رواية طريق الشوك ( كاملة جميع الفصول ) بقلم داليا منصور الفرجاني

محمود المهداوي بعصبية: 

- وه عتقول على بت عمك ليه اكده يا ولدي هي مذنبهاش حاجه واصل دول الله يسامحهم ولاد الحرام اللي عملوا فيها اكده وانت يامعتصم ياولدي متاخدهاش بذنب حد البنية غلبانة قوي.. 

معتصم بتريقة: 

- وجاين ليه علشان اتستر عليها مش كانت غاوية العلام ومريدانيش واصل اشمعنا دلوك رايدني اتجوزها بعد مبقت سمعتها في البلد كلياتها كيف الطين.. 

محمود ضرب معتصم كف وهو بيقول: 

- لم تتحدت على بنت عمك اتحدت عليها زين امال وكومان البنية ملهاش غيرنا دي يتيمة وعايشة مع امها وجوز امها وياعالم بيحصل فيها ايه يا ولدي.. 

معتصم بص لأبوه بعصبية وهو بيقول: 

- رايدني اتجوزها يبقى تمام موافق يابوي لكن متجيش تزعل بعدين لم احرق قلبها.. 

خرج معتصم وهو متعصب وبيقول: 

- بقى بتجبرني اتجوز من دي بس مش هسكت انا هخلي ايامها كيف الفقر وتتمنى بس اطلقها وارميها.. 

.. عند رهف كانت قاعدة وبتبكي في اوضتها بقهر فجأة: 

- قومي يا معدولة ظبطي البيت اكده وشوفي عتلبسي ايه ولد عمك جاي يخطبك.. 

رهف بصت لأمها بدموع وهي بتقول: 

- ولد عمي مين ياما انا مريداش اتجوز وكومان ملقتوش غير معتصم دا معروف انه اصيع ولاد عمي كلياتهم... 

سماح بتريقة: 

- لاء وليكي عين تتحدتي كيف البنات كومان بعد اللي حوصل معاكي انتي اللي مطرحك مينطقش والا يفتح خشمه واصل.

رهف بكت وهي بتقول: 

- وانا ذنبي ايه ياما كنت راجعة من الدرس وحصل فيا اكده اعمل ايه عاد انامليش ذنب في اللي حوصل.. 

سماح بتريقة: 

- قطع العلام وقطع سيرته مخدناش من وراه غير الفضيحة معتش اشوفك تتحدتي على المدعوك دا قدامي وحسك عينك تنطقي لمخلوق الحديت اللي قولته ده.. 

رهف بصدمة: 

- يعني مستقبلي ضاع وشرفي وكومان عتجوز راجل معحبهوش ايه اللي بيحصل معاي ده انة عملتلك ايه عاد انا طول عمري عايشة ومتكلمتش معاكي واصل رغم انك جايبة جوزك يعيش عندينا في بيت ابوي الغلبان اللي مصدقتي مات وروحتي اتجوزتي بعد العدة طوالي.. 

نزل كف على وش رهف بقوة وهي بتقول؛ 

- اخرسي قطع لسانك جوزي رجب سيد الرجالة كلياتها كفاية انه قبل يربي بنت زيك جابتله العار قدام الخلق كلياتها..   

رهف بصتلها بقهر وهي بتقول: 

-ذنبي كل دا انا عملت ايه اني كنت راجعة من الدرس هما اللي اتكاتروا عليا بس اقول ايه للمجتمت اللي عيحاسب المرة مش الراجل بس حقي هجيبه مش هتركه واصل وبخصوص جوازي من ولد عمي مريداهوش.. 

سماح مسكتها من شعرها وهي بتجرجرها وبتقول: 

- لاء ياروح امك البيت دا مفيهوش واحدة تقول لاء ليا لو مهما حوصل انتي اهنيه ملكيش عازة اخرك تقولي حاضر وبس فاهمة يابت انتي.. 

جه رجب وهو بيخلص رهف وهو بيقول: 

- مش اكده يا سماح البنية هتموت في يدك سبيها وهي هتعقل امال مش اكده يابت يا رهف.. 

وكان بيبص لرهف نظرة محدش يعرفها غيرها بس قالت بخوف: 

- صوح يا جوز امي.. 

لقت كف نازل على خدها وبتقول: 

- مسمهوش اكدة قولي يابا رجب ايه معلمتكيش الرباية يا قليلة الحيا.. 

رهف قالت بقهر: 

- ابوي الله يرحمه مات قبل ميشوف اللي عتقوليه ده ولو كان عايش عمر محد قدر يلمسني مبالك يعمل فيا اكده.. 

زقتها سماح وهي بتقول: 

- طب انجري روحي نضفي البيت علشان جاين يقروا الفاتحة ونحدد كتب كتابك همي انجري خلصي كل حاجه.. 

