رواية ليتني واجهتك الفصل السابع بقلم مريم الطائي
اماني ....
انصدمنا كنا بخبر موت علي جانت صدمه قويه حتى علينا نحنا اصدقائو بس قوينا نفسنا لخاطر اهلو وخصوصه سدره ولؤي
لاعشتو ع صديقتي ماتهنت بخطوبتها بل كوة ع ماابوها اقتنع وهسا فقدتو جانت ايام قتل وخصوصه الاعلامين والمنتسبين
سدره حييل ماضل بيها ولؤي واكع بصفحه يبجي مثل الطفل ع اخو هو وعلي جانو روح وحده
صهيب والطلاب يهدون ب لؤي وسدره وجنات اتخبلت ماتعرف وين اتروح ع لؤي لو سدره
فتحنا البطل مال ماي ع سريع ودا اشرب سدره غمضت عيونها وجسمها راح كمت اضرب ع وجها
سدره سدره فدوه اكعدي اشجالج
صهيب ؛:غمى عليها مو
اماني؛:لازم انكعدها
صهيب ؛:الطالبات سوّوا دائره وحاوطو سدره والشباب اشويه ابتعدو هاي هم اختكم وعرضكم
الشباب ابتعدو وسحبو لؤي
والبنات سووا دائره وحاوطو سدره مددنها ورفعنا رجليها لفوك مسكت رجليها وجنات اطش ماي ع وجها وتكعد بيها
ربع ساعه ضلت سدره مغمي عليها اخر شي صحت وكامت اتصيح
اريد علي جيبولي علي مامات والله مامات
سدره ؛:
صحيت ولكيت الطالبات فوك راسي والطلاب بصفحة ولؤي بعده يبجي
صحت اصيح جيبولي علي
لؤي من شافني اتهسرت اعصابي كام يصيح مثل مخبل بل كلية
مات ولكم اخويا مات وينك علي وين رحت ياخويا يابن ام وابويا
الطلاب يمسكون لؤي ويهدون بيا مايفيد اتخبلنا
صهيب ::الخاطر الله لؤي الخاطر الله اذا اتحب علي اهداء لازم تهدي امك وابوك كون قوي لازم انخابر اهلك
لؤي؛؛بيا وجه كولي بيا وجه اكول لامي صهيب من البارحه امي كاعد اتحضر بغرفتو والاكل الي يحبو وتكول اخوك علي راح يجي باجر كولي بيا وج بيا وج ياربي ليش هيجي حركت كلبنا ليش
جنات؛:عفيه لؤي عفيه حبيبي كافي فدوه الخاطر عمي وعمتي لازم اتصير اقوياء
لؤي؛:جنات هذا الغالي هذا الضلع هذا حبيبي
كام يضرب ع صدرو ويحجي ويصيح واني البنات هدوني ويحضونو بيا وبس ابجي الويلاد هدوا لؤي وبلكوه صهيب سحبو حتى نطلع
صهيب ::رحمه لدينك بس كوم خلي نرجع ع البيت
اماني؛:اي لؤي عفيه خلي نرجع لبيت وقوي روحك
جنات؛:كومي ياروحي سدوره خلي نرجع
كوموني الطالبات واخذوني لسياره ولؤي نفس الشي اتشكر صهيب من الطلبه
صهيب يسوق ب سيارتو وعفنا سياراتنا ومو ب بالنا
لؤي كاعد يمو وجنو وامونه يمي يهدون بيا واني ميته بجي
نحنا عدنا سيم بل باب نسحبو والباب ينفتح
سحب صهيب الباب ودخلنا جوى
صهيب ؛: خاله وينج
ماما بل مطبخ طلعت ركض من سمعت صوت صهيب
ماما؛:يمه شبيكم ليش كلكم دا تبجون شبيج ماما سدره
طلع بابا وضل واكف شاف منظرنا هيجي
بابا؛:سدره بابا شبيج شبيكم عمو احجو
سدره؛ بابا علي مات مات يابابا
امي وابويا واحد يدحك ع ثاني مصدومين اتقرب بابا عليه وحضني وكمت ابجي واصيح
سدره؛:بابا راح حبيبي راح صديق طفولتي
