رواية دخيله الشيخ زين العابدين الفصل التاسع بقلم أوتار حزينه
بدويه ﻭﺍﻟﻜﺤﻞ ﺯﺍﻫﻲ ﻋﻠﻰ ﺍﻟﻤﻮﻕ
ﻳـﺎﺯﻳـﻦ ﻋـﻴﻨـﻚ .. ﺟـﻞ ﻣـﻨﻬﻮ ﺧـﻠﻘـﻬﺎ
ﻓﻲ ﻟﺒﺴﺘﻚ ﺣﺸﻤﺔ ﻭﻓﻲ ﺑﺮﻗﻌﻚ ﺫﻭﻕ
ﺗﺬﺑـﺢ ﻭﺗﺸﻔـﻲ ﻧﻔـﺲ ﺑــ ﺁﺧﺮ ﺭﻣﻘﻬﺎ...
ايهم
تفاجأت من الباب انفتح بقوه ليان
وخرت بسرعه اختها طبت وحجت بعصبيه
اااريد جهازي
درت وجهي من شفت بعدها لابسه
هالثوب الخزي انطيتها ظهري ظليت منزل راسي
ليان حجت بصوت متغير
هاا لگيتي
ماكو ماادري وين ولى
جاوبتها بعصبيه
لااارا
سمعت صوت اخوهن وسيم صاح بغضب
كمل
تعااالي جاي
طلعت من يمنا امهن اجتي
حجت بفشله
اعذرنا ماما جهازها ماادري وين صار
وعبالها ماكو احد بالاستقبال
مااصار شي عمه
جاوبتها مبتسم ترخصت وسدت الباب
وراها باوعت على ليان صافنه
على الباب ووجهها صاير
احمر دم
عرفتها فشلت من تصرف اختها حاولت
الطف الجو حجيت بضحك
شلون اكلنا هبطه من هاي الزينه
دارت وجهها عليه كملت مبتسم
هسه لو مسوين شي جان ماانقهرت
الخجل ترس ملامحها نزلت راسها تقربت
منها لزمت خصرها وجبتها عليه
بهدواه كملت اضحك
هسه يطب علينا ابوج
ابتسمت وخلت الگلب يدك بجنون رفعت
عيونها اليه صفنت بيهن وتيهت
كلشي ضاع الكلام وتبخر الجنت اريد
اگوله الها همست ورة
لحظة
مااعرف شااحجي ضيعت الكلام
بس خليتي عيونج بعيوني
لونهن صار غامق ووجهها صار دم
سحبت روحها مني ابتعدت لزمت ايدها
خليتها بايدي للحظه رفعتها
لشفتي بستها جرتها من
ايدي وهي خجلانه كلش حجت بتردد
ايهم ااني يعني
اعرف ليان شتريدين ادكولين
ابتسمت وكملت
اعرف كلشي صار بسرعه واعرف انتي ماتعرفيني
زين ولا اني اعرف غير القليل عنج
والعرفته كفى ووفى
سكتت تقدمت ليمها ظلت واكفه بمكانها
لزمت ايدها صفنت على الحلقه
بايدها كملت
من رفعت راسي
ردتج اليه خفت لاتروحين من ايدي عقلي
ظل يفكر وصوت يدك بي بقوه
ايهم اخطبها لاتروح من ايدك
ظليت عايش بقلق وخايف لاتروحين من ايدي
خفت من رده فعلج ماتصدكين بيه
اني نيتي زينه وياج
ابتسمت وجاوبت
تصدك جنت اكول عليك انت واحد
جذاب وجاي تلعب عليه
سكتت تقربت كلش رجعت ليوره وهي
خجلانه وخايفه وكفت بمكاني
وجاوبت
وصدگتي هسه اني احبج ومااجاي
اضحك عليج
سكتت صفنت على ايدها مدتها
اليه وجاوبت بخجل
اي لان حلقتك صارت بايدي
واني
جاوبت
ردت
انت شنوو
ابتسمت وجاوبت
اني موو بگلبج
نزلت راسها وماجاوبت
ااصير ليونه اصير بگلبج بس تشوفين حبي
ودلالي الج
ليان
ايهم ماظل على العشه رغم الحاح اهلي
علي من طلع گبت عيطه وسيم
وي لارا ورزلها ذيج
الرزاله الزينه لان طبت علينا بلبسها الخزي
واكفه واسمع يصيح بغضب
هذااا لبس تلبسي هي ادبسسز شنوو جاايه
من ملهى ووين كااعدين احنا
بااوربا
ووسيم
بابا صاح بي وكمل
مو هيج الحجي بابا
لااا هيج الحجي لان بنتك فلت عيارها وصارت
ماتحترم اانت شفت لبسها مصلللخه
بابا وكدام الرجال شيريد
يكول علينا هسه
وهو توه عقد على اختي شيريد يكول
بنتهم فالتو وماتستحي
ماما تدخلت
صوتك منا العالم شيكولون صارت مشكله
وهم توهم عقدو لبنتهم
بنتج يرادلها تكسر ظهر لان صايرة بلا اخلاق
هاااي
اشر عليه وكمل
هااي موو اختج مو
هي العروس شوفيها شلابسه مستورة
ومحترمه نفسها
ااني موو ليان ولا راح اصير مثلها
لارا صاحت بي هد عليها بابا صاح بغضب
وووسيم
كام لحيله خزره وخزر لارا
