رواية كحل عرب الفصل السبعون
(خنجر يعترف )
دليه ولا وحتني ملاوح السرحان
غشتني بهداهه وباكت الواحد
( عربان سيد خلف)
هدية : رديت وانا الهوى باخذني ... واصفن بدربي وضايعة بين شوكي و عشكي و بين واقعي ... اطلکت و بعدين ؟ انا من جنت خالية مختلية محد هدني بحالي يهدوني وانا عدي بنية ؟
رديت للبيت و خیریت امی و كلت الها : يمه انا رحت السرحان ووصيته أعلى جميرة وكال خلها تحضر روحها الصبح يمر بيها خنيجر .
جمارة : صكد ؟
اي والله ...
کواغد وحيدها تروح وياه ؟ صعبة صارت بنية احديثة والناس عيونها تلاحكها ومامش محرم
عدنا قد ابوج
لا ياسر ابن زناد وياها يروح .
جا ياسر شنهي يمة ؟
احسن ما تروح اعليها دراستها يمة
جمارة: يمة ما ظلي شي واخلص الامتحانات جريبة
هدية : عدج كميص اسود تروحين بيه ؟
جا شلون ؟
البس الثوب حدر الصدرية وامش واكضي اموري ، جا تسوي.
يالة ليما يجي ابوي و يشتريلج كميص .
جمارة: كمت منهن ورحت الحجرة ايمان القديمة ، ايمان شالت البغداد والحجرة ظلت خالية بس
امي ما ترضى تكعد بيها ، تكول : خلني هذا ما اريدن الحجرة .
رادتها يسرى ، بس مديوة كانت الها : لا اتي عدج غريفة انا ما عدي ، اخذنها و اخلي غريضاتي
بيها.
وانا هم ويا هديوة خذيتلي خانة من الكنتور و خليت بيها كتبي و هديماتي وكمت اكعد بيها ..
صکیت الباب اعلى روحي واتخايل باجر شلون يجيني خنجر واروحن وياه واظلن كل يوميه
اروحن واردن وياه ... تمدديت وانا افكر و اسوي افلام براسي ..
نفت و ثاني يوم كعدت من الفجر مشطيت و عدلت روحي و ليست الثوب وقوكه الدشداشة . اعاين لنفسي جني مسودته : شلون اروحن هیچ ؟ يشوفني يضحك علي وهو ما يستحي لليوم
بسميني المصلبخه جا يو شافني بهالحال شيسوي ؟
كعدت اهديوة تتو على وانا اعاين لروحي بالمرايا و انكت بدية وما راضية بهدومي
حجت : شمالج ؟
ما اروحن ابطل ولا اروحن به التياب.
جا موس كتلتي روحج اعلى المدرسة هسه نججيتي بالثياب ، موش كلت الج يجي ابوي و يشتر يلج .
معلى وعلى طالعة على صخلة
و يطبع احريشي ، عود يو اجا خنجر اكله ما تروح.
کمت اعاين لروحي و ايجي، اريدن اروحن بس موش هیچ و ما اكدر البس قميصي الابيض .
شوية و اندكت الباب ، كامت هدية وهي تجر بالربطة وتحطها اعلى راسها و تلفها ، فكت الباب .
طلع الها خنجر : ها اصباح الخير
هلا بيك خوية اصباح النور
سرحان وصاني اوصل جلجول ويا ياسر
ای والله بس کامت تنم زهد من كون ما عدها كميص اسود تطلع بیه و ما ترضى تطلع
بدشداشة.
جا هو وكت تمزهد و اتزین ، دخل تمش تكضي مدرستها و ترد .
جا غیر جلجول بعد شيقنع راسها .
د صيحيلها خلني احاجيها.
-جميرة ، حابية جلجووووول
شنهي ميرة و جلجول اسمي حمارة ، فوك هدومي كالبين اسميييبي
ولج من نهر فرج، حسج خنيجر بالباب
کليله يروح ما اروحن
تحجي و تبجي
يا من دهر الدهرج، ولج اليسي الزلمة تنخيته سني يشتغلون عدنا يا تعالو يا ردو .
کواغد : شمالها های
تكول اهدومي موش حلوة
احنا بحال حلوة وموش حلوة ، أمشي لا اكولج بالنعال ، ييييله
حمارة: ما اروح ما اروح
خنجر : خابية تأخرنا دياااااله
طلعتله وهي تكله : عمي روح انا بعد ما اروحن
عليش بوية
دشوف ثيابي هي هاي ما مدرسة
وعلي اتخبلين بوية دمشي
تجذب علي والعباس بس تعدي تكوم تعيب علي و تقلد .
ضحك : لا والعباس ما اعيب امشي .
