رواية قيود العوف كاملة جميع الفصول بقلم ريتا
رجلٌ شرسٌ شُجاع
مُتقلبُ المزاج
غريبُ الطورِ عديَمُ المُشاعر
حيَادي لا ينحاز سَديدُ الرأي
رابطُِ الجأَشِ وثابِتُ القلب
حتىٰ..
وقعت تلك الجميلةُ بين قيودهِ
لكنها ليست كـ أي قيود..
وهي ليَسّت كـ اي جميلة..
بَل هي كـ اِنقِباضة القَلْب
ورَقْصة المَوْت المَشؤومَة
كـ حُلْمٌ عَقِيم وواقعٌ لئَيِم
غَليَظةُ القلبِ وصَِلبَة الِروح
مُتمردَة ..
ستطَوفُ فَِي فُؤادِك بِشَكلً مَديِد
خَِلاصَكُ مَنِها شَيئُاً بَعيد
بينَ الهَمِ والغَمِ بينَ الخُذلانِ والنكرانِ
بيَن العَذابِ والوجَعِ وبَينَ المساومةِ بالجسَِد
مِن رَحمِ المُعاناة ألىٰ الحيَاة .
لكُل قصة تُروىٰ هُناك ما خفِي وكان أعظم .
#بقلمـَي: ريتـا
#rerii0
#قيود العوف
"#المقتطف"
#قيود_العوف
اِنتزعتُ طَوق نجاتِكُِ
حِين رأيتُ عينيكِ للمرّةِ الأُولىٰ
فلا نجاةَ بعد الآن انتِ في قيَود العوف
***
الغلاف الي ياخذ العقل ❤️🔥.
- چنت لامة رجلية لصدري وراسي بنصهمصوت الطلق ، صوت العياط احتل مسامعيسديت أذني بأيدي ما اريد اسمع شيء ما اريد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
- چنت لامة رجلية لصدري وراسي بنصهم
صوت الطلق ، صوت العياط احتل مسامعي
سديت أذني بأيدي ما اريد اسمع شيء ما اريد
- لحد ما بعَد مرور دقائق عم الهدوء علىٰ المكان
ولا كأنه قبل فترة قصيرة كان هذا المكان اشبَه بساحة الحرب
- أنفتح باب الغرفة وأني علىٰ نفس وضعيتي
مارفعت رأسي خفت ارفعة فكرتهم نفسهم وأرجع اشوفهم
ما اريد ما اريد
- قاطع صوت تفكيري صوت خشَن ونبرة حادة
ما سامعتة من قبل ومايشبَه صوت أحد منهم
- منو أنتِ ؟
- رفعت رأسي فور سماعي للصوت
-وگف عند الباب ورمقنَي بنظرَة غريبة وگال
-انتِ شتسوين هنا ؟
-بچيت بقلة حيلة وگلت بصَوت مبحوح
-والله ما أعرف مو أني اجيت هَم أخذوني
- نظراتَه المليئة بالاستهزاء وعدم التصديق
نظرات كأنها تگُلي اكتفي بالسكوت
- ما چان عندي الحيل والقوة حتىٰ أبرر
مثل الغرگان ومابيَه يصيَح كُل الي يريدة
ايد تنمد أله وتنجيَ من الغرگ
- كُل الي بَدر مني هوَ
-مديت ايدي اراويَه أثر الحبل والتعذيب الي
بيَهم باوعَت بعيَونة واحتَلت الدمُوع عيَني وگلَت
-شوف التعذيب شوف شسوو بيَه
-ليش همَ شردوا وأنتِ بقيتي
سكت وعقد حاجبَة ورجع كمل
شنو اليضمن الي أنتِ مو منهَم وتمثلين عليَه
-اضرب بأيدي علىٰ وجهي واعيط واحچي
لا والله أني بريئة والله ما اعرفهم منو
-الله يخليكم كافي رجعوني لأمي مالي دخل بيهم مالي دخل
- صرت اشهگ وارجف والدموع احتلت كُل مكان بوجهي وهَو هادئ
-كُل الي سواه ضحك ضحكة استهزاء
- بعدها نطق وگال
-مسحيلي دموعج وگومَي
- چنت تعبانَة والارهاق والحَزن غلفني كُلي لكن اطمئن قلبي من لاحظته بالزي العسكري فرحَت وگلت خلَص أنتهىٰ عذابي راح أرجع لأمي أكيد
- مافكرت بالمجهول الفرحة احتلت كُل مكان بعقلي وبجسمي وماتركت لي مجال أفكر قبل ما اگوم واتحرك گدام هذا الانسان الغَريب
وإني راح ارجع اتقيد لكن هلمَرة بقيـَود العَوف
هَل لكَ أن تدلنُي علىٰ المسَار
أم سَتأخذُنِي بيَديكَ للِنَار ؟
________________________________
#قيود_العوف
#قيود العوف
#part 1
#قيود_العوف
#بقلمي :ريتَا
لتنسَون التصويَت + التعليق بين الفقرات قلبي 💚.
