رواية تسجيل خروج الفصل الثامن بقلم جمانه السعيدي
طارق....هاي الرحله طلعت من خشمي بسبب نرجس
الله لايوفقها ماجنت مصورها هلكد انانيه
تريد كلشي الها وبس قبل اني موزين ماتريدني
وهسه لا صرت زين تعال ارجع
على اساس اني بكيفها
تعال اجي رووح ارروح
المهم لمن رجعنا للعراق طلعت روحي
لو تجي تخون زوجتك وياي لو اسببللك مشاكل
اني بعد احجي كدامها على رحله
التوبه بس هلمره بعد دوم مايفتح حلكي كدامها
مو نره ياربي مرمره
فات يومين بعد مارجعنا للعراق
اجتني للمكتب كاشخه كل قوتها والعطر يسطر سطر
بس شفتها درت وجهي استغفر الله واتوب اليه
رديت عليها بعصبيه
خيرررر شكوووو شعندج ماكو بعد رحلات
راح نسد الشركه
نرجس...لا اضوج اريد احجي وياك موضوع مهم
طارق...ماكو بينا اي موضوع ممكن اطلعين اربد اشوف شغلي
نرجس...مااطلع اريد احجي وياك لو ابقى النهار كله هنا مكابلتك وكاعده
لو نطلع اني وياك اي مكان هنا كلمتين
انت ليش تعاملني هاي المعامله
اني شسويتلك
طارق...كولي شنو ما سويتي
نرجس...كلمتين مهم عندي تفهم وضعي وتقدره
طارق...عندي شغل
نرجس...مراح نتاخر نص ساعه ونرجع تريد بسيارتك تريد بسيارتي بكيفك
طارق...شلون بلوه هاي
نرجس...لازم نحجي
طارق. تفضلي كدامي خل اشوف شنو النهايه
جمانه السعيدي
طلعنا اتي وياها بسيارتي كعدنا بكافي وطلبنا جاي
طارق...ممكن تحجين بسرعه لان ماعندي وقت وعندي شغل
نرجس...على كيفك عيني على كيفك شنو عود شوفيني صار عندي شغل مهم
طارق..طبعا عندي شغل مهم لعد مثلج تافها
احجي لا.اعوف المكان واروح احجي بسرعه
نرجس...اني الصراحه ابد مامرتاحه بزواجي
من يوم عفتك لليوم واني ماشفت يوم حلو
يمكن هاي حوبتك طلعت بيه
حتى اطفال ماصار عندي عندي فلوس وعندي سياره
واي شي اريده اخذه بس مامرتاحه بزواجي اريد اعتذر منك
طارق....طبعا ماترتاحين لان ماعندج قناعه لو تملكين العالم كله مراح تكون عندج قناعه
انتي وحده طماعه عينها فارغه
اريد افتهم اني المطلوب مني شنووووو
اني شنو دخلي بسعادتج وحزنج انتي اختاريتي
اتحملي عيشي وارضي
ابتعدي عن حياتي الله يخليج
نرجس...اني مجاي اصدك انت كرهتني الهلدرجه
مالك حق تكرهني
اني بنيه عشت ضروف صعبه بيت اهلي حسره عليه الفلس انت صح تحبني بس ماتكدر تحققلي طموحي
جنت طايشه وعقلي على كدي عبالي الفلوس راح اجيبلي السعاده
تالي اخذت واحد آخر همه يسئل عني لو يشوفني بجهنم
اهم شي عنده الشغل السفر
اني احس نفسي ضايعه من شفتك ماصدكت نفسي
كل المشاعر القديمه رجعت اجددت
رجعت احبك من جديد اعرف انت زعلان عليه
بس اني اعترف غلطت وسبحان الي مايغلط
سامحني الله يخليك وخل نبدي صفحه جديده اني وياك
طارق....شنو صفحه جديد مافهمت
نرجس...نرجع اني وياك البعض
طارق...اني مزوج وانتي مزوجه شلون نرجع
نرجس...بسيطه اني اطلب الطلاك وانت تنفصل عن شمس
ونزوج
طارق...هيج بكل سهوله اخرب حياتي علمودج
وباجر تشوفين واحد أغنى مني وتعوفيني وتركضين ورا
جمانه السعيدي
