧﺲ ﻭﺍﻟﻠﻪ ... ﺑﺲ ﻫﻢ ﻣﻴﺨﺎﻟﻒ ﺷﺘﺮﻳﺪ ﻛﻮﻝ ﺣﺘﻰ ﺍﺟﻴﺒﻠﻚ

ﺳﺠﺎﺩ .. ﺍﻣﻤﻤﻤﻢ ﺟﻴﺒﻠﻲ ﺳﺎﻋﺔ ﻭﻋﻄﺮ ﺍﻧﻲ ﻣﺎﺭﻳﺪ ﺍﺧﺴﺮﻙ ﻳﻠﻪ ﻫﻬﻬﻬﻬﻪ

ﺳﻠﻄﺎﻥ .. ﺗﺪﻟﻞ ﺣﺒﻴﺒﻲ ﻫﻬﻬﻬﻪ

ﺳﻌﺎﺩ ... ﻫﻬﻬﻬﻪ ﻓﺪﻭﺓ ﻟﻄﻮﻟﻚ ﻭﻟﻴﺪﻱ ﺍﻟﻠﻪ ﻳﺨﻠﻴﻚ ﺍﻟﻬﻢ ﻭﻣﻴﺤﺮﻣﻬﻢ ﻣﻨﻚ ..

ﺳﻠﻄﺎﻥ .. ﺗﺴﻠﻤﻴﻠﻲ ﻳﺎﻟﻐﺎﻟﻴﺔ ...

ﻧﻮﺭﻫﺎﻥ ... ﺍﻟﻠﻪ ﻳﺤﻔﻈﻜﻢ ﻟﺒﻌﺾ ﻳﺎﺭﺏ

ﺳﻠﻄﺎﻥ .. ﻭﻳﺤﻔﻈﺞ ﺍﻥ ﺷﺎﺀﺍﻟﻠﻪ

ﺭﺣﺖ ﻟﻠﻤﺤﻞ ﻣﺎﻝ ﻣﻌﺠﻨﺎﺕ ﺍﺧﺬﺕ ﻛﻴﻜﺔ ﻃﺎﺑﻘﻴﻦ ﻛﺘﻠﻪ ﺍﻛﺘﺐ ﺍﺳﻢ ﻋﺒﻴﺮ ﻭﺍﺧﺬﺕ ﺑﻴﺒﺴﻲ ﻭﻛﺮﺯﺍﺕ ﻭﻟﻮﺍﺯﻡ ﺍﻟﺰﻳﻨﻪ ...

ﺭﺟﻌﺖ ﻟﻠﺒﻴﺖ ﻭﺻﻠﺖ ﻃﺒﻴﺖ ﺻﺤﺖ ﺳﺠﺎﺩ ﺗﻌﺎﻝ ﺍﺧﺬ ﺍﻟﻐﺮﺍﺽ ﻃﺒﺒﻬﻦ ﻟﻠﻤﻄﺒﺦ ...

ﺷﻠﺖ ﻭﻳﺎ ﻧﺺ ﺍﻟﻐﺮﺍﺽ ﻭﺑﺪﻳﻨﻪ ﺍﻧﻌﻠﻚ ﺍﻟﺰﻳﻨﻪ ﻣﻦ ﻧﻔﺎﺧﺎﺕ ﻭﻧﺸﺮﺍﺕ ﻭﻛﻤﻠﻨﻪ ... ﻫﺴﻪ ﻛﻮﻭﻟﺸﻲ ﺗﻤﺎﻡ ...

ﻭﺭﺍﻫﺎ ﺭﺍﺩﻥ ﺍﻟﺒﻨﺎﺕ ﻳﺸﺘﺮﻥ ﻓﺴﺎﺗﻴﻦ ﻟﻠﺤﻔﻠﺔ ﻭﺩﻳﺘﻬﻦ ﻟﻠﺴﻮﻙ ﺍﺷﺘﺮﻥ ﺍﻟﻲ ﺭﺍﺩﻧﻪ ﻭﺭﺟﻌﺘﻬﻦ ....