insta: rita.almukhtar
- إنَّ الله مَعَك في كل مرَّه ومُرَّه"
شبابات صوتوا دوسوا علىٰ النجمَة 🤏🏻
___________________________________
علىٰ مر التاريخ للكلمَات قوتَها تُقيم حرباً وتُطفئها ، تُحيي قلبًا قد قتل اليأس كُل أماله وتقتُل ، وتؤلم ، وتؤذي كَ السُم بَل رُبما أشَد
، تُحفز ولعلهَا المُهمة الأسهل والأصعب في وقَت واحَد ،
يختلف تأثيَرها حسَب قائلَها ، لها وزنها وقوتَها وأثرُها
، حتىٰ إننا تفننا بَها وصنَفناهَا ، وأصبح لنَا فيَها مدارس وهَي
في الأصل ، كلَمة .
- فتحت عيوني ع ضوء الشمس الي داخل من الشباك وعلىٰ صوت العصافير الي مستقرة بقربَه
- تمغَطت وگمت لأن احب گعدة الصبح تنطيني نشاط وطاقة خصوصاً صبح الشتاء احس بيَه طاقة وجو مخُتلف لازم استغل شهور الشتاء القليلة واتمتع بيه
- عندي عادة أول ما اگعد من النوم اقرة هذي الاية
امي علمتني عليها واتعودت اقراها كُل يوم الصبح
- {بِسْمِ اللَّهِ الرَّحْمَنِ الرَّحِيمِ }
﴿ وَمَنْ يَتَّقِ اللَّهَ يَجْعَلْ لَهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا ﴾
- اقراها وابدي يومي بكُل حب وراحة قلب غسلت وجهي وفرشت أسناني وأتجهَت للمطبخ حتىٰ اسوي قهوة أني ماحب الريوگ استبدلة بقهوة
- بس أني وماما ساكنين بالبيت والدي شهيد وماما من بعد وفاة والدي
رفضت الزواج مَثل ما يگولون نذرت عمرها خاطر تربيني
- أني طالبة مرحلة اخيرة شديت عزمي علىٰ دراستي حتىٰ أتخرج واشتغل وأعتمد علىٰ نفسي لأن شهادتي سيَفي الحاد بهيچ مجتمع
- أخذت قهوتي وطلعت من المطبخ ورحت يم الهيتر تكرفصَت وگعدت بقرب ماما دغيتَها بچتفها وگلتلها بحرشَة
- صباح الخير أمولة
ضحكت وهي دتشَرب چايَها باوعت الي بنظرة طرف وگالت ..
-صباح النور عيني شو مصبَحة المن شو غياب وغايبة
- والله يا أمولة أني احب اگعد الصبَح ومتعودة عليَه
هزت الي راسها وسكتت بقت تشربها بچايها وصافنَة سألتها قاطعَة صفنتها بسؤال يدور ببالي من زمان ..
ماما ليش متزوجتي بعَد وفاة بابا وانتِ بعدچ صغيرة ؟
طبگت حواجبهة مستغربة سؤالي باوعتلَي وصفنت بيه شوية بعدها ضحكت ضحكة خفيفة من بين شفايفهة ..