نرجس...لا شنو اشوف غيرك اني احبك
افهم اني جاي اموت من الغيره من اشوفك تعامل شمس هيج معامله حلوه احس هذا مكاني مو مكانها
خل نرجع البعض الله يخليك
انت ليش مصعب الموضوع
الموضوع سهل وماكو أسهل منه
طارق...اني مااحبج اني احب زوجتي واموت عليها
نرجس.. اعرف هذا الكلام مو من كل كلبك
طارق...اريد اسئلج سوال لو اني باقي على وضعي القديم
واشتغل عامل بااي مكان
هم تفكرين تعوفين هذا العز كله و ترتبطين بيه لو لان صار عندي شركه
وسياره حديثه وفلوس صرت حلو بعينج
نرجس...مو كتلك اتي ندمانه
طارق.. ماجاوبتي على سؤالي لو اني نفس وضعي
تعوفين هذا العز الي انتي عايشه بي وترجعيلي
نرجس...اني بعدني احبك وما حبيت واحد غيرك
طارق...ليش تتهربين من السؤال
انتي عمرج لا حبيتيني ولا راح تحبين واحد غيري
وحده انانيه ماتحب غير الفلوس ومصلحتها
شفتي زوجج مو بحالج واني طلعت كدامج
متغير وعندي فلوس ومهتم بزوجتي قررتي ترجعين تتسلين بيه من جديد
فكرتي انتي أحق بمكان شمس منها اني أحق بهذا الدلال والدلع والسفرات والفلوس
ليش اني اخذ واحد هاملني مو بحالي
ارجع الطارق يهتم بيه مثل شمس وااكثر
بما ان هو كان يحبني ليش شمس تاخذ مكاني
من زمان من كنا بلجامعه وانتي تحسين كل الاشياء الحلوه والزينه من حقج
متقبلين وحده تصعد سياره حديثه لا انتي أولى منها بهاي السباره
ولا وحده تلبس ماركه شلون انتي احلى انتي الي لازم يكون هذا اللبس اللج
وحتى بلارتباط كنتي تردين واحد غني وبس
مو مهم يحبج ما يحبج المهم غني
اخذتي الغني بعد شتريدين عيشي حياتج
كافي طمع بلاشياؤ الي عد غيرج
نرجس...مو كتلك اني احبك
طارق...جذابه واكبر جذابه انتي ما تعرفين الحب شنووو
نرجس...يعني مانرجع اني وياك سوه
طارق...تحلمين اعوف شمس وارجع عليج
وخلي يكون بعلمج اني لعبت نفسي منج وكل يوم اكتشف اني شكد جنت . محضوظ طلعتي من حياتي
لا تجين بيتنا عيشي حياتك بعيد عني
شوفي ليش زوجج عايفج حاولي تصلحين حياتج
وبطلي تباوعين للاشياء الي بيد غيرك
ارضي بنصيبج وصيري قتوعه نصيحه اهتمي بحياتج
وعوفيني بحالي
لان مستحيل ارجعلج بيوم من الايام
نرجس....شوف طارق لو نتفق اني وياك لو اخرب حياتك
اني عايشه بتعب وانت مرتاح
احنا من البدايه مقسومين البعض
انت اليه واني اللك لا تكابر الأسنان مستحيل ينسى الحب الاول
وانت جنت تحبني بجنون
اني مااصدك كدرت تنساني بين يوم وليله
تعال نرجع البعض ونعيش حياتنا احسن ماعايشين
كل واحد بمكان
اني راح اعوضك كل يوم حزنت بي علمودي
بس خل نرجع البعض
طارق...انت ابد مو صاحيه عقلج شخط
نرجس.....لو تنفذ الشي الي كتلك علي لو احجي كلشي الشمس
وازود علي كلام مني انت ماتعيش سعيد على حساب تعاستي
اني اكدر اخليها تشك بيك واطلعك من حياتها للابد
طارق...ضحكتيني اني مامسوي شي غلط
ولا خايف منج ولا تهزين شعره بجلدي
انتي الي اختاريتي
اتحملي نتأئج اختيارج قبل اني جنت موزين وفكر وضحكتي عليه من كتلج اتقدملج
