رواية بديلة اختي الفصل السابع بقلم خاتون الكعبي
وأشمنك يريحة هيل
وأشهك حيل يا حيل
واضمك عافية بروحي
يالبروحك اسوالف ليل😍
تذكير
اوتار ببتسامة : ما شألله معجباتك كثرانات هل ايام
محمد برود: همم
اوتار : شنو الهم ما اتوقع الهم جواب
محمد : اوتار من الأخير كولي اشتردين
اوتار : احبك
محمد برود: اعرف
اوتار بسخرية : اموت وعرف اشوكت يتغير جوابك
محمد : لمن اتكفين عن هل سؤال
اوتار ابأمل : يعني لو بطلت احبك حتحبني
محمد : لا وكتلج ورجع وكول مستحيل بيوم من الأيام احب وحدة مثلج
اوتار بقهر وعيون مدمعة : هه ليش اشبيهة المثلي
محمد برود : مبييهة شي بس ما احب نوعيت البنات المثلج الي ا...
اوتار قاطعتة وكلت برود : قصدك الي يذبن نفسهن علة والولد وينذلن صح
محمد برود: صح
اوتار : بس انتة تعرفني ما بعمري حجيت وية ولد غيرك وما بعمري باوعت علة شخص غريب ولو نظرة بالغلط وهم مبعمري نزلت نفسي وكرامتي الغيرك لك حبييتك تعرف شنو يعني حبيتك بل عشكتك وما حصلت من حبك غير الأذية ههه بس تدري شوو اليضحك بالموضوع
محمد : شنو
اوتار بقهر : انو بعد كول الأذية الحصلتهة منك والخيبة والكسران زاد حبي الك ما نقص ههه فعلاً يضحك مو
محمد : اباوعلهة تحجي بكل قهر عبالك الكلام جاي يطلع من كلبهة قبل السانهة معرف بس اول مرة يصيبني احساس الكره فعلاً كرهت نفسي من بعد ما شفتهة وصلت الهل حالة بسببي شنو ذنبهة حتة اتعامل وياهة بهل اسلوب بس مو بيدي كلبي تعلك بمرسلين وما اكدر انطيهة امل واخليهة تتعلق بية ع الفاضي كل هاي الفكار ادور بعقلي بس ملامحي بقت جامدة وهية شبه انهارت قربتلهة بطل المي بس دفعت من ايدي زفرت انفاسي بعصبية ورجعت باوعت علة الطريق واول مصفيت السيارة كدام باب البيت نزلت من السيارة بسرعة ودخلت جوة ونزلت وراهة ودخلت للبيت شفت جدي وابوي كاعدين بالستقبال سلمت عليهم وصعدت الغرفتي و...........
______________
مرسلين
شاهين : وعليكم السلام تفضلي منو
مرسلين : اني مرسلين
شاهين برود : خيرج
مرسلين بنرفزة : سلامتك بس ردت اروح للنجف باجر تعرف اربعينة ا.. قاطع كلامي وهوة يكول بكل برود
شاهين : متروحين
مرسلين بعصبية مكتومة : ليش
شاهين : هيج مزاج
مرسلين : شاهين ترة مو وكت اعناد كتلك اربعينية ام صديقتي يعني مرايحة العب وصديقتي منتظرة جاوب مني
شاهين بحدة : كلت متروحين
مرسلين : اجيت ارد علي بس سمعت صوت ابنية يمة تكول
: شاهيني وينك
مرسلين بسخرية : ههه يلة عيني شاهينهة اترخص ما اريد اعطلك باي
شاهين برود : الله وياج