ﻋﺒﻴﺮ ... ﻻﺯﻡ ﺍﻋﺰﻡ ﺻﺪﻳﻘﺎﺗﻲ ﻛﻠﻬﻦ ﻭﺑﻨﺎﺕ ﻋﻤﻲ ﻭﺧﺎﻟﻲ ... ﺍﺭﻳﺪﻫﺎ ﺗﺼﻴﺮ ﺣﻔﻠﺔ ﻭﻻ ﺑﺎﻻﺣﻼﻡ

ﻧﻮﺭﻫﺎﻥ .. ﺣﻴﺎﺗﻲ ﺗﺴﺘﺎﻫﻠﻴﻦ ﻛﻞ ﻋﺎﻡ ﻭﺍﻧﺖ ﺑﺎﻟﻒ ﺧﻴﻴﺮ ﻋﻘﺒﺎﻝ 100 ﺳﻨﺔ

ﻋﺒﻴﺮ ... ﻭﺍﻧﺘﻲ ﺑﺎﻟﻒ ﺧﻴﺮ ﻳﺮﻭﺣﻲ

ﻭﺛﺎﻧﻲ ﻳﻮﻡ ﺣﻈﺮﻧﻪ ﻛﻮﻭﻟﺸﻲ ﻣﺎﺑﻘﻪ ﺑﺲ ﻧﺤﻈﺮ ﻧﻔﺴﻨﻪ ﻃﺒﻴﺖ ﺳﺒﺤﺖ ﻭﺻﻌﺪﺕ ﺍﺣﻈﺮ ﻧﻔﺴﻲ ﻭﻧﻮﺭﻫﺎﻥ ﻫﻢ ﺳﺒﺤﺖ ﻭﺻﻌﺪﺕ ﻭﺭﺍﻳﻪ ﺷﺴﻮﺭﺗﻠﻬﺎ ﺷﻌﺮﻫﺎ ﻃﻠﻊ ﻳﺠﻨﻦ ﻋﺒﺎﻟﻚ ﺫﻫﺐ ﻭﻣﻜﻴﺠﺘﻠﻬﺎ ﻣﻜﻴﺎﺝ ﻃﻮﺥ ﻟﺒﻨﺎﻧﻲ ﻃﻠﻌﺖ ﻓﺪﺷﻲ ...

ﻧﻮﺭﻫﺎﻥ ... ﻣﻦ ﺑﺎﻭﻋﺖ ﻉ ﻧﻔﺴﻲ ﺑﺎﻟﻤﺮﺁﻳﻪ ﻣﻌﺮﻓﺖ ﻧﻔﺴﻲ ﺷﻜﻠﻲ ﺍﺗﻐﻴﺮ 180 ﺩﺭﺟﻪ ﻫﻬﻬﻬﻬﻪ ﺭﺣﺖ ﻃﻠﻌﺖ ﻓﺴﺘﺎﻧﻲ ﺍﺧﺬﺗﻪ ﺍﺣﻤﺮ ﻗﺼﻴﺮ ﻓﻮﻕ ﺍﻟﺮﻛﺒﺔ ﻭﺻﺪﺭﻩ ﺩﻟﻊ ﻭﻣﻦ ﺍﻟﻀﻬﺮ ﻣﺸﻄﺐ ﻗﻴﺎﻃﻴﻦ ﻭﺑﻲ ﺫﻳﻞ ﻣﻦ ﻭﺭﻩ ﺷﻴﻔﻮﻥ ﻟﺒﺴﺘﻪ ﻭﻟﺒﺴﺖ ﻛﻌﺐ ﻋﺎﻟﻲ ﺑﺎﻭﻋﺖ ﻓﺪﻭﻭﺓ ﻃﻠﻌﺖ ﻣﻤﺜﻠﺔ ﺗﺮﻛﻴﺔ ﺍﺟﻨﻦ