وهسه صرت حلو وزين لان صار عندي فلوس وشركه
هلمره اني الي اكلج اطلعي من حياتي
واحذري مني لان اني اذا انتقمت منج راح تلكين نفسج بلشارع
ابتعدي عني احسلج اني سويتلج تسجيل خروج من حياتي للابد
نرجس...زين نشوف اني لو انت
طارق....روحي شتريدين تسوين سوي
رجعت للشركه رجعتها وصلتها السيارتها
نزلت عصبيه
نزلت وطبكت باب السياره بقوه
جمانه السعيدي
كعدت بلشركه لازم احجي الشمس
خليها تسمع مني ولا تسمع منها وازود النار حطب
اني الشاهد الله
ردت اصون هاي العائله مااريد ادخل عليهم بمصيبه
شكد حاولت ابتعد عنها
حتى ماتصير مشاكل ويبقى الوضع مثل ماهوووو
عائلة شمس الهم سمعتهم والناس كلها تقدرهم
بس ماعرفو يختارون جنه تحفضلهم سمعتهم
اني لهنا حدي لازم احجي قبل لا تحجي هيه
وتخرب حياتي
بيومها رجعت للبيت واني مقرر احجي كلشي الشمس
اريدها تسمع مني مو من نرجس
واخليها تختار اذا تريد تعوفني براحتها
مراح اجبرها تكمل وياي
هاي حياتها الخاصه وهيه حره بيها
بس اني مااكدر اكمل واني عايش تحت تهديد نرجس
رجعت لكيتها منتضرتني ومحضره الاكل
شمس...هلو حبيبي شوف شسويتلك مخلمه لان تحبها
طارق.. اخذت ايدها بستها
نرجس...ليش الحلو ضايج وزعلان هم الحجوزات اتاخرت
طارق...لا اكو موضوع مهم لازم نحجي بي
شمس...كول كلي اذان صاغيه
ااشرلتها تكعد بصفي على الجربايه
كعدت بصفي خليت ايدي على جتفها باوعت بوجها
شمس...ياستار شكووو خوفتني احجي
طارق...اريد احجي وياج بموضوع كلش مهم بلنسبه اليه
هواي ااجلت هذا الموضوع بس بعد ماايتأجل ااكثر
شمس...اسمعك
طارق...مو بس تسمعيني اريدج تصدكيني
شمس...اكيد اصدكك انت ابد مامكذب عليه
طارق...زين اسمعيني اني قبل بلحامعه تعرفت على بنيه
حبيتها من كل كلبي
ملامح وجها شمس تغيرن حسيتها ضايجه
طارق...اصبري خل اكمل اني ماحبيت وحده غيرج
شمس...مو تكول حبيتها
طارق....خل اكمل كلامي
البنيه قدمتلها كلشي املك بحيث جنت اشتغل واصرف عليها لمدت ٣ سنوات
ماقصرت وياها بااي شي
واني كل يوم اكلللها انتي زوجتي اني ماازوج غيرج
وهيه ابد ما صدتني بيوم
ولا كالت لا ولا كالت اني وياك مراح نرتبط
او مستواك المادي ماينسابني
حتى اسحب نفسي من هاي العلاقه
بلعكس كانت تشجعني حتى اصرف عليها كل فلس أملكه
طبعا اني جان وضعي متوسط قبل لا اشتغل ويصير عندي شركه خاصه بيه
الحد ماوصلنا الاخر مرحله
تفاجئت بيها تكول انت فكر واني مراح ارتبط بيك
اني اريد واحد.شبعان عنده فلوس هواي
هاي كانت اكبر صدمه اتعرضت الها بحياتي
ماتعرفين هذا الكلام شلون دمرني دمار شكد حاولت
أقنعها تبقى وياي واني راح احفر الصخر علمودها
اشتغل ليل نهار حتى تكون سعيده
بس ماقبلت عافتني بدون ما تهتملي ولا تحسب احساب المشاعري
ووصلت للموت
كطعت الاكل والشرب اتمرضت تعبت اجتني كأبه
انطويت على نفسي
حبست نفسي بلبيت لان ٣ سنوات مو شويه
عمر فات واني احبها وماقصرت وياها بشي
بنفس الوقت هيه جانت وياي بس ادور واحد غيري يكون عنده فلوس اكثر مني
