رواية دخيله الشيخ زين العابدين الفصل الثامن بقلم أوتار حزينه
ريمه صاحت
هيله ماااهيه غرگت اااالحك عليها يازين
اانهذلت شفت هيله كمزت بس ماهيه
دحكت لبعيد المي ماخذها وماتتحرك رجعت
للمي سبحت بكل قوتي،،،، لحكت عليها گضبتها
گلبتها على وجهها وتفاجأت من شفت الدم يسري من راسها ويفلت
جريتها لجهه گاعنا طلعت شلتها
صعدت بيها لفوك خليتها على الگاع الدم
بعدو يفلت من راسها شالها جان
محدر منو اخذتو ولفيت
الجرح به
سمعت هوسه وشفت ابوها اجه يركض
وعبر الگنطرة ويا امها وخواتها
هيله وووش،،،،بها بنتي وش بها
كعد يمها وامها ملخت روحها حظنتها
ردت احجي اكول خل نوديها للمستشفى
فتحت تكح وتذب مي من حلگها
ااكعدي يبعد ابوج فتحي عيونج
فتحت وهي تون حجت گوة
سااريه
اختها ختلت يم رجلي وهي تبجي
مابها شي هيانها
ريمه جاوبتها وهي تبجي،،،، وعيها مو تمام امها
وخرت ،،،،،،الشال شعرها لاح لي اسود مثل
الليل وگصبيتها بانت من كعدت طويله
كلش
ياحميد صوابها غميج
عم اذا تريد خل ناخذها للمستشفى
مااروح
جاوبت گوة واخذت الشال ولفت
شعرها وغطتو كامت ترنحت ابوها حجه
على هونج ياهيله خاف صوابج قوي
مابي شي ارد للبيت
امها لزمتها هي وابوها الي تكلم معي
مشكور يازين ماراح انسى وكفتك
هاي
سكتت من عيونها صارت بعيوني دارت وجهها
مشت هي وامها واختها ريمه ساندتها
عم حميد كرر شكره ومشى
من يمي
ظليت ادحك الهم عبرو الگنطرة كلشي
صار بسرعه وبدون وعي تصرفت دحكت لحالي
مبلل مي وحالي حال طلعت الجهازين
منگعات حجيت بضوجه
انا شعكبني من خرب حظي رجعت تاكل
خره جنت بواحد صارو اثنين هساع شااسوي شلون اتصل وشلون راح اگضي
الليل
رفعت راسي دحكت لدارهم وتكلمت بضوجه
ااخ منج يااساريه بليتني بهل الليل
انا تاذيت واااختج تت
سكتت من لاحت الگصيبه جدام عيوني
شكلها وهي مفرعه غير من هي مجفنه روحها بالشال واللثام بين حسنها للهل الدعسه
انتبهت لروحي وسكتت عكبت اخر مي
واحجي على ساريه ام المصايب
هيله
بدلت هدومي وانا احس بدوخه ووجع براسي
اختي من وكعت بالمي من خوفي عليها
شمرت روحي بدون انتباه
راسي انضرب مااعرف بيش،وفقدت
الوعي اسمع ريهام تحجي
الصار وهي تبجي وساريه خاتله يم ريمه
وادحك عليه بخوف ودموع
خلفه الله علي الزين تلاحك الج انتي وساريه
جان رحتن من ايدي وتصخمت
امي حجت وهي تعقم بالجرح ابويه
كاعد كبالي جاوب
الله قدر ولطف والحمد لله هو جان يم
الماطور الشدو وشافهن وتلاحك الهن
هيله وش صار شلون تعورتي وانتي تعرفين
الشاخه زين
مدري انا شفت ساريه طمست وذبيت روحي
بدون وعي عليها والظاهر جنت قريبه
من الجرف وراسي ضرب صخرة
يااساريه وش وداج لحد الجرف وانتي
ماتعرفين تسبحين مثل خواتج
جم مرة كتلج بنيتي
لاتحدرين للمي
خاف تغركين هاج شوفي شصار غركتي
والزين خلصج وخلص اختج وياج
سمعت كلام ابويه وانا ضايجه كلش لان
برق الشر خلصني من الغرگ هو بالذات ماردتو
يسوي فضل عليه لجن صار وتفضل
عليه وكلو من ورة ساريه
دحكت الها بغضب ختلت وره ريمه وهي
خايفه مني ماحجيت شي لان
الشي صار بعد
ليان
ماحجيت الصار لاي احد خفت احجي
ويطلع كل السمعته منه جذب
بجذب
ترددت لان جنت مو مصدكه بي هو
يريدني ويريد يجي يخطبني مااخذت كلام
بجديه وكلت اجاني من هالدرب
وبعدين يكوم يدور علاقات
بس ثاني يوم تفاجأت من امي خابرتني
المغرب فتحت الخط حجت
بسرعه
لياان ماما ليش ماحجيتي ولا انطيتنا خبر
اكو ناس راح يجون عليج حتى يخطبوج
فگيت عيوني بذهول سكتت سمعت
