رواية ليتني كاملة جميع الفصول بقلم مريم الطائي
سدره صاحبه العيون الكبار والانف والحلك الاصغير
العيون سبحان الخالق
اتخبل طولي قصيره
بس علاوي يصيحلي قزومتي
بيضه وشعري الى الخصر
بعيد عن كل هذا الجمال اعيش مع عائله اجمل
اتعلمنا ع الحب والود بينا
اني من محافظه الموصل من اجمل المناطق الي بل موصل
اني حلوه مو غرور اتمنى لو جنت مو حلوه
لان الجمال ب نفس الوكت نعمه ونفس الوكت نقمه
يمكن مايصير اكول هذا الكلام
بس اني خسرت احلى شي بحياتي ب سبب جمالي
وتعذبت ضميت سري وماحجيت وبعدها اتندمت وليتني واجهتك ياريت لو اجهتهم ب سبب كتماني ماتت روح وخسران وذل وعذاب ضمير كله هذا بسبب كتماني اني
قصتي بيها عبره لكل بنت من يتحارش شخص بيها اتضل ساكته وماتحجي
ولاتكول اتكول بكلبها اخاف اخسر اخاف ينهجم بيتي وبل اخير ماتحس ع روحها غير خسرت كلشي وعاشت ب عذاب ضمير وليش حتي
بسبب اخاف والرجل مو كلشي يصير انكولو
غلط وبلعكس الرجال هو السند الج هو حبيبج وزوجج لازم ماتغبين شي عليه اني هذا جان غلطي وتعلمت من غلطي ولازم نتعلم كلنا
بل بدايه اشكر الكاتبه مريومه ع تعبها معايا واريد منكم مابس تقرون تتعلمون العبره
مثل ماعرفتكم ع نفسي بل بدايه
اني سدره محمد علي
ابويا مدير مدرسه
امي ربه بيت
ماما تحجي مصلاوي قحي مو مثل بابا واني هم جنت احجي من جنت اصغيره بس من كبرت علي جان دوم يتعارك معايا وتركني وصرت مثلهم
راح تعرفون منو علاوي بعدين
اخويا الجبير عمر
والثاني مختار
الي جان ضحيه مثلي ويمكن اكثر هذا هم ضاع ب سبب كتماني وانضلم
عندي اختي الجبيره اسمها اسماء
وماما حامل هسا
حلمي اصير دكتوره لاحب ولااي شي اريد اصير دكتوره وفقط
بابا حيييل يشجعني ع هذا الشي
اكيد كل يوم اكعد الصبح ع صوت نبع الحنان ماما رحمه
رحمه؛:يالا ماما سدره قومي على مدرستكي غح(راح)تتاخرين
سدره؛:همم ماما عفيه بس خمس دقايق
رحمه؛:واش غح تستفدين من هاي الخمس دقايق
سدره؛:اكمل حلمي
رحمه؛هههه قومي شدي حييلكي وغح تكملين حلمكي
سدره؛:صار ماما صباح الخير
رحمه؛:صباح النور قلبي يالا قومي
كمت من تختي لكيت اسماء تلبس بحجابها واتعدل نفسها كدام المرايا
صبحت عليها وهيا ردت
اختي اسماء صف الثالث متوسطه وعمر بل رابع اعدادي ومختار بل خامس ابتدائي واني بل سادس ابتدائي
كمت غسلت وبدلت واسماء مشطت شعري
وماما حضرت الريوك النا
سحبت جنطتي وخليتها بل مطبخ صبحت ع الكل وبست بابا من خده
صباح الخير بابا
صباح النور
بوست عمر من خدو وبست مختار ومختار يمسح البوسه
مايعجبني احد يبوسني
مو صوجك صوجي اني ابوسك
هههه حبيبتي انتي اختي اعرفج اتزاعليني هسا
