رواية دخيله الشيخ زين العابدين كاملة جميع الفصول بقلم أوتار حزينه
من انا ان تلك الانثى التي خلقت
لكي اكون نصف ادم الثاني ولكني لم اكن مثل غيري ولن اكون انا مختلفه في كلشي
قويه رغم انف الظروف اسقط انهض بمفردي
واجمع اجزائي المتناثره واعود اقوى
مهره عنيده اصيله خلقت
من تراب ارض اجدادي
ملكه متفرده في عالمي ولا اليق
الا بمن كان مثلي
لذا،،،،
لاتتحداني ولاتقف بوجهي
ولاتحاول كسري واذا اردتني
كن لي كما اردت اكون
لك مدى العمر
#اوتار_حزينه
،،،،،
قصة تدور احداثها في باديه الموصل حيث العادات الاصيله والاصاله العريقه أبطالها هيله والشيخ زين العابدين ومع قصتهم تدور
قصه اخرى هي قصه ايهم وليان ثم مالك و ليان
واللهجه اقرب للهجه البدو
شنو توقعاتكم القادمة لأحداثها ؟؟؟
وبدأت قصتنا في الموصل تحديدا
ربيعه واطرافها
مله حميد
ياااحميد ياولد
سم ياابو حميد
سم الله عدوك يبعد ابوك حدر جاي وتغده
جايك يابه بس ادير المي لذيج الساجيه
تمشيت بگاع الشيخ صگبان الي نشتغل عندو
انا وابويه مد البصر وتحدها عن گاع
الشيخ شعلان شاخه مي تنحدر من
نهر دجله
عينت فلحه يتشغلون بكاعهم اشرت الهم بالسلام
رد فرحان وغشم،،،، ابن عم الشيخ بحر
دار وجهو ومارد السلام
مادرت بال لان جنت اعرفو
مو حزب معنا من ورة طلايب الگاع الي كل حزه
تصير بينهم
غسلت وجهي من الساجيه اليجري بيها
المي سريت لليم الحجي
كعدت يمو حجه
هاك اكل اليوم تعبنا جثير بهل الگاع
يابه ليش ماادگله للشيخ صگبان گاعو يرادلها
بعد فلح تره احنا مجاي نسدها
عزم دحك عليه وهز راسه هو ومحمد
جاوبني
ياول شجاي تحجي انت هذا ابو فليس
يموت ومايطلع احد يعينه حتى لاينطي باره زياده
الشيخ شعلان لفه على گاعو
عزم حجه كمت لحيلي عينت الو نزل بهيبتو
وتمشى ليم ولد عمو والفلح الي
تشتغل بگاعو
بنفس الوگت سمعنا صوت سيارات اجتي
للگاع الي احنا بيها جان الشيخ
صگبان
خير يااسااتر وش الجابه هذا بهل الحزة
ابويه تكلم وكام لحيلو سرى الو وانا وراه
وعزم ومحمد
انا صح اشتغل عندو بس هالزلمه ابدا ماجان يعجبني
شيخ بس بالاسم ظالم وياگل مال الفقير
وماينطي الحگ الا بشلعان الافاد
جنت مجبور اسكت لان جنا كاعدين بدارو
وماعدنا غير هالشغله نعرفها ونشتغلها
وهم الدنيا جانت فگر وحصار
وكلها تعبانه وتريد بس اللكمه والستر
گوة الله عزمك ياشيخ شعلان
مارد على
ابويه تكلم بغضب
وش جابو هذا
ابويه نظر اليه وجاوبو
جاي بكاعو ياشيخ
غضب وتغيرت ملامحو وهد بصوت كلو غضب
گاااعي هاي وخذوها غصب
نفس الموال راح نسمعو گاعي وغصب خذوها
والا ارجعها لو اعرف الدم يصير للرگاب
كرار صلاح قصص وروايات عراقية
محد جاوبو تمشى للشاخه وهو يخزر بهو
شافو من بعيد دار
ظهرو الو وخلاه يضرب
الگاع بعصاتو
اشر علي بيها وگال
تاشوفون هذا
دحكنا الو كلنا وكمل
هذا سارگ هو وابوه وجده نهبو گاع جدي
عيوني راحت لابن عم الشيخ شعلان حجه
بأذنو شي دار رحوا علينا
شاف الشيخ صگبان ياشر علي ويخزر
تقدم من بعيد واجه علينا وربعه
ويا والفلح
صار يم الشاخه رفع ايدو وسلم
گوة الله عزمكم
هلا شيخ گوة الله عزمك
ابويه جاوبو وانا هم رديت
شيخ صگبان تجاهلو هو ابتسم
ماترد السلام ياشيخ صگبان
ماعندي سلام وياك