لارا ادكول
ااساليها منين عرفته لهذا المقدم
گلبي هبط وكعدت بسرعه كلت سواها
صدك واني عبالي جذب
ووج غير ادكولين تنطيني خبر اكو ناس
جايين عليج ويريدوج لابنهم
حجيت گوة
منو اجه ماما
ااسمعيها شتحجي ووج وحده مرة اكبر
مني بشويه كالت اسمها ام ايهم
ووياها بنيه نازكه وحلوه
شسمها
اافنان ماما
لارا جاوبت
ااي افنان ووياهم عمته للولد
گلبي كام يدك بجنون سالت بخوف
اي وشرادو
ووج شبيج مااتسمعين دااكلج جاين يريدون
يخطبوج لابنهم المقدم بالشرطه
الولد تعرفي كالو منطيج
خبر
ماما اجه زبون اروح
ووج لياان عوفي كلشي وفهميني شصاير
بعدين ماما من ارجع اكلج
سديت الخط. ،،، رجال ومرة
طبو يريدون كم نبته اشتغل وبالي يم السواه
الكال علي نفذه وطلع كلامه صدك يعني
هو ماجاي يلعب مثل مافكرت،،،،
زين،،،هو شلون اندل بيتنا صفنت وي روحي وكلت
معقوله يندله اجه بالي
من كال اني بالشرطه واكدر اعرف اي شي
عنج
عيني داسالج هاي بيش
انتبهت للمرة وجاوبت
كملت شغل من وكت ورجعت مشي للبيت
لان المشتل مو بعيد كلش عن بيتنا
وصلت للشارع مالتنا باوعت بابا بره
هو ووسيم مااعرف شبيهم تقربت
عليهم سلمت
شلونك بابا شلونك وسيم
هلا ليونه
ها خير صاير شي
لا بابا ماكو شي بس اريد اسوي باب
من هاي الجهه مال الشارع الثاني
حتى تاخذون راحتكم بالطلعه
والطبه لان هذا الباب راح اخلي
بس للسياره
هاا احسن والله
وسيم جان يباوع عليه عليه واكيد راح
يبدي يسأل عن السمعه
عفتهم برة
رحت للمطبخ طبيت ماما هناك كاعده تنظف خضرة ولارا تثرم زلاطه
سلمت اختي حجت
بسرعه
هذوله منو ومنين عرفتي للمقدم
بين طاك للستار واهله ناس مرتاحه
اول شي شلون عرفتي طاك للستار واهله
ناس مرتاحه وهي هاي اول مرة
تشوفيهم بيها
ههه عيني شفت سيارته للمقدم اخر موديل
وامه واخته مبين بنات عز ودلال من
الذهب الي لابسته وملابسهن
الانيقه
سكتت ماما سالتني
ووج غير تحجين ادكولين راح يجون علينا ناس
يحجون بشي يخصج كلشي ماافتهمت وظليت
اني واختج نفر براسنا عليهم
واحنا مو مفتهمين شي
ماما هو اني مو مفتهمه شي الولد اجه
وحجه وياي واني عبالي هو كاعد يجذب
مااصدكت بي وتفاجأت من كلتي
دز اهله علينا
عيني هو اجه وياهن وجان
مبين علي فرحان يعني الشغله مبينه ذيج
انتي عندج شي ويا وماتحجين
اختي حجت بنغزه خزرتها امي ردت بغضب
اانجبي ولج اختج مااعدها هاي السوالف
وتعرفين كلش زين هي ثگيله
وماتنطي مجال لاحد
لاااعبالج مم
امي سكتت وبلعتها للسالفه هي جاوبت
بعصبيه
شتقصدددين ماما
خزرتها بغضب واختي سكتت جاوبت
بهدؤ
انتي شعبالج
اني اعرفه للولد لو عندي شي
ويا لاا ليان احب اكلج
مااعرفه ولا عندي شي ويا والشي صار بسرعه بسرعه واصلا اني عبالي كاعد
يجذب عليه ويريد يگضي
وكت براسي
سكتت من طب ابويه ووسيم ماما
غيرت الموضوع وسالته
هاا وين راح تخلي االباب
هو بذيج الصفحه على الشارع الثاني
اي احسن
بابا باوع عليه كعد واشوفه مهموم وعاكد
الحواجب وسيم ظل واكف ويباوع
عليه توترت من نظراتهم
ماما حجت
ابو وسيم الولد طلع حاجي وياها بس
هي عبالها مو صدك يعني مو ماخذه كلامه
بجديه
ااني ماعندي اي اعتراض اذا الولد خوش
ولد وابن ناس بس اني مااريد استعجل
لان كلنا نعرف شصار قبل
جنت افكر مثل ابويه
ماردت استعجل لان تاذيت
مرتين من وره سفيان ومحمود الي خطبوني
وفصخو بدون سببب سمعت اشكال
والوان حجي من بطلو وفصخو الخطوبه
الصار ترك اثر بگلبي وخلاني اخاف
لا هم انصدم مرة اللخ
كعدت يم ماما لارا كالت باعجاب