رهف قامت بزل وهي بتتمنى الدنيا تنشق وتبلعها بس متتجوزش اللي اسمه معتصم دا... 

... في قصر محمود المهداوي كان واقف معتصم بعصبية قدام واحدة وبيقول: 

- هعمل ايه عاد ابوي مش موافق عليكي يازينة اعمل ايه عاد وكومان رايد يجوزني بت عمي.. 

ضحكت زينة بشماته وهي بتقول: 

- لاء واختارلك واحدة شريفة قوي الصراحة اقولك حاجه تستاهل اللي كيفها لكن اني شريفة متستاهلش تتجوزني يا معتصم.. 

معتصم بصلها بقهر وهو بيقول: 

- اوعدك يا زينة انا هتجوزك حتى لو غصب عن ابوي انا مش رايد مرة كيفها الكل شافها هاخدها اعمل بيها ايه عاد... 

زينة بتريقة: 

- انت توافق بس علشان ابوك ميتحددتش معاك لكن انت تخليها تكره اليوم اللي وافقت تتجوزك او توافق حتى عليك.. 

معتصم بخبث: 

- اللي كيف رهف ميجيش غير بالأهانة وانا هوريها اللي مشافتهوش طول عمرها اللي ملقيتش حد يربيها جابت العار للعيلة كلياتها وكل دا علشان العلام قطع السيرة اللي تيجي منها.. 

زينة بخبث: 

- سيبك منها اهم حاجه احنا مع بعض يا قلبي انا هنا معاك ومش هتركك واصل للحرباية دي بس كيف هعمل اكده طلاما ابوك مش موافق على جوازك مني ورايدك تتجوز اللي جايبة العار ليكم وببجاحه موافقة عليك كومان.. 

معتصم بعصبية: 

- متقلقيش امال انا هعمل كل اللي ريداه بس انتي متزعليش.... 

... عند رهف كانت واقفة في اوضتها بتبكي وتقول: 

- دا جزات اني كنت رايده العلام جايبيلي فستان اسود كيف نصيبي انا مريداش اتجوز بس العار بقى مصير حياتي ولو موافقتش هيخلصوا عليا ومهيرفلهمش جفن واصل.. 

حد وراها: 

- ايه خلصتي والا لساتك عتتحدتي مع روحك كيف عوايدك.. 

رهف بقهر: 

- نعم ياماي رايدة مني ايه دلوك انا بلبس اها.. 

سماح بعصبية: 

- ريداكي تلبسي كيف الخلق ايه الاسود اللي عتلبسيه ده.. 

رهف بحزن: 

- مش انتي اللي كنتي جايبهولي وقولتي دا عتلبسيه في ايامك الجاية طلع عندك حق ياما اهو هلبسه النهاردة.. 

سماح بعصبية: 

- الفستان ده ميتلبسش واصل ويانا يا هو ولو لبستيه يا رهف مش هتشوفي غير القهر والفستان التاني اهنيه اهو... 

سابتها سماح وخرجت ورهف لبست الفستان الاسود زي مهي عاوزة وخرجت لقت عمها وجوز امها رجب وامها والمأذون بس معتصم مش موجود.. 

رجب بخبث: 

- امال عريسنا فينه امال يا محمود بيه.. 

محمود بصله بقرف وهو بيقول: 

- ولدي جاي دلوك يا رجب انت بس خليك في حالك.. 

رجب بخبث: 

- مش كنت عتقول اليوم هنقرا الفاتحة بس كيف جايب المأزون معاك وجاي دلوك ايه غيرت كلامك لم لقيت الحديت كتر على بنت اخوك.. 

محمود اتعصب وكان لسه هيشتم رجب بس سمع صوت معتصم بيقول: 

- انا اهنيه يابوي متتعبش اعصابك على واحد كيف النطع ميسواش حاجه وماشي ورى النسوين اللي عنديهم فلوس كيف النطع عشان بس يلاقي بيت يتاوى فيه لكن كلمة راجل متتقالش لواحد كيف ده.. 

وبص لمرات عمه المتوفي وهو بيقول: 

- كيفك يا مرت عمي ايه متوحشتكيش كيف زمان والا نسيتي العشرة عاد.. 

سماح بعصبية: 

- انت كيف تقول اكده على جوزي انا ساكته بس عشان ابوك لولا اكده كنت عرفتك مين انا يا معتصم وكمان مرتك اللي هتتجوزها بنتي والا نسيت عاد.. 

ضحك معتصم وهو بيقول: 

- اه بنتك اللي خدتيها منينا بالقوة علشان فلوس جوزك بس برقبتك مش هتطولي منينا حاجه واصل.. 

محمود قال وقف وهو بيقرب على ابنه وبيقول بعصبية: