رواية دمار ضالم الفصل التاسع بقلم ام علوش
وداع_الاحبه...
رفقا رفقا يا رفيقه دربي يا ريحانتي.. يا وتين قلبي...
يا مهجتي.... بعد امي ما ودعت والدي وكلامهم شي فرحنا وعشنا اجواء ضحك وسوالف اجت خالتي جماره وشيهانه واخوالي وجدي وجدتي.. ليله تخبل سوالف وشقى.. وامي من اكثر الليالي اشراقا كشخت ولبست ورجعت ريحانه الحلوه النازكه... نفاخ وجكليت.. وكيك وكرزات كعده تجنن خالي موسى كان دوم يتواصل ويانه خصوصا هذه الفتره دائماً هنا وكذلك خالتي جماره دائماً اسمع منها كلام.. للامي.. ريحانه نحاول ريحانه ترى انتي مستسلمه.. هواي ناس تشافت.. وطبع امي ما تقبل نتسمع... تالي ليل كلمن سيارته خوالي وخالاتي.. شيهانه قريبه علينا وكذلك جماره هاي سنه من انتقلت للبغداد... بعدها كعدنا كلنا كانما ليله وداع.. امي بحضنها فدك وطيف على رجلها وغيث وليث بصفها واني ادللك برجليها... لوحه صنعها الزمن وصوره راح تبقى ويانا للموت ما تفارك خيالنا ومخيلتنا ذيج الليله.. ماما ملاك.. اسم على مسمى يا اول فرحتي.. ثمره تعبي انتي ويه ابوك... انتي خليط بين جماره وهدوء اطباعها وبين شيهانه وذكاء وتهذيب اما مني اخذتي الطيبه الزايده هي كل وكحه طيبه... اخوتك شهادتك حلمي وحلم ابوك.. امي كانت تتكلم عن والدي وهي اي حقد ما تحمل. بالعكس اشوف بعيونها حب ووجع عليه مو منه... كانما تعرف اذا راحت.. يضيع بعدها.... ماما اخوتك احتويهم كوني سند الهم.. طيف ذكي وسبع بس اني مقيدته بخوفي.. فدك ريحانه الفراشه المندفعه دائماً.. اما غيث وليث ماما.. انتم اسود ريحانه وواثق.. لا يغركم قسوة ابوكم وربي يموت عليكم وعليه بس ماما الشك يقتل الحب ويحطم الرجوله وهو حقه امكم الذكيه السبعه.. كانت غلطتها الثقه وهذا اول درس تعلموا... ثقه ماكو... باي كان.. صيرو.. ظهر لاابوكم... ترى كلها عليه ناس طماعه وتغار... الله رحمه بسيف ومنتصر... ولد هاشم ذوله نعمه.. ما تشوفون عمام ابوكم رفضوهم لانه يشاركون الورث بنات هاشم وهم كلمن ماخذ وحده منهن... فالطمع والغيره تعمي البشر ويبيع ضميره... فماما كونوا.. سند.. لاابوكم.... غيث ماما انتم تصالحتم... ريحانه.. هو شوكت تفاركنه يا امي ترى اروحنا سوى.. ابوك انفة الرجوله واني العناد طبعي المهم معليكم بينه احنه متصافين وخلصانه غيث ليث اخوتكم اخواتكم ماما بيتكم.... او ماما شكو كانما مسافره... ليث امي لا تخوفينا فدوه.... تدرون شكد مشتاقه لا ابو الحسن فدوه لااسمه وعلساس جماره تاخذنا بس ابنها تمرض.. ان شاءلله نزور عن قريب 💔.. ملاك..ا فدوه لااسمه ابو اليتامى... ان شاءلله.. كانت ليله ضحك ونسه.. لكن اشوف بعيون امي وجع وكانما دايخه فرشنا كلنا بالاستقبال وتمددنا حضن بحضن ويه امي طيف فدك على جوانبها وغيث وليث واني داير مدايراها مارادت نفاركها.. جانت تعرف هاي الليله الاخيره وياها وبحضنها... نام الكل على امل صباح مشرق بعد ليله ويوم مبهر.... لكن.... صحيت على عيطة فدك.. ومنظر امي دم من عينها واذنها كان مغرك المخده... عياط صياح ذهول صدمه غيث وليث مصدومين طيف يرعش. واني مصطوره ما اعرف شنو.. اسوي بس اعيط والطم واحرك امي ماكو نفس.. ليث طلع يركض لبيت بيبي ام جواد.. واني اتصلت بجدي.. اجوي غيث شالها بحضنه هو وليث ويركضون واني اركض بدون وعي لا حجاب بس بتراك بيبي لفتي بحجابي واركض خالي اجا اخذنا بالسياره كلنا للمستشفى امي اعرف ماتت اني مو طفله نفس ماكو لكن عسى ولعل اكو امل