رواية دخيله الشيخ زين العابدين الفصل السابع بقلم أوتار حزينه
ليان
جرس الباب دك وسيم طب باوع علينا ماانتبهت هو قريب عليه الا شفت نظرات اخويه رجعت ليوره اجه علينا وعيونه علي
السلام عليكم
اهلا وسهلا
جاوبه ومد ايده بالسلام اخويه سالمه وهو
عاكد الحواجب حجه
اترخص اني وان شاء الله اجيب
الحجيه وهي تختار الزرع الي تريده
طلع من يمنا صفنت علي اخويه سالني
ليان اكو شي
طلعت من ذهولي گوة لان عرفت شجان يريد
جاوبته
هاا لاااا ماكو شي هذا زبون دائما يجي
ياخذ زرع لامه يعني هدايا
هاا ماادري حسيت الجو متوتر وعبالي
غاثج بكلمه
لا لاا ماكو شي
جاوبته وسالت بسرعه واني احاول اكون طبيعيه
ها خير جاي من وكت اليوم
صيانه بالشركه وطلعونا من وكت كلت امر خاف
محتاجه شي بالمشتل ومن تخلصين نرجع
سوه
لاا ماعندي شي اكعد خلي اضيفك گهوه
يله جيبي ووياج شي لان جوعان كلش
تاكل فطائر
ههه اي اكل لو حتى حصو
ضحكت ويا ورحت احضر الگهوه اشتغل وبالي
مشغول بالي سمعته من المقدم عرفت
شيريد وشنو قصده بس
بداخلي كلت هذا يريد يگضي وگت براسي
وماخليت بالي هو جاي وقصده
شريف
زين العابدين
الغضب والكره زاد بگلبي تجاه هيله
بعد الحجته ،،،،،وياي جدام ابويه
وابوها
بذاك اليوم ماكدرت انام ولا اغفى طلعت
قهر گلبي بالشرب شربت الما انصطرت ودخت
نمت بره بالمجلس مال الحديقه وانا
فاقد الشعور
كعدت الصبح راسي يوجعني كلش
ومزاجي متخربط بعد اكثر
كعدت ياشيخ
مشعل گرب عليه وجاوبتو
من لاكعدت ولا شفت هالخلقه
سكت صحت به
الگهوه بسرعه
تاامر شيخ
سرى من يمي تربعت ادور الجگاير ماكو
وين وليتي من خرب بيج وبالحظ
وووش نوحك ترطن وي نفسك مثل المجنون
رفعت راسي صعب اگبل هو وحمد
ويضحكون حجيت
لااا هلا ولا مرحبا
هاا نرد لهلنا
صعب تكلم وهو ياشر بالرجوع
لكيت الجكاير ورثت وحده حمد جلس حدي
تكلم بضحك
وش بلاك وجهك مگلوب من الصبح
اليشوفك يكول متهاوش مع مرتو
هههه غير انو ماعندو مرة لجن اكيد
تهاوش مع ذبان وجهو لو مع دلوعتو الشكره
صعب جاوبو خربان ضحك
ااسرو من يمي لاااكوم اخلي جيله براسكم
هههه ماخبرت تسويها بينا يازين نعرفك تحبنا
وتودنا تحجي من وره سياج گلبك
موو
الله مطولج ياروح
حمد اشر لصعب يسكت وسكت وهو مبتسم
جريت نفس طويل مشعل اجه صب
گهوه اليه رديتو الو
وصب اللخ شربتو وراح يصب لصعب
وحمد تكلمت
الريوك جيبو هينه
تامر شيخ
لاتعمل حسابنا يامشعل فگينا ريكنا يم هلنا
حمد تكلم وبعدين سالني باهتمام
وش بلاك اشوفك متكدر من السالفه اياها
ماجاوبت صعب رد
فضت يبن الشيخ واخذتو حگم منهم وخليتهم
يصيرون سالفه بالحلوك من وره
دخلتهم على النسوان
سالفتها اجتي براسي من كالت
ماردتك ادش علينا حتى لاتذمك الاوادم
كمت لحيلي وانا ضايج والغضب تارس
گلبي مشيت بسرعه حمد لحكني
هو وصعب صحت بيهم
ماااريد احد يلحگني خلوني بروحي
مشيت لهايل خليت علي السرج
جهزتو باعصاب وطلعت بي للبريه ردت ابتعد
عن الكلام عن الافكار عن الاوادم وكفت بعيد
عن گاعنا صفنت للبعيد وكلام ابويه يدك
براسي وخلاني اكرها بعد اكثر
هالبنت كلما جالها عيونها كامت تزيد صلافه
