رواية دخيله الشيخ زين العابدين الفصل الواحد والسبعون بقلم أوتار حزينه
هيله
ودعت امي وخواتي وطلعنا لدار الزين
طول الطريق ساكته
جدته يمه وامه يمي
يمان بحظني نايم وشعلان بحظن عمه كلما ارفع عيوني اشوفه صافن لي ومبتسم هالنظرات وش تعمل بحالي تخربط كلشي بيه وتخلي گلبي يدك بجنون شعور ابدا ماعرفته الا ويا هو
وصلنا اجه فتح الباب واخذ شعلان من ايد امه نزلت بيمان كال
جده هساع اجيج بس اخلي الولد بالغرفه
روح يمه
سريت معه امه طلعت جدامنا اخذنا الولد للغرفه الجوه خليناهم على الجربايه كال
اروح اجيب جده
طلع من يمي لحكته وكف يمها نزل رجلها عدلت لها الصايه انتبه لي ابتسم
جرها علي وحظنها جبت الكرسي بسرعه وخلاها بها
تعبتك يايمه
لاتتكلمين هالكلام ياجده تعبج راحه عندي
الله يرضى عليك راضي مرضي مثل ابوك الله يرحمو بترابه
امين
ردينا انا ويا دفعها لجوه واخذها للغرفه دش بها وخلاها بفراشها وكفت
يمها ذبيت عباتي وسالت
اذب لج الصايه
اي يمه خل عاد ارتاح وانام
وخرت لها الصايه والشيله عدلت حالها وكالت
الله يرضى عنج يايمه فرحتي گلبي المهموم بهالرجعه
ويرضى عنج ياجده محتاجه شي
لا روحي وطفي الكلوب
شلت عباتي طفيته وطلعت من يمها سريت للغرفه
البها ولدي نايمين عمه اجت فرحانه ووجهها
يضحك حظتني وكالت
مبروك يمه فرحت جثير من شفتج بدارنا انتي وولدج
دومج فرحانه ياعمه
عيوني راحت للزين دش مبتسم وفرحان
خجلت من نظراته هو وامه
الجانت تدحك لنا وفرحانه بينا سرت من يمنا وراحت
للغرفه مالتها
راح لغرفه الولد رحت وراه دشيت شفته واكف وصافن لولدنا دار وجهه عليه وكال
بغصه
مو مصدك حنا انجمعنا تحت سگف واحد
سكتت صافنه له كمل
الحمد لله والشكر عگبتي لي قبل لاااسري للموصل
هزيت راسي بأي جهازه دگ يمان گعد يفرك بعيونه رحت له خليته بحظني تارجع نومته
الزين طلع من يمي يتكلم بجهازه اسمعه يكول
جاي عگب باجر ااي مااتاخر عليكم
غمضت عيوني وذبيت حسره دعيت له بگلبي يروح ويعگب لنا سالم مابه شي
نيمت يمان وكمت ادور الجنطه اريد اطلع جهازي
ماكو طلعت ادور على زين ماهو
سالت عمه جانت بالمطبخ
تاخذ مي
عمه ماشفتي جنطتي
يمكن صعدها الزين لفوك
هاا هو وينو
ردت بحزن
طلع يتكلم وي الولد ويهير بهم
سكتت كملت بقهر
ماعاد تفض هالحرب يايمه اكلت جثير اوادم ومن كل حدب وصوب
اي ياعمه ادعي له يروح ويجي سالم من هالنار الي حركت الاخضر واليابس
امين يسمع منج ربنا
اروح اشوف جهازي بالجنطه
روحي يمه
سريت من يمها وصعدت لفوك دشيت لغرفتنا وكفت بالنص صافنه على كل ركن بها واتذكر كل لحظه جمعتني ويا اشوفه يضحك لي ويشاقه
تنهدت من هجمت الذكريات الجميله شفت جنطتي على الجربايه رحت
لها فتحتها جهازي موجود فتحته امي متصله وخواتي سمعت حركه رفعت راسي
دش وسد الباب وراه
گلبي كام يدك بجنون من شفت نظراته لي گرب لي ماتحرگت خله مسافه بينا رفعت عيوني له تفرس
بملامحي والشوگ مفضوح بعيونه
ياگبر فرحتي من شفتج بغرفتنا
مارديت كمل
نورتي بيتج يبعد حي وميتي
مااستجريت ارفع راسي له گرب بعد اكثر مد ايده وحظن خصري جابني
بهداوه لصدره كمل
شلون راح اروح عگب باجر وافاركج يولي
تكلم بصوت مخنوك ورديت گوة
لاتروح
ااوف ولج
كال هالكلام ونزل بسرعه حبني بقوه لمني لصدره جن يريد يخليني جوه ضلوعه شالني لفوك يحب بخدي وعيوني بلهفه
ضعت بين ايده والشوگ جان متبادل بيني وبينه نسيت الوكت ونسينا كلشي
وعشنا احلى ليله بعمرنا