خنست وراحت وكفت يم ماما حجه بغضب
بابا انتي وين عايشه باوربا ماتعرفين لبسنا
وحدودنا ماتعرفين اني مااقبل
تلبسن هيج لبس
بابا هو وين لبسته بالبيت يعني
محد شافني بس النسوان
والرجال الي طبيتي علي هو واختج شنو
مووو رجال بشوارب وولج طايحه
الحظ خزيتنا كدامه
وكدام اهله
وسيم انهد بغضب وهو لازم روحه گوة
كامت تبجي وتبررر وماما حاولت
تبرر الها بحجه اليوم عقدي
سدوها للسالفه ولاتكسرون فرحه ليونه
هي صارت بعد وهيج لبس ممنوع بعد يلبس
باي مناسبه افتهمتي لارا
سكتت وسيم صااح باعصاب
سمعتي ولج
سمعت
جاوبته بنترة بابا انهد بغضب
جااوبي زين ولج وكافي تصرفات مال مزعطه
انتي كبرتي وصرتي مرة انتبهي لتصرفاتج
ولبسج صيري مثل
اختج شوفيها شلون تصرف وشلون تلبس
تعلمي منها ولاتظلين تقلدين
ذني التافاهات التشوفيهن بالتليفون
ماجاوبت ظلت ساكته ومبين عليها الغضب
بابا كمل
اني صح منطيجن الحريه بس كلشي اله
حدود لبسجن لازم مستور ولازم تخلن
حدود وي الكل مو اذب ميانه وي ياهو الجان
احترم نفسي حتى الكل يحترمني
تنهدت وحسيت فرحتي انكسرت من
وره لارا والسوته حسيت بهذا الاحساس وسبحان
الله صار
******🌿******
هيله
شهم عگب وروحي ردت لمچانها من شفت
لفى يمنا ابويه اخذنا الهم بليل نتعلل يمهم
كاعدين كلنا بالديوانيه يسالون
به على دوامه ومچانه
وهو يجاوب عليهم
ابويه التهى بالكلام وي عمي
هو ظل يدحك عليه مبتسم خجلت من عيونه
ومن نظرات اهله واهلي اخوته
كامو وحجو وي البنات
ماانطلع يابنات
اي نطلع الكعده هينه تخنك
شهم ماتسري ويانا
شكر صاحو كام اشرلي بعيونو كومي دحگت
لامي اشرت روحي كمت وي خواتي
وطلعنا بره هن حدرن ركض
صوب الشاخه ولحكنهم ولد عمي
هاله صاحت
خلنا نشوف بلكي النتاله صايده سمج
مشينا انا ويا وراهم حجه
اشتاگيتلج يولي
سكتت والخجل خله گلبي يدك بجنون
جاوبته گوة
شلون مچانك
زين ياملي لاتفكرين بيه مرتاح مادام راح
يصيرلي راتب شهري اكدر اسند علي
والم منو حتى اخذج
دحكت لخواتي يرگضن وره غيث،لان اخذ
نعال ريهام وركض به
تذكرين
درت وجهي الو كمل وهو مبتسم
جنت اسوي بيج هيج ازعلج وبعدين ارضيج
ابتسمت من تذكرت وكاحته وياي
مشيت وهو وياي وصلنا للشاخه وكفن ندحك
للمي ريمه مشت وي شكر وره خواتي
وغيث
شلون مااشوف ريمه راح تصير
لشكر
رفعت حواجبي ودحكت الو كمل بنغزه
لجن هي مو مثلج
سالت
ليش شبلاني انه
ههه انتي تعلين الگلب ياملي
انا تغزل بيج وانتي شحيحه بكلشي
درت وجهي منه مشيت شعري هدل لجوه
انداريت بسرعه خليتو بهدومي
وهو صافن عليه حجه
بصوت متغير
انا احب كلشي بيج لجن اموتن بهل الگصيبه
اموتن بيها هي والحسنه اليم
الشفه
خزرتو بغضب ضحك وكال
عش تخزرني بيه تره انتي حلالي
موو حلالك يابن عمي اسمي مخطوبه
الك وبطل هالحجي
عيب وحرام
سكت تقدم عليه عكدت حواجبي ورجعت
ليورة الشاخه صارت ورايه اكد
بصوت ناصي
انتي حلالي ياهيله اليه انا وعهد الله
بينا ان جان نسيتي اذكرج به
مانسيت ياشهم وانت هم لاتنسى حد الله
وكف مچانه وجاوبني
اخ ولج وتلومني العرب لان حبيت بنتهم
الحرارة صعدت لخدي
ونزلت راسي
ياشهم
رفيجه من غير كاع صاحو
هلااا ياغانم
راح الو سلمو وتمشو بعيد عني ظليت واكفه
بمچاني مبتسمه وعيوني علي
خواتي يلعبن وي غيث
يم بيت عمي وشكر وريمه يمهم
باوعت للمي كلت خلي احدر اغسل وجهي