دحگت لابويه من هوجسنا راح يصير شي
شيخ شعلان ماحجه شي دار روحو سرى وويا
ولد عمه والفلح واحد من ولد عمو للشيخ
صگبان ذب سالفه بصوت عالي
ااي اسري وانت ساكت تعرف جدگ شسوو
وشاخذ من عدنا مله مال بوگ
ونهب
وكف بمجانو دار روحو علينا
السالفه من زمان انسدت بعد ماكعدو وي شيوخ
كبار وجد الشيخ شعلان طلع الطابو العثماني
والكل شافوها باسم ابوه
على اساسها صارت الگاع الو وجانت خير من الله
وظلت الگاع الصغيره للشيخ اكرم ابو
الشيخ صگبان ااي مارضه
بيها وظلت المشاكل بينهم والكره زاد مانقص من
شافو خير ذيج الگاع جثير
والله طارح البرگه بيها
ولد عم الشيخ شعلان من سمعو كلامو
هدوو على وعلگت بينهم
تدخلنا بينهم انا وابويه والولد واحد طايش
من ولد عم الشيخ صگبان من شاف الشيخ شعلان
تدخل وكام يصيح على ولد عمه
رفع سلاحو وراد يذبحو
شافو يريد يگتلو ووكف بمچانو گضبتو
وتلاويت ويا ماردتو يذبح الشيخ شعلان
وتصير طلابه جبيره
شمرتو بالگاع واسمع شيخ صگبان يصيح
ويجسر عليهم زلم من غير گاع اجتي تتراكض علينا
گضبو الطرفين وهدوهم بالگوة
الشيخ شعلان سحب ولد عمه گوة
وهم يهددون عبرهم االگنطره وهو يدفع بيهم
هو وجم واحد صاح بغضب
ولااا چلمه محد يحجي وكلكم تسرون منا
هيررر بالعجل تحركو
سرو من يمنا واسمع الشيخ صگبان يسب بيهم
يحرض بولد عمو على چتلهم
عش ماچتلتو ولكم اجه لگاعنا برجلي هو وولد
عمو اچتلو وانعلو صفحه الجابو
ونگول هو تعده علينا وچتلنا
على هونك شيخ صگبان تريد تگتل
ابن الشيخ فيصل ويسكتلك ماتعرف منو وراه
ومن اي قبيله هوو
ابويه من ردو خزرو وكفت يمو
وانا عاكد الحواجب
ماحجه شي دار وجهو سرى وويا ولد عمه
وازلامه يهدد ويغلط على الشيخ شعلان
ركبو سيارتهم وذلفو من
يمنا
عينت لشيخ شعلان خذ ولد عمو لنص
كاعوا واشوفو يحجي بغضب
وياهم قصص وروايات عراقية كرار صلاح
عزام تكلم بخوف
ماراح تمر بسلامه لان شمخي راد يچتل الشيخ
شعلان
ابويه رد
اي وشوف شراح يعمل شيخ فيصل
بس يسمع ذوله رادو يچتلون ابنو الوحيد
يابه الشيخ شعلان حدر علينا
تكلمت من شفتو سرى ليمنا
عبر الگنطرة وولد عمه مسلحين والغضب
تارس ملامحهم ويخزرون بينا اشر بايده
عليهم
على هونكم يالربع ماهم اساس البله
حجه مبتسم وتقدم عليه وكف چدامي تكلم
بصوت قوي وكال
انت فضلت عليه
عرفت شيقصد جاوبتو
حشه شيخ مافضلت عليك شفتو يريد يغدرك
ومارضيت بغدرو
لاا فضلت ومشكور لولاك جان انا انذبحت
سكتت خله ايده على جتفي وكمل من خله
ايدو على رگبتو
جميلك راح يظل بهل الرگبه طول العمر
وشوگت ماضاگ بيك الوگت اانا موجود عند
عيناك
تسلم عيونك شيخ ماتقصر
تكلمت وابويه تگرب يمنا تكلم بعتب
شيخ لاتزعل مني بس انت ليش حدرت صوبنا
وانت تعرفو للشيخ صگبان
مو ولف وياكم
تنهد وصفن للبعيد جاوب
عم انا اريد الصفى بينا احنا ولد ديره وحده
مو حلو نظل يوميا متذابحين من وره
ترابات
دحگت الو باعجاب كمل وهو ياشر بايدو
للگاع
هذا كله راح يسري واحنا ويا ومايبقى غير
وجهه الكريم
رديت
ونعم بالله
ابن عمه تكلم
شيخ لاتحجي وادكول راح تسكت عن الصار
لااا مااسكت هذا راد يذبحني يعني النيه
موجوده وانعرف الي بگلبهم
استغفر الله ياربي والله العدواه كبرت وسرت