ولو بصيص وصلنا للمستشفى وخالتي جماره ها ريحانه سويتها ومشيتي ولج بعدج صغيره ولج ذوله منو الهم امي بالطواري.... دقايق دقايق وطلع الدكتور.. يابه المريضه متوفيه قبل ساعه وصلت ميته...... هنا هدمت اركان ارواحنا وانهدت جدران الامان والراحه.... جماره.. اجا واثق يركض شاف صريخ ملاك واخوانها.... ثواني وانهار كان وياه ولد اخوه اخذو للطواري.... غيث ليث ملاك فدك طيف.. الكل كان في وضع انهيار صريخ لطم وجع انكسار اي كلام ما يوصف فقد الام.... هو انهيار الروح قبل الجسد.. ملاك.. كنت اشعر واشوف امي عدها وجع وخصوصا نظرها شبه قل وهي اصغيره حتى الخياطه تركتها خالتي جماره خالي موسى دائماً اشوفهم يلؤمها وهي كان كلامها ما يفيد بعد انتهى الوقت لا تعبوني ولا اتعبكم قفلت اووف يا عناد امي حتى على نفسها... ريحانه كل تحدي كنت المنتصره الا تحدي الموت هو المنتصر دوما 💔💔💔😔صحى والدي كان ليث وياه وظلت امي بالمستشفى لانه جدي رفض تندفن الا بحضور والدي رغم معارضه اخوالي لكن جدي رفض وفعلا صحى والدي كانت جلطه... مميته لكن لله حكمه وعمر مقدر ومعلوم.... واثق.. بعد طلعتي من بيت ريحانه واني بالسياره خفت كلبي وجعني واني عندي جلطه كلت بسبب الضغط نظراته عيونها وصيتها كلهن وكفن بعيني ريحانتي فراشتي حبيبتي يا ابهر روحي حبي لك ليس وليد اللحظه حب عشره تضحيه لكن الشك يقتل الرجوله زعلي منك وعليك رجعت للبيت وصار مكان استقرار غرفه والدي القديمه لانه الطابق الثاني صار لولد هاشم ولانه سيف متزوج ورشى وهاله منو
يتحملهن اني فقط تالي ليل للمنام لانه اغلب وقتي بشغلي والغده بيت ريحانه...نمت لكن ما نمت ليس حلم بين حقيقه ومنام والدي وهاشم وهاشم الصغير بحضن ريحانه ومشت وياهم هي فزه هي رنه تلفوني اتصل بيه عمي صبار... بابا ريحانه بالمستشفى لحك عليها.. اريد انهض ماكو.. ماتت رجليه حيلي انهد لا ولج شلون حبيبتي صرخت اجتني هاله كتلها صحي ولد هاشم وفعلا نزلوا يركضون وطلعنا للمستشفى.. وياريت ما وصلت ميت بطريقي ريحانتي على سديه الموت ولج شلون عفتني مو كلتي ما اعوفك مو منتظره الحق يطلع ليش منظر ملاك واخوتها حطم كياني كانما بركان وانفجر حزني عليها الجبل انهد كعدت ابوها عد راسي اكعد ريحانتك محد يدفنها غيرك كوم ولك ولدك وبناتك تخبلوا.... كمت الج يا سندي كل عمرك سند الي ورغم بعدك عني لكن مامن بيك لبوة... اعذرني غلبني الشك يا نبض روحي.... نهض جسدي اما روحي تهالكت وانتهت بانتهاء اخر نفس منك يا نبضي انت.... جماره رفض ابوي نشيل ريحانه الا بحضور واثق... ابوي تفكيره عدل وحكمه الكبار واسعه.... انتظر مو معناها سامح واثق بحق ريحانه لا بس اذا طلع واثق بالجنازه اثبات هو موجود بحياتها وكلامهن وداعياتهم والقذف بعرض امي وشتمها كذب واقامه العزاء بيت واثق اكبر دليل على كذبه.. ريحانه عدها بنات والمجتمع ما يذكر بس الشينات مع الاسف والد.. وصدك جذب.. العالم تعير وتبسمر... طلع واثق ولده والكسره بعيونهم شالوا النعش وبناتها يا كسرتهن واثق.. محني الظهر مكسور عيونه غطاها الحزن والندم يرعش ما يسيطر هذا الجسد والهيبه ساعات بس مرن وهو تهالك.. اخ يا حزن الروح وندمها يكسر اجبال.... ريحانه مودعه بالله يا مظلومه يا مهضومه يا مجاهده يا حلوه كلج حلوه خايبه خيه... غيث امي كانت لوحه متكامله جمال شخصيه حضور لكن عيبها تنظر للناس بعينها وبطبعها وهي دفعت الثمن عرفت امي مريضه وتكابر لكن بعد فوات الاوان