رواية بديلة اختي كاملة جميع الفصول بقلم خاتون الكعبي
جم ليله اعلة ليله
يعز عليه النوم
بس حلمك توالي الليل خطاري 💔
مرسلين
واكفة ومدنكة راسي وسمع برزايل المديرة الماتخلص وامي كاعدة كدامهة وتخوزر بية باوعت علة فطيم وحصرتني الضحكة وجهة صاير خريطة من الضرب بس تستاهل حتة متفتن علية مرة ثانية اباوع علة امهة كامت تصايح هية وامي وحدة اذب الوم علة الثانية الحد مال المديرة سكتتهن والتفتت علية وكالت
المديرة : وانتي مامة هاي ثاني شكوة تجيني عليج بعدج صف سادس ابتدائي وهيج لعد تروحين للمتوسطة شسوين وهاي كدام امج اكولهة هاي المرة راح امشيهة الج بفصل لمدة اسبوع بس اذا تكررت راح تنفصلين فصل نهائي من المدرسة مفهووم
مرسلين : باوعت علة امي بخوف شكلي راح انكتل كتلة معدلة اليوم بلعت ريكي وهزيت راسي وامي كامت وعتذرت من المديرة واجت علية جرت ايدي وطلعنة من غرفت المديرة وكلتلي اروح اجيب جنطتي من الصف بس امبين عليهة صايرة اعصاب رحت ابسرعة واخذت جنطتي من الصف ورجعتلهة وطلعت من المدرسة واني وراهة تمشي ودردم علية وتغلط واني ابتسمت مثل الثولة الحد ما
وصلنة الفرعنة وشفت سيارت كومة مجمعات بفرعنة والناس ملتمين يم بابنة حتة سيارة شرطة اكو باوعت علة امي بخوف وجلبت بعبايتهة اباوع علة امي اصفر وجهة وكامت تمشي بسرعة وصلنة يم بابنة بعد ما سونة الزلم طريق وشفت سيارت اسعاف واكفة اباب بيت ابو حيدر البصفنة وحيدر علة السدية وجهة مدمة من الكتل ومبين مطعون بسجين من نايحت بطنة فتحت عيوني بصدمة وجلبت بأمي اكثر واجت عيني علة ابن عمي شاهين الجان واكف بصف سيارة الشرطة وايدي تجري دم وعيونة حمر من كثر العصبية وعمامي كلهم واكفين يمة ويهدون بي اجاني صوت اختي الي تصرخ بصوت اشبه بالتعذيب حسيت كلبي انقبض من قوت الموقف ودخلت للبيت ركض ورة امي وشفت الكل منجمعين اكبال غرفة بيبي وجدو ويدكون بالباب وبس صوت شي قوي ينضرب وصوت اعياط اختي هدى باوعت علة امي كامت تركع بالباب وتبجي حسيت رجلية رخن من الصدمة والخوف بنفس الوقت ولا اريدن ادموعي كامن ينزلن وحدة ورة الثانية ورة فترة يلة طلع جدو من الغرفة وبيدة الخيزرانة باوعلنة بنظرة بعمري مراح انساهة خلت جسمي يرجف من الخوف وعافنة وطلع برة من غير ما ينطق ابي كلمة واني ركضت بسرعة للغرفة دخلت وشفت اختي هدى كاعدة بالزواية وكل مكان بجسمهة ينزف جانت شبه عريانة رحت عليهة بسرعة وحضنتهة بقوة وكلت
مرسلين بدموع: لزموج موووو
هدى : هزيت راسي بدموع واني احس جسمي كلة يون علية من كثر الضرب والوجع من الله لا يوفقهم عسة الكسر بديهم ما اكدر احرك ايدي من الألم باوعت علة مرسلين وكلت
هدى بخوف : عوفيج مني طمنيني علة حيدر اشونة خو ما اذو بسببي
مرسلين بعصبية ودموع : طبة مرض كل هذة اصار بيج وبعدج اسئلين علي وتخافين هوة لو زلمة جان من البداية اجة وتقدملج ما ضال يتخوتل بيج بالسطح
هدى بحقد : انجبي لا تحجينن علي هوو يحبني بس جدج من الله لو يوفقة لو جاي وتقدملي شي اكيد مراح يوافق