ﻭﻋﺒﻴﺮ ﺍﺧﺬﺗﻪ ﻧﻔﺴﻪ ﺑﺲ ﻟﻮﻧﻪ ﺍﺳﻮﺩ ﻭﺑﻲ ﻟﻤﻊ ﻓﻀﻲ ﺟﺎﻥ ﺗﻨﺪﻙ ﺍﻟﺒﺎﺏ ﻣﺎﻝ ﺍﻟﻐﺮﻓﺔ ... ﻓﺘﺤﺘﻬﺎ ﻋﺒﻴﺮ ﺟﺎﻥ ﺳﻠﻄﺎﻥ ﺑﻬﻞ ﻟﺤﻈﻪ ﻭﻛﻌﺖ ﻋﻴﻨﻪ ﻋﻠﻴﻪ ﻋﺰﺯﺯﺓ ﺍﻟﻌﺰﺍﻧﻲ ﻭﻳﻦ ﺍﺧﺘﻞ ﺑﻠﻪ ﺷﻜﺪ ﻓﺸﻠﺖ ﻓﺨﺎﺫﻱ ﻛﻠﻬﺎ ﻃﺎﻟﻌﻪ ﺧﺮﺭﺏ ﻳﻮﻣﺞ ﻋﺒﻴﺮ ﻓﻠﻜﺤﺖ ﺍﻟﺒﺎﺏ ﻭﻻ ﻋﺒﺎﻟﻚ ﺍﻧﻲ ﻳﻤﻬﺎ ﺑﺎﻟﻐﺮﻓﺔ ..

ﺳﻠﻄﺎﻥ ... ﺟﻴﺖ ﺍﻋﺎﻳﺪ ﻋﺒﻴﺮ ﻗﺒﻞ ﻻ ﺍﻃﻠﻊ ﻻﻥ ﻣﺘﺮﻫﻢ ﺍﺑﻘﻪ ﺑﺤﻔﻠﺔ ﺍﻟﺒﻨﺎﺕ ....

ﺩﻛﻴﺖ ﺍﻟﺒﺎﺏ ﻭﺟﺎﻥ ﺗﻔﺘﺤﻠﻲ ﻋﺒﻴﺮ ﺍﻟﺒﺎﺏ ﻭﻋﻴﻨﻲ ﻟﭽﺤﺖ ﻧﻮﺭﻫﺎﻥ ﺧﺮﺭﺭﺏ ﻋﻤﻲ ﻣﻌﺮﻓﺘﻬﺎ ﻳﺎﺍﺍﺑﻮﻭﻭﻳﺔ ﻫﺎﻱ ﺷﻄﺎﻟﻌﻪ ﺑﻘﻴﺖ ﻓﺎﺗﺢ ﺣﻠﻜﻲ ﻭﺻﺎﻓﻦ ﻋﻠﻴﻬﺎ ﺍﻧﻮﺏ ﺭﺟﻠﻬﺎ ﺍﺗﻜﻮﻝ ﻣﺮﻣﺮ ﻣﺼﺒﻮﺑﻪ ﺻﺐ ﺷﻨﻮ ﻫﻞ ﺧﻠﻘﻪ ﺭﺑﻲ ﻣﻮ ﺣﻤﻮﺕ ﺷﻮﻛﺖ ﺗﺼﻴﺮ ﺍﻟﻲ ﻣﺎﺻﺒﺮ ﺑﻌﺪ ﺍﺷﻮﻑ ﻫﻞ ﺿﻴﻢ ﻭﺍﺑﻘﻪ ﺻﺎﻓﻦ ﻭﻣﺎﺳﻮﻱ ﺷﻲ

ﺟﺎﻥ ﻋﺒﻴﺮ ﺍﺗﺼﻴﺢ ﻫﺎ ﻳﻤﻌﻮﺩ ﺍﻟﻮﻭﻭﻭﻭ ﺷﺒﻴﻚ ﺩﺍﺣﺠﻲ ﻭﻳﺎﻙ ﻭﻳﻦ ﺻﻔﻨﺖ ...