جانت تضحك عليه لمدت ٣ سنوات وتسحب فلوسي وتعبي
وهيه مقرره ماترتبط بيه ووحده استغلاليه
بعد هذا الموقف كرهتها حيل
كمت مااطيق اسمع اسمها
رب العالمين رحم حالي ودزلي زوج اختي
اخذني اشتغل ويااا منا لمن صار عندي شركه خاصه بيه
جمانه السعيدي
هذا الحجي قبل ست سنوات ونص
نسيتها ونسيت كلشي صار وياي
اجتني فرصة عمل اشتغلت منا لمن كونت نفسي وصار عندي شركه رب العالمين عوضني
من طلعتي انتي بحياتي فرحت حيل
عقلي قبل كلبي كال هيه هاي الانسانه المناسبه الك
شمس...ليش اليوم اذكرت هاي السالفه اذا هيه
من زمان شنو الي ذكرك بيها
طارق...رجعت طلعت بحياتي مره ثانيه
صديتها وغلطت عليها واجاهلتها بس مصممه تخرب حياتي
لو نرجع البعض لو اخرب حياتك
اني ماأحب غيرج ومستحيل ارجعلها مره ثانيه
اني اصلا مااطيق اباوع بوجها
شمس....شلون تخرب حياتك فهمني لان مجاي افهم
هيه لازمه شي عليك
طارق.. لا مالازمه شي عليه بس قريبه مني
شمس...اني اعرفها
.طارق......هاي البنيه الي حجيتلج عنها
قريبه مني ومنج
هاي البنيه تكون نرجس زوجت اخوج
فتحت عيونها وردت عليه بتعجب
شمس...نرجس تحجي صدك
هسه عرفت ليش من تشوفها اضوج
طارق...صدكي وامني بلله اني من اتقدمتلج مااعرف هيه زوجت اخوج
من شفتها بلعرس انصدمت
تذكرين بيومها سئلتج ليش ماشفتها بلمهر
كلتي بيت اهلها ترتاح بعد فشل ثاني عملية تلقيح صناعي
تذكرين من شفتها بيتنا اول مره شلون ضجت وكلتلج بعد لا تستقبليها بيتنا
كل مره جنت احاول اجنبها
وابعدها عنا اني ماردت اخرب حياة اخوج
وحجيت وياها تبعد عني وتعوفني بحالي
بس ما تقبل مصممه تخرب حياتي
قبل فقير ما تريدني بس هسه لا صرت حلو بعينها
كل مره تدخل بيتنا تبقى تتحرش بيه
وتشمرلي كلام
ماجانت تجي علمودج جانت تجي تستعرض نفسها كدامي
تحاول تحرك مشاعري
بلكت ارجع احبها مثل قبل
شمس...ليش ماحجيت من البدايه ليش سكتت كل هذا الوقت
طارق...اني كلت اسد الطريق عليها بلكت تعوفني بحالي
ترا مايصير اني ادخل حياتكم منا واخربها منا
عيب من ابوج عيب من اخوج
شمس....ليش اليوم بالذات قررت تحجي بهيج موضوع
طارق.. لان اليوم نرجس اجت للشركه وطلبت انفصل عنج
وهيه تنفصل عن اخوج
ونزوج تكول اني جاي اموت قهر وغيره من شمس
هذا مكاني مو مكانها
شمس...لا هاي تخبلت شنو هلانانيه شنو هلغيره هاي
طارق...اني قررت احجيلج كلشي
خاف تجي من وراي وتحجي عني وزود الكلام
شمس اني احبج وبعمري ماحبيت غيرج
الشعور وياج مختلف بعمري ما حسيت هذا الشعور قبل
كلما اذكر نرجس قبل اكول رب العالمين شكد.يحبني وخلصني منها
وحده انانيه حاقده غيوره
ماتريد اي واحد يكون احسن منها
طارق...اذا تردين اتصل عليها واخليج تسمعين هذا الكلام بنفسج اذا ما مصدكتني
شمس... لا اني مصدكه لان جاي اربط الاحداث
وجودها بيتنا رغم اني وياها قبل ماكو اي علاقه بينا
ورحلتها ويانا المصر
لازم نفكر هلمره صح راح اكشفها كدام الكل
لازم اخوي يعرف حقيقتها