مرسلين : اجيت ارد عليهة بس دخلت امي وبدت اتعيط وتضرب علة صدرهة وتخرمش بخدوهة وهدى تراددهة وتكول
هدى : كااافي انييي ما سووويت شيي غلللللط حبيييت يااااا اااامة محمددد حبيتتتت وعرفكم لو جان حيدررر متقدملي مجان رراح يوووافق اي واحددد بيكم فلللا تجووون هسة وذبون الوووم بية انييي حبيييت ما اجرررمت او زنييت حبيتة يمة والله حبيتة ما اذنبت او كفررت وهاااي حياااتي واني الحدددهة احببب الأررريدة وازوووج الأريدددة واي واحد بيكم ما عندددة الحققق انووو يقررر شي يخصني
ام مرسلين : حياااتج مووو روححي احجي هذة الحجي كدام جدج وابوج لجج يرردون يغسلللون عاارج وطيمونج جوة التررراب يل فهيمة يررردون يكتلوج كتلل حلال لووو ما شاهين ادخللل لججج بيمن قصرررت وياااااج كليلي شووو دخلتج احسن المدارس واحسن الكليات واي شي جنتي تردي جان يجيج علة الحاضر تالي متالي تتمعشكيلي علة السطووح وتخليني علج بحلك نسووان عمامج هاااي مجااازااتج الي هذة تعبي بيجججج هاااا
هدى بعياط : لللليش هوووة منووو الفضحني غيررر الحقيررر شاهيننن وخلة جددوو يضربني وهسة اكيد مسوي روحة زلمة ورايح ضارب حيدر من عسة الكسر بيدددة وفووك كل هذذذة تردون ازووجوني الة لووو امووووت ولووو يبقة اخرررر رجااال بالعالم ما ازووج واحددد مثللللة حيوووان وهمجججي
ام مرسلين : لججج سااااق** فووك شينج كووات عينجج لجج زين منة ما حااط طلقة براسج ومووتج
هدى : سكتت وامي سحبت مرسلين وطلعت من الغرفة رجعت راسي علة الحايط ودموعي رجعن ينزلن هسة اكيد الكل حيكول عني ما استحي او مو زينة اوووووالأخره اول شي اني اسمي هدى علي شاهين ال*** من سكنة بغداد عمري تلاثة وعشرين سنة العام تخرجت من كلية تربية انكليزي ومخطوبة من الزغر الأبن عمي الجبير شاهين وعاقدين عقد سيد عائلتي جانت جداً محافظة ومتمسكين بالعادات والتقاليد وجنة عايشن بيت واحد احنة وجدي وبيبتي وكل عمامي طبعاً جان جدي هوة صاحب الكلمة الأولى والأخيرة بالبيت ومحد يكدر يكسر كلمتة او يشاركة ارئي غير حفيدة الجبير شاهين جان اليكول علي هوة اليتنفذ وهوة الي قرر خطوبتي من شاهين واني بعمر التسعطعش سنة يعني اول ما دخلت كلية وجان شاهين هوة الي وصلني ويرجعني من الكلية بس مجان بكلبي اي مشاعر تجاهة يمكن الشغلة الوحيدة الجنت احبهة بي هوة لمن اشوف غيرت صديقاتي بل كلية لمن يشوفنة وشون يحسدني علي لأن ضابط والكل يهابة اما هوة فمن الزغر جان يبينلي حبة الي وهتمامة بية وحتة هوة الي حاجة جدي حتة يخليني اخلص كلية لأن جان رافض فكرت اني ادخل كلية بس رغم هذة الشي ما بيوم دك كلبي الة او حبيتة اكيد حتكولن هل شي انانية مني بس شسوي كلبي مجان راضي يتقبلة بأي شكل من الشكال وهوة جان يعرف بهذة الشي وساكت وبيوم جنت رايحة وية امي للسوك شفت ولد واكف اكبال بيت جيرانة واول مشاف امي ابتسمت وسلم عليهة وامي مثل التفاجأت بي وسلمت علي وضلت واكفة تحجي ويا انتبهتلة يحجي وية امي وعينة علية دنكت راسي بخجل وامي ترخصت منة ورحنة للسوك