كاموا يلحون عليها ، والكل اتكللها اطلعی نیست ربطتها و جنطتها و طلعت ... صعدت و را و باسر
كاعد ليجدام و الدرب كله هي تيجي .
وصلوا ياسر و الدارتها كال الها : شمالج بوية ما بيهن شي، يو بيهن جا ما مكنت عبيت بس غير
محزنه، والروم الواحد يحترم الحزن ...
هزت راسي ووصلاتي للمدرسة ، نزلت و انا الفن بردني من كون الردن ها عرضها و احس بروحي اقتل ، مشيت للصف ... اول ما دشت المدرسة كالت : جمارة مو بعد وكت على الدوام ؟ لو
غا يبتلج قد يومين ازيادة خاطر تنفصلين .
است ما غبت بطر اخوي استشهد .
اخوووج استشهد ؟
اي
بالحرب
اي يكولون احتركت الدبابة و طالع منها وجاية جيلة براسه و استشهد بالحرب .
انا لله و انا اليه راجعون، اسفة بنتي ما جنت اعرف هیچ صاير وياج ، كومي روحي وياي للإدارة اكللهم على حالتي لإن غيابج هواي و رسوب بكل الامتحانات الشهرية للمواد ، امشي .
كامن البنات يكولن : الله يرحمه و انا دمعت عيوني من الكل كام يواسي بيه ، مشيت للادارة . المدير كال : البقاء بحياتكم وما لازم تحزنون عليه هذا شهيد بالجنة احسن من الكل .
جا استاد غیر اخونا ونسوانه التينهن حوامل و جهال عده وحدة عرجة و الثانية حولة .
من حجیت هیچ المدرسات كامن يبجن ، جزولي الغياب كله و اعتبروه اجازة . وكل مدرساتي
كاللي لا تخلين على بالج اعتبري نفسح ناجحة بالامتحانات اللي غبتي عنهن بسبب استشهاد
حجه المدير : وخمس درجات على كل مادة مني .
- شكرا
حجيتها وانا مدمعة ، والفن ابردنی جبير .. حجت وياي المدرسة : ليش هیچ قميصح عريض كفي
موش قمیص های ست ، دشداشة، ما عدي قميص أبيض، من كون ام الروبة امي مات ابنها و المرضت وطاحت بالبيت وما عدنا بعد اليشتريلي قميص اداوم بيه .
حجيتها وانا اعاين للمدير ... هو جان متأثر بدموعي حيل رغم جان يكرهني بس كال : ميخالف بابا شده و نزول و قميصح عليه اني استري الج.
لا تسلم استاد احنا ما نحتاج لاحد، أطيب امي و تشريلي .
رجعت للصف . بس أهيس الكل يحبني ومتعاطف وياي رغم ما كربيت من احد خاف يعيين
على وعلى قميص الدشداشة مالي.
f ليما خلصت الدوام طلعت و خنجر مامش ضحت کلش : بس لا ما يجيني ، شلون اردن وحدي
ظلبت واكفة النظر و اهیسته نسائي، اختنكت عوزي ابجي الكل طس وبس انا واكفة ، ليما شفته جای بسيارته من ابعيد ...
رکبت وياه و كلتله : شني عمي عدالي ما تجي طاحن رجلي من الوكفة .
موش ان سايك الخلفوج راح جاب هالأغم ابن الأغم باله اجاج .. مناعيل الوالدين .
ياسر ظل يضحك و انا غنديت ، عايتلي بالمراية كال : شمالج عنطزيني ؟
عمي ما بيه شي
من عمى العماج كون، عايتي اعلى صفحتح شوفي العلاقة شبيها
تنوعت اعلى كثري ، صكد هكو علاكة سودة ، جربتها بيها جيس اسود فتحتها و انه قميص
اسود : هاذ الفن
لمرت ابوي ، جا غير الج ؟
لا عمي شكرا ما اريدن
- خايبة من تتعنطزين على اكو من اركع راسج المصليخ بالحايط .
عمي لا تغلط شني وعلي انا كبرت..
ضحك ياسر و هو بكله : شمالك وياها عمي.
ضحك خنجر و هو بكله : خايب خلني ادتهر وياها هاي اذا ما ابجيها انا ما ارتاح. ما ايجي
يطبع حريشي ...
اي خوش وهاذ القميص ما اريدته ...
ياسر : اخذي وعود من يصير عدج اللي فلوسه ، شکتر فلوسه عمي
- يا هو القميص ؟
اي
- خايب كل عقلك انا اشتري ، خذيته خاوة من السوك.
ظل يضحك وياه ياسر ، وصلوني للبيت ، نزلت و ما خذيت القميص ، اول ما صكيت الباب و لنه
يطر القميص من فوك و يتركع براسي
ردت اطلع سمعت للطبة مالت باب السيارة ، أول ما فكيت الباب شطحت السيارة .
