رواية ثأر الشيخ مهران حلقة خاصة بقلم حوراء
احفظ وقاري عن لسانٍ يعذربني
واعز نفسي عن المقفي لو احبه .
________________________
ايليا:- بعد ما رجعت للبيت ويه مهران تغيرت حياتي أكثر صارت المسؤوليه اكبر وفوك كل هذا خوفي ع مهران ماقل بالعكس زاد بس الي ريحني شويه أن مهران ماكام يطلع من المحافظه لغير محافظات هذا الشي خلاني اطمن عليه أكثر بس الي صار أن نزار صار هواي يروح ع المظاهرات وهذا الشي سبب النه خوف خاصه ويه الاخبار الي جاي نسمعها وشلون القوات جاي تتعامل ويه المتظاهرين بالقوه وإطلاق الرصاص الحي أخذله فتره يروح ويه اصدقائه بيوم تفأجئنه بيه رايح لبغداد ويه اصدقائه هذا الشي خوف مهران هو واتصل بيه وين يلا يرد يكله مااسمع صوت الموبايل من ورة الاصوات الي يمي
الشيخ مهران:- خ** نزار ليش ماترد صارلي شكد ادك عليك
نزار:- حبيبي شيخي وعلي مااسمع صوت الموبايل هسة شفته ورجعت اتصلت عليك كول حبيبي محتاج شي
الشيخ مهران:- بسرعه تركب سيارتك وتجي للبيت لاتخليني اجيك واطيح حظك كدام صحبانك
نزار:- ليش عصبي حبيبي ريلاكس مابيه شي وداعتك اصلا المظاهرات هنا تخبل وعلي مكانك خالي شايف بالليل شتصير ساحه التحرير لو ماشايف ؟
الشيخ مهران:- ابني أنته ليش ماتسمع الكلمه مو شلعت كلبي وداعه امي ارجع للبيت كافي ماجاي تكدر انام من خوفي عليك لاتسوي بيه هيج وتعال أنته مو خبصتني زوجني وزوجني وتالي تعوف بنت الناس وتصل دايح بره
نزار:- باع بأجر اني يمك حبيبي هسة لازم اسد الخط حته لاتجيني طلقه تايهه باي حبيبي
الشيخ مهران:- الله وياك
سده الشيخ من نزار وصدك ثاني يوم رجع نزار بس ضل اربع ايام ونوب رجع لبغداد قسم الاسبوع اربع ايام يمنه وثلاث ايام بالبغداد اكثر شي جان يقهرني هو شكل انفال الي جان مبين عليها الخوف والقلق والي جان يخوفنه أكثر أعداد الشهداء الي استشهدوا بهاي المظاهرات
انفال:- الو نزار وينك
نزار:- هلا حبيبي اني بساحه التحرير كول حبيبي شنو محتاج
انفال:- محتاجتك انت
نزار:- اويلي الله اموع اني تره
انفال:- نزار بلا شقه جاي احجي صدك اني شوكت تلتفت الي وتعوف هاي سوالفك
نزار:- ترديني اجي اكعد يمج وتعوف هاي الشباب الي طلعت حته تدافع عن حقي وحقج ؟؟
انفال:- واني نسيتني نزار واني شنو مصيري إذا صار بيك شي ليش ماتفكر بيه وين حجيك ببدايه زواجنا مااعوفج ولااخليج تغيبين عن عيوني وين راح هذا الحجي هااا
نزار:- وبعدني كد حجيي اني بس مااكدر اعوف ها الشباب الي رخصت روحها علمودنا وعلمود نعيش عيشه كريمه
انفال بصراخ :- وابنكككك منووو راحح يربيه إذا صار بيك شي هاااا
نزار بصدمه:- ابني شنو جاي تحجين انتي يعني انتي حامل ؟؟
سديت الخط بوجهة رفع ضغطي ماجنت حابه اكول اله ع حملي بهاي الطريقه بس هو داس ابطني الحيوان ضل هواي يتصل عفته مارديت عليه خليت ونزلت جوة لكيت ايليا كاعده بالمطبخ تشرب جاي اجيت وكعدت يمها
ايليا:- شبيج كالبه وجهج ؟
انفال:- هذا نزار الحيوان خلاني اجفص بالحجي واكله ع الحمل
ايليا:- مو ع أساس تردين تسوين جو رومانسي وتفاجيئنه بالخبر
انفال:- هو اني شايفته حته اسوي جو رومانسي طاح حظي وحظه اي والله
ايليا:- اكوم اصبلج جاي دفي بيه معدتج حبيبتي هههه
انفال:- هو هذا هم حظي
شويه ودخلت ناره الي كبرت بطنها وماضل شي ع ولادتها وكعدت كدامي
