رواية قيود العوف الفصل السادس 6 بقلم ريتا

‏ ‏" يا الله 

‏إني أجاهدُ كي لا أتلوَّثَ

‏وأحاولُ أن أكونَ في صُفُوفِ الصَّالحين

‏فأعنِّي  

شبابات صوتوا دوسوا علىٰ النجمَة 🤏🏻

<___________________________>

-جُمان: احسَني داتحَرك مو ثابَتة بمُكاني ويَمي هوسَة وحچي 

انصَدمت من فتحَت عيوني وشفت اني بسيارة 

وكُلهم ويَاية بالسيَارة موجودين وديسولفون سمَعت صوت حنتَوش وهو يگول..

-حنتوش: ياخي وين نولي بعد كُل يومين نغير مكانة

ماطلعت هاي ماكو غيرنا بهلبلد يركضون وراهم 

-مديوي: اني هم كُلش ضجت من الموضوع هذا بس 

خليهم يجَون ويرحون كُل مرة عبالهم يكضونة ويفشلون

-حنتوش: بس اريد اعرف ال*** شلون جاي يحصلون المكان

اكيد اكو س**** جاي يفتن ويوصلة الهم احنة مو ثابتين

وبكُل مكان جديد جاي يندلونة 

ضرب رجلة بالسيارة وگال 

-حنتوش: اخ لو اعرف منووو جاي يوصل المكان اكوو اكو من يفتن ويعلم اكووو 

-مديوي: مو شرط اكو واحد من عندنا جاي يوصلة 

هذول استخبارات وهاي شغلتهم بس خليهم عبالهم يكضونة

ضحك وگال 

-مديوي: والله يتعبون ومايحصلونة 

-حنتوش: بس گلي وين نروح بالبصرة هسة 

فتحت عيوني بصدمة من سَمعت طاري البصرة ! البصرة 

شلون يطلعوني من بغداد شلون وامي واني شنو شراح يصير بيه هنااا اني انتهيت بعد مستحيل ارجع لأمي .. 

رفعت راسي وحچيت بصَوت عالي ..

-جُمان: شنو بصرة رجعوني لبغداد رجعوني شلون تطلعونييييي منهااااا

-حنتوش: صمي حلكج لا انعل ا**** عبالج نسيتلج الضربة

والله لرجعها الج اضعاف بس خلينا نوصل بنت ال**** 

-جُمان: رجعونييييييي وين ماخذينييييي ويننن

-جُمان: الله لاينطيكم يا ****** ياقذرين 

-مديوي: شكد سامعينهن

-جُمان: حقراااااااااااء

-مديوي: شكد سامعينهه

                                            

              

                    

-جُمان: تفوووووووووو عليكم مخانيثثث

-حنتوش: هيوووو اسكتيييي اسكتييي وسدددي حلكج لا أعرف شلون اسددددة الجج

-جُمان: ولكمممم وين ماخذينيييي وييييننن !!!

موتوني خبلوني عاملوني ببرود اصرخ واعيط وادفر بالكرسي ولا يمهم عايفيني وحدي ولا واحد بيهم جاوبني وسكتني بحچاية بعدبقوا ساكتَين وهذا چلبهم مديوي يسَوق وينفخ..

اخخخ ياضيمييييي نار وتاكُل بيَه دموعي تنزل عشَرة عشَرة مديت أيدي لباب السيارة فتحتة أكثر مقفول مد راسة وزمخ ..

-حنتوش: ايدج لا اكسسسسسرهه 

ضربت الباب بأيدي حيل نفخت بوجهة وأبتعدت بكل الحالات مايفتح مقفول من يمهم بقت عيني علىٰ الطريق صارت صدگ وبعد ما راح اشوفج يمه لزمَت جهة گلبي ومسَحت عليها ..

-حنتوش: كله بسبب هاي الحييوانة تمرمطنا واتبذهلنة بسببهااا الحقييييييرة لو رايحة ومخلصة السالفة ومولية راجعة ومفتكيييين اتقيييدنا بيهاااا

-مديوي: اخخخخ ساعة سودة تفففف علييييها من ساعة 

-والله تحَلمون وتخسَون أموت وميصير التردونه والله اكتل روحي وماا أدخل هيج مُكان وأنفذ طلبببببكم

