رواية زوج اختي والماضي كامله جميع الفصول بقلم مجهول
لا تحزن على المتساقطين من شجرة حياتك ،إنهم
أوراق هشّة اختبرتهم الرياح عندما هبّت
فأخذتهم بعيدا عنك..
_النجف الاشرف الساعة الـ ٩ صباحاً
زهراء"مثل كل يوم رحت الصبح للجامعة ويه صديقتي هند كملت المحاضرة كمنا وحمزة صار كدامي باوعلي بنظرات غريبة وابتسم ابتسامة خفيفة وطلع قبلنا .
هاي نظراته وابتساماته متعودة عليهن ومايهمني أمره ومابقى شي على أنتهاء مسيرتي الجامعية غير أيام معدودة
واتخرج واخلص منه .
طلعنا بره كعدنا أني وهند اللي كلش احبها وكل اسراري عدها وأني هم كل اسرارها يمي وحدة ما تظم على الثانية باوعت على حمزة واكف يم ربعة ويباوعلنه
_ باعي شلون يباوعلج
_ خل يولي .. هند لتباعيله
_ مامباوعتله بس دا اشوفه كل مرة يباوعلج ويبتسم
_ من عابتله وعابت شكولاته
_ وهاج باعي عليه وشوفي مو عيونه عليج لو لا
خزرت هند وكتلها بغضب "
اشيل عيوني إذا باوعتله امشي
خل ندخل للمحاضرة
_ يا محاضرة هاي !
_ المحاضرة شبيج
_ أنتهت محاضراتنا قبل دقائق وراح نرجع عالبيت
_ والله نسيت امشي لعد
_مبين انزعجتي ..يلا امشي
_اممم
كمنا ورحنا بوجهنا للخط وره فترة وصلنا للبيت نزلنا سوه بيتها جان بصف بيتنا تماما بس الحايط بيناتنا إحنا وبيت عمي وثاني شي بيتنا قريب عن ضايح الامام علي عليه السلام كل يوم المغرب اروح أني وياها للامام نصلي وندعي
ونرجع عالبيت بالليل قبل العشة
وقت العصر لبست العباية مالتي وكلت لأمي وبيبيتي ...
أني رايحة ازور الامام علي (ع)
بيبي _ الله وياج ندعيلي وياج زهورة
امي _ ديري بالج على نفسج يمة
_ إن شاء الله اندعيلج بيبي في أمان الله
كاعدة دا البس بحذائي بالكاع اخوي حسين
صار فوك راسي وكال
حسين _ انتظري خل ابدل واجي وياجن
رفعت راسي اباوعله"
انتظرك بالباب لعد
راح دخل جوه وأني وكفت بالباب انتظره اجت
بت عمي هند فتحت الباب وكالت "
هند_ وينج ؟
زهراء_ هويني
_ يلا امشي
_ انتظري حسين رايح ويانه
_ حسين !
_ اي قبل اشوي رجع من الشغل وكال اجي وياجن
_ هاا هلأ بي
اجه حسين وكال "
يلا امشوا
رحنا نمشي بالشارع والناس تارسة الشارع الاغلبية زوار إيرانيين وخارج البلاد دخلنا الصحن كالعادة
توضينا ودخلنا جوة
نزور زرنا وخلصنا بقيت بلامام اقرأ قرأن وادعي ربي يوفقني بحياتي ويغفرلي اغلاطي وأخطاء الماضي ويه حمزة لأن صدك ندمانة بكد شعر رأسي
حبيت هيج إنسان نذل وخاين ويحجي عالبنات بكيفه كل البنات اذن اذان المغرب صلينا وراها طلعنا اجه اخوي حسين كال يلا نرجع عالبيت رجعنا بالطريق اشتهيت
اشتري شوي كرزات
زهراء_ اشتريلي كرزات
باوعلي وكال .. ماشي
اشترالي ورجع اخذتهن من ايده ورجعنا عالبيت هند دخلت بيتها يلا دخلنا البيتنه لكيت امي وبيبي
جاي يصبون عشة
نزعت العباية ....خليتها عالكرسي بالهول ورحت اساعدها كملنا صب العشة تونه سمينه بسم ' الله '
ندك الباب كام حسين فتح اباب طلع ابن عمي عباس جايب بيده ماعون برياني وكال ..
هاي امي دزته لكم
اخذه حسين وصاحلي "
زهورة تعالي اخذي الماعون
كمت اخذته من ايده حسين رحت عالمطبخ درت الاكل بغير ماعون وغسلت الماعون انطيته له راح ورجع حسين يكمل العشة خليت الماعون بنص الصينية الكل اكل وكال
عاشت ايدها جان
كلش طيب وره أيام ومبقى شي على انتهاء مسيرتي الجامعية وراح نتخرج جنت فرحانة حيل لان راح
اخلص من حمزة وشكولاته
كالعادة كملت الشغل وراجعت كتبي وصار المغرب رحت على الامام علي (ع) ويه هند هناك شفت طالبات يدرسون بالحوزة دخلوا الامام وتمنيت ادخل وياهن لان كلش احب الدين واحب امشي على خطوات فاطمة الزهراء عليها السلام
واكون فتاة مؤمنة وخلوقة
وتقرأ قرأن بصوت محترف بالطريق الرجعة كلت لهند ..
اريد اصير طالبة حوزوية
باوعتلي بضحكة ودت بمسخرة"
اشوو اسكتي الخاطر الله
_ شكو بيها لو صرت طالبة حوزوية
_ مابيها شي بس يحتاجلها وحدة ماتزمة بكلشي
من ناحية الدين وناحي الاتزامات الكاملة
_ وأني كدها وكدودهاا
_ تخرجي من الجامعة وراها الله كريم
_ الله كريم وإذا بي خير الله يقدمه
_ اكيد حبيبتي
صارت الساعة بال٩ بالليل اجه ابوي واليوم يبات يمنى هو كل يومين وثالث يبات يمنى بالاسبوع مرتين يبات يمنى وبقيى الايام يبات يم مرته الثانية ام حازم وحدة خبيثه حيل مرت ابوي الثانية والصغيرة ماتخلي ابوي يجي
لعدنا تمنعى بيى طريقة
امي جانت تنقهر حيل من تشوفها ويا طالعين الامكان وهي ولا مرة يطلع وياها بس سواد الليل يجي لعدنا وقت مايكون
يشتاق لبيبي راد ياخذها يمه بس مقبلت كالت ابقى يم الحبيبة اللي تلمني بكبري مو يم الحية من
اول وكعة لي تشمرني
أني وافراشي بره الشارع حجي بيبيتي صحيح هي وحدة انانية حيل وتحب بس نفسها وخلفتها وتريد الخير
كله الها ولبيتها وعيال بيتها كعدت بالهول يم
اهلي اخوي كام وكال
حسين_ طالع بره يم ربعي
بيبي _ الله وياك بيبي دير بالك على نفسك
_ إن شاء الله
طلع حسين رجع حجه وياي أبوي "
كومي زهراء جيبيلي كلاص جاي
كمت سويتله الجاي ورجعت خليته كدامه بكلاص هو متعود يشرب بكلاص يحب الجاي هواي كامت
بيبيتي وكالت ..
