رواية بيت الطاعة الفصل السابع 7 بقلم مجهول

حجي حسن / بويه انَـỲǑŲـْتي منو وشرايده

ريم/تحجي وتعوج بحلكهه اني وحده اتريد تحتفل وياكم.. 

حجي حسن /بنتي انتي مره غريبه ومنعرفج وهذا الاحتفال عائلي.. 

ريم ..متوهم حجي حسن اني وحده من العايله السعيده مالتكم اني ريم زوجه جاسر الثانيه.. لا اقصد الاولى ..

جاسر ..ريم طلعي بره

حجي حسن اوكف خل افتهم

جاسر بابا هاي تكذب

ريم شوفو هاي نسخه من ورقه العقد.. احنا متزوجين صارلنه ست سنوات.. 

حجي حسن / انتي ريم

ريم اي اني ريم اللي جان يحبهه ابنك وماقبلت يتزوجهه ورحت جبرته ع وحده ميحبهه وميريدهه 

ودارت ع غسق اكيد انتي العروس الجديد.. جاسر جان يسميج الحماره والزعطوطه ..

جاسر اتقدم منها وظربهه كف ع وجهه

ريم لاتضربني خل اطلع اسوالفك كلها.. مدام غسق رجلج اتفق وياي يتزوجج وياخذ حلالج ويذبج ذبت الجلب عند اهلج.. وحتى ذهبج اخذه قبل فتره واني كتله خطيه رجعه الها.. 

غسق وكفت يم جاسر وظلت تبجي ..احجي جاسر كول كذب گلها انتي كذابه فدوه جاسر احجي لتسكت

جاسر بقى ساكت.. 

غسق ركضت وصعدت ع الدرج الغرفتهه.. 

وهي تبجي وتجر اذيال خيبة الامل ومشاعرهه المكسوره..

حجي حسن ..لزم العوجيه مالته وكعد ع الكرسي.. وباوع الريم 

حجي حسن /بنتي هسه شنو المطلوب وشنو تردين بالظبط.. 

ريم / اني من البدايه اكول عليك فطن واسلوبك حظاري وكريم ..

حجي حسن / طلباتج.. 

ريم / المؤخر مالتي..

حجي حسن/ اشكد المؤخر

ريم ٢٥مليون.. 

جاسر ..ياساقطه ياحقيره.. وهد عليهه راد يظربهه ومنعه ابوه.. 

الحجي.. جاسر نزل ايدك ..وباوع ع جهه ريم.. باجر الفلوس عندج ..بالمقابل اطلعين من حياة ابني للابد.. واذا صدف وان رجعتي فهالمره حسابج وياي اني وحجي حسن كرصته والقبر

ريم اصلا اني ناويه اطلع للخارج.. وللابد راح اطلع من حياة ابنك ..بس انطيني الفلوس.. 

جاسر ياساقطه يارخيصه.. 

ريم المظطر يركب الصعب.. لاتزعل حبيبي جاسر.. خطيه هسه زوجتك زعلانه عليك انصحك تصعد اتراضيهه واتخليني اني اكمل احتفالي وي الحجي.. 

جاسر سحبهه من ايدهه للباب طلعي بره ساقطه.. بيتي يتعذرج .. 

ريم اني طالعه بس باجر راجعه علمود الفلوس..بعدما طلعت ريم 

الحجي/ ليش هيجي سويت جاسر.. ليش صدمتني بويه.. اشلون تتزوج هيج وحده.. 

جاسر سامحني بويه والله غلطت

الحجي روح الزوجتك وراضيهه وبعدين حسابك وياي.. 

صعد ياسر.. لكه غسق قافله الباب عليها.. 

ظل يحجي وياهه من وره الباب

غسق فتحي الباب.. غسق اريد احاجيج ..فدوه فتحي الباب وافتهمي مِڼـّي

 غسق ادري بيج جاي تبجين وعمت عيني لان بجيتج.. غسق والله مو كل الحجي اللي كالته ريم صحيح.. شهد المحمد

غسق ابد ماتجاوب.. جاسر خله اذنه ع الباب بس ميسمع اي صوت الها.. 

قرر جاسر يكسر الباب ويدخل كسر جاسر الباب

والطامه الكبرى شاف غسق مقطعه شرايين ايدهه وواكعه بالارض.. والدم مالي الغرفه

جاسر غسق ولج ليش هيج سويتي بروحج.. ركض عليها جاسر وشالها ونزل بيهه جوه امه وسعاد شافوهه

ظلن يصرخن.. 

جاسر وابوه اخذو غسق للمستشفى ..الحجي يسوق السياره وجاسر كاعد وره حاظن زوجته ..ويبجي

غسق كعدي فدوه.. 

ابو جاسر/شوف جاسر اذا بنت المرحوم يصير بيهه شي احط،طلقه براسك. 

جاسر يابه بسرعه سوق السياره ...واذا يصير بيهه شي اني اقتل نفسي

وصلو الجماعه للمستشفى.. وجاسر نزل زوجته شايله وكبل اخذوهه للعمليات… وسوولها عمليه ربط الاورده.. واتلاحكوهه الغسق ..

غسق بقت تحت العنايه المشدده.. 

بعد كم ساعه اجت امهه وخالها.. ومرت خالهه.. 

