رواية قلب لم يكن بالحسبان كاملة جميع الفصول بقلم جمانه السعيدي
اني رجال بسيط عمري ٥٢ سنه شكلي مقبول
اني تاجر وخير من الله عندي محلات وبيوت اغلب فلوسي ورثتهن من اهلي
بعدين اني اشتغلت وطورت نفسي وصار عندي خير من الله
لوما ستر رب العالمين مجان صار عندي هذا الخير كله
اني ماامشي واتفاخر بثروتي
بلعكس اسئل على الناس كلها والي يقصدني بطلب ابد مماارده
اساعد الناس كلها
بعقلي مادام هذا الشخص قصدني اني بلذات
يعني هذا خير مكتوب اليه
رب العالمين يخربيت هذا الخير
اني معتمر ٣ مرات ورايح للحج
الحمد لله رب العالمين موفقني ورازقني رزق حلال
عندي اولاد ثنيبن وبنات ثنيين
اني مخلص ابتدائيه ومثل ما كلتلكم شكلي مقبول
زوجتي بت عمي
اكيد اهلي الي اختاروها اليه
اني ماانكر هيه زوجه ونعم الزوجه
حافظه بيتي وربت اولادي احسن تربيه
تكدرون تكولون متفاهمين اني وياها متعلمه على اطباعي واني متعلم على اطبعها
عشرت عمر لا يوم ولا يومين
بس اني بنفس الوقت ابد ابد ما مقصر وياها
مددللها دلال ماصاير
شتطلب اكول حاضر تلعب بلفلوس لعب
عدها ذهب اتحدى وحده تكول عندي ذهب بكدها
مااكو شي تطلبه ماتلكا
حياتنا مستقره ولله الحمد
الي يرضا بعيشته الله يباركله بيها
الحمد لله ابد ودائما الحمد لله كما هو اهله وكما يستحقه
جمانه السعيدي
نرجع للحدث المهم الي غير حياتي
عدنا جيران بينا وبينهم بيتين
بيت ابو رنا شنو قصتهم
ابو رنا رجال فقير يشتغل بكال عنده عريانه بلسوك
يشتغل عليها ومعيش عائلته
ابو رنا توفت زوجته وتركته بنيه اسمها رنا
عمرها عشر سنوات
البنيه مسكينه لا حول ولا قوه
شكله حلو ومرتبه بس من ازوج ابوها بعد وفاة امها
حياتها انقلبت جحيم
زوجت ابوها ضالمه ووحده بلا ضمير
تضربها دائما ومشغلتها خادمه ببتها
المشكله ابوها ما ينصفها ابد طابك ويا زوجته عليها
كل يوم يموتها تموت علمود زوجته
زوجته جابتله ثنيين اولاد
مو اولاد لا نازلين من السما
كل يوم واحنا بيتنا نسمع صوت أعياط رنا
كل يوم ضرب واهانه وتجريح من الاب وزوجة الاب
بسبب وبدون سبب
المشكله محد.يكدر يدخل
ابوها عصبي ومخبل اذا واحد دافع عنها
يغلط علي ويهينه
اي واحد يسئله ليش تضربها
يكول لحد.يدخل بنتي واريد اادبها بنيه طالعه من الطريق
واريد اربيها
البنيه كبرت على الضرب والإهانة
ومحد.يكدر يساعدها بااي شي
مرات تعيط من حركة كلبها اذا ضربوها
ومرات تسكت لان ملة من عيشتها ويا هذا الاب الضالم
حتى محد جاي يتقدملها يطلبها للزواج
مو لان مو حلوه لو عليها سمعه
لا لان ابوها مستحيل اي احد يفكر يناسبه
وواحد.شراني وصاحب مشاكل
وما يحترم اي احد
عاشت رنا اسوء ايام حياتها الشارع كله يحجي بيها
بس نسمع صوت اعياط
الكل يكول هذا صوت رنا
اني متعجب شلون متحمله شلون صابره
ولو وين تروح هاي المسكينه محد بحالها
ولا احد. يحاول يساعدها
جمانه السعيدي
ارجع احجيلكم شويه عني
ابني الجبير أمير مزوج وطالع
وبناتي ثنيين مزوجات وحده مزوجه ابن عمها ووحده ابن عمتها
باقى بس الزغير قصي
خطبلنا وحده غريبه مو من اقاربنا هو شايفها وعاجبته
بيوم عرسه الناس كلها اجتنا الاقارب والجوارين
بيتنا انترس ناس ترس
بنينا مضيف بلشارع ماكفا للناس
اني معروف بلسوك وكل الناس اجت اجاملني
على عرس ابني
احنا هم تكلفنا بلعرس وعزمنا الناس كلها
بعد هذا اخر عرس بيتنا نريد تبقى ذكره حلوه
اني واكف برا اشرف على الاكل اكو قسم اكلو وطلعو
يغسلون
والقسم الثاني جاي نصب الهم اكل
جان اسمع صوت بنيه تصرخ
التفت شفتها رنا
ابوها ساحلها من شعرها وهيه تصرخ
البنيه لابسه رداء وشأل الشال وكع وهو مستمر يسحبها ويغلط عليها
كدام الناس من شفتها صرت عصبي حيل
عفت شغلي ورحت علي
امشي بسرعه
لزمته من ايده الي لازم بيها شعرها
الحجي...عوفها
ابو رنا مااعوفها اليوم اموتها
الحجي...ضغطت على ايده حيل وجريتها
ابو رنا....امشي كدامي لا بارك الله بيج
الحجي...شسوت ليش هيج تضرب بيها