سئلتهة بالطريق علية كلتلي انو هذة حيدر ابن جيرانة جان بالخارج يدرس وقبل اسبوع رجع هزيت راسي وسكتت بس معرف ليش شكلة ضل ابعقلي وكل ما اغمض عيوني يجي طيفة علة بالي وكمت اتحجج بطلعات بس حتة اشوفة ولو بصدفة وفعلاً جنت اشوفة واكف ابابهم وبدت نظرات بيناتنة الحد ما بيوم دزلي رقمة بيد اختة الزغيرة معرف منين اجتني الجرئة وخذتة منهة وضليت اسبوع كامل واني اباوع علة الأرقم بس مترددة ادكلة الحد ما اشجعت وديكت علي واول ما سمع صوتي حسيت بي طار من الفرح جانت طريقة كلامة كولش حلووة ولطيفة تحسة قريب للكلب ومرت الأيام والأشهر وزادت مخابراتنة وصارت بينة لقائت علة السطح وعترفلي بحبة الي واني هم جان احساس كولش حلوو بعمري محاستة وبيوم كلي حتة يجيب اهلة ويتقدملي بس اني رفضت لأن اعرف جدي مراح يقبل واني مخطوبة من شاهين وشي اكيد حيقدم العرس ويزوجني الة اذا شم خبر بية عندي علاقة وية حيدر وهم بوكتهة حيدر زعل واسبوع كامل ميحجي وياي الحد ما راضيتة وضحتلة سبب رفضي وكلي انو احاول ابدي احجي وية امي واقنع بيهة وفعلاً بديت اتودد لأمي ولمحلهة علة السالفة الحد ما بيوم واجهتهة وفتحت وياهة الموضوع جان رد فعلاهة بنسبة الي عادي لأن جنت متأكدة مية بالمية انو حترفض وفعلاً رفضت وسحبت مني التليفون وراحت حذرت حيدر من انو يحجي وياي بعد وحتة اختي مرسلين وبيبيتي عرفن وبدن يحذرني من الموضوع لأن اذا جدي عرف يصير كتلي حلال بس هل شي زاد اصراري وتعلقي بي ما نقص وكمت بكل فرصة تسمحلي اصعد علة السطح وشوفة لأن امي اخذت اتليفون مني وبيوم جنت واكفة كل عادة علة البلوكة القريبة علة ستارتهم واحجي وية حيدر جان بوكتهة جايبلي تليفون حتة اكدر اخابرة وفجئة سمعت بصوت باب السطح انفتح صوفر وجهي من الخوف ودفعت حيدر بسرعة ونزلت من البلوكة ودرت ظهري وياريتني مدايرة شفت شاهين واكف اباب السطح وعيونة ناطات من الصدمة والعصبية وبلة ما احجي او ادافع عن نفسي بأي كلمة جراني من شعري ونزلني جوة جان جدي كاعد بالصالة شمرني جوة رجلي وطلع برة بدون ما يكول اي كلمة وشوية وسمعت صوت اصياحة وصوت ام حيدر وهية تعيط بكل علوو صوتهة وتركع ابابنة عرفتة سوالة شي لزمت كلبي بيدي من الخوف وعمامي وجدي طلعو برة وما نسمع غير بس صوت الصياح والعياط باوعت علة بيبيتي تباوعلي وتعض بصابعهة ورة فترة دخل جدي وعيونة بكصتة من العصبية جان شكلة مرعب بنسبة الي دوم جنت اخاف منة وهسة زاد خوفي منة ما قل سحلني سحل للغرفة وقفل الباب وطلع الخيزرانة من كنتورة باوعتلة بررعب ورجعت بخطوات بطيئة ليورة واني اهز راسي بمعنة لا ودموعي بدت تاخف مجراهن دقايق وحسيت بحرارت الخيزرانة علة جسمي حسيت روحي طلعت من مكانهة من قوة الضربة وكمل ضرب بشكل اقوة وابشع وهوة يسب بجميع المسبات والغلط الممكن تتخيلهة حسيت جسمي كلة كام ينضخ دم من الوجع ما عافني الحد ما تعب وحس بية صرت شبه ميتة واخر شي دفرني وتفل علية وطلع من الغرفة ودخلتلي اختي الزغيرة مرسلين وامي وكل عادة بداً يعاتبني ويحطن الوم بية وكأني اذنبت او زنيت كل الي سويتة اني حبيت من كل كلبي حب نظيف وطاهر بس وين منو الي يقتنع ابهذة الحجي بفضل الحجي شاهين ضالين علة عادت بنت العم الأبن عمهة بس مستحيل ارضخلهم واسكت راح ادافع عن حبي وعشقي الحيدر الحد ما يستسلمون للأمر الواقع ويرضون بي