وامها كلبت الدنيا بالبجي.. وظلت تعاتبني ليش،هيجي سويت ابنتي .هي هاي الامانه اللي كتلك عليها.. واندارت ع حجي حسن خويه ابو جاسر انطيتكم روحي وكلت اداروهه تالي متالي ابنك يطلع متزوج وبنتي تنتحر ..من القهر.. 

حجي حسن / ام غسق هدي روحج ياخويه وكلشي ينحل والج اللي يرضيج.. بس خلي غسق ادكوم بالسلامه.. 

ام غسق/ ابو جاسر اذا تصحى بنتي اخذهه وياي مالكم بعد مره يمي.. 

جاسر/ شنو تاخذيهه وياج ..شنو احنا بكيفج نمشي

ام غسق/ تتجاهل اتباوع الجاسر وتوجه كلامها لابو جاسر بنتي اتروح وياي.. وانا هسه راح ابقى وياهه اداريهه وخلي ابنك يطلع من المستشفى ماريد اشوفه.. 

حجي حسن / جاسر روح للبيت 

جاسر راد يحجي الاب جبره يروح للبيت ..

رجع جاسر للبيت وشاف امه وسألته هاي يمه اشلونها غسق.. 

جاسر/ بسرعه الاخبار وصلت لام غسق

لميعه/ يمه اجت المره ونزلت علينه وكالت اشلون بنتي منتحره منو وياها وشنو السبب وكلبت الدنيا بالصريخ ..كتلها جاسر طلع متزوج وهي ماتحملت وانتحرت

جاسر عفيه عليج يمه ماقصرتي.. 

لميعه قابل سالفتك تنظم ياردي ..اللي مثلك يستحي يخجل ولك تتزوج وحده من ورانه وياريت وحده شريفه وحده ساقطه اتبيع روحه ع الفلوس وخذتك ع طمع ..وعلمود ثروتك ابوك.. الرجال جان يكلي ابنج اهواي يصرف وين يودي افلوسه فوك راتبك وتاخذ الزود من ابوك… واني اكوله شاب خليه ليش بخيل عليه.. تالي متالي طلعت متزوج وحده عبالك كاوليه بشعرهه الاصفر ..وتلعب النفس لا خلق ولا اخلاق

جاسر/ يوم كافي ..ملامه.. ام غسق تريد تاخذ غسق مني.. 

لميعه/ حقهه لو اختك يصير بيهه هيج مااعوفهه يم رجلهه لحظه.. ولك اشلون انطاك كلبك تتفق وي ال…… ع زوجتك ..انت من كل عقلك ..ولك هاي عرضك اشلون تتامر عليها ..لا وتريد تاخذ حلالها.. 

جاسر… مو كتلج يمه كافي ملامه ..والله باول شهر اتندمت وصدكي كلشي مااخذت  ‏​‏​منـِْهـ♡̨̐ـِْا.. ولا راح اخذ بس اريدهه ترجعلي.. 

لميعه/ هسه الحديده حاميه.. اترك ام غسق تبرد نارهه وبعدين نلكالك حل.. 

جاسر / يوووم اتريد تاخذهه

لميعه/ خلي تاخذهه فتره ترتاح يم اهلها.. وبعدين الها حل..

بقت غسق اربع ايام بالمستشفى بعدين طلعت وسافرت جاسر طبعا ميدري بسفرهم.. لان والدتهه اخذتهه قبل موعد الخروج ..وع مسؤوليتهم ..

مرت الايام وجاسر گلبه مثل النار ع غسق.. حاول يلتقي بابوه ..بس حجي حسن كان رافض يشوفه

واكثر من مره تحجي وياه لميعه وهو ميقبل.. 

جاسر اوضاعه ادهورت طلعاته من البيت قلت.. 

وقرر يروح الخواله ويحجي وياهم حتى يرجعوهه اله وبالفعل سافرو خوال جاسر ..البيت جد غسق وام غسق رفضت رجعت بتهه الجاسر وطلبت منهم الطلاق 

ورجعت الزلم فشلانه.. وخلال سنه كامله جاسر يدز ع زوجته ناس وساده وامهه الغسق. . قافله ع الطلاق.. 

حاول جاسر يتصل بيهه اكثر من مره جانت الام اتجاوب لو تسده بوجهه لو تسمعه كلام مؤذي.الى ان بدلو شرايحهم كلهم وانقطع اتصال جاسر بيهم.. واجه موعد عيد زواجهم جاسر دخل للبيت ضايج.. ودخل غرغة النوم وشمر روحه ع السرير وهاجت بيه المواجع اتذكر من غسق جانت تبجي وخايفه منه ..ومن جانت اتصيحله عموو اتذكر من جانت تصرخ خايفه من الفاره وحظنته وماقبلت يطلع الا ينام يمهه.. اتذكر الليله الجميله اللي جمعتهم وصار وياهه روح وحده بجسدين

الدنيا ظاگت بعينه ..وظل يلوم بنفسه كله مني اني ظيعتهه من ايدي.. ماعرفت قيمتهه فضلت بت شوارع عليهه.. 

اشويه وبهالاثناء دخلت ام جاسر لميعه.. 

لميعه/ لشوكت اتظل هيج.. انت شايف شكلك بالمرايه 

جاسر… يمه خليني هيج اني قابل بشكلي

لميعه/ لان اثبتت انت فاشل ومابيك خير

جاسر ..يمه فوك ظيم الدنيا هم انتي عليه