نارة:- اخخ يمه شوكت أولد واخلص من هذا الحمل وارتاح
ايليا:- ماضل شي حبيبتي وترتاحين اكو اخبار عن ادم
نارة:- لا والله صارله يومين ماكو مايتصل كلبي نار عليه
انفال:- اخوان الشيخ ناوين يموتونه يلا يرتاحون
ايليا:- لج خطيه ادم تلكيه حائر بالواجب مالته وماعنده وكت يتصل ماشايفه شلون الوضع متأزم كلش الله يحفظهم ويرجعهم بسلامه
نارة:- امين يارب العالمين
انفال :- ايليا شكد عيب من غيداء مارحنه الها وسلامنه عليها وباركنه الها بالمولود مالتها
ايليا:- هو بكيفنا ياعيني ماشايفه شلون الطرق متسدده والكتل صاير ببلاش اني اتصلت عليها واعتذرت منها وهي كالت عادي مو الا تجون
انفال:- هم خوش بس وعلي متت ضحك من عرفت سبب تسميه ابنها هههههه
ايليا:- واني هم هههههههه
ناره:- شنو السبب ؟؟
ايليا:- باعي من ولدت وكمان واخذوها للغرفه مالتها هي والطفل دخل عليها زوجها سلم عليها ونوب شال الطفل وحاول يضحكه بس الولد ضل مغنتب وداير وجه من أبوه وهو محاول يضحكه ويلاعبه بس الولد قافل كال أبوه عفت كل الصفات امك وورثت عنادها وسماه "عناد"
نارة :- ههههههه خطيه
ايليا:- بس الاسم حلو
نارة:- اي والله صدك حلو
مشه اليوم طبيعي وصار الليل كاعدين نتعشى واندك الباب طلع مهران يفتح الباب ورجع هو ونزار
مهيمن:- شعجب اندليت طريق البيت ؟
نزار:- غير اجاني خبر مدري صدك مدري جذب واجيت اتأكد منه
ايليا:- اباوع ع انفال ولا مهامه ولا تباوع عليه صعد نزار وصاح عليها خلت وكامت وراه بخطوات متكاسله
انفال:- بعد ماصاح عليه نزار صعدت اله فتحت الباب ودخلت سديت الباب وجتفت اديه وكلت
:- تفضل استاذ نزار شتريد ؟
:-الله يزيد فضلج حبيبتي بس بلا زحمه عليج ممكن تحجيلي بوضوح يعني الي سمعته صدك لو شقه
عفته ورحت للميز مال التواليت وفتحت الجرارة وطلعت التحليل وانطيته اله
انفال:- تعرف تقره انكليزي مو ؟
نزار:- اي اعرف
قرة الورقه ونوب شمرها من أيده وسحبني لحضنه وباسني من راسي وكال بحنيه
نزار:- الف مبروك حبيبتي الله يكومج بالسلامه ونفرح بيج وبيه هم
انفال:- اني رائحه لبيت اهلي باجر
نزار:- شنو ؟؟
انفال:- اي رايحه الهم شعندي باقيه هنا إذا زوجي ماموجود ؟
نزار:- انفال شنو هذا الحجي ؟؟
انفال:- مثل ماسمعت لو اني وابنك لو المظاهرات
نزار:- انتي شجاي تحجين شبيج انفال
انفال:- مابيه شي بس اريد اأمن ع مستقبل ابني مااريده ينولد وماعنده اب مااريده يضل يتحسر كلما يشوف اب وابنه طالعين سوة
عافني وطلع من الغرفه كلها ثاني يوم كعدت لكيته نايم يمي فرحت كلش لأن الي صار البارحه غير تفكيره كمت من يمه غسلت وجهي ونزلت دخلت للمطبخ ولكيت البنات
انفال:- صباح الخير يا حلوات
ايليا:- صباح النور اكلج قبل كلشي روحي جيبي علاوي من فوك وتعالي
انفال:- تمام ، صعدت جبت علاوي الي جان فاتح عين ومغمض عين اكزكز عليه ابو خدود شابعته عض من خدوده دخلت للمطبخ وهو شاف أمه وتخيل يريدها أخذته من عندي واني كملت الريوك وياها
نارة:- ايليا هذولاك الجماعه وجههم مفتح اليوم شكو شنو السر
انفال:- هههه السر حبيبتي أن نزار نايم فوك
نارة:- ههه عفيه عليج
ايليا:- بنات يلا ننقل الاكل راح يخبصونه هسة
نارة :- يلا حبيبتي خلصنه بقى بس الجاي يخدر واجيبه