_ تعاي زهورة وديني انام
كمت كاودتها لأن مبيها حيل تمشي مرة جبيرة بالعمر عمرهاا 80 سنة لبكدها شبعانات مي ورد وبخور هههه الله يحبنه وبقاها لأنه خيمة وديتها الغرفتها عدلت الفراش تمددت فوك الجرباية غطيتها كالتلي .. وأنتِ هم تعاي نامي
_ فدشوية وانام اريد شويه ابقى ويه ابوية
_ تعاي نامي هو جاي علمود امج يريد شويه ياخذ
راحته وياها وأنتِ شكو يمهم
خجلت .. اممم
_ تعاي نامي بصف بيبيتج يبعد روح بيبيتج
_ ماشي
جبت افراشي فرشته بصف جربايتها بالكاع وتمددت عليه اباوعلها وتباوعلي .. بيبي
_ هاا
_ مشتاقة الجدي ؟
_ لا عسا نام لا كام
ضحكت .. ههه ليش
_ ولج بيبي جان مسود عيشتي لا ليلي ليلي ولا نهاري نهار كل يوم اطلع اشتغل بالكاع واحرث واصخم وعدنا حلال كل هذا الشغل اسوي هو ماعاجبه وجان يضرب ويقسي وياي
شلون تريديني اشتاقله بعد
_ والله بيبي بعد مادري بس لازم جان يحبج ويحرص عليج
ضربتني ابيدها على راسي "
انجبي أنتِ ام الحرص وانحمي لو اكوم ابتلي بيج انحميي .. تهي بهي تكلي يحرص هو يعرف شلون يحرص على
بني ادم علمود يحرص على مرته
انطتني ظهرها ضحكت بسكوت همست ..
خل اسكت قبل لا انكتل هههه
كعدت ثاني يوم لبست نفنوف طويل للكاع وفوكة عباية و اخذت الجنطة بجتفي وكتابي وطلعت بره
وكفت انتظر هند .
اجت هند وكفت بصفي "
صباح الخير
_ صباح الانوار ، اجه ابو الخط
_ايي اجه هوينه
وكفت السيارة جانت من النوع ستاريكس بيضة صعدنا سلمنا وكعدنا مسافة الطريق وصلنا للجامعة شفت حمزة
وصديقه واكفين بوابه القسم
مكدرت هالمرة ماباوعله باوعتله بسرعة البرق بس معرف شلون لمحني اباوعله باوعلي بابتسامة خفيفة فتت منيمه مايبعد فقط خطوات اقدام سمعته كال ال صاحبه
حمزة_ هواي بنات يباوعلي بسر وأني
اعرفهن واحدة وحدة هههه
يرد صاحبه_بضحكة "
هههه منو بلا منهن ؟
حمزة_ القديمات اولهن ههههه
نقهرت حيل من هيج كال راسن دخلت الجامعة شبعانه قهر بقيت اكل بروحي أكل وين مااروح اشوفه كبالي
بالقاعة كبالي كاعد
اطلع اشوفه كبالي جنه مثل القسم وهو بالعمدة يجي كدامي ويسولف ويه البنات ويتمضحك بصوت عالي يتباهه بروحة صراحة جنت بأول السنة انقهر من اشوفه ويه بنات غير بس هسه لا ما اهتم أبدا وحبي ومشاعري موتتها
بداخلي مستحيل اخليها
ترجع فديوم من الايام لهيج إنسان نذل مجان يستاهل حبي اله جان أول حب بحياتي وأول دقات قلبي بس معى للاسف جانت للإنسان الغلط برغم اكثر من شخص اجه وعترفلي بحبه بس رفضت علموده هو وهسه
كرهت الحب وسوالفه وصارت الثقة عندي معدومة بيى رجال مهما كان صادق بمشاعره اجه واحد من
الشباب يسئلني عن هند
_ اكلج زهراء هند وينهاا
_ ليش تسئل عنهاا ؟
_ اريد اسئلها عن وحدة من البنات هنا تعرفها لا
_ ليش أنت يامرحلة ؟
_ الثانية انتو مو الاخيرة
_ ايي ليش تسئل على البنية وهند صايرة مديرة أمن
استخبارات بالجامعة ومندري ؟
_ لا موهيج بس البنيه عاجبتني من المرحلة الثالثة وحبيت اسئل عنها مرتبطة لا هيج يعني .
_ مرتبطة شنو تدور معلومات عن بنات الناس
ارتبك وكال .. معجب بيها واريد اصارحها
بحبي حرام لو عيب ؟
_ تصارحها اليوم ومن تقبل بيك راح تاخذ لتريده منها وراها تشمرها شمرة الحذاء القديم مو ...حرام عليكم بنات
الناس مو لعبة عندك وعند غيرك
باوعلي بعدم فهم ،؟ وكال " زهراء شبيج ؟.. ليش هيج تحجين وأصلاً أني مو من هذا النوع
كمت اخذت كتابي بايدي وكلتله بحدة "
أصلا كلكم من هذا النوع تضحكون
عالبنات بسوالف الحب
عفته ومشيت اجت بصفه هند سئلته ...
شبيهاا مشت بسرعة ؟
_ ماعرف سئلتها عنج وعن البنيه وهي كامت
تحجي بكيفهاا وعصبت ومشت
_ عوفك منهاا هاي هي ماتحب الشباب أبد
شتريد من عندي ؟
_ ليش ماتحب الشباب ؟...امم لازم عدها علاقة فاشلة سابقا
_ ماعليك أنت وكول شعندك
_ على العموم اكو بنية بمرحلة الثالثة اسمها عروبة تلبس عباية تمشي ويه وحده سافرة تعرفيها مرتبطة لا
_ عروبة اي اعرفها بت جوارينة هاي شتريد منها ؟
_ مااريد غير الخير والله
_ اذا نيتك خير الها الله يوفقك و اذا لا الله ينتقم منك من هسه اكولك بنات الناس مولعبة كول الصدك احسلك
رايدها حلال لو تكضية وقت
_ لاوالعباس ابو فاضل نيتي خير واريد اتقدملها
_ ماشي هي مامرتبطة وعمرها 22 سنة واذا تريد روح واحجي وياها وكوللها اريد اتقدملج
وشوف شنو جوابها
_ استحي احجي وياها تعاي وياي أنتِ
_ ههه ولك ماراح تأكلك البنيه
_ اعرف بس ما احب تاخذ عني غير نظرة أنتِ احجي وياها بلاول وانطيني الجواب علمود اروح احجي
وياها ماشي
_ امممم ماشي
_ شكرأ والله ماراح انسالج هالخدمة
_ عفوأ .. بس منو كالك عني أني كل الجامعة
اعرفهاا وتواصل ويه الكل
_ سئلت وكولولي عنج استخبارات هههه
_ اجتماعية مو استخبارات ، شنو اسمك شكد عمرك
_ محمد الجواد عباس عمري 24 سنة من النجف الاشرف
_ عمرك 24 سنة ومرحلة الثانية ؟!