ماما اتخبلت كام تلطم وتبجي واتصيح
عمه لؤي كول دا تشاقون مو صحيح عمه علاوي بعد ماشاف شي من حياتو ياربي لاعشتو عليك ياكلبي ياحبيبي
بابا؛:منو كالكم بس فهموني منين جبتو هذا الحجي
صهيب ؛:اتصل واحد ب لؤي من موبايل علي كالي مجموعه مسلحين هجمو ع سيارة علي قبل مايطلع من بغداد وكتلو وكالي اني لكيت موبايلو وشفت اخر اتصل هذا الموبايل ودكيت عليكم
بابا؛:امونه روحي صيحي عمر ب ساع من بيتو
اماني ؛ اي عمو صار
اماني؛
طلعت اركض ع بيت عمر دكيت الباب طلعتلي اسراء
اسو؛: هلو اماني شبيج تبجين
وين عمر عفيه
ليش اش صاير
صرت احجي وابجي
وي علي طالعيلو مسلحين على الطريق وقاتلي
اصخام بوجهي انهجم بيتج ياسدره
وي ميت
اكولها قاتلي قاتلي يعني ميت
يمه ياربي
كامت تضرب ع وجها واتصيح
عمررر انهجم بيت اختك ياعمر راح صديقك
طلع عمر يركض
عمر؛:شكو اش صاير اسو احجي شبيكم اماني شكو
اسو؛:علي علي مات
هااا شنووووو
اماني ؛:هليوم من دا يجي ع الموصل مسلحين طالعين علي وقاتلي وهسا لؤي وسدره ب بيت اهلك متخربطين ابوك يصيحك
عمر طلع يركض ع ابو واسو سحبت ابنها وطلعت ورانا
سدره؛:
ماما تبجي واتصيح لاعشتو عليك حبيبي جا عمر مثل المخبل يركض واني ابجي واصيح
سدره حبيبي
عموري علي راح
وداعتج فلا اخلي دمو يروح هدر
حضني ويبجي معايا
بس هو بعد راح لو تكتل كل الارهابيه
بابا؛؛عمر واحد متصل ب لؤي وكايلهم علي قتلو
عمر ؛شىلون منو هذا
صهيب ؛:يكول لكيت موبايل علي واتصلت بيكم
عمر؛: وين الموبايل جيب
صهيب؛:هذا موبايل لؤي
اخذ عمر الموبايل واتصل ع موبايل علي هذاك جاوبه وفتح سبيكر
الو مرحبا حبيبي
هلا عيني هاي وين طلعتو
اخويا اني ابن خالو .......عمر
اهلا حضرت .....عمر
انت شفت بعيونك صاحب هذا الموبايل من قتلو
اني جنت راكب ب سيارتي وطالع وفجئه مسلحين هجموم وبين كل السيارت كسرو ع سيارتو وسيارتو كلبت
والمسلحين ضربو طلقات وبعدها راحو التمت الناس عليي
وبعضهم جان يصيح يكول مات الى حد ماجت الاسعاف تقريبا فوك الساعه طلعو من السياره شفتو جان طايف بل دم وفاقد والناس كلها كالت مات
يعني متاكد من كلامك
ماعرف والله ياخويا اني سمعت من الناس مات
وانت شنو الي اكدلك مات
الناس كالت
انت ماشفت بعيونك وتحجي ع لسان الناس
امبله اني شفت ب عيوني ميت من طلعو من السياره
استغفرالله كمل
الرجال يحجي ونحنا نبجي واضرب ع رجليه وعمر كل اشويه ياشر يعني سكتوها
بعدها الناس كلها اتفرقت مشيت من يم السياره ولكيت جهازو اخذت وشفت اخر اتصال مكتوب الغالي
(هو جان كاتب ع رقم لؤي الغالي وجان يصيحولو دائما انت الغالي مالتي )
كمت اتصلت بل اخ وكالي راح نجي
انت ماتعرف يامستشفى اخذو
امبله اعرف اخذو ع المستشفى.....
انطيني عنوانك بل كامل واني هسا طالع لبغداد
ماشي حضرت .... عنواني بغداد ......