-مديوي: حنتوش سدلي حلگها من يمك لا انزلها هنا

بنص الشارع واسحگها بالسيَارة وانعل ***** 

-حنتوش: سكتي بنت الكلبب لسانج شطولة

-جُمان: الله ياخذك شيسَوي بيَك الله بعد خلقَتك الحيوان

احلىٰ من عندها بَاع حالك چنَك من المشَردين وملابسَك كُلها

قذارة وخيَسة بدال متخطَف وتسَلب وتبوگ نظف نفسَك 

عاط وگال 

-مديوي: ولك سكتتهههااااااا  سكتهاااااا

ماا احس اله جَاب ايدة وحطَها ع حلگي وگال

-حنتوش: بنت ال**** بنَية چلبة أنتِ سكتي سكتي 

-جُمان: وخر أيدك كُلها ريحة وخَرها

- لعبَت نفسي منهم ومن الگعدة بنصَهم عصرني گلبي وروحي طلعت من وجع رجلي باوعت إلها شصاير بيها مورمَة وصبَعي صاير ازرگ ويدگ من الألم عضيت علىٰ شفتي متوجعة وعصَرت عيوني ودموعي تجري ..

- البصرة شسوي اني بالبصرة ليش جابوني الها 

وين راح تاخذني الدنيا بعد ياربي ويَن

ميلت راسي علىٰ الجامة رفعت راسي بخفة من صرت أسمع صوتهم يتهامسون واحَد بَده يندس بالثاني شكو شصار ماعرف خففوا سرعة المشي حيل لحد ماعاااط القذر بصوت عااالي ..

            

              

                    

-مديوي: ابن القندرة سيطرة سيطرة جاي اگلك انتَ مو گتلي

هذا الطريق مابي سيطرات مو گتلي هاي منين اجت 

-حنتوش: هذا الطريق امس اجيت منَه فارغ ولك فارغ 

مادري يمتىٰ نصبَوها هاي السيطرة 

-مديوي: ولك غبيييييي اثووووول 

-حنتوش: شنسوي هسة نكمل لوو شنيي

-مديوي: ابن القندرة صارلهم اسبوع يركضون ورانة

يعني ماينطون اسمك وصورتك للسيطرات 

والسيطرات ماتطلب مستمساكتنا

-حنتوش: لعد شلون نلوف ونفوت بالطرق الترابية والدرابين 

-مديوي: انعل ابوك لابو الخلفك مطي مو صوچك 

صوچي اني الحمار انتكلت عليَك الله يطيح حظك

-حنتوش: اگله ماكو سيطرة امس اجيت لعد اني شلون اجيت 

ديلا گُلهم مموجودات ويَاي عندي ظرف طارئ وطلعت مستعجل

ونسيَتهم 

-مديوي: اتفل علىٰ عقلككك ولك انتَ عندككك عقققلللل إذا عندك اتفل علييييه

التزمت الصمت عيني صارت علىٰ الطريق السيطرة بعيدة تقريبًا لسه ما وصلوها بس الي من بعيد يگدر يشوف اللائحة المنصوبة انخبصوا واللتهوا ..

-مديوي: لاا لاا مايفيييد هيج مايصيييير راح الووووف  

-حنتوش: ومنين راح نفوووت !!

-مديوي: راح أرجع أفوت بالطريق الي عبرناااه راح أفوت بالدرابين والطرق الترابية

خفف السرعة كلشش عكس السيارة فرها بنص الشارع مديت نفسي من الجام وصرختتت بعلو صوتي بكل مابيه ما حيل وقوووة  ...

-الحگووووووننننننييييييي الحگووون..

ماكملت حچايتي چانت السيارة كبيرة عبر ألي بسرعة طبگ راسي علىٰ الباب وحط ايدة علىٰ حلگي وصاح بصوت عالي...

ولك سووووووووووووووق سسررررريع

ساق السيارة بسرعة وكُلهم يصيحون ويفشرون عليه انواع

الفشار رفسني بطني وطَلع روحي من رفسني وضربني راشديات

بأثنين ايديه ع خدودي وگال  بصَياح

-حنتوش: اصبريلي بنت ال**** اصبريلي هواي صارن الج 

اله اطلعهن بيج كلهننننن 

-حنتوش: ولك سووووق اسرررررع اسررررع مديووووي 

-مديوي: انعل ابوووووكم لابو اليعتمد عليكم ولد الخرررره 

ولك انيييي اعتمد عليييييييك حنتوش ولك انييييي اعتمد علييييك

            

              

                    

-حنتوش: ولك طب منا ع البساتين طب من هاي اللوفة

گاموا واحد يضرب راسَة براس الثاني والعياط گاب

والفشار انوووواع يتفننون بألسنتهم القذرة بيه ألتفت شاف سيارة ورانا وهم اتخبلوووووا ...