دشيت البيت وانا كافة القميص ، سولفت لامي على المدرسة وضلون اتعاطفوا وياي ردت افرحها شو کامت تبجي ، وهدوة شالت النعال على و تكني : ولج هو انا اريدن انسبها ، تكليلها
العالم كامت تستخطينا .. كومي .
كمت منهن ورحت للحجرة ، اعاين للقميص ، هاذ عمي مسودن ، من يغيب شكتر اشتاكله ، ومن امیرن وياه يكوم يحفص بمصارلي يخليني اسين الساعة الطلعت بيها وباه.
ليست القميص و الصدرية، القميص فيت عليه كمت اغنج بروحي و امش منا واجي منا و اتنوع الجسمي ، ليما سمعت يسري كامت تتعارك و يا لالة وذيج ترد بيها و يتغالطن .
صكيت الباب حيل خاطر لا اسمع حسین و حس هديوة و هي تفازع بينهن .. خليت كتبي و
كعدت اقرا.
ثاني يوم ليست القميص الأسود وكعدت انظر خنجر ليما اجاني ... صعدت وياه .. حجه : هكو وحيدة امس تتعنطز و اليوم لابسة الجابية الها ، جا موش كلتي ما البسنه ، عليش لبستي
موش انت الذبيته من فوك الباب
وما عوليتي تلبسينه
ياسر : على خطية عليك العباس عوفها
خلني اداهرها ، أي شعرج ليستي
جا غير انت کتلی
جا عليش تتعنطزين أمس ؟
عمل ذليتني هسه انزعنه وعلي
ضحك بصوت عالي و هو يكول : ياله فتح
ظليت اعاين عليه : وعلي انت ما تستحي .
ظلو يضحكون بصوت عالى هو وياسر ليما وصلوني ، كلتله : مربیه اول انا اطلع ب ۱۲، و ياسر
ب ١٢ ونص لا تخليني انتظر بالشارع
جا موش انا سايك الخلفوج ... انعل ابوج لابو تجيل تتامر علي يت المطي .
عمي شمالك بس احجي تغلط علي ، لا تجي انا اردن الوحيدي .
حرك السيارة و مشى عني مشيت مقناصة منه ، وكفت بالصطفاف ... جان يوم الخميس و بهان اليوم رفعت علم عدنا يطول الأصطفاف قد نص ساعة ، كردوس العلم يرفعون العلم العراقي و تلقي التحية للعلم ونحيي و نحيي الريس ونشعر ... اللي يطلع يقرأ نشيد و العدة صوت حلو
يطلعونه يقرا العراق و الحرب و هیچ .....
وختمناها واحنا نقرا النشيد الوطني
وطن من على الأفق جناحا
وارتدى مجد الحضارات وشاحا
بوركت ارض الفراتين ... وطن
عبقري المجد عزما وسماحا.
خلصينا وكمنا نصفك ، مشولا للصفوف ، وانا جلي ادشن ، المدير صاحلي ، رحت وياه اطالي جنطة جديدة و قمیص و کال : های الج
- لا استاد..... قاطعني
يله امشي الصفح
خذيتهن ورحت للصف ، لكيت المدرسة واصلة، كتلها : ست جنت يم المدير
اشرتلي اطین .... دشیت و خلصيناها دراسه من كون صف ثاني متوسط و الامتحانات مالت اخیر
السنة كريت علينا ولزوم تخلص المواد .
کملت دوامي اول ما طلعت لكيت خنجر صاف السيارة ليغاد وواكف، كربيت منه : هااا
وطاك ارحاه، باله اصعدي
غنديت و هو يشغل اغاني ، كلتله : عمي ترا انا حزينة على اخوي طفي الغدا
وتتأمر بن حويكم .. وهاي طفينا ، دياله
حرك السيارة و مشا لمدرسة ياسر .. ظليدا كاعدين هو صاد ليغاد صافن و انا اعاين بعيونه ، ما دريت هو منتبهلي .. اندار على : شمالج ؟
درت عنه استحيت .
طلعت من المدرسة مال الولد : مدرسة بس لابسة تنورة وقميص ، تعدت السيارة و مشت هو ظل يتنوع وراها ويعاين وصفر .
انداریت اشوفتها ... بس راحت لافت، طنكريت بالزايد، ضحت خیل اختنكت وصلت بيه الحالة بجيت ، هيس اذا كاعد ايجي من جرة خشمي ، اندار: هااا شيلاج
ما بيه شي
جا عليش تبجين
انت عليش تعاين الذيج والله عيب
عكد حواجبه : جا انت ياهو مالتج ... تراقبيني .