- نسَدت عينيَ يايمة بعد ابوچ والمن خلفة وعندَي انتِ
تسوينهم يايمَة لا رايدة رجل بَعد ولا رايدة ولد
لويت شفتي حضنتها ولفيت ايديَة عليهَا بتنهيدة ورديت ..
حتىٰ اني ولا أتزوج بس اتخرج اشتغل علمودج وعلمودي بَس
أشو ما احس اله علىٰ گرصة بزندي نزيت منها باوعت الها موسعة عيوني وگالت ..
-شنووووو ولچ نايمة على گلبي اريد اشوف اطفالج اني هم أريد اسمع كلمة ماما لو بيبي منهم ..
- ماما لعد شلون افارگج !
- ولچ گعيدي گعيدي نگعدة ويانَة
-حچتها بشكل جدي ضحكت علىٰ جديتهة بهلموضوع بستها بخدها ولطشت روحي بيهااا اخخخ اخخخ امووولتي حبيبتي سوالفها تخبل ما أمل وما اشبع منهاااا أمل روحييي ...
خلصت قهوتي ونهضت رحت نظفت غرفتي ونظفت البيت خلصت كل الاشياء العندي ورحت اقرأ عندي امتحانات يبوووو يبووو شگد اكرهن تفكيري يصير بس بيهن ..
بين ساعات دراستي الي مرت سمَعت صوت ماما وهي تصيحلي طبگت كتبي شلتهن وطلعت ..
- جُمان جُمان وينج
- جُمان :ها ماما ها
- امل : طلعي السمچ حتىٰ نشوي
يبووو يبوو أتوقع ماما عندها علاقة وي السمچ لإن حُبها للسمچ شيء فضيع هاي بين كُل يومين اذا متاكُل سمچ تگول أني فاقدة شيء..
- أمل: جُمان ماكو معجون داسوي صلصة للسمچ روحي جيبيلي من
المحلات معجون وسماگ
ماگلت لا لأن لو اني لو هيَ نطلع نتسووق اخذت فلوس ولبست بشت فوگ ملابسي وطلعت سبب من أسباب وجودنا وعيشتنا بيها رغم وحدانيين هو أنُ منطقتنا هادئة بشكل صار النا زمان بيها بس مشفنا فد يوم صار بيها شيء ..
واني وماما كافين خيرنا شرنا نمشي بطريقنا ونرجع بطريقنا مافد يوم تعرض النا احد او تعرضنا لأحد .. هذا أكثر شيء حامدين ربنا وشاكرينة عليه..
بعدني دامشي واسولف وي نفسَي حسيت اكو صوت سيارة بالشارع صار قوي التفتت وراي شفتها سيارة سودة مظلله كل شيء مينشاف منهَا مشت خفيف و وگفت وأني هم وگفت بأستغراب باوعت إلها..
بس متحركت السيارة ومنزل احد منها بس بقت واگفة مثل وگفتي بالضبط لويت شفتي وباوعت الها ما اهتميت درت ظهري وكملت طريقي عادي ..
بس يبووو على عمرج جُماان أول ما دخلت لبيتنا هي سمعت صوت الباب واني بعد ما أسمع غير عياطهااا ..
- امل: لو نايمة هناك جُمان
- جُمان: امولة غير المحلات بعيدة ترديني اركض بالشارع حتى أوصل سرييع ؟؟
- امل: ولچ الباردة تمشيَن علىٰ بيض مكسر صارلج فوگ النص ساعة علىٰ معجون وسماگ
- جُمان: ماما انتِ شبيچ مستعجلة دائماً خلي نتأخر شوي بالغدا شيصير يعني
- امل: تدرين اني بشبابي شنو چانوا يسموني عيَالي
- جُمان: شنو
- امل: فلفل چانوا يسموني فلفل
هي گالت هيچ واني طگيتها بضحكة من كل گلبيي ...
-هههههههههههههههههههههههههههه
- امل: تضحك الخارمة تضحك
- جُمان: لعد ماما شنو يعني يسمونج فلفل هههههههههههه
- هاي يعني اني حارة مو باردة مثلج ضحكت وگرصتني
- جُمان: لعد اني راح ارجع الج شبابج منا ورايح كُله اگُلج فلفل هههههههههههههههه
باوعتلي وبيدهَا الچفچير رفعتة وسحبت نفسي واني اضحك دخلت أكمل دراستي عندي دوام وكووومه مواد متراكمة عليه ..