مرسلين : سديت الخط وشمرت التليفون علة الجرباية شاهينهة خررب حظي ههه بلة انشوف منية التسمع كلامك كلت هيج ورحت خابرت تقى وكتلهة اهلي وافقو كلتلي اروح الفجر كتلهة ماشي ونزلت الأهلي كتلهم خابرت شاهين وافق كلهم استغربو لمن كتلهم وافق بس محجو شي وكلت الأمي اروح الفجر هزتلي راسهة وكالت لعد اكعدي من وكت وتحضري كتلهة ماشي وصعدت فوك طلعت صاية سودة سادة وشال اسود وجنطة ازغيرة حطيت بيهة عباية وقتت منبه المبايل وضليت اتكلب علة الجرباية الحد ما غفيت فزيت الفجر علة دكت المنبه وكمت غسلت وصليت ولبست جبتي وجواهة تراك بيتي خفيف ولفيت شالي علة سريع واخذت جنطتي وتليفوني ونزلت جوة شفت امي كاعدة تلبس بربطتهة شافتني وكالت لبسي عباتج منة احسن ما ناقشتهة لأن جنت شبه مطفية من النعس ولبست عباتي وكعدت اخوية وصلنة البيت تقى جانو زلم كومة ملتمين بالباب وسيارات معبالك الفجر سونة طريق ودخلنة للبيت شفت تقى وحظنتهة جانت صايرة جلد وعضم من ورة البجي والقهر حيل اثرت موتت خالة بيهة الله يساعدهة ويصبرهة ضليت كاعدة اوياهة وراهة صاحو علينة حتة نركب السيارت كامن النسوان كلهن وطلعن بقينة اخر شي اني وتقى لأن جانت حالتهة تعبانة ومو مال اطلعهة بهل جوكة طلعنة من بيتهم وابن عمهة اشرنة نصعد بسيارتة باوعت علة مامة الجانت صاعدة وية انسوان بكوستر جبيرة بتردد وهزيتلة راسي وركبنة اني وتقى ويا وبالصدر ابو تقى وهوة يسوق الطريق كولة وتقى متجية راسهة علة الجامة وصافنة ردت تحجي او تاكل بس ماكو وصلنة للنجف ودخلنة اول شي للمقابر جان شكلهن مرعب بنسة الي او هية هاي تاليتنة كلنة للكبر وصلنة الكبر ام تقى لو تقى ردت روحهة نامت علة الكبر نوم وكامت تعيط بشكل هستيري وتخرمش بروحهة وابوهة كاعد كدام الكبر ويبجي منظرهم جان يبجي الكافر اباوع علة تقى انتهت من كثر الصريخ اخر شي تجت راسهة علة الكبر وكامت تعاتب ابمهة مكدريت بعد اتحمل منظرهة ونزلن ادموي وياهة كسرت كلبي بعتابهة واصريخهة عبالك امهة كاعدة اكبالهة وتعاتبهة اخر شي
كوماهة ابن عمهة مسلم وغسل وجهة رحت سندتهة وحاولنة ارجعهة للسيارة بس مقبلت تعوف كبر امهة الحد ما ابن عمهة عاط بيهة وجرهة للسيارة يلة ركب كعدت بصفهة وكمت اهدي بيهة واشربهة مي يلة اشوية هدت ورحنة زرنة الأمام علي (ع) ضلينة اشوية كاعدين بالضريح وراهة صاحن النسوان يلة نرجع كومت تقى اني وبت عمهة من الضريح وطلعنة للكراجات ركبنة السيارة وبالطريق وكف ابن عمهة السيارة كدام مطعم حتة نتغدة بس مقبلت ورادت ترجع للبيت حسيت بي مثل التنهد بقهر وكمل سياقة البغداد يسوق وعينة علة تقى اما ابو تقى فا من طلعنة من المكبرة وهوة ماكو سئلت تقى ابن عمهة علة ابوهة وكلهة راح يجي ابرانة ورة ساعة او اكثر يلة وصلنة البغداد وكف السيارة اباب بيتهم نزلت وسندت تقى حتة تنزل ودخلت للبيت اني وياهة جنة اول الراجعين من النجف صعدتهة الغرفتهة ونزعتهة صايتهة وشالهة ونومتهة علة الجرباية واجة ابن عمهة ضرباهة ابرة مهدئة حتة ترتاح ونزل جوة شفتهة غفت طفيت ضوة غرفتهة وعدلت شالي ونزلت جوة شفت النسوان راجعات ومن بينهن امي شافتني وسلمت علة النسوان واشرتلي اروح طلعت من البيت واني وراهة جانت الساعة بحوالي التلاثة ونص الظهر هيج وصلنة البيتنة وشفت سيارة شاهين كدام