رواية عشق العقرب كاملة جميع الفصول بقلم فريده مصطفى
ملك: هروح معاك
سيف: تروحي معايا فين؟
ملك: فرح احمد صاحبك
سيف: لا طبعا
ملك: ليه يعني
سيف: هو كده
ملك: هو فيه ابن عم يرفض ل بنت عمه طلب؟
سيف: هو مش انا رفضت؟
ملك: ايوا
سيف: يبقى فييييه
ملك: عشان خاطري خدني وبعدين م انا جاهزه قدامك اهو
سيف: اه انتي شكلك مرتبه من الاول بقا
ملك ب ابتسامه: بصراحه اه
سيف: يا شيخه روحي بفستانك ده
ملك: ماله وحش؟
سيف: المشكله انو حلوووو... وبعدين اي كل البوهيه الي ف وشك دي
ملك: بوهيه؟ اسمه فونديشن يا جاهل
سيف: الفونديشن ده معدي؟
ملك: هو انا قولتلك قبل كده انا دمك دم صراصير؟
سيف: اه كتير
ملك: طب هتاخدني ولا لأ يعني
سيف: لا
ملك: يا سيف عشان خاطري
سيف: طب روحي غيري الفستان ده الاول
ملك بعصبيه: ماله يعني
سيف: لونه مش عاجبني
ملك: خلاص مش هروح اوففف
وسابته و مشيت
سيف ف نفسه: عيله قموصه... بس اي قمررر
سيف و ملك ساكنين ف قصر من ثلاث ادوار دور ل سيف وملك و ليلى و زين ولاد عمهم ودور ل عمهم ومراته ودور لجدهم وجدتهم... بس في مشاكل بينهم و بين عمهم و مراته
سيف خلص لبس و سرح شعره ونزل و هو نازل على السلم قابل مرات عمه على السلم
سيف ببرود مصطنع: طالعه الدور بتاعنا تعملي اي يا مرات عمي؟
سهيله(مرات عمه): ها... طالعه انضفه
سيف: لا متتعبيش نفسك الشغالين نضفوه
سهيله بابتسامه سمجه: ماشي يا سيف وبعدين انت رايح على فين كده
سيف: اظن حاجه متخصكيش يعني.... عن اذنك
سابها تنكت ف نفسها ونزل ل جده وكانت ملك قاعده جنب جدها و متعصبه
سيف: ملك تعالي عايزك بعد اذنك يا جدي
ملك: عايز اي
سيف: قولت عايزك.. وشاور بعينه على عمه الي قاعد بيراقبهم
ملك فهمت و قامت معاه
ملك: ها عايز اي
سيف: خلاص هاخدك معايا
ملك بفرحه طفوليه: بجد يسسس
سيف: اسبقيني على العربيه
ملك: طب استنى اقول ل جدي
سيف: طب خلي بالك عشان عمك و مراته قاعدين
ملك: متقلقش
راحت ملك ل جدها
ملك: جدو حبيبي
سليمان(جدها): نعم ياحبيبة جدو
ملك: انا رايحه مع سيف فرح صاحبه
سليمان: طيب يا حبيبتي خلي بالك من نفسك
سهيله بضيق: هو انت هتسيبها تروح يا بابا؟
سليمان: اه هسيبها تروح
عاصم(عمها): ازاي يعني يا بابا؟
ملك بصتلهم بقرف وسكتت
سيف كان واقف بعيد و لاقاهم بيتكلموا ف راح عندهم
سليمان: وانت مالك يا عاصم
عاصم بزعيق: يعني اي وانا مالي
ملك بدموع: خلاص يا جدو انا مش عايزه اروح
سيف من وراها: لا هتروحي يا ملك و غصب عن اي حد.. ما عدا جدي طبعا
سليمان: هتروحي يا ملك و الي مش عاجبوا الباب يفوت جمل
سيف اخد ملك من ايديها و اتجهو للعربيه وركبو
_______________________
ملحوظه:..ملك امها متوفيه وباباها عايش بس مسافر مع ليلى وزين و جدة ملك....لأن جدتها لازم تتعالج برا.. ليلى معاهم عشان هي بتدرس برا اصلا...أما سيف ف مامته وباباه متوفين...وليلى و زين مش اخوات..زين يبقا ابن سهيله وعاصم مع أنه غيرهم خااالص..نرجع..