لان گبت بي حرارة حدرت اخذت
من المي وغسلت وجهي الگمر جان ظاهر على وجه المي رفعت راسي دحكت الو بعدين
كمت كلت خل الم شعري
مادام ماكو احد يمي
وخرت الشال وخليتو على جتفي
جنت غاسله ولامه شعري طوبه وهو ثخين
كلش مالزمتو القراصه وهدل
جذلتو جذيله وانا بين الگصب وصافنه للگمر وافكر بكلام شهم ومبتسمه
******🌿*******
زين العابدين
من عگبت دلع ضاج خلگي كلش لان جانت
مسليتني بهل الليل كاعد وحدي
بالحديقه ضايج وروحي طافره كمت
افتر بها وادخن
مالك اتصل جاوبت
هلا والله بسباح گلبي وعرج العين
ههه هلا والله بالزين كلو
ماانا بزين يااخوي
خيرك وش بلاك وش نوحك
ااسكت طاكه الروح ووصلت حدها
افااا خيرك بعدك بالمزرعه مالتكم
وين اولي ووين اروح كاعد بها ومجبوب
لا بيه اروح لاربيل ولا اصل يمك
حتى دارنا تحرمت عليه
اروح شويه واعگب
لهينه بنفس اليوم
ابوك هالمرة قافل عليك بالقندرة
ااي حشاك وخلاها بحلگي
ههه حشاك
سكتت ورثت جگارة وهو تكلم
ماجاك احد
غشيم يبعدي اجتك العلوم
ههه اي والله كلي صعب
اي لفت دلع لجن ماخليتها جثير تعرف
بعد الشيخ اذا سمع شراح يصير
غير يجيك انت وياها ويخلي جيله
بنص جهرتك وجهرتها
اي كلتها بعد
والله يازين اني هم مخنوك وضايج كلش
هم مشاكل وي الحرمة
ااي مشاكل ولعبت نفسي من البيت لان
كلما اطب الو تعلك بيني وبينها
انت مو رجال ااجتلها واكسر ظهرها وانعل
والد والديها شبلاك مرة التعلي
حسها عليه مااخليها صاحيه
اعدمها العافيه
وخل شيريد يصير يصير
انت وين
تدري طلعت للزرع وانا مدري بروحي
ههه بس لارايح للسمرة
وكفت من شفت دارهم لاح جدام عيوني
جاوبت
خلها تولي لاتجيب طاريها وتزود ضوجتي
ههههه ولك هاي غير لاعبه بيك طوبه
وهي بكد رجليك
ااكلك اسد الخط
ههه راح اسكت
اي اسكت واشتري روحك
كملت مشي وانا احجي ويا رجلي زلگت بالساجيه
ردت اتوازن ماكدرت وكعت بنصها صحت
خرب بالحظ
خير شبيك
وكعت بالطين ياوجه الفگر روح خل
اشوف روحي
هههه بالعافيه تعيش وتاخذ غيرها
طااح حظك
سديت الخط وكمت حالي حال كلي طين
من فوك ليجوة جريت سحاب
التراك وذبيت قميصه
اخذتو للشاخه حدرت الها غسلتو بالمي سمعت
صوت بنات عم حميد حد الشاخه جنت
يم الگصب عالي ومحد يكدر يشوفني
راحن بعيد وهن يضحگن وي ولد عمهن
نزلت بالمي تاغسل بنطلونه وجسمي
نزلت راسي جوه وفركت الطين عنو رفعتو
عكدت حواجبي من سمعت
صوت شهم يحجي
سبخت وگربت من يم جهتهم
من عرفتو مع هيله صرت بين گصب
نابت بالمي سمعتو يتغزل
بها وهي ردتو ابتسمت باستهزاء وحجيت
وي روحي
الله يعينك عليها هالبنت عدها عوق
وجفاف بالمشاعر
سمعت واحد صاحو راح الو عيوني ظلت على
هيله ادحك الو الو وهي
مبتسمه عكدت حواجبي من شفت الملامح
تغيرت ردت اعگب بس شفتها
حدرت على المي وهونت
كعدت غسلت وجهها وانا اراقب
بها وخرت الشال وفلت الشعر صفنت
الها باعجاب الشكل تغير
مبتسمه وي روحها
وصافنه للگمر والشعر نازل للرگبه لمتو
وسوتو گصيبه حدرت للمي
غسلت ايدها ورگبتها عيوني تتبعت كل حركه سوتها
*******🌿*******
هيله
شهم صاح خلت الشال على راسها
جاوبت بفرح
هياني ياشهم
صعدت الو مد ايدو الها يريد يساعدها ماگضبتها
دارت وجهها عنو بخجل هو ابتسم
وكال
يله ياملي خلي نعكب
مشوا وانا صافن عليهم عكبت للجهه
الثانيه صعدت وكعدت صافن عليها شلون