سلم عمر ع الرجال واتشكر من عندو
عمر ؛:يالا صهيب تجي
صهيب ؛:اكيد اجي ماعوفك
لؤي؛:واني هم اجي
عمر ؛:انت تعبان
لؤي؛ عمر اتركني لخاطرك ربك هذا اخويا
عمر؛: هاي هيا اهداء هسا اخذك
سدره :اني اني هم اجي
عمر ؛لا ماكو روحه
سدره؛:اموت روحي اذا ماخذتوتني معاكم والله
عمر؛:سدره دحكي ع حالتج
سدره :مالي دخل اريد اجي كتلك اجي
عمر؛ماشي بس غيري ملابسج وغسلي وجهج
مسكوني البنات ودخلوني جوى وابجي بدلت لبست عبايه سوده وحجاب اسود وغسلت وماما حضرت مستمسكاتي ب جنطه صغير واخذتها معايا
راد بابا يجي بس ماما ماقبلت تعوفني وحدي هيا جت معانا
جان عمر يسوق وصهيب يمو واني كاعده بين لؤي وماما
الطريق كلو ابجي
لؤي؛:ابو فاروق ماخابرنا اهلي
عمر؛:لا لؤي لاتخابر بيت عمتي هسا واني وصيت جنات اتكولهم لؤي راح لتلعفر لبيت صهيب ع مود يدرس خلي نتاكد
لؤي خلى راسو ع جام ويبجي من شنو نتاكد اذا اخويا كن كلبت بي السياره وضاربي كومه طلقات هسا اش ضل بي
ابجي اني واهدي ب لؤي
كاافي لؤي حباب
سدره هذا علاوي الي راح ياسدره
غصيت بل بجي اي علاوي الي راح يالؤي بس شنو ب يدنا انسوي
اش راح اكول لامي اش راح اكول لابويا شنو ذنبهم شنو ذنبكم انتو مالحكتو تفرحون بخطوبتكم
خليت ايدي ع وجهي وابجي
ماما؛:كولي يالله حياة ماما
سدره؛:ماما علي راح راح بعد مايرجع
الطريقه كله ابجي من التعب والقهر غفيت ع كتف ماما ماحسيت غير لؤي يكعد بيا
سدوره يالا كومي وصلنا
جان ياذن العشه وعمر يحجي بل موبايل مع الشخص الي وصلنا خبر موت علي
استغفرت ربي وكلبي احس يريد يطك
عمر يحجي وهذاك يدلي اخر شي وصلنا يم رجال يطلع بعمر محمد اخو علي نزلو الويلاد وسلمو عليه وهذاك الشخص حلف يمين عليهم يدخلون جوى الويلاد ماجان يقبلون بعد ماتحمل لازم انزل اريد اروح ادور ع علي
نزلت من السياره
ماما؛:وين رايحه سدره ماما
نزلت من السياره واني ابجي
عمر
التفت عمر عليه
ها اختي ليش نزلتي
عفيه ديلا صبر مابيا اريد اندور ع علي خليت ايديا ع وجهي وابجي واشهك اتقرب عمر عليه وحضني ويهدي بيا
المتصل ؛:لاحوه لاقوه الى بالله
صهيب؛:هاي خطيبتو
المتصل ؛:الله يصبركم يالا اني جاي معاكم راح اطلع ب سيارتي لمستشفى الى اخذو بيها استاذ علي
لؤي؛:ماشي يالا خلي نتوكل
عمر؛:يالا حبيبي اركبي
ركبنا بل سياره وطلعنا خلف الرجال لمستشفى وصلنا الطب العدلي ونزلنا بس قريت الطب العدلي كمت اشهك عمر حاضني ويمشني وصهيب ماسك لؤي
دخلنا لطب العدلي وسالنا ع اسمو
اخويا والله ماموجود اسمو مع المتوفين عيد الاسم
علي قصي محمد
رجع يدور هم ماكو
حضرت ...... والله ماكو
يعني شلون
انتو من كالكم ميت
المتصل ؛: اني شفتو بعيني اخذتو الاسعاف وكالو مات
انت لحكتو
المتصل؛:لا
لعد لاتحجي من كيفك جايب الناس من الموصل وكالهم ابنكم ميت ودحك ع حالهم وتحجي بكيفك
سدره؛:اخويا الله يخليك فدوه خطيبي وين