اي ازعلك
بابا؛:يالا بابا اتريكو ماضل وكت لدوام
كملنا ريوك ودعنا ماما وطلعنا
بابا جان مدير مدرستنا اني ومختار بس عمر مدرستو وحد واسماء هم وحد بس باشتراك واحد
اخذنا بابا لمدرسه هليوم الخميس والجو مطر وينزل مطر ع الجام مال سياره واتذكرت باجر
هليوم اخر يوم بل اسبوع يعني راح يجي ابو راس المزعج اووف اشكد مايعجبني دايمن يلعب باعصابي ويضوجني
اني ماكرهو والله هو ابن عمتي بس ماعرف ليش يلعب باعصابي ويضوجني
وانضل نتعارك
فزيت من صفنتي بابا يالا انزلوووصلنا باباتي
بابا ما وكفنا بل اصطفاف لان جان الجو مطر وكال كلكم ع الصف
جنه اني ومختار انشوف نفسنا لان جنه ويلاد المدير
كعدت وصديقتي اماني يمي اني وهيا صديقات من زمان
ونحنا جيران قديم بيتنا الي ساكنين بي عمر اجى بي لدنيا
ماما وام اماني صديقات لان من اهلي اتحولو ماما اتكول ابو اماني جان بعد مامتزوج وحضرت عرس ابو اماني ع امها
وجت اماني لدنيا واني بعدها جيت ب اسبوع فجانت علاقتهم حييل قويه حتي ام اماني جانت مرات تشتري ملابس لاماني وتشتري الي وماما نفس الشي
خلص اليوم بل مدرسه ورجعنا لبيت ريحه الدولمه دا اتعط اويلي اموت بيها
دخلنا وسلمنا وابوس ب ماما
دخلت لغرفتي بدلت وغسلت من جان عمرنا 7 سنوات بابا يعلمنا على الصلاه بس من صار عمرنا 10سنوات استمرينا وماتركنا ابد
صليت ورحت ع ماما شفت اسماء وعمر رجعو وجان عمر دا يعلم اسماء ع موضوع سلمو وكلمن طلع لغرفتو
شفت ماما كن لفت جدرين دولمه
ماما لمن هذا الجدر الثاني
خطيه علاوي يحب الدولمه وذكرتو
ليش هو يستاهل
ماما عيب هذا ابن عمتج واكبر منج
ماما يضل يدهرني
انت اتجاوبي لاتجاوبي عيب ماماتي هذا حالو حال عمر
اي ماما
وبكلبي ماجرعو صبت الغده ماما واسماء اتساعدها بي لتمنيا كلنا على الغده كملنا واسماء شالت المواعين وغسلتهم واني رحت لغرفتي طلعت الكتب وكعدت اقراء اسماء فاتت عليه
رغم هليوم خميس بس احب اقراء
اسماء ؛:شنو سدره كاعده تقرين كومي اسبحي هليوم يجون بيت عمه ماريه نسيتي
لامانسيتو وهسا يجي علاوي يضوجني
دكومي وعدلي لسانج ع كولت علاوي
اووف ماعدل عوفيني انا هاكذ احكي
هسا يجي علي اني شعليه ويقلد ع لسانج
سديت الكتاب واني ضايجه اموت بعمتي ماريه هيا الي سمتني وبابا سمى بنتها هدير نفس العمر اني وهيا
وعلي بعمر اسماء
كمت سبحت ودخلت لغرفه بدلت مشطت شعري وصوت الباب الغرفه يندك على السريع عرفت هو لان الدكه مالتو مستمره
اي اي كاافي
افوت
اي فوت
شلونج سدره
مليحه (زينه)
كولي زينه مو مليحه عفيه عدلي لسانج
اووو علي رجعنا
اضوج مو ب يدي اريد تحجين مثلنا
وانت شنو عليك