صحيت من موجت ذكرياتي وفكاري علة امي وهية تشمر جادر الصلاة علية وتكول
ام مرسلين بحدة : كومي لبسي الجادر وتعالي وراي
هدى بتعب : ليش شكو اشصار
ام مرسلين : لا سلامتج كلشي ماكو بس اجة الشيخ علة مود ايطلكج من شاهين
هدى بفرح : صدووك والله قبل انو يطلكني
ام مرسلين بقهر : من مالت عليج وعلة الخلفتج ومو هوة الراد يطلكج بس جدج جاب الشيخ وكال مستحيل ازوج حفيدي الوحدة عار مثل هاي صرتي انتي بصمت عار علينة وعلة كل اهل البيت وباجر راح اصير كعدة عشائرية بسببج ها هسة فختي مو ارتاحيتي خل اسوالف التمعشك اتفيدج ويلة فضيني ولبسي بساعج
هدى : كمت بية ما بية من الوجع ولبست الجادر بس جان شعور الفرح مسيطر علية معبالي فعلاً راح يطلكني وخلص منة ما همني كل كلام امي بكد ما همني كلمت ايطلكج حسيت بنفسي فعلاً راح اتحرر وخلص من تقيدهم وعاداتهم وطلعت ورة امي اباوع علة عماتي ونسوان عمومي كاعدات بصالة ويباوعلي بحقد مهتميت النظراتهن ورحت وية امي واكفت اباب الستقبال وبدة الشيخ يحجي عن الطلاك وشكد هوة منبوذ عند الله سبحانه وتعالى الحد سكتة جدي وخلاة يسرع وفعلاً كال الشيخ الشاهين ايطلكني بتلاثة بس شاهين ضل ساكت عقدت حاجبي بستغراب ورة فترة يلة يلة حجة وطلكني بتلاثة نزلت من عيني دمعة بس دمعت فرح حسيت نفسي رجعت تحررت مثل الطير صرت واول ما اجة علة بالي شكل حيدر اكيد حيفرح لمن يعرف وقبل لا ارجع للصالة طلع شاهين وباوعلي بنظرة حقد علة كره علة معرف شنو بس نظارتة جانت غريبة بنسبة الي نزلت راسي منة وهوة كل الأمي اصيح مرسلين سئلتة امي ليش كلهة راح اعقد عليهة رفعت راسي علي وباوعتلة بصدمة وباوعت علة امي يلي مثل الي رجع الون الوجهة والبتسامة شكت حلكهة وكلتة من عيوني وراح اصيح مرسلين التفتت علي وبلحضة تسرع مني سحبت ايدة وباوعت بعيونة وكلت
هدى بخوف : شاهين لا ادمر حياتهة علة مود تنتقم مني لو اذب حركتك وكرهك بيهة هياتني كدامك سوي اي شي تريدة بية بس لا اتقرب علة مرسلين وا... وقبل لا اكمل كلامي عافني ودخل للستقبال وشفت امي جاية واجيبة مرسلين وياهة جانت خايفة وتباوعلنة بستغراب علة خوف دمعت عيوني عليهة ازغيرة شنو ذنبهة تدمرر بسببي شنو ذنبهة اصير هية ضحيت حبي بس اني هم شنو ذنبي ازوج واحد ما احبة او اطيقة وترك اول حب بحياتي واول عشك الي يمكن هية لمن تكبر ممكن تتأقلم اويا او اتحبة بس اني مستحيل كلبي معلك ابواحد ثاني ومن سابع المستحيلات احب واحد غيرة يمكن هسة الكل حيكول عني انانية وتفكر بنفسهة بس بنسة الية لا مجانت انانية مني جان حب وعشك وعفت امي ومرسلين واكفات اباب الستقبال وصعدت فوك مكدرت اتحمل نظرات مرسلين علية ودخلت الغرفتي و................