-ولككك ورانا سييياااارررررة سوووق ضيعهااااا مانعرف لمنووو 

مخبوصين وعياطهم گاااب احس خدودي اشتعلوا نار من الراشديات وبطني انخسفتومنا وجع رجلي عليَه احتاريت علىٰ يا وجع اصفن علىٰ

يا ضيم ابچي ..

-گاموا كُل ساعة يدخلون بدربونة شكل ومن بساتين لبساتين لطرق أشوفها ومصدومة ماكو لا بيوت لا ناس ولا اي شيء بيها ترابة وبساتين أماكن مهجورة عبالك ..

باوعلي وضَرب ايد بأيد وگال 

-حنتوش: اني اعلمج تسَوين هيچ بينا ب**** بسيَطة

إله ازوعج العافية 

ويتحرگن وكُل ساعة يزفر وسَاعة يضرب رجلة 

وسَاعة يَضرب أيده ويتوعَد الي وكُلهم ساكتين إله هوه 

سكتت عنه ماجاوبتة القزم مالي خلگة ملتهية بضيمي وبلووتي اخخ .. 

- وگفوا يَم بيَت شبَه واگع وشكله مُخيف ومحَد يمه

ولا بيَت بس هَوة موجود 

نزلوا كُلهم وبقَيت اني صافنة اني وين ليش اني هنا 

شراح يسوون بيَه هلمرة شنو هذا المكان دخيلك يارب

باوَع عليَه ونتر بصوت عاالي ..

-مديوي: نزليييييييييي بسررررررعة 

-جُمان: وين جايبيني شنو هذا المكان 

-حنتوش: راح اوكلج خ*** هنا نزلي 

-جُمان: بَاوعت اله وعقچت وجهَي شگد تلعب روحي منه ومن شكله 

عاط بيَه وگال

-مديوي: نزلي لا اسحلج وانزلج نززليييي

-جُمان: غمضت عيوني وزفرت ونزلَت توني حَطيت رجلي

ع الگاع واني صرختت من الووجع ييييييييمةةة 

خزرني وگال

-حنتوش: ومرض امشيييييي

-جُمان: بقيت واگفة وابچي وصافنة علىٰ المكان وين 

منو يلگاني هنا ياربي والله تعبت دخيلك ساعدني 

اجه الي اسَمه مديوي جَرني بسُرعة مَن ايدي 

ودخلَنَي للبيَت او الاصح للخرابَة 

عتَني عت وشمَرنَي حيَل بنَص التراب الي بالغرفَة 

وصَارت الدفرات تجيني بكُل مكان يدفر بيَه بكُل قوتة

            

              

                    

دخل حنتوش وبيَدة حزام حَديد اني شَفت الحزام وعطَت 

- جُمان: لاااااااااااااااااااا لاااااااااااا 

باوع اله وگال

-حنتوش: الدفرات قليَلة بيَها خليني اخذ حقي منَها ولك

اني تضربني مرررررررة 

- ضمَيت وجهي بأيديَة واني اناشَغ واصرخ 

لااااااااا لااااا دخيييلك ياعلييييي ياعلييييي

-يشيَل الحزام واسَمع صَوتة يرن علىٰ ظهري وانَي بكُل ضربة

روحي تطَلع وتنسَلب منَي النفَس اخذه ويشگ صَدري من الوجع

شال الحزام ورجع طبعة علىٰ ظهري لميت روحي كورتها وتكرفصت انتهيت الوجع دمرني كل ضربة يضربني إياها صرختي بيها تخلي أوتاري الصوتية تستغيث ... 

صرت ماعرف منين جاي تجيني الضربات علىٰ ظهري يصعد لزنودي يوصل لأيدي طبع أثار الحزام عليه دمرني ونهاني بهليوم ..

-حنتوش: اخليَج من تتحَركين تحسَين بالوجَع 

اني تمدَين ايدَج عليَه وتضَربيني وتدفريني 

گال الكلام وعيونة ناطة ورجع عاد نفس الشيء خلاني اشيط من الألم صرت ما أتحمل أسكت حتىٰ ... 

-نذذذذل حقيييييييررر

-صووووووتج 

-اخخخخ كااااافيييي

لساني اخخ لسانييي بس ماگدر چان مستقوي عليه دمرني خلاني ما أگدر احرك ايد حتىٰ اريد اشَفي غليَلي بيَه چان لسَاني سَلاحي الوحيد الاگدر ابرد

گلبي بيه ..