واستگوت عليه لان شافت ابويه ساكت
الها ومنطيها عين
كلامها تصرفاتها صارت هوجاس بعقلي
كمت اسمعو باذني يتردد واشوفها
جدامي تخزر بعيون گويه وهي مااعامله
حساب اليه جزيت على سنوني بغضب نار
شبت بيه وصحت باعصاب
اااخ ياهيله لو تگضبج ايدي
ماارحمج ولا اهدج الا وانا ماخذ حگي
منج
سكتت وكملت بحسرة
بس شلووون وولك ياازين
شلون تكدر تكسر خشم هالنسره شلون
يااربي اكدر اخليها تنذل وتبجي دم
على السوتو بيه
هايل صهل انتبهت الشمس،علت والحر
زاد درتو وعگبت للگاعنا،،،،مريت
من يم گاع عم عايد ابو
شهم عكبو لدارهم
عيوني راحت لگاع عم حميد خاليه
ومابها احد وكفت وصفنت
على دارهم
هناك شفت روحي شلون انهدت
بيه ورمت عليه بالسلاح ذبيت حسره
وظليت اردد
شلون اكسر خشمج ياهيله شلون
ابرد نار گلبي بيج واخذ حك السنين ذيج كلها
منج
مالك
التهيت بيت الدكتور لان لازم اسلمه بالموعد
وكفت على الشغل حتى افضه
بسرعه العصر طلعت من
يمهم واني تعبان بالطريق بشير
خابرني وكال مر على بيت الي بحي الجامعه كلت امر وارجع لميس من يم اهلها وصلت
وره المغرب من وره الازدحامات
نزلت عيوني راحت للبيت الشفت بي
ذيج البنيه ابتسمت من تذكرتها
جانت خفيفه كلش
وعيونها ملعبه
الله يساعدك
سلمت على بشير الواكف بره
هلا مالك ماخلصت بيت الدكتور
لااا والله بعد جم شغله ويخلص
تمام شوف هذا كله يردله شيل لان المجاري
جانت طاعنه بالاساس يعني نشيل القديم
ونجيب تراب جديد
اي عجل شلون مانشتغل الا اذا جان
اساس قوي
اي وهاا الرجال بهذا البيت طلع وكال
مااريد اي وصخ يجي علينا يعني لازم نخلي
ساتر بينا وبينهم
صفنت على البيت جان بيت البنيه اياها
بنائه حديث وركن تصميمه كلش حلو ومميز
حكه بيته جديد ولازم نراعي بهذا الشي
قبل لاتبلش شغل خلي ساتر بينا
وبينهم
هو هم هيج
افتريت اني ويا بالكاع وظليت ادقق بالشغل
تاخرت لان اتصلت بجم واحد واتفقت وياهم
يطلعون النا من وكت،،،،، لميس دكت اكثر من
مرة فضيت شغلي مشيت للسياج مال البيت
البصفنا وكفت اتصلت عليها جاوبت
بسرعه
هااي وينك وليش مااجاوب وليش تليفونك مشغول شنوو ماجاي تشوفني اتصل عليك
جاوبت بضوجه
شوكت تبطلين هالطبع لخاطر الله سلمي
كولي شلونك هااي ماتعرفيها بس
تعرفين تنهدين وتغلين
بسوالف تغث
هااي اني مالك اني العندي سوالف تغث
لو انت
لميييس حسج لايعلى عليه تره تعرفين
خلگي شلونه وتعرفين كلش زين
اموت من المرة الي ماتحترم
وتعلي صوتها عليه
سكتت وكملت بغضب
حضري روحج جايج هسه اني بالمنطقه
سديت الخط عيوني راحت لسياره اجتي
ووكفت يم البيت الي اني واكف يم سياجه
بشير حرك وراح نزلت بنيه ضعيفه
طبت للبيت درت روحي ومشيت لسيارتي
ولد كاعد بالسياره ظل يباوع عليه سلمت علي
السلام عليكم
هلا وعليكم السلام
اني صاحب هذا العقار الي بصفك
ان شاء الله قبل لانبلش بناء نخلي ساتر
بينا وبينكم حتى مااتتاذون من الشغل
هاا تسلم وبارك الله بيك
سلمت ورحت صعدت بسيارتي
رحت اخذت لميس من يم بيت عمي ورجعنا
للبيت
هيله
من التحق شهم حسيت، ،،،الديره فرغت عليه
ووفراكه اثر بيه اصفن للگاع واتخيله
