رواية تسجيل خروج الفصل السابع بقلم جمانه السعيدي
طارق...اريد افكر بخطه اطلع نرجس من حياتي قبل لا تخربها بس بدون مااجرح شمس
شلون خاف احجي الحقيقه وتنتشر هاي السالفه
وحياتي حياة اخو شمس تخرب
لازم افكر بطريقخ ذكيه
مبينه نرجس ماتريد تعوفنا بحالنا
مومعقول اني صارلي شهر من ازوجت اجي احجي كلام عن نرجس واخرب هاي العائله الي قدرتني وماقصرت وياي بشي اني شنو داخل حياتهم حتى اخربها
لازم اكو طريقه اخلص بيها منها
ثاني يوم رجعت لكيتها بيتنا تطبخ هيه وشمس
شلون بلوه هاي ياربي
هسه هاي ما تستحي اي انتي اختاريتي
اختاريتي حياة غير حياتي ليش جايه تردين تخربين حياتي من جديد
دخلت اني غرفة النوم ابدل وشمس دخلت للحمام
جان تجي وراي الغرفة النوم
من شفتها انصدمت معقوله وصلت بيها الجرئه
الهلدرجه
طارق...انتي ما تستحين
نرجس...ليش استحي تحبني واحبك من زمان
طارق.. شنو احبج شنو تحبيني انتي مذكره
نرجس.. مال تقنعني انت نسيتني مااقتنع
انت الي جنت تبجي عليه بدل الدموع دم من عفتك
نسيتني بهاي البساطه
طارق...عفتها بغرفة النوم وطلعت مااريد شمس تشوفنا
سوه
نرجس.. تعال لا تتهرب مني
طارق...امشي اطلعي برا وبعد ممنوع ادخلين بيتي مره ثانيه
نرجس....فكر زين بس تطردني احجي كلشي عن حبنا الشمس مو بس هيج راح اكول ازوجج حتى يقرب مني
طارق...لا انت فعلا مصيبه
جمانه السعيدي
طلعت شمس من الحمام
نرجس....ليش ما نطلع نتعشى برا
شمس...غير حضرنا العشى
نرجس...مو اليوم باجر ولله ضوجه الكعده بلبيت
طارق...اذا نطلع اني و شمس وحدنا
انت اطلعي ويا زوجج
نرجس...وينه هو زوجي طاير من مكان المكان
لا يسئل عني ولا بحالي
طارق...مشكلتج اني مامسؤل عنج
نرجس...وشدعوه انغثيت هلكد ترا مراح تصرف عليه اي شي
اني اصرف على نفسي بس علمود اللمه
طارق.. اصلا اني بعد يومين عندي سفره المصر
راح اخذ شمس وياي نبقى اسبوع ونرجع
شمس...ولله تحجي صدك
اني ابد مارايحه المصر
طارق....اريد اغير جوه اني وياج اصلا اني بعدني ما شبعت منج
نرجس...هااا يعني هاي طرده بنزاكه
شمس....لا ما نطردج اهلا وسهلا من نرجع للبيت تعالي
نرجس...تمام يصير خير
طارق...ذني اليومين اختفت نرجس مااجت يمنا
كلت يالله خلصنا منها بلكت حست على نفسها
بلكت تطلع ذكيه وتحافظ على بيتها
حضرنا الجنط وأخذت شمس وياي للشركه
ننتظر الوفد يجمع حتى ننطلق
اخوي هو المسؤول عن تسجيل الحجوزات
جمع الجوازات وانطانيتهن صعدو الجماعه الي مسجلين ويانا
وصعدت شمس
كمت أصيح بلاسماء على الجوازات
حتى اعرف العدد كمل لو بعد
كل الي أصيح باسمه موجود بقا بس جواز واحد
باسم نرجس بلبدايه اني ماانتبهت للاسم الثلاثي
راسا طلعت نرجس من ورا الباص
لابسه قاط رصاصي بنطرون وستره وقميص ماروني
ولا بسه نضاره
شايله جنطتها بايدها اشرتلي باصابعها سلام
وصعدت للسياره
.