جسَمي انتهىٰ أيدي الي چنت ضامَة وجهي بيَهم وگعَن

ومابيَه ارفعهن من الوجَع 

ابَتعد عنَي وگال

- ايَدي تعبَت بنت ال**** وتَفل عليَه 

وسحگ علىٰ رجلَي المورمَةً برجَلة روحي شَاغت 

وصرخت صرخة حسَيت حبَالي الصَوتية راح تنشَل بعَدها

-ااااااااااااااخخخخخ 

اصرخ وروحَي ممرودة واعض بمَلابسي من الوجَع 

وهَو گدامي يضَحك گال

-مديوي: اله اخليج تصَرخين الف صرخة من الوجع 

بنت ال*** تفضحَينا گدام السيطرات عبالج ننلزم ؟ 

ضحك طويلة وگال 

- يحلمون يحلمون صارلهم سنين يركضون ورانا 

ومحد لزمنَا وهسة أنتِ جاي تتشيطرين وتردينَا ننلزم

باوع لرجلي ضحك وگال براحة ..

-حنتوش: خليها تخيَس ويگصونهَا الج ضحك وتبقين تك رجل ههههههههههه جاي تهدرين جمالج ووقتج بلاش وافقي وشوفَي الدنيا شلون حلوة وتسَوة تضحين علمود تعيشين بيها 

            

              

                    

يسولف يسولف بس اني مابيَه حيَل افتَح عيوني من الوجَع احَس روحي 

جاي تطَلع منَي ..

-لعب بالتراب برجلَة وخلَاه يَترس الغرفة وطَلع 

ظليَت اگح وعيَوني دمَعت اختنگت منَه 

زحفَت بالگاع علىٰ رجليَة ازحَف وارجع اوگع علىٰ بطَني

كُل شيء يأذيني كُل شيء بيَه جاي يَصارع في سبيل طهارتي وشرفي ..

-تكرفصت واخذت الي ركن بالتراب اون واشهگ

ولسَاني يلهَج 

- امن يُجيَب المُضطر إذا دعاه ويكشفُ السوء 

رددتَها هَواية واني اردد وابچي واسَتغيث بالله 

بقيَت صافنة بالأرض جسمي خدر وروحي ذاهت ..

-شنو الي يَوصل البشر لهَاي المرحَلة من الجشَع يقتل ويسلب 

وينهب ويذنَب وعنَده عادي ولا كأنُ وراه حسَاب وعقَاب حيَاتنا سَاعة رمليَة مجرد ما تنَقلب بَوقت قصَير يَخلص رمَلها تعلن أنتهاء وقتك .. 

رب العالميَن ديعاقبَهم بالدنيا قبل الاخرة شنو أسوأ من انهُ

تكون مُتشرد كُل يوم بمَكان وانتَ مطَلوب وعلىٰ اي ساعَة

تنلزم وتنتقل لشَوكت يستمَر التشَرد 

ومن انُ تنام وأنتَ براسك الف حسَبة والخوف والقلق

والتفكير مثَل الدوامَة حواليَك ، بدال مانهَاية يومَك ترتَمي بَحضن

وأيد تطبَطب علىٰ ظَهرك وتحتضَنك 

شنو أسوأ من انهُ تكون قاتل ومُجرم والروح تَحوم حول حيَاتك

البائسَة ومن إنك تكون بدون عائلة تحتضنَك وتدفىٰ

بگعدتهَا وبيَن ضحكاتهَا والسَوالف بيَها 

فعلاً عقَاب رب العالميَن قاسَي الهم بس جشَعهم مديخليَهم

يدركون هذا الشيء لاهيَن بالدنيَا ويركضَون بس لشَوكت 

غمَضت عيَوني بألم مليَت يَاربي الوجع ياكل بيَه ومليَت من وضَعي وخَايفة من المجهُول ... يخوفني المجهول هنا أجهل باچر شنو راح يكون عقابي منهم شنو راح يسوون بيه وبيا طريقة جديدة راح يحاولون يأذوني ويضغطون عليه...

مددت جسمي علىٰ التراب عصرت عيوني من لچمتني جروح ظهري وزنودي وكُل جسمَي شهگت موجوعة حتىٰ نوم مااگدر انام حتىٰ هذا الي چنت أشرد بيه من وحشتي و وحدتي و وقتي القاتل انحرمت منه ..

بقيت طول الليل علىٰ هلوضعية أون بألم .. ألىٰ أن كشف الضوة دخل الي من فتحتات الغرفة انفتح الباب دخل مديوي جرني من أيدي ونيت بألم شوغ روحي ماريد احد يلزم جروحي يلچمني ...