هناك واكف يسگي يدحك عليه مبتسم وياشر بالسلام
ابن عمي جان حب طفوله وصبا تعلمت علي
وهو تعلم عليه حبيته حب عذري وبخجل
ماجنت اعرف احجي مثل ماجان
يريد لان اشوفها حرام
هو مو رجلي واني طبعي جان هيج اخجل
من الچلمه الحلوه لو كالها هو مو عاد
انا احجيها،،،،
حالي جان متكدر وتكدر بعد اكثر من
سمعت ابويه يتكلم مع امي بليل
جانو برة اخذت الهم الجاي
سريت للحديقه ووكفت يم شجرة من سمعتو
يتكلم بهم
مثل ماكتلج يازهيره شيخ صگبان يريد
هيله
لزمت الصينيه بگوة وعكدت حواجبي من سمعت
الكلام امي ردت بخوف
وش دكول ياابو هيله هالشيخ الشايب
يريدها وهو يعرف هي مخطوبه لشهم
اي كتلو هي مخطوبه لابن عمها وانت تعرف
هذا الشي لجن ماسمع كال اريدها
وشتريد مهر انا حاضر
اله
يخسى هالشايب بنتي ماتروح الو شيريد
من الله بعد عندو ثلاث نسوان وماصارلو
فتره من ثلث يريد بنتي الرابعه
اي وخالها بعگلو الما يستحي ووكفتها
وي خلف ورميها على ابن الشيخ
شعلان خلتو يشد
ويلح عليها
امي لطمت صدرها وجاوبتو بخوف
وانت وش گولك ياحميد
كولي لاااا بنتي ماهي سلعه يزايد عليها
ياهو الجان كلت لاخويه هي
لابنك وانطيتو چلمه
لشهم وماارجع بها
راح يسكت هالشويب
يسكت ماايسكت انا كلت له هيله انطيتها
لابن عمها ومستحيل ارجع بكلامي
وي اخويه
يااربي هالشيخ ماعندو من الشيخه بس
اسمها
ااي والله بس اسمها
يابو هيله خل شهم من يرد يگطع مهر
حتى ينسد حلگو للشيخ صگبان
شتريد يازهيرة اروح لاخويه وابنو واكل
الهم تعالو اگطعو مهر على بنتي لان الشيخ
صگبان حجه بيها واكفه
هاي وعيب بحگي وانتي تعرفين
ابن اخويه مو جاهز ولا
عندو استعداد لاي
شي
مدري خاف يصير شي ويخرب قسمه
هيله
ماايصير الا كل خير الرجال سكت
صح زعل وخله يزعل انا مايهمني غير
بناتي ياخذن الي من عمرهن والي اعرفو
راح يعدل وياها ويخاف الله بيها
حميد خاف يحاربنا برزقنا تعرفو هذا ماعندو مخافه الله وين نروح لو شد ويانا
وين نلفي واحنا ماعدنا
شي نسند علي
ابويه سكت بعدين رد
الله موجود وماينسى عبدو
امي سكتت وهو هم
رديت ليورة بعد السمعته عگبت للجوه
حجيت وي ريمه وكلت
احمي الجاي ماهو بحار
هاا شلون مو حار وانا شلتو من النار
وصبيتو
مدري احسو مو حار وانتي تعرفين ابويه
يحبو حار كلش
اخذت الصينيه مني شافت الجاي
وكالت
اي والله مو حار خل اروح احمي
اختنگت وضجت من السمعتو وطلعت
بره تمشيت ليم الشاخه هناك جنا مسوين كعده
انا والبنات نكعد المغرب
لو العشه وي ولد عمنا
وبعدين نعگب
كعدت ودحگت للسما ظلمه والليل
سكون بس،،، صوت العكرك ينسمع
وصوت المي
يجري صارت هوسه براسي
من ورة السمعته وضجت
كلش لان عرفت الشيخ صگبان خال عيونو
عليه ورادني الو هالشويب عرفتو
مو راحه من ظل
يحدر علينا وعيونو تفتر بكل مچان
لجن مافكرت ولا اجه بالي هو يريدني
الرابعه انا الي بكد بزر بزره هالزلمه ابدا مايخجل
ولا يخلي قدر لعمرو ذاك اليوم تزوج وهساع
اجه يطلبني انا وهو يعرفني
مخطوبه لشهم ابن عمي
حجيت بغضب
شنو هذا مايعرف مايجوز الو يخطب فوك
خطبه اخوه المسلم ماسامع بهل
الشي وهو شيخ شكبر اسمو
كمت لحيلي وبنفس اللحظه ضوه لايت سيارة