انفال :- نقلت الاكل بوحدي لأن ايليا لازمه علي ونارة ماتكدر ادنك من بطنها كعدنه ع الاكل ونزل نزار وكعد يم مهيمن
مهيمن:- نايم بالبيت لك شنو هذا جاي تصدمني
نزار:- ديربالك من الصدمه خاف تنجلط
الشيخ مهران:- طبعا نشكر انفال هي السبب بوجوده ويانه ونور سفرتنه اليوم وعلي ذيبه كدرت تكعدك بمكانك
نزار:- ليش هي صديقه منو ؟؟
مهيمن:- اخخ خويه بسمارك كسر اضلوعي
نزار:- مو مهم اضلوعك حبيبي المهم اضلوع هذوليج الناس
مهيمن:- وهو اني احجي بالسانه لأن من كد مابسمارك قوي حته مايكدر يحجي ههههه
نزار:- ههههه احسن أكلك خابرني فهد وادم اليوم جاين ع الغده
مهيمن:- واني هم خابرني فهد وانطاني خبر قبل شويه
من سمعنا بخبر فهد وادم صدك فرحنه لأن كلنا جنه خايفين عليهم خلصنه الريوك بسرعه وبدينه تنظيف ورياحين راحت للبيت كالت اريد انظف الغرفه مالتي وأحضر نفسي طلعت هي ومرح واني طردت نارة فوك حته ترتب غرفتها ونفسها لزوجها ضلينه نشتغل بس اني وانفال هي تنظف واني حضرت الاكل خلصنه تقريبا ساعه 12 ونوب رحت لغرفتي سبحت بدلت ملابسي ومن طلعت لكيت مهران كاعد هو وعلاوي يباوعون كارتون
ايليا:- هاا حبيبي تعبك علاوي ؟
الشيخ مهران:- لا ماسوه شي هاي شوفته عينج كاعدين نباوع فارة وبزون ومنتظرينج
ايليا:- سوي اللي مجال اكعد وياكم هم
الشيخ مهران:- تعالي يمي
تقدمت عليهم وكعدت يم مهران واخذت علاوي بحضني واندمجت ويه الكارتون
الشيخ مهران:- ايلي
ايليا:- همم
الشيخ مهران:- حبيبي مندمج هواي ويه الكارتون
ايليا:- اسكت شويه مهران خليني أتابعه ع راحتي
نزل رأسه عليه يريد يبوسني دفعت من صدرة وكلت
ايليا:- مهران لاتستهر ابنك كاعد هنا عيب منه
الشيخ مهران:- هذا بعده بكد الفصمه وكاطع برزقي بس يكبر شيسوي بيه
ايليا:- اويي داده ابني ماكو مثله بس انتي سرسري وماتبطل سوالفك
كام وأخذ علاوي بيده صحت وراه
:- وين ماخذه ؟؟.
الشيخ مهران:- هسة جاي
راح شويه ورجع وعلاوي مو وياه سألت
:- وين وديته مهران
:- حطيته يم صديقه أمه وكلت الها اخذيه شويه عندي موضوع مهم ويه أمه وهي ماقصرت أخذته
:- مهران مو وكت استهتارك هسة عفيه روح جيب علاوي
:-مو قبل مانتحاسب ع كم شغله
:- مثل شنو ؟
:- ع سالفه البارحه من كتلج انتظريني اجيت ولكيتج نايمه ولا وفوكها منومه علاوي يمج واني مسويتلي طرح
لزمت خصري وكلت بتموع:- والله محد كالك اتأخر عليه واني ام اكعد من الصبح ويه ابني شي اكيد اتعب بمجرد مااحط راسي ع المخده انام بسرعه
الشيخ مهران:- جا مافكرتي ماكلتي رجلي المسكين من يرجع ويلكاني نايمه شيصير بيه ؟
ايليا:- اويي حبيبي شنو صار بيك؟
الشيخ مهران:- دتعاي اني اكلج شصار بيه
ايليا:- طفرت منه لنهايه الغرفه ورفعت اصبعي بوجهة اهدده
:- مهران اكعد راحه هسة سبحت مابيه حيل ارجع أسبح مرة ثانيه
:- عادي حبيبي اني اسبحك مو فد مشكله
:- مهران لاا
ركض عليه ولزمني وسحبني لحضنه رجع شعري ليورة وكال
:- ساعه وحده وياج كفيله تمسح شكو حزن بكلبي
حاوطت ركبته بأيدي وكلت
:- امم ع هاي الحاله لازم نحدد جدول بالنهار كم ساعه لازم اضل وياك حته ترجع نفس ماجنت بأيام الخطوبه مالتنه
:- اني زلمه قنوع عادي عندي 20 ساعه بس بالنهار مااريد أكثر
:- عزة بعينك أن شاء الله 20ساعه يالظالم وابني شنو نسيته
:- من اكلج كاطع رزقي تكولين لا هسة عوفج منه وتعالي يمي