بابنة معرف ليش بس اشوية خفت وكمشت عبات امي بقوة ودكت امي الباب وطلع اخوية الي وجهة من كلب١٨٠ درجة ومبين علي معصب دخلنة واني احس جو البيت كلة متوتر وشفت ابوية وشاهين واخوية محسن كاعدين بالستقبال بس وجه شاهين ما يكصة السيف والعيون تجدح نار وربي بلحضتهة اتمنيت الكاع تنشك وتبلعني ختلت ورة امي من منظرهم المرعب واجيت افلت فوك بس ملحكت من ورة ايد شاهين السحبتني بقوة من زندي اباوعلة صار كدامي وعيونة بركان من كثر العصبية وعروك ايدة وكصتة ناطات منظرة جان اقل ما يقال عنه انو مرعب ردت افلت ايدي منة بس ماكو فايدة لحضات وحست بشي مثل الجمر صار علة خدي ضليت اباوعلة مصدومة من الي سوة معقول ضربني لا وكدامن كدام اهلي اباوع علة اخواني ما تحركو ساكنين وكأنو مشجعينة علة هل شي وبابة بس عوزة ايكولة حيل وياهة سئلتة مامة الي جانت واكفة صافنة ومستغربة من الي صار وكلتلة ليش ضربتهة ونب اخوية من يمة وكال
حسين : عوفيهة تستاهل طبهة مرض حتة متصرف بعد من كيفهة وتكسر كلمتنة
مرسلين بسخرية : قصدك كلمتة وباوعت علة شاهين وهمست ببتسامة كدام اعيونة
مرسلين : عمي ونعم صدوك اثبتتلي بتصرفك هذة انك زززلمة كلت هيج وما احس الة اعيونة كام يطلع منهن شرار من كثر العصبية وهوة هذة الريدة احرك كلبة مثل محرك كلبي الكلب وعفتة وصعدت الغرفتي دخلت وبداً ادموعي الجنت حابستهن بالنزول اشكد اكره الضعف الي صير بية لمن اقابلة واكره هل دموع الي دايماً تنزل من ورا مسحت دموعي بعنف ودخلت سبحت وشمرت روحي مثل الميتة علة الجرباية ونمت بسرعة من التعب و..........
______________
مسلم
كاعد بالصالة ومنتظر امي تنزيل اكثر من ربع ساعة وهية ماكو اخر شي مليت وردت اصعدلهة بس نزلت وهية شايلة صينية الأكل باوعتلة وكلت
مسلم : ما اكلت مو
ام مسلم : اي سودة علية كلش متأثرة بوفات حنان الله يرحمهة ويصبر بتهة
مسلم : اخذت منهة الصينية وصعدت فوك دكيت الباب ودخلت اباوعلهة كاعدة علة الجرباية وصافنة علة السكف كعدت علة طرف الجرباية وحطيت صينية الأكل بحظنهة وكلت
مسلم : اكلي
تقى : لا رد
مسلم بحدة : كلتت اكللي
تقى برود: ما اريد
مسلم بتنهيدة : تقى لا اشلعين كلبي لا انتي اول ولا اخر وحدة امهة تموت وبعدين مجنتي اشوفين العذاب والتعب الجانت بي يعني امج بموتهة ارتاحت وراحت الدار حقهة وانتي بجيج هذة جاي تعذبيهة بكبرهة ميجوز هيج يا بنيتي كل ما تذكريهة ترحميلهة لو اقريلهة قرأن اتفقنة
تقى : هزيت راسي بدموع وكلت.. بس مشتاقتلهة... مشتاقة ..الحضنهة الحنيتهة مشتاقة اسمع كلمت..مامة من عدهة
مسلم : اباوعلهة تحجي وتشهك من كثر البجي حسيت ادموعهة مثل الجمر ونزل بكلبي قربتهة الحظني وحظنتهة بقوة وكمت امرر ايدي علة شعرهة الحد ما حسيت بثقل انفاسهة بركبتي عرفتهة نامت رجعتهة علة الجرباية وباوعتلهة وتنهدت وبست راسهة وكمت شلت الصينية وطلعت من الغرفة نزلت جوة و.........