صجع بعيوني خليت ايدي
عليهن ادحك من وراهن
واحد نزل وصار جدامهن وخرت ايدي
عكدت حواجبي من شفتو برق
الشر واكف ويدحك
عليه بخزره
زين العابدين
تفكيري كلو صار بهيله والسوتو بيه وقهر ترس
گلبي من شفت ابويه وگف وياها
وانطه بي ونظرة الشماته
الي بعيونها ذبحتني
ذبح
ردت انتقم منها ردت ارد اعتباري وابرد
نار گلبي بيها لچن شلون ماعرفت
كل ليله اروح واجي لگاعهم اظل كاعد
بسيارتي ادحك لدارهم من بعيد
والف فكرة مو زينه تدور براسي واريد اسويها
بها واعكب وانا مامسوي شي
بليله طلعت مثل كل مره
وكفت مسافه عن الشاخه طفيت الاضويه
وكعدت اشرب دلع خابرتني
وماحجيت وياها لان مالي خلك الها
وره ساعه لمحتها اجت تمشي كعدت
يم الگصب بمجانها هي وخواتها
ماانتبهت اليه ولا شافت السياره ظليت
ادحك الها بخزره والغضب
تارس گلبي والكره
كامت وره مدري شكد شغلت الضوه بسرعه
نزلت من سيارتي تمشيت ووكفت
جدام الضوه شافتني
دارت روحها مني
تريد تعگب صحت بغضب
اااحاجيج يبنت العرب
وكفت دارت روحها عليه ردت بااستهزاء
نعم يبن الشيوخ
گربت جاي تكلمت بغضب
موو ناسي السويتي بيه وحگي راح اخذو
منج وعن گريب كلش
ابتسمت وردت هم تكلمت باستهزاء
تهددني يابرق الشر
هاي انتي گلتيها برق الشر يعني تعرفين
انا شنو وشاكدر اسوي
ههههه
ضحكت بصوت لميت ايدي بقوه
وخزرتها وانا اريد اعبر الزمها واعدمها
العافيه ردت بروده
ايدك الك يااشيخ شتريد تسوي سوي
اليطلع منك ماهو بجديد عليه
شفتك من هديت عليه
وسلاحي وگفك
وحك الله الااااا ابجي هاي عيونج
الگويه
ردت بابتسامه
انا مااايبجي عيوني غير عزيز وانت ماهو
بعزيز يابرق الشر
سكتت وهي هم ظلت بس العيون تحجي كرهنا
واحد للخ سرت وهي مبتسمه
بشماته صحت بغضب
هينه يولي هينه يالدعسه اعلمج ااعلمج
يجيج يوم وتكعين بايدي وذيج
الساعه اشوفج برق
الشر شراح يسوي
بيج
ماردت تجاهلتني وخلتني اتخبل بعد اكثر
ضربت السياره برجلي وانا احجي
واغلط عليها
وووج لسان كحبه مووو هيج من خرب بيج
من خرب بالساعه السوده من لفيت
هينه خرب بالحظ الي
خله امري بايد ابويه وشور راسي منوو
سكتت ودحگت الها من بعيد
ماتمشي على الگاع لااا جن دايسه بگلبي
بخطوات من نار ورثت غديت
عطابه صحت بأعصاب
والله مااظل هينه اعگب لاربيل وشيريد يصير
خله يصير
رگبت سيارتي وسويت الي اريده هجيت
من الگاع وردت ابعد بلگي نفسي
تهدا بس افارك هالشگول
دست بيها وانا صاير نار واسب بهيله واحجي
واغلط موو مرة غضب الچلمه بطرف لسانها
بس احجي تردني بعشره وتخليني
اسكت وابلع لساني
ظليت اعصاب والغضب تارس گلبي طول
الطريق ماراحت من بالي وظلت سوالفها
براسي تدور ومخبلتني بنص الدرب
هدأت وحجيت وي روحي
هاا يازين گسرتك ام عيون الگويه ولك حرمه
خلتك تهد كلشي وتهج من ديرة ابوك
واذا سمع الشيخ شراح يعمل
بك اذا سمع هديت
كلشي وهجيت لاربيل ماراح يسكت
وراح يطلع قهرو بامي وهي مو عايزه ويشعل
البيت فوك راسها ويجوز يسوي الكالت
علي امي ويروح يتزوج عليها
درت سيارتي وعگبت لديرتنا وانا حالف
اكسر عين هيله
الشيخ شعلان
صليت الفجر وي الحجيه كاعد جارها