-لتلزمنييييي

-مديوي: انتِ هواي تجاسرتي هووواي تحررركييي وصووووتج ينگطععع 

            

              

                    

دفعني طلعني من المُكان يعت بيه عت وگفني گدام السيارة نزيت بخوف من لف علىٰ عيوني قطعة قماش ..

-شنوووووو هااااااااي شنووووو شدتسووووي

-اششش

-ولكككككمممم بسسسسسسس كاااافيييي كاااافي

شدها بقوة ضغطت علىٰ عيوني بألم دفعني لداخل السيارة ماشوف شيء ظلام بظلام گـلبي يدگ سريع بخوف وين ماخذني ليش سد عيوني اخخ ...

ماعرف شگد المدة بس حسيت السيارة وگفت وسمعت ضربة الباب بعدهة أنفتح الباب الي يمي وانجريت صارت رجلي بالأرض تلوعت من الوجع تلوعت ..

-رجلييييي رجلييي

-تحركي

أخذني يجرجر بيه أمشي وأعرج ماگدر وهو يزفر بقوة ويسب ويشتب ويعيط بيه مشيت وياه هوااي حييل تعبت صار يمشي شوية ويوگف بعدهة صار سلام بينة وبين شخص .. 

-خيرك هاي منو وياك جديدة ؟ 

-مديوي: بعدين أفهمك بس أريدها تبقىٰ يمك أسبوع هسة 

-ليش انتَ وينك 

-مديوي: سالم مو گلت ألك بعدين أفهمك هسة خل ادخلها يمهن ونسولف

همهم اله هذا الي ماعرفة منو وأخذني يمشي بيه وين جايبني ليش راح يبقيني هنا ويمهن شنو يقصد منو هنة صارت طگة باب ورة باب ..

بديت أسمع أصوات وهوسة ألتفتت برعب وخوف وبظلام وين جايبني هذا شنو هاي الأصوات وين انييي بعدني بنص تفكيري فزيت علىٰ دفعة قوية بظهري بألف علي يابو علي سيطرت اوكف بعدهة وما أوگع ..

حسيت علىٰ شخص صار بظهري فتح قطعة القماش وجرها أول ما أنجرت اتصنمت بمُكاني جمدت عن اي ردة فعل من شفت كومة بنات گدامي أشكالهم وحالهم مو أحسن من حالي .. 

بلعت ريگ وجهت نظري بكل وحدة بيهم الجروح بكل مُكان وأثار الضرب علىٰ أشكالهم وبعضهم الدم يابس علىٰ بشرتهم والتعذيب الي متعرضيلة واضح عليهم بقووة انداريت برعب شفتة وراي يضحك بخبث ..

-وين جايبني !

-مديوي: هذا مُكانج لحد ما يخلص شغلي بعدها أشوف شغلي وياج

هزيت راسي المُكان ضيق ويخوف موووت زحمة والبنات الي هنا ماعرفهم وشيء داخل بشيء ..

-لااا ارجوك لا تخليني هناا أخذني ميخالف اشمرني رجعني اشمرني بالترابة بالهيمة بس لتخلينييي هنااا 

            

              

                    

-شو تتطلبين ؟ هههههههه خاف عبالج گدامج صديقج اصحيييييي

ضربني علىٰ راسي بطرف أيده فات علينا واحد شكلة ممعروف هذا منووو همم راح اله حچة وياه وهو يباوعلي هز راسة وطلع ... بقيت واگفة بخوف ونظراتهم عليه غريبة گعدوا  ونطقت وحده منهم ..

-شبيها رجلج؟

نزلت نظري لرجلي ورفعت راسي هزيتة بخفة وسكتت أخذت ركن وگعدت لميت نفسي غمضت عيوني وأخذت نفسس ورجعت الهوسة والأصوات هاي التبچي وهاي الي تعيط وهاي الي لازمة راسها وتون ...

حطيت أيدي علىٰ راسي حسيت شخص گعد يمي رفعت روحي شفتها شابة جمييييلة بشششكل مو طبيعي أثار التعذيب علىٰ وجهة وحاجبهة مشگوك من ضربة ماعرف من شنو بشرتهة شابحة وباهتة وشعرهة منكوش ورغم كل هذا جميييلة حييل ...

نطقت بصوت هزززيل صوتها مبحوح حيل .. 

-شو أسمك ؟

باوعت إلها وسكتت ماجاوبتهة أبتسمت بوجهي وگالت ...

-لساتك جديدة بتخافي تحكي معنا بفهمك

-جُمان: من وين انتِ !