حدرت هي ويا لبيت عمها
بداخلي ضجت اكثر مو اني ضايج
ليش ماعرفت احساس بالخنكه لفه بصدري
وخلاني اكوم والغضب تارسو
مشيت ووكفت دحكت الهم
ابتسمت باستهزاء
وتكلمت
الله يعينك ياشهم على مابلاك ربك به
راح تاخذ وحده زلمه مو
سكتت من لاحت لي وهي مفرعه
والشهر حدر ظهرها
كملت بضوجه
مو مرة لان ريگها ماهو بحلو وياك
وحتى چلمه احبك بخلت بها عليك
*******🌿********
ليان
ايهم ثاني يوم عزمني على العشه
اخذت الاذن من اهلي وافقو بي كالو لاتتاخرين
اختاريت بنطلون اسود وستره نفس اللون
ووياها قميص ماروني كعب ناصي
وعفت شعري كيرلي بس رتبته خليج
مكياج خفيف لان ماحب الطوخ
اجه ساعه7 رحت اله امشي بخجل
لارا جانت بالصاله متربعه كبال الاستقبال
ملتهيه بجهازها بس تباوع
لجوه
طبيت شفته هو كاعد كبالها
بس داير راسه ويحجي وي ابويه
مساء الخير
شافني كام مبتسم وهو يباوع عليه
باعجاب لارا خلت حنجها على جتفي وسالت
وين راح تروحون
بكيف ليان
جاوبها وهي ردت
روحو لهوى بغداد يجنن الاكل هناك
خلي نشوف
جاوب وكمل وياي
ها نطلع
هزيت راسي باي ترخصنا من بابا
وطلعنا لسيارته صدك جانت حديثه وغاليه
صعدت يمه واجه صعد وهو
مبتسم كعد صفن عليه
وكال
طالعه تخبلين
شكرا
جاوبته بخجل هو ضحك وكال
اكلج تره الحجي كال لااتتاخرون يعني ماعرفت
باي ساعه ارجعج
بالعشرة
لا بله مو قليل الوقت ترة اريد اكعد وياج
احجي نسولف نخطط لحياتنا
الوكفه هاي من وقتك
صفن عليه وخرب ضحك
هههه خوش طلعه وكفتي وي ابوج
اني بنت ابويه يله مرتك
سكت باوع عليه باعجاب مال رجعت
ليوره حجه مبتسم
ااي صرتي مرتي يعني هسه شاريد
اسوي اسوي بدون خوف
گلبي هبط وجاوبته
ترة اانزل
ههههه زوج اليعوفج
شغل اني ميته خوف هو ظل يضحك
ويردد
كلتي مرتي بلسانج كلتي اني مرتك
اني شعليه مو اني الحجيت
اايهم كافي
ههههه
ضحك بعدين سكت مسح وجهه باوع عليه
الوجه احمر دم عيونه افترت على شعري
وركز بعيوني حجه بصوت متغير
اني مستحيل اذيج
مشاعري تخربطت احساس دك بگلبي
وعقلي سوه كمل
ااحبج ومستحيل افكر بيوم اذيج
او اخلي هاي عيونج الحلوة تبجي
عضيت شفتي ودرت وجهي منه
*******🌿*******
ليان
تنهدت درت وجهي علي مبتسم ومرتاح
كمل
اريد كلشي اسويلج من فرحتي بيج
اريد اضمج بگلبي مااعرف اذا جاي تحسين
بيه او عرفتي من خلال كلامي
انتي صرتي شي
جبير بحياتي
ماجاوبته تنهد مد ايده ولزم
ايدي ماسحبتها منه ضغط عليها بهدؤ
كمل
راح انتظر بس ياريت اسمعها منج
عن قريب
عرفت يريدني اكله احبك بس هاي
الكلمه ماطلعت مني ليش لان ايهم توني
عرفته صح كال احبج وحجه هوايه كلام حلو
بس اني ماكدرت اكولها،،،،،،، لان ماحسيت
بيها كلت وي الايام راح احبه لان هو اثبت
هو يحبني كلش
تعشينا بمطعم من اختياره كعد يحجيله
عن نفسه وحجيتله عن الخطوبتين
القبله مااهتم ضحك وكال
همزين عافوج حتى تصيرين اليه
ابتسمت وجاوبته
من حسن حظك
سكت تقرب على الميز مد ايداه ليكدام
وجاوبني
ااي والله من حسن حظي الصار
ماحجيت شي لان نظراته خجلتني كلش
غيرت الموضوع واني اعدل بشعري
شعري صار هوسه
لااا حلو ويخبل
ضحكت وجاوبته
لااا مو حلو ترة كفشه
سكت والعيون تغيرت والملامح جاوب
بصوت متغير
انتي احسج مو عراقيه
رفعت حواجبي كمل باعجاب
كتلج اني شايفج بلوحه قديمه شايفها