انداريت عنه ما نطقت اي كلمه بس امسح بدموعي ، هو ظل يعاين وينشد ما جاوبيته .... ایما
اجا ياسر ، صعد ومشينا للسلف ، وكفيته اعلى راس الشارع كلت اله : عمي هذا أوكف اريدن اتمشى .
وكف السيارة ونزلت بس جان اعلى الشارع واكف حيدرة ، صدت عيني بيه و هو ظل يعاين اعلينا.
تمشيت للبيت ، خنجر مشى ، هو لحكني للبيت ، هو من زمان كلما يشوفني يذب حجي ويتغازل
... بس من شاف خنجر يوصلني كرب يحجي : سعدج صاعدة ويا خنجر
وانت يا هو ماتك
جاي الشدج جاوبي
امي مريضة و هو كام يوصلني للمدرسة .
انا عدي سيارة اذا تريدين انا أوصلنج
- ومنین بایکها ؟
جا هو منين بايك هالسيارة
- سيارة الشيخ سرحان و جای یوصل ابن زناد بیه
خنجر موش زين تصبحة بطلي منه و اذا تريدين انا اخذج واردج .
- مشكووووور
مشيت عنه و دشيت للبيت .. لكيت امي تنعى و تبجي ظليت موجفه و هي تصبح : ليش هديت
امك استير يمه ، بناتك من ياهو الألهن ، ولك هدیت خیلی ستااااریمه.
وهديوة تجر بيها و تكللها : بسج يا يمة هسه يرد يصعد السكر و تطيحين بسج.
ولج نارة ايفادي ما تطفى يهدوة، ولج جنت يو كعدت بهالمجان واصدن لحجرته اشوفته امدد. جدامي يعاين للتلفزيون ، ونج مجانه فارغ يمه ، راح وبعد ما يردلي .
اذا عيوني يابس بيهن الدموع، من شفت حال امی کمت ایجی ویاها ، کامت امي ادك أعلى
راسها و تصيح : ربي وليدي ربي ...
وتنعى : رتك لحد ايام كبرى ... ورتك تنزلني بكبرى
راح الولد راح عليه اعلی صبری .....
راح الولد يمه.. الف ويل أعلى كلبي ...
يمه وانا يفكد الولد ما اشوف دربي ...
ظلت تنعی و حاطة اشيله اعلى وجهه و تبجي بهضم مكسورة ما نشفن دموعها اعليه .
لیما تعبت کلش و هديوة تهدي بيها ، بادن ادبها و طاحت اعلی صدر اهديوة ، كمنا نتصارخ كلنا
.. بس نسوان مامش ولد عدنا ، لالة و يسرى كاضات عدة ما يطلعن و هديوة ايتلت بامي .
طلعت انا اركض للشارع، حيدرة جان واكف براس الشارع ... ما لكيت غير وانا اتنخي بيه و اكلله : فدوة امي طاحت تخريطت الحك .
هو مكرود فز وياي وركض جدامي ، ويا ما وصل للبيت ، يسرى ولالة دشن الحجرهن و هو يصيح : فتحولي الدرب .
وانا اصبحن اعلى الهديوة ومرا جيرانه فزعت و زلمتها وكف بالباب حيدرة قال امي اعلى ظهره و الزامه يكله : عدك كل أجر سيارة
کاله : سیارتی اعلى رأس الشارع
يركض هو و امي اعلى ظهره شايلها ، ليما وصل الزلمة اخذ المفاتيح من جيبه ، فتح السيارة و رفع الدكمة وفتح الباب الورى ...
خط امي .. صعدت هديوة و الزلمة وجيرانه صويحية امي ، شالوها للمستشفى و انا ظليت اعلى الدرب اربي و ايجي .
رديت للبيت صكيت الباب علي و يجي لينا انهد حيلي، ما نشفت دمعتي اعلى امي ليما ردوها .... طلعت بساع هديوة وجيرانة كايدينها و هي كوة تمشي و عباتها اعلى راسها .
حضنتها و گمت ايجي، ميلتني عنها هديوة وكالتلي : خليها ترتاح .
ناومنها و هدية تكلها : سمعني الدكتور شيكلج . القهر موش زين .. لا تبجين بعد
وهي تردهن : جا هو بالكيف ، وحيدي الراح موش اي احد .
جا البجي يرده يا يمه اعلى ساعة المونين ياهو الاثنا, لا تكولين ابوي ، عكب عيدج وعلي تطيع.
کامت تهز براسها و غمضت عيونها ، كعدت عد راسها احبن بيها ، والمرة جيرانه ظلت كاعدة وتحجي وياها و تواسبها خوالی اجو علينا ونسوان حوالي وصرنا هوسة .