اختي راح اخذ واحد منكم ع جثث المجهولين الهويه اذا مالكيت هناك معناها خطيبج عايش
من كال هيجي متت بدمي خايفه لاافرح وبعدين مادوم الفرحه طلب احد يجي معايا يتعرف ع الجثه اني طلبت اروح ولؤي دخل معايا
كام يكشف عن جثه جثه لا ماهو لا اخر جثه وصلتها متت بدمي قبل مايرفع عن وجهو
جنات
خطيه حييل انقهرنا ع علي وصلت البيت ولكيت عمتي واكف تشطف باب الحوش شلون ورطه ياربي
ام علي؛:هلا ماما جنات اشو راجعه وحدج
جناات؛:ها هيجي راسي كام يوجعني ورجعت
ام علي ؛:ولؤي عافج ترجعين وحدج
مو لؤي راح لتلعفر ع بيت صهيب
ليش
عندهم شغل وهم باجر عدنا امتحان ويريدون يدرسون
اها مادري احس اكو حجي بوجهج جنو
لا عمه والله خمه شنو صاير
ماعرف اني مامرتاحه من الصبح وبالي يم علي وانتي جيتي كملتيها اخاف بيكم شي ودا اتصل ب علي مايجاوب
عمه يجوز دايسوق ومايكدر يجاوب
صحيح امي هو مايعجبو يجاوب من يسوق
يالا عمه اني اروح لبيت مع السلامه
مع السلامه
عمر طلب من المتصل مايجاوب غير رقم لؤي فقط وخصوصه عمتي مايرد عليها
دخلت البيت ورميت اغراضي بل كراج وانفجرت بل بجي طلعت امي تركض عليه
يوم اسم الله شبيج جنو
يوم علي قتلو
امي دكت ع صدرها
بس لاعلي ابن عيالج
اي اي يوم علي لو اتشوفين سدره ولؤي سووا عمل بل كلية الكافر يشتعل كلبو عليهم
يايمه يايمه بعد بعز شبابو ماشاف شي بعد ماتهنى بخطيبتو الي موت روح على ما اخذها
شعلو كلبي يايمه
تعالي ياامي لاتبجين كلنا ع هذا الطريق
حضنتني امي واتهدي بيا
راح اروح ع عمتج
لالا دير بالج ترى ماتعرف لؤي وسدره وصهيب وعمر وامو طلعو لبغداد حتي يجبونه
اصخام بوجهي اويلي عليج ياام علي
يوم شنو ذنبو علي قتلو ليش نحنا هيجي بل عراق مامرتاحين ليش قتلو بس لان يطلع بل تلفزيون شنو الشي الي سوى غلط وين الغلط بموضوع ماما علي من جنه اصغار يكعدنا كلنا اني وهدير وسدره ولؤي وعبدالله ويكف كدام التلفزيون ويمسك ب يدو المشط وع اساس يقدم نشرة اخبار راد حلم بسيط وقتلو ب سبب هذا الشي
خليت ايدي ع وجهي وابجي واشهك وامي تبجي معايا
يابنتي قوي نفسج الخاطر خطيبج واهلو وسدره خطيه
حلم سدره اتحقق يايوم حلمت بيا دا اشك ثوب عرسها
لاامي هذا جان كابوس
مسكتني امي دخلتني جوى ابويا واخوتي شافوني سالوني اخذت بس بابا بصفحه وكتلو خطيه حييل انقهر
دخلت اسبح وابجي واتذكر سدره ولؤي اشكد كلبي وجعني عليهم
بدلت وطلعت حتى اكل ماكدرت اكل لعصر عمتي جت علينا جنت بل غرفه اسمع صوتها
ام علي؛:وين جنات
ام جنات::نايمه والله
ام علي ::هسا اتكعديها كلبي مامرتاح ادك ع لؤي مايجاوب لو مشغول وصهيب مايجاوب وبعدين انغلق وسدره مغلق موبايلها شنو صاير احجو اكو حجي بوجهج ام جنات ابني علي ماوصل الى حد الان وهسا جان واصل من زمان ادك عليه مايجاوب شنو صاير
ام جنات؛:ماصاير شي ان شاء الله
ام علي؛:نار نار بكلبي ياام جنات
سمعت عمتي اتكول هيجي ومامسكني غير بس البجي
ام علي؛:روحي كعديها بعد ماتحمل