بشارع المتنبي عجبتني كلش
واشتريتها من
شفتج اول مرة كانما كاعد اشوف
نفس البنيه بالوحه
يخلق من الشبه اربعين
اي بس انتي احلى بهوايه بس
بس شنو
لو تسمنين بعد شويه تصيرين تخبلين
ههه جنت سمينه بس سويت دايت وضعفت
عندج صور من جنتي سمينه
ماادري خلي اشوف
طلعت جهازي دورت ولكيت شوفته
اله اخذه من ايدي صفن وهو يگلب
بيهن بين الاعجاب بوجهه سمعت صوت رساايل بجهازه
رفعت حواجبي ضحك وكال
سيفت رقمج بجهازي مايرهم عاقدين
وماعندي رقمج
هزيت راسي باي وسالته
اخذت صوري
باوع عليه مد ايده بي كال
شوفي هاي تخبلين بيها ظلمتي روحج من
ضعفتي السمن يلوك الج
مديت راسي باوعت للصوره جنت ماخذتها
بسفره باربيل لابسه جنز ضيق
وبدي برتقالي وخاله الستره على جتفي
شعري طاير بالهوه واضحك
هااي باربيل
حجيت انتبهت وجهي قريب
من وجهه صفن على شفتي رجعت بسرعه لمكاني
وتجنبت اباوع علي حجه بضحك
حضري روحج اني احب ادلل الي احبه
يعني شكولاته وحلويات وعزايم بالمطاعم
ابتسمت وجاوبته
راح اقره على وزني السلام
اقري اريدج هيج
شوفني صورتي ابتسمت وهزيت راسي باي
*******🌿*****
مالك
روحي طكت من بغداد والشغل لميس
رادت تبات يم اهلها لان خواتها اجني
والتمن ورادت تبقى يمهن
وصلتها وطلعت لديرة اهلنا كلت اظل يم
زين يومين واارد انطيته خبر وكال
هلا بيك تعال راح ادز على
الولد
وصلت العصر بس شفت الزرع والاشجار والمي
روحي فگت والخنگه راحت شفتهم كاعدين
بالحديقه من شافوني كامو نزلت زين صاح
اارحب اارحب ياهلااا
جاوبته
الله يحي قدرك
اخذني بالحظن سلمت علي هو وحمد وصعب
وحجيت بضحك
هلاا والله بالشله التعبانه
هلااا بالنفر الناقص
خربت ضحك من رد صعب
تفضل يبن العمه حدر للجلسه
حمد حجه مشيت وياهم للكعده كعدت ادحك
للخضره والنافورة حجيت
ااخ ولكم ردت روحي بس اشتميت
هوه الديره وشفت هالخضار الحلو
اي هي حلوة لچن بغداد احلى
ااي حلوة بس صارت خنگه من الازدحام والسيارات الجثيرة
اي صدك
شلونك انت شخبار الاهل خالتي شلونها
هي وعم مانع عساهم بخير
الحمد لله يازين كلهم بخير انتي شخبارك
بعدك محصور هينه
جاوبته مبتسم ضحك ورد
اي والله محصور حصرة الجلب
ههههه
كلنا خربنا ضحك حمد حجه
اسكت الشيخ قافل وذب المفتاح بذيج
الشاخه
اشر للبعيد وكفت ودحگت للبعيد سالت
هاي ناصبين مرشات من اجيت شفتهن
اي من زمان ماحجيتلك
لااا والله ماكلت
مدري فاتني اسوالف الك عنهن
ظليت واكف ادحك للگاع البعيده ابتسمت
دحكت الو وسالتو
شخبار النسرة
*******🌿********
زين العابدين
عكدت حواجبي من سالني عليها
حمد جاوبو
على من تسأل
ههه بنت مله حميد
هيله
صعب سال هزيت راسي باي زين حجه
اذكرلنا شي مايضوج خلقنا
ههههه
الولد خربو ضحك مالك كعد وارتجه على
المسند مال عليه سالني
مبتسم
بعدها مكدره حالك
سكتت هو كمل
والله مكدرتك ولاعبه بك طوبه
مالك اسكت لااااا يعگبك لبغداد تره يضوج
من سيرتها ويتخبل لو ذكرها احد
جدامو
حمد تكلم ومالك صاح
يازين
شتريد
جابتو بضوجه ضحك
هههه بله من صدك هالدعسه مضوجتك
مشعل لفه جايب الگهوة
سكتنا دارها علينا وعگب للبيت الموضوع تغير
وظلينا نحجي عن الزرع والبيوت
اليوم نعلگها علك
حمد صاح وصعب جاوبو
اي بس لا ابوك يخابر ويخرب كلشي
ههه لا كتلو رايح بشغل ما كتلو انا يمك
ههه ولكم صيتنا غير نجس ابوك يخاف عليك