هو جان شبه فاقد مو مصدك انا صرت بين ايده حاظني لصدره ويحب بيه كل مشوار ويردد
جنت ميت وهساع ربج حياني
حظنته بقوه دمعتي بعيوني كلت
وانا هم يازين ماجنت عايشه ميته والله حياني من صرت بحظنك
حبني من شفتي بقوه يلم بيه لصدره كلت بدموع
شلون راح تهدنا يازين انا بعد مااكدر للفراك تعبني هالشي واريدك حدي وجدام عيوني
بس هالروحه ياهيله النصر لاح يولي وذاك راح نگضبو بايدنا
سكتت اشهك بحظنه حب عيوني وحده وحده يردد بغصه
گويني يولي تراني بس من يمج ضعيف
وانا بعد محد يكسرني غيرك انت وبس الي تكسر ظهري يازين جربت هالشي وشفتك شتكدر تسوي بي
ااخ ولج خاطري كلو يمج ويريد يهد كلشي ويظل يمج لجن الجلمه يبت العرب
لازم اوفي بها
سكتت مااريد اتعبه ولا الح علي هاللحظه ردت اعيشها معه بحلوها مو مرها
حبيته من رگبته وشميته
بنفس طويل كلت
احبك ياشيخ گلبي وروح الروح
حبني من شفتي وطول حظنته بقوه اريد اختل بين ضلوعه ولو يرهم والله اروح ولا اعوفه لحظه
زين العابدين
مانمت بذيج الليله حاظن هيله لصدري ومو مصدك هي بين ايدي ونايمه حدي حمدت ربي هي عگبت لي وصرنا انا وياها ولدنا بدار وحده
سريت للموصل وخليت اهلي ورايه انا بالطريق دعيت الله ينصرنا على ذوله الجلاب ونرفع رايه العراق بأرضها واعگب سالم لهم
🌿🌿🌿🌿🌿🌿
ليان
ظليت ايام انزف وهالشي سبب توتر وقلق عند مالك وداني للدكتورة مره ثانيه
وهم نفس الكلام
نامي على ظهرج ولا تتحركين حملج مهدد
بالخطر
انطتني ادويه وابر كلها مثبته للحمل ظليت جوه بالغرفه متمدده افكر شلون
اخلي مالك يرتاح من البي
اعرف اهل لميس كطعو صلتهم ويا من وره الصار وحملو ذنب موت بنتهم
وهالشي سبب عذاب اله
وجاي ما يخليه يرتاح
شفته شلون انهار وشلون بجى بحظني وهو يردد
طيبه وبريتي الذمه لايهم اني مين اجيب لميس حتى تبريني الذمه
روحي انمردت عليه وما عرفت شلون اخليه يرتاح من البي
نوار طبت عليه شايله كيان نايم خلته بجربايته واجت ليمي كعدت وسالت
مالك يتاخر
اي كال ماراح اجي للعشه
يااا هاي ليش بارحه مااجه ولا اول بارحه خلي يرتاح كاعد يتعب روحه بالشغل
هالايام
اخوج تعبان نوار وكاعد يلهي روحه بالشغل حتى ينسى الكاعد يفكر بي
صفنت عليه وردت
بعده بذيج السالفه
اي بعده يبين كدامي طبيعي ويتصرف وياي عادي بس اشوفه بدون ماينتبه
اليه يصفن ويروح بغير عالم
استغفر الله ياربي مااعرف شاحجي هو شعلي بالصار صح جان ماشي بدرب مو حلو بس والله بطل من زمان لخاطرها هي وتاليا بس هي الله يرحمها ما سكتت ظلت تشك بي ويوميا مسويتله مشكله
حقها نوار العلاقه الزوجيه تخرب من تنفقد الثقه بين الطرفين وانتي كلتي هو جان ماشي بدرب مو حلو يعني شرب ونسوان شلون تريدها تامن بي بعد الشافته منه
هزت راسها بأي
سالت وره لحظه
اكلج نوار هم بيت عمج ابدا بعد ماحجو وي عمي والولد
لاا كطعو الصله فد مرة وهالشي قهر ابويه كلش لان هو الجبير وشفتي صار علينا شغلات هوايه وهو لا اجه ولا بين حتى اخر شي من سوه ابويه عمليه المراره وصار فد مرة هم مااجاه ولا سال علي
سكتت وكملت بقهر
اذا مالك خطا ابويه شعلي ليش عمي باع الاخوه من وره غلطه ليش عاقب اخوه وهو ماله ذنب بالصار
شال گلبه على الكل
اي الظاهر هيج
زين محاولتو تصالحون وياهم
ابويه راح الهم ومااستقبلو زين ورجع مقهور وصاير فد مرة
سكتت كامت وكالت
اروح اخلي العشه
هزيت راسي بأي طلعت ورجعت وره مشوار جايبه صينيه العشه مالتي