بابا تره الولد مبين مرتاح وعنده فلوس
يعني لقطه
وسيم خزرها سكتت بابا جاوب بهدؤ
بنتي اني مايهمني الفلوس اني اريد واحد
يخاف الله بيجن ومااياذيجن
شفتهم العدهم فلوس
شسوو خطبو منا وفصخو بدون سبب
مقنع
لميت ايدي بحظني ورجعت لذيج الايام
فرحتي بلحظه تحولت لحزن
صح،، اني مااحبيت ولا واحد منهم ولا
عندي علاقه بيهم بس
من انخطبت بنيت احلامي وكلت هذا
الي راح احبه وابني حياتي ويا
امي ردت
ابو وسيم الولد مبين خوش ولد ورايد ليان
امه كالت شتريدون احنا حاضرين
بيكم خير وادللو
هو مقدم بالشرطه موو
اي
راح اخلي ابو رسول رجل اختج
يسال علي هو عقيد
بالشرطه واكيد يكدر راح يعرفه او يعرف جماعته
بابا حجه ووسيم كمل
خلي يسأل علي واني هم اسال بطريقتي
واعرف كلشي عنه
كمت اريد اطلع من يمهم اخويه لحكني
حجه
تعالي للاستقبال
مشيت وراه طبينا سوه سد الباب حجيت
بسرعه
وسيم والله مااعرفه اعرف شفته يمي
بالمشتل بس ماجان اكو اي شي
البارحه فتح الموضوع
وياي وكلت هذا يجذب يعني
مااخذت الموضوع بجديه
غلط ليان المفروض من حجه وياج
تجين تحجين لامي اليه اني مو تخلي يجي
ويحجون بالموضوع واحنا مالنا علم بي
ادري والله بس مااصدگته مااعرف ليش
كلت هو جذاب ونيته سؤ
الولد نيته موو سؤ حجه منا ودز اهله ثاني
يوم بس اني الي اريد اعرفه اانتي
ليان اانتي مااضمين عليه
شي شفته وياج وحسيت اكو شي
وسالتج اكو شي وكلتي لااا
ليش جذبيتي ماادري
اخويه جان زعلان ويعتب عليه اعرف
المقدم ظل يجي عليه وتصرفاته مفضوحه
بس اخر شي جنت اتوقعه هو نيته
جانت شريفه موو مثل
ماجنت افكر
جاوبته بهدؤ
وسيم انت تثق بيه
صفن بوجهي وجاوب
هوو هذا هم سؤال تعرفين كلش زين
اني اثق بيج كل الثقه
اذا اكلك والله ماجنت اعرف شيريد
وجنت اظن بي سؤ تصدك
اي اصدك بس جان المفروض تحجين
فرضا هو نيته سؤ من صدك وسوالج شغله
منو راح يوكع بيها مو انتي واحنا
سكتت لان كلامه صح هو كمل
ليان اني اعرفج انتي شنو واعرفج
مستحيل تنزلين راسنا بس الدنيا صارت مو خوش
وانتي جاي تشوفين الكاعد يصير بالبنات
يعني هوايه مايخافون الله
يجون بحجه حب وبعدين
يستغلونهن ابشع
استغلال وتبدي المساومه على العرض
والشرف
اي صح واسفه لان ماحجيت الك
لان الصراحه شفته موضوع مايستاهل
لا اا اي شي،يخصج انتي ولارا حتى لو شفتنا
تافه اني اشوفه مهم مادامه يخصجن
حجها مبتسم اجه
حظني من جتفي وباسني
من راسي وكمل
اريد اكلج مبروك بس بعد وكت خلي انخله
لهذا المقدم من هاي النخله الزينه
يله اكول اي
ايهم
مرت ايام واني انتظر موافقه ليان
واهلها،،،،،، كاعد وي امي وابويه وافنان
بالصاله اگلب بجهازي وبالي مشغول
بهذا الموضوع امي حجت
ابو زهير خابرت الولد وكتلهم على سالفه ايهم
اي خابرتهم من جنت بالمكتب وكالو توكل على الله واخطبله واحنا بس نكمل كم شغله بتركيا نرجع ونوكف بعرسه
سكتت وردت حجت
عبالك بيت اهل ليان تاخرو بالرد
عوفيهم براحتهم ام ايهم خليهم يسالون علينا
براحتهم وبس يعرفون احنا منو
راح يوافقون
امها خوش مرة وتنحب بس سبحان الله
اختها الصغيرة دمها جامد ماتنحب
وعبالك مغروره وشايفه روحها
ماما ليان دمها ينحب وعسل
الشعر احمر والعيون مااعرف شلون لونها
جمالها عجيب نازكه وصوتها من تحجي
هيج تحسي ناعم وحلو
ابتسمت وي روحي من شفتها كدامي
امي جاوبت
هي هاي هم حلوه كلش بس ماحبيتها
ابدا
اني شفت اختها ليان طلعت وره اهلي
من اجيت اخذهم صح حلوه وتجذب العيون
بس اني بالي كله يم ليان هدؤها شكلها