تجين نلعب
اي العب
بس شرط
اعرف عدلي لسانكي
هههه اي
اني هم عندي شرط
شنو
ادرسني رياضيات
اممم ماشي يالا امشي
مسكني من ايدي وطلعنا حتى نلعب بوست هدير وبوست عمتي ماريه وهيا اتبوس وتحضن بيا
لعبنا كلنا شد عيون ومره انجيب المخاديد وانسويهم ع شكل بيت ونلعب واشكال العب الي جنه نلعبها من جنه اصغار
ماما وعمه ماريه واسماء يحضرون العشه
عمه ماريه عندها ثلاث ويلاد وثلاث بنات
بس هيا اتجيب معاها دايمن علي ولؤي وهدير
صار وكت العشه وكعدت كلنا اتعشينا وكملنا
علاوي ؛:الله عمه امسويه دولمه
اي والله ماما سويت واتذكرتك وشلت حصتك
عاشت ايدج عمه
حبيبي الف عافيه
كمت غسلت وفرشت اسناني
يالا علاوي
ها سدوره
مادرسني
ليش
انتي كتلي
منو كال
اهووو علاوي انت كتلي ادرسني
بابا دسكتي هليوم خميس يادرس
يعني كذبت عليه
اني ماكلت
كمت ابجي ورحت ركض ع بابا
بابا؛:شكو باباتي ليش البجي
بابا علي
ماري؛:انتي وعلي ماتصافون ابد بعد هلمره من اجي ماجيب علي معايا ول علي انت اصغير اني اعلمك
علي ؛:يوم اني شعليه هيا تبجي من حالها واتجذب
بابا؛:ول علي روح براس الشارع واحجي تعالي هينا واحجي غبي
علي ؛:اي خالو جيت ها خالو
ماري ؛:شبيك مع سدره
علي ؛:اتريد ادرسها وهليوم خميس
بابا؛:باباتي هليوم خميس باجر ادرسي العبي هسا
سدره:هييي هييي كذب عليه بابا الي يكذب الله يخلي بل نار
ام علي ؛:ليش تكذب عليها شنو كذب عليج
سدره؛:هو كالي تعالي نلعب وادرسج رياضيات
بابا؛:يالا امشي لعد درسها ليش تعودها وتخلف ابني الرجال من يوعد لازم مايخلف ابد عرفت ماسامع يكولون كلام رجال
علي؛اي خالو صار بعد ماخلف بوعدي يالا سدوره امشي
كيفت وكمت اضحك علي جان شاطر بل رياضيات كلش ويعجبني من يدرسني
ام علي ؛:اشوف تالي ماتالي علي ياخذ سدره
سدره ؛:اني اخذ علي لو يضل اخر واحد بل دنيا
علي؛ ع اساس اني ميت عليج بس انتي تغارين مني ههههه
الكل؛:ههههههه
بابا؛لا اختي اني مانطي بنتي لاقارب بعدين تخرب علاقتي بيهم خصوصه انتي هاي كلمتي خلوها ب بالكم
من هذاك اليوم بداء علاوي شنو يوعدني مايخلف بوعدو الي عرف وعد رجال
كعد يدرسني ويعلمني اخر شي ماحسيت على غير نمت على الكتاب.....
...... علي.......
سدره اوف من سدره صاحبه العيون الكبار احلى شي هيا صار بحياتي رغم كلش احبها وهيا العكس دايمن تزعل مني اتضوج
اعرفكم على نفسي اني علي مواليد 1983
حلمي اطب لكليه واعيش قصه حب مثل امي وابويا من جانو يحجونه شلون حبو بعض
جنت ادرس سدره ماحسيت غير نامت ع الكتاب دحكت عليها وضحكت خبله شكد تبجي هههه
غطيتها واتغطيت ونمنا جان الجو بارد والدنيا مطر
.......