_ ايي جنت ارسب بالعدادية والابتدائية مو
زين وصلت للجامعة
_ ههه زين وصلت ، احجي وياها وردلك الجواب تمام
_ تمام
بدت المحاضرة رحت ادخل للقاعة بالباب لطخت بواحد ماعرفت منو وكع كتابي بالكاع نزلت للكاع اخذ
الكتاب نزل وياي شخص اصلا ماباوعتله
كمت الم بيهم لزمت الكتاب لزم الكتاب وياي باوعتله تفاجأت هذا حمزة سحبت الكتاب من ايده بقوه
وكمت احاول امشي
_ لحظة
مرديت عليه احاولت افوت من بين الطلاب جانوا
جاي يدخلون القاعة
_.اريد احجي وياج
بدون ما اباوعله سحب نفسه وفتت للقاعة يباوعولي الطلاب بنظرات شك هو اجه كعد بمقعدة ويباوعلي ما باوعتله اصلا فتحت الكتاب وسويت نفسي اقرأ
دخل الدكتور ياخذنه محاضرة وراها انتهت المحاضرة وانتهئ الدوام اجت هند علية جنت امشي
_ اكلج شبي حمزة وياج
_ شبي
_ يكولون متلاطخ وياج بالباب القاعة ونازل يساعدج بس أنتِ مقابلة ورايد يحجي وياج وأنتِ مطنشته
_ عززة منو وصلج هالاخبار
_ هاي إحنا أستخبارات عدنا بالجامعة شيريد منج ؟
_ ماريد اعرف شرايد ولا طايقة شوفته وعلي
_ على كيفج شبيج زهورة
_ انعل اب.. استغفر الله جان خلتني اشتم ابوي منوراه لا تجيبي طاريه كدامي اترجاج هند سدي سيرته
حمزة" بالعمدة نصدمت بيها اردت احجي وياها بموضوع عرفته عن طريق أمي هي مقبلت ماعرف شبيها
ماتتحمل شوفتي كدامها
وأني كل يوم بالعمدة اوكف كبالها بره وبالقاعة اريد احرك قلبها اريد اخليها تغار علية وتلحكني تصير بس ماكو اي رد فعل منها وهذا الشي مضوجني جان
طلعت للقسم الداخلي هو جان عبارة عن بيت أجرنا مجموعة من الشباب من اهل بغداد كعدت اجه كعد بصفي ابن خالي محمد وياي بنفس القسم .
محمد _ هاا شبيها الخاتونة
_ ماتقبل تحجي وياي شبيها
_ حقهاا ترى
_ الماضي ومضى ومات خليها وحدة سبورتية هاك بعض البنات مو جنت وياهن بعلاقة اشو ما سون
مثلها وزعلن معندي
_ هاي روحها عزيزة وكبريائها عالي
_ احطم كبريائها باللحظة وحدة
_ اكعد راحة وعوفك منها اخذت لتريده منها وخلص
_ وشاخذت منها نعال بوسة ما اكدرت اخذ
_ صدك ؟
_ اي والله جانت تعاملني جني صديق لها مو حبيب اطلب منها سوالف ناعمة متقبل تكول حرام خبلتني كله
بالحرام وبالحلال تحجيلي
_ وهاي البنيه المعدلة هههه
_ تضحك حيوان
_ وأني عبالي ماخذ كلشي منها ثاري نعال لاستيك ماماخذ منها والله خطيه أنت هههه
عافني وراح صحت عليه ...
وأني عايزلها الف وحدة تتمناني ما عايز لوحدة
معقدة ومتخلفة ام عباية
باوعلي بضحكة "
واضح ماعايز هههه
_ بسيطة تتمسخر ..أني اعلمك
_ الله وايدك تعال علمني بدل الدكتور
_ نذل وابن نذل
_ طالع عليك نذل غير هههه
بقى يضحك ويتمسخر علية وأني دمي فاير عليها صارلي سنتين من تاركها بس مكدر اشيلها من راسي لأن ما
اخذت كلشي منها بقت حسرة علية
حجاية الحلوة والناعمة وياها ردت ابوسها لزم ايدها مثل كل عشاق بس هي جانت متقبل عرفت شلون تحافظ
على روحها من عندي
فعلا نجحت بذالك برغم بعدي عنها بقت روحي تريد تاخذ كلشي منها ونار بعدها بقلبي مشتعلة تجاهلني
وماتباوعلي هاي احسها إهانة
بحقي أني شمرت روحي عالفراش وهم يضحكون ويسولفون
جنت انتظر لحظة التخرج لحظة لحظة علمود اكدر انساها واشيلها من بالي لان عششت جوه دماغي مدامها
كبالي تحجي وتضحك
وقت الليل بعض شباب طلعواوالبعض نام تعبان جان وأني كعدت بفراشي بايدي الموبايل أقلب بي أتصلت
علية أمي رفعت الخط
_ الووو
_ شلونك يمة اخبارك دراستك شلونهاا
_ تمام
_ شبيك بس تمام تعبان اخاف
_ ايي
_ سودة علية يمة يلا لعد ارجع نام وستراح
وبعدين احجي وياك
_ توني كعدت احجي شعندج
_ راح احجي لكيتلك فد بنية بت ناس وعالم
_ خليتيها براسج بعد إلا تزوجيني
_ بعد شعندك الجامعة وراح تتخرج منعدها ولازم اشوفلك بت ناس وعالم علمود تكون حياتك واشوف
خلفتك حمزاوي
_ سوي لتردينه بس اهم اهم شي حلوة
_ حلوة وتخبل لا تشيل هم بس انتظر يدزولي
صورها علمود ادزهن لك
_ انتظرج
_ باجر كالولي ادزلج صورها بت خالها
_ لحظة هي من وين من بغداد
_ لا من النجف الاشرف يمك يمة
_ ههه بنت النجف ويه ابن بغداد حلوة هاي
_ اكيد حلوة يلا راح اروح ابوك اجه
_ ماشي باي
سديت الخط وضحك .. بت النجف براسي طابعة بت النجف وراح ازوج بت النجف شنو القصة ماراح انسى
بت النجف زهراء
زهراء "بالجامعة طالعين نأكل بالكافتيريا اباع لهند ماتأكل وعيونها لكدام تباع بنظرات غاضبة ماعرف عليش اشرتلها بعيوني ماكو اي رد فعل منها عاد نزلت
لفتي كدامي والتفتت شفت ريان طالب ويانة بالقسم ويه بنية أعتقد من اقاربة جان يباع لهند من شافني لتفتت راسن سحب انظاره وسوه روحه يشرب عصير
رجعت اباع لهند تدك بصابعها على الطاولة ....
_شبيج ؟
_هذا ريان راح يجيب آخرتي
_ليش شسوالج ؟!
_أنسان حقير ومخادع
_لابالعكس كلش خلوق ومحترم ماشفت منه شي
صارلي اربع سنوات ويا
_دنجبي شمعرفج بي الوجه امراية والكفه سلاية
_شكو شصاير هند
سحبت ايدها وكامت بسرعة اخذت الجنطة خلتها بجتفها ...
ماتحمل أبقى بالمكان لهو بي كومي
_شكو ولج بعدني ماماكله أكلي ارجعي اكعدي واحجيلي
_دشبعي هاي اكلي هم اكلي وياج
_هند شبيج ؟!!
خلتني ومشت ماتحملت اخذت اكلي واكلها وكمت وراها امشي عليش ابقي أكلي على الطاولة ويجون الطلاب ياكلوه على الحاظر واني ادري اذا رجعت للبيت
مراح الكه اكله محترمه لي أكلها كعدت وخلت الكتاب والجنطة بحضنها بقوة وكفت كدامها ...
_شبيج ويه ريان ؟!