ﻛﺘﻠﻬﺎ ﻫﺎ

ﻭﺍﻟﻠﻪ ﻧﺴﻴﺖ ﻉ ﺷﻨﻮ ﺍﺟﻴﺖ ... ﻫﺎ ﻫﺎ ﺟﻴﺖ ﺍﻋﺎﻳﺪﺝ ﺧﺮﺭﺏ ﺣﻈﻲ ﺷﺒﻜﺘﻬﺎ ﻭﺑﺴﺘﻬﺎ ﻣﻦ ﺭﺍﺳﻬﺎ ﻭﻛﺘﻠﻬﺎ ﻛﻞ ﻋﺎﻡ ﻭﺍﻧﺘﻲ ﺑﺎﻟﻒ ﺧﻴﺮ ﻭﻧﺰﻟﺖ ﻭﺭﻛﺒﺖ ﺍﻟﺴﻴﺎﺭﺓ ﻫﻔﻔﻔﻒ ﻣﺴﺤﺖ ﻛﺼﺘﻲ ﺍﻟﻲ ﺟﺎﻧﺖ ﺍﺗﺼﺐ ﻋﺮﻙ ﻭﺣﺮﻛﺖ ﺍﻟﺴﻴﺎﺭﺓ ﻭﻃﻠﻌﺖ .....

ﻋﺒﻴﺮ ... ﺑﺪﺕ ﺍﻟﺤﻔﻠﺔ ﻭﺑﺪﻥ ﻳﺠﻦ ﺍﻟﺒﻨﺎﺕ ﻭﻋﻠﻜﻨﻪ ﺩﻱ ﺟﻲ ﻭﺩﻙ ﻭﺭﻛﺺ ﻭﺟﺒﻨﻪ ﺍﻟﻜﻴﻜﺔ ﻭﻋﻠﻜﻨﻪ ﺍﻟﺸﻤﻮﻉ ﻭﻏﻨﻦ ﺍﻟﻲ ﺳﻨﺔ ﺣﻠﻮﺓ ﻳﺎﺟﻤﻴﻞ ﻭﺗﻤﻨﻴﺖ ﺍﻣﻨﻴﺔ ﻭﻃﻔﻴﺖ ﺍﻟﺸﻤﻊ ...

ﻭﺯﻋﻨﻪ ﺍﻟﻜﻴﻚ ﻭﺍﻟﺒﻴﺒﺴﻲ ﻭﻛﺮﺯﻧﻪ ﺍﻟﺤﺐ ﻭﻟﻌﺒﻨﻪ ﺟﻮﻟﻪ ...

ﻭﺭﺍﻫﺎ ﻛﻠﻤﻦ ﺭﺍﺣﺖ ﻟﺒﻴﺘﻬﺎ .. ﻛﻤﻨﻪ ﺍﻧﻲ ﻭﻧﻮﺭﻫﺎﻥ ﻧﻈﻔﻨﻪ ﺍﻟﺒﻴﺖ ﻛﻠﻪ ﻭﺳﺒﺤﻨﻪ ﻭﺻﻌﺪﻧﻪ ﻟﻠﻐﺮﻓﺔ ﺑﻘﻴﻨﻪ ﻧﺴﻮﻟﻒ ﻭﻧﻀﺤﻚ ﻭﻧﻔﺘﺢ ﺑﺎﻟﻬﺪﺍﻳﺔ ﺍﻟﻲ ﺟﺎﺑﻮﻫﺎ ﺍﻟﻲ ﺟﺎﻥ ﻳﻮﻡ ﻳﺠﻨﻦ ﻫﻬﻬﻬﻬﻪ ...

ﺳﻠﻄﺎﻥ ... ﺭﺟﻌﺖ ﺗﺎﻟﻲ ﺍﻟﻠﻴﻞ ﺣﺘﻰ ﺍﻟﺤﻔﻠﺔ ﺧﻠﺼﺎﻧﻪ ﻃﺒﻴﺖ ﻟﻠﺒﻴﺖ ﻭﺟﺎﻥ ﺍﺷﻮﻑ ﻧﻮﺭﻫﺎﻥ ﻭﻛﺎﻓﻪ ﺑﺎﻟﺼﺎﻟﺔ ﻳﻤﻤﻤﻪ ﺑﻌﺪ ﺑﻴﺘﻲ

ﺍﺗﻘﺮﺑﺖ ﻳﻤﻬﺎ ﻭﻟﺰﻣﺘﻬﺎ ﻭﺟﺮﻳﺘﻬﺎ ﺑﺤﻀﻨﻲ ﻣﺎﺧﻠﻴﻬﺎ ﺍﻟﻴﻮﻡ ﺗﻌﺪﻱ ﺑﺴﻬﻮﻟﺔ ..