جانت ليلة جمعة امي ما رضت الا تسوي ثواب، ما تعدي الليل حتى يو عي مريضة ، كمنا سهينا تمر بدهن حر و خبزنا صفطة .. وسوينا ثواب خبز و اصابع تمر وخضرة ، طلعت انا و نوسة
وياي نوزع اعلى البيوت وتكللهم : اقرو الفاتحة الستار این كواحد .
وهم يترحمون اعليه.
ردينا المغرب امي كعدت تصلي وتسبح ، و شغلت كاسيت قرآن وبيه سورة يس ، يقرا وهي تردد وراه، پس ما تلحك ، هكو جلمات صعبات وما تنطقهن .
كلت الها: يمه موش عدنا قرآن اقرائج انا كالت : نسبت انت تقرين ، كربي اقري الاخوج ..
كعدت افرالها و هي سبحتها بيدها ومدنجة وتستمعلي .
ثاني يوم جان عطلة .. يوم جمعة
ما داوميت بس ظل فکری عد خنجر لمن يعاين للمرة ، كلما اتضكره اتضايك و حيل انقهر .
داومت يوم السبت و هو اجاني من الصبح لا حجيت وياه ولا كربيت ، بس من نزلت من سيارته خاطر اتمشى للمدرسة، صفت سيارة أخرى ونزل منها حيدرة استحيت انهرنه و هو الفرع النا
بطيحة امي .
من شفته كلت اله : انا اشكرتك اعلى وكفتك ويانا وشيلتك الها .
لا جا هي بحسبة امي وهاذ واجبي
اي بس لا تكرب من كون الحارس يو شافك تمشي حذاي بكل المدير علي
انا ما رايد اضو جنح بس انا رايدج أعلى سنة الله ورسولة ، اذا ترضين اودي اهلي اعليكم
يخطبونج الي.
جا وكت خطوبة الأربعين مالت اخوي ما طالعة بعدها
امش هسته و بعدين عود
جا انا ما كلت هيچ، حجاية بس احجزنج الي .
جا خوش انت شتكولين تامرين
ضحكلي ومشى ، داومت بمدرستي ، ليما طلعت ... سفت خنجر و حيدرة واكفين ، و خنجر
معصب و ذاك داير عنه .
کربیت ... خنجر خزرتی و کال : اصعدي .
حيدرة ظل يعاين على صعدت ويا خنجر وهو صعد يساع وحرك السيارة اندار على وكال :
شعرج ويا حيدرة هااااا ..
لا تصيح عمي شمالك.
انا مو عمج ولا ابوج الكو*** اخوی ، خوووش
لا تغلط
عينج تستحكين ... يت و ساحلة وحيد من السلف ليجلى مناطرج بالباب شنهو معناتها .
هو لحكني انا شعلي
- و عليش يلحكج ؟
كالي اريدن اودي اهلي خاطر يخطبونج
وهو منيله اهل هالمسربت هاذ لا تخلينه يبع بعكلج حلاوة و يخدعج ، عيب
عمي انا لا كتله تعال ولا ضحكت وياه عليش تحج وباي هيچ .
وما نهرتي
جا غیر ساعد امی
وساعد امج شنهي تحليلة ركيه
- عليش تصبح الله
فتيتي افااااااادي ، هاء لو شفته بعد كرب مدرستي الدنيا احركها
واذا شفته شعليك .... انت موش ولی امري ، خليك تعاين للرايحة و الرادة .
ها يعني مكيف للوضع انت
ما يخصك .
هيج الحجي، جا خوش .
وكف السيارة اباب مدرسة ياسر ، ونزل من السيارة وكف ليكدام و يدخن نتن ، ظليت كاعدة واعاين ليه و ايجي ، ذب حكارته بالكاع ، سحكها و اندار يعاين على بعصبية.
شافني ابجي تغيرت اعلومة وتوجهه للسيارة صعد و کال : عليش تبجين .
ايجي منك.
ما عاد اصبح ولا الي عرض بيج ، كفي
انا موش من صباحك ايجي
- جا منیش ؟
ايجي عبدك ما تفهم
افهم شني ؟
- اللي ما رايد تفهمة
عشكج ذاك مالت طفولة وطيس جهال .
وانا كبرت وصار عمري ١٤ سنة والبكدي بالسلف عدهن جهال ... انا مو جاهلة .
تنهد : انا ما اعرف شكول ، بس أنا جبير وموش بعمرج ، افهم موش غبي وما افهم نظراتح واول امس من عاينيت للبت جدامج متعمد هليت تصدين عني ، بس جاي تجريبي ليج .
باجر تتخرجين و تشوفين الشباب اشكال وارناك وكنها تكولين انا شعدي عشكت هالشايب هاد المهتلف لاهو دارس ولا هو بعمري ولا يناسبني ) واطيحن انا بضيمي .