نسبح ونستغفر الله هي تكلمت
يمه ياشعلان
سمي يمه
سم الله عدوك يبعد امك اسال
اسالي يمه وكولي
مافكرت بالموضوع اياها
سكتت وصفنت على السبحه الي بايدي
ردت كالت
ها يمه اشوفك سكتت اهوجس انت ماتريد
الي اريدو الك
يايمه انا مالي نفس بالزوج العندي مكفيني
يمه وليدك ماهو بزلمه الي تريدو واخاف
يضيع الشيخه بسوالفو الشينه
زين تعدل حالو بهل جم يوم وهد اربيل
وكعد بگاعنا ورگد
اوف يمه ابنك ماتعدل حالو وهساع تشوف
جم يوم وتسمع به راد لهناك
لا يمه انا حذرتو كتلو ماتصل بعد واذا وصلت
تشوف شي مايسرك
هاي انت وهاي انا وشوفو شلون ماراح
يحن ويعگب على امهات الدف
الضاحكات علي هو وابن مخولو
العاطل
سكتت والكالت علي امي بنفس اليوم صار
وزين هد الگاع خابرتو بعد مابلغني
مشعل هو طلع بسيارتو
ومايعرف وين
ولى
خابرتو مارد صرت نار بس كتمت البيه
من وره المضيف وكعده الزلم للظهر حدرت
للبيت طبيت اعصاب فضه تلگتني
خير ياشيخ وش نوحك صاير شي
صاااير بله صاير مووت يافضه
اسم الله وش صاير
ااابنج ماناوي يتوب مااراح يجيبها اابر
الا اخلي جيله برجلي واسگطو
واخلي يكعد چدامي وهو
سگط
شببي شسوو
هد الگاع وهج لاربيل ابنج الساقط حن
لامهات الدف وللسم الي يشربو
فضه كعدت مهدود حيلها امي اجتي
من جوه سمعت الحديث كلو وتكلمت بقهر
ها يمه ماكلت لك هذا ماراح يتوب من
البي كتلك الفجر وهاااك شوف شعمل عگب
الهن فلوسك راح تروح بختهن هن
والمنكر الكاعد يجرعو
بسج ياعمه تزيدين فوك النار حطب
ااسكتي ومااسمع الج جلمه كلو منج
انتي السبب ضيعتي الولد بدلالج وااانت
يالحيلتي
امي انهدت بيه وكملت
انت شبلاك جلمتك وين وشلون يكسرها
ااحجي يبن بطني اذا بزرك مايسمع
جلمتك شلون تريد
الغريب والگريب يسمعها منك
يااعمه بسج كاافي البينا كافينا
عگبو يااشعلان عگب ولدك والزمو دگو
بهل العصا الماسويتو من هو صبي
سوي هو ورجال مشورب
جهازي دك جان هو فتحت
الخط حجيت بغضب
وين انت
بالگاع مالتنا
لاااتجذب ولك انت هديتها وطلعت لاربيل
لا يابه ماارحت وهساع انا واكف وي الزلم
تانشوف البير وش به
ااسمعني زين يبن امك
سكت كملت بغضب
تكعد هناك ومااتتحرك الا بامري بالقران اذا
هديت الگاع وتحركت شبر عنها ماتشوف
غير كل شر تسمعني ولك
اسمعك شيخ وامرك فوك راسي
سديت الخط وكعدت فضه حجت بخوف
ها وينو
بگاعنا
هاا ياعمه شفتي طلع جذب مو رايح
ولا كاسر كلام ابوه
بسسسج يافضه
صحت بغضب سكتت وامي حجت
زجوو ياشعلان شوفلو بنت عاقله تعرف
شلون تخلي يرگد بدارو بنت تفهم
وتخاف الله تعلمو الصح
من الغلط وتخلي
يمشي عدل
تنهدت بحسرة وجاوبت امي
راحت يايمه الجنت رايدها له
منهي ااعرفها
فضه سالتني بذهول وامي ردت
منهي يمه
بنت مله حميد هيله
يااع الفلاحه بنت الفلاح
خزرت فضه خنست بخوف تكلمت بحده
هااي الفلاحه بعشر زلم احسن من ولدج
قاريه القران وتصلي وتعرف حدود الله وسند
لابوها وحزام ظهرو الي،،،،ياخذها
يربح وابنج الله ماحبو وسهل الي جنت
اريدو الو لان البنت انخطبت
لابن عمها
احسن
جاوبتني بفرح امي ردت
ااكلج يافضه انتي ابوج شجان يشتغل
مو فلاح بكاعو