ما المرض منتشر اكثر من 80/100وهاي نسبه الموت القريب حاولت خالتي خالي كان العلاج مكلف ولازم سفر ومو مضمون هذا كان كلامها وقناعته خلص انتهى الوقت.. الفلس التصرفه على روحها الهم اما تتنازل لاابوي هاي مستحيل هي رادت تامنه وشافت اسلوبه تغير ويانا... وهذا كان كلش كافي الها.... موت امي كسرني ولد بداخلي حقد وكره لاابوي اني وليث... واحنه شفنا قهرها وتعبها وانكسارها ومو اطفال احنه وما نفهم العدها شي مبينه... لكن امي كتاب مفتوح ومع الاسف بيد ناس ما ترحم.... كسرتني امي... ولهسه وجع هضيمتها بگلبي... جدي رفض ندفن امي الابحضور والدي رغم تعصب خوالي ولد عمهم اجوي من البصره... وسبحان الله كانما الله راد الكل تنجمع واول مره تشيع امراه وترفع بالشارع ابوي رادها تنرفع على اكتافنا احنه وخوالي وهو بالمقدمه يصرخ ويلطم لطم على راسه ابوي كان منهار وشبه مجنون لحظات الحزن احيانا تكون كالمجنون شعور الفقد يقتل.. ويهد بقايا العقل وهذا حال والدي... 💔💔💔رغم موقفي منه لكن على كبر كسرتنا هو الاكثر هضيمه فاتحه امي كانت بيت حجي صالح النساء رغم مكرهين دخلنا للبيت لكن جدي اصر.. والرجال بالحسينه.. كان والدي يصرف بجنون... جيب حط وزع المن اذا ريحانتي ما اوزع المن ضامهن... هي عدله وحرمتها كان ابوي تجي لحظات كانما ضرب من الجنون يطلع من الحسينه ويظل يصرخ ويتفوه بكلام ماكو ربط عرفت والدي مو بس انجلط لا انضرب بدماغه.... واثق اي عشق بحيث جعل عقلك قبل قلبك ينهار وبنكسر...... الفاتحه تكيله ومتعبه نظرا.. للمكانه والدي وطدي صالح سيف ومنتصر وزوج عمتي صابرين من العمام ماقصروا.. وليث كذلك واني رفيق ابوي اذكر كلمات امي واثق ضعيف لا تغركم قسوته اكثر الناس تعرفك واكثرهم تحبك حتى اكثر من امك يا واثق واني مع والدي كان تعب جسدي وروحي والدي بدل ما يكون سند صار عبء.. علينا
ملاك.... اي وجع اي غصه صعب الكلمات توصف شعور الفاقده امها.. ومثل امي ماكو.. الصدر الحنين. الرقه العذوبه الهمس الحنين... امه كلهن بيها.... بس ياحيف غلبها المرض ريحانتي كل الحروب انتي المنتصره الا في حرب الموت.... كنتي الخاسره.... بعد ما خلصت الفاتحه رغم رفضنا انه تكون بيت الحجي لكن جدي اصر تكون بيت حجي صالح لحكمه عنده... وفكره. كان وجود هاله ورشى ورغد ونظرات الشماته تكتل منهن لكن تدخلت بيبي ام جواد بس اول يوم وبعدها اختفن ماكو.. عرفت سيف ماخذهن للبيت اهل رشى.. اما بيبي ام هاشم كانت مقعده على كرسي وعيونها حيره خوف ندم ما اعرف..... خلصت الايام ورجعنا للبيت والدي رجع ويانا كان حبيس غرفه امي مشطها عطرها ملابسها دائماً بحضنه هو بليل يبجي بصوت نسمعه ويعاتب وينعى امي نعي ابوي صوته حلو... وبالنهار جكاير وجاي... اسوء سنه مرت عليه تركت السنه الكليه وخصوصا طلع قبولي محافظات... ابوي هذا حاله... سيف ومنتصر دائماً عدنا علموده.. وغيث وليث سادس تركوا.. لانه محلات وشغل وبضاعه فسيف هو طلب منهم بعد موافقه اجدي.. حسب كلامه حلال ابوكم وسيف ومنتصر وحدهم ما يكدرون وعمام ابوك ناس طماعه يردون فرصه..
من يشوفنكم كلكم ايد وحده محد يكدر عليكم وفعلا..غيث وليث بمحلات وشغل بابا وطيف وفدك ويه بابا لانه كان وضعه من سيء الى اسوء واني مسؤؤليه البيت بعد ما بيبي صفيه اجت كعدت عدنا هي وجدي رغم تعبهم وكبر عمرهم لكن وجودهم بركه وخصوصا جدي ويه والدي دائماً..... هل ينهض واثق.. ام يضيع في فراق الاحبه.... اختكم ام علوش