خلتها يمي اجت توته وياي تاكل اباوع عليها وافكر بيها كبرت وبيت جدها ولا فكرو
يشوفوها او يسالون عليها
🌿🌿🌿🌿🌿🌿
هيله
الزين مااجه بعرس بفزاع من وره الانذار الي دخلو بي گاله اخذ ولاتتأخر وسوه مثل ماگاله
واكفه بعرس ريمه ادحك لها طالعه تخبل والعيون عليها مبين عليها مرتبكه
وخايفه كلش
كالو اجه فزاع
دحكت لي بخوف رحت يمها وكفت
دش والهلاهل اشتغلت يمنا من اهله وناسه
ريمه
جنت خايفه من هاليوم وفزاع ماساعدني ابد ظل يتحارش بيه بكلام يخليني
اموت من الخجل والخوف
دش والهلاهل اشتغلت رفعت عيوني له وشفت نظراته المو راحه ابدا جدام الكل
هو ثگيل لجن بي اظل وحدي ويا اشوفه يصير شخص ثاني
نزلت عيوني اجه كعد حدي ماحجه شي وره مشوار كالو خلي نزفكم كمت اطكطك من الخوف
دحكت لامي وهيله يشجعن بي بنظراتهن گضبني من خصري كمت ويا امي اجت بوستني هي
وخواتي ووصته عليه وهي تبجي رد
بعيوني اخليها عمه وشوكت ماردتيها اجيبها لج
تسلم يمه وبارك الله بيك
طلعت ويا ابجي من وره فراكهم وماريد اروح ويا خايفه منه ومن نظراته،،،،
اجه شالني وكعدني مثل الطفله ليجدام بسيارته
لان راد هو يزفنا بنفسه
هيله اجت بالزفه هي والهنوف
بس صرنا وحدنا گضب ايدي وكال
وج شطالعه اليوم راح تخبليني بهالليله
مااعرف شلون انهديت بي وطلع صوتي
فزاع ااش ولا جلمه
ههههه
خرب ضحك مال عليه وغمز
خايفه يولي
نزلت راسي وگضبت الورد بقوه كال
ماراح اسوي شي منا الما تهداين وتتعلمين عليه
متت من خجلي من كال هالكلام كمل بضحك
فگيها عااد وخلينا نفرح
بهاليوم
دحكت له وسالته بخوف وخجل
اكيد فزاع
هز راسه بأي گلبي شويه ارتاح بس نظراته اليه رجعت الخوف اله وكلت هذا كاعد يجذب عليه
وصلنا لدارهم كال
غطي روحج زين مااريد احد يشوفج
غطيت روحي دش بالسياره لجوه هيله اجت هي والهنوف نزلني هو وياهن دشيت لجوه بنص الهلاهل والجكليت يطش علينا
كعدت بمجلسهم امه فرحانه بيه هي وخواته جان بزر الكعده والكل فرحان بي
طلع من يمي وراح للزلم بره
هيله يمي والهنوف لجن انا احس بروحي وحدي وما اعرف شلون اتصرف ولا شلون راح تمر هالليله
وره ساعه امه كالت
يله يمه اصعدي قبل فزاع لان راح يزفوه الولد
حيلي راح والورد كام يرجف بايدي هيله كومتني وهمست يم اذني
لاتخافين يولي هاي ليله عمرج انتي وفزاع لاتضيعيها من ايدج بهالخوف
غير لو كدرت ارد بس اهز براسي نص الكلام افهمه والنص الثاني لااا
صعدت لفوك هي وياي واخته الجبيره دشيت لغرفتي تجنن فخمه وهو ماقصر بشي جابه كله غالي اليه كعدت لان ماظل حيل
بيه اخته كالت بضحك
ريمه راح تخرب علينا ياشيخه
ااي اظن هيج
اختي ردت عليها سمعت هوسه الزلم جوه فزيت وكمت خربن ضحك عليه عيوني على الباب الهلاهل وصلت ليمي دش وهو يضحك مع امه تهلهل له هي واخته
تعال يمه وافرح بعروستك
فرحان يمه بس شفتها صارت بداري
رد عليها وعيونه عليه ووجهه يضحك
گرب وصار جدامي امه گضبت ايده وخلتها بأيدي
وكالت
الله يبارك الكم بهالليله ويرزقكم الذريه الصالحه بجاه نبينا محمد ويجعله
زواج الدهر منك المال يمه ومنها العيال
امين
اخته حبته وامه وحبني ويا هيله حظتني وحبتني
گضبتها مااريدها تروح عضت شفتها وسحبت روحها مني وطلعن من يمنا راح سد الباب وراهن وظلينا وحدنا ادحك له گرب لي بخطوات بطيئه وهو يتفرس بي من فوك لجوه درت وجهي منه صار گريب وجدامي مد ايده وخر الگبع مني وكع بالارض
صوفر باعجاب وكال
كيك طالعه بهالبدله واليوم احلي قبل العشه
فزااع اان.....