- بس انا راضية .
بعدج بعمر الطيش و بو كبرتي تنندمین اعلی عشکج هاد ... وتلكيت الأحسن مني.
درت عنه من شفت يصدني عنه ... ظليت دايرة عنه وعيوني موجرات بس احد يحاجيني ابجي
... اجا ياسر صعد ومشى بالسيارة ليما وصلني للبيت .
وصل ياسر لبيته ، واخذ السيارة وصفاها غاد عن المضيف و نزل ينطي المفاتيح السرحان
هاك
سرحان - شو هالا بلا سلام .
لا اريد اروحن دايخ شوي
اوووكف
شراید
- هكو شي
لا هيچ متضايك شواي
اعلى بالي تطلع بر الليلة دام ما عدي طلابة ولا شي بالمضيف، خلنا ناخذ الخيمة و تخيم بالبر
و تصيد طيور .
تسوي فضل محتاج اطلع للبر ..
انطر ليها البن عكالي والفن الفترة واجبين الكسرية و أحبك .
طلع سرحان للبيت .... اول ما وصل ملوك تلكته و كالتله : ابشرك
- خير ان شاء الله
رادیون جایت ولد
ع الخير بالخير .. صكد .. يعني ؟
امس جایت و خابرتني اليوم جسام فرحان الدنيا ما واسعته من الفرحة .
الله يديمها ان شاء الله
فخرية : يو جايبة انا تفرح بيه هالكثر
ملوك : جا انت حطيتي عيونج اعلية عين فرح لاخته ، شكتر نفسيتج ضيجة
سرحان : انا راح اطلع برا و یا خنيجر .... ياله اترخص منكم
جا نمش ليها ؟
باجر اذا عدى كعدة ويا ال مطشر ، بعد أمس نمش ان شاء الله .
ان شاء الله .
دشيت ليست الدشداشة السودة و اشماغ ابيض لفيته اعلى راسي ، و حطيت حزام ... وبيه
سجاجين و خنجر وورور .. اعلی کنر ، حدیث کسريتين و تضكرت ابوى ساعة الجنت اطلع وياه
بر ... ترحمت اعلیه و طلعت .
خنجر واكف ناطره ، ذيله الكسرية وكاله : اصعد .
صعد سرحان بالصدر و خنجر احداه و طلعو البر، يصديون طيور .. صادولهم خمس طيور حرة
واختارونهم مجان ، سرحان وكف ينصب بالخيمة و خنجر شعل النار ، وكعد ينظف بالطيور و بشويهن.
ليما خلص سرحان الخيمه الكرب الخنجر : هااا
كاعد اشوي
الجو هنا بيه جوية برد . يو مزودين البطاطين ، موش احسن .
حلاتها ابردتها اكند .
كمت احطن الطير بالعود و اكضنه اعلی آثار خاطر بنشوي ، كام خنجر يطرب و يغني : عمري جزة ثلاثين وانت زغيرة وانت زغيرة، اسكت اظل محتار والسكته حيرة و السكته حيرة.
ها يخوي شو جنها السكته حيرة.
اي والله يابن امي ... السكته حيرة و حيرتني وياه.
الله لا يحيرك يخوي ، كلي شمالك ؟
الضيم مثلتل اعلى افاري بسرحان
عليش ؟
الحجي هواي .. مدري موش هوای لجن مدري شلون اشرحته .
افتح كليك واحج
- يصعب
كلبك طايح يخوي
اردن للعشك يو عيب
مامش بالعشك عيب غير الفراك يخنجر .
وانا هاذ الخايف منه .
و با من موهدن كليك
و يا بت يو انا معرس بنی بكدها .
شمالك ؟
عرفتها وعلى
كول
اخت العاشكها كلبي يو انا غلطان.
الا هي يخوي ..
- عشكهن يشيب الراس يخنجر ، لا اتبوب منه ولا هو يتوب منك.
البت زغيرة يسرحان
لا موش زغير البت تدرس بس البكدها وازغر منها معرسات و هالامر بالسلف ماشي عليش
محرم العشك اعلى كليك .
جبير اعليها وموش بكد احلامها
- شكير عمرك ...
٣٧ سنة
بعدك شباب يخوي كول يالله.
كول عشكتها .. و التالي هم ارد للعشك واهوی و انصد وارد انكسر ، بعدها ذيج السالفة تلجم بكلبي .
انا اكولن يو تنجب وتروح تجيبلنا البصل والطماطة البسيارة هواي احسن ، باله.
ضحك ... وكام يجيب ، ورد كعد حطينا الطيور واتعشينا ، وصوت الواوية ابعيد عنه .
