رواية حب للايجار كاملة جميع الفصول بقلم نون
ياسين المنشاوي الحوت اللي مابيرحمش الراجل اللي قلبه عبارة عن خزنة مقفولة بمليون كود بالنسبة له الستات مجرد إكسسوار بيكمل البدلة الغالية
وسلمى اللي شايلة جبل فوق كتافها ومابتشتكيش اللي بتجري ورا لقمة العيش
حُب للإيجار اللعبة بدأت
#حب_للإيجار
Hired To Love
#الفصل_الأول
حياة سلمى اللي ماشية بالعكس كانت واقفه قدام مراية الحمام في الكافيه الشيك اللي شغاله فيه
بتمسح باديها بقعة القهوة اللي زبون غلس دلقها عليها وهي بتقدم له الطلب.
سلمى بهمس لنفسها يارب القهوة متبقاش باينة
مش ناقصة خصم تاني الشهر ده أنا أصلاً مديونة لطوب الأرض
سلمى بنت مصرية جدعة ملامحها هادية بس عينيها فيها لمعة ذكاء وتعب في نفس الوقت.
بعد وفاة والدها مسؤولة عن مصاريف علاج والدتها
وإيجار شقة قديم بيطاردها صاحبها كل أول شهر.
فجأة الباب اتفتح ودخلت صاحبتها "نهى" وهي بتنهج
سلمى الحقي.. الطاولة رقم ٧ الزبون اللي قاعد هناك طلب يقابلك شخصياً
سلمى بخضة يا نهار أسود اشتكى مني؟
نهى اشتكى إيه يا بنتي ده
ياسين المنشاوي
انتي عارفة ده مين؟ ده صاحب شركات المنشاوي جروب
اللي صوره مالية المجلات وشكله النهاردة مش جاي يشرب قهوة ده جاي يشتري الكافيه باللي فيه
خرجت سلمى وهي بتعدل قميص الشغل وبتحاول ترسم ابتسامة احترافية.
على الطاولة رقم ٧ كان قاعد ياسين
شاب في التلاتينات لابس بدلة كحلي و شعره متسرح بدقة
وريحته عبارة عن مزيج من البرفان الغالي والسيجار
ملامحه كانت حادة كأنها منحوتة وعينيه باردة زي التلج
سلمى بأدب تحت أمرك يا فندم في مشكلة في الطلب؟
ياسين مرفعش عينه من على الموبايل وقال بصوت واطي بس فيه سلطة
اقعدي يا.. سلمى
سلمى استغربت إنه عرف اسمها من الـ Name Tag
ممنوع أقعد مع الزبائن وقت الشغل يا فندم
ياسين رفع عينه فجأة.. نظرة واحدة منه خلت سلمى تحس برعب
أنا اشتريت وقت الكافيه كله لمدة ساعة.. يعني دلوقتي أنا مديرك اقعدي
سلمى قعدت وهي حاسة بقلبها بيدق في رجليها.
ياسين قفل موبايله وحطه على التربيزة وبدأ يتكلم ببرود
دخلت على بروفايلك على فيسبوك.. عرفت إنك محتاجة مبلغ كبير عشان عملية والدتك
وإنك مهددة بالطرد من شقتك خلال أسبوع. صح؟
سلمى وشها احمر من الصدمة والغضب حضرتك بتراقبني؟
ياسين بابتسامة باردة ده اسمه بيزنس
أنا مبيضيعش وقتي في المراقبة أنا بشتري معلومات والآن.. أنا عندي عرض ليكي
سلمى بشك عرض إيه؟
ياسين قرب منها شوية وصوته بقى جد جداً
محتاج خطيبة لمدة ست شهور هتيجي معايا الحفلات
و تقابلي عيلتي و تمثلي إنك بتموتي في قدام الصحافة.. وفي المقابل
كل ديونك هتتسدد وعملية والدتك هتتعمل في أحسن مستشفى في لندن
وهتاخدي شيك بمبلغ يخليكي متشتغليش جرسونة يوم واحد تاني في حياتك
سلمى اتسمرت مكانها.. النفس انقطع والوقت وقف.
أنت.. أنت بتقول إيه؟ أنت عايز تأجرني؟
ياسين قام وقف عدل جاكيت بدلته ورمى كارت على التربيزة
مسموش إيجار.. اسمه عقد عمل قدامك ٢٤ ساعة تفكري.
يا إما تتنازلى عن كرامتك وتطردي في الشارع
يا إما تختاري ذكائك وتبقي خطيبة ياسين المنشاوي
سابلها الكارت ومشى وساب وراه ريحة برفانه اللي خنقت سلمى
وسؤال واحد بيلف في دماغها
هو في حد ممكن يبيع قلبه.. عشان يشتري حياته؟