شنوو
مد راسه ليم وجهي عگبت گضب خصري بهداوه وجابني علي رددت بخوف
انت مو كلت ماار.....
قاطعني يضحك
جذااب انتي مو كلتي لي انا جذاااب جذبت عليج يبنت المله
كال هالكلام وحبني بقوه لمني لصدره بجيت وتوسلت يعوفني لجن جان قافل عليه وره دقائق هدأت بحظنه من كمت اسمعه يتكلم بلهفه ويتغزل بي
سلمت روحي له وجان كلام هيله صدك جانت احلى ليله بعمري
هيله
ريمه تزوجت بهالاسبوع ووراها هاله هم وكفت وياها واخذتها لدار مله محمد
الخجل تارس ملامحها
والخوف ويا
عفتها يم زلمتها وعگبت لامي لان غدت فد مرة انا سريت وهنا ورايه وظلت وحدها وي خواتي الصغار
هاله
شفت بمحمد حنيه ابويه الله يرحمه وعوضني بي وحمدت ربي الي انطاني زلمه يشبهه بكلشي
هم اخلاق وهم دين صلينا سوه وكعدنا نتعشه ما ادحك له من خجلي لف
لي لفه وكال
هاج اكلي من ايدي يالغاليه يبنت الغالي
اخذتها منه بأيد ترجف اكلت شويه
كملنا شال الصينيه وطلع بها كمت غسلت بالحمام تبع غرفتنا طلعت هو دش
سد الباب ودحك لي
مبتسم
رحت كعدت لامه ايدي بحظني اجه كعد حدي
تكلم
الله يجعل لنا هاي الليله مباركه ويرزقني منج الذريه الصالحه
كلت بگلبي امين
كال بضحك
كولي امين
كلت مله
رديت بخجل سال
بگلبج
هزيت راسي ما ادحك له دار روحه عليه وخر كذلتي من عيوني وكضب ايدي ترجف
بأيده رفعها وحبها بهداوه ردت اسحبها منه ماخلاني ردد
ريحتج طيبه
لساني تربط مد ايده حظن خصري وجابني علي غمضت عيوني وعفت نفسي له
صح ماعرفت الحب بس وي محمد لجن هو خلاني
احبه واتعلق بي لان شفته شكثر يحبني وشلون يخاف
الله بيه وحبيت على حبه امه واخته لان نفس طبعه
واخلاقه
هيله
واكفه بالمطبخ ولدي يمي وعمه وجده اشتغل مدري شلون من وره الزين لان كال راح اعگب بهاليوم
خواته يمنا وينتظرنا بلهفه
خابرته كال وصلت للديره گلبي كام يدك بسرعه مشتاكه له لان طول بالموصل مشوار وسمعنا صوت الهورن بره ولدي طلعو يركضون صحت
ااجه عمه
ااي بعد امه عگب الغالي
طلعت له عدلت شالي ورحت وراها شفته نزل يم المجلس ولدي يركضون له فتح ايده لهم وشالهم اثنينهم لفوك يحب بيهم وهو مفرفحين علي
يايمه شوفيهم شسووو علي
دمعتي حدرت من شفته هو وياهم سلم على الواكفين بره واجه علينا شايل يمان
وكايد شعلان
امه راحت له هي والهنوف نزل يمان حظنها اشر بعيونه افتهمت دشينا لجوه جده كالت
وينه يمه
هيانه جده بره
دش رحت له حظنته باسني من راسي كلت بصوت مخنوك
الحمد لله على سلامتك
الله يسلمج حبيبه
خواته التمن علي يحبن بي
راح لجدته نزل حب ايدها وراسها حظنته وحبته من عيونه كالت
هلا يمه هلا بالغالي هلا برفعه الراس
شلونج يالغاليه
طبت يمه من شفتك
ولدي راحو له كعد وشال يمان وخلاه بحظنه وشعلان كعد يمه يدحكون له بلهفه
بابا بعد ماتروح موو
لا بعد مااروح
صدددك يمه
عمه صاحت بفرح كعدت يمه رد
اي يمه بعد مااروح القائد كال اگضب منطقتك انت والفيلق تبعك
يالله بشاره خير يمه هاي
ردت عليه ادحك له لحيته عاليه وضعفان ومبين علي التعب
اكل اريد لكمه الجوع جتلني هناك
اي اي بعد امك سوينا لك هبيط ومشاوي
اغسل واجي اتعشه معكم تاطلع للمجلس
زين ارتاح عم مهنا مامقصر بشي
الهنوف كالت هالكلام ورد عليها
مايخالف خيه لازم اروح اكعد معهم شويه
كام شعلان جلب بي هو ويمان
هاجر اجت گضبتهم وكالت
تعالو شوفو رهف تريدكم