ابويه ملاج مو مثل مله حميد اجير وماعندو شبر
بهل الارض وبعدين ابني شيخ ابن شيوخ يتزوج من ثوبو مايروح ياخذلو فلاحه بنت فلاح
هزيت راسي بعدم رضى وكمت لحيلي
جاوبت ام زين بغضب
انتي اساس البله كلو ابنج اخذ منج
التكبر والغرور ضيعتي ياافضه من ورة
خشمج اليابس وزرعتي بعگلو هو احسن
من غيرو وكلنا باجر نموت ويتساوى
يم ربج الشيخ والفلاح وبس
الي عملو زين راح يسلم
لا يفيد مال ولا جاه يم رب العباد
الا الي يروح بگلب سليم وصفحتو بيضه
ومو ظالم احد بفعل لو لسان
مااحجيت شي يااشيخ
لااا حجيتي يافضه
خافي الله لايعافي الفلاحه
وتصير احسن منج وانتي تبتلين
بشي ماهو على البال
ولا على الخاطر
ماايبلانا الله ولا حجيت شي غلط كلت
هي فلاحه وهذا الصدك
وانتي فلاحه بنت فلاح واخذج شيخ
ابن شيوخ ماكو فرق لجن انتي
عبالك نسيتي اصلج
نسيتي انتي من وبنت من
ومنين جبناج
امي ردتها بنغزه وفضه سكتت
وبعد ماحجت شي
ليان
صرت فلاونزه وتعبتني كلش مافتحت
المشتل يومين زبائن اتصلو ثالث يوم يسالون
على كم نبته موصيني عليها وكلت
خلي اروح افتحه العصر
من بديت اشتغل حسيت بتعب ونحول
كلت تورطت فتحته كعدت ارتاح
شويه واهفي لوجهي
لان صخنت
طلعت الدوة وشربت اجتي خاله سوسن
الي موصيتني على كم نبته
زينه اخذتهن وراحت وهم اجه عمو
صبري اخذ شتله تين اسود
وراح كلت خلي
اسده وارجع للبيت لان تعبت كلش اني
دافتر بالمشتل زبون طب
حجيت
هسه اجي
مشيت لليم الباب شفت المقدم واكف
يم الميز ويقلب بالدوه ثگلت بالمشي باوع
عليه سالني والقلق بوجهه
شبيج مريضه
تجاهلت سؤاله وكلت
تفضل رايد شي
صفن بعيوني وكال
سالتج مريضه
روحي جانت طالعه من المرض ومنه هو
الي لزك بيه وبالي نيته وصخه جاوبته
بغضب
هذا شي مايخصك
ابتسم وجاوبني بهدؤ
لااا يخصني لان انتي تهميني
ااستغفر الله ياربي اخي انت شتريد
اهداي وخليني افهمج لان انتي الظاهر
مفتهمه الي اريده غلط
ااي وشتريد بله فهمني انت ليش
رايح جاي عليه شنو بالك عبالك اني من ذني
الخفيفات الي بكلمه يضحكن او ينطن
مجال لاا احب اكلك اني مو منهن
ولا ااا احب هاي
السوالف
واني هم مااحبها ولا بالي اسويها
سكتت من جاوبني هيج رجع ابتسم
وكمل
على كيفج وي روحج مريضه ومااريد اغثج
بس اكلج اني نيتي خير وشريفه
يعني مو الي بالج
ااخي
قاطعني بسرعه
موو اخوج اني ولا راح اصير لان اني
اريد غير شي اريدج اليه زوجه
سمعت الكلام وخدودي اشتعلت نار وارتبكت
كلش صفنت علي بذهول كمل
بسرعه
ست ليان كتلج اني قصدي شريف من
اول مرة شفتج بيها مااعرف شصار بيه مااعرف
تعلقت بيج وكمت احب شوفتج
انت شجاي تحجي
السمعتي كتلج اريدج اليه الله شاهد على
كل كلمه اني احبج وحجيت لامي
ولاختي عليج بس اريد
منج تفكرين بيه تخليني على بالج
وبس ادكولين اي اجيب اهلي
واخطبج
كلشي صار بسرعه ظليت ساكته ومذهوله
جاوبته گوة
ااني مااعرفك منو انت ولا اعرف
اي شي عنك ولا انت تعرف عني اي شي
شلون حجيت هيج وشلون تريدني
الك زوجه هيج بسرعه
بسرعه
ابتسم وجاوبني
تذكرين من شفتج وي اخوج
رفعت حواجبي كمل
سالتج هذا منوو وماجاوبتي حالي
تخربط وكلت مزوجه ورحتي من ايدي بس