من عدنا وابويه بالعكس وابو زين هم
بس صعب سلم من هالشي
مالك حجه بضحك صعب هز راسو وسكت
مااقصدي ياصعب
اعرف يامالك لاتخلي بالك
كمنا وره ساعه تمشينا ليم هايل فگيتو
وطلعت امشي ويا والولد ويانا
مالك لزمو وحجه
هاا ياهايل شخبارك مااتزوجت
ماعرست على فرس
هههه لا بعدو لجن اظن عاشك مهرة
اسال زين وهو يگلك
مالك دحك عليه وسالني
منهي مهرة
ماجاوبت صعب رد
مهرة فرس هيله
هههههه خرب بالحظ ولك شلون تعشك
فرس عدوة شيخك
حظو الاغبر
حمد جابو رديت
من كال عاشكها لاتجيب حجي من عندك
وتحجي
والله عاشكها كلما شافها صهل وظل
يحور بك يم الشاخه اصلا هو يحدر لها مو انت
وهي عاشكتوو
اي اظن لان شفتها تحدر بسرعه من
تسمع حسو
مااترهم يااهايل اكعد واسكت صاحبتها
عدها طلابه وي عمك الشيخ
سرينا واسمع سوالفهم وضحكهم
مالك حدر خل نشوفك الماطور الجديد
حدرنا ليم الشاخه ساريه شافتنا خجلت تسلم
لان شافت الولد وياي مشت هي
وريهام وجم بنيه وهي
ادحك علينا
الله الله ولك هذا عبالك اكبر واحد ماخذ
اي هو اكبر واحد شديتو حتى نتحضر
للموسم الحنطه
جاوبتو وهو رد
هاا وهاي شوكت تنزرع تصدك ناسي هاي السوالف
هههه وانت شمعرفك ابا عن جد ساكن
بغداد
حمد جابو بضحك هايل صهل وتحرك گضبتو
قوي صعب تكلم بضحك
لفت مهرة
دحكت للبعيد شفت هيله عگبت مالك
تقدم ليجدام وكف يدحك الها گربت دار وجهو
عليه وتكلم
ولك هاااي غير خياله كشرة
هونت دحكت علينا وهي متلثمه مهره
ظلت تدور وتصهل لزمت لجامها وشدتوو
اندارت عيونها بعيوني دارت وجهها وحدرت لبيتهم
صفنت عليها مالك صار بوجهي درت
راسي حجه بضحك
هذا يحبها
من
من غير هايل
سكتت خرب ضحك وكمل
ولك هاي جنها عود الخيزران ومبين مو
شويه من كعدتها فوك الفرس
وقوتها وياها من
ظلت تدور وتريد تجي لهايل
وهم حلوة يامالك
حمد تكلم مالك صفن عليه وسال
مو كلت دعسه
ههه من هيله
حمد جابو وكمل
والله انا الدعس مو هيه
خلنا نعكب
مشيت بهايل مايقبل ضل يضرب برجلو
بالگاع ويصهل سحبتو بقوه ورجعنا
للدارنا وصلنا تعشينا برة
بالحديقه مالك جان جايب مشروب الي بالخاطر
كعدنا نشرب دلع خابرت جنت بعدني
بوعي مشيت كعدت بعيد
جاوبت
هلا وغلا
من كال حبي وينك ليش ماخابرتني
ليش بيش الساعه هساع
هسه 12 انت وين
وين يعني بالمزرعه
ياا بعدك محصور هناك
ااانجبي بنت الخرة شنو محصور قابل جلب
انا
لا والله مو قصدي هيج طلعت من لساني
بدون قصد
انهديت بها بغضب
سددي حلگج واريد بعد من الله اسمعج هيج
تحجين معي الا اشوفج شي
مو شايفتو
اسفه والله بعد مااعيدها
اانگلعي وووبعد لاتتصلين
سديت الخط وعگبت يم الولد من لفه مالك
مشيت الكل حتى ناخذ راحتنا
بالكعده بس خليت حارس
واحد يمنا
******🌿*******
هيله
شهم عگب وره جم يوم وهم فرغت الديره
عليه جنت الهي روحي بالشغل واروح
للجامع ادرس البنوات قرآن
انتبهت ابويه مهموم ومدري شبه كلت
خاف الشيخ صگبان هم رجع
حجه بسالفتي
ردت اسال امي بس
ماكدرت لان هي ماتدري انا سمعت الكلام
كلو وخجلت منها تعرف انا تصنطت
عليهم
ظليت احور عليهم من يكعدون
بره اريد اسمع شي يريح گلبي ماكو بس بيوم
ريمه اختي اجتني للزرع انا انظف بالساجيه
وتكلمت بخوف
ياهيله
ها ريمه خير شبلاج
اكلج شي
كولي
اشتغل وهي يمي تحور
الشيخ صگبان
عدلت حالي وعكدت حواجبي جاوبت
وش به
هساع