_______________
اوتار
كاعدة اكتب بأهل تقرير الشل حالي عود كلت اخلص من المدرسة والتعب طلعتلي الكلية صفح خررب حظي انكسر ظهري واني اكتب بي وتاليتهة الأفندي الدكتور قاسم يتعزز علينة اوفف اباوع علة ملازمي ناقصني سجل ثاني ومستلزمات من المكتبة كمت وحركت ركبتي بتعب وجريت شالي لبستة وطلعت برة كلت الأمي اريد اشتري سجل وغراض من المكتبة كلتلي روحي كولي العادل خل ياخذج رحت دورتة بكول البيت ماكو حتة محمد طالع اتففت ورجعت الأمي وكلت
اوتار بضوجة : مامة ماكو مموجود حأخذ ابن خالو كرار وروح
ام اوتار : ماشي بس مو تتأخرين
اوتار : لا ان شألله ما اتأخر ارجع بسرعة كلت هيج ورحت ركض لبست جبة كوباي ام الدكم وشال وردي فاتح واخذت افلوس وتليفوني وطلعت صحت علة كروري ايصر ازغر طفل الخالو عمرة تقريبن عشر سنوات خطية اجاني يركض كتلة تعال وياي للمكتبة اعبور الشارع قريبة هز راسة وكام يمشي كدامي هههه عود هوة زلمة هذة اكثر واحد ايضحكني اموت علي دمة محبوب عود مثل اخو الغثة خررب اموت وعرف اشفت منة حتة حبيتة كلت هيج وغميت نفسي وكملت طريقي وصلنة للمكتبة دخلت واشتريت مستلزماتي ولزمت ايد كرار لأن شارع عام وسيارت كومة عبرنا واول مردنة ندخل للفرع كروري كال حروح اشتري من الدكان بسرعة انتظريني كتلة ماشي بس مو تتأخر كلي لا وراح ركض للدكان واني وكفت علة صفحة اشوية وشفت شاب صار كدامي ملامحة عادية وجهة مبين بشوش شافني وابتسم وكال
رعد : هلو اوتار اشلونج
اوتار برود : هلة خوية بس ولا زغراً بيك منو
رعد : ههه حقج يابة اني رعد اخو صديقتج فاطمة
اوتار ببتسامة : ياا اسفة خوية بس وربي ناسية شكلك واشون فطوم صارلي اهواي مشايفتهة
رعد : زينة الحمد لله اسلم عليج
اوتار ببتسامة : الله يسلمهة ان ش.. قاطع كلامي صوت هورن قوي صار كبالنة خلاني افز من قوتة رفعت عيني وشفت سيارة محمد كبالنة ومبين علة ملامح وجهة الجمود عقدت حاجبي مستغربة من تصرفة واباوعلة كص رعد كص بعيونة وكال
محمد بجمود :...................
_____________
مرسلين
نمت نومت اهل الكهف ما كعدت الحد ما عبرت الساعة اثنعش بالليل يلة فزيت ونزلت جوة شفتهم كلهم راحين بسابع نومة رحت للمطبخ اتعشيت ورجعت صعدت فوك وطلعت كتبي وبديت احضر منة لتلاثة الفجر يلة خلصت وحضرت ملابسي وصليت الفجر ونمت للسبعة وربع الصبح يلة كعدتني امي كمت بسرعة دخلت غسلت ولبست ملابس المدرسة اشون ما كان لأن جنت متأخرة ولفيت شالي واخذت جنطتي ونزلت جوة صبحت ومحد رد من اهلي عشتو عود همة الزعلانين لأن كسرت كلمت السيد شاهين رحت اخذت مصرف من امي وطلعت علة السريع والحمد لله وصلت قبل لا يسودن باب المدرسة مديرتنة الكلبة مترضة وحدة تجي متأخرة بثمانية اسد باب المدرسة والة اجيبين ولي امرج يلة ادخلين واول ما دخلت دك الجرس للصفوف دخلت الصفي وبدت الدروس تتناوب علية بشكل روتيني وممل اشكد احس المدرسة ضوجة بلة تقى لازم اروحلهة اليوم واقنعهة اداوم حرامات مبقة شي