للاسؤ
ابويه حجه وهو مقهور ويضرب
بأيد بأيد
الشيخ سكت وبعدين رد
يصير خير
اشر لولد عمه قلبل لايرد لگاعو كال
حميد دينك بگربتي ليوم الدين
الصار بعدين صارت كعده بين الشيوخ
فصلو الشيخ صگبان لان ابن عمه شمخي
جسر على شيخ شعلان وهو مو شويه عدهم
لا هو ولاابوه وفصلوهم ذاك
الفصل بعد ماعرفو رادو يچتلو بگاعهم
كرار صلاح قصص وروايات عراقية
شيخ صگبان بعد الصار بي زاد كرهه لشيخ
شعلان وزاد حقده علي
السنين مرت وشيخ شعلان الجان متزوج
خلف بنات واجه صبي سماه زين العابدين
كبر زين وكمت اشوفو يجي لگاعهم يركب الخيل
ويسابگ زلم جنت اشوفو گوي مثل
ابوه ويرگض منا ومنا والگاع ماتلموا شيخ
شعلان ويا،،،،،،يجي ويتگرب علينا من يشوفنا
مايعبر الگنطره لان هيج الاتفاق الصار
ااسري يمو نكعد يسالني عن احوالي
واخاف محتاج شي
اني بطبعي نفسي عزيزه كلش
ومااحب احد يتفضل عليه والسويتو الو
لله ماردت علي شكر
ارد مستور والحمد لله
عيوني راحت لزين اجه بسرعه وشمر
روحو بالشاخه ابتسمت وابوه دحك الو تكلم
روحو بهل الشاخه
اي كلها مثلو
سكت عين اليه وسالني
مااانويت تزوج ،،،، اخوك عايد
تزوج وخلف وانت بعدك
هزيت راسي وجاوبتو
خطبت ياشيخ وان شاء الله زواجي
اسبوع الجاي حدر يمنا واحضرو
عين لگاع الشيخ صگبان وجاوبني
على راسي وشرف اليه احضر عرسك
لچن تعرف الحال
هزيت راسي باي وجاوبتو
اعرفو شيخ ومعذور
سكت مد ايدو لجيبو وطلع شد فلوس كمت
لحيلي وكلت
اترخص ياشيخ
لزم ايدي وتكلم
حميد اازعل عليك بالقران
لاااتلحف يااشيخ الخير واجد وجثير
دحك عليه بزعل سحبت ايدي منو تكلم
حميد انا بحسبه اخوك
شرف اليه هذا شيخ وانت اخويه
بلا هالمنيه
تحسبها منيه وانا اخوك
شيخ خلها للزمن انا مو محتاج
سكت وهز راسو مبتسم
جاوبني
عزيز نفس يامله وهذا ينكتب لك
تزوجت
والله رزقني بمره نفس،طبعي واخلاقي واجني
خمس بنات وحده احلى من اللخ
ابويه توفى وره فتره
ولزمت گاع الشيخ صگبان من بعدو
وظلت علاقتي وي
شيخ شعلان ومانگطعت رغم العدواه الي
بينو وبين شيخ صگبان،،،
ووره سنين الولد الي مانطاه الي ربي شفتو
بهيله الي كبرت وصارت حزام
ظهر اليه لان ربيتها على
ايدي وردتها تصير گويه وتعيني بالگاع
وتعين روحها وتصير سند لخواتها
لان هن ماعدهن اخ
هيله
طلعت من دارنا سرت للشاخه الي تمر بگاع الشيخ صگبان وگاع الشيخ شعلان تگربت وانا اسمع
صوت ضحك خواتي وي ولد عمي
عينت اختي ريمه وهي تضحك
وتطرطر بالمي وي
شكر
عكدت حواجبي حدرت صوبهم شافتني
وقرت ملامح وجهي طلعت بسرعه
وهي تنفض بهدومها
دااارنا بسرعه
تكلمت بغضب شگر طلع يضحك طش
المي بايدو عليه درت وجهي منو
سمعت صيحه
شكررر
شهم اخوه حدر صوبنا يخزر باخوه
الي كال
وش نوحك ياشهم تخزر وتصرخ
مااجاوبه بس خزرة عينه خلت شكر يحس
عين لريمه الي سرت وصعدت
لفوك ولحگتها هاله ولد عمي شكر وغيث
سرو من يمنا من شافو
غضب شهم
كبروا بس عقلهم بعده صغير
ظلينا وحدنا اني ويا دار وجهو عليه
تغيرت ملامحو ابتسم مشيت من يمو وگلبي
يدك سريع
ااخ ياملي (يامن لي كلمه تدل على الحب )
سمعتو شحجه مارديت سرت للبيت وانا مبتسمه
انا هيله بنت مله جواد حميد
درست للصف السادس ابتدائي وبطلت
