 |
رواية حب في نجع الجبل الفصل الاول بقلم هويدا زغلول
حمدان واقف وسط الخضرة وعيونه في الارض بكسرة وبيقول لصفا
حمدان
معقولة يا صفا يا بنت الحسب والنسب وعيشة السرايات ترضي تتجوزيني وتعيشي معايا في مغارات الجبل انتي في يدك الالماظ وانا مش حيلتي غير شقا يومي ونار قايدة في صدري من عمك
صفا بلهفة وعيون مدمعة
يا حمدان اسمعني بس اتقدم لعمي وقول يا هادي وانا مستحيل ارفضك هو ملوش كلمة عليا في جوازي ولا يقدر يغصبني علي واصل قلبي اختارك انت ومش هيدخله غيرك.ط
حمدان
انتي بتتكلمي كيف يا بت الناس هو انتي مش عارفة ولا عاملة مش دريانة عمك سليم عمره ما هيوافق علي الجوازة دي واصل.. ده بيني وبينه بحور دم وحقد ده عشان كلمة حق قولتها في موضوع الارض حرق بيوتنا ورمانا للديابة في الجبل. عايزاني اروحله برجلي يحط راسي في الطين
صفا
ابوس يدك يا حمدان اوعي تسيبني انت خابر اني بعشق التراب اللي بتمشي عليه ماليش حد في الدنيا غيرك وماقدرش اعيش يوم واحد وانت بعيد عني لدنيا في بعدك سواد
حمدان
اللي بيني وبينك انقطع يا صفا طلعي حمدان من راسك خالص انا لا يمكن اتجوزك ولا ادخل سرايا عمك تاني واصل.. طريقي غير طريقك فوتي في حالك يا بنت الهواري.
صفا دخلت السرايا والدموع مغرقة وشها لقت الكل قاعد سليم ومراته ونعسة بنتهم بيبصولها بنظرات كيف السكاكين
سليم صوت عالي هز المكان
كنتي وين يا صفا لحد دلوقت انا مش قولت مفيش مرواح ولا مجي بعد المغربية دي عليا يا بت اخوي
صفا
انا ما طلعتش برا السرايا يا عمي كنت واقفة في الجنينة بس بشم هوا حضرتك عايز مني حاجة دلوقت ا حاسة اني تعبانة وراسي هتنفجر وعايزة اطلع انام
سليم
لا يا بت اخوي اطلعي نامي عشان بكره وراكي شقا كتير هتنزلي البندر انتي ومرات عمك عشان تشتروا كل اللي ناقصك في الجهاز مش عايزين نقص واصل
صف
جهاز ايه يا عمي اللي بتتكلم عليه انا مش فاهمة حاجة واصل هو مين اللي هيتجوز ومين اللي جاب سيرة الجهاز دي
سليم
فرحك علي حكيم اللي شغال عندي في السرايا السبوع الجاي انا اللي هتكفل بكل حاجة من الابرة للصاروخ الواد غلبان وظروفه علي قده بس راجل وسد وهو كلمني وطلب يدك وانا وافقت واديت كلمة رجالة
صفا
كيف يا عمي تعمل كدة كيف تدي كلمة من غير ما تاخد رايي انا بني ادمة وليا راي.. مش موافقة واصل وبعدين لما تفكر تجوزني تجوزني لواحد شغال عندك بيلم الزرع
نعسة بغل ومكر
احمدي ربنا يا بت عمي ان في واحد رضي بيكي وستر عليكي بدل ما سيرتك بقت علي كل لسان في النجع والكل عمال يحكي في حكايتك مع حمدان المطرود في الجبل انتي فاكرانا نايمين علي ودانا ومش عارفين اللي بيحصل في الخفا
صفا
انتي تخرسي خالص يا نعسة وما تفتحيش خاشمك معايا بكلمة واصل انتي فاهمة ولا لا
وبعدها بصت ل عمها وقالت
واسمع يا عمي موضوع الجواز ده تنساه خالص انا عمري ما هتجوز غصب عني ولو فيها موتي
سليم قام وضربها قلم علي وشها وقعها الارض
سليم
شكلك اتجننتي يا بنت اخوي وبدات تخرفي في الكلام انتي فاكرة اني باخد رايك لا يا قطة انا بعرفك باللي هيحصل
وكلمة سليم الهواري مابتنزلش الارض واصل
وبعدها طلعت صفا وهي عامله تعيط
في بيت حكيم كان قاعد بيدي الدوا لابوه
الاب
ربنا يبارك في عمرك يا ابني ويسترك بس انا عايز اكلمك في موضوع سليم اللي حكاه معاك ابعد عن الشر يا حكيم وغني له العيلة دي الحقد بياكل في قلوبهم وما بيحبوش بعض واصل.. وانت غلبان ومش قدهم يا ولدي
حكيم
بس قلبي بيقولي ان صفا دي غلبانة وطيبة يا ابوي انا عايز اتجوزها عشان اجيب لها حقها اللي عمها واكله انت مش شايف البنت متعذبة كيف معاهم دي مكسورة الجناح في وسط ديابة
الاب
يا مري يا حكيم ايه الكلام الواعر ده عايز تقف في وش سليم ده جبل يا ابني وانت مش قده.. ده هو اللي قتل اخوه بدم بارد والنجع كله عارف بس محدش يجرؤ يبلغ عنه واصل.. هترمي نفسك في النار ليه
حكيم
انا اقدر اقف في وش سليم وفي وش اي حد يا ابوي.. البنت مالهاش ذنب في شره وكمان موضوع حمدان ده الكل بيحكي فيه انا لازم اخلصها من السجن اللي هي فيه.. وده الحل الوحيد اللي قدامي عشان ابقي جنبها واعرف احميها
الاب
الله يسامحك يا حكيم هتحط نفسك في بيت التعابين برجلك ربنا يسترها عليك من غدرهم
حكيم
ماتخافش يا ابوي ابنك سد ويقدر يسد قدام اي حد.. ادعيلي بس وخليك في ظهري وما تقلقش عليا واصل
في اوضة سليم نعسة بتخبط ودخلت بوش شاحب
سليم
خير يا نعسة في ايه نتي خابر اني مش بحب حد يدخل اوضتي وانا بفكر في حاجة مهمة
نعسة
انا عارفة يا ابوي ان كلمتك سيف علي الكل.. بس انا شايفة ان حكيم ده مش تمام وما ينفعش للجوازة دي بس لو انت مصمم يبقي لازم تمضيه علي وصلات امانة بمبلغ خيالي عشان تضمن انه يفضل تحت طوعك وما يفتحش خاشمه بكلمة
الام
ايه الكلام الواعر ده يا بتي انتي سمعتي حاجة ولا شوفتي حاجة من الواد ده فهمينا في ايه بالظبط
نعسة
لا والله بس انتو ناسيين ان حكيم ده كان دراع عمي اليمين قبل ما يموت؟ ده كان رافض دخلتنا السرايا هنا من الاول فكر يا ابوي في كلامي الواد ده وراه حاجة
الام
طول عمرك ناصحة يا بتي طالعة لابوكي انا بقول انك اشطر من اخوكي مية مرة
سليم البت عندها حق وما تنساش ان هو اللي جه وعرض عليك انه يتجوز صفا يبقي اكيد في دماغه خطة عايز
ينفذها
سليم
خلاص روحي علي اوضتك يا نعسة دلوقت وانا هعرف اتصرف في الحوار ده وهشوف اخره حكيم ده ايه
نعسه
وعندي فكرة تانية يا ابوي ايه رايك اتجوز انا حمدان
وساعتها وهو جوزي هقدر اسخنه علي صفا واخليه هو اللي يخلص لي عليها وعلي حكيم ونرتاح من الصداع ده كله وناخد الارض والمال لينا لوحدنا
سليم
غوري علي اوضتك يا نعسة ومش عايز اسمع حسك في الموضوع ده واصل دلوقت انتي فاهمة ولا لا
نعسة خرجت تجري والام وقفت جنب سليم
الام
علي فكرة بنتك بتفكر صح صفا لما تتجوز حكيم ممكن تخطط تنتقم منك.. هي عارفة ومتأكدة انك انت اللي خلصت علي ابوها.. الحذر واجب يا سليم
سليم وهو قايم يلبس شاله
سليم
بقولك ايه انا مش ناقص وجع دماغ خالص انا نازل اتمشي في النجع اشوف اخرة الليلة دي ايه
نزل سليم وبدأ يفتكر اللي حصل زمان
فلاش باك
ابو صفا واقف قدام حمدان ووشه فيه وقار الرجاله الكبار وقال
حمدان
اني بصراحه يا كبير مكسوف منك من الطلب اللي جاي اجوله لك دلوكتي ويمكن تفكر اني طمعان فيكم بس والله العظيم اني احط صفا في عيني قبل قلبي لو وافجت على جوازي منها انا بجد بحبها قوي قوي
الاب
ايه الحديت اللي بتجوله ده يا ولدي دا انت عايش معايا وعارف زين اني عمرك ما هتفكر الفكره دي وبعدين لو هاجوز بتي لازم تكون لراجل جدع يشيلها ويصونها ولو صفا وافجت عليك اني موافج وما عنديش مانع
وفي اللحظه دي فرح حمدان اوي وقال
حمدان
والله يا عمي الكلام ده فرح جلبي جوي وان شاء الله اكون قد الثجه دي وكل اللي اطلبه منك انك تديني فرصه اثبت لك اني راجل قد كلمتي
وقبل ما الكلام يكمل سليم جرب منهم ووشه متغير وقال بحده
سليم
ايه اللي اني سامعه ده يا اخويا معجول عايز تجوز بتك الوحيده لواحد كان شغال عندك ده كلام ناس ولا ايه احنا هنخلي الناس تتحدت علينا
عتمان
روح انت يا حمدان دلوكتي شوف شغلك وخلي بالك من حالك واني عايز اتكلم مع اخويا كلمتين على انفراد
حمدان
تمام يا كبير اللي تؤمر بيه واني تحت امرك في اي حاجه
ويمشي حمدان وهو قلبه بينبض من الفرح والخوف وفي نفس الوجت عتمان يلف لسليم وعيونه مليانه غضب
عتمان
هو انت كيف تتحدت مع الراجل بالشكل ده هو انت فاكر اني هسكت لك لما تجول عليه الكلام ده حمدان راجل زين ومحترم والف بت تتمناه في البلد
سليم
يا اخوي افهمني زين الراجل ده ممكن يكون طمعان فيك وفي فلوسك وفي بتي وعايز يسيطر على كل حاجه
عتمان
الكلام ده ما يدخلش دماغي حمدان عنده ارض وبيت وعيشه كويسه احسن من ناس كتير وبعدين اني مش صغير علشان حد يضحك عليا
سليم
يعني انت شايف اني انا اللي طمعان ولا ايه علشان اني بشتغل عندك
عتمان
اني ما جلتش كده بس اللي جادر اجوله انك تفكر في نفسك الاول وبلاش تحكم على الناس من غير دليل
سليم
طيب خليك فاكر كلامي ده وبكره تشوف بعينك
عتمان
واني كمان بحذرك يا سليم ما تجولش كلمه تزعل حمدان تاني لانه من دلوكتي زي ولدي وفي مقام جوز بتي واللي يزعل ولادي ازعله فاهم ولا لا
سليم
تمام يا اخوي انت حر في بتيك بس اني كنت بنصحك لوجه الله
عتمان