سمعت امي تحجي مع خالتي زينب كالت
لها خل شهم يعقد عليج حتى
يسد حلك الشيخ صگبان لان طلبج اكثر
من مرة
دحكت للدارنا وسالت
اي وخالتي شردت
كالت لها مايكدر هسه يعقد لان ماعندو شي
ويراد لو مصاريف جثيره للمهر
واحنا لازم نعقد منا ويتزوجون منا
سكتت تگربت حجت بخوف
هيله
ها ياريمه
ترددت شويه بعدين ردت
اظن يعني اظن خالتي ضاجت لان امي فتحت
وياها هالموضوع
شلون عرفتي
مدري شفت خلقتها انگلبت وكامت تحجي
وادكول ابني ماعندو هساع وخله
يكون روحو وبعدين
يتزوج
سكتت وهزيت راسي هي كملت بخوف
لاتحجين لامي انا كتلج هالكلام
لااا مااحجي
عگبت من يمي خالتي طلعت تهف من يم
بيتنا دحكت لها سرت لگاعهم عمي تلاكها وكفت
تحجي له وتنفض بأيدها دحك لدارنا
وهو يهز راسو
عگبو لهيت روحي بالگاع ايدي
مااخذت شغل من الجاي
اسمعو
عرفت
شيخ صگبان هم رجع حجه بيه وعرفت هذا
سبب هم ابويه وامي روحي اختنكت
عفت كلشي وكلت خل اطلع
بمهره للبريه
اخذتها وطلعت بها صارلها فتره
مدري وش بلاها تطلع وياي وعيونها على
ذيج الگاع وتصهل وي الوگت عرفتها عاشكه
هايل لان شفتو هو هم هيج
عگبت وي الغياب لمحت برق الشر وي ربعو وواحد ماعرفتو من واكفين يم الماطور
يدحكون عليه
عكدت حواجبي من ماانزلو عيونهم
مهرة صهلت وتخبلت من شافت هايل وهو هم ظلت تدور بيه
شديت لجامها بگوة وعگبتها للمحصر
نزلت اهدي بها واحجي
بهدؤ
وش بلاج ماالگيتي غير حصان هالهامل برق
الشر تعشگي
ظلت تصهل وهي ترفع راسها ليفوك عفتها
بمچانها وسريت لدارنا غسلت وصليت
الفرض كعدنا نتعشه
واشوف ابويه ماياكل الزاد وامي صافنه
علي سالتو
اكل يبو هيله
هز راسو سم اسم الله وبده ياكل
اعرف ابويه مستحيل يقبل بالي يريدو شيخ
صگبان لجن ملحتو عليه ضوجتو
وكدرتو من خواتي كامن
كعدت اشرب جاي وياهم سالت
يابه وش بك
دحك عليه ابتسم وجاوب
ليش تسالين ياهيله
مدري اشوفك متكدره صارلك فترة
دحك بعيوني هز راسو وجاوبني
ياهيله احجي الي بلسانج وكولي
انتي وش تعرفين
سكتت امي تكلمت
مااتعرف ياحميد
لا تعرف بنتج موو غشيمه يازهيرة
تنهدت هو كمل
ماايصير الي يريدو الشيخ صگبان
وانا ابوج
سكتت امي كملت بقهر
هساع لو بس شهم يگطع مهر جان انسدت
الحلوك وولى بشروو عنا
مو هيج الحجي ياحرمه مايجوز هيج
تحجين
امي سكتت ردت اكوم ابويه اشرلي اكعدي
كمل بضوجه
انا كتلج لاتحجين وي بيت اخويه بهل السالفه
وكسرتي چلمتي وخليتني اسمع
حجي من اخويه يقهر
خير وش سمعك
سكت وهو عاكد الحواجب تكلم
اخويه مايقبل يعقد لابنو على هيله
يگلي خل بالاول يركد بالجيش ويجمع
جم فلس يله يعقد وياخذ
نفس كلام اختي
اي
وشلون هساع وي الشيخ صگبان
العندي كتلو وخله شيريد يسوي يسوي
بنتي لابن عمها شوكت ماجهز حالو
هي له
مدري احس هذا مارح يبطل من هالسالفه
يبطل مايبطل هذا العندي بنتي ماتروح
الو ومااظلم بختها وي واحد اكبر
من ابوها
كمت من يمهم من انسدت السالفه رحت
لغرفتي انا وريمه تمددت بالفراش ظليت افكر
بالجاي يصير ماانكر توترت لان
الشيخ صگبان ماجاز مني
خفت على رزق ابويه وكعدتنا هينه بگاعو
اعرفو نجس وماايخاف الله وكلت
راح يشد ويانا ويجوز حتى يطردنا من
الدار اذا ابويه ظل بعنادو معو
ماكدرت انام الفجر لاح وانا كاعده
اهوجس وش راح يصير اذا ظل الشيخ صگبان
يلح بهل السالفه سمعت ابويه كعد قبل الصلاه