_مابي شي
_شلون مابيج شي عيونج تباوعله بغضب وحتى اكلج مااكلتي وطلعتي بسرعة من الكافتيريا
_ماحبه واضوج من نظراته
_قابل شمسويلج وتضوجين منه والله ريان ذرة ذهب
_واضح هاي جايبة ،!.؟
_اكلج واكلي
_شلج بي
_شنو شلي بي مو اشتريناه بفلوس لمن اعوفه للولد لو للبنات يأكلوه على الحاظر وتدرين بي اجدي العشرة جدوة من أمي واخوي حسين ... هاج اكلي
_نسدت نفسي اكلي أنتِ
كعدت بصفها خليت اكلها بحضنها تعاندت وياها واخليتها تاكله ادري بيها لافت الشغلة وسدت سيرة ريان ماعرف شمسويلها الولد بس ادري بي ذو
سمعة طيبة بالجامعة
ومحد مشتكي منه لليوم محتمل هي ماتحبه علمود أشقر من جانت طفلة صغيرة تكره الولد اللشقر وتتخبل منه وأني هم ماحبيت اتدخل واسئلها بعد مادامها ماتريد تحجي .
بدت المحاضرة دخلنا ريان اجه كعد بصف هند هاي تخبلت رادت تكون تغير مقعدها ويه وحدة من البنات دخلت الدكتور بسرعة رجعت لمكانها تدري
بالدكتور ستار متعصب جدآ ومتشدد مايقبل على أبسط الأمور رجال جبير بالعمر وعنده أفضل طلاب ريان
لأن شاطر القسم مالتنا
المهم أني بصفها كاعدة اباوعلها بس ماتريد تنفجر وخطيه الولد يباوعلها بنظرات عادية مابيهن شي مو مثل حمزة باوعت بمقعد حمزة جان فارغ مداخل للمحاضرة
الحمدالله خلصت منه كوم الدكتور ريان يشرح والله شرح بكل هدوء اباع الهند ماتباوعله تباوع صفح صاح بيها الدكتور فززها من مكانها خطيه رادت تموت
من الخوف كلها تخاف منه عاد أنتبهت كتمت ضحكتي بيني وبين نفسي أبد أبد ماماكله رزالة من دكتور ستار أني طالبة محبوبة وخلوقة وتحظر الواجب
وتحظر اليومي عكس هند.
كمل شرح ريان كوم هند مرتبكة مادري ... شبيها تعاند وياها إلا تشرح عاد شرحت شوي وصارت تخربط الطلاب على الصامت محد يضحك لو يطلع صوت
عاد تدخل ريان .
ريان_دكتور لو سمحت عاوزك بموضوع
دكتور ستار_خيرك ريان موضوعك بنص المحاضرة ؟
ريان_والله يادكتور تدري بي انسى بسرعة الحجايات وأني المفروض اكولك الصبح من اجيت بس نسيت عاد هسة تذكرت وكلت اكولك قبل لا أنسى
الدكتور_ماشي تعال يلا ارجعي بمكانج اليوم سماح المرة الجاي ماكو سماح وهاي كدامكم كلكم لمايجي محظر ياويلي ياويله اشوفه انجوم الظهر والقرآن
رجعت هند بس ماتريد تبجي كام ريان وكف يمه كلها انصدمت ليش متساهل ويه ريان ويشكوله يكول اي وكف يمه يحجي بصوت ناصي عاد الدكتور ضحك
بصوت عالي وهاي أول مرة نشوفه يضحك وريان يضحك ويا خله ايده على كتف ريان وكال
الدكتور_ ههههه بس أنت تضحكني
ريان_ ان شاء الله دوم خ ... العفو دكتور
ماعرف راد يكول كله خالي او غيرها بس حسبته راد يكول خالي وراها بلعها دقائق رجع ريان مبتسم الوجه كعد بمكانه يباع لهند هي المسكينة بعدها متأثرة
بالرزالة حسيت نظرات ريان تحولت إعجاب لهند المهم إنتهى الدوام والعصر هند اجت لعندي فتحت وياها موضوع ريان شيصير من دكتور ستار كالت ماعرف والله
بس محتمل كبير اكو صله قرابة ويا بس ويا متساهل ويضحك ويانه معبس جنه وجه الدبس ويكتلك
القهر عيونه زرق تخوف
_هههههه لا حلوات
_حلوات ميلهن حلوات من يباوع احس يريد يأكلني أكل بنظراته عوذ بالله اشوف إبليس ولا اشوف دكتور ستار
وريان ويععع يلعبون سبع أرواح راح ازوع
عليج وخرييي
_ههههه
راحت دخلت للبيت وأني خربانة ضحك عليها احس بيها هواي تبالغ ريان جميل كلش والدكتور ستار ادمي جبير وجميل المظهر ومرتب كلش مادري ست هند شبيها ؟!
ويه البشرة الاشقراء وعيون الزرقاء ِ'
المهم مرت أيام واجه يوم موعد التخرج من الجامعة جنت فرحانة كلش راح اتخرج واخلص من شوفت
حمزة كاليوم مصبحة بخلقته
كعدت الصبح بدلت لبست عباية كالعادة اني احب الاحتشام وزي الزينبي مكياج خير شر مااخلي رحت يم اهلي طلبت
من امي تروح وياي بس مقبلت وكالت ..
_ والله يمه مكدر اروح بيبيتج واحدها بالبيت
_ أني مو كتلها اخذج وياي هي مقبلت لعد منو يروح وياي بهيج يوم حلو ومهم بحياتي ؟
_ شسويلج يمه بعد مانكدر وبيبيتج ادمي جبير بالعمر مبيها حيل تمشي اخذي وياج وحدة من اخواتج من ابوج
_ طلبت من أختي وكالت مكدر جهالي وحدهم بالبيت وعمتي متعاركة وياي متكدر تخليهم يمها و اخواتي من
ابوي امهم متقبل تدزهم
_ روحي الوحدج لعد
_ والله فشلة جبيرة اروح الوحدي مناك أصدقائي كلها اهلها وياهم إلا أني ماراح يكولون وين اهلج ؟ ليش مو وياج بهيج يوم مهم بحياتج ونجاحج بالدراسة
_ استغفر الله ناس شعليها ......روحي يمه احتفلي وجيبي الشهادة وتعالي شكو قابل هي حفلة
ضجت مرديت عليها محد يقبل يجي وياي كلها تطلع أعذار واخوي مايقصر بس خطيه عنده شغل طلعت بره رحت يم هند جانت جاية وياها اختها المزوجة وامها
وبنت خالتها خووب مثل حظي محد اجه وياي شبعت قهر دمعة بطرف رموشي صارت همست هند بذأني ..
_ ليش الوحدج جايه ؟
_ محد.قبل يجي
_ ليش ؟
_ كلها عدها شغل وامي بقت يم بيبيتي واخوي عنده شغل
_ يلا امي هنا وهاي كلها هنا لا تشيلي هم معذورين
_ ايي معذورين .. ويه منو نروح؟
_ هسة يجي اخوي احمد ياخذنه
اجت يمي وكفت بت خالتها دلال وكالت ...
الله ...طالعة تخبلين زهورة
ابتسمت بخجل ورديت "
عيونج الحلوات حبيبتي
دلال _ شكراً ، اي حياتي وين اهلج اشو محد وياج ؟
ابتسمت بوجهها بتسامة كذابة ...