لان مااحب الدراسه ،،ابويه فلاح يشتغل بستان وگاع الشيخ صگبان وكاعدين بداره
احنا خمس بنات اني الجبيره عمري 17 سنه
امي كعدت كم سنه ورايه وماخلفت
بعدين صارت ريمه عمرها 13 واللخ هاله 10
وراها هيام 8والصغيره ساريه 4 على اسم جدتي ام ابويه ماعدنا اخ خلفه ابويه كلها بنات جان فرحان بينا ويكول علينا
كرار صلاح قصص وروايات عراقية
بناتي حجابي من النار هن الي راح يدخلني الجنه
ويكرر قول الرسول صل الله عليه وسلم
(لا تكرهوا البنات فأنهن المؤنسات الغاليات )
كرار صلاح قصص وروايات عراقية
ابد ما هوجسنا منو هو ضايج منه
ولا حسينا هو متگدر من عدنا
يكعد ويلمنا حوالي وهو فرحان بينا جنت
اشوفو يتعب بالشغل واسمع الحجي
ينگال هينه وهناك
لو عندو ولد جان هذا مو حالو
اسمع يكولون الو تزوج يبو هيله جيبلك ولد
يشيلك بگبرتك ما انت اول ولا اخر واحد
راح يتزوج
يرفض هذا الكلام لان يحب امي جثير وجان يكول
بناتي حزام ظهري عوني وسندي بهل
الدنيا وبالاخره ان شاء الله
من صغري وگفت وي ابويه بالشغل اساعدوا
بالگاع ادير الماء بالساجيه واعلف
الحلال لو اطلع بيهن
بالبريه يسرحن بالزرعات ابويه من شافني
گويه ومااخاف علمني على السلاح
وكمت اطلع انا ويا للبريه
نتصيد دراج لو گطه
عندي عم واحد اسمو عايد اخذ خالتي
زينب وصار عنده ثلاث ولد شهم اكبر مني
بثلاث سنين وشكر بكدي وغيث بكبر
ريمه
كعدو بگاع واحد رفيچ عمي واشتغلو
بگاعو جانت گريبه يسرون علينا ونحدر
الهم
وعمه وحده تزوجت بغداد وخلفت
بنتين وولدين
حالنا مستور والحمد لله
غراضنا بسيطه دارنا بي هول وسط خالين بي
قنفه اثنين وميز تلفزيون من هذا الستيل ابو الجامه وعلي تلفزيون ملون الديوانيه مفروش فرش عربي حصيره وجدوليات ومخاديد،،،جديده خاليها
بس للخطار اليجون يتعللون يم ابويه،،،
امي ريحه الجنه اطيب واحن ام شافتها عيوني ام بيت ومعدله تحب ابويه وروحها معلگه بروحو
هو هم يموت عليها ،،،ويحبها جثير تصير بنت عمه عشگها من الطفوله واخذها ومن جانت تخلف البنيه تگعد تبجي وتزعل لان جانت تفرح ابويه بولد بس هو يهون عليها ويضحك وياها يگول
عليش تبجين يبعد حميد شبيها البنيه ريحانه ورزقها على الله الرسول صل الله عليه وسلم خلفته بنات وجان يفرح بيهن ويكول عليهن ريحانه الجنه،،،
تسكت وادحك علي بحزن والدموع بعينها
يكمل مبتسم
ابو الولد جوعان وابو البنيه شبعان
كلام جنت اشوف اثره بوجه امي الي تفرح من تسمعه هيج يحجي ابدا ماسمعت غثها بچلمه،،،دوما يحمد بيها وبتربيتها النا،،
كرار صلاح قصص وروايات عراقية
من الصغر ابويه علمنا حدود الله وقراه القران
يجمعنا يمه بليل يقره واحنا نردد وراه،،،
جان مؤذن بالجامع،،،،،،ابد مايفوت فرض يصلي ويصوم من اهل الله على كوله جده ساريه تشبهه بجدي الله يرحمه هم جان صاحب دين واخلاق والكل يحمد بي ويترحم علي،،،
رجعت لبيتنا اني وخواتي وولد عمي
حدرو لگاعهم واحنا لدارنا
دشينا من الهول امي كاعده وساريه تعلب يمها
هي وريهام تكلمت بغضب من شافتهن مطرطرات بالمي
هااا يولن هم رحتن للشاخه
يمه اخبرج بالصدك والله اني
ماعليه بيهن بس وكفت يم الگصب
وادحك الهن
هاله حجت بخوف وامي انهدت
تالي وياج يا ريمه مو انتي جبيرة يبعد جبدي