ﻣﻴﺖ ﻋﻠﻴﻬﺎ ﺟﻨﺖ .... ﻭﻟﺞ ﺑﻬﺬﻟﺘﻲ ﺣﺎﻟﻲ ﺧﻠﻴﺘﻨﻲ ﺍﺗﺴﻮﺩﻥ ﺧﺮﺭﺏ ﻋﻤﺞ .... ﻫﻴﻪ ﺑﺎﻭﻋﺖ ﻋﻠﻴﻪ ﻭﺍﺑﺘﺴﻤﺖ ﻭﻣﺎﺩﻓﻌﺘﻨﻲ ﺍﺳﺘﺴﻠﻤﺘﻠﻲ ﺣﻮﻃﺘﻬﺎ ﺑﻴﺪﻱ ﺍﺛﻨﻴﻨﻬﻦ ﺑﻘﻴﺖ ﺍﺷﻢ ﺑﺮﮔﺒﺘﻬﺎ ﺣﺴﻴﺖ ﮔﻠﺒﻲ ﻳﺮﻳﺪ ﻳﻄﻠﻊ ﻣﻦ ﺻﺪﺭﻱ ﻫﻤﺴﺘﻠﻬﺎ ﺑﺄﺫﻧﻬﺎ ﻛﺘﻠﻬﺎ ﺍﺣﺒﺒﺒﺒﺒﺞ ...

ﻫﻴﻪ ﺑﺎﻭﻋﺖ ﻋﻠﻴﻪ ﻭ ﻭﺧﺮﺗﻨﻲ ﻭﺍﺑﺘﺴﻤﺖ ﺭﺍﺣﺖ ﻛﺘﻠﻬﺎ ﻭﻳﻦ ﻛﺎﻟﺖ ﻟﻠﺤﻤﺎﻡ ﺍﺭﻳﺪ ﺍﺳﺒﺢ ... ﺿﺤﻜﺖ ﻛﺘﻠﻬﺎ ﺩﻳﻠﻪ ﻳﺎﺑﻌﺪ ﺭﻭﺣﻲ ﺍﻧﻲ ﺭﺍﺡ ﺍﺻﻌﺪ ﻻﻥ ﺗﻌﺒﺎﻥ ...

ﺻﻌﺪﺕ ﻭﻫﻴﻪ ﻃﺒﺖ ﻟﻠﺤﻤﺎﻡ ...

ﻭﺟﺎﻥ ﺗﻄﻠﻊ ﻋﺒﻴﺮ ﻣﻦ ﻏﺮﻓﺘﻬﺎ ﺗﻀﺤﻚ ... ﻛﺘﻠﻬﺎ ﻫﺎ ﺷﻮ ﺗﻀﺤﻜﻴﻦ ﻭﺣﺪﺝ ﺷﺒﻴﺞ ﺗﺨﺒﻠﺘﻲ ﻫﻬﻬﻪ

ﻋﺒﻴﺮ ... ﻫﻬﻬﻬﻪ ﻻ ﻟﻴﺶ ﻭﺣﺪﻱ ﻧﻮﺭﻫﺎﻥ ﻳﻤﻲ ﻭﺩﻧﻔﺘﺢ ﺑﺎﻟﻬﺪﺍﻳﺔ ﻣﺎﻝ ﺍﻟﻌﻴﺪ ﻣﻴﻼﺩ ..

ﺳﻠﻄﺎﻥ ﺟﻤﺪ ﺑﻤﻜﺎﻧﻪ ﻣﻦ ﺍﻟﺼﺪﻣﺔ ﻭﺻﺎﺡ ... ﺷﻨﻮﻭﻭﻭﻭ ﻧﻮﺭﻫﺎﻥ ﻳﻤﺞ ... ﻛﻠﺖ ﺑﻜﻠﺒﻲ ﻟﻌﺪ ﻫﺎﻱ ﺍﻟﺠﻮﻩ ﻣﻨﻮ ﺟﺎﻧﺖ ﻳﺎﻟﻠﻪ