والله بقوا يم بيبيتي خطيه تعبانه واخوي طلعتلة
شغلة مستعجلة وطلع
ام هند_ هي امها كالت مانكدر نروح علمود عمتي خطيه ادمي جبير بالعمر ويحتاجلها مداراة وهاي أني هنا وهي
مثل بنتي هند زهورة
باوعت على عمتي "
شكراً عمه ماتقصري
_ بنيتي أنتِ هم
ابتسمت اجه احمد وكال"
السلام عليكم... شلونج زهراء
_ وعليك السلام احمد الحمدالله بخير أنت شلونك ؟
فتح باب السيارة ونظاره علية وكال "
الحمدالله بخير يلا تعالوا اصعدوا
صعدنا بالسيارة وراها حرك نص ساعة وصلنا للجامعة نزلنا نزل ويانه يمشي...... فرحت بي الصراحة احسه مثل أخوي حسين الحمدالله بيت عمي هنا
وحظروا وياي صح حزنت ونقهرت بداخلي لأن محد اجه وياي بس فرحت بشوفه بيت عمي ويه هند وياي واكفين
هم هم من الأهل
بدت حفلة التخرج جنت فرحانة حيل وراها أخذنا صور جماعية احنا وطلاب والدكاترة القسم اجه
حمزة اخذ ويانه
تمنيت بهذيج لحظة ابطل ما اخذ ولا صورة بس لزمتني من ايدي هند وكالت _ اكعدي لتبيني كدامه
متأثرة بي خليج قوية ومتماسكة
كعدت وسكتت كملنا صور رحت واجت وياي وكالت ...
شبيج ضايجة بس اليوم اتحملي
وكفت كبالها _ والله كوة لازمة روحي كباله اكره
حيل واكره شوفته كبالي
_ مو دا ي اكولج اتحملي بس هالساعات القليلة وبعد ما تشوفي ركعة وجه للموت
_ ياريت والله مااشوف ركعة وجه للموت
_ ههه بعد وين تشوفينه الجامعة وخلصت
ابتسمت من هيج كالت لزمت ايدها "
يلا خل نرجع نكمل إحتفال واننسى
حمزة للأبد
_ هههه لي للأبد راح ينسي
_ اكيد
رجعنا نحتفل ويه بقيه الطلاب والاهل هواي من البنات سئلوني عن اهلي جاوبت بدالي هند وكالت بيبيتي مريضة وهسه هم يمها واحنا طرينه نجي علمود حفلة التخرج
صدكوا عاد بسرعة كلما يسئلون اني اضوج وانقهر انتهت الحفلة تعبت حيل وكال
احمد _ بعد نرجع مو
هند_ ايي نرجع
احمد _ يلا لعد امشوا .... لو عدكم شي أنتو الاثنين؟
زهراء _ ايي والله اريد اشوف صديقتي اسلم عليها وارجع
احمد _ روحوا سلموا وارجعوا انتظركم بره
راحوا الأهل واحنا رحنه ندور على صديقتي ردت اسلم عليها مادام اليوم اخر يوم النة هنا بالجامعة لكيناها سلمت
عليها أني وهند وكنالها مو تكطع بعد
وماتسئلي كالت _ لاا راح اسئل وكلما اجي للزيارة
راح امر بيكم والله
كتلها بضحكة "
أهلا بيج حياتي اشرف بجيتج لعدنا
كالت _ متقصرين زهورة
بقينه نحجي ونحجي ما احسيت الا حمزة كبالي واكف ويا بنية بشرتها سمره ......سمينه مخليه الشال شمر على راسها ملامح وجهها خشنه
ماتشبها هو حلو صح ما انكر بس هاي جكمة منو ؟ جانت لابسة نفنوف طويل للكاع بلون البيجي وشعرها
مفتوح بقيت صافنه بوجهها
همست هند لصديقتي "
هاي منو ويه حمزة ؟
كالت _ هاي اخته الجبيرة
هند _ عزززة لاحجاب ولاشي
ضحكت وكالت "
ههه بنت بغداد هاي يابة وهم عادي
عدهم البنية متلبس حجاب
هند _ شكلها جنه شكل جبار الحارس المدرسة الابتدائية هههه
زهراء _ اششش حرام عليج تعيبين على خلقة الله
مرام _ بس صدك حجي هند تخرش واخوها حلو
على منو طالعة جكمة خطيه
هند _ يجوز على ابوها طالعة ههههه
زهراء بقوا يضحكون ويتمسخرون وأني مقبلت لأن اكره احد يعيب على خلقة الله رفعت راسي وباوعت اجت عيني بعين حمزة هو ابتسم ابتسامة جانبية
سحبت انظاري وكمت "
يلا حياتي أني رايحة أتواصل وياج
عود على الواتساب
كامت هند وكالت "
ايي اكيد نتواصل
مرام_ اكيد حبيباتي صله الرحم حلوة بين الأحبه و الأصدقاء
زهراء _ ماكو احلى من صلا الرحم والله
دقيقة بقوا يحجون .... هي وهند ابد مايسكتون بس حجي وحجي اكن صريحة تفاجأت بشكل اخته لاحجاب ولاشي مستور شلون تكدر تمشي بهيج مظهر
كبال العالم كلها ... بدون خجل وأني كبال ابوي استحي اذب الشال والله اخجل لأن ميدخل علينا هواي وصار سنوات مشايفني بدون حجاب
دا نمشي وأني شاردة .... بخيالي ماحسيت الا واحد ردمني بجتفي بقوة ردت اوكع بس لزمني من ايدي عطت ..