_______________
مرسلين
شوكت وايمتة وصار هذة كلة ما اذكرة الشغلة الوحيدة الذكرهة بس هية نظرات شاهين قبل لا يطلع من البيت لو مرت علية الف سنة مو سنة مستحيل انساهة جانت نظرات كره حقد انتقام سواد والهم من هذة كلة رعب اول مرة ارعب وخاف من نظراتة جان هوة بنسة الي دائماً مصدر امان وقوة جان هوة السند النسد بي من اي واحد ايأذيني او يضربني واول مرة اخاف من هذة السند وكل الي عرفتة من امي انو اني صرت بديلة عن اختي لا اكثر ردت اعرف اشون وشوكت بس محد جان يوضحلي اي شي او ينطيني تفسير للصار الحد ما سمعت من بيبيتي انو ابوي هاديني الة حتة يهدة او يرضة يعني مثل الرضوة هههه معرف ليش بس ضحكت علة نفسي بوكتهة ودخلت للبيت وشفت عماتي الي جانن فرحانات بطلاك اختي منة اشون انصدمن وحقدن علية لأن بنسة الهن جان شاهين هوة المالك الكل شي بهل بيت بعد جدي بس اصدكون رغم كولشي صار ما حقدت علي ولو بقدر شعراية لأن جنت متأكدة انو هوة مرايدني وراح يعوفني بحالي وسمعت من بت عمي فجر انو هوة عارض ابوية ورفضني بس جدو الي جبراني هههه يعني صار هوة المجبور علية مو اني بين كل هل هوسة جان سؤال واحد يرن بذني وهوة شنو شذنبي ليش نظرات الكره بعيونة تجاهي بس ما جنت احصل او الاكي عذر الة وصارت الكعدة العشائرية وتقدم حيدر رسمي الأختي كدام كل العشيرة واكيد اختي جانت اول الفرحانين بهذة الشي وجدي وافق انو ينطيهة بس من غير ما يسولهة عرس او مهر بوكتهة اذكر كبت العيطة ابيتنة واختي كامت تتصايح هية وجدو لأن مقلبت هيج ايصير زواجهة مثل الفصلية او الهدية بس اكيد قرار جدو وهوة اليتنفذ واقل من اسبوع واختي صارت ابيت رجلهة وتفككت عائلتنة وصلت بين امي وابوي للطلاك بس جدو مرضة وهدد ابوي اذا يطلك امي انو راح يطردة من البيت وطلع كل واحد من عمامي ابيت وحد بس قريب علة بيت جدو وحتة احنة طلعنة ابيت جان بنفس فرع بيت جدو وعمو ابو شاهين انتقل ابيت فرق بينة وبينة فرعين لا اكثر بس عمو الزغير بقة هوة وعائلتة ابيت جدو وياهم عمتي علياء ارملة وعدهة بنات اثنين وحدة بكد اختي هدى وثاني اكبر مني بسنتين وابن واحد بالكلية ومرت السنين وزاد تفكك العائلة وزاد تحكم جدي بينة برغم جان كل واحد طالع ابيت وزوجو اخواني الكبار محسن وحسن من بنات عمي طبعاً هذة الشي بأمر جدي اما اني فصرت شبه من عزلة عن اجمعات العائلية الصير ابيت جدي والعزايم اشكد حاولت امي انو اروح وياهم بس جنت بكل مرة ارفض او اتحجج بشي في سبل اني ما اشوف اي واحد من اهل ابوية صرت اكرهم كره العمة وكره نظرات الحقد علية عبالك اني المذنبة اني الي حبيت واحد واني الحجيت وية واحد اما شاهين فمشفتة من يوم الي عقد علية بي وسمعت من