___________________________________
|| في الفرح ||
ملك نزلت من العربيه و سيف نزل من الناحيه التانيه
ملك: انت واخدني غصب ياه؟
سيف: ياه؟فين الانوثه؟وبعدين هخدك غصب ليه؟
ملك: مش المفروض تفتحلي باب العربيه و تنزلني كده زي الافلام
سيف: ليه هو انتي متكسحه؟..امشي يا ملك ربنا يهديكي
ملك دخلت القاعه وجريت بسرعه وقعدت لأنها كانت اخر طربيزه موجوده في القاعه ..سيف ضحك عليها وراح قعد معاها..
سيف: هروح اسلم على صاحبي و ارجع
ملك: طب وحياة امك م تتأخر انا معرفش حد
سيف: اي ببنتي الملافظ الساقعه دي ..حاضر مش هتأخر
(مشي وسأبها)
ملك كانت بتبص على العرسان وقد اي شكلهم كان قمر.
وفجأه دخل عليها واحد وقعد على الطرابيزه جنبها
ملك: المكان محجوز من فضلك
الراجل: نتعرف؟
ملك بصتلوا واتكلمت ببرود:لا مبتعرفش
الراجل: ايوا دلوقتي مش عايزه(شاور على سيف) لكن بعد م تخلصي الواد الي هناك ده(اداها الكارت بتاعه)ابقي كلميني
ملك مسكت الكارت و قطعته ميت حته ورامته ف وشه
ملك: لا بص بقا واضح أن حضرتك مبتفهمش..والله العظيم لو م قمت من هنا انا هـ..هنادي سيف
الراجل بخوف مصطنع: سيف بالهوي خلاص ونبي..انتي فاكره اني هخاف من الواد الخرع ده؟
سيف شاف راجل قاعد مع ملك
سيف:عن اذنكم يا جماعه ثواني
احمد(العريس صاحبه):اتفضل يا حبيبي
سيف جري ناحية ملك
سيف: مين ده؟
ملك: معرفهوش ده جه قعد وعايز يتعرف وبيقول كلام غريب كده
سيف بصله ببرود: هي مامي معلمتكش أننا مينفعش نقعد مع غريب؟
الراجل: لا والله محصلش نصيب
سيف بعصبيه: طب تعالا انا أعلمك
مسكوا من البدله و طلع بيه برا..ملك طلعت تجري وراه
طلعوا برا و سيف فضل يديلوا بوكسات ف وشه لحد ما جاب د.م الناس فضلت تحوش سيف و الراجل طلع يجري
سيف دخل القاعه سلم على صحابه واخد ملك من ايديها واتجه ناحية العربيه
ملك بوجع: أهه يا سيف ايدي وجعاني سيبها
سيف بزعيق: قسماً بالله يا ملك لو سمعتلك كلمه انتي حره
ملك بعصبيه: انت متعصب عليا انا ليه م انا اخدت موقف قدامك
سيف: هو انا مش قايلك ميت مره يا ملك متكلميش حد ولو حد ضايقك تقوليلي
ملك: هو انا صغيره يا سيف؟
سيف: اه صغيره يا ملك
ملك مردتش عليه و حاولت تفلت ايديها منه لكن معرفتش..ركبها العربيه و ركب واتجه ناحية القصر
_____________________________________
||ف القصر||
ملك دخلت و جريت على اوضتها و هي منهاره من العياط و سيف دخل و رزع الباب وراه و دخل أوضته
سليمان استغرب جداً أما سهيله و عاصم ف كان برضو مستغربين بس عليهم ابتسامه من الودن للودن
سليمان لاحظ الابتسامه: في أي مبسوطين كده ليه؟
عاصم: لا ولا حاجه يا بابا
سليمان فهم أنهم مبسوطين عشان ملك و سيف الي داخلين القصر متضايقين
سليمان قام وسابهم و طلع على اوضة سيف
سليمان خبط
سيف من جوا: مين؟
سليمان: انا جدك يبني افتح
قام سيف و فتحله الباب و رجع قعد على السرير تاني...سليمان دخل وقفل الباب وراه وقعد جنبه
سليمان: مالكم يبني راجعين عاملين كده ليه؟
سيف: مفيش خناقه بسيطه
(بسيطه؟ اه يا كدااااااب)
سليمان: اي الي حصل يعني؟
سيف: ولا حاجه يا جدي متخافش
سليمان: قول يبني متتعبنيش