_ اااه
حمزة _ الله الله ...زهراء خوما صار بيج شي ؟
التفتت عليه بسرعة شفت حمزة لازم ايدي ويباوعلي راسن جريت ايدي _ ايدك !؟
ابتسم وكال _ مبي شي بس ضربتج بالغلط اسف
زهراء _ لاموغلط متعمد
هند _ زهراء امشي خليولي
حمزة _ انجبي هند شنو خليولي أني متعمد قابل
لو دا اتحرش بيها اعتذرت وخلص
هند _ أنت دومك تتعمد تسوي حركات قذرة
حمزة _ جنت هسه لا
زهراء _ ابد ماتتغير واحد ... استغفر الله
حمزة _ واحد.شنو ؟ كملي ليش سكتي واستغفرتي ربج
زهراء _ امشي هند خالنرجع مااريد اعكر مزاجي
بهيج شكولات مقرفة
اخذت هند ومشيت وأني ادري بي تعمد وضرب كتلها "
_ شفتي شلون ضربني شفتي ؟
_ ايي شفت ترى متعمد والله
_ ادري بي حقير الله ياخذه شيريد مني بعد السواه
_ نذل واطباعة نذلة مثله خليولي انسي الصار
_ مايهمني اصلا بس عيب كبال الطلاب هيج سوه
شفتي كلها شلون جانت تباوعلنه
_ اووي خل يباعون مايهموني والله الاهم خلصنا
وانتهى شغلنا هنا
_ ايي صح
حمزة "جنت اباوعلها من بداية الحفلة لحد النهاية اريد منها تباوعلي ولو لحظة وحده .....ماكو منها أي شي ولا رده فعل ضجت حيل ما احب احد يتجاهلني
جانوا وياي اهلي كلها اجوي ....وياي يشاركوني بالفرحة التخرج استغرب زهراء ماكو احد من اهلها وياها بس بيت عمها واني اعرفهم هي معرفتني عليهم من قبل
اجه وكف بصفي يتمضحك محمد ابن خالي وكال
حمزاوي ليش ضربت زهراء ؟
ابتسمت _ وأنت شعليك
_ اعرف معلي بس ليش ضربتها ولزمت ايدها
شلون جانت الغاية منهالحركة ؟
_ مودا اكول ماعليك أنت
_ موابيدي ماتدخل حاب اعرف
_ انسى جانت صدفه لا اكثر
_ اممم صدفه ليش تنكر أني شفتك بعيني مشيت من يمها وضربتها بجتفك متعمد ورادت توكع لزمتها من ايدها
على اساس ساعدتها شكد نذل
_ حاظر المقتل من البداية لحد النهاية
_ موبس اني كلها شافتك شسويت وكل أثنين
يحجون بيك والله
_ هههه مايحجون
_ هسه ماكلت ليش
_ بكيفي ماعليك أنت يلا امشي خل نرجع عالقسم نجيب غراضنا علمود نرجع عالبيت
_ ماشي ماشي لتكول خليك كتوم
_ هههه أحسن
زهراء طول الطريق أفكر بي وليش سوه هيج وياي ولطخ بي كبال الطلاب كلها وفوك ..... كلشي لزم ايدي على اساس ساعدني لازم اكو وراه غاية هذا ؟
والله اعلم شنو غايته منهالحركة رجعنا عالبيت لكيت امي يم بيبيتي باركولي وكالت اليوم بالليل اسويلج حفلة صغيرة ونحتفل بيج
فرحت حيل راح يحتفلون بي واني عبالي ناسيني امداني والله اجه العصر جاب حسين كيكة فتحتها شفت عليها صورتي مالت التخرج كلش عجبتني
وطرت من الفرحة عزمت بيت عمي اجت هند وامها وأحمد وعمي وابوي هم اجه واخواتي انفال رهف بس مرت ابوي مااجت اعرف بيها مراح تجي
متحب تدخل علينا بس مرات تدخل مطرة علمود بيبيتي وحده حقودة معرف ليش ؟ حاقدة برغم هي
المرة الثانية مو من حقها تحقد
والله سوينا الحلفة ويه... الاهل فرحت كلش وياهم اخواتي احبهم كلش وهم هم يحبوني الحمدالله ماطلعوا على امهم حاقدين طالعين على اهل ابوي
طيبين ويحبون صلا الرحم انتهت الحلفة خابرت مرت ابوي على أنفال وكالت لازم يرجعون بعد تأخر الوقتخطيه رادوا يبقون بعد .. بس مقبلت كامت تصيح بالجهاز عليهم كتلها _ روحوا حياتي لتخلونها تضوج منكم
هاي امكم
انفال _ دومها متقبل نبقى هنا هواي نص ساعة وتعالوا
زهراء _ أنفال حياتي أنتِغير تخاف عليكم
انفال _ ومن شنو تخاف هذا بيت ابوي هم وانتو اخواني
رهف _ دومها هيج امي وحدة متخلفة اريد اكول
انفال _ حجيج صدك متخلفة طالعة على اهلها
زهراء _ ولجن عيب لاتحجون على امكم لامومتخلفة بس متحب تبقون خارج البيت واني وياها
كامت انفال منزعجة"
_شتكولين لعد اكيد تطبكين وياها
كامت رهف ضايجة"
دافعي أنتِ... وأنتِ تدرين امي ماتحبكم وتتخبل منكم
زهراء _ منو كال متحبنه ؟
انفال _ هي تكول وانتو تدرون بعد
رهف _ من قبل امي متحبكم وماعرف ليش ؟ بس
احنا نحبكم والله ونموت عليكم
زهراء _ واحنا هم نحبكم ونموت عليكم غير انتو اخوانه الحلوين واخر العنقود هههه
كامن يضحكن شويه لطفت الأجواء خطيه من كلشي حارمتهن لاتخليهن يطبن لاعلى عم لو خال لو اهل من
المدرسة عالبيت
والزيارة بيدها تاخذهن تخاف ...... من الهوى الطاير ماعرف عليش خوب أني اخذ هند واروح أزور الامام كل يوم العصر نصلي صلاة المغرب والعشة ونرجع
مرت أيام والأسابيع و سمعت اجايين خطاب على أختي انفال واحد من بغداد .....من اقارب بنت خالت امها يكولون خوش ولد واهله ناس زناكين
بيبيتي مقبلت وكالت "ب
عدها طفلة يادوب عمرها ١٦ سنة
وينها وين الزواج هاي
امي _ والله أني هم اشوفها صغيرة مومالت زواج
زهراء _ وابوي شيكول ؟
بيبيتي _ وابوج يكدر يحجي حجاية هو مرتة
مطيحة حظة وحظ الخلفوه
امي _ سمعت راح ينطونها
زهراء _ خطيه مومال زواج والله ناعمة حيل وبعدها دا تدرس خل تكمل دراسة والله
كريم للزواج
بيبيتي _مدام واحد زنكين وابن بغداد اكيد مرت ابوج انطتها من هسه من يومها تحلم تزوج بناتها خارج النجف الاشرف علمود تديح بالمحافظات
امي _ لاا عمة موهيج بس القسمة الزينة صعب تنعاف
زهراء _ ياقسمة هاي يمة بعدها طفلة وينها وين
سوالف الزواج والمسؤولية
بيبي _ طبها مرض خل تزوج احنا شكو بيهم كومي زهورة سويلي ستكان جاي كومي
كمت وكتلها _ بيبي ضايجة حيل على انفال
بيبي _ ماكو فايدة احجي واتعب روحي اعرف
منطينها وخلص الكلام
امي _ كالولج منطينها ؟
بيبي _ محد كال بس أني اعرف مرت ابني شنو وكلمتها هي الماشية بالبيت مو كلمة ابني العار
زهراء _ استغفر الله العظيم
بيبي _ روحي جيبي الجاي شكو واكفه امشي
رحت عالمطبخ سويت الجاي صبيته لها خليته كبالها "
تفضلي بيبي الف عافية
رن تلفون بيبي كالت "
كومي شوفي من يدك
كمت رحت جبته من الغرفة جان ابوي فتحت خط "
الوو هلا يابة
_ هلابيج يابة ودي الجهاز لجديتج
_ ان شاءالله
رحت وكفت كبال بيبي "
ابوي يريد يحجي وياج
دنكت انطيته لها "
هاا يمة شتريد داك ؟
_ شلونج يمه اخبارج
_زينه الحمدالله بخير
_ اكلج يمه حاب اكلج خبر
_ ايي يمه كول شكو
_ انطيت بنتي انفال وان شاءالله اليوم بالليل
كطعان المهر السيد
_ ايي والمنو انطيتوها ؟
_ الواحد من بغداد يكون اقارب بنت خال المرة خوش ناس والوادم وحالتهم المادية زينة
_ بيها الخير يمة بس مو بعد وقت انطيتني خبر
_ شلون
_ شلون ماكلت هاي امي اكوللها اخذ رأيها اشوفها تقبل لا مو مكمل كلشي وجاي تكول لماكايل احسلك
_ هي صارت بساع بساع بعد
_ صارت بساع بساع لا لي متكول المرة ماقبلت تكول تخاف يخربونها عليها وماخلتك تكول
_ اسف والله اسف حكج علية هسه جاي واحجي
وياج بكلشي وافهم بعد
_ لا تجي ابقى بيتك في امان الله
سدت الخط بوجه وكال _ حيوان منطيها وجاي يكول لومكايل احسله يخاف من المدام
زهراء _ منطينها ؟
بيبي _ ايي وبالليل كطعان المهر السيد مستعجلة
الجلبة مستعجلة
امي _ شكو الاستعجال غير يسئلون عن الولد
بيبي _ هاي تلكينها حايكتها قبل اشهر مو ايام ومخطة
لكلشي ماكو داعي تسئل بعد
زهراء _ وآلله مرت أبوي تحير
بيبي _ تحيرج وتحير زمانج وياج بيبي
امي _ الف مبروك شنكول بعد ربي يهني انفال بحياتها
خوش بنية الله يحميها
زهراء _ ايي انفال تستاهل كل خير ان شاءالله
يطلع خوش ادمي
بيبي _ جيبيلي مي زهورة ريكي يبس منوراه
امي _ عمة لاتحركي بدمج منوراهم ماتسوى والله
راح تتعبي وتدهور صحتج
بيبي _ تعبت وخلص
زهراء رحت جبت مي لها وعلاج كعدت كبالها انطيها وهي تاخذ كامت وكالت _ وديني ارتاح بيبي
اخذتها مكاود للغرفة عفتها عالسرير غطيتها كعدت بصفها " بيبي مقهورة من ابوي …!؟
باوعتلي _ ايي والله مقهورة محسبلي
حساب ولا جني موجودة
_ يجوز نسى يكول
_ لا تدافعي بيبي هذا ابوج من يوم يومه يسمع كلام مرتة ومايسمع كلام امه الحبلت بي تسع اشهر وشفت الضيم والضلايم بتربيته لما صار رجال
_ والله حقج بيبي تضوجي بس ..