لبست نظارتي أخذت قلم لفيت بيه شعري وگعدت أدرس بتركيز لحد ماحسيت نفسي تعبت باوعت للساعة ونهضت فتحت شباك غرفتي ضحكت بخفة ..
والله هلمنطقة ماكو أهدأ منها بكل وقت ناسهة تشوفهم قليل تواجدهم بالشارع ماكو محد يطلع من بيتة.. بس دائمًا أكو رجال كبير بالعمر يگعد گدام باب بيتة شوية بعدها يفوت تركت الشباك مفتوح وابتعدت عنه طلعت أحضر الغدة ويه ماما ..
- امل: جُمان ماما ليش دتغيبين هواي دتفوتج محاضرات وهذا مو بصالحج
- جُمان: ملل ماما والله الي يگول الي يدُخل جامعة يرتاح كذاب الدراسة صعبة بكُل المراحل وكُل مرحلة اصعب من الي قبلها لازم ارتاح شوي تخلص طاقتي هيچي ماما
-أمل: هاي الأوقات وهاي الأيام راح تفتقدينها بعدين
-جُمان: ولا افتقدهااا بس خليني اتخرررج شكوو افتقدهاا ويع
-أمل: من تتخرجين وتتذكرين أيام الدراسة تشتاقين إلها يصير بنفسج بس تدرسين .
-جُمان: صخااام الصخمنييي اني علىٰ هلضيم أشتاق للدراسة ؟
-أمل: لطميي بعد لطميي
-جُمان: اخخخ يوووم الامتحان ينراد اله لطممم والله
-أمل: اي شكو بيها لطمي علىٰ وجهج زلغي خدودج هم
-جُمان: هاي شنوو يووم ؟؟
-أمل: لطمي مامه لطمي
-جُمان: يبووووو
-أمل: وعلووووا وعلوووا
-جُمان: يفدوه خجلتيني بهلرد الي الذوق والاتكيت كله بيه
-أمل: تدورين ذوق واتكيت يمعزاية لعد والامتحانات ؟
-جُمان: صخااام يبووو
أخذت الاكل وطلعت قبلي واسمعها تگول ..
-أمل: وعلو بعدوينج
ضحكت وأخذت الماعون وطلعت اي اي هايه ماما تسايرني وتاخذني علىٰ گد عقلي لأن تعرفني بوقت الامتحانات حالتي ونفسيتي و وضعيتي تصيررر بالنااازل واخرط واسولف أشكال وانواع ..
بيومهه چنت محتاجة أطلع للسوگ أشتري كم شغلة ناقصتني حاچيت ماما ماگالت شيء حضرت نفسي وانتبهت تاركة الشباك مفتوح بعد ماسديتة اخخ يالفهاووة العندج جُماان ..
-أمل: يله ست الحسن ماطلعت هاي
-جُمان: لحظة يووم
-أمل: لعد شوكت نرجع تاخذنه المغربيه جُمااااان
جريت شالي لبستة شلون ماكان ولفيتة بدون دبوس طلعت تك حذاء برجلي لبست التك الثاني بالباب ماما تعيط والتكسي يدگ هورن صبرررر ماكووو صبررر !!
بقىٰ طرف رجلي مادخل بالحذاء نفخت وگلت ميخااااالف طلعت وحتىٰ الرجال هلگد ما أمي مستعجلة وتنتر عدتة اني طلعت گبالة وهو يدگ هورن ..
والبلووووه جاب الطريق كُله يسولف عن حرب ايران يسكت ويرجع يفوت بحرب الكويت والعراق ويسولف ويسولف امي تعصر بگصتها وتزفر وهو بقىٰ يسولف ويرجع ليورا باوعت الي وتهز بأيدها وتحرك بشفايفها شبي هذاا شبيي ..
-ومن طگنا الحصار خووو شصااار بينا يعني احنة الفلوووس الچانت عندنة مطشرة مطشرة بس أكل ماكوو مانلگييي أكل..