صوتها النازك كلشي جذبني
بيها وخصوصا عيونها
تنهدت افنان مالت عليه حجت بضحك
الصفنه ادكول انه الحب ياساده
عيب بابا وينج وين هذا الحجي استحي
على روحج اني اخوج الجبير
هههه تره اعرف اخويه الجبير
واعرف هسه انت كاعد على نار وتريد
بس الموافقه منهم
سكتت مبتسم غمزت اليه وكملت
ايهم اذا تزوجت ليان راح تبطلها من المشتل
لاااا ليش ابطلها هذا شغلها وهي مبين
عليها تحبه كلش خليها بي
ماعندي اي مشكله
اااي عفيه بيك حتى اروح اشتغل وياها
بلاااش مااريد اي شي بس
افتر بنص الزرع
هههه ادللي خلي تصير واني افتح الج والها
اكبر مشتل بغداد
تصيير تصير محد يكدر يرفض اخويه الصاگ
هزيت راسي مبتسم
ظليت كاعد على نار واريد
بس يجي خبر منهم
ثاني يوم جان عندي اجازه قبل الغده
امها خابرت واجتني البشاره بالموافقه گلبي
فز من الفرح وامي من فرحتها كامت
تهلهل وافنان تكمز من الفرح
زين العابدين
اشتاگيت لدلع بس مااستجريت
اادز عليها واجيبها للمزرعه من وره ابويه خاف
يوصله خبرها بس بيوم تفاجأت بيها
من اجتي وي صعب
انا نايم حسيت بوسات ترست
وجهي فتحت وتفاجأت بيها يمي فزيت
دحگت الها بذهول شمرت روحها
بحظني وحجت بدلال
اااشتاگيت الك مووت
يوولي هاي شجابج وشلون وصلتي
هههه اجيت وجابني عليك صعب
ابتسمت ورديت
راح يذبحني ابويه من وراج
هههههه وتخاف ياشيخ
ماجاوبت دخت من ظلت تبوس بيه وتحظن حراكات جريئه خبلتني نسيت روحي وياها
وطلعت شوگ ذيج الايام كلها
بها
نمت مرتاح وهي بحظني رددت
اابقى يمك
ابقي بس جم يوم وبعدين عگبي لشقتنا
كعدت تربعت على الجربايه وصوت الخلخال
يرن براسي ابتسمت من كالت
بضحك
بهل كم يوم راح ادللك دلال مو صاير
دللي يابه مااكره
ههههه
يولي لاتضحكين هيج تره گلبي رجيج
ومايتحمل هالدلال
هههه كول والله
والله والله ادوخ بس اسمع صوت ضحكتج
جريتها عليه حظنت وجهي بوستني
اكثر من مرة حجيت بحسرة
بودي اعكب وياج لهناك بس ااخ منو الشيخ
خالني براسو هالايام
انت ماادري شلون متحمل تظل هنا المنطقه
مو حلوة ويمه تخوف بشر كلش
قليل بيها
هاي ديرتنا انتي تشوفيها مو حلوة اهلها
يشوفها جنة
ااوي ياجنه يمعود صح اكو زرع هنا وهنا
بس هم اشوفها مو حلوة
ابتسمت وجاوبت من غمزت الها
ول يابه، ،، انتي تعلمتي على الشمال وبغداد
وتركيا
ضحكت وجاوبتني
االله هناك اني وياك تونسنا كلش كلش
عضت شفتها ونزلت باستني من شفتي
حظنتها لصدري وجاوبت بهمس
ااخ ولج اريد اخذج هساع وانهزم بيج
لغير ديره
هههه سويها ماازعل
لجن الشيخ يزعل
تنهدت بحظني وجاوبت بتردد
خلنا نتزوج يازين يعني خله لابوك كدام ااا
ضجت من عادت نفس السيرة رديت بغضب
دلع كتلج هذااا االشي مااريد اسمعو منج
ليش تضوجيني منج
سكتت وملامح وجهها تبدلت للزعل
كملت وانا ابوس بخدها
يولي انا مو مال زوج من اسويها راح
امل منج واعوفج تزوجت مرة
وهديتها وطلگت
شتريدين اسويها اخذج منا
واطلكج بعد شهر ومن اسويها تره بعد
ماتلفين يمي ولااااا تشوفيني خلقتج
دحگت عليه بخوف هزت راسها
جاوبت
لاااا مااريد خلينا هيج احسن
ااي جري عدل ولاتحجين بعد بيها وشوفي
دلالي الج اغركج ذهب وفلوس
اذا ظليتي هيج مشتريه
مزاجي
تغيرت بسرعه وضحگت بصوت عالي
هههه اشتري عيني شعندي،غيره
تمجدنا بهل الصوت يادلع
هههههه
ااش ولج حسج منا الزلم
ماكووو زلمه غيرك انت ياااشيخ زين العابدين
ابتسمت وبس هي ترضي غروري بكلامها
ودلالها
هيله
ابويه وامي ماقبلو اطلع للشغل
من ورة الجرح الي براسي ماتحملت الكعده