_ اشش بيبي اعرف بيج كلبج طيب وتدافعي بكرون لابوج بس ابوج موخوش ادمي
_ لااا بيبي لتكولي هيج
_ لماموخوش ادمي مجان شمر مرتة الجبيرة واولادها بدون مصرف وفلوس ولا يسئل عليهم بس وقت الحاجة
وعيب الناس يدخل عليكم
_ موابيده
_ موبيده ام السحورة لاصمته قصدج
_ ماعرف ؟
_ انجبي أنتِ كلشي متعرفي بعدج صغيرة بيبي كومي
طفي الضوه اريد انام نعست
_ كايمة بيبي
كمت بستها من كصتها رحت طفيت الضوه انقهرت عليها حيل نامت مقهورة حقها والله حقها ابوي مايعترف بينه من أساس بس وقت مانريد نخابرة يجي
يمكن من عيب الناس يجي علينا هاملنة من احنا واصغار وهذا اخوي حسين ماكمل الثالث متوسط خطيه وراح يشتغل عمالة هنا وهناك علمود يصرف علينا
والحمدالله صار زلمة البيت بعمر صغير حيل وحمل المسؤولية كلها على كتوفه وهسه صار عندة محل مال ملابس نسائية واشغل يمشي بشكل حلو و
مكسب خير من الله
وصلوني اني بالدراسة برغم جانت الظروف كلش صعبة علينا ويادوب ندبر المصرف ...
راد يطوع عالجيش وامي وبيبي مقبلوا اخافوا عليه لان هل الواحد عدنا بالبيت والمعين النه السند ظهرنا وعامود
البيت كله حسين
وره العشة تعشينا .وكمت غسلت الماعين كملت كلشي وطلعت كعدت بغرفة مالتي أني وبيبي اقرأ قرأن فرشت
المصلاية كعدت اقرأ ....
سمعت صوت دك الباب فتحه واخوي كال .
_ هلأ بيك يابة تفضل
_ بيبيتك وينها ؟
_ هوينها بالهول ..تفضل
عرفت بي اجه يراضيها..... لأن زعلت منه علمود ماكاللها من انطه انفال بقيت اقرأ ... وره فترة كملت لفيت المصلاية ورجعت المصحف بمكانه بالمكتبة الخشبية معلكة
بالحايط بعدد أربع رفوف
طلعت بره الغرفة لكيت ابوي .... كاعد بصف بيبي ويحجي وياها هي مطنكره _ السلام عليكم يابة
باوعلي _ وعليكم السلام يابة
كعدت يم امي وكال اتقنعي بيبيتج
وتكوليلها تقبل تراضيني
ابتسمت _ بيبي شبيج ويه ابوي راضي وخلص فدوة
بيبي _ مابيه شي بيبي بس ابوج مو مال واحد يقدره
ابوي _ استغفر الله يمه شبيج ضايجة مو كلتلج غلطت وأني أعتذر لأن ماكلتلج وو...
بيبي _ راح اقبل اعتذارك بس مو علمودك كله علمود زهورة بس اذا عدتها مرة ثانية وانطيت وحده من بناتك وماكلت راح اتبرى منك إلى اليوم الدين
ابوي دنك عليها باسها من راسها وكال _ اوعدج وعد شرف ماراح اظم عليج بعد ربي لايحرمني منج
حسين _ وهذا منو لنطيتوه انفال وشنو شغلة ؟
ابوي _ واحد من بغداد أقارب عمتك ناس حالتهم المادية الحمدالله ولولد متخرج جديد من الجامعة شفتهم خوش ناس وسئلنا عليهم طلعوا ونعم من أصولهم
حسين _ هاا مدام خوش عالم مابيها شي
امي _ مو اكون اليوم يكطعون مهر سيد
ابوي _ ايي اكون اليوم بالليل بس صارت عدهم ظروف واجلوها على باجر العصر ان شاءالله
امي _ الله كريم
ابوي _ الله كريم
بقى ابوي يمنا لحد الساعة ١٢ بالليل وراها راح واني اخذت بيبيتي ورحنا نمنا كعدت الصبح ويه صلاة الفجر كعدت
بيبي صلت وياي وقرينا قرأن سويا
وراها رجعنا نمنا ...
حمزة" رحت شفت البنيه صراحة ماجنت قانع بيها عمرها ١٦ سنة صغيرة حيل وينها ويني ؟ هاي الطفلة بس من شفت شكلها ونعومتها عجبتني كلت اربيها على ايدي
على اكولت امي وأختي ربيها على ايدك وخليها تمشي كبالك مثل الساعة هسة بنات الكبار ماينجرعن ويمشن الرجال على مزاجهن قنتعت بيها جانت خجولة حيل
وصلا ماحجت وياي كلمة وحده خوب مثل زهراء لسانها جنه سيف ويكطع عربان ابد مايسكت بس شفت بيها ملامح من زهراء قريبة حيل اكون نكطع مهر بالليل
بس طلع عدنا ظروف وطرينه نرجع البغداد ثاني يوم حلينه الظروف ورجعنا نكطع مهر سيد ....
زهراء" راحت امي واخوي ....حسين وبيبي وبيت عمي هم راحوا هند اجت يمي بالبيت ردت اروح بس امي مقبلت
كالت ماكو روحه يوم الحنة تروحين
اجت هند.يمي .....بالبيت كعدنا بالاستقبال واحده مكابلة الثانية مطنكرات ...