حاولت اخلص روحي منه بس ماكدرت سوه الي برأسه يلا وخر سحبت الغطه لصدري وكلت
:- ماارتاحيت اله تسوي الي تريده افف منكك
تقدم عليه وشالني بوضعيه العروس ودخلني للحمام
:- يلا عوفني هنا واطلع شكر ع التوصيله
:- ههههه لا حبي اني كتلج اسبحج ولا اتعبين نفسج انتي
:- مهران كافي استهتار يلا اطلع خليني أسبح اريد اروح لعلاوي
ماسمع مني فتح الدوش ونزل ألمي ودخلني جوه وهو بعده شايلني سبحني وكمل طلعنه من الحمام وانطاني ملابسي وراح اخذ ملابسه يبدل اني بدلت ع السريع ونزلت حته اخذ علاوي شافتني انفال وغمزت وكالت
انفال:- خلصتي شغلتج حبيبتي
ايليا بخجل :- انجبي انفال انطيني علاوي تعبج مو
انفال:- لا اصلا جنه كاعدين ونلعب سوة لعد بس انتي وأبوه تلعبون وغمزت بنهايه كلامها
ضربتها ع راسها بخفه واخذت ابني منها وهي مستمرة تضحك حجيت بوعيد
:- اني أعلمك مهران وكعتني بالسان المشهورة انفال بعد شيخلصني منها
نزل مهران وراح للاستقبال واحنه كاعدات بالصاله نزلت يمنا نارة وضلينه ننتظرهم يجون نص ساعه تقريبا وصارت هوسه بالاستقبال طلعنه ولكيناهم موجودين ادم حاضن مهران ومهيمن حاضن فهد صاح بيهم نزار
نزار:- كافي وين جانو هم ماتكولولي
ادم:- هسة أنته ليش ضايج هاا
نزار:- اني من ارجع يستلمني مهيمن يطلع عليه لساني وانتم من ترجعون محاضن وبوس وعلي ظلم شنو هاي
الشيخ مهران:- تغار لكك
نزار:- ع شنو اغار بس هاي اسمها تفرقه ترة
مهيمن:- اي صح انت ابدد ماتغار
نزار:- هسة كافي عوفكم من هذا الحجي ادم وفهد روحو بدلو وتعالو نتغده ميت من الجوع صارلي ساعه منتظركم
فهد:- انتم اكلو الف عافيه اني اريد اروح أسبح وارتاح يلا اودعناكم
الكل :- الله وياك
رياحين:- نظفت البيت اني ومرح ونوب صعدت ع غرفتي غيرت شكلها صارت احلى واكفه وفاتحه باب الكنتور محتاره شنو اللبس حسيت بأدين يطوقن خصري درت وجهي مفزوعه شفته فهد ضربته ع صدرة وكلت
رياحين :-وكفت كلبي عبالي مدري منو
فهد :- ليش منو يكدر يوصلج واني موجود
تقدمت عليه وحضنته جنت كلش خايفه عليه ومامصدكه هسة هو كدامه شديت ع حضنه أكثر
رياحين :- ردت اموت من خوفي عليك فهد
فهد بخوف :- اشش يومي قبل يومج ياروحه للفهد
دفنت وجهي بركبته واستنشقت ريحته
فهد :- لاتشتمين ريحتي خايسه
رياحين بأستنكار :- لا والله اصلا ريحتك كلش طيبه ولا عبالك جنت بالواجب
بعدني عنه ولزم وجهي بأثنين اديه تقرب عليه وطبع بوسه خفيفه ع شفايفي وابتعد
فهد :- اريد أسبح كتلني الوصخ حضريلي ملابس
رياحين :- تمام
حضرت الملابس وكعدت ع الجربايه انتظره شويه وطلع شمر روحه ع الفراش
رياحين بأستغراب :- شنو ماراح تاكل ويانه؟
فهد :- مااريد ميت تعب اريد بس انام ارتاح شويه وعود من اكعد اكل
رفعت الغطه وتمددت يمه باوع عليه وكال
فهد :- روحي اكلي لاتضلين جوعانه
رياحين بعبس :- مااشتهي اريد انام يمك لو ما تريدني؟؟
فهد بأستنكار :- اكو واحد مايريد روحه؟
رياحين :-تدري زوجه نزار طلعت حامل
فهد بفرح :- يتربى بعزه إن شاءلله
رياحين :- اريد طفل هم اني
فهد :- بيد ربج هذا الشي حبيبتي
رياحين :- اذا حملت تريد يصير عدنه بنيه لو ولد
فهد :- كلشي يجي من الله خير وبركه
رياحين:- اعرف بس انته شنو بنفسك ولد لو بنيه
فهد :- اريد بنيه
رياحين بأستغراب :-صدكك!!