امي صاير نسخة طبق الأصل عن جدي وترفع بالدوام وصار نقيب والكل ايهابة ويخاف منة وبنات عمي وعماتي ميتات علي جانت توصلي الحجي بالحرف الواحد يمكن جانت تريدني انعجب بي او احبة متعرف بهذة حجيهة تولد حقد بداخلي الة اما اختي هدى فصارت ام الطفلين ولد اسمة سامر وبنية اسمهة نور اما عن حياتهة الزوجية وعلاقتهة بزوجهة حيدر فهذة شي ثاني مجانت ابداً تحجيلنة علي او اجيب طاري سواء ابزين او ابشر بس معرف ليش لمعت الحب والفرح الجنت اشوفهة بعيونهة قبل لا تتزوج احسهة نطفت وحل مكانهة ندم وظيم جنت دايماً اسلئهة اذا حيدر زين او مو زين اوياهة بس جانت تتهرب من الجواب او تكتفي بكلمة زين هذة الشي ولد شك بكلبي تجاهة وكبرت وحليت وبدت معالمي الأنثوية تطلع مثلي مثل اي ابنية وزاد تشدد اهلي علية وخلصت المتوسطة ودخلت الأعدادية وصرت صف خامس علمي يمكن جان الشي الوحيد الي اعتبرة منفذ الي من تحكم اهلي وجدي وعاداتهم هية المدرسة اشكد ما اني هادية وكتومة بالبيت اشكد ما اني مشاكسة ومرحة بالمدرسة ومع هيج جنت شاطرة ودراستي توب وتعرفت علة صديقة صارت بنسة الي اكثر من اخت اسمهة تقى جان بيتهم قريب علينة ودائماً اني وياهة اروح ونرجع سوة من المدرسة وحدة اساعد الثانية ابي واجب او امتحان وبيوم جنت راجعة من المدرسة وكل عادة تقى جابت الطريق كولة مسبة وغلط الحد ما مليت وعطت بيهة وكلت
مرسلين بعصبية : اوووف كااافي مو دووختيني من طلعنة واليجاي بس تلغين معفتي واحدد يعتب عليج مسبيتي ونعلتي لج تقى حبيبتي اعرف هذة مرض معرف حالة نفسي عندج بس وربي اليشوفج ايكول غير شي وحتة امي كامت تحذرني منج وتريد انهي صداقتي بيج من ورة حجيج وفشارج تقى ترة اني دا احجي هذة الكلام علة مودج روحي الدكتور شي وتعالجي باجر عكبة تروحين للكلية شي خو ما اضلين علة نفس الحالة
تقى : وانيي اشددخلني هية هااي الحالة بت الكلب لازكتلي ورحت للكو** الدكتور وكلي هذي حالة خ** متروح اذا ما اسوين جلسات نفسي وتاخذين موهدئات بعد اني الكح** اشدخلني لا عبالج فرحانة بيهة ترة وربي منعول الخلفني من وراهة وامج بت الكلب الس*** البر*** ما تستحي علة روحهة مو كتلهة هاي نعل اصخام عندي مرض من انعل ابوهة يابو الجابهة يابو الهدفهة علية بتل كح***
مرسلين : ههههه وربي لو معرف هذة مرض عندج جان مدتج بنص الشارع وكتلتج وترة كولتلهة انو مرض بس كالتلي وين اكو هيج مرض عبالهة اجذب عليهة
تقى : طبج مرض انتي وياهة بنات الكلب قابل مجذبة عليجن من انعل ابو..
مرسلين : حطيت ايدي علة حلكهة قبل لتكمل كلامهة لأن اعرفهة اذا بدت غلط ما تسكت الحد ما تفضحنة وسحبتهة من ايدهة وكملنة طريقنة واول ما جاي نعبر اشارع شفت...........