عليش كاعده تسوين هيج ماتخافين لاترحين
بالمي انت لو وحده من خواتج
ههه منو التروح يمه واحنا نسبح مثل دجاج
المي وبعدين يايمه الشاخه مو
غميجه وانتي تعرفين
هذا
جاوبتها وهي تضحك عيونها اجتي علي راحت
الضحكه تكلمت بغضب
تره الكاعده تسوي مايجوز وحرام
خنست ونزلت راسها كملت بهده
دحكي عليه يولي تره انتي كبرتي وصرتي حديثه
يعني حرام ولد عمنا يطخوج لو يشوفج مفرعه
ماكبرت ياهيله بعدني بزر
ابتسمت وهزيت راسي وجاوبت
لا مو بزر كبرتي ومعاني جسمج صارت واضحه
وانا مااقبل بعد تدشين بالماء وتطلعين
هديماتج لازكه بجسمج
نفضتها بخجل وامي ادحك عليها بعدم رضى
تكلمت
سمعتي اختج
اي يمه سمعتها
دمشي غيري هديماتج راح تتمرضين
اختي سرت للغرفه وخواتي وراها كعدت
يم امي ساريه اجتي وكعدت بحظني
بستها من خدها امي تكلمت
يمه عينج على خواتج صغار ومايفهمن
علميهن الحرام والحلال
تاعلم يمه بس ريمه ماتسمع الچلمه مدري
شبلاها يوميا احجي واتكلم معها
واگول نفس الكلام
امي ابتسمت ردت
هي مو مثلج كلهن مو مثلج انتي ترباه
ابوج وهن تربات ايديه
تبسمت وجاوبتها
يعني هساع انا شاافهم الصوج بيمن
ضحكت ردت
بيه انا لو عايفتهن لابوج جان طلعن معدلات
مثلج وگويات ويعرفن الصح من
الغلط
بعدهن وغدان يايمه ويتعلمن اذا مو اليوم باجر
يالله
ها يمه وين العزم
ابي انهج للگاع ادير المي على الزرعات
وارد
حاره يمه مو وگت السگي
الزرع عطشان يايمه واخافن يذبل وبعد مايشد
عود لو تأخرنا علي وتعرفين شيخ صگبان
ذب علي فلوس جثيره
اي اعرف وهاي امانه برگبتنا
اروح يمه
روحي يمه الله يگوي عزمج انتي وابوج
ابتسمت الها سرت للغرفه اخذت الحزام
الجلد شديتو على خصري
وتنگبت بنگاب
طلعت شايل الگرك حدرت للگاع
صفنت على
مد عيني على الزرع من بعيد شفت عم عزم
حدر صوبي وكال
گوة الله عزمج ياهيله
وعزمك عم
هاا ابوج بعدو مارد من الصلاه
ابتسمت وجاوبتو
تعرفو يسهى نفسه هناك ويظل يقره قران
هز راسو وهو مبتسم اشر الي
يله يبه خلينا ندير الماء انا وياج
يالله
ظليت اشتغل معه وادير الماء من ساجيه لساجيه
ابويه لاح من بعيد حدر علينا سلم
گوة الله عزمكم
هلا يابه
جاوبتو والتهيت انا ويا بالشغل عينت للشمس
حدرت وصار المغرب ابويه توضه
بالساجيه وكال
راح انهج للاذان
روح يابه ماظل شي كملنا
اي يبعد ابوج انا اروح قبلج وانتي حدري
على كيفج يله ابو خلف ماتمشي
وياي للصلاه
اي جايك ابو هيله
سرو للجامع وظليت وحدي كملت البقى شلت
الكرگ ورحت طفيت الماطور
سمعت ابويه ياذن رددت ويا الاذان
احتريت ووگلت خلي ابرد وجهي
من الشاخه وخرت نگابي وغسلت وجهي
بردتو هو وايدي سمعت حرگه يم الگصب
من يم گاع الشيخ شعلان
كمت لحيلي
لمحت واحد طلع صافن عليه عكدت حواجبي
من عرفتو نزلت النگاب على
وجهي
طلع ينفض بروحو من المي وهو
مبتسم وعيونو عليه ظل يدحك ولا نزل راسو
كرار صلاح قصص وروايات عراقية
درت روحي وصعدت لفوك
مشيت بهدؤ اريد اصل
لدارنا سمعت صوت خطواته وكفت من
حسيتو عبر القنطره عكدت حواجبي درت راسي
علي جان واكف بنصها تكلم
وهو مبتسم
كبرانه يارابعه
وكفت بمچاني عينت الو واكف مسافه
نزل راسو لجوه وهو يتفرس
بوجهي كمل
انتي هي ذيج البنت الي تعاركت وياي
يم الجامع
مادرت بال الو مشيت اجه بسرعه سد الطريچ عليه
خزرتو بعيوني وتكلمت بغضب
ووخر من طريچي يابرق الشر
تغيرت ملامحو بلحظه للشر خزرني
واشر بأيدو على لسانو تكلم
بغضب
لسانج اگصو وازتو للجلاب اذا جسرتي
عليه بعد
ابتسمت خليت الگرك جدامي وجاوبتو
حدر اذا انت زلمه وسوي الي گلتو
تگرب عليه ووكف لم ايدو بغضب وصاح
راح اهدج لان حرمه ماعندج عگل
لولحت بايدي رديتو بهدؤ
خلينا الك ياشيخ
عيوني راحت لشهم حدر بسرعه صوبي
وهو يسالني بعيونه
مشيت من يم برق الشر دحكتلو بطرف عيوني
يخزر بيه وجهه مطعون احمر
شهم ظل يدحك علينا تكلم
الله يساعدك شيخ زين العابدين
هلاا
جاوب مختصر ورجع لگاعو
خير وش بوه ،،،،،وشلون عبر
الگنطرة لگاع الشيخ صگبان
مافي شي ومحد شافو
جنت اعرف من ابويه ذيج السالفه القديمه واعرف
صارت حدود بينا وبين كاع الشيخ
شعلان ومحد بعد منهم
يكدر يعبر لگاعنا
مشيت وهو بصفي واحد خابرو وراح
يمشي چدامي سمعت صوت حصان صهل
انداريت جان هو راكب على الحصان
ووعيونه علي
جر اللجام والحصان رفع روحو
ليفوگ عكدت حواجبي من شفت خزره عيونو
درت راسي وكملت مشي
واجه بالي اول مره
من تعاركت ويا
زين العابدين
رجعت من يم الگنطرة قصص وروايات عراقية كرار صلاح
احس بروحي شبيت نار رحت لهايل صعدت على ظهرو وعيوني عليها اندارت عكدت
حواجبي وخزرتها
سرت لدارهم وانا ادحك الها تذكرت
اول مره من تهاوشنا انا وياها قبل جم سنه
بذاك اليوم جنت مو بحال زين ابوي
تهاوش معي لان ماجزت لا من بغداد ،ولا من اربيل
يريدني جنبو واحضر كعادتو كلها وانا مااحب لا
دوخه الشيخه ولا مسؤوليتها
ظليت اروح واجي واگضي وگتي كلو يم
ابن خالتي مالك نسهر سوه هو صاحب
مزاج وانا هم
حدرت الغضب تارس ملامحي لان غلط عليه
وجسر امي تكلمت معاه وانهد بيها
ركبت سيارتي طلعت بيها للشارع
بالطريق تلاگاني رفيچي حمد
وكفت من اشر اليه جلس، يمي تكلم
ووش نوحك يازين وشبلاك
ااسكت ياحمد خالك الشيخ خالني
بعگلو هالايام
ههه ها لازم السالفه اياها ولك انت ماتتوب
بطل شرب ونسوان واركد عاد
خزرته من حجه وياي هيج وجاوبته
يول خليني محترمك ولاتخليني اطلع قهر
گلبي بيك
سكت بس ظل مبتسم
طلعت لگاعنا كلت اركد بدرانا وكفت يم جامع
تاخذ جگاير نزلت وهو معي
اخذت طلعت صار الجامع جدامي
شفت بنيه صغيره،، اجتي ووكفت يمو
ادحك لجوه وتضحك وي روحها
سمينه،،،،لابسه حجاب بس گصيبتها مبينه
نازله لمتنها مشت خطوه ورادت تطب
صحت بيها
هي انتي وين طابه ااطلعي
دحگت عليه بخزره تكلمت بنتره
وانت ياهو مالتك وشگو تزگح بيه
ابتسمت لرفيچي وكلت الو
ولك هاي هيله بنت
مله جواد هههه رابعه العدويه
رابعه العدويه احسن منك ياشراب العرگ ياابو النسوان
فگيت عيوني من سمعت ردها ومدري شصعد
براسي صحت باعصاب
يوولي احترمي روحج اني شيخ زين العابدين
دحگت عليه من فوگ ليجوه وفرت ايدها
وجاوبتني
غير لو اشوفك شيخ
هديت عليها وياسين لزمني وحجه بهدؤ
وين رايح يمعود ما تشوفها بزر
شتريد تخلي عگلك بعگلها
صحت بي بغضب
زعطوطه بس شايل لساان كك
ردت افشر عليها بس سمعت الله اكبر
سكتت وبلعتها خزرتها بعيوني واني اريد اروح اخبزها بالگاع ام عين الگويه رفعت تك حاجب دحكت عليه بضوجه وهي تلولح بايدها،،،