وطلع للجامع
كمت من الفراش طلعت صبحت على امي
الكالت
يمه هيله جيبي شي دااكص الحبل مال الجدي
ريمه شادتو بگوة ابوج يريد
من يعكب من الصلاه ياخذو ويبيعو
بعلوه الغنم
اي يمه هساع اجيب خنجري
عكبت لغرفتي لبست شالي
اخذتي خنجر جدي من
الجراره وعگبت طلعت وي امي للمحصر
عكدت حواجبي من سمعت صوت
مهره من بعيد
رگضت دحكت به ماهيه طلعت اركض
امي صاحت
وش بلاج تركضين
يمه مهرة مااهيه
يااا وين راحت
صوتها هناك
اشرت لگاع الشيخ شعلان رحت ارگض
وهي تصيح
يولي وين رايحه الدنيا ظلمه عگبي
اجيبها واعگب يمه
جزيت الزرع واسمعها تصهل عبرت الكنطرة
للگاع الشيخ شعلان ارگض واريد اگضبها
قبل لاتوصل لدارهم لجن فرس
وسريعه وتحن للهايل
شفتها حدرت للمحصر مالتهم الصاير
مسافه عن دارهم دحكت حارس لفه وره الدار
ردت اصيحو بس راح
ماجان اكو احد كلت نايمين وبس هالحارس
يفتر،،،،،سمعت صوتها ورة البيت مشيت الها
وصلت للمحصر شفتها يم هايل هو فرحان
بها وهي هم
ياامهرة
صحتها مادارت بال اليه
سريت لها،،،،،، جريتها من رسنها هايل
صهل بقوه وهي هم
عگبي ياامهرة عگبي لا يلفي حد ويشوفنا
جريتها مااقبلت تسري معي صهلت هي
وهايل الكام يضرب بالباب بقوه
وش نوحج اسري معي لاايجي احد ونبتلي
بسالفه
بلحظه انجريت ايد سدت حلگي
وسحبتني بگوة من يمهم تلاويت وضربتوو
برجلي عثر ووگع ليوره وانا ويا
فزيت اريد انهض
لزمني من رجلي ووكعني بالگاع صار
فوگايه نفسو صار بوجهي يگتل ويذبح
صحت
هددني يااالهامل
سد حلگي بأيدوو فگيت عيوني
من شفتو برق الشر ضربتو برجلي خلها بين
رجلي عصرها بقوه درت راسي وعضيتو من زندوو بكل قوتي صاح وهدني
نهضت بفزه ورجعت ليوره نهض لحيلو
يخزر بيه والشر بين عيونو
شفتو مو تمام عرفتو شارب
تكلم بحقد
اجيتي والله جابج
دورت بعيوني على الخنجر شفتو يم
مهرة واكع رحت بسرعه اخذتو وهو تكلم
حگي هساع اخذو منج
حدر جاي واخذو اذا انت زلمه
سحبت الخنجر ضحك بصوت
تذبحيني ياهيله يهون عليج شيخ شعلان
لاا مايهون يزين لجن انت تهووون
سكت وهو يخزر بيه تقدم رجعت ليوره صحت
به
خلك بمچانك ياازين ولاتبليني بدمك
لجن اانا اريدن ابتلي بدمج
حجه هيج وهجم عليه اخر شي توقعتو
هو برق السر يريد يذبحني كرهو اليه عماه وخلاه
يريد يچتلني من هجم وخرت بسرعه
بس هو جان خفيف لزمني
من خصري ورفعني لفوگ ماردت اذبحوو
وافجع ابوه به ضربتو برجلي
بقوه هدني انهزمت
منو جرني من شالي شعري
اجه بايدو واذاني افتريت وضربتو بالخنجر
بصدرو اجه زلف صاح وورجع ليوره
وكعت بالگاع انهد وهو جدامي خليت الخنجر بينا اهددو به
ياازين وش بك
زلم طبو علينا صعب وحمد اعرفهم راحو يركضون علي وااحد اجه ليمي ووكف من
شاف الخنجر بايدي
ردت استر روحي
بالشال جان بايدو ماكدرت اروح اجيبو منو
العيون صارت عليه صحت به بغضب
واعصاب
ردي وتظل ردي ياااشين الزلم
كمت لحيلي وانا حاميه روحي بالخنجر
تفلت عليهم وكملت بصياح
مااابيكم زلمه وانتخه به ويستر حرمه
انكشف سترها من وره واحد ردي
حمد اخذ الشال من ايد زين وجاب
اليه جريتو منو بقوة غطيت شعري بغضب
زين كام يدحك عليه بغضب وكره
لازم صدرو الجاي ينزف حجه
بصوت مخنوك
علمتي عليه ياهيله
واچتلك يالردي ياااعار الزلم
هد عليه لزموو صاح
اافضحج ياهيله اكول عليج اجيتي برجلج
عليه