-سوريا 

-يعني كل الموجودات هنا سوريات ؟

ابتسمت ابتسامة حزينة جرت نفس بحسرة وگالت..

-لا مش كل الي بالقبو هون من سوريا بس انا 

-شمعنىٰ انتِ من سوريا لعد !! 

-باعوني وجابوني لهون مع البنات

انداريت بنظراتي عليهن اخخ كل وحدة بيهم حالها يبچي الصخر وماخذة ركن منفردة بتفكيرها بيه شجاي يصيرلنة ياربي وين احنة شنو هلأشكال الجاي تاخذ بينا من أهالينا وتسلب بحياتنا وأرواحنا...

باوعت إلها بقت گاعدة يمي وتجر حسرات ماعرفت ليش كلهم متجمعين هنا سوىٰ زين صارلهم شكثر معقولة جاي يبيعون بيهن زين وين ولمنو عقلييي تعب من التفكير..

أنفتح الباب فاتوا بنصنا شخصين خبصونا خبص جروا بنات أثنين أخذوهن وهنة يصرخن ويدفعن بيهم چان الموقف حزين وبائس يگطع الگلب...

-مارييييد ماررييييدد

-تحركيييييي يلةةةة

أخذوهن يسحلون بيهن سحل كل الي بالمُكان التزموا الصمت وتكرفصن بخوف وكل وحدة تبچي بصمت انداريت لهاي البنية وحچيت..

-منو هذول وين اخذووهن !!

-للكبير

            

              

                    

-شنو يعني ؟

-أخذوهن للكبير كل يوم بياخذوا بنات من هون وبجيبوا مكانن بنات جداد وهيك كل يوم بيصير أوقات كل اسبوع مش كل يوم..

بلعت ريگ بصدمة وخوف الكبير ؟ شنو الكبير شنو المسؤول كل واحد يحچي شكل وكل جماعة إلها ناسهااا ... صخااام الصخمنييي ياربييي دخييلك هنا أضرب وأسوأ من المُكان الچنت بيه ويين احنة عايشين وين...

رفعت رجلي عصرتهة بأيدي حيل ولفيتهة هذا الوجع جاي يموتني علىٰ البطيء جاي ياكل بگـلبي وجعها .. نعست ودخت أصوات ماتسكت منين ماعرف بس جاي تجي من نفس المُكان...

رجعت ظهري علىٰ الحايط غمضت عيوني وأتخيل شيء وأفتحهم أفر عيني علىٰ المُكان والبنات وأرجع اغمض بخوف وقلق بس شراح أسوي بهذا خوفي خلص اني هنا بعد سديت عيوني وبديت اغفىٰ شوي شوي..

وصار الي يومين هنا يومين كل ليلة أصوات الصريخ تترس المُكان منين وين مصدرة ماعرف بس تجي الأصوات من كل الاتجاهات صرت ما أنام ما أگدر وكل وحدة موجودة بس تسمع هلأصوات تنهار بالبچي..

لزمت راسي ضغطت عليه حيل أريد الصوت يختفيييييي ما أريد اسمعة صوتهن جاي يدگ بگـلبيي شديسوون بيهن جاي يعذبونهن ؟لو يضربونهن ؟لو شنو شديسوون بقيت أهز بنفسي وضاغطة علىٰ راسي...

لحد ما صارت ايد علىٰ أيدي نزلتهة من علىٰ راسي باوعت إلها وگالت..

-لا تعملي بحالك هيك راح تجني

-عوفيني ما أريد أسمع هلأصوات مااا اريييد

-طول ما انتِ هون راح تسمعينهُن كل يوم 

هزيت راسي عدلت گعدتي مسحت وجهي وحچيت بتساؤل..

-ليشش ليشش؟؟ شنو هلأصوات ليش يصرخنن انتِ تعرفين؟ تعرفين 

-اي بعرف

-ليش؟؟؟

اتنهدت وسكتت لثواني رفعت راسها وحچت بأسف..

-هيدي الأصوات نحنا عم نمر بمواقفا كل أسبوع عم بنعيش الي عم بيعيشوا بياخذونا وبيجبرونا نعمل الي بدون ياه والي ما بتقبل وتخالف بتتعاقب بطريقة بشعة كتير لهيك عم تسمعي الأصوات هيدي

حطيت أيدي علىٰ شفايفي وشهگت وصوتهن لسه كل ماجاه يقوة لميت نفسي بخوف من فاتوا علينا وشمروا بنية بنصنا مدممة تدمم وشعرهة مقصوص وملابسها مشگكة شالت نفسها من الگاع بالويل أخذت تسحل بروحها سحل تمددت ودارت ظهرها...