فهد :- وليش استغربتي
رياحين:- استغربت لان عبالي تريد ولد مثلا كل الزلم حته يشيل اسمك ومااعرف شنو
فهد:- چا الابنيه من تجي ماراح تشيل اسمي؟
رياحين:- تشيله اكيد بس انته تعرف اكثر الزلم يحبون خلفه الولد اكثر من البنات
فهد:- هذولي اغبياء وين اكو واحد يكره البنات والرسول بنفسه كال عليهن المؤنسات الغاليات؟
رياحين:- اذا صارت عدنه بنيه شنو راح تريد تسميها؟
فهد:- ريحانه
رياحين:- تسميها ع اللقب مالتي؟
فهد:- اي واريدها نسخه منج بكلشي وشنو تريد اسوي الها واحطها بروحي مااسمح لأي احد يوصل الها ويأذيها
رياحين:- هاي شنو لعد اني راح تنساني ع هذا الحجي
فهد:- افااا عليج انتي الاصل بس اني احبها ع محبتج انتي
رياحين:- اويي كزكزت عليك تعال الا اغتصبك وعلي
فهد:- شكد جذابه انتي بس حجي بس اجي يمج جسمج كله يرجف حته مرات اخاف يوكف كلبج واني يمج
رياحين:- شكد سرسري الا تخجلني
فهد:- ابوس خجلك اني بلا تعالي خلينه نسوي ريحانه حلوة مثلج
تقدم عليه واخذ شفايفي بين شفايفه ببوسه عميقه تفاعلت وياه واندمجنا سوة ورحنه لعالم ثاني مابيه احد غيرنا
_______________
بعد مرور كم يوم
الفجر الساعه 4:00
ايليا :-جنه نامين اني ومهران وفزينا ع صوت دك ع الباب كام مهران يشوف منو فتح الباب وطلع بوجهه ادم يلهث
الشيخ مهران:-شبيك ولكك
ادم:-بس صيح ع ام علي خلي تجي تشوف نارة مدري شبيها موجوعه وتبجي
سمعت حجيه وكمت بسرعه حطيت البشت مالتي فوك روب النوم ولبست حجابي وطلعت وبوجهي ع غرفه نارة دخلت لقيتها سابحه بالعرك مالتها تقدمت عليها وحجيت بخوف
ايليا:-شبيج حبيبتي شنو الي يوجعج
نارة:- اخخ ايليا الحكي عليه راح اموت بطني حيل اذتني وجاي يوكع مني مي يجوز راح اولد
درت وجهي ع ادم وكلت
ايليا:-حضر السياره بسرعه خلينا ناخذها للمستشفى عدها ولاده
دخل اخذ السويج وطلع بسرعه ساعدتها تبدل ملابسها صحت ع انفال تحظر الجنطه مال الطفل
انفال:-وين حاطتها نارة ؟؟
نارة بوجع:- بالكنتور ليجوة كلش
انفال:-اي هاي لكيتها عفيه عليج محظرة كلشي
نارة :- هاي الجنطه حظرتها قبل اسبوع حته لاانخبص بيها واخبصكم
انفال:-وعلي مرة معدله قابل مثل ام علي
ايليا:-بس خلينه نخلص ع خير واني اعلمج حيوانه
انفال:-اشاقه وياج وعلي
ايليا:-تعالي يمها بين ماابدل ملابسي واجي بسرعه
انفال:- يلا روحي
رحت للغرفه بدلت ملابسي واخذت عباتي وشلت علاوي الي لكيته كاعد وأخذته وياي رجعت لغرفه نارة وانطيت علاوي لانفال واخذت نارة ونزلت جوة وبسرعه طلعنه للمستشفى واجو ورانه مهيمن ومهران دخلنه نارة لغرفه الولاده بسرعه لان الطلوك بادي عندها من زمان شويه واجتني السستر وكالت
:-الف مبروك اجتكم بنيه مثل الكمر تتربى بعزكم
اباوع ع ادم عيونه متروسات دموع حجه بلهفة وخوف ع نارة
:- والأم شلونها ؟
السستر:- الام كلش زينه وهسة نريد منكم ملابس للأم والبنوته الحلوه
انطيت الها الجنطه مال الملابس وضلينه ننتظر شويه بين ما نقلوها للغرفه الخاصه مالتها دخلنا للغرفه عليها خطيه جان مبين عليها التعب شافتني وابتسمت بحب وكالت
نارة :- شفتيها لبنوتي؟
ايليا:- لا بعدني هسة يجيبوها ونشوفها سوة
نارة:- شوكت يجيبوها ؟
ايليا:- هسة مايتأخرون .
صدك شويه واجت السستر تجر بالعربانه مالتها جانت كلش ناعمه جانت نايمه ومقدمه اديناتها الصغير الصغيرونات كدام وجهها أخذها ادم من الستتر وحضنها لصدرة هنا ماكدر يلزم نفسه وكعت دموعه وكال بصوت مبحوح
:- وينج يمه تعالي وشوفي حفيدتج الحلوة نورت الدنيا
كلامه هذا خلا الكل يبجي مهران حط ايده ع جتفه وكال
الشيخ مهران:- شد حيلك اخوي لا تضعف صرت اب وعندك بنيه لازم تشوفك جبل مايهزك ريح حته تصير مثلك يلا هسة سميها لهاي المستعجله ماكدرت تصبر للصبح يلا تجي
ادم:- ههههه ابد مو مثل عمها نزير .