بالبيت وثالث يوم طلعت للزرع
امي ماقبلت ولحيت مابيه
شي
سريت للزرع عينت خواتي كاعدات وي
بنات جيرانه بالگاع الحوالينا،،،
علا شافتني وحدرت عليه التهيت احوش
خضره للعشه وانظف الساجيه
كوة الله عزمج ياهيله
هلا علا
شلونج وشلون صرتي
الحمد لله بخير
اسألج
كولي
صدك الزين خلصج من الغرگ انتي وساريه
رفعت روحي دحكت لريهام وساريه
عيونهن عليه دارن وجهن بسرعه
جاوبت بضوجه ومختصر
اي
تنهدت ودحگت لدارهم من بعيد تكلمت بحسرة
اخ ياهيله كلشي به حلو لجن اخلاقو صفر
ماجاوبت مشيت انظف بالساجيه لحكتني
وكملت
يولي ماتدرين شصار
ماجاوبت هي ردت
مشعل لفه يم ابويه وسمعتو يحجي
معه ويكلو جايب وحده من هذني استغفر
الله
دحگت لها عاكد الحواجب كملت بخجل
يعني تعرفيهن انتي
جاوبت بغضب
لااا مااعرفهم ياعلا وبسج تهرجين بزين
كل لشه وتتعلك من گرعانها احنا
مالنا لزوم به ولا بالگاعد يسوي
برحو
مااحجيت شي ياهيله
لااا حجيتي وانا مااحب اسمع هيج
سوالف ولا اريد اشيل اثمو
خلي هو شايلو
عش اندور وراه واصلا شعلينا به
على هونج ياهيله تره الكل تعرفو هو شنو
يعني انا ماجبت شي جديد
من عندي
ااستغفر الله ياربي اكلج اسري لداركم
صار المغرب واذن الاذان خلنا نعكب
تانصلي الفرض
اشرت لخواتي يعگبن وسريت لدارنا طول
الدرب افكر بكلام علا الكالتو
جايب وحده استغفر الله
وكفت درت روحي دحكت لدارهم من بعيد
وانا عاكد الحواجب حجيت
وي روحي
شيخ ابن شيوخ وشفت بيك مروة من
حدرت عليه انا واختي وخلصتنا من الغرگ
وشجاع ماتهاب الموت لان شفت شسويت بولد عمو للشيخ صگبان من داسولك على طرف
لجن مضيع كلشي بهل الحرام الطامس بي
حظن من حظ ابوك وامك لو حظك
انت المدري شوكت تفطن
لروحك وتعرف الجاي
تسوي حرام بحرام
هيله
انتبهت خواتي يمي ويدحكن عليه بخوف ريهام حجت بخوف
هيله والله هي مدري منين سامعه وسالتنا
وساريه حجتلها الصار
ساريه ختلت وراها
حجيت بغضب
يولي تالي وياج لسانج هذا يرادلو گص
صايره تلغين جثير وتعرفين ابويه لو سمع بيج
تحجين سوالف البيت راح يزعل عليج ويجوز حتى يضربج بالعصا
كامت تبجي وراحت تركض لدارنا
ريهام خنست سريت وهي ورايه دشيت دارنا
امي بالهول كاعده وساريه كاعده
بصفها تشهك وتبجي سالتني
بعتب
وش بلاج وي اختج ليش مزعلتها يااهيله
ومبجيه عيونها
يمه علمي بنتج تگضب لسانها وتبطل هرج
وي بنات الديره اليسالها ادكول مااعرف
مدري
تريديني ااجذب يهيله ماايصير الله يذبني
بالنار انتي مو ادكولين حرام نجذب
الله يزعل علينا
ساريه جاوبتني بذهول صفنت عليها
اجتني الضحكه ابتسمت امي
هم ابتسمت ردت
يمال الصگعه وش عامله حتى اختج
تزعل عليج
يمه والله ماحجينا شي،هن مدري من وين سامعات
زين مطلع ساريه وهيله من المي واجني
يسالن بينا واحنا حجينا الصدك
مااجذبنا ياهيله
ريهام حجت بتاكيد وهي خايفه من ردة
فعلي سكتت امي ردت
اي احد يسالجن عن شي يخصنا ماتردن علي
كولن مااندري اسالو هيله لو امي
افتهمتن
خنسن من امي اكدت على اخر چلمه وهزن
راسهن باي
وره يومين طلعت بمهره قبل الغياب وعگبت
ادحك لگاع عمي تحسرت على فراگ
شهم هو اتصل اكثر من مرة على
امي حجه وياي
وطمني على رحو وكال راح ينزل
بعد جم يوم
درت وجهي على گاع الشيخ شعلان لمحت
سياره برق الشر تفحط والعجاجه
كايمه بالجو
هونت ووگفت رگزت بنظري
علي انتبهت وحده كاعده يمو بالصدر
اجه وگرب يم الشاخه ميزت ملامحها بنت
مفرعه والشعر اصفر ومو محجبه
عطوبها طايرات بالهوه وشاگه حلگها وتضحك