رديت واني جاز على سنوني
كرار صلاح قصص وروايات عراقية
بكد فرده القندره وتحجين هيج من تكبرين وتزيدين شبر شراح تحجين
رفعت حواجبها الاثنين تجاهلتني وحجت وي
ياسين
اكلك انت ليش ماتاخذ شيخك منا خطيه لاتضربه الشمس بزر دلال ومايتحمل
الحر
عضيت شفتي بقهر ولميت ايدي بغضب
مشيت عليها اريد اعدمها العافيه ووكفت من طلعوا المصلين ياسين لزمني وحجه
زين وش بلاك ماجاي تشوفها بزر وابوها
رفيج ابوك
ااني اعلمج يولي
حجيت بغضب واني اخزر بيها وهي ولادارت بال دارت وجهها ،،،،،مني ابتسمت من شافت ابوها راحت حظنته باسها من راسها
كرار صلاح قصص وروايات عراقية
غمضت عيوني وفتحت
تكلمت وي روحي بضوجه
هي نفسها بس كبرت وطول وياها لسانها
انا برق الشر يبنت حميد اعلمج
اذا مااكص لسانج
انا مو الشيخ زين العابدين
وصلت لدرانا نزلت من هايل ابو خالد اجه
اخذو مني وراح
ياازين
درت راسي عينت حمد وصعب جاين
عليه
ها اشوفك سابح
ماجاوبت حمد عيوني ظلت على ذيج
الگاع وانا عاكد الحواجب
خير يازين وش نوحك اشوفك ضايج
ماكو شي
جنت اسمع عنها هي گويه من صغرها وتحب
ابوها كلش ابويه يتكلم عنها باعجاب
لان جان يشوفها وي ابوها
انا الشيخ زين العابدين ابن الشيخ
شعلان ابن الشيخ كنعان شيخ قبيله معروفه
بربيعه والو وزن وهيبه بين العشاير
تربيت بعز ودلال لان انا الوحيد لابويه
ووياي خمس بنات
الجبير الهنوف وراها امنه وانا وورايه
هاجر ورهيفه عمري 30 سنه تزوجت مرة بعد
الحاح من ابويه وماطاب الها العيشه
معي لان انا صاحب كيف
ومزاج وماالفي
يمها بالشهر مره او مرتين كلو ساكن بغداد لو اربيل
لو اطلع سفرات ماخليت مچان مارحت الو
جانت تتعارك وياي واگتلها
لان بطبعي مااحب المره
الي ترادد او التوكف بوجهي
طلگتها بعد مشكله جبيره من عرفت بيه
ادور نسوان عليها ابوها صاحب ابويه طلب
منو اطلگها وبدون تردد
طلگت قصص وروايات عراقية كرار صلاح
جنت اشوف روحي طير حر مايحب
يخلي رجلو بالگاع لاا روحو معلكه بالسما
وطاير بيها احب روحي واحب
انا وبس الي بالصوره
مركزي فلوسي شكلي شبابي كلها جانت
تجذب الانظار اليه وخلتني
ازيد غرور
ماجنت اشوف احد مثلي اني وبس الي احسن من الكل وفوك الكل
مشاكلي وي ابويه زادت وكمت مااظل
بدارنا هجيت لاربيل وسكنت
هناك
التهيت بالدنيا ولهتني النسوان والشرب عن
ابويه وديرتي
ارد يومين اسمع نفس الموال واعگب
لاربيل من اظل اسمع زن ابويه براسي وحجيو
عليه
عگبت قبل ايام لان امي جانت وجعانه ومالها خلك
جانت تهوجس وخايفه تموت
وماشافت بزري
توسلت بي اتزوج ولحت عليه ماقبلت
وطلعت من يمها وحدرت صوب
گاعنا هناك التهي بالصيد
ووابرد راسي من كلامهم هي وابويه
من صغري جنت احب اسبح بالشاخه
حدرت عليها واشوف گاع الشيخ صگبان جدامي
وصلت زتيت روحي بيها سبحت
وبردت روحي من الحر لمحت بنت اجتي تمشي
صرت وره الگصب جذبت،انتباهي
لان جانت منگبه
دحگت الها نزلت حدر المي وخرت النگاب
شفت خلقه ربي الحلوه
سمره وسمارها يلعب والعيون وساع
والخشم مرسوم رسم هو والشفه
جذبت عيوني الشامه
جوه الشفه
عكدت حواجبي من ميزت ملامحها عرفتها
بنت مله حميد وهم تلاغيت
وياها وبعدها لسانها
طويل ولو ما ابوها عزيز عند ابويه