_ ليش مقبلون ياخذونج
_ شمدريني امي مقبلت
_ وأني اهلي قبلوا بس والله علمودج مرحت
_ حبيبتي أنتِ ... اكلج هسة شلون العريس ؟
_ مادري والله يجوز يطلع اجكم يجوز يطلع صاك
_أني اكول صاك
_ وأني هم اكول بسرعة انطوه نفولة هههه
_ ايي عمتي حايكة كلشي طلعت من فترة طويلة
_ منوكال
_ بيبي كالت
_ بيبي شمدريهاا ؟
_ كلشي تعرف مو بناتها اجوي يمها الصبح وكالوا
_ هاا ايي شكو بيها اذا خوش ولد وابن ناس وعالم
_ بس صغيرة بعدها
_ ايي والله صغيرة وناعمة حيل مومال زواج بهل العمر ... اكلج تكمل دراسة لا
_ والله ابوي يكول لا راح تبطل
_ ليش تبطل
_ خطيبها ميقبل تكمل يكول أني اخذها واصرف
عليها ماكو داعي تكمل دراسة
_ حلال علية مكمل دراسة وماخذ شهادة وحرام على مرته شكد اكره هيج نوع من الشباب
_ ايي والله حجيج صدك حرامات الدراسة تنعاف منورة زواج
_ هاي كلها سوالف امها
_ ايي يكولون هي مقنعتها بي
_ شكد اكرهاا تدرين
_ ههه ايي ادري والله واني هم ما أحبها ابد بس احترمها علمود جبيرة ومرت ابوي وحترام الجبير واجب
على الصغير
_ اعلم ذالك عزيزتي ههههه
_ هههههه
_ اتحملي شوفه العريس أسبوع او شهر
_ اتحمل والله اتحمل ههههه
وره فترة رجعوا اهلي وبيت عمي كعدوا بالهول كعدنا يمهم اني وهند حجه حسين
حسين _ احمد شفت اخته الجبيرة شلابسة
احمد _ من جوه ترضي عبدالله ومن فوك ترضي
الله الله الله ههههه
هند _ سافرة اخته ؟
حسين _ ايي والله
احمد _ لابسة بنطرون وفوكه قميص فوك الركبة يادوم مغطي شسمه ... استغفر الله العظيم واتوب اليه
حسين _ عيب هيج لبس جاية بي لبسي هناك عادي
مو هنا مكان مقدس وحترم
هند _ هلا هلا انفال راح تطور
حسين _ علمود اذبحها
احمد _ ماعدنا احنا بنات تصلخ وتمشي بالشارع
زهراء بقيت مصدومه ..... هذولة ضايجين حيل
من اخت العريس همست لهند
زهراء_ باعي راح ينفجرون من الغضب
هند _ ايي هههه
امي _ شعليكم بالعالم طبقتهم تختلف عن طبقتنا
وهناك بغداد مو مثل هنا بالنجف
حسين _ اعرف الاختلاف جبير بين النجف وبغداد بس عيب هيج كبالنه طالعة بلبس الله
مايرضه بي
احمد _ عندك عيب بس عدهم لاموعيب عادي
حسين _ والله خجلت من يمي أني
احمد _ وأني هم مثلك ههههه
عمي _ اسكتوا عليش تحرك بدمك حسين مالك علاقة بيهم حياتهم وحرين بيها اكو رب هو يحاسب على الغلط والحق وأنت ماعليك ولا تخلي بالك يمهم
حسين _ ان شاءالله عمي
كامت عمتي وكالت _ هم يلا نرجع عالبيت
هند _ قبل لا نرجع شكد خليتوا مقدم ومؤخر ؟
عمي _ والله مقدم صار ٢٠ مليون ومقدم ١٠
هند _ كلها هيج تخلي بهالايام
حسين _ ايي ماشية هاي
هند _ شلون جان العريس حلو اجكم
باوعلها حسين بضحكة ...
هو حرمة علمود تسئلي حلو لو
اجكم هههه
احمد _ احلى من اخواته وربج هند هههههه
هند _ صدك احمد
عمي _ ايي والله الولد حلوين والبنات موحلوات
امي _ يشبهون امهم سمرات الصغيرة شوية شايلة
نفسها بس الولد ماشاء الله حلوين
زهراء _ عكس المطلوب هذولة
حسين _ ايي ههه
احمد _ فرحت كلت هسه اشوف خلقة حلوة هناك طلعت وحده مفصولة عن زوجها والله مايقبل بالبسها وفوك
كلشي شكلها شكل جدي الله يرحمه
حسين _ الله يرحمك جدي
بيبي _ اسكتوا شعليكم بالعالم دا تصنفون وتضحكون كومي زهورة وديني اريد استراح مابيه حيل احمل ذنوب العالم منوراهم وأني رجلي بنص القبر
حسين _ ياذنوب بيبي
احمد _ جاي نحجي الصدك
بيبي _ حرام تحجون على العالم وتشيلون ذنوب
احمد _ سكتت
حسين _ ماراح احجي وهاي سكتت
كمت اخذت بيبي ورحت عالغرفة اجت ويانه هند وكالت_ بيبي صدك الحجي
كعدت عالجرباية وكالت_ ياا احجي ؟
هند _ العريس احلى من أخواته
بيبي _ أني مرة عجوز ونظري مو قوي بس كدرت اميز الولد حلو واخواته موحلوات سميرات جانن
هند _ هاا اريد اشوفهن تحمست
زهراء _ وأني متحمسة اشوف العريس
بيبي _ تشوفونه بعد أسبوعين تصير الحنة ان شاءالله
هند _ مستعجلين هذولة
زهراء _ شبسرعة راح يعرسون ؟
بيبي _ يكولون احنا مستعجلين ونريد نفرح بالولد
بعد خطبنه شكو باقين
زهراء _ هم صدك
هند _ زهراء لازم نشتري ملابس ولج
زهراء _ راح اشتري ملابس جديدة وحلوة
بيبي _ اخذن بيبي وكشخن بلكت يشوفونجن ويجون خطاب
زهراء _ اووي
هند،_ مااريد مافرحت اخلص الجامعة علمود
اخذ استراحة لو ازوج
بيبي _ امم صارن يتبطرن الخاتونات هن ميتات
زهراء _ والقرآن لاا مااريد
هند _ بيبي والله مانريد. هسه شبيج
تمددت وكالت _ جذبات هاي مالات مانريد انتن
البنات تفرحن بالزواج
زهراء _ أني لا والله
هند_ لاا والله بيبي
بيبي_ تعاي هند غطيني وان شاءالله الله يدزلجن ولد الحلال علمود افرح بيكم قبل لا الله ياخذ أمانته
زهراء كعدت بصفها وهند غطتها "
بعيد الشر عنج بيبي ربي يطول بعمرج
هند باستها من كصتها وكالتلها "
الله يطول بعمرج وان شاءالله تشوفين
جهال جهالي هههه
بيبي _ ههه هاا شكلنا مو تريد زواج
زهراء _ هههه صدك ههههه
هند كامت تكمز "
لااا مااريد والله بس هيج كلت
علمود اطمنج بيبي
بيبي _ اعرف ولج ليش ماتباتين يمنه
هند _ غير يوم ابات بيبي
بيبي _ بكيفج بيبي
عمتي _ هند تعاي يلا
هند _ جاية ... تصبحون على خير
_ وأنتِ من أهل الخير
باستني وراحت طلعت وأني بقيت يم بيبي لما نامت رحت نمت بصفها بالكاع وهي فوك الجرباية نايمة بقيت أفكر بزوج انفال وبانفال وباهله وباخواته متحمسة الشوفتهم .