سيف كان هيتكلم بس شاف ظل واقف ورا الباب بتاع أوضته جده كان هيتكلم سيف شاورله انو يسكت
راح بتسحب للباب وفتحه فجأه لقى مرات عمه كانت هتقع عليه
سيف بثقه: عرفت يا جدي مش عايز اتكلم ليه؟
سليمان: انتي كنتي بتجسسي علينا يا سهيله
سهيله بتوتر: لا طبعا يا بابا أتجسس عليكم ليه؟
سيف بصلها ببرود: عشان تنقلي الكلام ل عمي مثلا؟
سليمان:استنى يا سيف..انتي كنتي واقفه هنا بتعملي اي؟
سهيله: مبعملش حاجه يا بابا
سليمان: ماشي يا سهيله حسابك معايا بعدين
سليمان قام و خرج ف اتجاه ل اوضة ملك
خبط على الباب
ملك من جوه: مين؟
سليمان: افتحي يا ملك انا جدك
ملك فتحتله واترمت ف حضنه و فضلت تعيط سليمان طبطب عليها و دخل و قفل الباب
سليمان: مالك يا حبيبتي اي الي حصل؟
ملك حكتلوا كل حاجه بالتفصيل
(مبيتبلش ف بوقها فوله)
ملك: هو انا غلطت يا جدو؟
سليمان: ايوا عشان سبتي الراجل يقعد معاكي من الأول
ملك: بس انا زعقتله و اخدت موقف
سليمان: بردو كان لازم تنادي سيف يا حبيبتي
ملك: عندك حق..وفضلت تعيط
باب الاوضه خبط
سليمان: مين؟
سيف من برا: انا سيف يا جدي
قام سليمان يفتح وخرج عشان يسيبهم يتكلموا لوحدهم
ملك بصتله و هي منهاره: انا اسفه يا سيف كان لازم اناديك من الأول
سيف: انا بردو اسف عشان مكانش ينفع اشدك قدام الناس بس هو واد ابن***
ملك: انت جاي تشتم ف اوضتي يا جدع
سيف: اه
ملك بابتسامه: الشارع الي وراه
سيف مسكها من التيشيرت: انتي يابت مش كنتي بتعيطي من شويه؟
ملك: اي ده اي ده.. طب سيب التيشيرت بعد اذنك
سيف: لأ
ملك فضلت تتحرك يمين و شمال عشان تحاول تفلت منه:يا جدع بقولك سيب التيشيرت ده اغلى من كليتي
سيف سابها و فضل يضحك: طب البسي يلا
ملك بفرحه: هنروح فين
سيف: هنخرج
ملك بابتسامه: و نرجع وش الفجر؟
سيف ضحك: مش وش الفجر اوي يعني
ملك: طيب اطلع بره بقا
سيف: اي قلة الذوق دي
ملك: ياعم اطلع برا عايزه البس
سيف: طب البسي الطقم الي جبناه سوا
ملك: ايوا صح عشان نعمل ماتشي ماتشي
سيف ضحك وسابها و طلع
ملك لبست الطقم الي كان عباره عن بنطلون اسود و تيشيرت ازرق عليه حرفها و حرفه بالأبيض وسيبت شعرها و حطت ميكب خفيف
و سيف لبس نفس الطقم و سرح شعره و راح خبط عليها
ملك: مين؟
سيف: انا سيف خلصتي؟
ملك ايوا خلصت ثواني بجيب شنطتي
جابت الشنطه و خرجتله
ملك: اي رأيك شكلي حلو؟
سيف: لا ده انتي كده لازم تستخبي من الكائنات الي تحت دي(عمه و مراته)
ملك بكسوف: انت كمان شكلك حلو
سيف ابتسم لها و خدها ونزلوا
راحو لجدهم باسو ايديه و رأسه
سليمان: رايحين على فين كده
سيف: هنخرج
سهيله بضيق: على الله مترجعوش متخانقين زي كل مره
ملك: لا يا طنط مش هنرجع متخانقين بس انتي شيلي عينك من علينا
سيف كتم ضحكته بالعافيه و سهيله اتعصبت جداً
سهيله بصوت واطي: طنط ف عينك
سيف سلم على جده و اخد ملك من ايديها و ركبوا العربيه
||ف الطريق||
سيف: ها تحبي نروح فين؟
ملك: الملاهي طبعا
سيف: ملاهي اي وانتي شاحطه كده؟
ملك: ياعم وديني الملاهي بقا
سيف ضحك: طيب يختي
||في الملاهي||
سيف: هتلعبي اي؟
ملك: هلعب؟ قصدك هنلعب
سيف: هنلعب اي؟
ملك: تعالا نركب دي
سيف: لا دي صعبه اوي انتي مش شايفه بتطير ازاي؟
ملك: عشان خاطري..انت خايف ولا اي؟
سيف: يلا نركب
راحوا ركبوا اللعبه وفضلت تطير بيهم
ملك بصراخ: هيييييه
سيف: حسبي الله ونعم الوكيل اااععع
ملك: بس ياه يا خرع انت
سيف: اصبري لما ننزل من ال الشماعه الي ركبينها دي وهوريكي
ملك فضلت تضحك
نزلوا من اللعبه و سيف مسكها من التيشيرت
سيف: انا خرع يابت؟ انا خرع؟
ملك: لا لسمح الله..دي زلة لسان بس..سيبني بقا
سيف سابها وضحك على شكلها
ملك: انا جعانه
سيف: هتطفحي اي؟
ملك: م براحه يا عم هو انا بشحت منك؟
سيف : اخلصي هناكل اي؟
ملك: شاورما
سيف: ماشي
راحو ل مطعم شاورما و قعدوا و كلوا
ملك: الاكل كان حلو اوي
سيف: اه..ها هنلعب اي تاني
ملك: مش عارفه..تيجي نروح الكورنيش؟
سيف: ماشي فكره حلوه برضو
ركبوا العربيه و راحو الكورنيش
ملك: بص النيل شكلوا حلو ازاي
سيف: ايوا شكلوا تحفه..تاكلي ايس كريم؟
ملك: اه والله تبقا كملت جميلك
سيف ضحك: طب عايزه طعم اي؟
ملك: توت
سيف: ماشي
راح جاب الايس كريم و ادهولها
ملك: انت معاك طعم اي؟
سيف: فراوله
ملك: ممكن حته؟
سيف: طب هاتي حته من بتاعك
ملك ادتلوا معلقه من الايس كريم بتاعها
سيف: طعمو حلو
ملك: هات بقا حتى انت هتنصب عليا؟
سيف: خدي يا ستي
ملك: طعمو حلو بس التوت احلى
سيف: طب يلا كلي بسرعه عشان نروح القصر
ملك: الفجر لسه مأذنش
سيف: نبقا نكمل بكره بقا
ملك: ماشي
اكلوا الايس كريم و ركبوا العربيه و مشيو
وصلوا القصر و سلموا على جدهم و كل واحد طلع أوضته ونام
||تاني يوم||
صحي سيف على صوت صريخ جده و نزل بسرعه يشوف في أي
سيف بخضه: في أي يا جدي
سليمان بعياط: ملك كانت بتحاول تنـ.تحر يبني و نقلوها على المستشفى
سيف بصدمه: اي ا..ازاي يعني انا هطلع البس و اروح لها
جري سيف على أوضته ولبس و نزل ركب عربيته و مشي
||في المستشفى||
سيف جري على السكرتيره
سيف: لو سمحت في مريضه عندكم اسمها ملك ايمن فين اوضتها
السكرتيره: ايوا يافندم هي ف العمليات دلوقتي
سيف مسح على وشه بقلق وقعد يستناها
ملك خرجت من العمليات و ودوها اوضه عاديه
سيف: طمني يا دكتور ملك عامله اي؟
الدكتور: الحمدلله لحقناها لان الشريط الي خدتو واحده منه بتمـ.وت ولو كانت اتأخرت كانت فارقت الحياة
سيف: الحمدلله.طـ..طب ينفع ادخلها
الدكتور: هي نايمه دلوقتي بس ينفع عادي
سيف دخل الأوضه براحه وقعد ف الكرسي الي جنب سريرها واتصل ب جده و طمنه
سيف: كده يا ملك عايزه تسبيني؟ طب انتي لو سبتيني مين هيغلس عليا و مين هيفضل يزن عليا عشان نخرج ها؟
اتكلم بدموع: انتي كنتي معايا امبارح زي الفل ليه عملتي ف نفسك كده؟ اي الي حصل خلاكي عايز تمـ.وتي نفسك
سند راسو على سريرها و فجأه حس ب ايديها بتتحرك قام بسرعه ولاقها بدأت تفوق
سيف بدموع: ملك انتي كويسه؟
ملك بتعب: سـ..سيف انت هنا؟
سيف: اه انا هنا جنبك..ليه عملتي ف نفسك كده ليه عايزه تسبيني؟...احنا مش اتفقنا أننا هنفضل مع بعض دايماً؟
ملك: مرات عمك هي السبب
سيف باستغراب: مرات عمي؟..ازاي يعني
ملك: حطتلي الشريط ف الاكل..انا كنت مستغربه اصلا أنها جابتلي اكل
سيف:.....