بصوت عالي گربو عليه يدحك عليه
هو والويا
زين العابدين
اخذت دلع بسيارتي وطلعنا بالبريه افترينا
بها عينت من بعيد هيله
واكفه بمهره وادحك علينا دحكت لدلع
وكلت خل اشوفها النسوان الصدك مو هي الدعسه
الحاسبها نفسها مرة والغرور چاتلها
حدرت عليها ودلع تضحك معي وتحجي
وصلنا يمها وهي بعدها
واكفه وادحك علينا
ابتسمت وسندت
ايدي على الستيرن خليت عيوني بعيونها
دارت وجهها مني
دلع حجت بصوت عالي
زين هااي فارسه راكبه الخيل
اااي هاااي هيله بنت العرب
جاوبت باستهزاء هي سألتها
ااكلج انتي مااتخافين من الحصان الراكبته
صفنت عليها من ابتسمت ورفعت حواجبها
عرفتها تضحك على دلع لان ماميزت المهره من الحصان،ماجاوبت سرت ووكفت ظلت ادحك للبعيد درت روحي شفت ساريه تركض هي وريهام
وغيث ويصيحون
شهم عگب ولكم شهم ااجه
فريت راسي عليها الوجهه تغير للفرح ضحگت
وسرت بمهره بسرعه عكدت حواجبي
دحكت بالمرايه عليها شهم
محدر وهي سرت الو
نزلت من مهره بسرعه
دلع حجت
منو هذا زوجها
لااا خطيبها
مبين تحبه كلش وهو هم ااوي شوفهم
شلون واحد صفن بوجه االخ
حرگت وطلعت بشحطه لدارنا
اسمه حلو كلش هذا الولد شيصير منها
ابن عمها
هاا بس تعرف هي حلوة كلش سمره صح
بس سمارها يلعب والشامه قصه
اشوفج كمتي تتغزلين بها
هههه غير حلوة وجذبت عيوني هاي لو يم
ماما نرجس جان حصلت منها هوااايه
فلوو
دلللع وش بلاج شنو هالحجي الماصخ
صفنت عليه من انهديت بها جاوبت بخوف
شبيك زين صحت بيه تره دااشاقه
شقه مااصخ ومالو لون
هالبنت ابوها رفيج ابويه وبحسبه اخ الو وهم بحسبه عمي وهالبنت بالذات
ماينحجي عليها هيج
ليييش يابه نازله بخبر من الله واني ماادري
وليش هيج ضجت من حجيت عليها اكوو شي ااني
مااعرفه احجي زين كول
عگبي يادلع ردي لاربيل اذا راح تخربين
مزاجي
سكتت وانا هم دارت وجهها على
الجامه وصلنا لدارنا نزلت وهي ورايه اجتي
تمشي بسرعه ورثت جگارة واخذت
نفس طويل كعدت بالاستقبال
اجتي وكفت جدامي تهز
بروحها تكلمت بغضب
زين شبيك وليش ضجت من حجيت
على هاي البنيه
كتلج ابوها رفيج ابويه وبحسبه
عمي يعني مااقبل احد يحجي على عرضه
او يمسه بچلمه
واذا احد حجه عليه تقبل لو هم تدافعلي
مثل مادافعت عن هاي البنيه
صفنت عليها وكلت بگلبي
انتي وين وهي وين
هزيت راسي وجاوبت
اي افزعلج ارتاحيتي
وجهها تغير للفرح كعدت يمي حظنت خصري
ومالت عليه،حجت بدلال
اعكب لو اظل
لا ظلي بس اليوم وعگبي باجر لان انا راح
ارد لهلي جم يوم وبعدين اعكب
هينه
تنهدت وجاوبت
براحتك بس زين يعني
اعرف يادلع الي تريدي تاخذي وفوكاه حبه
مسج راضيه
باستني من خدي وكالت
اكوم اتحضر الك هاي اخر ليله يمك
ولازم ادللك دلال مو صاير
هزيت راسي باي طلعت من يمي وراحت
لفوك ورثت جكاره اللخ وانا عاكد
الحواجب ومنظر هيله
شلون فرحت بجيه
شهم بين عيوني
ليان
ايهم من اجته الموافقه مني اني واهلي
استعجل بكلشي اتفق وي
بابا وماما ووسيم
الخطوبه،،، والمهر بنفس
اليوم اني عبالي بس خطوبه حتى واحد
يتعرف على اللخ لان ماجنت اعرف عنه غير
الحجاه ولا هو يعرف عني غير الي عرفه من سال عليه ماما ماقبلت وكالت الولد خوش
ولد ومايتفوت ومبين
يحبج كلش لان استعجل بكلشي
وشافته شلون اهتم بكلشي وصرف صرف مو
طبيعي على المهر ومن ردنا مهري المقدم 25 والمؤخر 50 مااعترض ولا كال لاا وابوه
كال فوكاهن هديه تخم ذهب مني
بيوم المهر لبست فستان ابيض نازك
ليجوة مكياج خفيف وام الصالون سرحت شعري على طوله وخلت ورده بيضه على صفحه