غصيت بضحكتي من همست أمي من بين أسنانها..
-أمل: وين رجعنة يالله
باوعلي بالجام وگال ..
-چانت عندنة فلوووس يابوو فلوس ابوي چان من الأغنياء وكل شيء مالك شوفي هاي بغداد نصهة چانت اله والفلوس هلكثر ماهواي نشمر بيهن جوة الكناتير مايبقى مكان نخليهن بيه
رفعتت حواجبي وفتحت حلگي مذهولة يعني الفلوس تكثر بس مو لدرجة يشمرونهن جوة الكنتور لا وبغداد نصها چانت لأبوه !! باوعت لأمي تباوع ومقلصة عيونها قربت نفسي عليها وهمست ..
-جُمان: ديحچي صدُگ ؟؟
-أمل: اي اي يوم لعد شلون وهسة يطلع العراق مشترينة من أبوه بوكت الحصار
-جُمان: ههههههههههه
-چان عند ابوي ثلث شركات بثلث محافظات
-أمل: مو افتهمنه افتهمنه عرفناكم زناگيل بس كافي
حچيت بهمس وگلت إلها..
-جُمان: خلي يكمل طگني فضول
-أمل: عليمن علىٰ الچذب
-ونص ارض البصرة هم ترجع لأبوي
أستمع اله بضحكة وساكتة مسايرتة ماقاطعناه وهو نسولف وياه منسولف عادي يكمل سوالفة ممنتظرنة نبادلة الحديث أصلًا لعد نص بغداد لأبوه ونص البصرة لأبو لعد أبو مشلح العراق درت طرف عيني علىٰ ماما من گال ..
-يعني منين مانميل نغرف الفلوس العندنة مو عند أحد هلكثر ماعندنة ومو بعينة نشمر بيهن جوة الكناتير حتىٰ مانگدر نحسبهن
-أمل: عادهه مرتين
-جُمان: زين عمو ليش تشمرونهن جوة الكنتور ؟؟
-ماااكو كل الأماكن الي بالبيت تنملي فلوووس ميبقى مكان بعدد جنط ضخمة تدخل للبيت كلها فلوس وين يبقى مكان بعدد اذا حساب منگدر نحسبهن...
ألتفت علىٰ ضحكة أمي حطيت أيدها علىٰ شفايفهة وهمست ..
-أمل: لعد المن دتشتغل تكسي وهلفلوس كلها عندكم
حچتها من بين أسنانهة نحصرت ضحكة حسيت وجهي راح يطگ واني كاتمتهه وهو مستمر يسولف لوحدة والمشكلة بدة الحچي يصير كذب فعلاً ومتعودين متعودين هلأشكال كومة دنصادف منهااا ..
ماما متحچي وياهم وتمووت منهم يمكن بسبب هلمبالغة بالحديث ..
وجاب الطريق كله علىٰ نفس الموضوع وإذا غيرة يرجع عليه والفلوس والشركات وأبوية وشركاتنة ويووووه يووووه ما سكت وماجرينة نفس براحة الا من وصلنا و وگفت السيارة ولحد مانطيناه الكروة وهو بعدة يريد يسولف نزلت من السيارة وضحكت حيل بعد ما أتحملت ..
-أمل: ولك شنووو الجذبب دخنااا
-جُمان: لا ماما ابوي چان عنده ثلث شركات بالعراق ونص بغداد هي اله والفلوس العندنه نشمر بيهن جوة الكناتير متهمنة الفلوس طن عندنه
-أمل: وديشتغل تكسي حتى يونس روحه
-جُمان: حياة الزناگيل مملة لأن عندهم طن فلوووس
-أمل: طن چذب يوووم
كملنا طريقنة بهليوم چان الازدحام يسطرر ويدوخ كومة ناس افترينا بالمحلات نشتري نواقصنا واحتياجاتنة طلعت من المحل جاي أمشي واباع مندمجة فزيت علىٰ شخص طخني بكتفي ألتفت بأستغراب بس ماشفت شكلة ولا عرفتة منو وازدحام ..
هزيت راسي شگد أكره السووق أبد ميعجبني هلمُكان بس أضطر اجي لأن عندي احتياجات ونواقص كوومة وما أرتاح اله بأيدي اشتريهة افتريت وخلصت كل شيء أريده وماما كذلك فعلاً اخذنة الوقت وأتاخرنه هواية اتخبلت ماما من شافت الوقت
-أمل: شلون اللتهينة ولج جمينة صارت مغربية بعد ماعندج شيء موو
-جُمان: لا ماما
قلقت وخافت حتىٰ تغير لون وجهة ما أستغربت هاي أمي بس أكون وياهة بمُكان تخليني گدامهة وهي تمشي وراي تباوع الي تلزم أيدي تصيح بأسمي كل شوي تتفقدني وبالجامعة كل نص ساعة تتصل عليه لزمت أيدي وأجرنة تكسي اباوعلها ما ارتاحت ولا تغيرت ملامحهة اله من وصلنة للبيت ..
دخلت سبحت وسوينة أكل فتحت التلفزيون نباوع علىٰ فلم وناكل وماما مندمجة وطلعت لقطة مُرعبة وصاحت بصوت ..
-أمل: ولج جُمااااااان يمعزززاية
-جُمان: شكووو يوم شكووو
-أمل: طفيي ولج گومي طفي شنو هلجنانوة تتطافر عليينا كل شوية
-جُمان: فلم مامااا
-أمل: خيولي يخررع شينومني
ضحكت وغيرت القناة بعدهة أخذنا الوقت بالسوالف فتت لغرفتي وتمددت غفيت ومافزيت اله من رن المنبة علىٰ الساعة الـ6 الصبح گعدت اجر بروحي جر المي مابيه حيل أوصلة لوجهي والجو بارد يذبح حضرت نفسي دگ السايق عليه سلمت علىٰ ماما وطلعت من البيت دامشي عقدت حاجبي أول منتبهت للسيارة الي شفتها البارحة بس ليش قريبة علىٰ بيتنا أول مرة اشوفها معقولة تكون للجيران؟
غضيَت نظري عنها ومشيت بعدم اهتمام عنها اجة الخط ألتفت لماما وضحكت رفعت أيدي إلها واگفتلي بالباب وعينها عليه كأنما اني طفلة ومافاتت اله من صعدت بالخط ..
سلمت وگعدت صديقتي منار الوحيدَة الوحيدة الي من الجامعَة گدرت أتأقلم وياهَا وتتقرب منَي حذرة كُلش بهذا الموضوع علىٰ مدار السنوات الي درستها كُلها ما اختلطت بالبنَات ولا بالشبَاب معتزلة عنهَم تماماً ..
بس منَار چانَت مُختلفة الصديقَة الي ارتاح الها گلبي وجربتهة بهواية مواقف گدرت أثق بيها وتقرب لروحي ..
- منَار: صباح الخير جُمان
- جُمان: صباح النور عمري
- منار: ها شنَو المعنويَات
جُمان: هههههههههه المعنويات هابطة
منَار: انتِ ابقي گولي هيچي واخر شيء اعلىٰ درجة بالقاعة أنتِ
جُمان: خمسَة وخميسَة منار الامتحان صعببب
-منار: اي والله صعب اني نوم منايمة شگول عليك دكتور عليييي اخخ شگووول ليش شاد ويانة هيچ ليش يعني هلوجه هذا ينشد وياه هللطافة والأخلاق كلها وتشد ويايييه
تسولف وتأشر علىٰ نفسها ميلت راسي الضحكة بوجهي ..
-جُمان: ليش ماخذة الموضوع بشكل خااص بس انتِ راح تمتحنين !!
-منار: راح اتأثر
-جُمان: شلون بله؟
-منار: إذا مجاوبت راح أدخل بأكتئاب ولا أكل ولا أشرب ولا اسولف تطفى منار وتختفي البهجة الي بحياتكم بسكوتي
-جُمان: بلكت الله تسكتين لأن سطرتيني من الصباحيات
-منار: عديمة ذوق غيرج يتمنىٰ يسمع صوتيي
-جُمان: ومنو هذااا !!
