رواية بيت الطاعة الفصل التاسع 9 بقلم مجهول

اني القاضي هزاع جواد غالب من محكمه الاحوال الشخصيه في محافظة....

وبعد سماع الشهود ورؤيه ادله  الحكم المطعون فيه بإلغاء الحكم المستأنف وعدم الاعتداد بإنذار الطاعة واعتباره كأن لم يكن على ما أورده بأسبابه تبين من أقوال شاهدى المطعون ضدها وتقرير الإخصائيين الاجتماعيين

 أن مسكن الطاعة غير شرعى لا تأمن فيه الزوجة على نفسها ومالها فقد تعرضت للضرب أثناء إقامتها فيه ، وأن الطاعن غير أمين عليها لعدم إنفاقه عليها وحصولها على حكم نفقة عليه . في حين أن أقوال شاهديها قد خلت مما ينبئ عما استدل عليه الحكم فالشاهد الأول وهي المدعوه غسق جاسم والشاهد الثاني عماد احمد حامد (خال الزوجه) 

والشاهده الثالثه والدة الزوجه. ومن تقرير الإخصائيين الاجتماعين أن مسكن الطاعة خالٍ من سكن الغير ملائم للحياة الزوجية ، وكان عدم الإنفاق لا يعتبر من الأوجه المقبولة للاعتراض على إنذار الطاعة ، ومن ثم فإن الحكم المطعون فيه يكون قد خرج بأقوال الشهود عما يؤدى إليه مدلولها وخالف الثابت بالأوراق وشابه الفساد في الاستدلال.. وعليه تمت موافقه المحكمه ع الطلب الذي قدمه الزوج جاسر حسن بالزام زوجته بحكم الطاعه وتنفيذ،الحكم خلال ٢٤ساعه وخلاف ذلك تعتبر الزوجه ناشز وتسقط منها كافه حقوقها الشرعيه.. 

جاسر الفرحه اخذت روحه ..واخيرا راح ينجمع وي غسق.. ابيت واحد طاعه مو طاعه المهم يلزم غسق بيدهه.. 

خال غسق من شاف جاسر كسب القضيه ظل يجر ناعم.. وطلب من جاسر تبقى غسق يومين وهو راح يجيبهه بنفسه للبيت.. بالبدايه جاسر رفض بس بعدين فكر وكال خلي تبقي يومين وبس ..وبعدهه الله كريم

غسق بعد الحكم بقت يومين يم اهلها.. طبعا استلمتها امهه توصيات ونسوان خوالها ماقصرن من كل وحده حكمه وموعظه.. 

وهي ساكته وتستقبل دروس طبعا الدروس كولها ضد جاسر.. 

وبعد عمري رجعت غسق البيت الطاعه وخالها ومرشد اجتماعي وياهه يعاينون البيت ويشوفوهه مطابق للمواصفات ..

والحمدلله جاسر مرتب البيت بمساعدته امه واخته سعاد وبدل القنفات والبردات ..بس غرفة النوم بقت مثلما هي.. 

اشويه… واجه جاسر واخذ خال غسق جوه للظيافه ..وبقه كاعد يمه ..وبداخله فرحه طفل اشوكت يصعد فوك ويشوف غسق.. 

حجي حسن فرحان برجعت بنت اخوه والظاهر فكره بيت الطاعه جانت من عنده ..هو اللي خلاهه براس لميعه وخله لميعه تحجي وي ابنهه جاسر.. 

جاسر كمل السهره وي خال غسق وصعد للشقه متاخر

 ..وشاف غسق نايمه ومغطيه روحهه عبالك جنازه كولشي مطالع ‏​‏​منـِْهـ♡̨̐ـِْا.. 

جاسر ..قرر ميكعدهه مو الخاطرهه بس لان خالها بعده موجود وخاف يسوي اي حركه غلط 

..وثاني يوم ترجع وي خالها وتنعاد الماساه من جديد.. جاسر ظل يصبر بنفسه هسه انا صبرت سنه مااصبر هذا اليوم ..وانا الج باجر ياغسق باجر وين ترحين مِڼـّي.. 

جاسر اتمدد بالغرفه الثانيه وظل للفجر يالله نام ..كعد الصبح لكه خال غسق رايح موصله سايق الحجي للكراج.. 

همزين راح خفه مثل ثگل ..راح لا رد ..طبعا هذا كلام جاسر النفسه.. 

كعد جاسر  ..صاح ع غسق حظريلي الريوك

غسق ساكته.. 

جاسر ماكو كلمه نعم او ان شالله او حاظر.. 

