رواية هدية الشيخ وسام الفصل السابع بقلم مرج البحر
❤❤❤
لاتطلع ولا _ تنبلع
غصه بوسط _ صدري
خدران كلبي #من التعب
ميت عدل مدري
الدنيا ضلمت حيل وتاخر الوقت وبابا والولد …
ماجاايين لهسه انتضر الموت عبالك ومااعرف…… الشيخ شنو الصار بي لهسه اريد خبر يطمن كلبي ،،،
موقف صعب بين الانتضار والامل خايفه ومرتبكه من مشاكل الي راح تواجهني ادري ابوي مايسكت ،،، اله يعاقبني تقاليد ماترحم البنيه ماله كلمه ويه اهله ناس صعب دمرت حياه كم بنيه بمسمى تقاليد او معارف البنيه مضلومه وماله كلمه وراي مجتمعنه ،،،
عفت التفكير وغلبني النعاس اجيت اروح لغرفتي مشيت خطوات بطيئه مااحس بجسمي دخلت المطبخ سمعت صوت فتحت قفل مال باب الشارع خفت ولزمتني رجفه دخل ابوي وامير وسمير ويحيى دخلوو الاستقبال (ديوانيه) نص ساعه و صوت صياح وكلام قوي واسمي مذكور بيه ،،
تمشيت عل كيف والفضول اخذني ةصلت يم الباب وسمعت ابوي يكول ،،،
تالي شيبي وعكالي بتي بل ديوان ينذكر طاريه وين اطمه بحفره كولولي تفشلت الوادم تكلي المن مطلعه بتالي ليل وشيخنه من وراها نضرب
يحجي ابوي واني دكات كلبي سريعه صارت سمعت
امير كاله ،،، يابه هدي برحمانك مصار شي هسه ونفكت والشيخ خوش رجال ووكعه النه ومصار شي عادي تره ،،، تنحل مااضل ولو هيه نحلت
ابوي كاله ،، امير انته جبير وماريد اهينك شنهو عادي ماعدك حرمه أنته ،، رضيعتك يتحارشون بيه
يحيى حجه ،، عمي الله بل خير عليك ،، البنيه قابل متقصده لو هيه كالتله تعال حارشني لو اضرب وسام قضاء وقدر ونفلت انته ليش هلكد شايل بكلبك ليان تره فقيرا وماله دخل شريفه وخوش متربايه وانته تعرف وربيته عل ايدك ،،،
خل تولي تعاند واني اكره المره التعاند بس اله اربيه من جديد واكسر خشمه
سكت شويه ورجع كاله ،، ماكو غيرك خربه علينه وطلع عينه عوف دلالك اله يحيى تره لو تعلك عيونك شمس مااطيه الك ،،،
تفاجئت شنو يطيني اله شقصده ابوي،،
مديت راسي عل كيفي شفت يحيى مدنك ويحجي عمي بكلشي كسرني ولاتكسرني بيهة ربيته عل ايديه
سمير ،،، كله يابه مو وكته هسه هاذا الحجي خل نام نرتاح تعبنه والوقت اتاخر ،،، شفته غمز ليحيى واشر عل حلكه انو علامه اسكت ،،
سكت يحيى وغمز ل سمير وكاله خل نطلع كبل بوجهي ورة باب المطبخ ختلت لن اضلم وماانشاف ووكفت اسنط عليهم ،،، طلعوو الولد سمير يريد يدخل المطبخ صاحله يحيى ،،،
سميرر اووكف لحضه
ها يحيى شبيك مو علساس رايح
يمعود فدوة حاجي عمي مو مال يرفض والله احبه
يحيى شبيك طفل انته مووكته وتدري ابوي راح يعاندك علمود ابوك لن مامصالحين
اني اجيب شيووخ واراضي بس لا يطيه للغير والله اموت
يحيى الله كريم تنحل روح يخوي رتاح وباجر وراك دووام وتأخر الوقت