-منار: ماعرف لسه ماعرفة بس متأكدة أكو أنسان ومعجب سري يتمنىٰ يسمع صوتيي
جبت الطريق كله أضحك حرفياً تفطسني هلمنار أحب نفسيتها وسوالفها فعلاً هي البهجة الي بحياتي شگد ما الأنسان يمر بأوقات صعبة ونفسيتة متحطمة بيها يحتاج لهيج نوع بحياتة يخفف حزنك ويرسم الضحكة علىٰ وجهك هيج ناس اني اسميهم نعمة ..
وصلنَا للجامعة دخلنَا الكافتريَا الامتحان ب8 ونص وبعدهي الساعة
شربنا چاي وصحصحنا شوي گعدنا نراجع المادة بيَن ما يحيَن وقتة ..
- منَار: جُمان بَس باعي هذا الولد ديباوع النا من گعدنا لهسَة
ولا ارتاحيَت اله مو راحة شكلَه
- جُمان: حچيت واني داراجع المادة اي مو دتباوعيَن اله هَو هم ديباَوع الچ لا تباوعين
ما احَس اله كفخة ع راسي اجتني منهَا
- منَار: من فلك طرج يمتىٰ باوعت اله اني مو داقرة وياج بس كُل شوي دارفع راسي وهوَ نفس نظراتة مثببتَة هَو ديباوع هَو
- جُمان: اقري منَار اقري ياولد يا صخام راح يشَوينَا شوي دكتور علَي بَعد يا نظرات دتفكريَن بيها فكري بالامتحان
- منَار: مخلصتَها بس تهبطيَن وتخوفيَن بيَه وهسَة راح انسىٰ
كُل شيء من وره هلخوف انلصمي
-جُمان: انلصمت بس اليوم مراح نجاوب
-منار: والله؟
-جُمان: هيج داشوف ليش احنة شوكت ماصرنة دور ثاني بوجود الدكتور علي !!
-منار: الدور الثاني للعظماء خليها ببالج
-جُمان: أي گري وذ يو
-منار: بس انتِ تجاوبين لتخافين
-جُمان: راسبة رسمياً
صار وقَت الامتحان دخلنَا للقاعَة وهلمَرة صدگ فهيَت بيه اريد استَوعب شيء وافتهمة ماكو بحيَث اول مطلعت تحلفتَ بمنار اكتلها
- منَار: يمة شني هَاي كُلشي ما افتهمت بقيَت صافنة چني مطي
روح يا دكتور علَي ان شاء الله اليَوم مرتَك تجيَها الشَهرية وتطگها الهرمونات صفح وتنكد عليَك وعساك مابقيت بيتَك اليَوم يمة درجتي صفر مبيَنة صفر والعباس
-جُمان: تحلفت اكتلج بس أدركت الامتحان صعب وكلها دتتلاطم
-منار: جاوبت علىٰ سطرين
-جُمان: اني هم
-منار: بلكت ننجح
- جُمان: دمشَي يَلا مو جاوبنَا يمكن ناخذ 2 لو 3
منَار: صح 2 لو 3 اشرف من الصفر ع الاقل اكو جهَد
بقيَنا نسلك لنفسَنا ونهونها على بعض شلون مانعرف وحدة تچذب علىٰ اللخ لأن اذا طگتنة نفسيَة بعد ماتفَك ونبقىٰ طول اليوم منفسيَن..
خلصنا باقي المحاضرات اجة الخط وصعدنا وصلت للبيت وقبل ما أنزل گالت ..
- منَار: جُمان خابريني خابريني هَواية سوالف وهَواية حَش اكو
-جُمان: حَش ثگيل لو خفيف
-منَار: لا والله خفيف ما اتوقع ناخذ عليَه ذنوب
نزلت ومشيت دخلَت لبيتنا وصحَت ماما بصَوت عالي ماكو استغربت من ما اجاني صوتها مو مثل عادتهة أول متسمع طگة الباب يجي صوتهة قبل صوتي .
رجعت صحت بأسمها ما وصَلني اي صَوت عقَدت حاجبي فتحت حجابي وشمرت جنطتي بخوف ..
ومشَيت دخلت للمطبخ وچان اشووووووف امي !!!!