غسق  بنرفزه حاظر.. 

جاسر ..الله يحظرلج الخير حبي

غسق خلت الريوك ع المائده وصاحت الجاسر اتفظل ..

وهي راحت ع المطبخ اتريد تتطبخ.. الغدا

صاح عليها جاسر غسسسق وينج ولج غسسق 

غسق نعم

جاسر تعالي كعدي

غسق متريكه سبقتك بالريوك

جاسر ومنو كالج تعالي اتريكي

غسق لعد

جاسر ايديه توجعني تعالي طعميني 

غسق شنوو 

جاسر شنو انطرشتي تعالي طعميني سوي لقمه وره لقمه وطعميني.. ايديه توجعني صارلي سنه اطعم بروحي تعبت ..

غسق كعدت ع الكرسي وبدت اطعم جاسر

جاسر الكرسي مالتج بعيد هيج متسيطرين

غسق لا مسيطره

جاسر اقتربي

غسق لا خليني هيج

جاسر لعد انا راح اقترب.. 

واخذ جاسر كرسيه وخلاه بصف الكرسي مالت غسق لصق وجاب ايده وخلاهه ع خصرهه.. 

غسق فتحت اعيونهه عليه 

جاسر هاي اشبيج هي اعيونج جبيره وتفتحيهه بالزايد اتصيرين عبالك بووومه..

غسق دير بالك لا تتطلعلك بالليل ..

جاسر منو اللي تتطلعلي

غسق/ البومه

جاسر والله ياريت تتطلعلي بالليل ..حتى اكلهه لان كولش مشتاق انام ع صدرهه.. 

غسق… اووووف.. الظاهر انت مو جوعان واني عندي شغل.. 

جاسر بصراحه جنت جوعان بس هسه شبعت.. اني نازل للسوك محتاجه مسواك.. او اي شي تردين

غسق/ لا شكرا

جاسر اوكي ..

طلع جاسر للسوك وبقت غسق فتحت الجنط ورتبت ملابسهه.. 

بعد ساعتين رجع جاسر ..ودخل بدون ميطلع صوت سمع غسق تحجي وي امهه.. 

اي ماما.. حاظر ماما ..مثلما وصيتيني ..لا ماما ..اشلون ماما.. 

جاسر افتهم الفلم ام غسق من بعيد اتوجه بتهه ..

دخل جاسر غسق نهت المكالمه.. 

جاسر ويامن تحجين

غسق وي ماما

جاسر واشلونهه الماما

غسق الحمدلله تمام

جاسر يعني صحتهه اشلونها

غسق الحمدلله 

جاسر انطيني  الموبايل 

غسق ليش.. 

جاسر انطيني الموبايل.. 

غسق… انطت الموبايل الجاسر

جاسر طلع الشريحه وكسرهه

بعدين قفل الموبايل وخلاه بجيبه

غسق هاي شنو سويت 

جاسر الحمدلله امج تمام صحتهه واخبارهه زينه ماكو داعي بعد اتخابريهه.. 

غسق ..ظلت تبجي اشلون تحرمني من صوت امي ..كافي حرمتني من حظنهه .

جاسر امج ماسوت طيب وياي سنه كامله منعتني اتصل بيج ..واني هسه ارجع الصاع صاعين .وع العموم ماراح احرمج ‏​‏​منـِْهـ♡̨̐ـِْا كلش اشوكت ماتردين اتخابريهه ..كليلي واني اخابرلج ع خالج وتحجين وياهه بس بحظوري وبوجودي ..والمكالمه كدامي.

غسق/بقت تبجي.. لو تعرف اشكد اكرهك خليني ارجع لبيتي لحياتي

جاسر /للدكتور اقارب ماما … تردين اتسوين انتي وامج علاقات براسي  

غسق… احترم نفسك اني اشرف منك ..وبعدين حتى لو اللي ادكوله صحيح.. فحالي حالك انت همين سويت علاقه براسي.. لو انا مثلما ماادكول ريم الحماره مالتك

جاسر… غسق لزمي السانج ولاتخليني امد ايدي عليج

غسق / .. مو حسبالك اني غسق الفقيره اللي جنت تضحك عليها قبل ..وروح بابا اذا تضربني الا انتحر واخليهم يذبوك بالسجن هالمره.. 

غسق كالت هذا الحجي ودخلت للغرفه مالتها

وجاسر ظل متعجب ع غسق الجديده وتصرفاتهه وياه

جاسر بسيطه غسق اني وراج وراج لحدما اروضج وارجعج