هاجر جابت بنت وولدي تعلقو بها جثير راحو معها زين دحك لهم مبتسم دار وجهه عليه وكال
ام شعلان امشي اغسلي لي وطلعي وصخ الشهر الظليت بي هناك
الكل ضحك خجلت منه ومنهم اشر
امشي ياابه حضري ليفه زينه وحگي الوصخ راح تكع بلاوي
نسااعدج هيله
امنه ردت بضحك
مارديت بس ابتسمت اشر لي اسري وطلع جدامي البنات ياشرن بضحك بايدهن اجلفي زين
مارديت من خجلي رحت للدرج صعدت ورحت للغرفه دشيت جان واكف
يذب بقميصه سديت الباب ورحت له اخذته منه اندار مبتسم صفنت على جرح جتفه وتذكرت من تصوب ووكع بين ايدي مد ايده وحظني لصدره خليت راسي يم گلبه اسمعه يدك بقوه كال
اشتاكيتلج يولي
وانا هم متت من الشوگ
وخر مني وحبني بقوه حظنت رگبته بايدي الاثنين وبادلته لهفته وخر وكال بضحك
ردتج تجين ورايه وطلعت هالحجه
ابتسمت ورديت
اي عرفت من ريحتك الطيبه
سكت و حبني من خدي ونزل لرگبتي غمضت عيوني ورحت ويا بعالم ثاني
🌿🌿🌿🌿🌿🌿
ليان
حالتي شويه تحسنت ومن شفت روحي صرت زينه كلت اسوي الي فكرت
بي
ماكلت لاحد خليت هالشي بيني وبين نفسي العصر اخذت توته وطلعنا بسيارتي لبيت جدها جنت اعرفه وين بحي الجامعه الجنا ساكنين بي مره فتنا من يمه اني ونوار ووسيم وكالت هذا بيت عمي
وصلنا نزلت كايده توته رحت دكيت الجرس انتظرت احد يطلع اليه وره لحظه طلع شاب بكد مالك
باوع عليه وسال
تفضلي اختي
هذا بيت ابو خالد
اي تفضلي اني خالد
سكتت ظل يباوع عليه وعلى توته شفته صفن عليها كلت
اكدر اتفضل لجوه
منو انتي وشرايده
اعرفك ابن عرب وعدكم الضيف ماايسالو شيريد يم الباب
صفن عليه اشر
تفضلي
طبيت اني وتوته راح لجوه اجت مره بكبر عمه ام مالك تباوع عليه وعلى
توته كالت
هلا عيني تفضلي
طبيت للاستقبال مالتهم كعدت اني وتوته
رجال جبير اجه سلم وكعد يمهم كال
تفضلي بنتي اكدر اخدمج بشي
اني زوجه مالك
شفت الصدمه بوجوههم كملت من باوعت لتوته
وهاي تاليا بنت بنتكم
خالد كام وكال
انت شجابج علينا
ااكعد واحجي بأدب وي الضيوف الدايسه بيتك
ابوه رد علي بغضب
كعد بس يباوع عليه بخزره امه كامت تبجي اجت لتوته خافت منها ولزكت بيه كلت
عيب ماما هاي بيبي كومي سلمي عليها
ماما مايردونا خلي نطلع منا
لاااا تعالي بحظني اريد اشم ريحه لميس بيج
جدتها حجت بتوسل ماده ايدها الها
كمت وكدت توته وديتها
ليمها حظنتها تبجي وتشهگ
دموعي نزلت توته كامت تبجي سحبت روحها من عدها واجت لحظني باوعت
لجدها كام يبجي كدتها ورحت اله كتلها
سلمي على جدو
هزت راسها بلاا مد ايده واخذها لحظنه يبجي بصوت
خالد وجهه انطعن وظل يباوع الها بعيون مغوركه
تشبه لميس تشبهين امج تاليا
جدتها رددت هالكلام
واجت تحظن بيها
كعدت هي يمي وجدتها كلت
عمو اعرف مالك غلط بحقكم وحق لميس الله يرحمها بس هو دفع الثمن وظل عايش بقهرها لحد هاي اللحظه
اي واضح من هذا اخذج
خالد رد
وجاوبته
مو احسن مايروح للحرام الي عافه لخاطر اختك
مو زين اخذني حتى اربي توته الي انتو عفتوها من هي بالكماط وماسالتو
عليها
رد بعصبيه
جاايه تحاسبينا انتي
لااا بس انت حجيت كلام واني رديتك
عوفك منه بيت عمو ليش كطعتو صله الرحم بينكم
وبينهم
سكتت وكملت
عمو تعرف اخوك تمرض هوايه وهو بشده مرضه ظل يذكرك ويريد بس
يشوفك
من وره ابنه كطعنا هالصله
اكلك اي بس هم شنو ذنبهم تنگطع هالصله
من وره مالك
زين وتوته ليش محد منكم يسال عليها مو هي بنت