سدره
كعدت نص اليل سمعت صوت المطر دحكت علي نايم يمي جنه نايمين بل كاع جان الوقت متاخر
كمت ع كيفي عليت النبه دحكت لكيت هدير نايمه ب تختي واسماء نايمه ب مكانها وعمه ماريه نايمه ب صفحه
شفت لؤي ماكو عرفت نايم يم عمر ومختار
رحت شربت ماي وجبت غطه ثاني ورجعت بمكاني غطيت علي واتغطيت ونمت
كعدنا الصبح وعلي يضربني بل مخده اني هم شلت المخده وكمت اضربو بيها وكلنا واحد يضرب الثاني
كمنا غسلنا واتريكنا وانتفقنا انظف مع ماما وعمه ماريه واسماء وكل واحد ركض ع شغله
وبابا يشجعنا ويكول عفيه ويلادي الحلوين
اشوي واجى عمو قصي وحمودي ابنه والبنات عبير ورغيد
سلمنا عليهم وبوسنهم ماما حضرت الغده هيا وعمه ماريه والبنات جوات ايدهم
والويلاد راحو لجامع مع بابا وعمو قصي
رجعو من الجامع وكلنا التمينا ع الاكل وضحك وسؤالف وهيجي مشت حياتنا
مشت الايام ونهايه السنه قربت تخلص
واجت الامتحانات وامتحنا جنه اني وهدير وعلي واسماء وزاري
هليوم النتايج
رحنا نستلم النتايج اسماء طلعت ناحجه الثانيه كامت تبجي رادت الاول تطلع بس بابا كالها ميخالف وانتي شاطره
جان ايدي ع كلبي
رحت اخذت النتيجه طلع معدلي 99 طرت من الفرح ب يومها فرحتي ماتنوصف رجعت لبيت ركض حتي اخابر هدير ع الارضي
اماني هم طلعت ناجحه
وكلنا فرحانين
وصلت البيت لكيت علي بوجهي
ها قزومه اش طلعتي اكيد راسبه اذا مو راسبه مكمله
لا والله يابا طلع معدلي99
عفيه عفيه ب بنت خالي شطوره
دروح من يمي هسا صرت بنت خالك وانت اش طلعت
ناجحه ومعدلي 75
ياخطيه قهرتني اروح ع عمتي
ههههه قزومه
احلى منك
ركضت ع عمه ماريه واصيح عمه نجحت نجحت وهيا اتكول عفيه برفعه راسي عفيه ب بنتي الحلوه واتبوس وتحضن بيا
هدير هم نجحت وماما اتبوس بيا وب اسماء فرحانه جنه دوم نرفع راسهم
كلنا كاعدين وماما كاعده ع قنفه وبابا كاعد يم ماما بس بل كاع
ماما بطنها جبيره جانت جانت عمتي اتكولها الله اعلم انتي حامل ب تؤام
عمه ماريه وبابا جانو تؤام
ماحسيت غير ماما طافت بل ماي وكالت محمد
اسماء كامت تصرخ
ماما شبيج فدوه ماما
طلعي اخوتج بره واطلعي لاتخافون
اني كمت ابجي واسماء طلعتنا كلنا بره ودخلتنا اخر غرفه وصوت ماما تصرخ واني ابجي
اسماء ماما شبيها
مابيها شي
ليش اتصرخ
سدره بس كاافي تساليني
بس اني خايفه ع ماما
سحبني عمر بحضنو وكالي
لاتخافين حبيبتي ماما دا اتجيبنا اخ
بس اخاف ع ماما لايصير بيها شي
لاتخافين سدروه ادعيلها
ركضت اسماء ع الارضي اتخابر نانه ام ماما يعني جده نحنا انكول نانه
كالتلها ماما دا اتجيب تعالي
وصلت القابله وبدت اتجيب ماما تصرخ سمعنا صوت طفل يبجي
وماما مستمره بل صراخ نانه كامت اتصيح
ليش بنتي بعدها تتوجع شبيها
يمكن اكو واحد ثاني جوى اي اي اكو هاي مادا يطلع ب سهوله
نانه صارت اتصيح يالله ساعدها يالله كون معاها بابا جا كعد يمنا وعيونه كلها دمع
ويسبح ويدعي ماما جانت حامل ب تؤام ولدت البنت بس الولد ما ب سهوله دا يطلع
اسماء تبجي وكلنا نبجي ع ماما
القابله صارت اتصيح
اللهم صلي ع محمد طلع هاي هيا كولي يالله الحمدالله يارب هاي جابت ولد وصوت ماما انطفى متت خوف وخفت لا امي صار بيها شي .......