وتخلص السنة وغياباتهة كثراً تنهدت وكملت دوامي بشكل عادي لثنعش ونص يلة دك الجرس للبيت لميت كتبي وحطيتهن بالجنطة ومريت علة المغاسل غسلت صدريتي النصهة متربة من ورة الهوسة ورتبت شالي وطلعت من المدرسة اباوع علة الخطوط منجمعات كلهن اباب المدرسة والولد لازمين ركن معرف ليش احس بخوف واني امشي بوحدي الظهر بلة تقى مع انو البيت قريب علة المدرسة دنكت راسي وكمت امشي بخطوات سريعة اشوية وحسيت بسيارة وراي لزمت كلبي بيدي من الخوف وكمت اسرع مشيتي اكثر واكثر الحد ما دك هورن وصاح بأسمي استغربت منين يعرف اسمي درت ظهري وشفت سيارة شاهين وراي واشرلي بيدة اجي قربت منة وكلت برود
مرسلين : تفضل
شاهين : اركبي
مرسلين : مشكورة ما ار.. قاطعهة شاهين وهوة يكول بحدة
شاهين : اااركبي وووبلة عناااد
مرسلين : اباوع علة البنات كامن يباوعن علينة من ورة صوتة العالي الحقير فشلني كدام الطالبات فتحت باب سيارتة وركبتهة وركعت الباب وراي بقوة سمعتة يستغفر بمهمس وشغل السيارة وبدة يسوق درت علة الجامة وضليت امركزة عيني علة الطريق ورة اشوية اذكرت روحتي التقى واكيد ميقبلون اهلي اروح اذا ما اكول للسيد شاهين بس اكيد الحقير ميقبل باوعتلة بتردد اخر شي اشجعت وكلت
مرسلين بسرعة : اريد اروح البيت تقى العصر
شاهين برود : ليش
مرسلين : صارلهة اهواي من غايبة واريد احاجيهة حتة ترجع اداوم
شاهين برود : قصدي ليش ما عندج رقمهة حتة تحاجيهة لو الة اتروحين البيتهة
مرسلين :..................
__________________
مسلم
كاعد واحس النار جاي تطلع من راسي من ورة العصبية بتل كلب ثالث مرة ادز عليهة وماكو اخر شي عفت السفرة وصعدتلهة دخلت الغرفتهة وشفتهة كاعدة تبجي جريتهة من ايديهة ودخلتهة للحمام فتحت ادوش وحطيتهة جوة المي كامت ترافس حتة تطلع وما ثبتت الحد معطت بيهة وكلت
مسلم بعصبية : كااافي اشبيججج ممليتي مننن البججي اااعرف امجج وغااالية عليججج بسس موو هيججج لجج انتيي بهااي تصررفاتج جاااي تعذبيهة بكبرررهة تقققى اصحي عللة نفسجج لا اشووفينيي ساكتللجج ترة وربي شايفة اذاا اكووملج ما اررحم بحاالج والصبري حدود وياج وصل حدة من باجر ترجعين اداووومين بمددرستجج مفهووم
تقى بدموع وعياط : وخررر... وخرر مني... عووفني للك هااي... اممي اراحت تعرف.... شنوو يعني ...اممي لللك صاررت جوة التررراب... بعدد ماكدرر اشوفة ... بعد ماكدر احضنهة... اشمهة... ابوسهة... انام بحظنهة.... اضحك.... اشاقة .
..العب ..وياهة راحتت ... تعرف.. شنوو... يعني... راحتت بس كلللة من وررراك اي ..من وراك ...انتة المخليتني ...ابقة ...وياهة ..بيامهة الأخيرة ..انتة ..الحرمتني ..من شوفتهة ..وهية بأخر ..لحضات حياتهة للللك اكرررررهك.. تعرررف شنوو يعني اكررر....سكتت واني احس بحرارة ايدة علة خدي هه ضربتي اي ضربني واني ابصعب اوقاتي باوعتلة بكره ودفعتة مني وكلت
تقى بحقد : اذا ما اندمك ع هل راجدي ما اطلع بت امي وابوي
مسلم :..............