ام جنات::هسا اشوفها
جت ماما عليه وشافتني ابجي
جنو ماما اش راح اكول لعمتج
كوليلها نايمه جنات اتضوج من احد يكعدها من النوم
ام جنات؛بس ياماما تبجين
جنات؛:ماما خطيه عمتي شفتيها اش اتكول كلبها حس
كلب ام بعد
طلعت ماما
والله ياام حمودي جنات اتضوج من احد يكعدها من النوم
ام جنات الخاطر الله ماتحمل بعد لازم اعرف اش صاير
عمتي كامت اتصيح جنات وينج تعالي اشوفج صاير شي ودا اتكذبون عليه
مسحت وجهي وطلعت ع عمتي
جنو امي احجي شبيج عيونج حمر كن بجيتي مو
عمه مابيا شي
لا بيج احجي جنات احجي الخاطر الله
عمه بس اهدي الخاطر الله موزين عليج
كوليلي ويلادي شبيهم
اكولج والله بس اكعدي كعدت وانطيتها ماي
علي سوى حادث ع طريق
مات مو مات
كامت تبجي ونحنا نبجي معاها
عمه صدكي مامات بس اشويه متاذي والويلاد طلعو راحو على يجيبونه
كلبي جان حاسني ولله جان حاسني ابني بي شي
ماما اتهدي بيها واني ومافاد وهيا تبجي وتضرب ع صدرها الله يكون في عونهم
سدره
وصلت اخر جثه وكشف عنها بدون وعي ابجي واضحك ولؤي يحضني من كتفي
الحمدالله لؤي يعني علي بعدو عليش بعدو
ان شاء الله يارب
طلعنا نركض اني ولؤي
صهيب؛:ها احجو
سدره؛: علي ماموجود معاهم يعني احتمال جبير علي عايش
ام سدره؛يارب انريدو منك يارب
عمر؛:امشو معايا نسال على ونشوف هليوم نكلب بغداد على
نمشي مثل المخابيل حتى اني ولؤي الي ماضل بينا حييل كمنا نمشي ع سريع
وصلنا بل استعلامات وعمر سال ابو استعلامات
اخويا هليوم جابو جثه شخص ب منطقه..... امسوي حادث وعصابه قاتلي اسمو علي قصي محمد
اسالو علي بل طب العدلي
سدره؛:ماموجود حتى مع المجهولين هم ماكو
لحظه لعد اوكفو
كام يدور يدور اخر شي كال
اي هذا اسمو اعلامي مو
صهيب ؛:اي اي اعلامي ب قناة.....
اي اي اعرفو شايفه ع التلفزيون هليوم جابو
لؤي؛:يعني عايش
اي نعم عايش بس بل عنايه المشدده
من فرحتي ماعرف شنو اسوي من حلاة روحي سجدت كدام العالم واضحك صح بل عنايه بس المهم بعدو عايش
ماما تبجي وتحضن بيا كومتني وتحضني
ماما علي طلع عايش والله عايش
اي يامي عايش
المتصل؛: اني اعتذر منكم ع الي صار
صهيب ؛:مصار شي بس نصيحه من اخ لااخو لاتحجي اش تسمع من الناس اذا ماتشوف بعيونك وتلمس وتاكد لاتحجي
دنك الرجال مستحي وحلف يمين انروح عندو انبات
لؤي؛:انريد انشوف المريض وينو
اخذنا ابو الاستعلامات ورحنا وصلنا العنايه المشدده ولكيتو حبيبي نايم ومسكني البجي راسو ملفوف والاجهازه ع صدرو
متت بجي
صهيب ؛كولي الحمدالله طلع عايش
سدره؛الف الحمدالله
صهيب؛:جنات خبصتني بس ادك عليه ودزتلي رساله كالت عمتي عرفت بس ماعرفت بي مات واني الى حد الان مابلغتهم علي عايش
لؤي؛:خابرها وكولها عايش
صهيب؛:احجي معاها انت
لؤي؛:صهيب حييل ماضل بيا
حاضنتني ماما لو ابجي لو ابتسم فرحانه ونفس الوقت حزينه بس اهون من الموت والفراك اوف ياربي جربت الفراك الموت لمدت ساعات والله يهد الحييل