بيوم المهر لبست فستان ابيض نازك ليجوة مكياج خفيف وام الصالون سرحت شعري على طوله وخلت ورده بيضه على صفحه
تجننين تموتين ليونه سياده المقدم راح يتخبل بس يشوفج
حسيت بالخجل من كلام تماره رغم ماعندي
اي مشاعر تجاه ايهم بس حسيت
راح اعجبه كلش
وهذا الشي خله گلبي يدك بجنون ابتسمت
بصعوبه من توتري مادري ليش
جنت خايفه واحس فرحتي راح تخرب
يجوز لان مريت بتجربتين وتركت اثر بيه
او لان مو مصدكه اليوم مهري
لان كلشي،صار بسرعه
يله اجه وسيم
لارا حجت بضوجه ومااعرف شبيها
رغم هي ماخلت شي ماسوته لروحها مكياج
طوخ وشعرها سوته نفس تسريحتي بس
مالبست الفستان كالت بالبيت البسه
طلعنا للسياره وسيم واكف بره شافني
ابتسم وصوفر كال
هااي منو ليونه لو غيرها
ههه لا هي بس دخلنها فرمته
روان وتمارة متعلمات علي واكو ميانه بينهم
ضحك وفتح ااباب وكال
تفضلي يااميرة گلبي
واني يمكن ماجاي تشوفني
لارا حجت بضوجه جاوبها مبتسم
انتي الاميرة الصغيره وهم طالعه تخبلين
يااكبر حظي شلون عندي خوات وحده
احلى من اللخ
البنات صعدت يضحگن ولارا ليكدام حرك
وعلك اغنيه فرح والبنات يصفگن ويغنن وياها
لارا ساكته وگالبه الخلقه وصلنا للبيت
جان اكو سياره واكفه
يم باب بيتنا وسيم دك هورن وكال
هاي مال ابو هذا العقار
ماطلع لارا نزلت وتماره كالت
خلي ننزل هو هيانه البيت
وسيم نزل كدامنا واحنا وراه
مالك
رحت للگاع بحي الجامعه حتى اشوف بشير
شسوه وصلت وشفت بيت الحجي
مدري شعدهم الظاهر مناسبه
فرح
جانت سيارات واكفات وتارسات الشارع
وكفت سيارتي بين بيته والگاع
نزلت اشوف الشغل
افتريت اجيك جم شغله اني بيها سمعت
هورن دك تمشيت اريد اروح
اشوف خاف احد
يريد يطلع واني ساد الطريق
وكفت من شفت بنات وحده احلى من
اللخ نزلن يضحكن لفت انتباهي وحده شعرها
احمر نار مبتسمه،،،، وتعدل بالشال
على جتفها طبن لبيت الحجي
الولد طلع من البيت شافني سلم
الله يساعدك
هلا اخويه اسف هسه احرك السياره
اي بلا زحمه لان جايين ناس بعد شويه
ادلل هسه احرك
تسلم ااخي
مالك اسمي مالك
سلمت علي بالايد انتبهت كراسي بالكراج
ومبين عدهم خطوبه كلت اكيد
هاي ام الشعر الاحمر هي
العروس
وسيم ابن حجي مصطفى
ابتسمت اله وجاوبته
اهلا وسهلا بيك اخويه تشرفت بيك
وبالحجي
الشرف النا
سيارات اجتي ترخص وراح يستقبلهم
حركت وعيوني على الي اجوي
جثيرين ناس معگله وناس لابس قاط
ترسو الشارع طلعت من يمهم
بالگوة
ايهم
كاعد بالاستقبال التوتر يقره الف
ردت بس اعقد حتى ارتاح ردتها تصير اليه
حلالي حتى اخذ راحتي وياها ردت
اعيش قصه حب
وي الي اختارها گلبي ورادها
وكلت ابوها
والشيخ بده يعقد النا بس صارت
اليه گلبي فك وارتاح
كاعد على نار اريد اشوفها اكعد
وياها وهذا الشي صار
بعد ساعه
ليان
قبل العقد لارا نزلت من فوك لابسه
فستان يخزي ابيض
ومصلخ صدرها مبين ورجليها لفوك
الركبه طالعه عكدت حواجبي
وباوعت لماما الي انصدمت من شافتها
شلابسه راحت عليها بسرعه من
شافت نظرات النسوان عليها
تحجي وياها وهي
ولا عبالك لبست الوضعيه وراحت
تركص وي البنات روان حجت
يم اذني
اكلج اختج منين جايبه هالفستان هذا
بغرفه النوم استحي البسه لباسل
ماادري شلون نزلت بي
كدامنا
شاحجي ظليت ابلع بريكي واباوع
لامي الي ظلت تخزر بيها وهي ولا يمها
عقدنا واشتغلت الهلاهل ام
ايهم كامت تبجي
من فرحتها واجتي حظتني هي وافنان
امه حبابه كلش وحسيتها فقيره
هي وبنتها
كعدن يمي وهن فرحانات بيه وره ساعه