سالت عليج وعرفت كلشي عنج
وعن عائلتج
عكدت حواجبي وخوف صار بگلبي
باوعت للباب ضحك بصوت وكمل
ست الله يخليج لاتخافين مني اني تره مقدم
بالشرطه يعني اكدر اطلع كل المعلومات
عن اي واحد اريد اعرفه منو هو
وابن منوو
ااستاذ
ايهم مو استاذ وكتلج فكري زين يله
تنطيني الجواب راح انتظر ولو تعبت بهل
اليومين كلش لان ماشفتج بيهن
سكت وظل صافن بوجهي خجلت من
نظراته درت راسي حجه بهمس
من شفت عيونج اجتي بالي اغنيه
سحر العيون وظليت اسمعها بكل مكان واني
اشوفج كدامي
استاذ اني مااعرفك حتى تحجي وياي
هيج
ضحك وجاوبني
راح تعرفيني ست من اجي اخطبج
من اهلج لان الاي مالتج ماراح تطلع الا واني
مشيب وواكعه سنوني
سكتت هو كمل
راح اروح واتمنى من يجون الاهل اسمع الموافقه
منج قبل اهلج
ماجاوبت نزلت راسي واحس بنبضات
گلبي،راح تفضحني لان كام
يدك بجنون
طلع وصوت الجرس فززني عبالي اني
بحلم بس اثر عطره بالجو بعده ودكات گلبي
المجنون اكدت اني مجاي احلم
كعدت مصخنه بعد اكثر وصافنه على
الباب اول مرة اركز بتفاصيله
شاب طوله وسط حنطاوي وشعره اسود
مزينه خفيف عنده شوارب جسمه
متروس وعيونه سود
شكله عادي بس يجذب الواحد باناقته
وكشخته تنهدت وظليت
دايخه بالسمعته
كال راح يجوكم الاهل زين اني شلون اوافق
علي واني مااعرف اي شي عنه صفنت
على روحي القبله هم ماعرفت اي شي عنهم
واحد صديق ولد جيرانه
وماصارت واللخ بالمشتل شافني وهم
ماصارت وليش مااعرف
خفت اكول اي وهم انصدم وره فتره
شاسوي ياربي المن اكول المن
احجي
وسيم هزيت راسي بلااا
شافه هنا وخاف يشك عندي شي
ويا
سكتت وخفت من الموقف كله بعدين
كلت اكله وسيم يثق بيه ويعرفني اني شنو
واكول لامي هي تعرف تصرف
ايهم
طلعت من يم ليان گلبي فرحان كلش
لان مارفضت ولا كالت لااا من شفتها اول
مره مااعرف شصار بيه جذبت
عيوني وخلتني اسير
عيونها
اني شايف اشكال والوان وداخل علاقات
هوايه بس كلها تقضيه وگت
بس ليان غير شي هم حلوة وهم
ثگيله كلش وتعاملها وياي خلاني اعجب بيها وباخلاقها ومن سالت عليها عرفت
هي انخطبت مرتين وماصارت
ردت اعرف ليش سالت اول واحد
وحمد بيها كلش بس كال امه وره ماخطبها
سوتله مشاكل لان رادت بنت اختها
وانسحب
واللخ عرفت خطب وطلع لجوئه هو واهله
للخارج وفصخ حتى مايسوي لم
شمل
يعني هي مثل الورد ومابيها شي
كلت اتوكل واخطبها ومااضيعها من ايدي
لان هيج بنات صارت عمله نادرة
بهل الوگت
مالك
جان لازم اطلع لاربيل بشغل
اشترينا بيت هناك وطلع اكو بي شغله مو
مضبوطه بشير مااعرف شلون
فاتته راد يروح ماقبلت كلت اكعد واسكت
خليني اني اتصرف وارجع الفلوس
بمعرفتي
بليل حجيت
لميس باجر طالع لاربيل بشغل
ووين رااايح
لاربيل هاي شبيج گبتي
مااالك هم رجعنا يعني احنا ماانبطل من
هاااي السوالف الجايفه
فزيت بغضب من شفتها كامت تصيح
مشيت الها اكزكز باعصاب
حسج يووولي لااااجي اكبرج
ااااكبرني مااللك موتني بس روحه لاربيل ماكوو
باعي لج تره طولت خلك وياج كلش
اكول صغيره وحامل وتدلل وحكها بس من
توصل تصيحين وتعلين حسج عليه
اكول انعل ابو الدلال لا بو اليدلل
فأسكتي احسنلج لا اشوفج