ونصيحتك وصلت وخلاص القرار اتاخد
ويمشي عتمان وهو حاسم امره ويروح عند صفا اللي كانت واقفه في الجنينه ووشها فيه خجل
صفا
خير يا ابوي ايه اللي حصل
عتمان
حمدان طلب يدك مني واني وافجت لو انتي كمان موافجه
صفا
يا ابوي انت عارف اني عمري ما اخالفك في كلمه واللي انت شايفه صح اعمله
عتمان
يبجى على بركه الله يا بتي وهنفرح بيكي جريب
صفا راحت وباست ايد ابوها وبعدين قالت
صفا
ربنا يخليك ليا يا ابوي وما يحرمنيش منك ابدا
عتمان
كفايه كلام حزن احنا عايزين نفرح واطمن عليكي وانتي في دار راجل يصونك
ويمشي عتمان وهو مبسوط ويرسل لحمدان ويبشره بالموافقه والفرحه تعم البيت كله
لكن في دار سليم كانت الدنيا مولعه وكان قاعد معاه مراته وبعدها بتقول ليه
سماح
معجول اللي سمعته ده صفا هتتجوز حمدان يا سليم ده ايه الحظ ده كله لازم نبوظ الجوازه دي
سليم
اسكتي يا مرا الكلام ده ما يوديش ولا يجيب اللي مضايجني ان لو الجوازه تمت حمدان هيبجى ليه كلمه وهيخلف وساعتها كل حاجه هتروح لهم واني ابجى تابع ليه
سماح
يبجى لازم تتصرف بدل ما تلاجي نفسك شغال عنده بعد ما كنت شغال عند اخوك
سليم
اني مستحيل اسمح بكده
ويمشي سليم وهو نار جواه بتاكل في جلده
وفي الفجر عتمان يخرج يصلي وفي طريقه يعدي جنب الغيط والقصب ساكن حوالينه
وفجأه صوت ضرب نار يشق السكون والرصاصه تخترج صدره ويجوع على الارض والدم مغرق جلابيته
والناس تجري عليه ويحملوه على المستوصف لكن الروح كانت سبجت
ويموت عتمان وتغرق البلد في حزن كبير والشكوك كلها تتوجه لسليم بس مفيش دليل
وتعدي الايام والهم يكبر في جلوب الناس
وفي يوم حمدان يجي علشان يشوف صفا ويتكلم في الجوازهاول ما يشوفه سليم يقف قدامه بحده
سليم
بجول لك ايه يا ولد خد بعضك من اهنيه وانسى انك تشتغل في الدار دي تاني
حمدان
انت بتجول ايه يا سليم اني جاي علشان صفا واللي بيني وبينها معروف وكمان اخوك الله يرحمه اداني كلمه
سليم
الكلام ده انتهى بموت اخويا واني دلوكتي اللي بقرر وكل حاجه بقت في ايدي واعتبر الخطوبه اتلغت
حمدان
لا يا سليم الكلام ده ما يمشيش صفا كبيره وتعرف تختار واني مش هسيبها لوحدها
سليم
انت بتتحداني يا ولد انت ناسي نفسك ولا ايه
حمدان
اني ما بتحداش حد بس كرامتي فوق اي حاجه وما اسمحش لحد يهينني
سليم
انت واللي زيك ما لهمش مكان وسط الكبار
حمدان
الكبير بافعاله مش بكلامه واني راجل وليا ارضي وبيتي وما حدش يقدر يقل مني
سليم
انت اتجننت ولا ايه بتتهمني بحاجه
حمدان
اللي في القلب على اللسان والناس كلها بتتكلم
سليم
خلي بالك من نفسك يا حمدان بدل ما تندم
حمدان
الندم عمره ما كان للي بيجول الحق والايام بينا
ويسيب حمدان المكان وهو قلبه مليان وجع وغضب وحلف بينه وبين نفسه انه ما يسيب حقه ولا يسيب صفا مهما حصل