كملينا وكعدنا جدام النار تذب اشعار .. هو يشعر أعلى هديوته و انا اشعر لحالي ....
سرحان : حایر شلون اخليها تطلك خايب طك كلبي و العباس .
الوكت موش وكنه ، يو مشت بطلاك هسه و اخوها میت راح يلومون و يتحججون اعليها .
وانا خايف أعلى ساعة يرد اقليح ويطلع ما ميت وأتوهدن يخنجر .
جا ويو رد ... هي ناوي اعلى الطلاك
اخذها مني ، يو رد ما تطلك .
- كول الله كريم .
الله كريم ... هو انا عايقها اعلى الله وابو الحسن علي.
ظل صافن بالنار .. ورد يغني : عمرج عمر قداح صعبة التوالم ... صعبة التوالم ... صعبة علي تدرين جلمة العالم ... جلمة العالم ..... ادنيا بيها اختير مثلج يحبون ... عمري جزء ثلاثين تتوالم تلون .
وانا اردد وياه واغني ... وخلصينا الليل كله نفني، ليما نعسينا ونمنا بالخيمة ... للفجر طلعنا الحبشة للسلف ، انطيته السيارة خاطر يوصل یاسر و پردها ليه.
مشي خنجر واخذ ياسر ورد على جمارة اخذهم وراح للمدرسة ، بس عد ما وصلها ، شاف حيدرة صاف بسيارته ... ظل خنجر واكف خاطر يشوفها لحد ما ادش للمدرسة ....
ويا ما نزلت تمشت حيدرة نزل من سيارته ، خنجر طفى السيارة و نزل بساع ، كضاع من ياخته : لو كريت منها السجينة هاي احطنها بين اضلوعك افتهمت.
جمارة جاي تمشي للمدرسة الدارت وشافن خنجر و حيدرة واحد كاض الآخر ، ركضت ليهم و هي تصرخ : خنجر ابعد السجينة من ايدك خنجرررررر
التفت ليها و هو يكللها : امشي منا اااااا لج .
فرت من صرخته ، و یا صرخ خنجر بلسه حيدرة و دفعه للكاع و نام عليه ، و المطلوا بالكاع يتعاركون .
وهي تيجي و الناس قزعت تفاكك بينهم، جروهم عن بعض و خنجر يكله : يو جنت زلمة واجهني بالجول .
حيدرة : اواجهك و العنع اعظامك
تتواجه يحيدررررررة نتواجه
اندار و شافها واكفة و الناس تجربه ما حجه و پاها خاطر لا يشركها والناس تنتبه عليها وتعرف السبب هي يعركة الاثنين ... خزرها خزرة شلعها من الكاع و مست تركض لمدرستها و صاح بياسر صعده ووصله للمدرسة وطلع للجول .
لكه حيدرة متانية وكاعد أعلى البنيد مال سيارته ، صف السيارة خنجر و نزله : شعدك وياها ولك
انت الشرايد منها
دفعه : مالك غرض شرايد منها
لا تدفع لك .... انا رايدها موش مثلك العب اعليها .
البت تخصني ويو كريت منها جدمك احسنها الك افتهمت
خلنا نشوف ياهو البحش جدم الآخر.
كض واحدهم يهدم الآخر وتماطلو يتعاركون ... بوكس اعلى بوكس ، دفرات مجاتل ، ليما فزعولهم ربعهم وفاككوهم ... اثنينهم مدمایین .
طلعت من المدرسة الساعة ١٢ الظهر ...
هو واكف ووجهه ما يتشوف حاجبة مفتوح و حلکه مفتوح ... و شحوط بوجهه و زراك اعلى خشمه
حمارة : كربت منه وانا اشوفن وجهه أعلى حال ما يسر ، بساع حجیت : شماااالك شصاير وياك ؟
مالح غرض ، اصعدي باله .
صعدت وانا عيني اعليه صعد وشغل السيارة وكالتله : ياهو الطاكك
انت مااااااااالج غرض ما تسدين .
- عمي شمالك
انا مو عمج ولا سايك الخلفوج ولا اشتغل عدج افتهمتيييي .
جا اذا هيچ ، وكف خل انزل
خاطر تروحيله موووووووو
اروحن الياهو انت شمالك
لها القندرة ابن .
شني لا تفشر هيچ كدامي ما تستحي انت
- لا ما استحي وخارطها كلش وواحد صايح سرسري هتلي وعيني عين كح **** لا اخاف ولا
استحي خووووش .
انداريت عنه ما أكثر احمل فشاره، وكف عد المدرسة مالت ياسر و نزل كعد أعلى البنيد و يدخن
... ما جای افسر صباحه های شنهو .. و شعایر ویاه و هیچ وجهه متفشخ ؟
طلع ياسر من المدرسة وصعد وهو ينشده : شمالك عمي ياهو الطاكاك
يعاينلي بالمرايا ويخزر و يكول : هیچ عمي مامش شي.