صهيب؛:الو جنات شلونج
جنات؛:الحمدالله كولي اش صار ترى عمتي عرفت علي متصوب ما ميت وهسا يريدون يجون لبغداد بس اني كتلهم الويلاد راحو لاعشتو ع عمتي عرفت بي متصوب لعد لو تعرف بي ميت
صهيب::هو هم هيجي
شنو هو هم هيجي مافتهمت
علي متصوب ماميت
صهيب لاتشاقه
هسا وكت شقه جنو
مادري صهيب مادا اصدك علي عايش
اي والله عايش ونحنا يمو هسا
الحمدالله الحمدالله بابا بابا الحكو علي عايش عايش والله
يالا جنات روحي بشريهم ولاتضلين ادكون علينا
بس لحظه صهيب شلون علي هسا
ماعرف الي حد الان ماشفنا الطبيب
ماشي بس كول ل لؤي خلي يفتح موبايلو
جنات انتي بطرانه تررى حييل
اي صهيب غير بيت عمي كلبهم نار
موبايلاتنا مابيها شحن والله
ماشي اوكي ديلا باي
بيباي
اشويه وجا الدكتور ركضت على
دكتور فدوه خطيبي شلونو
منو خطيبج
علي قصي
ها هذا الاعلامي
اي هو
والله الصراحه الوضع مو تمام المريض بعد الفحوصات اتبين معا فشل كبدي المريض يحتاج لزرع كبد
ضلينا صافنين واحد ع الثاني
لؤي؛:زين دكتور منين انجيب الكبد
دكتور؛:راح انحوله ع مستشفى اهلي اذا اكو امكانيه
سدره؛:اي نعم نكدر بس المهم علي يصير زين
دكتور؛: ماشي راح انقله لمستشفى اهلي وهناك يحافظون على وبعدها تكدرين اتسافرونه لخارج يسوي عمليه زرع الكبد
صهيب ::اي دوله
دكتور؛:الهند او تركيا واكو بعض من الدوله بس الهند اضبط شي
سدره؛:ماشي دكتور كملنا الاجرائات حتى انحوله ع غير مستشفى دكتور فدوه خليني اشوفه لو خمس دقايق
دكتور؛:مو زين التعب على
سدره؛: الله يحفظك دكتور
دكتور؛:ماشي ادخلي دقيقتين واطلعي ماشي
سدره؛:شكرا دكتور
علي جان داخل ب غيبوبه من وقت الحادث هو ماصحى
لبست واقي الدخول ودخلت على
جيت اتقرب يمو الممرضه منعتني
حبيبي هيجي يهون عليك اني هيجي يجي من كلبك اتعوفني علاوي حباب ارجعلي راح اطيب انت ونزوج وانخلف حسوني الي دوم اتكاون معاك واكولك اريد ولد وانت اتكول البنات احلى شي
الممرضه؛ يالا خلص الوقت
ماشبعت من عندو والله بعد
ان شاء الله يتشافه وتشبعين من عنده ويشبع منج
بس المس ايدو مشتاقتلو
بس ماشي بسرعه
اي اي
لمست ايدو وبستها وشميتها وطلعت من العنايه وادحك ورايه واحجي طلعت بره وكعدت ع الكرسي وخليت ايدي ع وجهي وكمت ابجي
لؤي؛:شفتي سدره شفتي اخويا وحبيبي
اي شفتو ياريت بمكانو اني لؤي مايبين وجهو من كثر الجروح وبطنه ورجلو مكان الطلاقات
صهيب؛ كولي يالله سدوره
اووف حبيبي لاعشتو عليك بعد كبدي انت اني اصيرلك كبد والله واخليك اتعيش
واكفين كلنا وادحك ع علي من الشبك فجئه صفر الجهاز ياشر وكف الكلب اتخبلت
مات علي مات لؤي وكف كلبو
صهيب ؛:وين الدكاتر وين الممرضين المريض دخل بحالة وقوف النبض
ركضو الاطباء ويسوون لعلي رجات كهربائيه مايفيد ويسوون ب يدهم ومساج وهم مافاد كمت ابجي اتهسترت
ساعدو حبيبي الله يوفقكم لاتخلو يموت عللللللي حباب لا تموت ياروحي لاتموت ........