رايح اني بس فدوة مو تنسى تحاجي عمي
الصباح رباح ،،
لا لا مستحيل يحيى مثل اخوي وصديقي مااحسبت فديووم انو يكون زوج الي مستحيل افكر بيحيى هيج لا ياربي لاتختبرني بهيج اختبار ،، غالبني النعاس ليعلن لبدايه يوم اتعس ،،،
7/30 ص
كعدت مصدعه وعيوني منتفخه
فتت بل صاله الكل كاعد يتريكون والوجوه ثكيله
صبحت عليهم ،، صباح الخير
الكل عدا بابا
صباح للنور
ماما تعاي تريكي بنيتي انتي مريضه
اي ماما جيت
صبتلي جاي وسوتلي لفه جبن
اكلت عل كيف وعيوني عل ابوي الي يباوعلي بحقد
كال ،، ام امير اني راح اتوجه للبصره علمود اشوف الشيخ واعتذر منه واقضي اسبوع او شهر مااعرف هناك علمود اكمل شغلي واشوف وين صفت الاراضي مالتي ،، امير اني رايح بالك عل بيت واشرف عل شغل انته وموسى ،،، خله وكام من الاكل متوجها لغرفته
شعبت ماما شكرا
عفو بنيتي كملي شغلج ويه حنان خطيه متكدر
ممم شبيه اليوم
مريضه دايخه بلكت حامل
بلكت الله ماما ونجيب بنيه بعناد رضا ههههه
عفتهم يحجون وركض لغرفتي شنو يقصدوون يطيه الك وشنو يكله لاتكسرني بيه شرايد يحيى وشنو هيج يحجي يعني حتا سمير يدري بي وشنو الي في باله وشنو كوه نحلت خرب حضي هاي كل بنات هيج من يطلعن لو بس اني صارت مو طلعه سم عليه بعد مااطلع اني ماعدي حض كوة هيه ،،، بس شنو بابا يكله مااطيها تفاجأت وخليت ايدي عل حلكي يحيى يريدني كزوجه ،،
رحت لغرفتي مشطت ولبست تراك خاطر اشتغل ومااضايق بديت بغرفتي انضف وطلعت عل صاله
كملتهن وكلت الماما راح انضف الطابق فوك كالت روحي نضفي بسرعه علمود ترحين للبنات بيت عمج ابو يحيى
كيفت رحت نضفت الفووك عل سرريع وصلت غرفه يحيى اختنكت و دمعت عيني ليش يحيى تنضرني بنضره زواجه واني ماامفكره هيج بيك خل اليوم اروح واحلها ويااك ،،،
رحت سبحت ولبست دشداشه رياضه لن اني طويله ومو كلش ضعيفه لبست شالي وجبه بيت عمي مو بعاد يعني شارعين ربع ساعه ونوصل
كلت ماما يلله راح اروح
كالت روحي مدام ابوج راح باتي يمهن وتونسي من يجي ابوج بعد ماطلعين
فديتج ست الحبايب 😍😍 بس لو تنطيني فلوس صدوك حبابه صيرين هههههه
مصلحجيه اخذي من جنطه وروحي عل سريع
اووكي وطيته بوسه بل هوة ،،، اخذت الفلووس ورحت ركض تقريبا الساعه العشره ،،
وصلت البيت مال بيت عمي دكيت الباب مره ومرتين يمكن نايمين رجعت دكيته حيلل درت وجهي اريد اروح محد فتحه الي اجاني صوته الحنين
وييين راجعه تعالي ليونه
هلا يحيى شلونك
هااا شكلتي يحيى شو مو حيحه بيج شي (كاله بتفاجئ)
لااا مابيه شي بس كبرت ولازم اكلك يحيى بعد موو
ايي بس شنو هل تغيرر ليش ليونه
بنات وين مشتاقتلهم
نايمات
وعمتي
نايمه
وعمي
مو هنا طالع
لعد خلص خل اروح اني اجيت امشي لزم ايديه
ليان شبيج حبيبتي سويتلج شي اني