تواجت انت و حيدرة بالجول مو ؟
هد عنك السالفة ابني ، وركز بكتيك .
اندار عنه ياسر ما سأل بعد ، وصلاني للباب عدل، الباب جدام الباب ، و نزل من السيارة و كال :
عايني
شكو ؟
يو شفتح مكربة من حيدرة وعلي لاندمج اعلى اليوم الشفتيني بيه ... افتهمتي ..
و يا ما حجه فتحت الباب اعديوة اعلى حس السيارة طلعت .... من شاف هدوة صعد بعصبيه و
طلع يدربه .
هدية : شماله های ولیش هیچ وجهن
متسودن
- عليش ؟
جا غير يو افهم انا شكو
ووجه شماله
- تعارك ويا حيدرة
دسكتي وقوتي جوا لا تحجين لاحد .....
فخرية : امس وين جنت
بالير
بالبر يو بغيب مجان ؟
بغیر مجان وین
الدنيا ما تتأمن وما تعرف الدروب شنهي خاطر اكلك وين
دام ما تعرفين اكرميني بسكوتج
- خو من احجي الحجلية تتنرفز يكوم يحكك جلدك كوة صابر علي ما جني مرتك
ظل يبدل و ما يرد عليها : موش احجي وياك
شرايدة
رايدة تحس بيه يو مرة بعمرك وتكول عدى مرة انشدها شلونج شيو جعج شنهو حالج
مقصر وياج بشي ؟
كل هاد و تکلي قصرت وياج بشي
خليتي صابر ا على اهمالج الولدي ، عدالج ما اشوفن امي التلبس واداري و انت كاعدة ولا يمج.
خليني بالع همچ واكولن خيلى وما احاجيها .
هالدور الحك صار الك
سكت عنها ، ردت حجت : امس تاخذ ملوك البغداد موش بو لاله
اي
اروحن وياكم
وباهو الكاضج روحي
- بس انا اكعد بالصدر ..
ها لتفكير هاذ منين تجيبينه، ما عدج شغل و عمل تتصفنين و اطلعين هالافكار هاي التسميني بيهن
عليش اسمك ، جا شني تريد ملوك تكعد احداك وانا ورى ... انا الشيخة موش هي
دامج شيخة اعرفي الأصول كيل لا تشيخين اعلى الوادم، والأصول يكول احترام الجبير واجب يو شما جان ردي ...
المثلها ما تستحك الاحترام.
لا انت ولا هي اخذ امي تكعد احذاي من كون انا يو شما احجي وياج لا انت تفهميني ولا انا افهم اعليح و اعلى افكارج الما ادري متين تجيبينها .
- موش جديدة ، بو هدوة التحجي جا ركزيت بكل حرف بیه و فهمت رطنها بس انا تسمعني من طرف اذنك ها لما تفهم على .
تنهد :- صبرك يا علي بن ابي طالب .
الجهال اخليهم يم امك
موش كلتلج امي تروح ويانة
جا وين يظلون
ما رد عليه و تعدد نام .
الثاني يوم ... كعدوا الصبح ، نظر ليما خنجر جابله السيارة ، ياله خبر الأهل يطلعون ... صعدت امه بالصدر ومأمون ومروان يحضتها ، وملوك وفخرية وليلة مرت زناد وفخرية صعدن ورا وجهال
زناد و باهم.
نعمة : بوية بوية
ها بنعمة
جابك بخبر
كلي جسام
عد يظنك يبوي.
- شنهي الأخبار ؟
اظنن حسام ابغداد
وضلون عرفت
سرحان ذيب يكول ما تعرف بس انا متوكد ۱۰۰ بال ١٠٠ يعرف و ما يكول .... واليوم شفته الصبحما خذ ام زناد و مرت زناد و مرته وامه ومعروف مطى وجهه لمجان ابعيد .. دزیت وحید خاطر اعرف سرحان لیوین متوجه .. و جابولي الخبر .... الشيخ سرحان طلع لبغداد عده شغل غاد.
جاسم : بس سرحان صكد عده شغل غاد و دومه يروح و يرد للديرة
سلطان : لجن ما ياخذ العائلة، دام ام زناد وياه يظهر السالفة بيها انه من كونه ما يطيكها خاطر يطلع بيها لبغداد الالسالفة تخص ملوك .... ومامش وحيد يخص ملوك عكب ولدها غير بتها رادیون .
نعمة : وهاذ الأريدن أكولته .
- اسمع تدور بغداد تیر شیر و اطلع جسام منها ويو لكيته ... لا نحسبه اخوك ولا ترجمه .....