ويحبو جان گضبتها وعدمتها ااعافيه
هيله
بليل كعدنا ندحك لمسلسل سوري اسمو
مربى العز امي يمنا هي وابويه سمعتو تكلم
وكال
ام هيله تعرفين منو رد للديرة
منو
زين العابدين
ها صدك صارله شكثر غايب عن اهلو
اي الله يصلح حالو
ابويه رد امي،سالتو
بعدو بذاك الطريچ
اي بعدو ومابطل
استغفر الله يارب وش نوحو هذا
وش شبلاه شيخ شكبر اسمو لابوه ليش يعمل
بحالو هيج
الشيطان غارو بشبابو وگوتو
وفلوسو ومرگزو مخلي مايميز الحلال من الحرام
والله مدري شحجي وشااتكلم يبو هيله
حرامات هيج شاب يخسر عمرو بالحرام
ابويه سكت ذب حسره وكمل
انا ماقاهرني غير ابوه مايستاهل الي كاعد يعملو
بي ابنو
اي والله الشيخ شعلان زلمه عدل ويخاف الله
ومايستاهل الكاعد يسوي
بي زين
كمت من مكاني ابويه سال
ها يابه وين العزم
ماكو شي يابه اخذلي فره على الغنم والحلال
وارد
سلاحج وياج ياهيله
اي يابه
سرت للغرفه ابويه اخذت المسدس
وطلعت من دارنا تمشيت صوب المحصر تاكدت
من الباب مقفول عينت صوب گاع الشيخ شعلان
من سمعت صوت الذيابه تعوي
بظلام الليل اجه بالي زين والسواه المغرب
تگلمت بضوجه
والله انت مابزين وحالك حال هالذيابه ماايجي
من وراها غير الغدر والاذيه
كرار صلاح قصص وروايات عراقية
تمشيت لمكان مسوي عالي عن الگاع مثل التخت
زارعي ثيل كعدت علي وصفنت
للسما
ظليت افكر بزين وتصرفاته ماجان يعجبني
ولا اشوفو زلمه كلو عيوب من هامتو لگدمو جنت
اعرف شنو هو ووين طامس
شرب ونسوان وتبذير لفلوس ابوه الي مايشبهو
بالاخلاق ولا التصرفات وحتى الشكل
طلع لامو اشكر والعيون
صفر
اسمع من هينه وهينه امو هي الي ضيعتو
بدلالها جانت تزعل اذا ابوه تكلم معو لان وحيدها
الما فلت عيارو وكام مايسمع
الچلمه
ابويه يحبو هو وابوه واشوفو ينقهر من يسمع
العالم تحجي علي وسمتو برق الشر
لان من يلفي
بالديره يتعارك وي العالم بسبب او بدون
سبب شيخ صگبان الي هو انگس
منه استغل هذا الشي وبكل مچان كام يحجي
بي ويشوه صورته هو وابوه
هيله
سمعت صوت ريمه وجاوبت
هاااا
مااتردين
ااعكب وره مااشوف الزرع
ابويه يكول خلي تشوف الگاز
اي
كمت سريت للزرع ورحت لبيت الماطور عينت
الكاز خير من الله وجثير طلعت قفلت
الباب ورايه الگنطره قريبه
على بيت الماطور
وكفت يمو من
لمحت سياره اجتي بگاع الشيخ شعلان
وگفت يم الشاخه بمسافه حدرو ثلاثه اذني
لگطت
ههههه اليوم نشرب الما نفطس
عگدت حواجبي من عرفتو برق الشر
رددت وعيوني تراقب من بعيد فرشو وضوه
السياره يضوي عليهم رددت
حسبي الله عليكم مااتخافون الله بنفسكم
شراح ادكولن لله لو واحدكم هساع
فطس ومات
رددت ايه وي روحي
(ياايها الذين امنوا انما الخمو والميسر والانصاب والازلم رجس من عمل الشيطان فاجتنبوه
لعلكم تفلحون)
صدق الله العظيم
ماتحركت ظليت اراقبهم من بعيد
شلون كعدو وهم يضحكون ويشربون السم
الهاري عيوني راحت لواحد كام
واجه للشاخه وكف ورث جگاره واخذ نفس
درت وجهي اريد اعگب واني اتحسب عليهم
انتبهت حرگه بين الگصب
ركزت وفگيت عيوني
من عينت عيون اعرفها كلش زين ذيب جاي عليهم وعيونه على الواكف ويريد يغدره
بدون تفكير رحت ارركض سحبت ااقسام
شافوني الكاعدين فز زين
وسحب سلاحو عليه
رميت الذيب
بنفس الوگت چيله وزت من يم راسي