اختك ليش ماسالتو عليها هي مو من ريحتها جان كلتو لخاطرها هي ولخاطر شوفتها نرضى بس وي بيت عمي حتى تكدرون تشوفها
يمه والله گلبي نار عليها واريد بس اشوفها بس شأسوي مالك قهرني بلميس راحت زعلانه علي ومقهوره
خاله حقج والله بس مالك تعبان من الصار ذاك اليوم انهار وكام يبجي عليها
يگولي راحت زعلانه عليه ومابرتني الذمه
كمت ابجي وهي وياي كملت بغصه
مو لخاطره هو لخاطر الاخوه عمو ولخاطر تاليا
تصالح وي عمو لان تعبان كلش ويوميا متخربط من وره قهر الصار
صلح ويااهم ماانتصالح
خالد حجه ابوه اشر اله
ااش اسكت اخويه اذا صار بي شي يكسر ظهري مو ظهرك
واختي ماكسرت ظهري يابه ماشفت شسوه
بيها
كافي ابني منا بنتها
سكت يباوع لتوته لازكه بيه وخايفه منهم
جدها كال
يابه انتي بنت اصول ربيتي بنتنا وخلفله عليج وهاي ماراح انساها الج ولا ربج
راح ينساها
توته بنتي عمو احبها هوايه لو تريد روحي انطيها الها
الله يرضى عليج يايمه من اجيتي وجبيتها جنت بس اريد اشوفها گلبي نار عليها
من هي بالكماط ماشفتها
خاله شوكت ماردتي تشوفيها خابريني اجيبها الج
سكتت فرحانه كلش كمت توته خلت ايدها بأيدي كملت
اترخص واعتذر على الازعاج وياريت محد يعرف اني اجيت الكم لان تصرفت من ذاتي وردت القلوب تصفى بينكم وحتى هم تشوفون تاليا
لا بنتي ماكو اي ازعاج وبارك الله بيج من جبتيها وشفناها
يله توته سلمي على جدو وبيبي وخالو
ماما
ردت علي بخوف كلت
يله ماما ذوله اهلج ويحبوج
اخذتها الهم بيبي حظنتها تبجي وتبوس بيها وجدها حظنها وكفت يمه تباوع
بخوف لخالد نزل ليمها
بوجه مطعون حظنها لصدره وخر عيونه مغوركه وكاتم دمعته
من رخصتكم عمو
كدت تاليا وطلعت الحجي والحجيه ورايه اجوي كعدت يمي تباوع عليهم
سلمت ورحت صعدت حركت اشوفهم بالباب ويباوعون علينا
وره ايام اني بالمطبخ اسوي كاسترد للتعلوله
نوار اجت عليه وكالت بفرح
ووج ليونه شلون اخبار حلوه راح تسمعين
يالله شنو الاخبار الحلوه فرحيني وياج
بيت عمي اجوي على ابويه
ابو خالد
ااي وج اجه هو وعمه نعمه وخالد حتى يشوفون ابويه واحزري منو جان هناك
وتراضى وياهم
فكيت عيوني وتذكرت مالك كال
اروح اشوف ابويه واتعشه هناك
ماالك
اااي تراضه وياهم وابويه فرح كلش بجيتهم وماقبل يطلعون من يمهم الا يتعشون
الحمد لله الحمد لله
مالك راح يرتاح
اي وهذا الي اريده
صفنت عليه من كلت هالكلام سالت
شنو ماافتهمت
ماكو شي انتي منو كلج
وج زينه خابرتني وبشرتني بالصار
يبوو الكاسترد هسه صار جبن
ههه عوفي راح اخابر وسيم يجيب كيك وحلويات اريد اليوم احتفل
راحت من يمي كعدت مبتسمه واحمد الله لان كلامي وياهم جاب نتيجه
مالك
رجعت من يم بيت اهلي احس براحه لان تراضيت وي بيت عمي وبروني الذمه
نزلت يم بيتنا شفت وسيم اجه وكفت انتظره نزل سلم وجاب علاليك كال مبتسم
اختك اليوم تريد تحتفل بالصار بينك وبين بيت عمك
اي الحمد لله تراضيت وياهم واهلي هم
يستاهل الحمد
شيل وياي مااعرف شاخذت كلشي عجبني جبته الكم
تعيش وتجيب
انت العايش كبد
طبينا سوه للمطبخ عمه بي سلمنا ورحت لجوة عمي كاعد بالصاله سلمت علي
اشر بايده
شلونك اليوم عم
الحمد لله
رد متقطع واشر للتلفزيون دحكت له اخبار عن تحرير الموصل
الزين اجه بالي صارلي فتره مو متصل علي كلت اخابره مشوار
صعدت لفوك رحت للغرفه طبيت ليان متمدده سالت بسرعه