وجهي الثاني
شفته ولعبت نفسي منه وساعه السوده
الي حبيتك بيها وقبلت بيك
اااكلج ماراح امد ايدي عليج تعرفين ليش
لان ملت روحي منج وين جهازي
خلي اخابر اخوج وهو يتصرف وياج
شرااح ادكله رااايح لگحابك
فقدت اعصابي وضربتها راجدي صاحت
بيه وهي تبجي
تضربني ماالك من ورة گحابك
هديت عليها كعدت بالگاع ولمت روحها
بخوف وكفت فوگاها اريد اگبرها
مااكدرت من وره وضعها
خليت قهري بالطبله شلتها ورگعتها
بالگاع صحت بجنون
ولج،،،،،،كاااافي كااافي داااكلج بطلت
بطلت كلشي لييييش ماجاي تسكتين بس
فهميني شتررريدين اكتل روحي
اموتها لميس حتى ترتاحين
اطلگج حتى تولين من
وجهي وتريحني وارتاح
ااخ يمه
صاحت ولزمت ظهرها ردت ليوره
وهي تكزكز من الوجع رحت عليها اصيح
بغضب
خرررب بيج خرب بالساعه السوده الي تزوجت
بيها مااتكدرين تسكتين وتسترين
على روحج
ماااالك ظهري انقسم ااخ يمه
شلتها بسرعه وخليتها على الجربايه حجت
كوة وهي تبجي
دوايه اانطنيا بالجرارة
فتحت الجراره بقوه الا اجتي بايدي
طلعت الدوه انطيته الها ورحت جبت مي
ورجعت اعصابي مشدوده وگوة ضابط روحي
شربته تمددت تبجي وتشهك
كاافي ارحمي روحج وارحمي الطفله كافي
تره مليت من الجاي تسوي بينا
كاعده
تشوفيني يمج مكبور
عش هيج كاعده تسوين بينا
بس فهميني
تريد تروح لاربيل
ماراح اااولي ارتاحي وعسى شغلي
بالهجم عساني بالخسارة حتى ترتاحين وينهجم
بيتنا
ظلت تبجي وتلوم بي انت السبب عدمت
الثقه بينا ووو وكلام ملت روحي
منه عفتها بالغرفه وطلعت
بره ادخن وصافن
على حالي
ياربي لا اني بذاك الحال خلصان ولاا اني
هيج خلصان شااسوي بروحي
حتي يرضون ويعوفني
بحالي
دخت وي اهلي وهي واهلها وماعرفت
شلون اتصرف وياهم ومليت من هالمشاكل
اليوميه جاي تصير بيني وبينها
زين العابدين
جان لازم نخلي ماطور جديد على
الشاخه حتى نكدر ندير مي يكفي الگاع بعد ما
زاد الزرع بهل الموسم
وكفت وي عم محمد فلاح گاعنا جبير بالعمر
ويعرف كلشي عنها
نوجه بالعمال والفلح حتى ينصبوه بمچانه
ابتسمت لساريه وريهام من وگفن
يدحكن عليه سلمن
اشرت بايدي الهن ساريه ضحكت
وكعدت ادحك عليه هي وجهال بكدها واكبر
العصر خلص وقبل الغياب خلصنا
شغلو ودير مي بقت الساجيه باجر نحفرها
فضت الاوادم وعكبنا وصلت لدرانا
دورت جهازي ماكو
تذكرت اخر شي خابرت ابويه يم الشاخه
وكلت اكيد وكع من جيبي
ركبت سيارتي وعكبت كلت اجيبو بسرعه وارد
وصلت ليم المچان دكيت علي
بجهازي الثاني دك يم
الماطور
لگيتك
ياازين
سمعت صوت ساريه ويمها ريهام
ابتسمت لها وكلت
شعندج هينه عگبي الدنيا صارت مغرب
ااعكب وي هيله من ترد
سكتت ريهام حجت
هيانها ردت
درت وجهي وشفتها للمكموعه لفت هي ومهره
عكدت حواجبي عكبت من گربت عليهن
وصارت گريبه مشيت جم خطوه
وكفت من ريهام صاحت
ياااساريه حدج راح تگعين
التفت بسرعه لمحت هيله كمزت بالشاخه
رگضت وتفاجأت من شفت ساريه طامسه بالمي وتريد تغرك كمزت عليها سبحت بسرعه وصلت
يمها كضبتها وطلعتها لفوك سحبتها للبر
خليتها على الگاع تتنفس ومابها
شي ريهام تعيط وتكمز فوك
هيله ماااهيه غرگت اااالحك عليها يازين