طارق..فتحت الجواز لكيت صورتها واسمها الثلاثي
صعدت بلباص واني عبالك جمدت
صدك جايه تريد تروح ويانا
الناس كلها كامت تصيح يله مو كمل العدد نمشي
شمس كاعده ورا السايق مكان الها ومكان اليه
ماشافت نرجس من صعدت
السايق.. هااا نتحرك
طارق...اي نتحرك
كعدت بصف شمس
طارق...شفتي المصيبه
شمس...ياستار شكوووو
طارق...نرجس حاجزه على نفس الرحله ويانا
شمس...تحجي صدك
طارق...كاعده ورانا فعلا لا مستحه ولا اخلاق
شمس...شعلينا بيها حاله حال الوفد
طارق... اكيد نرجس جايه حتى تغثنا راح تموت من الغيره
شلون اني احب شمس ومهتم بيها وهيه زوجها مو بحالها
وصلنا للمطار جان تنزل وتجي تسلم على شمس
انطتني جنطته كالت شيل الجنطه مااكدر اني
طارق...كلمن يشيل جنطته مالي شغل بيج
كعدنا بلمطار ننتضر الرحله اني رحت جبت جاي وماي الشمس
وهيه كاعده تباوع علينا
نرجس...ليش ماجبتلي وياك عاد كول جايه ويانا
طارق...انتي جيبي النفسج مالي شغل بيج
صعدنا بلطياره بس طارة الطياره
الكاعد ووراي صاح طارق
التفتت شكوووو
كال هاي البنيه تكول دخت من الطياره
كمت لكيتها نرجس لازمه راسها
طارق.. هااا خير شكوووو
نرجس...يمكن ضغطي صعد من الطياره راسي يوجعني
عفيه عندك علاج ضعط
طارق...ماعندي اذا عندج علج اعلجي وينزل ضغطج
نرجس...ماعندي
طارق....اصبري شويه ونوصل
نرجس....شنو شويه ونوصل الطريق ساعتين ونص ويمكن أكثر
طارق...وشتريدين مني
نرجس...ابقى يمي انت مو مسؤول عن الوفد
اني موجايه ويااا شركتك انت مسؤل عني
طارق....لازم تاخذين احتياطاتج خل اشوف شمس عدها علج
رجعت الشمس عندج علج لان هاي زوجت اخوج راح تجلطني
شمس...شبيها
طارق...ضغطها صاعد
(( طبعا هاي حركه منها تريد تثبت النفسها اني بعدني احبها واخاف عليها
من اشوفها مريضه راح اتخبل عليها وابقى وياها ))
جمانه السعيدي
انطيتها علج ورجعت المكاني
من نزلنا اني بقيت واكف باب الطياره حتى اتأكد كل الوفد نزل جان تنزل نرجس عصبيه
نرجس...هاي شبيك ما تنطي من نفسك مو كتلك مريضه
طارق.. واني مو طبيب
نرجس...انت مسؤل عن كل واحد جاي وياك
طارق....اذا ما يعجبك هسه احجزلج مرجع على حسابي وارجعي
نرجس...حامض على بوزك ارجع اني جايه اتونس
وبعدين شنو على حسابك قابل اني محتاجه الفلوسك
طلعنا للفندق هيه صممت اله غرفه وحدها محد يكعد وياها اما باقي المسافرين
عادي كل ثنيين بغرفه كل اتلاثه
صارت غرفتي اني وشمس بصف غرفتها
كلما نريد نرتاح تجي ادك الباب
طارق.. ...هاا خير
نرجس. تعال شوف التكيف
طارق...واني شنو مصلح تكييف اتصلي على الاستعلامات
ويجي واحد يشوفه
طبعا هيه ما كاتلها التكييف تريد تستفرد بيه بلغرفه
دخلت وطبكت الباب
هيه اصلا جايه بهاي الرحله حتى نكعد اني وياها بمكان وحدنا بس لو تموت مراح اخليها تحقق هذا الشي
شويه رجعت عليه
نرجس...الكنتور بغرفتي وكعت الباب
طارق...واني نجار اتصلي على الاستعلامات
نرجس...يعني مراح تجي تشوفه
طارق.. ابد غرفتج مراح ادخلها بطلي هاي السوالف التعبانه وروحي الغرفتج
نرجس...ضجت خل اكعد وياكم
طارق...لا اريد انام اريد انام اني وشمس شعندج جايه يمنا
طبكت الباب بوجها
شمس...خطيه جان خليتها تدخل
طارق...اس ولا كلمه هناك كاعده على كلبنا وهنا هم
طبعا اني مضطر اكون ويا الوفد بكل مكان نروح علي
وهيه من ضمن الوفد
شكد حاولت تستفرد بيه
بس ما انطيتها مجال ابد لازم شمس بايدي ونمشي سوه
شكد حقيره مااعرف براسها عقل لو قندره
من كل عقلها بعد كلشي سوته وياي
وشكد حقرتني ونزلت مستواي ارجعلها بكل بساطه
واخون زوجتي واخون الرجال الي أمني على بنته
وزوجها شلون اباوع بوجها
اني شكد جنت مغفل شلون تعلقت بوحده حقيره مثلها
ماعدها دين ولا ديانه ولا احترام
جمانه السعيدي
لمن اتاكدت ماتكدر تخليني اهتم بيها
شافت واحد من الوفد وراحت صادقته تطلع وتدخل ويا
حتى تثير غيرتي
طارق....شمس شوفي شلون تمشي ويا هذا
شمس...ولله لو يشوفها زوجها
طارق....مااعرف شلون متحملها اخوج يعرف تصرفاتها هاي وباقي عليها
شمس...شمدري
طارق...مايعرف يسئلها بس يعرف ينطيها فلوس تمشي على راسها بكيفها
رحت عليها كتلها ليش ماتحترمين نفسج
نرجس. .ههه هااا غرت عرفتك تحبني
طارق.. يااا احبج ترا سمعتج من سمعتنا والضحك والسوالف ويا هذا وذاك اجيبلنا الحجي
نرجس.. واني قابل شسويت كول اغار وفضها
كول بعدني احبج بس اكابر
طارق...اذا ما تحترمين نفسج اصورج وادز الصور الزوجج وهاي أخته شاهده على تصرفاتج
احترمي نفسج حتى الناس تحترمج