ها يولي شبيج بيج شي
لاااا شبيك فزيت
ردت بضحك وكامت واجت ليمي كالت
كسل ماتعرفني من يصير عندي حمل هيج اصير
والله كسل موجود وجثير شغلات هم كاعد اشوفها صايره بيج
اممم مثل شنو
وخرت مسافه ودحكت لها من فوك لجوه صاحت بخوف
سمناانه موو
هههه اي ولايك الج صايره تخبلين يولي
صفنت عليه گربت مني وسالتني بعيون تضحك
اشوفك مرتاح حبيبي وتضحك
سمعتي الاخبار موو
اي سمعت وفرحت الكم
دارت روحها مني وراحت تعدل بالفرشه سالت
تعشيت موو
اي تعشيت يم اهلي
لعد بدل خلي نسوي تعلوله نوار كالت لوسيم جيب حلويات
ههه شفته من اجيت جاي محمل اشكال والوان
ااي اليوم اشبع حلو
رحت ليمها من اندارت ورديت
اول مره اشوف وحده حلوه ادور حلو
هههه اي ادور ووكعت بيك ياحلو
ولج عبالك ضربتيني بسمار
نوو سيد مالك مو بسمار لان اني اشوفك احلى واحد بالدنيا
سكتت حظنتها لصدري وبستها من الشفه رددت
احبج يولي وحبج صار شكبره بگلبي
اني هم مالك احبك حب كمت حتى مااعرف شلون
اوصفه الك
باب اندك رحت اله فتحته توته طبت وكالت
يله ماما تعالي انتي وبابا سوينا كلشي اني وعمه وكاعدين ننتضركم
اجينا ماما مالك بدل وتعال ورانا
اي هسه جاي
ليان
كعدنا كلنا نتعلل ونباوع للاخبار
مالك كال
اريد اخابر الزين اشوف اخباره عكب من الموصل لاا
اي اسال علي اني خابرت هيله سالت عليهم كالت بعده مااجه
هزيت راسي ليان نوار حجت بموضوع بيت عمها
توته كالت
حبيت جدو وبيبي بس هذا الرجال ماحبيته
الكل سكت وباوع عليها الكيك وكفت يم حلكي ما كدرت اخليها بحلكي مالك سالها وهو عاكد الحواجب
شنو بابا
ماكو شي مالك
رديت بسرعه باوع عليه وكال
شنوو ماكو شي يولي واني سمعتها كالت
حبيت جدو وبيبي منو هذوله بابا والرجال منو
توته خافت باوعت عليه تنهدت وكلت
اسمعني ولاتصير عصبي اني اخذتها ورحت لبيت عمك وحجيت ويااهم بخصوص
عمي وانت وهي
فك عيونه وصفن عليه سال بصوت مخنوك
شسويتي رحتي الهم
اي مالك رحت الهم حتى يبروك الذمه وترتاح
رديت خايفه من رده فعله
سكت بس وجهه انطعن كام لحيله وسيم كام ويا خايف من رده فعله كمت كملت بتوسل
اسفه اذا ضوجتك بس ماكدرت اشوفك تعبان ومقهور ومااسوي الك
شي
لياان انتي ماتعرفين شسويتي
رد علي بغصه واجه بسرعه وحظني لصدره تفاجأت من تصرفه وخجلت من اهلي
وسيم طكها بضحكه وكال
هبطني والله وجيت ادفعه عبالي تخبل وراح يأذي ليان
وخر مني ورد علي
انجب ولك المن اذي هاي روحي اكو واحد ياذي روحو
صفن عليه خجلانه من اهلي واعدل بشعري
ضحك وكال
ماله جاره عوفي
عابت الا تفشلني
سمعنا الكل يضحك كعدت مهدود حيلي من الاكشن مال سيد مالك اكل ويباوع
عليه ومبتسم
بليل نمت بحظنه كل ساع يبوس بيه ويردد
ريحتيني يولي الله يرضى عليج
مالك
ليان جابت اليه ولد اللخ وسمينا علي
ماقبلت بعد نسوي جهال لان خفت عليها
عشت وياها احلى ايام عمري شلنا لبيتنا واستقرينا بي وبيت عمي هم شالو لبيتهم الي بعته الهم بعد ماسددوو قسط الدوله بسعر مناسب
كل لحظه تمر عليه واني وياها احمد الله الف مره لان هي صارت من نصيبي
جنت اشبهه بالملاك لان هي هيج
ليان
استقرينا بيتنا وارتاحيت بي لان جان مثل مااريده التهيت بعائلتي وبمالك الي حبه نساني كلشي عشته وشفته بالماضي ونفسيتي تحسنت بعد اكثر من بابا تحسن وضعه ورجع يمشي
نوار ووسيم صار عدهم ولد
وبنيه