واستمرت هذي الحالات لمدة أسبوع كامل نص البنات الي چانوا موجودات اخذوهن بـس بعد مارجعوا والبقية ياخذونهن ويرجعون بنفس اليوم... بين فئة البنات الموجودة بعضهم أتأقلمت وسكتت وصارت تسولف ويه الخ بس أعرف مجبورات يتأقلمن إلا اني چنت معتزلة وبنفس ركني ماغيرتة ولا گدرت اسولف وأخذ ويه اي وحدة بيهم..

            

              

                    

بس هلبنية السورية چانت تشوفني معتزلة وصافنة بالزواية تجي تگعد يمي تسولف وياية عرفت أسمها جوان وأهلها مقتولين من حرب د*عش كل الموجودات يعرفون شلون يختارونهن حتىٰ أهل ماكو... 

قدمت الي عصير باوعت إلها بتردد وحچيت.. 

-لا شكراً ما أشتهي 

هزت راسها وضحكت بخفة.. 

-هدول حركاتي

-شنو ؟

-انا كنت هيك لما اول مرة اخدوني ما باخذ شيء من حدا وبخاف كتير من الي حواليي متلك بالضبط بتخافي ومابتحكي مع الي هون مش غلط بالعكس كتير منيح لأن مافي أمان أبداً ولو تصرفتي بهبل بتخسري حالك فوراً ..

-لعد ليش انتِ دتتصرفين هيچ ؟

-لأني تعودت أو جبرت حالي أني أتعود صرلي 5 شهور كل فترة بياخذونا لأماكن مختلفة وبنشوف ناس جداد وأوقات يتركونا بمكان واحد بعدا بتهب العاصفة ومابنعرف وين عم يجرجرو فينا.. 

-زين عادي أسألج سؤال ؟

-أسألي

-وين دياخذونكم كل يوم ؟ وليش ديتركوني هنا مياخذوني وياكم ؟

حچيت الكلام وصفنت بوجهي بدون جواب أستغربت بس ردت جواب لسؤالي وهي الوحيدة ألي اگدر أسألها واحچي وياها .. كل يوم يجون ياخذون الموجودات وماعرف وين يروحون وياهم.. 

-ليش سكتي ؟

أخذت نفس وطبطبت علىٰ أيدي ابتسَمت ابتسامة حزينة وگالت..

-مو مهم بتعرفي وين بنروح المهم إنك مش معنا 

-ليش

-مابعرف بس أشكري ربك 

نطقت الكلام وانفتح الباب ألتفتت عليه ورجعت ألتفت عليه وابتسامتها الحزينة لسة علىٰ ملامحهة وعيونها تلمع الدمعة معلگة بطرف عينها صاح بصوت عليهن..

-يله وراي 

كلهن نهضن ومثل كل مرة نظراتهم تصير عليه طلعوا وبقيت وحدي باوعت بالفراغ وبچيت بحرگة كل شيء مُبهم ومخيف أحس جاي أسمع أصوات من جوة المُكان الي اني بيه وأصوات تجي من الجهات وين اني شنو هلمُكان ماعرف مسحت وجهي واتمددت غفيت مافزيت بعد الا علىٰ صوتهم من رجعوهن..

راسي يريد ينفجر نهضت للحمام ... تصنمت بوگفتي ماجاي أستوعب الجاي أشوفة صاعقة وضربتنيييي المنظررر رجفني رجفت شفايفي وسرت الرجفة بكل جسمي بعدها هزيت راسي بجنون بشكل مستمررر وصرخت بصووت هززز المُكان من قوتة بسرعة اجاني واحد منهم ...

            

              

                    

-شبيييييج انتِ شكو

گال الكلمة باوعت اله وشحيت نظري عنة انتبه لنظراتي وين مثبتة بقيت أهز براسيييي بجنوننن نزلت دمووعي وحچيت بصررييخخ وعيوني متوسعة برعب...

-ميتة ؟ ميتة هاي ميتة ولكم مييييتة

-اشش أسكتي

-ماتتت قتلت روحهااااااااااا 

حچيتها بصرخة وعيني علىٰ البنية بنص الممر سابحة بدمها ويمها گزاز كومة شكلهااا خلاني اللطم ردت اتسووودن منظرها منظرها وهي سابحة بدمها ومفتحة عيونها خلاني اتخبببل...