طبعا رنا بس عاف شعرها ابوها خلت الشال على راسها وركضت البيتهم
ابو رنا....عايفه الشغل وجايه تتفرج على العرس
الحجي.. اي وشصار كامت الدنيا
ابو رنا....عدها شغل بلبيت منو سمحلها تطلع
الحجي...شافت البنات واجت انت ماتكلي شنو من بشر الخاطر الله
ابو رنا....اذا مااضربها ماتمشي عدل
الحجي....ترا طفله حرام عليك حالها حال البنات
ارحمها شويه خطيه عليك
ابو رنا....كتلك اذا مااضربها ماتمشي عدل
بعدين شنو طفله عمرها ١٧ سنه كلشي تعرف
بس تعاند اعلمها وما تتعلم
اتعودت على الضرب مثل الزمال
الحجي...جبت عمرك كله تضربها ما نعدلت
الضرب ما يجيب نتيجه
ابو رنا ...حجي لا تدخل بنتي واني اعرف دواها
الحجي...خاف ربك لا تموت بايدك
ابو رنا...موتت اهل النجف يطبها مرض على الاقل ارتاح منها
الحجي...عافني وراح يمشي ويدردم عليها
عفيه بنيه شلون متحمله هذا الكتل كله ماادري
شكد جنت فرحان بعرس قصي
بس ضجت على هاي المسكينه
شنو ذنبها صار اكثر من سبع سنوات وهيه تكعد بكتله وتكوم بكتله
وهذا ابوها شكد قاسي
شلون يعاملها هيج الله يعينها على ماابتلاها
لا اب بي حظ ولا زوجت اب ترحم حالها
يومين بعد العرس اني باقي بلبيت لان ناس تجينا
تباركلنا
اني وقصي العريس بلبيت
وأمير يروح للشغل بمكانه
طبعا لان تجينا ناس تبارك
عايفين باب البيت مفتوح
الباب الجبير للزلم والباب الزغير للنسوان يدخلن كبل على المطبخ
والزلم يدخلون للصاله
اكو جماعه جايين يباركولنا
طلعنا وراهم اني وقصي وصلناهم للباب
اني دخلت للصحيات وقصي دخل للبيت
طلعت جاي اغسل اديه بلمغسله
وجان جفتت رنا البيتنا تركض مرعوبه
شافت الباب مفتوح
دخلت حتى تحمي نفسها
خطيه خايفه لابسه دشداشه طويله
حافيه وما مغطيه شعرها
ووجها اصفر وتلهث
الحجي... هااا عمووو شكووو
رنا...الله يخليك عمو احميني من ابوي
بعدها تحجي راسا جفت ابوها البيتنا
هيه صارت وراي
اني فتحت اديه احميها خاف يضربها وكتله خير شكوووو
صارت وراي اسمع صوت نفسها قوي
تلهث هلكد ماخايفه
ابو رنا.. اليوم انعل والديها
الحجي....ليش اشسوت
ابو رنا... اموتها خلص
الحجي.. انت دست بيتنا وهاي عليها حشم
ابو رنا....اجيت ورا رنا
الحجي...اي بس دست بيتي وهاي عليها كعده
التفتت عليها كتلها ليش ابوج يركض وراح
رنا....رحت جبت صمون من رجعت بلطريق جوعانه اكلت صمونتين
بس وصلت حسبتهم نجاة
كامت تعيط عليه
هو دخل وسمعها تعيط بصوت عالي
نجاة...... اكلت الصمون كله
شراح نتعشى
وهو ركض وراي كوه خلصت نفسي منه
بس هو هذا كلشي صار
الحجي...يا ما تخاف من الله تركض وراها
بلبيوت علمود صمونه مدري ثنيين
انت شنو ملتك فهمني
جوعانه جوعانه الله واكبر جوعانه ياملة الإسلام
جوعانه واكلت
تركض وراها بلشارع حافيه وبدون ما تستر شعرها
علمود صمونه
انت هم رجال
بمكان ماتسمع مرتك اسمعها أفهمها
شنو الغلط الي سوته حتى تركض وراها هيج
ابو رنا...عشى خوانها ليش تاكله
الحجي.. اكلت حصتها هيه الها حصه بهذا الصمون لو لا
ابو رنا....هيه تاكل الفضاله
اذا بقى تاكل تريدها تاكل حالها حال الولد
الحجي...وولدك على رأسهم ريشه
وواحد أمير وواحد.سفير عوف الولد تاكل حالها حال زوجتك
ابو رنا....وووين ترحين مالج مكان ترجعين للبيت ونتفاهم
الحجي...اوكف. طلعت خمسه من جيبي...هاي خمسه روح اشتري بيها كلها صمون
وحلفتك برب العالمين لا تقرب عليها
اخذ الخمسه ورجع للبيت
نزعت الغتره من راسي ونزعت نعالي
هاج بابا غطي راسج والبسي هذا النعال وارجعي البيتكم
خلي عينج بعين الله
ماكو غير رب العالمين يخلصج من هذا الضلم
لبست نعالي وخلت الغتره على راسها ورجعت بيت اهلها
شكد ضجت عليها
كل هاي السنيين اسمع الناس تحجي شلون يضربها ابوها
بس هسه من شفتها وشفت ابوها شلون يعاملها
انقهرت عليها
صليت ودعيتلها من كل كلبي
الله يخلي ابن حلال بطريقها وتزوج وترتاح من هاي العيشه
مسكينه مستقوين عليها ثنيينهم
الله يعينها على هاي البلوه