من اشوف نظرات مالك اليه ابتسم اله لان اعرفه بشنو يفكر اساله
تفكر بيه
اي ومحتلتني يولي من راسي لرجلي
هههه راضي موو
اي راضي
لعد مو احتلال هذا يسموه حب
حب وعشگ وهيام ووله تولعت بيج وصرتي الدم اايمشي بجسمي
اروح لحظنه ابوسه من خده واكول
وانت دكه گلبي الدك جوه
هيله
كلت للزين اريد اروح لاهلي وداني لهم وكال
اجيج العصر نتعشه يمهم ونعگب
وصلني نزل سلم وراح التميت وي خواتي العصر عفت ولدي يمهم ورحت
للمحصر سرجت سلطانه
وطلعت بها للبريه
حنيت اطرد بها بس گضبت الدرب طردت بها بسرعه وصلت حد الوادي وكفت
ادحك للشمس بدت تغرب
لاحت لي ارض عمي ظليت واكفه هناك وادحك للغروب سمعت صهيل درت روحي شفت الزين جاي باتجاهي على ادهم ابتسمت وروحي فرحت لجيته وصل ليمي وخرت لثامي تكلم مبتسم
شلونج يابنت العرب
هلا يبن الشيخ
تسابگيني
اغلبك هااا
نجرب ونشوف
ههه يله
وكفت بصفه كال وعيونه بعيوني
واحد احبج اثنين اموت عليج الثالثه روحي تروح فدوه لروحج
ابتسمت وكلت
انت الاول والاخر لا قبلك احد ولا بعدك احد انت الغلا كلو والروح ياشيخ
گلبي
غلبتني من هساع
هههه ابدا الا نسابك
عجل يله اطردي
طردت بسلطانه وهو ورايه صار بصفي يدحك لي ويضحك صاح
رااح اغلبج
وصدك طلع بادهم جدامي هون يم كاعنا وصرت بصفه اضحك
غشيت يازين ادهم احسن من سلطانه
ههههه بهاي اي انا غشيت
نزل واجه ليمي گضبني من خصري
ونزلني حده صرنا بين ادهم وسلطانه صافن لي بنظراته الحلوه كال
تذكرين من تصوبت
انتبهت حنا بنفس المچان الي تصوب به
هزيت راسي بأي كمل
جنت خايف عليج اكثر من روحي
تنهدت وكلت
جنت عميه ماشفت حبك الا وره وين
ههه وانا هم جنت اجاتل بيج واكول اكرهج وجان تفتح عيوني العميه هي وگلبي وطب وعرفت روحي انا ميت بهواج
شوكت عرفت انت تحبني
صفن بعيوني وكال
من ردت اجتل ابن عمج وشفتج شلون فديتي بروحج تخبلت يولي
وكمت الوب بذيج اللحظه
انا عرفت هويت وحبيت
هيله بنت العرب
وانا بعد حبيت وعشكت الشيخ ولد الشيخ
حبي للزين زاد يوم وره يوم والله رزقني منه ولد اللخ وسمينا حميد على اسم ابويه واجتنا بنت اخر شي وسميتها غلا
نورت علينا بيتنا وصارت مدلله يمه ويم عمه وجده طلعت تشبهه بكلشي شكره والعيون صفر
ريمه خلفت ولد وبنت وهاله ولدين
ريهام تزوجت ساري من حمايه الزين والي شارك معه بالقتال
ساريه حبها الزين ولد الهنوف ورادها له انخطبت وتزوجو وره ماجبت غلا
امي ظلت وحدها وهالشي جان قاهرني ظلينا نروح ونجي عليها وهي تجي علينا وتفتر على كل وحده من عدنا وتظل يومين
ثلاث وبعدين تعكب للمزرعه
قصتي وي الزين ماخلصت ابدا بعدها تكتب صفحاتها وكلها حب وعشگ
كنت اظن انا اكرهه ولكني ادركت اني اعشقه عشقا كبير اصبح لي ماضي
وحاضري
اخبرني اني قصته الجميله
اني محبوبته الصغيره واني عشقه الوحيد
صدقته لاني رايت ماذا
فعل لي وكيف اثبت ذالك
لازلت اقول
دمت لي قلبا نابضا
ودامت روحك لي
زين العابدين
مرت السنين وكل يوم يمر عليه حبي لهيله يزيد ما ينقص ادحك لها وهي تفتر
يمي شعرها طول ورجع يتسلسل على جتفي من احظنها اضيع واتوه بكلشي
بيها ولسان حالي
يكول
احببتك يارفيقه دربي
وتركت عالمي المظلم
لافوز بحبك
كنتي لي عالم جميل احتواني
من كل جانب واخذ بيدي
وقال لي سر معي
في هذا االدرب
الابيض
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