كالو راح يجي ايهم يلبس
الحلقات توترت كلش حسيت
بحرارة صعدت لوجهي عيوني راحت
لاختي غير تروح تلبس شي
ماكو اجتي وكفت يمي وهي تتمايل
حجيت بصوت ناصي
لارا البسي شي
مادارت بال لكلامي امي توترت من وراها
وام ايهم ظلت تباوع الها وهي
ولا عبالك
تماره وخالتي كامن يهلهن من طب
ايهم باوع عليه من شاف
لارا نزل راسه بسرعه
اجه باتجاهي امه تلكته بوسته وباركت اله
مبروك يمه وشايف كل الخير
الله يسلمج يمه
مبروووك اايهم
اختي صاحت بصوت وهي تضحك
تسلمين
جاوبها بدون مايباوع عليها اجه كعد
يمي التوتر كام يقره الف ماكدرت اباوع علي
ظليت منزله راسي افنان ضحكت
وكالت
اايهم راح تظل هيج مستحي شوف ليونه
طالعه تجنن
ماجان اكو غير بس الاهل وصديقاتي
صار هدؤ رفعت راسي شفته
صافن عليه ومبتسم حجه
مبروك ليونه
هاا اي هم مبروك
صار الضحك بفلس خجلت ونزلت راسي
بسرعه هو ضحك بصوت وجاوبني
الله يبارك بيج
ليان خجلانه منك
امه حجت بضحك جاوبها
هو خجلها وثگلها الخلاني احبها واريدها
اليه
شي وكع درت راسي شفت لارا مشت
بسرعه الطبله واكعه عافت الكعده وصعدت
لفوك باوعت لماما وجهها انطعن
بس حجت بسرعه
يله البسو الحلقات وخلونا نفرح بيكم
انتبهت لتصرفات اختي
الي عرفتها ميته غيرة مني من وره تصرفاتها
المفضوحه
باوعت لايهم صافن على الصار هو واهله
فشلت منه ومنهم شافني مرتبكه
ابتسم بوجهي كال
حضري روحج عقدنا بعد وراح اضوجج
بجيتي عليج للمشتل وعمه تره هي صارت مرتي
بعد يعني نتعشه بره ونتغده براحتنا
ااي ماما صارت مرتك منو بعد يكدر يحجي
وياك
ضحك بصوت ،،،لبسنا الحلقات واشوفه
فرحان كلش بيه وره ساعه وصل
اهله،،،،،وكال ارجع بس اوصلهم
ظليت بفستاني بابا طب
هو واخويه صفن عليه وبين علي التاثر
عيوني غورگت حجه بصوت مخنوك
مبروك ليونه
رحت لحظنه من فتح ايده لمني
باسني من راسي وكال
مبروك بنتي وشايفه كل الخير
ماكدرت اجاوبه خنكتني العبرة
ااش يابه ااسكتي اليوم لازم يكون اسعد يوم بحياتج
وخرت گوة وظليت اسمعه يبارك
اليه ويدعي اليه
لارا
مانزلت ولا شفتها
سالت امي من بابا راح يبدل هو ووسيم
شبيها لارا ليش هيج كاعده
تصرف كالت
عوفيها ماتعرفين مزاجها وتصرفاتها
ماما فشلتنا كدام الناس واهل ايهم
شأسويلها ياماما اگتلها طفله هي
حتى امد ايدي عليها واعلمها
بنتج مو فرحانه اليه
لاااا شنو هالحجي ياماما مو راحت وياج
للصالون ووكفت وياج بهل اليوم
جاوبت بضوجه وقهر
راحت على مود نفسها مو لخاطري
والسوته فشلني اني وياج كدام الكل
سكتت وهي ترتب بالبيت مديت ايدي وياها
واني مبدله وعروس واختي
فوك ولابينت
جرس الباب دك وسيم طلع
رجع وكال
ليونه عوفي كلشي ايهم بره ويريد
يكعد وياج شويه
باوعت لماما عافت كلشي وكالت
اامشي رتبي روحج الولد كال راح ارجع
بس اوصل الاهل
رتبت روحي بغرفه ماما وخليت
عطر نازك طلعت
امي اخذتني اله
بالاستقبال
جان كاعد وحده طبيت الخجل كاتلني
ماباوعت اله ماما ترخصت وطلعت
سدت الباب وراها سمعته
كام ورفعت راسي
اله
من ظلينا وحدنا انتبهت اله
لابس قاط رصاصي طوخ والقميص
افتح مفصل جسمه وطالع كشخه كلش
توترت من نظراته وخرت شعري
ليوره حجه مبتسم
جنت اشوفج حلم وصرتي حقيقه
والعيون هاي الحبيتها كلش
راح اصبح وامسي
هن يمي وكدام عيوني
يحجي ويتقدم باتجاهي مشاعر حلوه
صيطرت عليه مد ايده لخصري جابني بهداوه
علي رفع حنجي بايده عيوني
صارت بعيونه صفن بيهن وكمل بصوت
متغير
هذني لو يريدن روحي انطيهن
واني مو خسران
فزيت من الباب انفتح بقوه