مهيمن:- صارله ساعه يخابر
ادم:-جاوبته ؟
مهيمن:- لا والله مالي خلك كلت بس نشوف الحلوة عود اخابره
بعدهم يسولفون جان ينفتح الباب ويدخل نزار ورياحين وفهد
نزار:- ها ولك مهيمن ال*** ليش ماترد من اخابرك ؟؟
مهيمن:- ليش تصير طايح حظ الزم السانك
نزار:- والله محد غيرك طايح حظ فوك مااتصل عليك غير تجاوبني
مهيمن:-كلت ورة مااشوف الابنيه اخابرك
نزار:-جا اني هم اريد اشوفها
مهيمن:- انت بكلشي حاط روحك
نزار:-جا غير اني عمها
مهيمن:-كره عينك شلون عم طاح حظه
نزار:- مثلك حبيبي
الشيخ مهران:- خلصتو؟؟
مهيمن:- هو الي يتحارش اني ساكت
نزار:- اويي عيني سندس الرقيقه ماتتحمل الكلام
الشيخ مهران:- كافييي عادد
سكتو من صاح بيهم مهران وآدم بده يكبر بأذن بنته ومن كمل كال
ادم:- انتي اسمج ناعسه
نزار:- بويايي شلونن اسم وعلي عبالي راح تسميها جبارة
ادم:- عوف سوالفك وتعال شوفها شلون حلوة
نزار:- قبل لا اشوفها اكيد حلوة جا غير اني عمها واكيد تطلع عليه
ادم:-مهيمن أخذه وطلعه برة وطيح حظه صدك
نزار:- لا والله مااروح اله اشوفها شني عمي جا غير بنت اخوي
تقدم عليه نزار وضل صافن بوجها وعيونه مليانه دموع كال بصوت يرجف يقاوم نزول دموعه
نزار:- تعالي مهران شوف عيونها مو يشبهن عيون امي
الشيخ مهران بتأكيد:- اي اول ما شفتها اجت ابالي الحجيه الله يرحمها
نزار اختنك من حجي مهران طلع من الغرفه وطلع وراه مهيمن وفهد ضلينه يوم واحد وثاني يوم خرجناها للبيت
مشت الايام وادم طاير من الفرح ببنته ومهران عبالك مالك الدنيا من يشوف فرحه ادم ونزار الي رجعت الهم بوجود ناعسه نزار يطب ويطلع شايلها بيده ومايقبل ينطيها لأمها
بعد مرور شهر
الشيخ مهران :- جنه كاعدين بالديوان ودك موبايلي رفعته شفت المتصل ابو ايليا اتفاجأت ورديت عليه
:- السلام عليكم ياشيخ
:- وعليكم السلام ابو غسق تفضل داك عليه خير ان شاء الله
:- الشيخ جابر طالبكم بالاسم انت واخوانك وولد عمك هم
:-خو كول جيب عائلتك وتعال بعد المن طولتها؟
:- هو كال هيج واني جاي اوصلك كلامه بالحرف الواحد ويفضل تجيب مرتك وياك لان الشيخ حالته حيل تعبانه وجاي يودع ويريد يشوف حفيدته قبل لا يموت
:- ليش حفيدته مو بنتك ؟؟
:- هذا مو موضوعنا شوكت تجون؟؟
:- اشوف واردلك خبر
سديت الخط منه
مهيمن:- منو هذا ؟
الشيخ مهران:- عمران
مهيمن:- ابو حرمتك؟
الشيخ مهران:- اي هو
مهيمن:- شيريد
الشيخ مهران :- الشيخ جابر طالبنه بالاسم يكول عمران حيل مريض ويريد يشوف حفيدته قبل لا يودع
نزار:- زين احنه شنو يريد منه؟
ادم:- اي صح احنه شكو ؟
الشيخ مهران:- تره هو طالب هم فهد ومهيمن يجون ويانه
مهيمن:- صدك عود ؟
الشيخ مهران:- قابل اجذب عليكم
فهد:- زين شيريد من عدنه ؟
مهيمن:- نروح ونعرف بدال ما كاعدين نحلل من وحدنا
نزار:- والي ميريد يروح؟
الشيخ مهران:- يروح الشغله مو بكيفه سمعتني
نزار:-سمعت سمعت
مهيمن:-ارجع خابره وكله احنه باجر يمهم حته يصير عدهم علم
الشيخ مهران:- خوش حجي
رجعت خابرت عليه وانطيت خبر ونوب طلعت من الديوان حته احجي ويه ايليا وانطيها خبر حته تحضر نفسها صعدت فوك فتحت الباب ع كيفي لكيتها كاعده وحاطه علي بحضنها وصافنه ع افلام كارتون ضحكت ع شكلها وكلت
الشيخ مهران:- منو الطفل انتي لو علي
ايليا:- اني وابني بعدني شباب بس انته خطيه شايب
الشيخ مهران:- مقبوله منج عوفي هاي السوالف هسة وتعالي احجي وياج