جان يحيى لابس مال جيش يريد يرووح
ماسويتلي شي يحيى بس البارحه من حجيت ويه بابا سمعتك
شسمعتي هااا
انو تريد تخطبني ولو انته خاطبني من ابوي
مابيه شي ليان اني (وسكت )
انته شنوو،،
احبج ،
شنووو
اي والله احبج ومن انتي طفله واريدج بيتي والي كبرتي كدام عيني واني البارحه خطبتج من عمي
بس عمي ماوافق فاريد اكمل ديني ويااج وعمي بعدين اقنعه
ليان،،،
دنيت علي وكتله يحيى اني هم احبك بس مو كه زوج انته ربيت يمنه ومااشوفك ك حبيب او زوج
اني اشوفك صديقي او اخويه فلا تجبرني فدووة
ولاتخربني وياك وتخليني ماريدك واشوفك تباوعلي بغيرر نضرره
سحبني من ايدي وكال بغضب وعيونه حمر 😡😡
يحيى ،،
اني يايوم جبرتج لو باوعت عليج بنضره مو زينه تنفكس عيوني كون اباوعلج بنضره حررام
لج احبج اكثر من رووحي واريدج حلالي طلعت اني موزين هسه لن ردتج بل حلال لج اني غل ساتر وافكر بيج هييج ليان هييج سووين بيه اكو واحد بالج احجييي ويعت بيدي
ليان ،،،
يحيى ايدي شبيك والله ماعدي واحد بالي وماافكر هيج وانته تعرفني وربيتني عل ايدك بس اني مااشوفك غير ذني يحيى عفيه لاتزعل علي والله مااكدر عل زعلك واخاف لايصير شي بيك
يحيى ،،
الي تردي ليان بس بعد مااشوفين وجهي لطول عمرج واله اذب نفسي بل نار خاطر اموت واخلص ومااشوفج ماتتقبليني اااخ ياالله ليش ،،، يحجي وكعد بل كاع دموعه نزلت ويه نزلت دموعه نزلن دموعيي
ليان ،،،
يحيى فدوة وشبكته لاتبجي عفيه ماكو صوت منه يحيى حاجيني لاتزعل علي مو بيدي والله والله مااتقبل هاي شغله انو ننجمع كزوج وزوجه
دفعني من حضنه وكام وكال
شوفي ليان اني حبيتج من كل كلبي
ومايوم كرهتج ووياج بل حلوة والمره وادافعلج
وردتج حلالي ف ماراح اجرحج بكلامي بس الي حجيتي هسه راح تندمين علي باجر وذكريني من يمر موقف صعب بحياتج واني رايح للدوام ويمكن ماشوفين وجهي بعد وياج عل كد سلام وانسي فديوم جنت اني مووجود وتدرين ليش ماراح اجبرج لن ماريد تنجبرين عليه وبلحضه اكدر انهي عليج وابقيج الي بس لا ماريد المايريدني وهيه موكوة الحب يحجي بس الدموع عشره عشره ،،،
راح يحيى ويه روحته كسر كلبي حسيت بعد مااشوفه ،،،
لسان حال يحيى من رفضته ليان 💔💔💔
#اني اول بشر يعشك ومامعشوك💍
#وكلبي ابيض واحبن كلشي عل نيه🌀
#عمي الهوى كطعه الهوى يفززني بي طاريك
#الهوى الموصافي صدك يكطع الريه ❄
#هيه المشكله ويه الشمس من اتغيب 🌝
#كول سودنت بل مغربيه 🌛
#ودوني عل ساده شكثر يقرون 👀
#حته ساده ماعرفووك بيه 💔
# وعلي من درت وجهك دار كلشي وياك 😢
#درت رسوم وجهي وكلشي ليه 😩
#واخر دارمي ودعته بي وراح
#كتبته بدموع عيني بلكي بي جيه✋💔
#من عمري سبع سنين ايدي عل ايده👏
#ياربي بعده روح صارت جريده😞