-ذبحتتتت نفسسسسسهااا ماااتتتت مااتتتتت

دفعني طلعني برة وهو يسد بحلگي فتح الباب شمرني وسدة البنات التموا حولي يتسائلون اباوع الهم بعيون متوسعة ونظرات مصدومة ماجاي أگدر أستوعب الشفتة ماتت ؟ قتلت روحهاا !! 

وگعت بالگاع وانهاريتتتت اضرب بنفسيييي واصرخخ بوجع گـلببييييي راح يوگففف شراح اشوووف بعددد شنووو المااا شااافتة عيييييونييي ربييي اخذ عمري وخلصنييي من هلعذااببببببب ومنهمم بعد ما اتحمللل...

بقيت طول اليوم متكرفصة وعيوني ماسكتت شفايفي ترجف رجيف وحدها تهمس بشكل مستمر ودموعي تنزل علىٰ خدي..

-ماتت ليش ماتت لسه صغيرة ليش

گعدت يمي واخذتني بحضنها ولساني مستمر يلهج ... 

-ماتت قتلت نفسها شنو شافت من حياتها شنو الي عاشتة شسوت شسوت

-بترجاكي بكفي مابصير بتعملي بحالك هيك الله يرحما

-بس صغيرة كلش صغيرة كل...

شهگت وغطيت وجهي بأيدي .. صعب هذا الابتلاء والامتحان صعب يا اللهي روحي جاي تتگطع راح اتسودن منظرها ماجاي يروح من بالي... لحد الليل حسيت علىٰ فتحة قفل الباب مارفعت روحي ولا اهتميت بقيت متكرفصة وابچي...

صار گدامي خيال واحد منهم رفعت نظراتي بثقل ..

-يله تحركي وياي

-وين بدك تاخذهاااا !!

ألتفت عليها خزرهااا وحچة بحدة..

-مو شغلج وماتسألين هيج سؤال بعد حضري نفسج الليلة انتِ واذا تعيدين سالفة الأسبوع الي فات هلمرة تودعين افتهمتي..

نزل نفسة لزمني وجرني نزلت دموعي وشهگت تعلگت نظراتي علىٰ البنات عفت مصيري ونفسيي وگـلبي بقىٰ يمهم... 

وگفت بأستغراب من صار گبالي هو وضحكتة المستفزة نفسها...

-ياهلا 

دفعني عليه بقووة وگال...

-هاي هيه تفضل

ضربوا كتف بكتف واحد سلم علىٰ الخ وانطاه قطعة قماش رجع شدها علىٰ عيوني كل هذا واني مالي ردة فعل ولا صوت طلع مني .. أخذني مشيت وياه مسافة وصعدت بالسيارة رجعت دگت السيارة وقت وقت طويل وين چان ماخذني و وين هلمُكان ماعرفت ولا وحدة من البنات تعرف كلهم يجيبونهن شادين علىٰ عيونهن قطع قماش وممنوع الكلام گدامهم بخصوص المُكان...

وبعد ساعات من الوقت وگف ونزلني رجع شال قطعة القماش من عيوني باوعت ببرود من شفتة نفس البيت الي جابوني بيه بالبصرة لعد وين چنت وين چان ماخذني كل هلوقت والساعات الي طرتهم السيارة المُكان بعيد لعد ليش رجعني هنا..

-لا تضربيلج صفنة فوتيي

دخلت بدون كلام ضحكت ببهتان وخيبة من رجعت گعدت بالترابة والغرفة نفسها وگف ضحك علىٰ وضعي وطلع جاب بطل مي شمرة عليه..

. 

-هسة منا ورايح متفرغلج كلش.. 

قفل الباب وطلع نزلت نظري ومديت أيدي باوعت إلها شكثر ضعفت وترجف من الضعف وقلة الأكل اصبعي جاي يلتهب وشكلة ديصير مُقرف بشكل والجراحة دتطَلع منَه..

ومَن ارفع ملابَسي اشوف جسَمي ازرگ أثار الضرب مطبوعة بيه وإذا الزمهن لسة يونن بألم.. بقيت گاعدة وارسَم بالتَراب وأفكر بيهن شنو مصيرهن شراح يصير بيهن وكل لحظة يرجعلي منظرها والدم ...

فززني من فتح الباب نهضت بسرعة طبگت حواجبي من جرها من ملابسها وشمرها بالگاع حييل بكل قوتة وهييي صرخت بصوت عالي متوجعة عقج وجهة وباوع علينا وگال...

-مديوي: جبتلج ونيَس گعدن اللطمَن ثنينچن

الفصل السابع من هنا