ايليا:- عفت علي بالكاع يباوع ع التلفزيون ورحت يم مهران كلت بخوف بسبب ملامحه الجديه
:-صاير شي ؟
الشيخ مهران:-لا بس قبل شويه ابوج خابرني جدج عازمنا ع غده باجر نروح كلت احاجيج حته تحضرين نفسج من اليوم حته لاتنخبصين باجر
ايليا:- اهاا تمام خفت عبالي اكو شي صاير
الشيخ مهران :-(ماحبيت اخوفها ) لا حبيبه ماكو شي
ايليا:- تمام لعد خليني اكوم احظر ملابسي واغراض علاوي هم
الشيخ مهران:- ليش ماتعوفين علاوي يم انفال احسن خطيه وين يتحمل الطريق وهو بعده صغيروني
ايليا:- تدري اني هم هيج فكرت اروح احاجي انفال واجي اخاف ماتقبل تبقيه يمها
الشيخ مهران:- ليش هي تكدر ترفضلج طلب ؟
ايليا بفخر :- اني ام علي محد يكدر يرفضلي طلب
الشيخ مهران:- واني اشهد ههههه
رحت لانفال وسألتها وهي ماكالت شي بالعكس فرحت حيل تحبه لعلاوي حظرت اغراضي ومشه اليوم بسرعه اجه ثاني يوم وكعدنه من وكت استغربت من شفت حته مهيمن وفهد ويانه راح يجون بس ماحجيت شي بس مهران عرف بشنو افكر وكال
الشيخ مهران:- جدج هو الي عزمهم ويانه هم
ايليا:- عادي بس استغربت من شفتهم وانته ماكلت راح يجون ويانه
الشيخ مهران:- راح عن بالي ونسيت
ايليا:- عادي ماصار شي
ركبن بالسيارات ومشت بينه اكره الطريق بين بيت مهران وبيت اهلي لا الطريق اربع ساعات يطلع روحي وصلنه للبيت اهلي ويه اذان الظهر نزلنه استغربت من شفت بس عمو وبابا هم الي استقبلونه وجدو ماكو وياها حسيت بأيد مهران وهي تحاوط ايدي باوع علي وكال
الشيخ مهران :- يلا ندخل سوة
هزيت رأسي ودخلنه سوة بعد ما سلمنه ع بابا وعمو دخلنه للاستقبال انصدمت من شفت جدو نايم ع جربايه ام النفر الواحد وع وجه حاطين جهاز التنفس ردت اتقرب بس عمي منعني وكال
ابو يزن:- لاتتقربين بنتي جدج بيه مرض كورونا وهذا المرض معدي وانتي ام ضلي هنا لاتنعدين وتعدين ابنج هم
ضليت واكفه بمكاني وعيوني عليه وهو جانت عيونه متركزه ع مهران واخوته رفع جهاز التنفس عن خشمه وكال
الشيخ جابر :- اني دزيت عليكم وطلب حضوركم حته اكول كلشي واحجي الحقيقه لان اني ماضل الي بهاي الدنيا إلا كم يوم
ايليا ببجي :- الله يطول عمرك جدو لاتحجي هيج
الشيخ جابر :- خليني اكمل جدو اني غلطت ويه مهران اني السبب بمقتل ابوك صح نكرت هذا الشي كدام الكل وبريت نفسي من دمه وحطيتها ع واحد ثاني بس اني اليوم اعترف كدامكم كلكم اني السبب بمقتل ابوكم
ايليا :- حسيت ايدي راح تنكسر هلكد ما ضاغط عليها مهران باوعت عليه وشفت الشرار يطاير من عيونه بسبب كلام جدو الي لحد هسة اني مامستوعبته
نزار:- مو حلفت كدام الكل وكلت اني مالي دخل ولا ايد بالموضوع ؟
الشيخ جابر:- جذبت عليكم جنت خايف من الموت جنت خايف اخسر سمعتي ويصير اسمي قاتل ابدال الشيخ
ادم:- وهسة شنو استفاديت هاا وليش كتلته الحجيه كالت انت وابوي جنتو حيل صحبان شنو السبب الي خلاك تكتله هااا
الشيخ جابر :- ابوكم الشيخ جاسب جان احسن شيخ حته احسن مني جانو الناس تتعنى اله حته يحل مشاكلهم مع ان اني شيخهم بس جانو يرحون اله حقدت عليه وسويت المشكله بس حته اكدر اكتله ومحد يمسك عليه مستمسك
نتر مهران ايدي وصاح بصوت رج الاستقبال رج
الشيخ مهران:- فرحانننن موو فرحاننن وانت جاي تحجي بأنجازاتكك هاا ان شاء الله ارتاحيت هسة هاا شوف هاي كدامك ثلاث أطفال انت السبب بموت ابوهم زين هسة شتريد من حجيك هذا كله هااا شتريدد بالضبط ليش رجعت فتحت الموضوع بعد ماطلعت روحي واني احاول اسدة وأصلح غلطي
الشيخ جابر:- اريدكم تسامحوني اريد اموت واني مرتاح
الشيخ مهران:- عشم ابليس بالجنه روحي ياجابر وانت لا محولل ولا مبري الذمه والنه ملتقى مرة ثانيه بس يم ربك وهو الي راح يحكم بيناتنا
سحبني وراه وطلع من البيت كله امشي وراه ودموعي عشره عشره بس مااعرف ع شنو ع مرض جدي وندمه لو ع حركه كلب مهران واخوته
صعدنه للسيارة وهو يسوق بسرعه جنونه وكل مايسمع صوت شهاكتي يزيد السرعه لحد ما صاح بيه
الشيخ مهران :- كافيييي راح يوكفف كلبجج
ايليا بشهكه:- بس اهدء بداعتي عندك وخفف السرعه لانسوي حادث
وكف السيارة وصار يضرب ع الاستيرن ويصح بغضب
:- شلون اهدء واني اسمعه بأذني شلون يسولفلي شلون كتل ابوي وحرمني منه شلوننن بس فهميني
ايليا:- لخاطر علي اهدء لايصير بيك شي انت جربت العيشه بدون اب وتعرف شنو الضيم والقهر الي ممكن يواجه الي فقد أبوه بداعتي عليك لاتخلي علي يعيش نفس الشعور
بس كلت هيج نزل من السيارة وصار يفتر ع نفسه يحاول يهدي نفسه شويه وشفت مهيمن اجه عليه وحضنه ومهران انهار بين احضان مهيمن يبجي ويصرخ مثل الطفل الصغير مانزلت ولا أدخلت خليته ع راحته يفرغ كلشي بداخله حته يرتاح ورة نص ساعه تقريبا رجع صعد وجان الهدوء سيد الموقف لا اني احجي ولا هو وصلنه للبيت واني نزلت وهو لا طلع ويه مهيمن مر يومين ع روحتنا لبيت اهلي واجاني الخبر الي مثل الصاعقه ان جدو توفه بالمرض لان رئاته حيل تأذن بسبب الفايروس رحت للفاتحه وضليت هناك اسبوعين ونوب رجعت ورة مافرغ البيت من الناس وصلني مهران للبيت ونوب طلع دخلت للبيت واني ملهوفه ع ابني لكيته بيد انفال أخذته الحضني وحضنه اشمشم بيه عبالك صارلي سنه ماشايفته مو اسبوعين
انفال :- اذا هاي لهفتج ع علي هيج الله يعلم شلون لهفتج ع ابو
ضربتها رياحين وكالت
رياحين:- لاتتسوفلين
انفال :- مااسمحلج ترة اعضج اني ماجاي احجي اله الحقيقيه وبعدين اني جنت بنت بريئه من تزوجت اخوج طلعت عيني
ايليا:- انتي قبل لاتتزوجين نزار جانت عينج طالعه
انفال:- شكد طايحه حظ انتي صديقتي لازم تصيرين وياي مو ضدي
ايليا:- اني ويه الحق حبيبتي
رياحين:- عوفج من هاي وتعالي باركيلي
ايليا:- ع شنو
رياحين بفرح :- راح تصيرين مرة خال اني حامل
ايليا:- اويي الف مبروك حبيبتي الله يكومج بالسلامه ونفرح بمولودكم
رياحين:- الله يبارك بيج ومرح هم تريد تكلج شي
ايليا بشقه :- بس لا انتي هم حامل
مرح:- منو كالج ؟؟
ايليا بصدمه :- عود صدك انتي حامل
مرح:- اي والله
ايليا:- ههههه اويي داده شعله مهيمن حامل الف الف مبروك حبيبتي
مرح :- الله يبارك بيج يعمري
انفال:- وانتي سويلج همه وجيبي اخ لعلاوي
ايليا:- روحي لج هو علاوي هسة يلا صار عمره 6 اشهر وين احبل بعد خلي يكبر يلا
_______________________
بعد مرور سنه
ايليا :- مرت سنه ع رجعتي للبيت بهاي السنه هواي أمور تغيرت اول شي فرحنا بنجاح مرح بمعدل ٩٨ ودخلت كليه صيدله ونوب ولاده انفال للتوؤم مالتها الولد سماهم نزار شبر وشبير ع اسماء الأولى للامامين الحسن والحسين عليهم السلام وولاده رياحين لبنوتتها الحلوة الي سماها فهد ريحانه بسبب حبه للاسم وكال ان هذا الاسم يشبه اسم امها بالاحرف واخر شي خبر حملي وبعد فترة وانتهاء تسع اشهر الانتظار شرف الاستاذ محمد مهران جان يريد بنيه بس الحمدلله ع نعمه رب العالمين ورجعنا اني والبنات للدراسه بعد التوقف وضعنا كلش زين الحمد الله
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
